رواية بنات نعمة الجزء الثاني (الدرويش) الفصل الاول
يااااااااه 30سنة وانا منتظر اللحظة دي ، عارفين
يعني إيه 30 سنة يضيعو من عمر بني أدم ؟!
خلوني أحكيلكم حكاية صغيرة كده عالماشي
من 30 سنة كان في واحدة بتخدم في بيت المغازي كان كل
همها إنها توفر لقمة حلال ليها هي وأمها وتوفر كمان علاج
أبوها العاجز ، كان عمرها تقريبا في الوقت ده 17 سنة ،
كانت بتتعرض للإهانة والضرب من الكبير والصغير ملقيتش
حد يقف جنبها ويراعي قضيتها في الحياة ملقتش سند ولا
دعم ، ومع ذالك كانت قد المعاناة وكان كل أمنيتها إنهم
يعاملوها بما يرضي الله ويسيبوها في حالها ، طبعا شغل
البيت كتر والبنت أصبحت مضطرة تبات في بيت المغازي
تحت رجلين المواشي في عز البرد وياكده ياإما تمشي
ويشوفو واحدة غيرها ، المهم البنت إستحملت وكملت وكان
كل يوم البنت كانت بتحلو في عين مرسي بيه هو وأخوه
بس البت كانت طاهرة وشريفة وبتصد أي حد يفكر يقربلها
، طبعا مرسي بيه إتجنن إزاي الخدامة بتاعتهم تتنك عليه
وترفضله طلب ! عمنا مرسي بقا عمل حاجة حلوة
خد أخوه وفيق يقف ليه كلب حراسة لحد ما يدخل مرسي
بيه يغتصب البنت المسكينة ال نايمة تحت رجل المواشي
والوحيدة ال شافتهم وكان في إيديها ترحم المسكينة وتقول
كلمة حق ، جت عند الجد وقالت مشوفتش عشان تحافظ
على بيتها ومتقفش في وش بيت المغازي ودي بقا كانت
الست نعمة وسبحان الله
وكأن التاريخ بيعيد نفسه هههه ال حصل مع البنت المسكينة
هو نفسه ال حصل مع بنت نعمة ، بس الفرق إن بنت
نعمة خدت حقها وقتلت إبن مرسي بس البنت المسكينة
مقدرتش تعمل حاجة ، المهم البنت المسكينة طلبت من
مرسي بيه يتجوزها ويستر عليها راح عمنا مرسي قالها إنتي
اتجننتي! بقا انا مرسي المغازي أتجوز خدامة ، المهم ياسيدي
البنت حياتها إتدمرت ويوم في التاني إكتشفت إنها حامل
ومكانش قدامها غير إنها ياتعترف لأمها وأبوها ياتموت نفسها
بس هيا عشان كانت عارفة ربنا كويس قررت إنها تعترف
لأهلها ، فعلا أهلها وقفو في وش بيت المغازي وكانت النهاية
إنهم يموتو محروقين وبقدرة ربنا البنت تعيش وتهرب بره
البلد ويلاقيها شيخ وهي قاعدة بتبكي قدام الجامع قالها
مالك فحكت ال حصل فقرر يكتب عليها ويستر عرضها
ويكتب الولد بإسمه بس مطولش كتير ومات لأنه كان عنده
60 سنة ، بعدها عاشت الأم في معاناة عشان تربي إبنها
وتكبره لاجل ما ياخد بتارها من كل ال ظلموها
أكيد عرفته أمي مين دلوقتي ياظلمة ؟ أمي تبقا الست صفية
يامعلم مرسي واخد بالك يامعلم وفيق انت والست نعمة
جه الدور بقي عشان تشوفوني تعالي ياأمي نرحب بالضيوف
مسك المجهول في إيد أمه الست صفية وطالع عليهم من
وراهم بيغني وبيقول ( طوفان الدم جاية والكل هيغرق )
نعمة .. أنت!!!!!!!!!!!!!!؟؟
مرسي .. المجهول !!!!!!!!؟؟؟؟؟
وفيق .. مين !! مش معقول !!!!!!؟؟؟
المجهول .. أنا الدرويييييييييش وحييييييييييييي
😂😂😂😂😂
صفية .. ياااااه مرسي ووفيق ونعمة، أخيرا جه اليوم ال
شفتكم فيه مرصوصين جنب بعض ومرعوبين من ال
هيجرالكم، والله براوة عليك ياولدي وعدت ووفيت
الدرويش .. قعدت سنين وسنين من عمري أعد لليوم ال
هشوف وشك فيه ياأمى منور ومبتسم كيف قمر 14
مرسي .. طلباتك ياصفية ؟
صفية .. هههه طلباتي مش هتقدر عليها يامرسي
مرسي .. معاكي من جنيه لمليون
صفية .. ههه حمار يامرسي
مرسي .. أمال عايزة إيه عاد !!؟
صفية .. عايزة أطلع كبدك وأقرقشه بسناني يامرسي
وفيق .. خديلك قرشين أنتي وولدك وقبه على وش الدنيا
وأنسي ياصفية
صفية .. هههه غشيم زي أخوك
نعمة .. إتغيرتي ياصفية والشر ملا قلبك وعما عنيكي
صفية .. قتل امي وأبوي والذل ال شفته يعملو اكتر من كده
فجأة دخل واحد من رجالة الدرويش وصرخ وقال في رجالة
كتير بسلاح جاية علينا
الدرويش .. كيف!! طب يلا بسرعة خدو دول يقصد نعمة
ومرسي ووفيق على العربية روحي مع الرجالة ياأمي وانا
هجيب عيالهم وأحصلك
فعلا صفية وشوية من الرجالة خدو نعمة ووفيق وهربوا
والدرويش فك ريهام وناصر وفؤاد وطلع وراهم بس قبل ما
يحصلهم إتفاجئ برياض وهدى ورجال نعمة وضرب النار اشتغل
نزل الدرويش من العربية وهرب في وسط الزرع بعد ما خد
رصاصة في كتفه
هدى قدرت تنقذ ريهام أختها ولقيت معاها ناصر وفؤاد
هدى حضنت أختها وقالتلها فين أمك ؟!
