رواية المتشردة والغيور الفصل الواحد والعشرون بقلم مرج البحر
ﺭﻳﺎ ........ ﻣﻦ ﻛﺜﺮ ﻣﺎﺑﺠﻴﺖ ﺻﻌﺐ ﻭﺍﺣﺪ ﻳﺘﺮﻙ ﺍﻟﻤﻜﺎﻥ ﺍﻟﻨﻮﻟﺪ ﻭﻋﺎﺵ ﺑﻲ ﻫﻮﺍﻱ ﺍﻧﻘﻬﺮﺕ ﻭﺑﺠﻴﺖ ﻭﻣﻦ ﺍﻟﺒﺠﻲ ﺩﺧﺖ ﻭﻧﻤﺖ ﻣﺎﺣﺴﻴﺖ ﺍﻻ ﻋﻠﻰ ﺻﻮﺕ ﺣﻤﺰﺓ ﻳﻜﻌﺪﻧﻲ
ﺣﻤﺰﺓ ....... ﻛﻮﻣﻲ ﺭﻳﺎ ﺍﻛﻠﻴﻠﺞ ﻟﻜﻤﺔ
ﺭﻳﺎ ........ ﻭﻳﻦ ﺍﺣﻨﺎ
ﺣﻤﺰﺓ ........ ﺑﻌﺪﻧﺎ ﻣﺎﻭﺍﺻﻠﻴﻦ ﺑﻐﺪﺍﺩ ﻧﺰﻟﺖ ﺍﺭﺗﺎﺡ ﺷﻮﻳﺔ ﻭﺭﺍﺳﻲ ﻭﺟﻌﻨﻲ ﺷﺮﺑﺖ ﺟﺎﻱ ﻛﻮﻣﻲ ﺍﻛﻠﻲ
ﺭﻳﺎ ....... ﺗﺮﻳﻜﺖ ﺟﺎﻧﺖ ﺍﻟﺴﺎﻋﺔ ﺏ 8 ﺍﺭﺗﺎﺡ ﺷﻮﻳﺔ ﻭﺭﺟﻌﻨﺎ ﻛﻤﻠﻨﺎ ﻃﺮﻳﻘﻨﺎ ﺏ 10 ﻳﺎﻟﻠﻪ ﺩﺧﻠﻨﺎ ﺑﻐﺪﺍﺩ ﻭﺏ 11 ﻭﺻﻠﻨﺎ ﻻﺧﻮﺍﻟﻪ ﺍﺣﻨﺔ ﻣﻨﻄﻴﻨﻬﻢ ﺧﺒﺮ ﻟﻜﻴﻨﺎﻫﻢ ﻣﻨﺘﻈﺮﻳﻨﻨﺎ ﻭﺩﺧﻠﻨﺎ ﻭﺳﻼﻡ ﻭﻛﻼﻡ ﻭﺷﻠﻮﻧﻜﻢ ﻭﺷﺨﺒﺎﺭﻛﻢ ﻭﻫﻴﻴﻴﺞ ﻟﻤﻦ ﺍﺫﻥ ﺍﻟﻈﻬﺮ ﻭﺻﻠﻴﻨﺎ ﻭﺗﻐﺪﻳﻨﺎ ﺍﻧﻲ ﻣﻦ ﻧﻄﻠﻊ ﻃﺮﻳﻖ ﻭﺭﻭﺣﺔ ﻭﺭﺟﻌﺔ ﺍﺗﻌﺐ ﻭﺍﻧﻌﺲ ﻛﻤﺖ ﺍﻏﻔﻲ ﺑﺎﻟﻜﻮﺓ ﻭﻛﻔﺖ ﻭﻳﺎﻫﻦ ﻣﻦ ﻏﺴﻠﻦ ﻣﻮﺍﻋﻴﻦ ﻣﻦ ﻛﻤﻠﻦ ﻛﻮﻟﺘﻠﻬﻦ ﻫﺬﺍ ﺣﺪﻱ ﻭﻳﺎﺟﻦ ﻋﻔﻴﺔ ﻧﻌﺴﺖ ﻭﺭﺍﺡ ﺍﻏﻔﻰ ﻭﺍﻧﻲ ﻭﺍﻛﻔﺔ
ﻧﺒﺮﺍﺱ ........ ﻫﻬﻬﻬﻬﻬﻪ ﺗﻌﺎﻱ ﺍﻓﺮﺷﻠﺞ ﺑﻐﺮﻓﺘﻨﺎ ﻓﻮﻙ
