رواية دار الايتام الجزء الثالث (اللقاء المنتظر) الفصل الاول
لابد أن يكون كل واحدً منا قد مر بالكثير من تجارب الفشل والإحباط والألم والوجع والضعف.
وشعر للحظه أن الحياه قد توقفت
ولم يعد هناك فائده من الإستمرار
فيها. ولكن دائماً بعد كل كسر جبر
وفجأه يبرق الأمل في أعماقنا مثل سحابه محمله بالمطر تهطل علي صحراء الروح وكأنها تزيل كل الآلام. ويتحول الوجع إلي جنه خضراء وزهره نضره تُزين في أعماق القلب فتصبح حديقه من الورود.
ولو كانت الحياه ورده لكان الأمل هو عطرها. ولهذا علينا ألا نفقد الأمل و نحارب كي تظل الحياه
في قلوبنا. وألا نسمح للحزن ان يستوطن نفوسنا.
فإن حضر الأمل إختفى الألم
فالمستحيل كلمه لا توجد إلا في قاموس الحمقى.
والحياه ماهي إلا أمل يترقب التحقيق.❣️
عيشوا الحياه و تخطوا الصعاب
............💥💥💥💥
وقف الجميع وسط البهو الواسع
للدار ينتظرون كلمة عشق.
قبضت عشق بيدها علي المايك
وهي تشعر بالتوتر رغم الفرحه التي بداخلها.
عشق..بصوت مرُتجف مساء الخير
علي جميع الحضور شكراً من كل قلبي لكل حد جه النهارده و شاركنى أهم يوم في حياتى أنا و البنات في الحقيقه انا مش عارفه أبدأ منين و ازاى يمكن كنت مرتبه كلام كتير اوي أقوله ويمكن كمان
كتبت في الورق ده شويه كلام
مش حابه أبداً أني انساه. بس انا
قررت اني اسيب الورق وانسى اي حاجه رتبتلها و أتكلم معاكم بدون قيود.
الدار دى في يوم كانت بالنسبالي
كابوس أتمني أفوق منه أوقات كتير بيحصل حجات في حياتنا أو مواقف صعبه بتخلينا كارهين حتي الأماكن وحتي لو أحنا عارفين ان الأماكن دي مجرد جماد
لا بيتكلم ولا بيتحرك ولا حتي بيأذى بس غصب عنك بتبقي كارهها يعني زي ما بيقولوا ان الناس هي اللي ممكن تعمل من أوضه صغيره جنه وتقدر تعمل منها نار.
وبعد وقت طويل إتحول الكابوس ده لحلم بسيط حلمته في يوم.
حلم إتمنيت أحققه أني أحول المكان ده لجنه.كنت وقتها شايفه ان الحلم ده حلم بعيد أوي لكن مش مستحيل. كان عندي يقين بربنا وكان جوايا حاجه بتكبر كل يوم و بتأكد يقيني بالله.
الحلم أتحقق والدار بقت ملكي وقدرت أحقق كل حاجه فيها
قدرت احول النار لجنه يمكن الحفله دي أتاخرت كتير اوي وأجلتها اكتر بس كان لازم يوم
ما الحفله دي تتعمل يكون الحلم
اتحقق عارفه ان البنات استنوا معايا كتير اليوم ده و حلموا بيه زي ويمكن اكتر مني بكتير بس هما عارفين انه كان غصب عني كان لازم اعمل حاجه تليق بيهم كان لازم نتعب عشان يوم ما نوصل للحظه اللي احنا فيها دي نحس بطعم الفرحه والنجاح ونحول الحلم لحقيقه وواقع
المشوار ابتدا بحلم او مجموعه احلام مشواري كله كان عباره عن حلم عشان كده قررت اني اغير اسم الدار ويبقي ((دار الحلم))
حلم لكل بنت موجوده هنا وانا بوعدكم قدام الجميع ان اي حلم ليكم هعمل كل حاجه اقدر عليها عشان تبقي حقيقه بحبكم اوي
و تاني شكرا لكل شخص أهتم وقبل الدعوه و شرفنى.🙏🏻
سمعت عشق التصفيق الحار من الجميع وخاصتاً بنات الدار اللي كانوا طايرين من الفرحه و حسوا اخيراً انهم بني ادمين واخيراً اتحرروا من سجن (سماح).
ابتسم ليل لعشق ابتسامه عشق وقرب منها مد ايده ليها
مسكت عشق ايد ليل بحب❣️
ليل....مبروك يا أحلي عشق.
عشق...مبروك علينا يا حبيبي معنديش اي كلمه أقدر أعبر بيها عن اللي جوايا ليك يا ليل انا مديونه ليك بكتير اوي .
ليل...لو في حد فينا مديون للتانى يا عشق يبقي انا اللي مديون ليكي انا مهما عملت عشان أسعدك هفضل طول عمري حاسس انى مقصر معاكى انتي تستاهلي أكتر
بكتير من كل ده.
عشق..بحب بحبك يا ليل
ليل....وانا بحبك ياعشق الليل
ابتسمت عشق بإحراج طب ايه؟
ليل...بابتسامه جذابه ايه هتفضلي
تتكسفي مني لحد امته.
عشق..لحد ما تبطل تكسفني بكلامك اللي مش بعرف ارد عليه
ليل...يبقي هتفضلي مكسوفه علي طول يا قلب ليل.❣️
عشق...طب يلا امشي قدامي خلينا نروحلهم.
ليل...ايه ده 🤨انتي بتزقي؟
عشق...بضحك اه في إعتراض
ليل...لا بس هخاصمك
عشق...وانا هصالحك
ليل...طب ايه يلا
عشق...يلا ايه؟
ليل...صالحيني😉
عشق...بإحراج إتلم يا ليل وخليك مؤدب.
