رواية هدية الشيخ هشام الفصل التاسع عشر 19 بقلم التميمية

افهموني💔

حوراء غفت لحظات بس...وحست بأنفاسه على خدها..همسلها..حوريتي تعاي وياي....

فزت وباوعت محد اكو يمها والغرفة ظلمة تهسترت وكامت برعب وتدعم وهي مرعوبة وادور وين الضوى...

شعلته وشافت الغرفة فارغة البنات طالعات ومطفيات الضوى حتى تنام...باوعت بغربة وعين كسيرة...وتكول وينه توه همس بذاني وينه...وظلت تنحب وتبجي بحركة...

اجت رقية وشافتها تبجي:حور حبي كافي بجي ليش هيج تسوين بنفسج..هو انتم اول ثنين يصير مشاكل بينكم..هاي كرار ونسمة هم يصير بينهم مشاكل

حوراء ببجي:مشكلتي صعبة رقية صعبة

رقية:ليش شنو هيه ليش معقدة الأمور هل كثر

حوراء مسحت دموعها:اريد انام..ماريد ابقه كاعدة.. وياريت ماكعد بعد

رقية:ولج اسم الله لا تكولين هيج..نامي ارتاحي

حوراء:لاتطفين الضوى فدوة 

رقية:صار..نامي.....طلعت رقية..

وحاولت تنام...وغفت بعد دموع..وكل شوي تحلم بهشام يجيها وتفز ماتلكاه وتكعد تبجي...

منسدح عالجلسة بالديوان ويفكر ومايروح من باله الي صار الفجر..يدور راسه ويفتر..وكلبه يوجعه..وكاعد يتذكر تصرفاتها وياه ويربط شي بشي...

وكل شوي تجي ذكرى تألم كلبه اكثر..وكل الذكريات جانت بريئة بكل عفة وماتعرف تمثل بمشاعر ولا افعال..مجرد بنية تتصرف على فطرتها....

تذكر قبل جم ليلة..يعني قبل روحته للزيارة بأيام....

هشام نايم عالسرير ويباوعلها مبتسم وهي تباوعله وبعيدة عنه...كلها تعاي بويه بحضني...

حوراء بخجل:لا شيخي ميصير

هشام:ليش ميصير يابه

حوراء بخجل وماعرفت شون تكله:مو مم...مو هاي اجت وميصير

هشام:هي منو اجت

حوراء وجها صار احمر:هاي الي تجي كل شهر شيخي شسالفة

هشام ضحك:ولج وانه جاي افكر منو هي الي اجت طلعت هاي هيه هههه..تعاي بحضني اشوف

حوراء بخجل:لا مواكلك ميصير..امي كلتلي ميصير الرجال يلمس مرته من تجي

هشام:ومنو لامسج عيناي انتي تعاي اعرف حرام شنو منين جاي..عشرين سنة مزوج..ومو وعدتج ماسويلج شي

شوكت تقتنعين

حوراء:لا مو هيج والله بس اذا اجيت بحضنك وهاي لمسة ميصير

هشام فهم قصدها انو هي فاهمة هالسالفة غلط...

هشام:وامج ماعلمتج ليش حرام الرجال يلمس مرته بوقتها

حوراء هزت راسها بلا:بس كلتلي حرام وميصير

قصص وروايات عراقية كرار صلاح

هشام خرب ضحك على فطرتها صدك ضحكته وصدك فطيرة وفاهية...ومستغرب شدعوة هل كثر فطيرة وماتعرف شي...

هشام يضحك:لج بويه مو هيج موهيج..فاهمة غلط..شلون افهمج اياها هسة..يابه تعاي وعود الله كريم يجي يوم تفهمين ليش حرام ههههههههه..ترى ما مقصود لمسة الأيدين لا بويه..تعاي اشوف

حوراء راحتله وخجلانة ونست نفسها عود صدك جاي تناقش هشام بهالموضوع...

نومها بحضنه وعلى ايده وكالعادة دكات كلبها خاينة وتخونها الف مرة وادكله بكل عشك.....

