رواية بنات نعمة الجزء الثاني (الدرويش) الفصل الرابع والعشرون والخامس والعشرون
بالليل في ساعة متأخرة نعمة كانت سهرانة بتصلي وتدعي
ان ربنا يردلها بنتها بالسلامة
في الوقت ده الباب خبط ، اتحركت نعمة بالكرسي ناحية
الباب وهي قلقانة وبتقول استر يارب ياتري مين ال جاي
السعادي ، مين بيخبط؟
في نفس اللحظة كان ابراهيم صاحي ولسه هيخرج يفتح الباب سمع نعمة بتفتح
صابر .. افتحي يانعمة انا صابر
نعمة .. خير ياصابر ايه ال جابك الساعة دي !!!؟
صابر .. كل البيبان اتقفلت في وشي ومعادش غير بابك يانعمة
نعمة .. شكلك محمل والحمل زاد عليك
صابر .. زاد يانعمة ومعدتش قادر استحمل
نعمة .. طمني في ايه ؟!!
صابر .. اتخانقت مع امي ونظيمة وكوثر التانية عايزة تطلق
وهتاخد عيالها وتسافر
نعمة .. كيف!!!!! ليه انت عملت ايه عشان يقلبو عليك اكده!!!؟
صابر .. قلت كلمة حق
نعمة .. كلمة الحق مبتزعلش؟!!!
صابر .. ماهي لما تكون كلمة الحق في حق نعمة جوة بيت
المغازي يبقا ده ال يزعل
نعمة .. مكانش يصح غلطان ياصابر
صابر .. انا فعلا غلطان عشان سكت كتير
نعمة .. استهدى بالله وروح ياصابر صالح امك وراضي مراتك بكلمتين
صابر .. خلاص يانعمة طفح الكيل ولا هصالح حد ولا هراضي
حد ال زعلان مني يخبط دماغه في الحيط وال عايز يمشي
الباب يفوت جمل
نعمة .. واه !! جرالك ايه ياصابر !!
صابر .. انا خلاص صبري نفد واتغيرت للأحسن يانعمة وبقيت
افهم الدنيا ماشية كيف
نعمة .. انت ولا فاهم ولا عارف حاجة ، بلاش تدوق كوثر
وولادك نفس الكاس ال دوقته ليا ولبناتي قبل إكده
صابر .. الوضع مختلف يانعمة ولادها رجالة كبار حتى أصغر
مافيهم سلوى بقت عروسة غير لما سبتك كانو بناتك
صغيرين ومكانش حيلتك حاجة اما هي فعندها
الفلوس تكفيها وتكفي ولادها لسنين جاية وغير كده انا مش
هسيب عيالي يتمرمطو هعيشهم احلا عيشة ومش هخليهم
محتاجين حاجة سواء قعدو معايا أو راحو معاها متبصيش
للذل ال شافوه بناتك أنا اتعلمت الدرس يانعمة
نعمة .. 😥
صابر .. مالك !؟
نعمة .. مفيش ياصابر ، اسمع مني ياصابر بلاش تظلم
صابر .. هوووووففف برضو هتقوليلي بظلم ، يانعمة انا شفت
ظلم كابته جوايا ومش قادر أنطق 😡
نعمة .. اوعى تتكلم عن الظلم 😡ظلم ايه ال بتتكلم عليه ،
تعرف ايه أنت عن الظلم والمظلومين انت عايش حياتك
عادي وعمرك مافكرت غير روحك وبس😡
صابر .. لما اهلى يطمعو في ورثي يبقا ظلم😡 ولما يرموكي
انتي وبناتي في الشارع يبقا ظلم 😡 ولما أكون أب لأبن مش
أبني يبقا ظلم 😡
نعمة .. إبن مش إبنك ؟؟!!!!!!!!!!!
صابر .. أيوة يانعمة في ولد في ولادي مش أبني😔
نعمة .. !!!!!!
صابر .. بعد ما إتجوزت كوثر بفترة قليلة إكتشفت إنها حامل
من جوزها الأولاني وأصرت وقتها إني أكتبه على أسمي
نعمة .. مين في الولاد !؟
صابر .. ابراهيم 😔
في نفس اللحظة كان ابراهيم بره الباب سامع الكلام ودموعه
مالية عنيه
نعمة .. معقول ال انا بسمعه ده ؟!!