ليل...بضحك حاضر هتلم بس مؤقتاً لحد ما نروح البيت.
عشق...طيب علي فكره بقي انت رخم وانا همشي و أسيبك.
ليل....استني بس.
عشق...لا
ليل...طب هقولك.
عشق...مش هسمعك.
قربت عشق من البنات حضنتهم بحب.
تمارا...بسعاده مبروك يا عشق.
زهره...مبروك ياقلبي.
نور...مبروك يا احلي عشق.
عشق... مبروك علينا يا بنات
مر الوقت سريعاً وطلع البنات الي غرفهم ورحل جميع الحضور إطمئنت عشق والبنات أن كل شئ في الدار علي مايرام.
تمارا...بتعب ايه أحنا هنفضل ولا هنمشي انا مش شايفه قدامي خلاص.
زهره....اه انا كمان تعبانه اوي وعايزه اروح اخد تولين وحشتني اوي.
تمارا...انا مبقتش قادره أقف علي رجلي.
جاسر...ده اللي هو ازاي أيش حال أن مكنتيش لابسه كوتشي يابت نفسي مره اشوفك لابسه كعب😒
تمارا....مش فاهمه انت مضايق نفسك ليه افهم بقي انا و الكعب في بينا عداوه كبيره اوي. لا بطيقه ولا بيطيقني😒
عشق...بضحك ريح نفسك يا جاسر و متحاولش دي لبست كوتشي في فرحكم.😂😂
جاسر...والنبي اسكتي متفكرنيش.
تمارا...و متفكركش ليه يا سي جاسر إن شاء الله🤔
جاسر...الله في أيه بس يا وحش الحته انتي عايزه تفرحيهم فينا ولا ايه انتي عارفه انك حبيبتي
و عجباني في اي حاجه.
تمارا...بحسب😒
ليل...بضحك الله يرحمك يا رجوله
جاسر...بنظره غضب لتمارا عجبك كده جبتلنا الكلام.
نوح...يا خساره يا جاسر باشا الرجاله ماتت في الحرب 😂😂
جاسر...لتمارا بقول ايه يلا بينا عشان واضح ان الحفله لسه ليها فقره تانيه وشكلها هتبقي عليا
تمارا...بضحك ماعاش ولا كان اللي يعمل عليك حفله ياقلبي.
جاسر...بابتسامه قلتلي ياقلبي🤪
ليل...بضحك أخص عالرجاله😂
جاسر مسك ايد تمارا منك لله ياتمارا قدامي😡
مشيت معاه تمارا وهي بتضحك والبنات والشباب مش مبطلين ضحك.
خرجوا كلهم بره الدار بعد ما الامن قفلوا وراهم و اطمنوا علي البنات.
ليل...اتمني تيجوا الصبح بدري عشان عندنا شغل كتير.
ادم...قول يارب انا هموت وانام
ليل...لا وحيات امك متلمحش علي اجازه.
ادم...ياعم انا نطقت😒
عشق...بقول ايه ما تسيبوا الولاد نايمين وخدوهم بكره حرام تقلقوهم.
زهره...لا انا مش هقدر تولين وحشتني.
تمارا....وانا كمان مش هعرف انام من غير تيا.
زهره...وبعدين انتي فاكره اننا لو وافقنا نسيبهم هيخلوكى تنامي لحظه ده لو صحيوا بليل هيطلعوا عينك.
عشق...انا بس صعبان عليا تاخدوهم وهما نايمين كده.
جاسر ..لا خلينا ناخدهم احسن انا بصراحه مش هقدر انام و تولين بره ومضمنش الواد سليم صراحه
ليل...ليه هو طالعلك بتاع بنات ولا ايه🤨
تمارا..هي ليله مش فايته مين اللي بتاع بنات يا ليل.🤔
جاسر....منك لله ياليل ياستي بيهزر يلا بينا نمشي من هنا بقي احسن انا عندي إحساس كده بيقول ان الليله دي غامقه.
تمارا...بضحك لا سيب موضوع الإحساس ده لعشق هي خبره فيه.
جاسر....مانا شكلي أتعديت.🤨
في اللحظه دي رن تليفون ليل.
ليل...بإستغراب ده أحمد الامن بتاع الشركه.
نوح...وده عايز ايه الوقت.
ليل...مش عارف.
جاسر...طب رد عليه شوف عايز أيه انا قولت انها ليله غامقه😫
ليل...الووو
احمد الامن....ايوه ياليل باشا الحق بسرعه.
ليل...بصدمه في ايه يا احمد؟
احمد...كنت في الحمام رجعت لقيت الامن اللي معايا في الشفت واقعين ومتعورين جريت بسرعه بصيت في الكاميرات لقيت كام واحد ملثمين دخلوا الشركه وحطوا في الدور اللي فوق اللي في مكتب حضرتك حاجه وواضح كده انها قنبله. انا خرجت بسرعه من الشركه لان مفيش غيري كل الامن مضروبين وواقعين عالارض قولت ابلغ حضرتك.
ليل....طب اقفل يا احمد وانا جاي بسرعه خليك بعيد متقربش من الشركه لحد ما اجيلك.
احمد...تمام يا باشا.
قفل ليل بسرعه الخط وباين علي ملامحه القلق.
جاسر...في ايه ياليل؟
نوح....أحمد عايز ايه؟
ليل....أحمد بيقول انه دخل الحمام رجع لقي باقي الامن مضروبين وواقعين علي الارض وبص علي الكاميرات. لقي في مجموعه رجاله ملثمين ودخلوا حطوا حاجه في المكتب عندي وبيقول انه شاكك انها قنبله.
اتصدم الجميع بمجرد ما حكالهم ليل.
