 |
رواية دار الايتام الجزء الثالث (اللقاء المنتظر) الفصل الثاني بقلم اميرة اسامة
في كل صباح نستيقظ ونحن لا نعلم ماذا يخبئ لنا القدر.
هل سيمر اليوم مرور الكرام أم سيأتي مُحمل بي أشياء لم تكُن في الحُسبان. ولكن نعلم جيداً ان اليوم سيمر في كل الأحوال.
...........
فتح ليل عينه وهو حاسس برجفه في جسمه في الاول كان فاكر انه بيترعش من التكييف لكن لما ركز
لقي انه متغطى كويس و الرجفه دي من عشق اللي كانت نايمه في حضنه رفع ليل نفسه وبدأ ينادي بأسمها بصوت واطي.
ليل...عشق .. عشق ..حبيبي قرب ايده منها يهزها لما حس انها بتحلم. عشششق.
شهقه عاليه خرجت منها وكأن الروح ردت فيها من تاني
قامت عشق وهي وشها كله عرق
وبدأت تستغفر وتقرأ بعض آيات
القرآن.
ليل...اهدي اهدي يا عشق انتي اكيد بتحلمي ياحبيبتي قام بسرعه من مكانه جابلها مايه
وقربها منها شربها بأيده.
عشق...الحمد لله ..الحمد لله اعوذ بالله من الشيطان الرچيم.
ليل...اهدي يا حبيبي انتي شكلك شوفتي كابوس قوليلي شوفتي ايه.
عشق....بإرتباك مش عارفه مش فاكره حاجه ياليل انا بس كل اللي فكراه اني كنت خايفه يظهر اللي حصل امبارح في الشركه آثر عليا مع مجهود اليوم و الحفله وقلت النوم هما اللي عملوا معايا كده.
ليل....باس راسها طيب اهدي يا قلبي انتي الوقت صاحيه خلاص وفعلا اكيد المجهود اللي عملتيه امبارح هو السبب انتي مقعدتيش لحظه وكنتي صاحيه الساعه سبعه الصبح وسليم مش بينيمك خالص.
عشق...بأبتسامه بسيطه متقلقش يا حبيبي انا كويسه اطمن هي الساعه كام.
ليل...الساعه واحده الضهر.
عشق...ياخبر احنا نمنا كتير اوي وازاي سليم نايم كل ده دي محصلتش ابداً.
ليل...نمنا كتير ايه يا مفتريه احنا نايمين والنهار طالع الساعه كانت داخله علي سته الصبح.
عشق....طيب هتصحي ولا هتنام شويه.
ليل...لا انام ايه بقي انا والشباب عندنا مشوار كده ولازم نتابع التحقيقات واطمن علي الامن يادوب اقوم اخد شاور والبس يكونوا هما جهزوا.
عشق...طيب ياحبيبي قوم يلا وانا هقوم اتوضأ وأصلي وانزل احضر الفطار زمانهم هيصحوا.
ليل...ماشي ياحبيبي ادخلي انتي الحمام الاول وانا هبوس شويه في الجزمه اللي نايم ومش حاسس بحاجه ده.
عشق...بابتسامه متقولش علي ابني جزمه.
ليل...بحب أوامر حبيبي.❣️
ابتسمت عشق ابتسامه هاديه
ابقي بوسوا براحه عشان دقنك متضايقهوش.🤨
ليل...هو اشتكالك؟
عشق...وده هيعرف يشتكي بس مجرباها انا دقنك دي.🙄
ليل...بشقاوه جربتيها ازاي.😉
ضحكت عشق اتلم ياليل عالصبح
ليل...بضحك احنا الضهر علي فكره.
عشق...صبح ولا ضهر اتلم في يومك وخلاص.😡
ليل...شريره اوي.😉
عشق...اوووي🙈
دخلت عشق الحمام وبص ليل علي سليم بابتسامه جميله.
ليل...سولي سولي ياقلب بابي
قرب ليل ايده من سليم وفضل يمشي ايده علي جسمه.
بدأ سليم يفرد جسمه بكسل وهو بيتاوب واول ما فتح عينه ظهر لون عيونه اللي بتجمع مابين لون عين ليل الاخضر ولون عين عشق
الازرق وكأن لون السما اختلط بلون الزرع ليدمجوا لون غريب وجميل.