رجع للواقع ولزم كلبه.. ويكول مستحيل تمثل هالشي مستحيل..الوصخة والموزينة مبينه...ويكول استغفر الله اعوذ بالله..مستحيل اصدك حوراء تكدر هيج تسوي...

هشام بحسرة:ياربي ساعدني قوتك يارب هاي اصعب شي مر بيه..من بعد سالفة كرار عبالك ميته عندي..صعبة ياربي صعبة هي ملكت روحي وبعدت عنها بس حتى ما اذيها واجبرها وتالي اكتشف انها مو.......ماكدر ينطق الكلمة وحس كلبه وجعه حيل حيل...

اما هي كاعدة بغرفة رقية بعد ما شافت حلم هشام اجاها وماكو هو من فزت.. وظلت تباوع للفراغ والحزن الي بكلبها ماينوصف..توه يالله وكفت دموع....

اجتها رقية مرة ثانية اطل عليها وشافتها هيج وعيونها مورمات من البجي كعدت يمها...

رقية:حوراء حبيبتي هشام شبي وياج..احجيلي سركم ببير والله هو اخوي واعرفه عدل يمكن اساعدج..هي امي كالت خلاف بينج وبينه

حوراء التفتت الها واتجمعن الدموع بعيونها ودنكت راسها وطاحن دموعها...

حوراء بدموع:راح ابقه طول عمري مو كد الشيخ..ماسوة ولا شي انه..رقية لا تخليني لوحدي اليوم مرتين مفكرة اموت نفسي ماريد افقد عقلي وديني فدوة لتخليني

رقية لزمت وجها ومسحت دموعها:ولج شهل الحجي تخبلتي من اول خلاف تردين تنحرين شنو هالتفكير صدك عود

حوراء رجعن طاحن دموعها:ياريته خلاف ياريته..رقية انه فقدت اعز ما املك وصارلي سنين اوهم نفسي مافقدته ومابيه شي...وظلت تنحب بكسرة كلب...

رقية انقهرت عليها وماتكدر تظغط عليها تحجي اذا تريد هي تحجيلها بنفسها...

رقية:ترا هشام والله كلبه طيب وماراح يطول زعله عليج..مهما يكون الي صاير بس اعتذري منه ويسامحج

حوراء:بهالخطا مستحيل يسامحني..وانه مظلومة رقية مظلومة بداعت ابوي الماعندي اغلى منه.....

ظلت رقية يمها وتهدي بيها وتمسح بدموعها...

صار الليل وهي مابطلت بجي وماطلعت من غرفة رقية..بس ماكلتلها السالفة..وشكد حاولت تطلعها من الغرفة ماقبلت ولا قبلت تاكل ولا شي...

ايمان تتسائل شبيها حوراء وليش بغرفة رقية وهشام مادخل البيت اليوم وطالع...وهاي حوراء ماطلعت من غرفة رقية...

هي ايمان ماتدخل غرفة رقية وماتشتهيها وتكرهه همين...

هو هشام طالع رايح بيت حازم..يسأله عن العار مو بارد كلبه عليه..يكله بالمستشفى وكايل لأهله والشرطة تعرضولي شباب ماعرفهم...

وكله عليه قضية سطو على بيت..وسمعته بالطين ومسبب لأبوه اذية وكلش محد يحترمه ولا احد يأمن بي..ومعروف بالشرب والبنات والتحارش...

هشام يكله هذا عار عالمجتمع حرام يعيش..ويتذكر من يوم نقذ هالبنية ومومصدك هي نفسها حورية كلبه..مايتذكر ملامحها لان ماركز بيها بوقتها...

ومن يتذكر الذكرى كلبه ينعصر..وبقه بيت حازم كاعد يمه بالديوانية وابد مو وياه بعالم ثاني..هالألم ماينجرع...

رقية جاي تحجي ويه مخلد ونايمة بصف حوراء..هي دايرة وجهها وعبالها حوراء نايمة...