جاسر....انت بتقول ايه؟
ليل...مش وقته يا جاسر احنا لازم نروح الوقت الشركه بسرعه
عشق...برعب تروح فين ياليل انت أكيد مش هتعمل كده.
ليل...عشق مفيش وقت احنا لازم نروح فوراً لو فعلا الناس دي حطت قنبله زي ما الامن بيقول تبقي مصيبه وناس كتير هتتأذي
وكمان الامن هناك واقعين جوه الشركه لازم ألحقهم بسرعه.
عشق...بدموع لا يا ليل مش هتروح ولو مصمم خدني معاك.
ليل...مسك وشها بأيده عشق ارجوكي الوقت اللي بيعدي ده مش في صالحنا متخافيش يا حبيبتي مفيش حاجه هتحصل بس لازم نلحق بسرعه. ونادي بسرعه لمجموعه من الجارد اللي معاه وطلب منهم يوصلوا عشق و تمارا وزهره ونور ووالدته و والدت جاسر للبيت.
عشق...بخوف عشان خاطري خدني معاك.
مسكها ليل من ايدها ومشي بيها علي العربيه ركبها وقفل وراها بسرعه.
ليل....للجارد تخلوا عينكم عليهم تطمنوا انهم دخلوا لحد الڤيلا وتحاوطوا الڤيلا كلها مفهوم.
الجارد...مفهوم ياليل باشا.
سهام...ليل متروحش عشان خاطري بلغ وخليك يا ليل.
ليل....بهدوء واسيب الناس يا امي في خطر؟؟ ارجوكي روحي انتي والبنات وخلوا بالكم من بعض انا هرجع علي طول وهطمنكم
سهام...ربنا يستر.
ليل...يلا يا جاسر اركبوا عربياتكم بسرعه.
تمارا...بخوف جاسر خلي بالك من نفسك.
جاسر...متقلقيش يا حبيبي سلام.
اتحرك الجارد بالعربيات علي الڤيلا
رحل ليل سريعاً وتبعه الشباب كل واحد في سيارته وباقي الجارد وراهم
بلغ ليل الشرطه فوراً قبل ان يصل وعمل كل الاتصالات اللازمه
وفورا أتحركت الشرطه بأقصي سرعه.
وصل ليل اخيرا الي مقر الشركه كان الزحام كبير جدا عربيات شرطه وإسعاف ورجال أمن وضباط مفرقعات.
منعوا ليل وباقي الشباب من الاقتراب.
رجعوا كلهم بعيد عن الشركه.
وفجأه...ظهر العقيد بدر الخياط ضابط المفرقعات
اشهر ضابط مفرقعات في الداخليه💥
وقف بدر علي المدخل الرئيسي للشركه بطلته المرعبه
بدر...أخلوا المكان فورا مش عايز اي حد قريب من المكان هنا بسرعه.
جاسر.... وده مين ده🤨
ليل....ده بدر الخياط.
جاسر...مين بدر الخياط ده؟
ادم...وعامل فيها بورم و لافف المجره في حد الدنيا ميعرفش مين بدر الخياط
جاسر....اه انا معرفش.😏
ليل....يا ابني ده اشهر ظابط مفرقعات.
ادم...هو ده فاضي غير للنسوان
جاسر....علي اساس انك عارفه
ياوزير الداخليه وبعدين مالهم النسوان يعني مش فاهم هو في احلي منهم.😉
نوح...فينك يا تمارا تشوفي جوزك
جاسر...مابلاش انت يا سوسه وبعدين والله ما اعرفه.
أدم...يا ابني ده من فتره عمل شركه حراسات خاصه بيه وسيطها مسمع.
جاسر...خلاص ياعم عرفنا انه جامد.
ليل....بغضب ما تسكت منك ليه بقي. انتوا في ايه ولا في ايه خلاص شغلكم اوي بدر الخياط و نسيته القنبله اللي فوق؟
جاسر....ماتسكت يا ابني انت وهو صحيح انتوا في ايه ولا أيه.🙄
نوح...بصوت واطي جبان.😂
جاسر....ايده طرشه.😎
ضحك نوح وادم.
وبصلهم ليل بغضب بطرف عينه
وبعد وقت بسيط لمحوا بدر خارج
من جوه ومعاه مجموعه من الضباط ومن ضمنهم مهاب العربي صاحب عمره.
بدر للواء ...تمام يا افندم كله تحت السيطره.
اللواء..عمرك ما خيبت ظني يا سياده العقيد براڤو يا مهاب.
بدر....كله بفضل توجيهات سعادتك يا أفندم.
مهاب...شكرا يا افندم.
قرب ليل منهم هو والشباب
ليل...مساء الخير ياباشا انا ليل السيوفي صاحب المجموعه.
اللواء...اهلا يا استاذ ليل حابب اطمنك كل حاجه تمام .
ليل...طيب قدرتوا توصلوا لأي حاجه؟
اللواء....لسه هيكون في تحقيقات بس عايزك تطمن
ليل...طيب المفروض ايه اللي يحصل الوقت؟
اللواء...مفيش مجرد إجراءات روتينيه هيتعمل تحقيق بسيط معاكم عشان ياخدوا أقوالكم
واقوال الامن اللي اتضربوا يعني لو حد فيهم لمح حد او قدر يتعرف علي اي حد.
ادم...طيب هما كويسين يا افندم؟
اللواء...الاسعاف نقلتهم علي المستشفي بس متقلقوش كلهم بخير إصابات بسيطه.
نوح...الحمد لله.
ليل...مش عارف اقول أيه لسيادتك يا افندم بجد شكراً علي سرعه الإستجابه يعني لو مكنتوش جيتوا في الوقت المناسب محدش يعرف كان ممكن يحصل أيه.
اللواء...ده شغلنا يا استاذ ليل وبعدين لو في حد لازم تشكره هو سياده العقيد رغم انه عنده إصابه تمنعه من الشغل بنفسه لكن صمم ينزل فوراً لما عرفنا البلاغ.