ﺭﻳﺎ ........ ﺻﻌﺪﺕ ﻭﻳﺎﻫﺎ ﺷﻔﺖ ﺍﻟﺠﻨﻂ 4 ﺟﻨﻂ ﻣﺎﻟﺘﻨﺎ ﺍﻧﻲ ﻭﺣﻤﺰﺓ ﻏﻴﺮ ﺍﻻﻏﺮﺍﺽ ﺍﻟﻤﺨﻠﻴﻨﻬﻦ ﺑﺎﻟﺴﻴﺎﺭﺓ ﻣﺎﻧﺰﻟﻨﺎﻫﻦ ﺍﻓﺘﺢ ﻭﺍﺳﺪ ﺑﺎﻟﺠﻨﻂ ﺍﺩﻭﺭﻟﻲ ﻋﻠﻰ ﻣﻼﺑﺲ ﻋﻨﺪﻱ ﺗﺮﺍﻙ ﺯﻳﺘﻮﻧﻲ ﻭﺣﻤﺰﺓ ﻫﻢ ﻋﻨﺪﻩ ﺗﺮﺍﻙ ﺯﻳﺘﻮﻧﻲ ﻃﻠﻌﺖ ﺍﻟﺒﺠﺎﻣﺔ ﻣﺎﻟﺖ ﺗﺮﺍﻛﻲ ﻭﻣﺎﺍﺩﺭﻱ ﺑﺘﺮﺍﻙ ﺣﻤﺰﺓ ﺑﻬﺎﻱ ﺍﻟﺠﻨﻄﺔ ﺳﺤﺒﺖ ﺍﻟﺒﺪﻱ ﻭﻛﻤﺖ ﺑﺪﻟﺖ ﺷﻔﺖ ﺍﻟﺒﺪﻱ ﻣﻮ ﻣﺎﻟﺘﻲ
ﺑﺲ ﻣﺎﺑﻴﺔ ﺍﺩﻭﺭ ﻋﺎﺩ ﻧﻤﺖ ﻭﺍﻧﻲ ﻻﺑﺴﺔ ﺍﻟﺒﺪﻱ ﻣﺎﻟﺖ ﺣﻤﺰﺓ ﻟﻠﻌﺼﺮ ﺣﺴﻴﺖ ﻭﺍﺣﺪ ﻣﺘﻤﺪﺩ ﻳﻤﻲ ﻓﺘﺤﺖ ﻋﻴﻮﻧﻲ ﺷﻔﺘﻪ ﺣﻤﺰﺓ ﻛﻤﺰﺕ ﻛﻮﺗﻠﻪ ﻫﺎﺍﺍ
ﺣﻤﺰﺓ ...... ﻫﺎﺍﺍ ﻭﻟﺞ ﺷﺒﻴﺞ
ﺭﻳﺎ ........ ﺷﻜﻮ ﻣﺘﻤﺪﺩ ﺑﺼﻔﻲ
ﺣﻤﺰﺓ ....... ﻟﻴﺶ ﻳﺎﺑﺔ ﻋﻴﺐ ﻟﻮ ﺣﺮﺍﻡ
ﺭﻳﺎ ....... ﺃ ﺍ ﻣﺎﻳﺼﻴﺮ ﻋﻴﺐ
ﺣﻤﺰﺓ ........ ﻋﻴﺐ ﻋﻠﻴﺔ ﻣﺘﻤﺪﺩ ﺑﺼﻔﺞ ﻣﻮ ﻋﻴﺐ ﻋﻠﻴﺞ ﻻﺑﺴﺔ ﺍﻟﺒﺪﻱ ﻣﺎﻟﺘﻲ
ﺭﻳﺎ ...... ﺑﺎﻭﻋﺖ ﺍﻱ ﻭﺍﻟﻠﻪ ﺻﺪﻙ ﻻﺑﺴﻪ ﺍﻟﺒﺪﻱ ﻣﺎﻟﺘﻪ ﻛﻮﺗﻠﻪ ﻣﺎﺍﺩﺭﻱ ﻋﺒﺎﻟﻲ ﺍﻟﺒﺪﻱ ﻣﺎﻟﺘﻲ
ﺣﻤﺰﺓ ........ ﺍﻣﻤﻤﻢ ﺩﺗﻌﺎﻱ ﻛﻤﻠﻲ ﻧﻮﻣﺘﺞ ﺗﺮﺓ ﻛﻠﻬﻢ ﻧﺎﻳﻤﻴﻦ
ﺭﻳﺎ ........ ﻻ ﻋﻔﻴﺔ ﺍﻃﻠﻊ ﻋﻴﺐ ﻣﻦ ﺍﻟﺒﻨﺎﺕ ﺧﺎﻑ ﻳﺠﻦ
ﺣﻤﺰﺓ ........ ﻻ ﻣﺎﻳﺠﻦ ﻳﺪﺭﻥ ﺑﻴﺔ ﻫﻨﺎ ﺗﻌﺎﻱ
ﺭﻳﺎ ........ ﺷﺒﻲ ﻫﺬﺍ ﻣﺴﺘﺨﻒ ﺷﻮ ﻛﻤﺖ ﺑﺪﻟﺖ ﻭﻃﻠﻌﺖ ﻳﻢ ﺍﻟﺒﻨﺎﺕ ﺷﻔﺖ ﺍﻟﺒﻴﺖ ﻫﺪﻭﺀ ﻭﺑﺲ ﺍﻟﺒﻨﺎﺕ ﺑﺎﻟﻬﻮﻝ ﻛﺎﻋﺪﺍﺕ ﻳﺴﻮﻟﻔﻦ ﻭﻳﺠﻬﺰﻥ ﻟﻠﻌﺮﺱ ﻫﻪ ﻭﺍﻧﻲ ﻧﺎﻳﻤﺔ ﻛﻮﻟﺘﻠﻬﻦ ﻫﺎﺍ ﺷﺘﺴﻮﻥ