صابر .. ارجوكي متحكيش لإبراهيم وخلي الموضوع يفضل
سر بينا
نعمة .. أحكيله اي بس ، عيني عليك ياإبراهيم هتلاقيها منين
ولا منين
صابر .. كوثر مش ملاك زي ما انتي فاهمة يانعمة ، كوثر
شيطان متخفي في بني أدم ، سبب رجوعنا من القاهرة
ووجودنا في قلب النار دي هو طمع كوثر في الورث
دي وصل بيها الحال إنها كانت بتحرضني على قتل اخوي
مرسي الله يرحمه حتى عثمان ابنها معتقتوش بتحاول تزرع
السم في قلبه لأجل ما يجيب ليها الورث وحاجات كتير
يانعمة بس انا كنت صابر ومستني ربنا يهديها بس شكلها
كده مش ناوية تجيبها البر
نعمة .. طب وهتعمل ايه في المصايب دي كلها
صابر .. العمل عمل ربنا
________
في بيت سمية
سمية .. اتأخرت بره ليه
ناصر .. كان في شغل كتير في الورشة
سمية .. طب يلا انا مجهزة الأكل من بدري ادخل بوس ابنك
بس والنبي ما تصحيه ياناصر احسن ده بيعذبني
فعلا دخل ناصر قعد جمب ابنه شوية وبعد كده خرج لقي
سمية محضرة العشا عالطريقة الرومانسية شموع كده
وأجواء حلوة ،انبسط ناصر وقعدو هزرو وضحكو كتير
والدنيا كانت زي الفل لحد ما دخلو الأوضة وفي أثناء العلاقة
والمداعبة بالكلام غلط ناصر بدل ينادي سمية بأسمها قالها
ياريهام !!
وهنا بقا توقفت سمية مصدومة وناصر كمان ال كان مش
قادر يحط عينه في عين سمية
وفجأة كده في حالة غريبة تداركت سمية الموقف وضحكت
لناصر وكملت ليلتها عادي بس للأسف كانت بتتقطع من
جواها
في اليوم التالي طلبت سمية من أبوها الشيخ مسعد إنه يعمل
تعبان وإنه يسفر ناصر أسبوع ولا حاجة برة القاهرة ولما سألها
ليه قالت
سمية .. ناصر مظلوم معانا يابابا
الشيخ .. مظلوم ؟!
سمية .. ناصر بيحب بنت عمه ال سابها يوم فرحها عشان ينقذني
الشيخ .. مش فاهم حاجة يابنتي فهميني عايزة تقولي ايه
سمية .. عايزاك تسافر معايا الصعيد نروح لريهام بنت عمه
ونفهمها كل حاجة ونخليها تعرف إن ناصر بيحبها وإنه
مخنهاش وكان مغلوب على أمره
الشيخ .. انتي واعية للكلام ال بتقوليه ده يابنتي !؟
سمية .. انا عمري ماكنت واعية قد دلوقتي يابابا ، ناصر عمل
معانا ال محدش يعمله كفاية بس إنه ساب حبيبته يوم
فرحهم وضحي بحبه ومهموش أي حاجة ممكن تحصل في
سبيل إنه ينقذني ومتنساش وقفته جمبي لحد ما ولدت
ووقفت على رجلي أظن جه الوقت ال أردله جزء من ال عمله
معانا
الشيخ .. طب فكري شوية في الموضوع يابنتي
سمية .. انا فكرت وخدت القرار خلاص ياأبويا ومش بنت
الشيخ مسعد ال تبني سعادتها على حساب حد تاني
الشيخ .. انا معاكي للنهاية يابنتي هقوم أنا أروح أبلغ جوزك
أنه يسافر وال فيه الخير يقدمه ربنا
بالفعل الشيخ مسعد استعجل ناصر إنه يسافر وبعدها خد
الشيخ مسعد بنته سمية واتوجه لمحطة الجيزة عشان يركبو
قطر الصعيد
______________
في القطر
فؤاد .. اصحي ياهدي
هدى .. صباح الخير
فؤاد .. صباح الخير يلا بينا هنغير القطر وصلنا الجيزة همي