ليل...بأبتسامه بدر باشا شكرا بجد انت جيت في الوقت المناسب والحمد لله من غير اي خساير لا في ارواح الناس ولا في الشركه انا مديون ليك بكتير اوي.
بدر...بأبتسامه مبادله انا معملتش اي حاجه غير شغلي وبس.
ليل...ازاي بس سياده اللواء بيقول انك مصاب.
بدر....صدقني انا معملتش اي حاجه استاهل عليها الشكر ده كله ده شغلي وانا لازم انفذه حتي لو بموت.
اللواء...طيب هستأذنكم شويه.
الجميع...أتفضل يا افندم.
ليل....ربنا يديك الصحه ياسياده العقيد وشكرا مره تانيه.
بدر....ليل باشا قبل ماتمشي كنت عايز بس اقولك حاجه مهمه.
ليل...طبعا أتفضل معاك.
بدر...اااا وفجأه قبل ما يبدأ كلامه بص بدر بعيد وكأن في حاجه لفتت أنتباهه.
طيب اسف ممكن لحظه واحده.
ليل...طبعا أتفضل.
مشي بدر كام خطوه كان شايف سيلا بتقرب عليه.
سيلا...بدرررر.😳
بدر....بغضب بسيط انتي بتعملي أيه هنا ياسيلا؟
سيلا....انت اللي بتعمل ايه هنا يا بدر هو مش انت المفروض عندك إصابه ومش بتنزل شغل بنفسك واللي بينزل مهاب وزمايلك والمفروض انك مفهمني انك بتنزل عادي لمكتبك وخلاص انت بتضحك عليا يابدر عشان متقلقنيش عليك.
بدر...انا مبضحكش عليكي ياسيلا وسواء هتقلقي عليا او متقلقيش انا كده كده هنزل يا سيلا شغلي
أكيد مش هبطله عشان متقلقيش
سيلا...انا مقولتش كده وعارفه انك أكيد هتنزل شغلك بس علي الأقل اكون مطمنه عليك ولا ده مش حقي. لما اكون قاعده في البيت مطمنه انك في مكتبك ومفيش اي قلق عليك واتفاجئ انك نازل شغل.
بدر....لا ياسيلا من حقك انا مقولتش انه مش من حقك بس كمان انا مكدبتش عليكي انا فعلا المفروض اني منزلش اي عمليه عشان الاصابه اللي في دراعي.
بس جالنا بلاغ ان في قنبله في شركه السيوفي ومهاب كان في عمليه بره هو واتنين من زمايلنا
وانا اللي صممت اني انزل سياده اللواء كان رافض بس قدرت اقنعه عشان مكانش في وقت دي ارواح ناس مش لعبه وانا عارف اني اقدر انزل وانقذ الموقف بسرعه يبقي ازاي منزلش.اللي عايز اعرفه بقي انتي هنا بتعملي ايه ؟🤨
سيلا...بارتباك انا انا.
بدر...اخلصي بتعملي ايه هنا من غير ما تقوليلي.
سيلا...بخوف بسيط انا بشوف شغلي زيك يا بدر.
بدر...ومقولتليش ليه انك نازله يا حضرت الصحفيه النشيطه.
كتمت سيلا ضحكها علي تريقته وغضبه.
رفع بدر حاجبه بغضب سيلا متضحكيش و تستفزيني نزلتي ليه من غير ما تقوليلي.
سيلا...والله يا بدر كلمتك مرتين موبايلك بيرن وانت مش بترد
بس انا عرفت نوني و استأذنت منها عشان تبقي هي شاهده لو رجعت واتخانقت معايا زي ما انت بتعمل الوقت.
حط بدر ايده علي جيبه يشوف الموبايل. الموبايل في المكتب شكلي نسيته.
رفعت سيلا حاجبها وكملت بقوه شوفت بقي يعني انت اللي غلطان
الوقت مش انا. والمفروض انا اللي ازعل عشان نسيت موبايلك كمان
بدر...بصلها بدر بغضب..هنشوف بعدين مين اللي يزعل يا سيلا
المهم خلصتي شغلك ولا لسه
سيلا...بابتسامه ايوه خلصت.
بدر....تقفي هنا و متتحركيش ثواني و جايلك
سيلا...حاضر.
جاسر....مين المزه دي اللي معاه
ليل...يااخي اتلم بقي شويه
جاسر...الله مش بطمن علي رجاله بلدنا.
نوح...بضحك اطمن يا ابو قلب حنين في كل الاحوال واقف مع بطل.
ليل...وحيات امك اتقل عليا يا نوح الكلب نروح بس و هخلي نور ترفعك.
نوح...بضحك ليه بس كده ياليل انا اخوك يا جدع.
ليل...استني عليا انت وهو.
جه بدر في اللحظه دي.
بدر...اسف جدا اني وفقتكم
ليل....لا ابدا مفيش اي حاجه.
بدر...طيب انا كنت عايز اقولك حاجه مهمه بس للأسف مش هقدر الوقت عشان لازم اروح المدام
ليل...طبعا.
بدر...ده الكارت بتاعي في كل ارقامي ياريت لو فاضي بكره
تكلمني و نتقابل في اي مكان يعجبك عشان لازم اقولك كام حاجه مهمه كده بخصوص اللي حصل انهارده.
ليل...تمام اوي ده بردوا الكارت بتاعي وانا هكلمك بكره انا عندي اجازه ونقدر نتقابل في اي مكان يعجبك
بدر...كويس جدا انا كمان اجازه خلاص هكلمك نحدد معاد و هشوفك بكره
ليل...ان شاء الله مد ليل ايده اتشرفت بيك ياسياده العقيد.