ليل...بحب ياصباح السكر علي الباشا الصغير.
سليم...ممم
ليل...انت جعان ولا عايز مامي ها قول ياولا عايز ايه مامي؟؟ بقولك ايه ملكش دعوه بيها احسن انت حر هقطعك🤨 مامي دي بتاعتي انا وبس انا سايبها معاك بس عشان انت لسه صغير بس لما تكبر وتعتمد علي نفسك مش هسبهالك
انا بقولك بس عشان نكون متفقين.😒
سليم كان باصصله ومركز معاه وهو بيتكلم واول ما ليل سكت صرخ سليم وهو بيضحك وبيحرك رجله وايده بسرعه.
ليل...بتضحك علي ايه ياولا ايه بتاخدني علي قد عقلي.
حرك سليم شفايفه ورا بعض وخرج رذاذ بسيط علي وش ليل.
ليل...🤨لا احنا فينا من قلت الادب دي بتتف علي ليل السيوفي يا جزمه ده ولا اتخن شنب فيكي يا مصر يقدر بس يرفع عينه في ابوك يا واطي طب تصدق بقي اني مش هسبلك مامي خالص و هسيبك كده لوحدك
سمع ليل ضحكه عشق من وراه.
ليل...انتي واقفه هنا من امته🤨
عشق...من ساعت ما هددت ابني يا ليل باشا.
ليل...الواد بيتف عليا يرضيكي.
عشق...بضحك امسحها فيا انا عيل وغلط.
بص ليل لسليم...هسامحك عشان خاطرها هي بس انما لو اتكررت هعلقك علي باب الڤيلا🤨
عشق...قوم يا مجنون يلا ادخل خد الشاور بتاعك.
ليل...بحب قلب المجنون😉
دخل ليل ياخد حمامه ووقفت عشق باصه علي طيفه وهي سرحانه وقلقانه من حلمها فاقت من شرودها علي صوت سليم شالته وحطته في الكرسي بتاعه
وخليته جمبها لحد ما تصلي وتدعي ربنا يحفظ ليل من اي آذي
.......
بعد وقت بسيط نزل ليل كانت عشق والبنات صحيوا والفطار جهز.
ليل...صباح الخير.
الجميع...صباح النور.
ليل...بصدمه وهو شايف الشباب بلبسهم وكل واحد نايم علي كرسي بأهمال نهاركم مش فايت انتوا ملبستوش لسه الساعه اتنين.
جاسر...بكسل بقولك ايه انا مش قادر اخرج ولا اروح اي مكان روح انت مشوار اللي اسمه بدر ده وانا شويه كده افوق بس وهروح اشوف الامن في المستشفي واطمن عليهم.
ادم....اه وانا كمان هبقي اروح معاه.
ليل...وانت يا سي نوح
نوح....في ايه ياليل ما تروح انت بقي هو انت مش لبست وجهزت عايز مننا ايه.
ليل...انت بتستعبط وحياه امك انت وهو لسه ورانا كذا حاجه عايزين نروح القسم نشوف التحقيقات ونعرف اخر اخبار البلوي بتاعت امبارح ونطلع علي الشركه ونشوف هنعمل ايه في الامن بتوع الشركه والحراسه الجديده محتاجين نتكلم ونعرف هنعمل ايه.
جاسر....انت و اجع دماغك ودماغنا ليه ما تكلم السبع بتاع امبارح هو مش عنده شركه حراسات 😏
ليل...تقصد مين بدر الخياط.؟
جاسر...اه هو سبع الرجال.
ليل...تصدق فكره
جاسر...عد الجمايل ربنا يخليني ليكوا والله.
بصله ليل بقرف براحه علي نفسك احسن تفرقع يا حيلتها😏
جاسر...بضحك انت فصيل علي فكره يلا اتكل علي الله بقي.
نوح...مش لما يفطر الاول.
ليل...لا حنين يا اخويا
نوح...الله انت مش عجبك حاجه ليه عالصبح.
ليل...عشان معندكوش دم البعيد هو انا هعمل كل المشاوير دي لوحدي.