ﺭﺅﻯ ...... ﺗﻌﺎﻱ ﺟﺎﻱ ﻧﺴﻮﻟﻒ ﻋﻠﻰ ﻋﺮﺳﻜﻢ ﺑﺲ ﻳﺎﻟﻠﻪ ﺍﻧﺘﻮ ﻋﺮﺳﺘﻮ ﻭﺭﺣﺘﻮ
ﺭﻳﺎ ....... ﺷﻌﺮﺳﻨﺎ
ﺭﺅﻯ ....... ﺍﻧﺪﺭﻱ ﺑﻴﻜﻢ ﺻﺎﺭﻟﻜﻢ ﺳﺎﻋﺘﻴﻦ ﺟﻮﺓ ﻭﺣﺪﻛﻢ ﻭﻃﻠﻌﺘﻲ ﻣﺒﺪﻟﺔ ﻧﺎﻗﺼﻜﻢ ﺑﺲ ﻫﻠﻬﻮﻟﺔ
ﺭﻳﺎ ........ ﻭﺍﻟﻠﻪ ﻛﻠﺸﻲ ﻣﺎﺍﻓﺘﻬﻢ ﻣﻨﺞ ﻋﻠﻰ ﻛﻼ ﺟﻨﺖ ﻧﺎﻳﻤﺔ ﻫﺴﺔ ﻛﻌﺪﺕ
ﺳﺮﺍﺏ ...... ﺧﻠﻨﺎ ﺑﺎﻟﻤﻬﻢ ﻫﺴﺔ ﺷﺮﺍﺡ ﺗﻠﺒﺴﻦ ﻗﺼﻴﺮ ﻟﻮ ﻃﻮﻳﻞ
ﻧﺒﺮﺍﺱ ...... ﺍﻧﻲ ﺍﻟﺒﺲ ﻗﺼﻴﺮ ﻣﺎﺍﺭﻳﺪ ﻃﻮﻳﻞ ﻭﻫﻴﺞ ﺷﻲ ﺍﺗﻘﻴﺪ
ﺑﺲ ﻋﻤﺘﻲ ﻣﺨﺎﺑﺮﺓ ﺑﺎﺑﺎ ﻛﺎﻳﻠﺘﻠﻪ ﺣﻨﺔ ﻭﺯﻓﺔ ﺑﻴﻮﻡ ﻭﺍﺣﺪ
ﺭﻳﺎ ....... ﻗﺼﺪﺝ ﻋﻤﺘﻲ ﺍﻡ ﻣﺤﻤﺪ
ﻧﺒﺮﺍﺱ ...... ﺍﻳﻴﻲ ﺗﻜﻮﻝ ﺣﺒﺎﻳﺒﻨﺎ ﻛﻠﻬﻦ ﻳﺮﺩﻥ ﻳﺠﻦ ﻭﺍﺫﺍ ﻧﺴﻮﻱ ﺣﻨﺔ ﺑﻴﻮﻡ ﻭﺯﻓﺔ ﺑﻴﻮﻡ ﻫﺎﻱ ﺍﻟﻌﺎﻟﻢ ﻭﻳﻦ ﺗﺒﻘﻰ ﻋﺎﺩ ﻧﻔﻀﻬﺎ ﻳﻮﻡ ﻭﺍﺣﺪ ﺍﻟﻈﻬﺮ ﺍﻟﺤﻨﺔ ﻟﻠﻌﺼﺮ ﻳﺰﻓﻮﻥ ﺑﺲ ﺗﻠﺒﺴﻴﻦ ﺑﺪﻟﺘﻴﻦ ﻟﻴﺶ ﺣﻤﺰﺓ ﻣﺎﻛﺎﻟﻠﺞ
ﺭﻳﺎ ....... ﻻ ﻫﺴﺔ ﺳﻤﻌﺖ ﻣﻨﺞ ﺑﺲ ﻫﻢ ﺻﺪﻙ ﻫﻴﺞ ﺍﺣﺴﻦ
ﺑﻜﻠﺒﻲ ﻇﺠﺖ ﻻﻥ ﺭﺩﺕ ﺣﻨﺔ ﻭﺯﻓﺔ ﻣﻮ ﺛﻨﻴﻨﻬﻦ ﺑﻴﻮﻡ ﻭﺍﺣﺪ ﺍﻟﻤﻬﻢ ﻣﺎﺑﻴﻨﺖ ﻇﻮﺟﺘﻲ ﻇﻠﻴﺖ ﻭﻱ ﺍﻟﺒﻨﺎﺕ ﻟﻠﻴﻞ ﺳﻮﺍﻟﻒ ﻋﺎﺩﻳﺔ ﻭﻛﻠﻬﺎ ﺗﺴﻮﻟﻒ ﺑﺎﻟﻌﺮﺱ ﻋﻤﻮ ﺣﺎﻣﺪ ﻛﻠﺶ ﻇﺎﻳﺞ ﻻﻥ ﻋﻤﺎﻡ ﺣﻤﺰﺓ ﺯﻋﻼﻧﻴﻦ