بدر....بأبتسامه الشرف ليا ياليل باشا اتشرفت بحضراتكم
ابتسم جاسر وادم ونوح
بدر....بعد اذنكم
الجميع....اتفضل.
ليل....تعالوا نبص بصه جوه ونطمن ان كل حاجه تمام ونطلع نشوف الامن في المستشفي.
جاسر....يلا بينا.
...........
بدر....مهاب انا همشي مع سيلا هروح اجيب التليفون بتاعي من المكتب وانت خد العربيه بتاعتي
مهاب....تمام يا بدر انا رايح عالمكتب انا كمان همشي وراك وخدها من هناك.
بدر...تمام يلا بينا.
ركب مهاب عربيه بدر وقبل ما سيلا تفتح الباب عشان تسوق.
بدر...بتعملي ايه يا ماما يلا اركبي هناك.
سيلا....بابتسامه حابه تلطف الجو علي فكره بقي دي عربيتي.
بدر....اركبي ياسلا عشان متغباش عليكي.
سيلا...بهزار متقدرش.
بدر....مسكها بدر من ايدها وراح بيها علي الباب التاني وفتحه وركبها وراح مكانه ركب وطار بالعربيه ووراه مهاب.
فضلت سيلا ساكته شويه وفضلت تبص عليه براحه.
سيلا...هو انت هتفضل مكشر كده ممكن أفهم انا عملت ايه زعلك بالشكل ده انا كنت بشوف شغلي زيك يا بدر.
بصلها بدر بطرف عينه ورجع بص قدامه.
سيلا...بدر بجد انا كده هزعل منك انا قاعده بضحك و بهزر عشان تفك وانت مصمم تفضل زعلان.
بدر...لما نروح يا سيلا وانا هيبقي ليا كلام معاكي انتي ونوني.
سيلا...و نوني مالها بس يا بدر انا اللي كنت بشوف شغلي هي ملهاش ذنب وبعدين انا قولتلك اني أستأذنتها.
بدر...بصوت عالي شويه وانتي متجوزه نوني ولا متجوزانى ياسيلا.
سيلا....بخوف بدر ممكن توطي صوتك من فضلك انت عارف اني بتوتر من الصوت العالي.
بدر...حاضر يا سيلا وطيت صوتي
سيلا...بدر من اول ما اتجوزنا احنا اتفقنا ان شغلنا ملهوش دعوه بعلاقتنا خالص صح.
بدر...ومن امته وانا بدخل في شغلك يا سيلا.بس احنا متفقين ان اي شغل يجيلك في اي وقت متأخر اكون معاكي ولو لأي ظرف مش عارفه تلاقيني متنزليش
سيلا...ازاي بس يا بدر هقولهم معلش مش هقدر انزل عشان جوزي مش موجود
بدر....انتي بتتريقي يا سيلا.
سيلا...لا يابدر مش بتريق بس كمان اللي انت بتقوله ده مش منطقي خالص انا مش صغيره ودي طبيعه شغلي انا صحفيه يا بدر ولازم اغطي اي خبر يحصل
وبعدين احنا مش هنخلص بقي من القلق اللي علي طول جواك ده انسي بقي يابدر اللي حصل من سنتين خلاص عدينا فتره القلق والخوف بترجعني تاني ليها ليه.
بدر....مقولتش انك صغيره ولا قاصد اني افكرك باللي حصل بس انا حقي اني اخاف عليكي ولا انتي شايفه غير كده.
سيلا.....لا يابدر حقك بس ارجوك بلاش طريقتك دي وبلاش تخاف زياده عن اللزوم وتعرف ان ده شغلي والاهم تعرف اني فعلا كلمتك عشان اقولك وانت مردتش
بدر....ماشي ياسيلا حصل خير.
رن موبايل سيلا في الوقت ده.
سيلا....الووو ايوه يا سمسمه
سما...بقلق سيلا عامله ايه
سيلا...بخير يا قلبي مال صوتك
سما....سيلا مكلمتيش بدر تعرفي هو ومهاب فين انا قلقانه علي مهاب المفروض كان رجع من شويه بس موبايله مقفول وبكلم بدر مش بيرد.
سيلا...متقلقيش يا قلبي انا مع بدر اهو كان عندهم شغل وبدر ناسي موبايله في المكتب واكيد مهاب نسي يفتح موبايله بس اطمني هو ورانا بالعربيه
أتنهدت سما براحه الحمد لله طمنتيني. بس قوليلي انتي قابلتيهم أزاي.
سيلا....ابدا كان عندي شغل واتفاجئت بيهم هناك
سما...هناك فين؟
سيلا...يابنتي انتي علي طول مسطوله كده في المكان اللي هما فيه شركه ليل السيوفي كان فيها قنبله وهما راحوا علي هناك وانا نزلت اغطي الخبر واتقابلنا بالصدفه.
سما..ااااه طيب مش بدر مصاب
سيلا...سما اتكلي علي الله شكلك فايقه لما اشوفك نحكي المهم متقلقيش مهاب كويس.
سما...ماشي يا جزمه لما اشوفك خلي بالك من نفسك.
سيلا...بابتسامه حاضر باي
سما...باي.
....................
وصل بدر جاب موبايله وخرج علي طول كانت سيلا واقفه مع مهاب اللي اتصل بسما طمنها.
بدر...يلا يا مهاب خد عربيتك وروح لمراتك زمانها قلقانه عليك
مهاب...متقلقش طمنتها خلاص
بدر....تمام يا صاحبي لما توصل كلمني.
مهاب...تمام بقولك ايه هنتقابل بكره ولا هتعمل ايه.
بدر...احنا مش اتفقنا بكره هتيجوا كلكم و نقضي اليوم بكره مع نوني.