ادم...بقولك ايه خلص مشوارك مع بدر الخياط وكلمنا نكون فوقنا وظبطنا نفسنا و نتقابل نكمل مشاويرنا سوا مرضي كده
نوح...بصوت زي البنات يالهوي عليييييك بيقول كلام عسل.
ليل....ماتظبط ياض واعقل كده .
نوح بص لجاسر قاسي اوي.
جاسر...بضحك اوي اوي.
ليل...انا شاكك فيكوا والله العظيم الأساس مش مظبوط.🤨
ضحك ادم و جاسر ونوح
ليل...اضحكوا اوي وبص لأدم واضحك انت كمان ماهي العدوي بقت تنتشر ياعاقل😡.
ادم...بضحك الله وانا مالي انا.
نوح...سيبك منه ده غيران مننا
ياقلبي.😍
ليل قرب من نوح والشباب وبص وراه يطمن ان مفيش حد من البنات وراه.
نوح...ايه ده وكمان جايلي برجلك
🙈🙈
ضحك جاسر وضربه بالمخده.
ليل...تصدق بالله ياض يا نوح
نوح...لا إله إلا الله يا عسل😉
ليل...عسل..😒 والله يا نوح مسيري هعملك كشف طبي واطمن علي مستقبل عيله السيوفي بنفسي.
نوح...زي الفل ياعسل اطمن انت بس يا ابو سليم.
ليل...ابو سليم😳
ادم...بضحك لا انا هقوم قبل ما ليل يتهور علينا منك لله يا نوح الكلب😂😂
جاسر...بضحك جبااان😂
نوح...سيبك منه أصله لسه مستجد😉
اديله بس يومين و هتلاقي قلبه مات ودخل برجله اليمين علي طول.
ليل...رجله اليمين برضه😒
وانت قعد يا اخويا اطمن مش فاضي اروقكم الوقت عشان عندي مشوار افوق بس و هرجعلكم من تاني الصبر حلو.
نوح....وانا مستني يا قلبي😉
جاسر...بضحك يا اخي ابو شكلك انت ناوي تجيبلنا الضرب وانا بصراحه مش قادر اتضرب جسمي مكسر.
ليل...وجسمك مكسر من ايه يا عسل 😡
ضحك جاسر ونوح وادم بصوت عالي و مقدروش يمسكوا نفسهم
في الوقت ده خرج البنات مع سهام ومني ونادوا عليهم عشان يفطروا.
قعدوا كلهم عالسفره فطروا وطبعا القاعده مكانتش خاليه من هزارهم مع بعض.
قربت تمارا من ودن عشق.
تمارا...مالك ياعشق حساكي مش تمام.
عشق...بأبتسامه هاديه انا ليه بس انا كويسه .
تمارا...عليا انا بردوا انا حفظاكي انتي وزهره اكتر من نفسي
اتكلمي وقولي في ايه عشان مش هسيبك غير لما اعرف.
عشق..بأرتباك طيب اسكتي الوقت وهقولك.
تمارا...يعني في حاجه.
عشق....مفيش والله بس هحكيلك
تمارا....ماشي.
جاسر...بتتوشوشوا علي ايه يا وحش الحته.😉
تمارا...بابتسامه وانت بتدخل ليه بقي انا واختي حرين.
جاسر...بقي كده🤨
نوح...بضحك شكلك ووووووحش عشان تعرف انك ملكش غيري ياقلبي.
تمارا...بضحك بتموت في تهديه النفوس يا نوح.
نوح...اوي.
نور....بضحك بتجر شكلها ليه دي مفتريه
تمارا...اتلمي يابت😡
نور...هو انا اتكلمت انتي مش قادره عليه هتقدري عليا.
جاسر...لا ماهي دي قلابه بتقلب علي اي حد🤨
تمارا...يا ابني خليك في حالك بتدخل بينا ليه.
ادم...بضحك ما تسكت بقي شكلك بقي وحش اوي 😂😂
جاسر...عجبك كده ماشي يا تمارا اتقلي عليا🤨
تمارا...واتقل انا عليك ليه خد بنتك يا سيدي تتقل عليك براحتها.