ﺛﺎﻧﻲ ﻳﻮﻡ ﺣﻤﺰﺓ ﻣﺨﻠﻲ ﻓﻠﻮﺱ ﻳﻢ ﺧﺎﻟﺔ ﺩﻻﻝ ﺣﺘﻰ ﺍﺟﻬﺰ ﻟﻠﻌﺮﺱ ﻭﺭﺍﺡ ﻫﻮ ﻭﻋﻤﻮ ﺣﺎﻣﺪ ﻟﻠﺒﺼﺮﺓ ﺧﻄﻴﺔ ﻛﻠﺶ ﺗﻌﺐ ﻣﻦ ﻣﺤﺎﻓﻈﺔ ﻟﻤﺤﺎﻓﻈﺔ ﻭﻛﻞ ﻃﺮﻳﻖ ﻭﻻ ﺍﻟﺜﺎﻧﻲ ﺍﻟﻠﻪ ﻳﺴﺎﻋﺪﻩ ﺍﻟﻤﻬﻢ ﻫﻢ ﺭﺍﺣﻮ ﻟﻠﺒﺼﺮﺓ ﻭﻛﻌﺪﺕ ﺍﻟﺼﺒﺢ ﻇﺎﻳﺠﺔ ﺑﺎﻟﻲ ﻛﻠﻪ ﻳﻢ ﺣﻤﺰﺓ ﻝ 11 ﻣﺎﺗﺤﻤﻠﺖ ﺧﺎﺑﺮﺗﻪ ﺭﺩ ﻋﻠﻴﺔ ﻭﻛﺎﻝ
ﺣﻤﺰﺓ ....... ﻫﻼ ﺭﻳﺎ ﺣﺒﻴﺒﺘﻲ
ﺭﻳﺎ ....... ﺷﻠﻮﻧﻚ
ﺣﻤﺰﺓ ....... ﺍﻟﺤﻤﺪﻟﻠﻪ
ﺭﻳﺎ ....... ﻭﺻﻠﺘﻮ
ﺣﻤﺰﺓ ....... ﺍﻳﻲ ﻛﺒﻞ ﺷﻮﻳﺔ ﻭﺻﻠﻨﺎ
ﺭﻳﺎ ........ ﻫﺎﺍﺍ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻜﻢ
ﺣﻤﺰﺓ ........ ﺍﻟﻠﻪ ﻳﺴﻠﻤﺞ ﻛﻮﻟﻲ ﻣﺤﺘﺎﺟﺔ ﺷﻲ
ﺭﻳﺎ ........ ﻻ ﺑﺲ ﺣﺒﻴﺖ ﺍﻃﻤﺄﻥ ﻋﻠﻴﻚ
ﺣﻤﺰﺓ ....... ﺍﺷﺘﺎﻗﻴﺘﻠﺞ
ﺭﻳﺎ ........ ﺍﺑﺘﺴﻤﺖ ﻣﺎ ﺟﺎﻭﺑﺘﻪ ﺷﻜﻮﻟﻪ ﻣﺜﻼ
ﺣﻤﺰﺓ ....... ﻛﺎﻓﻲ ﺗﻀﺤﻜﻴﻦ ﺣﻠﻜﺞ ﺭﺍﺡ ﻳﻨﺸﻚ ﺑﺪﻝ ﻣﺎﺗﻀﺤﻜﻴﻦ ﺍﺣﺠﻴﻠﺞ ﺣﺠﺎﻳﺔ ﺗﺮﻳﺢ ﻛﻠﺒﻲ
ﺭﻳﺎ ........ ﻋﺰﺍﺍﺍ ﻫﺬﺍ ﻭﻳﻦ ﺷﺎﻓﻨﻲ ﻧﺰﻟﺖ ﺍﻟﺘﻠﻔﻮﻥ ﻣﻦ ﺍﺫﻧﻲ ﺧﺎﻑ ﻣﺸﺘﻐﻠﺔ ﻛﺎﻣﻴﺮﺍ ﻻ ﻭﺍﻟﻠﻪ ﻣﺨﺎﺑﺮﺗﻪ ﻋﻠﻰ ﺍﻟﺮﺻﻴﺪ ﺭﺟﻌﺖ ﻛﻮﺗﻠﻪ ﺷﻠﻮﻥ ﺷﻔﺘﻨﻲ
ﺣﻤﺰﺓ ........ ﺣﺎﻓﻈﺞ ﻳﺎﺑﺔ ﺣﺎﻓﻈﺞ ﺗﻌﻠﻤﻴﻨﻲ ﺑﻴﺞ ﻳﺎﻟﻠﻪ ﺍﻧﻲ ﺭﺍﺡ ﺍﻧﺰﻝ ﺟﻮﺓ ﺷﻮﻳﺔ ﻭﺍﺧﺎﺑﺮﺝ
ﺭﻳﺎ ...... ﻣﺎﺷﻲ ﺍﻧﻲ ﻫﻢ ﺍﻟﺒﻨﺎﺕ ﻳﺼﻴﺤﻨﻲ ﺭﺍﺩ ﻳﻘﻔﻞ ﺍﻟﺨﻂ ﻛﻮﺗﻠﻪ ﺣﻤﺰﺓ ﺣﻤﺰﺓ ﻟﺤﻈﺔ ﻟﺤﻈﺔ
ﺣﻤﺰﺓ ....... ﻫﺎﺍﺍ ﻭﻳﺎﺝ