مهاب....تمام يعني مش هتخرجوا
بدر....لا خلينا في البيت بقي نقعد مع نوني انا بس هخرج كده مشوار سريع هروح لليل السيوفي و هرجع عليكم علي طول.
مهاب...تمام اديته الميداليه اللي لقتها.
بدر...لا ملحقتش لما لقيت سيلا أستأذنت منهم عشان كده لازم اشوفه بكره.
مهاب...تمام يا صاحبي يلا روح بقي سيلا مستنياك في العربيه.
بدر...ماشي يلا تصبح علي خير سلم علي سما.
مهاب...يوصل بوسلي نوني وحشتني اوي.
بدر....ماشي يلا سلام
مهاب....سلام.
بدر..يلا اطلعي ياسيلا وانا وراكي
سيلا...اوك.
................
اطمئن ليل علي الشركه و ترك مجموعه من الجارد يأمنوها إلي ان يزود عدد الحراسه و ذهب للأطمئنان علي الامن اللذين اصيبوا وبعد قليل رحل هو والشباب وتركوا المشفي.
ليل...يلا ياشباب الوقت اتأخر
جاسر...هو محدش من البنات اطمن عليكم غريبه انهم متصلوش
أدم....زهره اتصلت بيا من شويه وطمنتها وقفلت علي طول وقولتلها تبلغهم محدش يتصل بيكم عشان مشغولين.
جاسر...طيب تمام يلا بينا.
..........
بعد وقت بسيط وصل ليل والشباب إلي الڤيلا الخاصه بليل
اول ما لمحتهم عشق ركضت علي ليل بخوف.
عشق...ليل طمني حصل حاجه انت كويس.
ليل...بأبتسامه ايه ياحبيبي ما انا قدامك اهو محصلش اي حاجه الحمد لله.
سهام...طمني يا ليل حصل ايه يا حبيبي.
قرب ليل من سهام مفيش يا امي كل حاجه تمام و الشركه زي الفل لحقناها متقلقيش اطمنت علي الشركه بنفسي وسبت هناك كام واحد من الجارد لحد ما اشوف حل في حوار الامن ده لان بعد اللي حصل كده لازم يكون في امان اكتر وروحنا عالقسم في السريع كده خدوا مننا كلمتين وطلعت علي المستشفي اطمنت علي الامن اللي اتصابوا وبس جينا.
مني والدت جاسر...طيب حد من الامن حصله حاجه.
جاسر...لا الحمد لله كلها إصابات بسيطه مفيش حاجه جامده.
مني...الحمد لله.
تمارا...طيب قدرتوا تعرفوا مين اللي عمل كده.
جاسر...لأ للأسف اللي دخلوا كانوا ملثمين ومش باين منهم اي حاجه
حتي العربيه اللي جم فيها شايلين منها الارقام شكلهم كده عارفين بيعملوا ايه كويس.
زهره....بخوف هنرجع للقلق من تاني.
ليل...لا قلق ولا اي حاجه مش عايز حد فيكم يخاف كل حاجه هتخلص و هعرف مين اللي وراها يومين بالكتير وهجيبه.
نور...ربنا يستر.
جاسر...طيب يلا يا امي يلا يا تمارا هاتي تيا هي نايمه ولا ايه
تمارا...اه نايمه فوق.
ليل....هو ايه اللي يلا الوقت اتأخر والولاد نايمين خليكم هنا بكره اجازه
ادم....ياعم ما احنا مش بعيد بردوا
نوح....احنا كده كده بكره ورانا كذا مشوار وهنسيبهم لوحدهم خليهم كده كده هيبقوا مع بعض بدل ما تروحوا وترجعوا واحنا نشوف اللي ورانا.
ليل...سيبك منهم انت بتاخد إذنهم ولا ايه.
ادم....مش هينفع والله يا ليل
سهام...ايه يا ادم مبقتش قادر تقعد معانا خلاص البيت و أوضتك مش وحشوك.
ادم...لا والله يا امي مش كده بس عشان عشق ونور ياخدوا راحتهم.
نور...ملكش دعوه بينا يا ادم
عشق....ده بيتكم يا ادم وانتوا اخواتنا.
ليل...اهي قالتلك اهي يلا اطلع علي اوضتك وانت يا جاسر عارف اوضتك طبعا.
سهام...وانا هاخد مني حبيبتي وننام مع بعض.
جاسر...امري لله يلا بينا عشان مش شايف قدامي خلاص.
تمارا...يلا تصبحوا علي خير
الجميع...وانتوا من اهل الخير.
طلع الجميع علي أوضهم عشان يناموا بعد ما خدوا ولادهم
دخل ليل ياخد حمام وبعد وقت بسيط خرج لقي عشق قاعده عالسرير جمب سليم ماسكه كف ايده وسرحانه.
ابتسم ليل وراح علي السرير من الجانب الاخر وقرب من سليم باس ايده و أبتسم.
ليل....مش دريان بالدنيا في عالم تاني خالص.
عشق...بأبتسامه صحي لما جيت ولعب معايا شويه ونام تاني.
ليل...وحشني اوي انهارده.
عشق...وانا كمان اول مره اسيبه الفتره دي كلها.
ليل....بحب طيب تعالي بعيد عنه عشان ميصحاش
قامت عشق راحت وراه قعد ليل علي كنبه صغيره في الاوضه ومسك ايد عشق أقعدها جمبه.
ليل...بحب القمر بتاعي حزين كده ليه.
عشق...مفيش يا حبيبي انا كويسه كنت قلقانه عليك بس
ليل...وانا قدامك اهو زي الفل فكي بقي التكشيره دي ضحكتك وحشتني.
عشق...بحزن كان نفسي اليوم ده يعدي كله حلو.