جاسر...بضحك بقت كده يا توتي
تمارا...بضحك الوقت بقت توتي عشان اخدها منك مش هاخدها يا جاسر ويلا اكلها كويس🤨
نوح...هما كده الستات كلهم قادرين 😒😒
نور....تقصد ايه يا نوح🤨
نوح...ولا حاجه يا قلبي تجيبي تاليا أكلها.
نور...بابتسامه ياسلام طبعا اتفضل ربنا يخليك ليا.
حطتها نور علي رجله.
ادم...بضحك ألبببببس.
زهره...في حاجه يا ادم عايز تولين.🤨
ادم...انا😳😳ولا عمري قولت حاجه.
ليل...الله يرحمك يا رجوله🤨
سهام...بضحك الله يجزيكم يا ولاد عاملين زي القط والفار.
جاسر....ايه ياست عشق ما تديله سليم عشان يقفل بوئه ده شويه😡
عشق....بأبتسامه لو خده مش هيعرف ياكل وهيخرج من غير فطار.❣️
جاسر...😡لتمارا واخد بالك يا إبراهيم.
ليل...بضحك ربنا ما يجعلنا جار وليه عنين😉
مني...والله بحب لمتهم مع بعض اوي ربنا يخليكم لبعض يارب❣️
ليل...طيب انا هقوم بقي متتأخروش هااااا ننجز.😡
عشق...بخوف ايه ده هما مش جايين معاك.
ليل...بذمتك دي مناظر ناويه تقوم من مكانها هروح انا مشواري وهما هيحصلونى يلا سلام..
سهام...خلي بالك من نفسك يا حبيبي.
ليل...حاضر يا امي سلام عليكم.
الجميع...عليكم السلام.
حست عشق بارتباك اول ما خرج من الڤيلا.
بعد اذنكم خرجت وراه بسرعه وهي بتنادي عليه.
عشق...ليل... ليل
ليل....ايوه ياقلبي في حاجه ولا لحقت وحشتك😉
عشق....ماتستني يا ليل لحد ما يلبسوا ويروحوا معاك احسن.
ليل..في ايه ياعشق مالك خايفه كده ليه من ساعت ما صحيتي وانتي مش علي بعضك.
عشق...مفيش بس خايفه عليك من ساعت اللي حصل أمبارح ياليل انا مش فاهمه بصراحه انت ازاي بتتعامل بالهدوء ده كأن مفيش حد اقتحم الشركه وضرب الأمن ودخل قاصد مكتبك وزرع فيه قنبله وكمان خارج لوحدك من غير جارد.
ليل...بابتسامه خايفه عليا😉
عشق...بعصبيه يوووه ليل انا مش بهزر الجارد اللي معاك سبتهم في الشركه ولو قولتلك خد الجارد اللي هنا في الڤيلا معاك هتقولي لا طبعا مينفعش اسيبكم من غير جارد ومع كل ده بتهزر ياليل طيب عالاقل خدهم معاك عشان انا ابقي متطمنه في المشوار اللي انت رايحه وانا معرفش هو ايه اصلا .
مسك ليل ايدها...بس بس ايه كل ده اولا مش عايزك تخافي بالشكل ده جاسر ونوح وادم والجارد مش هيحموني لو مكتوب ان حاجه تحصلي.
عشق...بلهفه بعد الشر متقولش كده.
ليل بحب.. اظن عشق حبيبتي ميطلعش منها الكلام ده انتي مؤمنه وعارفه ان ربنا كاتب لكل واحد حياته لا حرف زايد ولا حرف ناقص..
تاني حاجه انا فعلا مش هاخد الجارد من هنا مش عشان خايف يحصل حاجه تقلق لا بس عشان انا اللي ابقي متطمن عليكم.
ثالثا بقي وده الاهم المشوار اللي رايحه دي مقابله مع الظابط اللي كان بيفك القنبله امبارح كان عايز يكلمني في حاجه امبارح و مراته جات لانها صحفيه وبعد كده استأذن نكمل كلامنا بعدين ومشي فا المفروض هروح اشوفه كان عايز ايه لحد ما الشباب يجوا ورايا.