ﺭﻳﺎ ........ ﺍﻟﻌﺼﺮ ﺭﺍﺡ ﺍﺭﻭﺡ ﻟﻠﺴﻮﻙ ﺍﺟﻬﺰ
ﺣﻤﺰﺓ ........ ﻓﺪﻳﺖ ﻣﺮﻳﺘﻲ ﺍﻟﺘﻜﻮﻟﻲ ﻛﺒﻞ ﻻﺗﻄﻠﻊ ﻫﻬﻬﻪ ﺍﻳﻲ ﺭﻭﺣﻲ ﺑﺲ ﻛﻮﻥ ﺧﺎﻟﺘﻲ ﻭﻳﺎﺝ ﺗﺮﻭﺡ ﻳﻌﻨﻲ ﻣﻮ ﺑﺲ ﺍﻧﺘﻲ ﻭﺍﻟﺒﻨﺎﺕ
ﺭﻳﺎ ....... ﺍﻣﻤﻢ ﻣﺎﺷﻲ
ﻫﻮ ﻗﻔﻞ ﺍﻟﺨﻂ ﻭﻧﺰﻟﺖ ﻳﻢ ﺍﻟﺒﻨﺎﺕ ﺟﻬﺰﻧﺎ ﻏﺪﺍﺀ ﺑﺲ ﺍﺫﻥ ﺻﻠﻴﻨﺎ ﻭﺍﻟﻮﻟﺪ ﺭﺍﺩﻭ ﻏﺪﺍﺀ ﺍﻟﺒﻨﺎﺕ ﺻﺒﻦ ﻭﺍﻧﻲ ﺳﺎﻋﺪﺗﻬﻦ ﺑﺲ ﻣﺎﻛﻌﺪﻧﺎ ﻳﻢ ﺍﻟﻮﻟﺪ ﻻﻥ ﻋﻴﺐ ﺍﺳﺘﺤﻲ
ﻛﻌﺪﻧﺎ ﻭﺣﺪﻧﺎ ﺑﺎﻟﻤﻄﺒﺦ ﻭﺍﻟﻮﻟﺪ ﺑﺎﻟﻬﻮﻝ ﻭﻟﻠﻌﺼﺮ ﺭﺣﻨﺎ ﺍﻧﻲ ﻭﺧﺎﻟﺔ ﺩﻻﻝ ﻭﺭﺅﻯ ﺟﻬﺰﺕ ﻣﻼﺑﺲ ﻭﺫﻫﺐ ﻭﻛﻠﺸﻲ ﺍﺣﺘﺎﺟﻪ ﻭﻣﻜﻴﺎﺟﺎﺕ ﻭﻋﻄﻮﺭﺍﺕ ﻭﺍﺣﺬﻳﺔ ﻭﺷﺎﻻﺕ ﻭﺟﻨﻂ ﺑﺲ ﺷﻨﻮ ﻣﻦ ﻛﻠﺸﻲ ﻗﻄﻌﺔ ﺍﻭ ﻗﻄﻌﺘﻴﻦ ﻣﻮ ﻫﻮﺍﻱ ﻛﻮﻟﺖ ﺑﻌﺪﻳﻦ ﻫﻢ ﺍﺷﺘﺮﻱ ﻣﺎﺍﺷﺘﺮﻱ ﻫﻮﺍﻱ ﻗﺒﻞ ﺍﻟﻌﺮﺱ
ﻭﻣﻦ ﺭﺟﻌﺖ ﺳﻔﻄﺖ ﻣﻼﺑﺴﻲ ﻭﻫﻢ ﻃﻠﻊ ﻋﻨﺪﻱ ﻫﻮﺍﻱ ﻧﻮﺍﻗﺺ ﻛﺎﻟﺖ ﺧﺎﻟﺔ ﺩﻻﻝ
ﺩﻻﻝ ........ ﻳﺎﻟﻠﻪ ﺳﺠﻠﻲ ﺍﻟﻨﻮﺍﻗﺺ ﺍﻟﻌﻨﺪﺝ ﻭﺑﺎﺟﺮ ﻫﻢ ﻧﺴﻮﻳﻠﻨﺎ ﺭﻭﺣﺔ ﻟﻠﺴﻮﻙ ﻭﻧﺸﺘﺮﻱ
ﺭﻳﺎ ....... ﻟﻠﻴﻞ ﺧﺎﺑﺮﻧﻲ ﺣﻤﺰﺓ ﻭﺳﺄﻟﺘﻪ ﻋﻠﻰ ﻋﻤﺎﻣﻪ ﺷﺼﺎﺭ ﻛﺎﻝ
ﺣﻤﺰﺓ ....... ﻻ ﺍﻟﺤﻤﺪﻟﻠﻪ ﺻﺎﻟﺤﺘﻬﻢ ﻭﺍﺧﺬﺕ ﻣﻦ ﺧﺎﻃﺮﻫﻢ ﻭﺑﺎﺟﺮ ﺭﺍﺡ ﻧﻌﺰﻣﻬﻢ ﻋﻠﻰ ﺍﻟﻐﺪﺍﺀ ﻳﻤﻨﺎ
ﺭﻳﺎ ........ ﺍﻭﻭﻭﻑ ﺣﻤﺰﺓ ﻫﺴﺔ ﺍﺭﺗﺎﺣﻴﺖ
ﺣﻤﺰﺓ ....... ﺧﻠﻴﺞ ﺩﻭﻡ ﻣﺮﺗﺎﺣﺔ ﻭﺍﻟﻠﻪ ﻣﺎﺍﻋﻮﻓﺞ ﺍﻟﻴﻮﻡ ﺭﺣﺘﻲ ﻟﻠﺴﻮﻙ