ليل...الحمد لله يا حبيبي عدي بخير فالاخر وبعدين مش يمكن اللي حصل ده خير من ربنا واحنا مش عارفين؟
عشق...ونعم بالله يا حبيبي المهم انك معايا وكويس
ليل...بأبتسامه جذابه طيب وعايزه ايه اكتر من كده طماعه اوي.
عشق...بأبتسامه وانت مغرور اوي.
ليل...انا ده انا غلبان.
عشق....انت حبيبي.
ليل...بحب ربنا ما يحرمني منك ابداً ولا من ضحكتك الجميله يلا قومي خدي شاور وأقلعي وتعالي عشان ننام انا جسمي مكسر
عشق...طيب روح يلا نام وانا هاخد شاور واخرج اصلي واجي انام.
ليل....انام من غير حضنك مش هعرف يلا قومي وانا هستناكي هنصلي سوا وبعدين ننام.
عشق...بحب حاضر يا حبيبي.
دخلت عشق خدت حمام وخرجت صلت هي وليل وراحوا علي السرير.
كان سليم نايم في الوسط.
ليل...رفع ليل حاجبه شيلي الواد الرخم ده من هنا نيميه علي سريره.
عشق...سولي رخم طيب لما يصحي هقوله وبعدين يلا نام بلاش دلع انا لو شيلته هيصحي
وانا مش قادره خليه بقي في وسطنا وخلاص.
ليل...علي جثتي شيليه من هنا بدل ما انا اصحيه بنفسي
عشق...بضحك بطل شغل العيال ده ونام وانت ساكت.
ليل...بحزن عشق مش هعرف انام من غير حضنك بجد.
عشق...بحب طيب خلاص متزعلش هشيله وربنا يستر ويفضل نايم.
ليل...طيب خلاص خليه وتعالي ننام هنا جمب بعض
عشق...ننام في الجنب الصغير ده مش هيقضينا طبعا
ليل...لا هيقضينا وانا مش هتحرك والله عشان تنامي براحتك حطيله بس مخده ولا اي حاجه من الجنب التاني احسن يتقلب وهو نايم ويقع.
عشق...حاضر ...حطتله عشق مخده وراحت تاني لليل نامت هي براحه الاول.
ونام بعدها ليل وهو مبتسم
عشق...بتضحك اوي ومبسوط بذمتك ينفع انا وانت ننام في جنب صغير كده.
ليل...وماله بس الجمب الصغير ماهو حلو اهو.
عشق...حلو ايه بس المكان ضيق
قرب ليل منها اكتر وشد دراعها نام عليه ودخل جوه حضنها وغمض عينه وهو مبتسم شوفتي كده حلو ازاي.
عشق...بضحك علي فكره انت قليل الادب
ليل... اوي.. فضل مغمض عينه وقرب من رقبتها باسها بهدوء
عشق...نام ياليل و أتلم عشان هموت وانام.
ليل...انا عملت حاجه
عشق...امال ايه اللي بتعمله ده.
ليل...بنيم نفسي
ضحكت عشق بحب وضمت راسه ليها اكتر وفضلت تلعب في شعره
لحد ما حست ان نفسه انتظم ونام
عشق....بحب ربنا يخليك ليا ويحفظك ليا ياليل.
ليل...بصوت نايم خالص ...اممم بحبك يا عشق.
ابتسمت عشق ودق قلبها من صوت همساته الناعسه انت لسه صاحي وانا بحبك يا قلب عشق❣️
ثواني وراحوا الاتنين في سابع نومه بعد تعب يوم طويل.
............
وصل بدر وسيلا للڤيلا بتاعتهم
سيلا....مساء الخير يا نوني.
نوني...مساء الخير يا قلب نوني
بدر حبيبي عامل أيه.
بدر....الحمد لله يا نوني طمنيني عليكي.
نوني....بخير يا حبيبي.
سيلا....ايه اللي مصحيكى كل ده يا نوني انا فكرتك نمتي
نوني...انام قبل ما اطمن عليكوا برده انت عديت عليها يابدر.
سيلا....وهي رافعه حواجبها لا يا نوني احنا أتقابلنا هناك صدفه أصل بدر كان هناك
نوني...هناك فين.
سيلا...بيفك القنبله🙄
نوني....نعم؟! هو مش انت مصاب ومش بتنزل اي عمليه ولا بتضحك علينا يابدر.
بدر...بصوت واطي اتلمي ياسيلا مش ناقصه تسخين هااا .
سيلا...هو انا أتكلمت انا بفهمها بس🙄.
نوني....ماتتكلم بدل ما انت واقف تزغر بعينك لسيلا كده.
بدر....يا نوني والله ماكنش في حد بدالي واكيد يعني مش هيبقي في ايدي اعمل حاجه و اقولهم لا معلش انا مصاب
نوني...أيوه يا بدر بس.
بدر...بس ايه يا نوني انا قدامك اهو زي الفل يلا اطلعي نامي بقي شكلك مرهق اوي وبعدين بكره العيال كلهم جايين يتعشوا معانا ونسهر سوا عشان تبقي فايقه كده.
نوني....متقلقش انا عامله حسابي هحضرلك بس العشاء انت وسيلا واطلع انام.
بدر....لا يا نوني يلا اطلعي
سيلا...ايوه اطلعي يانوني انا هحضره بس الاول انتي كلتي؟
نوني....مكانش ليا نفس للأكل عملت نسكافيه وكلت معاه كيك
وشايله الباقي جوه ابقوا كلوا منها هتعجبكم اوي.
سيلا...تسلم ايدك يا احلي نوني في الدنيا.
نوني....تسلمي يارب ياحبيبتي تصبحوا علي خير
بدر/ سيلا وانتي من اهل الخير
نوني...وانت بكره نكمل كلامنا😒
بدر....طب بلاش البصه دي طييييب😒
نوني...شوفي الواد بيزغرلي أزاي
سيلا...بضحك معلش يا نوني أمسحيها فيا انا
بدر...عاملين فيها اصحاب اوي يا اختي ماشي ربنا يهنئ سعيد بسعيده.