مخلد:شتسوين وقاوي حبي

رقية:احجي عدل مخلد لا تقلد عليه

مخلد:عيونه لمخلد انتي..وهاي راح احجي عدل..بس والله اعشقه للواو قصص وروايات عراقية كرار صلاح

رقية ضحكت:شتعشق بي ولك غير اموت من هالسالفة والله

مخلد:اشوفه حلو عيني ماعليج انتي بي لا تضوجين..عود لو ضجت منه انه

رقية:والله لو حششت عليه مثل كرير اموتك واسحلك سحل مخلد

مخلد: اوووف حلالج اني سحليني موتيني شنقيني بوسيني حضنيني

رقية:ههههههههههه ابو دروب شجاب ذني لذنيج

مخلد:عادي يصيرن بنات عم وحدة تزور الثانية..اما بوسيني هاي ظالة حسرة بنص كلبي وكبدي وامرضه شفتي صايرة تتحلم ببوستج..واجي يمج لو الظابط كرار يمي لو تبيعين ثكل بويه والله مجمعهن وحدة وحدة وعلي من قبل لا اخطبج

رقية:هههههه وظل احلم حبي مادام الظابط كرار موجود تحلم ببوسة عيني..كرار يكفي ويوفي عنه وعن ابوه ههههههه

مخلد:اشوف الشيخ ماجه وكال لا تكعد يمها..بالعكس ذاك اليوم كلي مخلد خويه اختي عدها جفاف صارلها هواي بس تجي بوسها يمعود بوسها

رقية:هذا الشيخ الي كلك جاي بحلمك ههههههههه

حوراء سمعت سيرة الشيخ كامت كعدت ولازمة دموعها وظلت تستمع لرقية جاي تحاجي خطيبها..وتمنت مثل كل ليلة لو هسة هي يم شيخها وتكعد تسولف وياه مثل كل ليلة...

عيونها دمعن مشتاقتله ولأبتسامته التعشكها..عبالك دهر بعيدة عنه مو بس اليوم..نزلن الدمعات الي حركن خدها طول اليوم وصايرات جفونها حمر وخدودها حمر وخشمها....

مسحتهن وهي صافنه وتفكيرها بالشيخ وتكول وينه هسة ياترا...

خلصت رقية مكالمة:ها حوري بيج شي

حوراء:مابيه..تحاجين خطيبج جنتي

رقية:اي حبي زعجتج اسفة

حوراء:لا لا براحتج غرفتج حبي..اصلا ماجنت نايمة بس هيج مسدوحة وافكر

رقية:مو جوعانة اليوم كله ما اكلتي

حوراء:لا ماشتهي..بس صدري يوجعني حييل

رقية:هااا ليش..خاف حامل ولج

حوراء:وين رحتي يمعودة ياحمل..صدري جوى ظلوعي يوجعني وبي نقزه تموت

رقية:مال الجوع حبي مماكلة شي انتي..صبري اجيبلج اكل

حواء:ماريد اكل..بس اريد مبايلي بالغرفة بقه اريد احاجي ايوو وخواتي..هسة اليوم فقدوني اكيد داكين عليه

رقية:اي روحي جيبي وتعاي..لو راح ترجعين غرفتج قصدج

حوراء بغصة:لا مايريدني يمه بالغرفة..واخاف اروح اجيب تلفوني الكاه هناك ماكدر اروح 

رقية:لا هو مجاي من بره ليهسة توني جنت بره واجيت للغرفة..كومي جيبي الي تردينه قبل لا يجي

حوراء كامت تروح للغرفة حتى لو هو هناك وهي تريد تشوفه اصلاً..بس كلبها جمر...

راحت دخلت الغرفة بهدوء وكفت بالباب وماكو احد والسرير مخبوص خبص على حطته الفجر..وتذكرت الذكرى الي صارت ودموعها نزلت بألم...

حوراء:ياريت يصير بيه زهايمر او فقدان ذاكرة وانسه وانسيك كلشي صار...وسكتت وهي تتأمل السرير وتذكر من جاها مرة ثانية وماهتم تمنعه وتدفعه يتركها....