ﺭﻳﺎ ....... ﺍﻳﻲ ﺭﺣﺖ ﻭﺟﻬﺰﺕ ﺑﺲ ﻋﻨﺪﻱ ﻧﻮﺍﻗﺺ ﺑﺎﺟﺮ ﺍﺭﺟﻊ ﻫﻢ ﺍﺷﺘﺮﻳﻬﻦ
ﺣﻤﺰﺓ ........ ﻳﺎﻫﻮ ﺍﻟﺮﺍﺡ ﻭﻳﺎﺝ
ﺭﻳﺎ ........ ﺧﺎﻟﺔ ﺩﻻﻝ ﻭﺭﺅﻯ ﻭﺍﺧﺬﻧﺎ ﺣﺴﻦ
ﺣﻤﺰﺓ ....... ﺯﻳﻦ ﻭﺷﻠﺒﺴﺘﻲ
ﺭﻳﺎ ........ ﺟﺒﺘﻲ ﺍﻟﺸﺘﺮﻳﺘﻬﺎ ﺑﻬﺬﻳﺞ ﺟﻴﺘﻲ ﻟﺒﻐﺪﺍﺩ
ﺣﻤﺰﺓ ........ ﻫﺎﺍﺍﺍ ﺯﻳﻦ ﺑﻌﺪ ﻭﻳﻦ ﻣﺎﺗﻄﻠﻌﻴﻦ ﻟﺒﺴﻴﻬﺎ ﻻﺗﻠﺒﺴﻴﻦ ﻟﺒﺲ ﺿﻴﻚ ﻭﻣﻮ ﺩﻭﻡ ﺗﻜﻌﺪﻳﻦ ﻳﻢ ﺍﻟﻮﻟﺪ
ﺭﻳﺎ ........ ﻻ ﺷﻌﻨﺪﻱ ﻭﺍﻟﻠﻪ ﺍﺻﻼ ﻣﺎﺍﻃﻠﻊ ﻛﺪﺍﻣﻬﻢ
ﺣﻤﺰﺓ ....... ﺍﻳﻲ ﻫﻴﺞ ﺍﺣﺴﻦ ﻭﺑﺎﺟﺮ ﺍﻟﻌﺼﺮ ﺍﺣﻨﺔ ﺟﺎﻳﻴﻦ
ﺭﻳﺎ ........ ﻇﻠﻴﺖ ﺍﺣﺠﻲ ﺍﻧﻲ ﻭﺣﻤﺰﺓ ﻟﻨﺺ ﺍﻟﻠﻴﻞ ﻭﻛﻞ ﺷﻮﻱ ﻳﻈﻞ ﻳﺘﻐﺰﻝ ﻭﻳﻜﻮﻝ ﺷﻐﻼﺕ ﻣﺎﺍﻓﻬﻤﻬﺎ ﺑﺲ ﺍﻏﻠﺲ ﻭﻣﺎﺍﺳﺄﻟﻪ ﻭﻣﻦ ﺭﺩﺕ ﺍﻧﺎﻡ ﺭﺍﺩﻧﻲ ﺍﻓﺘﺢ ﻛﺎﻣﻴﺮﺍ ﻭﺍﺧﻠﻴﻬﺎ ﻛﺪﺍﻣﻲ ﻭﺍﻧﺎﻡ ﺑﺲ ﻣﺎﻗﺒﻠﺖ ﻛﻮﺗﻠﻪ ﻋﻴﺐ ﻣﻦ ﺑﻨﺎﺕ ﺧﺎﻟﻚ
ﻭﺛﺎﻧﻲ ﻳﻮﻡ ﺭﺣﺖ ﺍﻟﻌﺼﺮ ﻟﻠﺴﻮﻙ ﻭﻫﻢ ﺍﺷﺘﺮﻳﺖ ﺍﻟﻨﻮﺍﻗﺺ ﻛﻤﻠﺖ ﻛﻠﺸﻲ ﺣﺪﺩﻭ ﺍﻟﻌﺮﺱ ﺑﺘﺎﺭﻳﺦ 8/1 ﻳﻌﻨﻲ ﺗﻘﺮﻳﺒﺎ ﺑﻌﺪ 6 ﺍﻳﺎﻡ ﻟﻮ 7 ﺣﺠﺰﻧﺎ ﺻﺎﻟﻮﻥ ﻧﻔﺴﻪ ﺻﺎﻟﻮﻥ ﺍﻟﺨﻄﺒﺔ ﻭﺍﻡ ﺍﻟﺼﺎﻟﻮﻥ ﻋﺮﻓﺘﻨﻲ ﻭﻃﻠﻌﺘﻠﻲ ﺑﺪﻻﺕ ﻛﻠﻬﺎ ﺟﺪﻳﺪﺓ ﻻﻥ ﺧﺎﻟﺔ ﺩﻻﻝ ﻛﺎﻟﺘﻠﻬﺎ ﻣﻦ ﺍﺭﺑﻴﻞ ﻛﺎﻣﺖ ﺗﻄﻠﻊ ﺑﺎﻟﺒﺪﻻﺕ ﻭﺑﺲ ﺍﺧﺘﺎﺭﻱ ﻛﻠﻬﺎ ﺗﺼﺎﻣﻴﻢ ﺟﺪﻳﺪﺓ