والاهم من كل ده ياعشق اني مش عايز اشوفك قلقانه بالشكل ده
اللي عمل كده لو عايز يأذيني كان آذاني لكن هو هدفه مش آذيتي الشخصيه وإلا مكانش اختار المعاد ده وهو عارف ان مفيش حد فالشركه اللي عمل كده يا عشق كان عايز يبوظلي شغلي
مش اكتر اظن رصاصه مش هتكلفه كتير هيخلص مني وبعدين الشباب هتكمل شغلنا عادي لكن هو مش عايز كده هو عايز يخلص من ورق وشغل اكيد فهمتي.
عشق...بس انا خايفه ياليل.
ليل...وانا مش عايز اسمع الكلمه دي تاني يا قلب ليل يمكن قولتهالك الف مره قبل كده يا عشق و هقولهالك تاني انا بستمد قوتي منك ياريت تعرفي معني الكلمه دي كويس.
عشق...بنظره حب وخوف حاضر ياليل بس عشان خاطري خلي بالك من نفسك.
ليل....بابتسامه حاضر ياقلبي المهم انتي خلصتي الدار خلاص وجهزتيها زي ما كنتي عايزه و الحفله كمان عملناها والحلم بتاعك حققتيه واظن الدنيا بدأت تظبط معاكي ياريت بقي تشدي حيلك معايا في الحلم بتاعي.
عشق...حلم ايه؟
ليل...كمان نسيتي لا انا كده هزعل بقي الاسطبل يا عشق والمزرعه.
عشق...اااه لا منستش طبعا شوف عايز نروح نتفرج امته علي المزرعه اللي انت عايزها ونبدأ فورا.
ليل...انا قولتلك مش عايز حاجه بعيده عن هنا عشان لو عملت فعلا اسطبل الخيول ده اكيد هحتاجك معايا يا دكتور واكيد طبعا مش هفضل اوديكي واجيبك كل شويه مكان بعيد.
عشق...خلاص اخلص بس من مشاويرك دي ونطمن ان كل حاجه تمام ونشوف موضوع الاسطبل ده.
ليل...هتحققيلي حلمي🤨
عشق...بابتسامه هحققه ياقلبي.
ليل..بحب ربنا يخليكي ليا انتي وسولي وتفضلوا منورين حياتي
عشق...نسيت مهره وعشق الصغيره🤨
ليل....مقدرش انساهم ابقي سلميلي عليهم صحيح مشوفتش مهره امبارح والوقت مش فاضي لحد بس ما ارجع بليل.
عشق....حاضر يا حبيبي خلي بالك من نفسك وطمني كل شويه عليك
ليل...حاضر يا عشق الليل يلا بقي بلاش رغي عطلتيني🤨
عشق...بقي كده🤨
ليل...اه ويلا ادخلي علي جوه وانتي زي القمر كده😡
عشق...بضحك بحبك يا ليل.
ليل...بابتسامه وانا بعشقك يا احلي عشق يلا سلام ياقلبي.
عشق...سلام يا حبيبي.❣️
........
خلص بدر فطاره
بدر...الحمد لله تسلم ايدك يا نوني
نوني برفعه حاجب الله يسلمك.
بدر...في ايه يا نوني ايه بصه مرات الأب دي🤨.
نوني...مرات اب في عينك قولي رايح فين كده هو انت مش اجازه.
ولا اجازتك إتلغت و هتكدب علينا تاني
بدر...ما خلاص بقي يا نوني ميبقاش قلبك اسود قولتلك مكانش قصدي اكدب والله ما كان في حد غيري.
نوني...طيب رايح فين كده ؟
بدر...هقابل ليل السيوفي صاحب الشركه اللي كان فيها القنبله.
نوني...ليه في حاجه ولا ايه.
بدر....ابدا اصل لقيت حاجه غريبه وانا بفك القنبله.. ولقيت تحت المكتب ميداليه بتاعت مفاتيح
واقعه مش عارف دي تخصه ولا وقعت من اللي كان بيزرع القنبله في قلب مكتبه.
نوني...طيب وانت مالك هو ده شغلك مبلغتش ليه النيابه باللي لقيته وهما يحققوا معاه.
بدر...والله ما اعرف حسيت ان الميداليه ممكن تبقي بتاعته او بتاعت حد تبعه فا قولت معملش حوار يعني
سيلا....اصل انتي متعرفيش يا نوني بدر بقي شغال كرومبو.