ومن تذكر مو هو فوكها والذكرى توجع وماتعرف شتحس بالظبط..اول ذكرى الها ويه حب حياتها وصارت بدموعها وبمصيبة...

حوراء بحزن:ياريت تنسه كلشي

هشام وراها واكف:هاي شسوين هنا

حوراء فزعت وصرخت بخوف..والتفتت اله وسكتت وهي تباوع لوجهه وشكله مظغوط وجهه احمر..هو من ينقهر يصير احمر...

هشام رجعله الم كلبه:مو احاجيج

حوراء دموعها طاحن:اشتاقيتلك شيخي واجيت اشوفك غربة يومي بدونك

هشام يتمنه يكلها انه مامشتاقلج ولا احس بغربة بعدم وجودج..ويدري هي بريئة وصار متأكد هي بريئة ومظلومة بس صعبة يتقبلها بعد...ماراح ينسه اخذها شخص قبله....

وماتغير بداخله ولا ذرة الها ويعشق هالوجه..والخديدات الي اذا مايبوسهن يحس بالنقص...

هشام جمع قوته:ياريت اكدر اكلج نفس الشي..ومد ايده يلزمها ويطلعها بس هي فزعت من من ايده وكشت وحظنت نفسها بخوف...

ضاج من هالنزة يعني خافت منه مثل اول ليلة اجت هنا...

هشام:طلعي منا ولا اشوفج هنا بعد ابقي يم رقية

حوراء رجعت ليورى:صرت تكرهني مو شيخي..تكرهني

هشام بقهر:آه بويه ياريت..ياريت اكرهج وبهاللحظة بلكي تطفه نار كلبي..ياريت اكرهج يمكن يهون عليه الصار

حوراء دموعها جمر وسكتت ماحجت ولا كلمة...وبقت واكفة وراحت طلعت من الغرفة وراحت رجعت لغرفة رقية...

وليلتها ماغفت عينها ولا عينه ابد...واحد يفكر بالثاني وكلوبهم نار...

اول مرة يحس بالغرفة هل كثر موحشة وغربه..حتى بموت فرات ماصار هيج شعوره...

وصار الصبح صاح على رقية وكلها صيحي لحوراء تجي اريدها...

حوراء كامت وهي تعبانة وكلبها يدك حيييل وتكول شيريد مني لا يكون كل لابوي السالفة وظلت ترجف تتخيل ابوها يعرف ماتت خوف....

دخلت الغرفة وهي ذبلانات عيونها وحمر وخشمها وخدودها..شافته كاعد عالسرير ولابس دشداشة سودة وبدون شماغه...

حاط ايدينه على راسه ومدنك راسه من اجت رفع راسه...وهي كفت كباله بتسائل وعيون كسيرة تباوعله...

حوراء بتعب وصوتها مبحوح:صحتني

هشام بهدوء بدون مايباوع عليها:حضري نفسج اوديج بيت ابوج قصص وروايات عراقية كرار صلاح

حوراء دموعها اجمعت وببجي:ليش كلت لأبوي كلشي انته

هشام:لاء وهذا سر ماتحجينه لاحد منو ماجان..اذا اكل لابوج تصير دم ويه بيت عمج خاف ماتدرين..وتصيرين سالفة يحجون بيها الجاي والرايح.. وشلون احجي على شرفي وعرضي..جهزي نفسج اخذج الهم ابقي هناك

حوراء بعبرة وشفايفها ترجف:ولشوكت ابقه هناك

هشام:يالله بسرعة ولسألين..بس شبر بره البيت ماطلعين لا بأذني ولا غيره..لا تخابرين عليه كلش ماريد اسمع شي منج ابداً....خلصي ولحكيني للسيارة....

اخذ شماغه لفاه على راسه بدون عكال وعافها وطلع....

وجهزت ملابس الها بدموع يمكن دموعها خلصن بكد البجي ولبست عبايتها وراحت طلعت ودعت رقية ونسمة ومستغربات ليش رايحة...