ﺍﺧﺘﺎﺭﻳﺖ ﻭﺣﺪﺓ ﻣﺎﺭﻭﻧﻲ ﺍﻟﺒﺴﻬﺎ ﺑﺎﻟﺒﺪﺍﻳﺔ ﻗﺒﻞ ﺍﻟﺒﺪﻟﺔ ﺍﻟﺒﻴﻀﺔ ﻭﻭﺣﺪﺓ ﺑﻴﻀﺔ ﺷﻜﻠﻬﺎ ﻛﻠﺶ ﺣﻠﻮ ﻭﺗﺼﻤﻴﻤﻬﺎ ﻛﻠﺶ ﺣﻠﻮ ﻭﻓﻴﻜﺔ ﻭﺍﺧﺘﺎﺭﻳﺖ ﺗﺴﺮﻳﺤﺔ ﻭﺍﻟﻤﻜﻴﺎﺝ ﻛﻮﻟﺘﻠﻬﺎ ﻣﺎﺍﻋﺮﻑ ﺑﺎﻟﻤﻜﻴﺎﺝ ﻋﺎﺩ ﻳﺒﻘﻰ ﻋﻠﻰ ﺭﺅﻯ ﻭﻧﺴﺮﻳﻦ ﻫﻦ ﻳﻌﺮﻓﻦ ﺑﺎﻟﻤﻜﻴﺎﺝ
ﺑﺎﻟﻠﻴﻞ ﺣﻤﺰﺓ ﻭﻋﻤﻮ ﺣﺎﻣﺪ ﻭﺻﻠﻮ ﺏ 3 ﺑﺎﻟﻠﻴﻞ ﺟﻨﺖ ﻧﺎﻳﻤﺔ ﻛﻌﺪﺕ ﺍﻟﺼﺒﺢ ﺷﻔﺘﻬﻢ ﻣﻮﺟﻮﺩﻳﻦ ﻭﺍﺣﻤﺪ ﺟﺎﻱ ﻭﻳﺎﻫﻢ ﺳﻠﻤﺖ ﻋﻠﻴﻬﻢ ﻭﺣﻤﺰﺓ ﻛﺪﺍﻣﻬﻢ ﻃﺎﻟﺴﻨﻲ ﺍﻟﻮﻟﺪ ﻛﻠﻬﻢ ﺻﺎﺣﻮ ﻫﺎﺍﺍﺍﺍﺍ ﻣﻦ ﻫﺴﺔ ﺑﺲ ﻋﻤﻮ ﺣﺎﻣﺪ ﺧﺰﺭﻫﻢ ﻭﻛﺎﻟﻠﻬﻢ
ﺣﺎﻣﺪ ........ ﻭﻧﺮﺽ ﻭﻟﻜﻢ ﻋﻴﺐ ﺍﻟﺒﻨﻴﺔ ﻣﺎﺗﻌﺮﻑ ﻫﻴﺞ ﺷﻘﺔ
ﺭﻳﺎ ........ ﺧﺎﻑ ﻣﺎﺍﺭﻳﺪ ﺍﺳﺘﺤﻲ ﻋﻤﻮ ﺣﺎﻣﺪ ﺧﻼﻧﻲ ﺍﺳﺘﺤﻲ ﻏﺼﺒﺎ ﻋﻠﻴﺔ ﺍﺣﻤﺪ ﻭﺣﻤﺰﺓ ﺍﺧﺬ ﻛﻞ ﺍﻏﺮﺍﺿﻨﺎ ﺍﻟﺠﺒﻨﺎﻫﺎ ﻣﻦ ﺍﺭﺑﻴﻞ ﻭﺍﻟﺘﺠﻬﻴﺰ ﻣﺎﻝ ﻋﺮﺳﻲ ﻭﺭﺟﻊ ﻟﻠﺒﺼﺮﺓ ﻋﻔﺖ ﺑﺲ ﺗﺒﺪﻳﻠﺔ ﻣﻼﺑﺲ ﺍﻟﻲ ﻭﺍﻟﻠﻪ ﺣﻤﺰﺓ ﺗﻌﺐ ﻣﻦ ﻛﺜﺮ ﻣﺎﻳﺮﻭﺡ ﻭﻳﺠﻲ ﻣﻦ ﺭﺍﺩﻭ ﻳﻄﻠﻌﻮﻥ ﻃﻠﻌﺘﻠﻪ ﻳﻢ ﺍﻟﺒﺎﺏ ﺍﺳﻠﻢ ﻋﻠﻴﻪ ﻛﻮﺗﻠﻪ
ﺣﻤﺰﺓ ﻛﺎﻓﻲ ﺗﺮﻭﺡ ﻭﺗﺠﻲ ﺍﻟﻄﺮﻳﻖ ﻃﻮﻳﻞ ﻭﺍﻧﺖ ﺗﺘﻌﺐ
ﺣﻤﺰﺓ ........ ﺻﺪﻙ ﺗﺤﺠﻴﻦ ﻏﻴﺮ ﺍﺭﻳﺪ ﺍﺟﻲ ﺍﺷﻮﻓﺞ
ﺭﻳﺎ ......... ﺑﺲ ﻣﻮ ﺯﻳﻦ ﻫﻴﺞ ﺍﻟﻄﺮﻳﻖ ﺧﻄﺮ
ﺣﻤﺰﺓ ...... ﺗﺨﺎﻓﻴﻦ ﻋﻠﻴﺔ
ﺭﻳﺎ ....... ﺣﺠﺎﻫﺎ ﻭﺍﺑﺘﺴﻢ ﻛﻮﺗﻠﻪ ﻗﺎﺑﻞ ﺍﻛﺮﻫﻚ ﺣﺘﻰ ﻣﺎﺍﺧﺎﻑ ﻋﻠﻴﻚ