بدر...بابتسامه جانبيه بلاش انتي هااا ولا عايزه درس في الادب تاني🤨
حست سيلا ان وشها احمر و اتحرجت اكتفت بأبتسامه بسيطه
وهي نفسها تقتل بدر.
نوني...انت يا واد كنت مؤدب ايه اللي جرالك جبت قلت الادب دي مين🤔
ضحك بدر وغمز لنوني بشقاوه من عند بتاع قلت الادب 😉😉
يلا هقوم انا عشان متأخرش علي الراجل.
نوني...قوم يا اخرت صبري.
سيلا...بدر استني هاجي اوصلك.
نوني...شوفوا البنت 🤔 مش ده اللي كنت بتستنجدي منه امبارح ايه اللي غير الحال.
بدر...بضحك حط ايده علي كتف سيلا وضمها لحضنه حبت قلت الادب يا نوني.
ضربته سيلا في صدره وهي مكسوفه.
نوني...بأبتسامه حب ماشي يا سيدي يلا امشوا
سيلا...ثواني وجايه يا نوني اساعدك.
نوني...ماشي.
..........
خرج بدر وسيلا مع بعض.
سيلا...هتتأخر
بدر...لا يا حبيبي انا مفيش حاجه ورايا غير المشوار ده وبس وراجع علي طول عشان الشباب جايين انهارده هنتعشي سوا.
سيلا...بفرحه ايوه ما انا عارفه😍
بدر بغيره...🤨🤨 ومالك فرحانه اوي كده ليه.
سيلا....البنات و حشوني اوي بقالي اسبوعين مشوفتش حد فيهم تخيل دي اطول مده مشوفناش بعض فيها بنتكلم بس في الموبايل.
بدر....ماشي يا ستي وأهم جايين يقضوا معانا اليوم انهارده ابقي فكري نوني صحيح احسن تنسي
سيلا....لا متقلقش واحنا بنحضر الفطار كانت بتجهز حجات نعملها علي العشاء.
بدر....طيب تمام لما اخلص المشوار ده و هكلمكم وانا راجع لو محتاجين اي حاجه.
سيلا...ماشي يا حبيبي خلي بالك من نفسك.
بدر....ماشي يا حبيبي يلا باي.
سيلا....باي يا حبيبي.
.......
دخلت سيلا جوه لقت نوني دخلت كل الاطباق في المطبخ.
سيلا....دخلتي كل حاجه يا نوني مش تستني لما اجي اساعدك
نوني...انا قولت اسيبك لقلت الادب انتي والولد اللي معرفتش اربيه ده.
ضحكت سيلا و قربت من خد نوني باستها بوسه كبيره.
نوني...بضحك ربنا يسعد قلبك وقلبه يا حبيبتي .
سيلا....ويخليكي لينا يا احلي نوني قوليلي بقي هنجهز الاكل امته.
نوني..الوقت علي طول هنجهز كل حاجه.
سيلا...ايوه بس هما هيجوا علي العشاء يعني لسه بدري.
نوني....بدري ايه دي الساعه داخله علي تلاته وبعدين اهو نجهز كل حاجه عشان قبل ما يجوا بشويه ندخل الحاجه تستوي ونجهز احنا.
سيلا...اممم عندك حق طيب انتي مطلعه حجات كتير اوي هنلحق نخلص كل ده ما نشيل حاجه من الحجات دي كلها.
نوني...هتشتغلي معايا وتبطلي كسل وبعدين متقلقيش كل حاجه هتخلص علي طول ومقدرش اشيل اي حاجه كل واحد فيهم بيحب حاجه ولازم اعملهاله
ريم بتحب الفراخ المشويه وعامر بيحب المحشي وورق العنب هو و روكا وبدر بيحب المكرونه البشاميل هو ومهاب ويوسف بيحب البانيه يعني كل واحد ليه طلب وهما بقالهم كتير ماجوش
سيلا....حبيبتي يا نوني انتي طيبه وجميله اوي.
نوني...بأبتسامه طب يلا بلاش رغي وكسل عايزه نشاط قدامنا ساعتين نخلص فيهم كل حاجه
سيلا...😳😳ساعتين ده ايه يا نوني ده المحشي لوحده عايز ساعتين.