وايمان بالصالة كاعدة وتسولف ويه نفسها وتضحك على حوراء عرفت متخاصمين هي وياه.وشكد جبيرة الي هشام يريد ياخذها لأهلها بالعادة مايقبل تطلع المرة من بيتها وتحل خلافها ويه زوجها ابيتها...

بس حوراء ماهتمت بايمان كل الي هامها شيخها وحاسة هاي الروحة ما منها رجعة ابداً..راحت صعدت وياه وماتباوع ناحيته وعينها للجامه ومانطقت ولا حرف ساكته والحزن تملك روحها...

حرك السيارة وراحو اتجه لبيت ابوها وكل شوي يسترق النظر عليها..ويحاول يتجنب النظر بس مايكدر...

ويشوفها وجهها عالجامة ومانطقت ولا حرف...وصلو وكف وماحجه شي ينتظرها تنزل...

باوعتله بنظرة اخيرة..داير وجهه عالجامة وقابض ايده وعلى شفته وساندها على باب السيارة..وايد على الدركسون...

نزلت ونزلت ملابسها..وراحت ادك الباب...وهو يباوعلها تدخل جوى...

بوقتها بقت حوراء 13 يوم هناك عد اهلها وهشام حتى اتصال ماتصل بيها وهي تكضيها بالليل بجي وبالنهار تجامل وتبتسم جذب بس حتى مايحسون بيها...

بس ابوها حس بيها وسألها كلتله ماكو شي جاية يمكم ابقه اتونس واغير جو...يكلها تغيرين جو 13 يوم..كلتله مجرد خلاف بسيط بابا لاتفكر...

كلها الله يهديكم ماكدر ادخل بينكم..يعرف بته صغيرة واكيد مشاكل تصير....قصص وروايات عراقية كرار صلاح

بالليل تفاجئت ايو كلتلها اجه الشيخ عليج..وهي برغم حزنها طفرت طفرة وفرحت اجاها..مشتاقتله بكد الاكوان...

هو حس بالخنكه والغربه بدونها وراح يجيبها بس يريدها كدام عيونه بالرغم شوفتها تموت كلبه وتذكره بالصار بس مايكدر يكمل يوم بدون شوفتها....

وجهزت اشياءها وراحت وياه وهو مشتاقلها حييييل..وكحل عيونه بشوفتها..وهي همين....

حوراء بهدوء:شلونك شيخي

هشام رد بهدوء:على الله..اجيت اخذج مو حلوة بحقي كدام ابوج

حوراء حزنت يعني جايها مو مشتاقلها اجه علمود ابوها سكتت وطول الطريق ساكته وتباوعله بشوق وحزن وخذلان وألم وكلشي...والعبرة لازمتها بالكوة...

متغير وجهه تعبان شكله..وحزين..لابس نظارة شمسية هسة وحلوة عليه مطلعته غير شكل..وريحة عطره تتغلغل بأنفاسها...

رجعو البيت ورقية ونسمة استقبلوها بشوق..بس ايمان لا اصلا لاهية بخبالها هل ايام صايرة كلش وتشوف اشياء تخوفها...

مرات تكعد بالغرفة بحدها واحد يدك عليها الباب بالليل وتخاف كلش تموت خوف حتى تطلع بره ادور وماكو احد وكلها نايمين...

ظلت تشك بكرار يريد يخوفها لو هشام...حتى طلعتها خفت واهتمامها بنفسها..مالها خلك تحس ملل وماعدها هدف..لمنو تعدل وهشام ما معبرها...

(وهشام فارغلج لو اله خلكج يسوي سوالف مزعطة ويخوفج 😒)

خل نروح لابطالنه...

دخلت غرفتها مشتاقتلها وبيها ريحة عطر شيخها..التفتت شافته دخل..توقعت يفتح ايديه الها ويكلها تعاي بحضني...

بس اجتها صفحة من الخذلان ماقلدها حتى مايباوع عليها..حط سويج السيارة وراح اخذ شغلة من الكنتور ويريد يطلع...

حوراء لازمة دموعها بالكوة: ابقه بالغرفة لو اروح يم رقية

هشام بدون مايلتفت:وين ماتردين تبقين ابقي..وراح طلع...