طلعت نوني اوضتها وطلعت سيلا خدت حمام سريع ونزلت عشان تحضر العشاء ليها هي وبدر.
بعد وقت بسيط خرج بدر من الحمام لقي سيلا محضراه الأكل
سيلا....يلا تعالي عشان تاكلي
راح بدر قعد وبدأ ياكل وهو لسه عامل فيها زعلان
فضلت سيلا بصاله وزعلانه منه
بدر وهو مش باصصلها هتفضلي كتير تبصي في وشي يلا كلي.
سيلا...طيب مش واكله يا بدر هاا
وكل انت الاكل كله يارب تشبع
وقفت سيلا وهي مقموصه زي الاطفال كانت فكراه هيصالحها لكن كمل أكل ولا سأل فيها
رجعت تاني سيلا بغضب هات بقي الاكل اللي انا عملته ده مش هتاكل منه انزل اعمل لنفسك
بدر...سيبي الاكل
سيلا....لا مش هسيبه
بدر...هتغابي عليكي ياسيلا بقولك سيبي الاكل🤨
سيلا...بعند لا مش هديك روح أعمل لنفسك ده اكلي
بدر...طيب هعد من واحد لتلاته لو الاكل متسابش متلوميش غير نفسك 😡
سيلا...بخوف هو انت بتهددني طب مش هسيبه يا بدر
بدر...واحد
سيلا...أفضل عد كده لحد بكره مش هسيبه يا مفجوع كل اللي همك الاكل وبس وانا مش مهم
بدر....أتنين.
سيلا....بخوف طيب علي فكره بقي انا زعلانه وانت قليل الادب قاعد تاكل الاكل اللي انا محضراه
و سايبني واقفه زعلانه و جعانه ومش همك وانا مش هسيب الاكل من ايدي و أعلي مافي خيلك اركبه يا بدر يا خياط😭
بدر....تلاته
برقت سيلا عينها وقام بدر وقف
فضلت ترجع وهي ماسكه صنيه الاكل في ايدها.
سيلا...ايه انت باصصلي كده ليه
فضل بدر يقرب وهو باين عليه الغضب ومش بيتكلم.
سيلا...ابعد عني بدل ما اصوت
بدر...صوتي و أعمليها عشان اقطع رقبتك.
سيلا....هو انت مزعلني وكمان مش عجبك طب بص خد الاكل اللي مزعلك اهو كله كله مش عايزه منك حاجه وبردو هفضل مخصماك اتفضل
بدر...بعد ايه بقي.
خبطت سيلا في شباك الحيطه وراها...😳يعني ايه انت هتعمل فيا ايه لا بقولك ايه انا مش بخاف واياك تقرب مني ايدك التقيله دي انا جسمي كله ازرق من الهزار بتاعك امال الجد هتعمل فيا ايه
ابتسم بدر اخيرا ومسك من ايدها الصنيه حطها علي التربيزه ورفع وشه ليها .
بدر...كل خير يا قلبي هعلمك بس الادب وهوريكي أزاي بردو انا قليل الادب
ومره واحده رفعها من الارض شالها بين ايده وراح بيها عالسرير.
سيلا...يا نوني يا نونيييي الحقيني
بدر....بضحك يابت وطي صوتك.
سيلا...ابعد عني ياقليل الادب الحقيني يا نونننني.
خبطت نوني في الوقت ده علي الباب في ايه ياسيلا بتعمل في البنت أيه يا بدر.
بدر...عض علي شفايفه عجبك كده
سيلا... بضحك اه عاجبني.🤭
بدر .. هكون بعمل ايه يا نوني ادخلي نامي انتي اصلها تعبانه جسمها واجعها شويه قولت اديها دوا بس هي مش بتحب طعمه.
سيلا...بضحك كداب😂
حط بدر ايده علي بوئها ششش
نوني...دواء بردوا يا بدر إسطبح وقول يا صبح سيب البت راجعه تعبانه من شغلها إتهد شويه.
بدر بصوت واطي عجبك كده جرستينا وأرتاحتي اهي هتخلي سيرتك و سيرتي علي كل لسان.
نوني....سيبها ياولد ونام خليك مؤدب.
بدر....خلاص يا نوني انا نمت اهو يلا روحي علي اوضتك.
نوني...رجاله ما بتتهدش.
بدر...سامعك علي فكره.
ضحكت سيلا بصوت عالي.
نوني...ضحك عليكي بكلمتين يا خايبه يلا اسيبه انا بقي يعالجك
سيلا وبدر مقدروش يمسكوا نفسهم وفضلوا يضحكوا.
سيلا...اعمل فيك ايه انا الوقت احط عيني في عينها ازاي
بدر...وانا مالي مش انتي اللي فضحتينا بصوتك ده..وبعدين يعني هي اول مره دي نوني سجلت أعلي رقم قياسي في قفشنا متلبسين المفروض كانت أشتغلت ضابط في الاداب.
ضحكت سيلا بصوت عالي
بدر...يابت وطي صوتك لا تدخل تلفنا في ملايه.
سيلا...بضحك طيب بطل تضحكنى.😂
بدر...بس كده وقرب من رقبتها اوي.
سيلا...بصوت هادي بدر اسكت بقي انا جعانه.
بدر...ما انا هأكلك.
سيلا...جعانه أكل مش قلت أدب يا قليل الادب.
بدر...ما انا هأكلك قلت ادب الاول وبعدين أكلك اكل.😉
ضحكت سيلا وراحت مع بدر في دنيا تانيه خاصه بيهم هما وبس❣️