نوني...ليه ان شاء الله ستات ايه دي ياربي اولا المحشي جاهز و متقور عالحشو علي طول
وكل حاجه تقريبا جاهزه البانيه متتبل من امبارح هو والفراخ المشويه يلا اعملي انتي المكرونه بسرعه علي بال ما احشي المحشي ده تكوني خلصتي ونحشي مع بعض ورق العنب.
سيلا...هعمل المكرونه لوحدي🙄
نوني....اه هتعمليها لوحدك ايه هي اول مره ما انا علمتهالك الف مره.
سيلا...طيب خلاص متزقيش اتفرجي بس انتي علي النشاط
نوني...وريني اديني مستنيه🤔
...........
بعد وقت بسيط وصل بدر المكان اللي اتفق عليه هو وليل لمح ليل قاعد علي تربيزه.
بدر...ليل باشا مساء الخير أسف علي التأخير.بقالك كتير.
ليل...بأبتسامه مساء الخير ولا يهمك انا لسه واصل من خمس دقايق حتي طلبت قهوه ولسه مجاتش.
بدر...طيب كويس طمنتني انا مش بحب اتأخر في مواعيدي ابدا بس الشارع بره زحمه مع ان انهارده أجازه.
ليل....لا يا باشا هو التوقيت ده ديما كده المهم قولي تشرب ايه.
بدر....اشرب قهوه مظبوط.
شاور ليل للويتر جاله علي طول.
الويتر...تحت امرك.
ليل.....واحد قهوه مظبوط.
الويتر...تحت أمرك بعد اذنكم.
ليل...اتفضل.
طلع بدر سجاير وقرب العلبه من ليل سيجاره.
خد ليل منه واحده وولعها وكل واحد فيهم خد نفس طويل.
ليل...خير يا بدر باشا.
بدر...انا مش هعطلك عشان عارف ان انهارده اجازه واكيد لسه وراك حجات كتير تعملها.
ليل...لا ابدا متقولش كده يارب انا اللي مكنش بعطلك.
بدر...لا ابدا مفيش عطله ولا أي حاجه مبدأياً كده هدخل في الموضوع علي طول.
وقبل ما يتكلم بدر جه الويتر حط القهوه.
بدر...شكرا.
الويتر...تحت امرك يا فندم.
مشي الويتر ورجع بدر كمل كلامه.
بدر...مبدأياً كده يمكن اللي هتكلم فيه هو مش تخصصي اصلا وانا ولا ليا دعوه بيه انا شغلي ظابط حمايه مدنيه مش اكتر.
بس كنت حابب الاول أسألك يعني اللي حصل امبارح ده مش خلاك تشك في اي حد.
ليل....بحيره للأسف لا انا هتجنن من امبارح و بحاول اكون طبيعي و مبينش اي حاجه عشان اللي حواليا ميقلقوش بس انا بصراحه قلقان يعني مش حاجه سهله ان حد يقتحم شركتي ويعتدي علي الامن ويطلع يحط في مكتبي انا بالذات قنبله. مش هقولك اني مليش عداوه مع اي حد والكلام ده. بس انا حقيقي مش قادر اشك في اي حد خالص يمكن حواليا منافسين كتير بس منافسه شغل متوصلش لعداوه بالشكل ده.
بدر.....انا فاهم ومقدر القلق اللي انت فيه بس كمان حابب اقول ان اوقات المنافسه بتقلب لعداوه وكره و أذي كمان واحيانا اقرب حد ليك او اقرب حد مستحيل تشك فيه هو اللي يكون ورا كل ده
ليل...صدقني اغلب الشركات اللي حواليا اه منافسين لكن محدش عمره يتجرأ يعمل حاجه زي دي ولو هفترض معاك ان حد منهم عمل كده ..ممكن يحاول ياخد منى صفقه شغل يبوظ شغل خاص بيا
يضرب عليا نار حتي
لكن ان هو يحطلي قنبله دي كبيره اوي.
بدر...طيب بخصوص القنبله بقي انا جاي مخصوص عشان الموضوع ده.
ليل...خير؟
بدر.....خير ان شاء الله انا موقفتش القنبله..🙄
ليل...باستغراب يعني ايه؟؟🤨