وهي تفجرن دموعها وظلت ترجف شفايفها من شدة البجي..وقشعر جسمها من كد القهر والعبرة الي اجتاحت كلبها...

راحت بدموعها ورتبت ملابسها..ماتريد تطلع وتكعد ويه احد..دوم تبقه بحدها ورجعت انعزلت عن الكل...

راحت شمرت نفسها عالسرير وظلت تشم بمخدته..باوعت ورجعتلها ذكرى هذاك اليوم الي ماراح تنساه طول عمرها ولا راح يتغير...

تتمنى تفقد ذاكرتها تتخبل او اي شي ينسيها...بقت على هالحال عالسرير ونايمة على بطنها وتباوع للفراغ...

صارلها ليالي متنام ولا ترتاح كله بجي بالليل وبالنهار كاضيتها تسمع رزايل امها على ترتيبها وشلون ماتحط مكياج....

هي حور من ازوجت هشام تغيرت صارت احلى لان حفت حواجبها وجانت ماتحف لذلك تغيرت....

بقت بصفنتها وغفت وماحست غير بالليل..على حركة هشام..اخذ مخدته وطلع فراش من الكنتور ونام عالأرض....

كامت عدلت كعدتها وراقبته بألم شلون مبتعد عنها هيج..وبقو هيج ايام وايام وهو حتى قليل الكلام وياها...

وهي تموت حسرة وقهر وكله كاضيتها بجي وحزن ماينوصف..وتشوف هشام ميهتم الها ولو تموت نفسها تدري بي ماراح يتقبلها وينسه مستحيل....

كرار مستمر بالعلاج وهو ونسمه احلى ثنين..بس ملاحظين البرود الي بين هشام وحوراء...حتى كلهم

ومخلد ورقية احلى ثنين...

اما ايمان لاهية بنفسها الي ماتدري شصارلها وتتخيل اشياء وتشوف اشياء وكامت تسمع اشياء تخوف وتشوف كذلك....

هاملة نفسها وجهالها وتموت غيرة من حوراء..صايرة وهواسية كلش..تظن نفسها تحب هشام ومرة تظن هي تكرهه...وصايرة هوسة عليها....

حوراء ضعفانة وجهه اصفر شاحب وشفايفها دوم بيض من التعب والقهر...وكله مريضة هل يومين...

وجاي تظهر عليها اثار كلش قوية...واليوم معدتها متخربطة كلش...ونص نهارها كضته بالحمام تتقيأ...

اكلت خفايف وراحت لغرفتها...كعدت عالتلفون شوي وراحت تريد تنام...كامت دخلت الحمام..ولعبت نفسها ظلت تتقيأ...

اجه هشام وكالعادة يدخل ساكت وميحجي ولا شي..ويروح ينام وبس ويكوم للصلاة الفجر حتى مايكعدها...

سمعها تتقيأ بالحمام..كلبه وجعه عليها بس تظاهر بعدم الاهتمام..انتظرها تطلع وراح غسل...وطلع نام...

وهي بقت هيج لمن غفت وهي حزينة والدموع كالعادة ماتتركها...

فزت نص الليل وكضتها بالحمام طول الليل..حتى انزعج هشام وضاج عليها...صار الصبح...

هشام شافها تعبانة كامت من الفراش:خيرج شنو ماكلة هيج صاير بيج قصص وروايات عراقية كرار صلاح

حوراء كلبها دك حيل من زمان مامهتم الها ويسالها ولا يحاجيها قليل..

هشام:مو احاجيج

حوراء دنكت:مابيه شي يمكن حايشني برد..ماكلت شي ثكيل

هشام:اهااا.....

مرت يومين وحوراء نفس حالتها لا زادت اصلاً...عمتها تكلها اخذج للمستشفى كلتلها لا بس معدتي دوم ما تتحمل شي....

العصر هشام كلها بدلي ولبسي عبايتج اخذج للمستشفى.......

الفصل العشرون من هنا 

شكرا لزيارتكم عالم روايات سكيرهوم