ريهام .. صفية خدتهم
هدى .. صفية مين ؟!
ريهام .. أم الدرويش
هدي .. درويش !؟
ريهام .. بعدين هفهمك المهم بينا نلحقهم
هدى .. طب بالمرة اخد حقك وحق جوزي ورفعت سلاحها
في وش فؤاد وناصر وضربت فؤاد برصاصة وقع ع الأرض
ناصر جري عليه وقالها ليه ياهدى ليه!!!
هدى .. الكلب ده كان لازم يموت بعد ما قتل جوزي قدام
عيني بدم بارد وحرمني منه وأنت كمان لازم تنقتل
ريهام ..وقفت قدام ناصر وقالت لا ياهدى ناصر يبقا جوزي
هدي .. جوزك ؟!!
ناصر .. اهدي ياهدى وإحنا هنفهمك كل حاجة بس الأول
نلحق امك وابوي وعمي مرسي صفية والدرويش هيقتلوهم
ريهام .. اهدي ياهدي ناصر أنقذني من مرسي وهربني عشان
يحميني يلا خلينا نلحق أمك وهفمك بعدين
بالعافية هدي نزلت سلاحها وراحو ورا امهم بس معرفوش
يوصلو ليهم
--------
في بيت نعمة
تغريد .. اهلا ريهام ازيك يااختي وحشاني الحمدلله إنك بخير
ريهام .. 😭
تغريد .. مالكم باصين لبعض كده ليه ؟! وامي فين ياهدى ؟!!
هدى .. امك مخطوفة ياتغريد
تغريد .. اميييييي 😭
هدى .. اكتمي عاد ياتغريد أمك بخير وعارفين مين ال خطفها
تغريد .. فهموني في إيه😥
هدى .. تعالى ندخل أوضتنا وأنا هشرحلك كل حاجة وأنتي
كمان ياريهام هاتي جوزك من بره وخديه على أوضتك
تغريد .. جوزها !! مين ده ؟ ناصر!!!!!
هدي .. اهدى ياتغريد دلوقتي ناصر بقا جوز ريهام يعني بقا واحد منينا
تغريد .. كيف ده!!؟
هدى .. قولتلك هفهمك ودلوقتي خدي ناصر وروحي على اوضتك ياريهام
____________
ناصر .. حقك عليا ياريهام انا مش عارف أقولك إيه
ريهام .. انت تخرس خالص وأفتكر إننا كده خالصين انت
أنقذت حياتي مرة وأنا كده ردتهالك
وبعدين ممكن أعرف إيه ال خلاك تيجي ورايا بعد ما سبتني
ناصر .. الذاكرة رجعتلي بس للأسف رجعت متأخرة شوية
وبعد ما أفتكرت كل حاجة رجعت عالبيت وهناك عرفت ال حصل
ريهام .. ايه !؟
ناصر .. ايوة بقيت فاكر كل حاجة
ريهام .. وكنت مختفي فين بقا بعد ما سبتني
ناصر .. ها ،، كنت ااه، ( ناصر مقدرش يصارح ريهام ويقولها
إنه كان عايش في بيت سمية )وقالها إنه كان قاعد عند واحد صاحبه
ريهام .. عالعموم خلينا نرجع أمي الأول وبعد إكده كل حي مننا يروح لحاله
ناصر .. بصراحة لما شفت خوفك عليا وكدبك على أختك لما
قولتيلها إني جوزك ، إتمنيت في اللحظة دي إن كنت ابقا جوزك فعلا
ريهام .. متفرحش قوي إكده أنا قولت كده عشان كانت هي دي الحاجة الوحيدة ال هتشفعلك عند هدى وتخليها متخلصش عليك
ناصر .. بس هدى أختك اتغيرت قوي ياريهام
ريهام .. فعلا هدى مكانتش إكده أنا حاسة إنها مش أختي
هدي أل أنا أعرفها ! أنا بقيت بخاف من نظرتها! بحس إن كلها شر
ناصر .. هو فعلا فراق كامل جوزها وقتله قدام عنيها صعب
بس ده مش كفاية عشان يخلي أختك الملاك تبقي شيطان
ريهام .. أختي مش شيطان وبعدين أنت مالك وبتناقشني ليه
أصلا ! طفي النور واتخمد ع الارض😡
ناصر .. استغفرو الله العظيم قوام ما قلبتي ! وبعدين في
العيلة المجنونة دي
ريهام .. بتبرطم تقول ايه!!
ناصر .. ما بقولش ، اتخمدت أهو
__________
ثواني ثواني إيه ده !!
فؤاد بيلتقط أنفاسه الأخيرة بص بعينه شاف في حد جاي
عليه أبتسم وبدأ يحس بالأمل
الشخص الملثم وصل عند فؤاد وقعد على ركبته وبدأ يشيل
القناع ، الغريب إن فؤاد بعد ما شافه نظرات الأمل إتحولت
لنظرات رعب وبدأ يصحف على بطنه عايز يهرب منه
راح الشخص الملثم مسك فؤاد من رجله وجره وراه