ﺣﻤﺰﺓ ...... ﻻﺗﺨﺎﻓﻴﻦ ﻋﻠﻴﺔ ﻣﺎﻳﺼﻴﺮﻟﻲ ﺷﻲ ﺍﻥ ﺷﺎﺀ، ﺍﻟﻠﻪ ﻳﺎﻟﻠﻪ ﺍﻧﻲ ﺭﺍﻳﺢ ﺑﻌﺪ ﻟﻠﻌﺮﺱ ﻳﺎﻟﻠﻪ ﺍﺟﻲ ﻣﺎﻋﻨﺪﺝ ﺷﻲ ﺗﻨﻄﻴﻨﻴﺎ
ﺭﻳﺎ ...... ﻻ ﻛﻠﺸﻲ ﺻﻌﺪﺗﻪ ﺑﺲ ﻣﻼﺑﺴﻲ ﺍﻻﺣﺘﺎﺟﻬﻦ
ﺣﻤﺰﺓ ....... ﻻ ﻭﺍﻟﻠﻪ ﺧﺎﻑ ﻣﺎﺗﺮﺿﻴﻦ ﻭﻟﺞ ﺍﺭﻳﺪ ﺑﻮﺳﺔ ﻋﺎﺩ ﺗﺮﺩ ﻋﻨﻲ ﺗﻌﺐ ﺍﻟﻄﺮﻳﻖ
ﺭﻳﺎ ....... ﺿﻤﻴﺖ ﺭﺍﺳﻲ ﺑﺎﻟﺒﺎﺏ ﻫﻮ ﺿﺤﻚ ﻭﻛﺎﻝ
ﺣﻤﺰﺓ ....... ﻟﻮﻳﻦ ﺗﻈﻞ ﺗﺼﺒﺮ ﻳﺤﻤﺰﺓ ﺗﻜﻮﻝ ﺍﻟﻠﻪ ﺧﺎﻟﻘﻨﻲ ﺑﺲ ﻟﻠﺼﺒﺮ ﺑﺲ ﻧﺼﺒﺮ ﻭﻛﻠﻬﻦ ﺍﻃﻠﻌﻬﻦ ﻣﻦ ﻋﻴﻨﺞ ﻭﺍﻟﻠﻪ ﻳﺎﻟﻠﻪ ﻓﻮﺗﻲ
ﺭﻳﺎ ....... ﻫﻮ ﺭﺍﺡ ﻳﻤﺸﻲ ﻭﻳﻀﺤﻚ ﻭﺍﻧﻲ ﺍﺑﺎﻭﻋﻠﻪ ﻣﻦ ﺍﻟﺒﺎﺏ ﺍﺣﻤﺪ ﻳﺴﺄﻟﻪ ﻛﺎﻟﻪ
ﺍﺣﻤﺪ ...... ﺷﺒﻴﻚ
ﺣﻤﺰﺓ ........ ﻣﺎﺑﻴﺔ ﺍﻣﺸﻲ ﻳﺎﻟﻠﻪ
ﺍﺣﻤﺪ ........ ﻟﻮ ﻳﺼﻮﻏﻮﻟﻲ ﻣﺮﺓ ﻣﻦ ﺫﻫﺐ ﺑﺲ ﻳﻜﻮﻟﻮﻟﻲ ﺍﺧﺬﻫﺎ ﻣﻦ ﻏﻴﺮ ﻣﺤﺎﻓﻈﺔ ﻫﻢ ﻣﺎﺍﺭﻳﺪﻫﺎ ﻟﻮ ﻳﻜﻮﻟﻮﻟﻲ ﺣﺐ ﺣﻴﺎﺗﻚ ﻫﻢ ﻣﺎﺍﻗﺒﻞ ﻣﺎﺗﻜﻠﻲ ﺷﻠﻚ ﺑﺸﻼﻉ ﺍﻟﮕﻠﺐ
ﺭﻳﺎ ....... ﺍﻧﻲ ﺍﺿﺤﻚ ﻭﺣﻤﺰﺓ ﺑﺎﻭﻋﻠﻲ ﻭﺻﺎﺡ
ﺣﻤﺰﺓ ....... ﺗﺴﺘﺎﻫﻞ ﻳﺎﺑﺔ ﻟﻮ ﺟﺎﻧﺖ ﺑﻐﻴﺮ ﺩﻭﻟﺔ ﺍﺗﻌﻨﺎﻟﻬﺎ
ﺭﻳﺎ ....... ﻳﺎﻟﻠﻪ ﺷﺴﻮﻱ ﻣﺎﺍﻭﻓﻲ ﺟﺰﺀ ﺻﻐﻴﺮ ﻣﻦ ﺗﻌﺐ ﺣﻤﺰﺓ ﻭﻟﻮ ﺍﺣﺒﻪ ﻛﻞ ﻋﻤﺮﻱ ﻣﺎﺍﻛﺪﺭ ﺍﻭﻓﻲ ﻧﺺ ﺣﺒﻪ ﺍﻟﻲ ﺑﺲ ﺍﺩﻋﻴﻠﻪ ﺍﻟﻠﻪ ﻳﺤﻔﻈﻪ ﺍﻟﻲ ﻣﻦ ﻛﻞ ﺷﺮ