خلينا نفك نفسينا وناكل لقمة في الأستراحة لسه قطر بحري
هيطلع كمان ساعتين
هدى .. ياااه انا نمت كتير ولا ايه !؟
فؤاد .. نمتي من بني سويف للجيزة
هدى .. اول مرة اتعب من السفر في القطر
فؤاد .. عشان القطر بيخزن كتير بسبب الإصلاحات الجديدة
____________
نروح عند سمية والشيخ مسعد ال بالفعل وصلو محطة
الجيزة وهناك حصل التالي
سمية .. قطعت التذاكر يابابا
الشيخ .. أيوة يابنتي ، بس معرفش الرصيف ال بيودي على
الصعيد فين !؟
سمية .. أسأل الراجل الصعيدي ابو جلبية جاي علينا ده ،( بالصدفة كان الراجل المقصود ده فؤاد ومعاه هدى )
الشيخ .. لو سمحت ياابني عايز القطر المتجه للصعيد
فؤاد .. هتنزل النفق ال هناك ده وتعدي الناحية التانية ياابوي
الشيخ .. شكرا ياابني
فؤاد .. على ايه ياابوي ربنا يستر طريقك
هدى .. قوليلي ياأختي احنا متقبلناش قبل كده ؟
سمية .. لا بصراحة أنا أول مرة أشوفك
هدى ..تمام
___
هدى .. متهيقلي شفت البنت دي قبل كده !
فؤاد .. وانا كمان والله بيتهيقلي أعرفها
هدى .. سبحان الله ،المهم يلا بينا نلحق وقتنا
_____
مكالمة من الدرويش
الدرويش .. ايوه يازفت العيال وصلوا لحد فين
.. في محطة الجيزة ومتقلقش انا قاعد قريب منهم وحاطط عيني عليهم
الدرويش .. عارف لو غابو عن عينك هعمل فيك ايه 😡
.. عارف يامعلم بس متقلقش انا وراهم خطوة بخطوة
_________
فعلا ركبت هدى وفؤاد قطر بحري متجهين لمحافظة البحيرة
وبعد كام ساعة وصلت اخيرا للناس ال هتشتري منهم
البضاعة وبالفعل تمت الصفقة والحاويات إتحملت وأتجهت
للسفر ناحية سوهاج بصحبة هدى وفؤاد
_________
في نفس الوقت كانت سمية وصلت هي وأبوها الشيخ مسعد
سوهاج وبعد سؤال الناس وصلت سمية أخيرا على محل
نعمة وهناك لقيت الست نعمة
الشيخ مسعد .. أكيد انتي بأه الست نعمة
نعمة .. اهلا اهلا اتفضلو باين عليكم كنتم تايهين
سمية .. احنا جايين من القاهرة ولينا ساعة بنلف على رجلينا
لحد ولاد الحلال ما دلونا على هنا
نعمة .. يااااه خير إن شاء الله
سمية .. خير ياست خير ان شاء الله
نعمة .. ياد انت وهو هاتولنا احلا فطار للضيوف
سمية .. لا ياست نعمة احنا و...
نعمة .. عيب يابنتي والله وماليكم عليا حلفان ما هنحكي في
أي حاجة غير لما تفطرو وقومي نيمي أبنك في الأوضة ال
جواكي دي وادخلي الحمام وظبطي نفسك كده من تعب السفر
الشيخ مسعد .. فعلا يابنتي السيرة ال سمعناها عنك واحنا
بنسأل عليكي من كرمك وطيبتك مش من فراغ
نعمة .. السيرة أطول من العمر ياسيدنا الشيخ وبعدين
ياسيدي خلينا نعمل زي الرسول ماكان بيعمل مش الرسول
برضو كان بيكرم ضيفه وعلمنا إزاي نكرمهم برضو ولا ايه
ياعم الشيخ
الشيخ مسعد .. غلبتيني ياست نعمة ههههه
نعمة .. ههههههه
الشيخ مسعد .. طب ممكن أعرف الجامع فين هنا عشان عايز اصلي العصر
نعمة .. هبعت معاك صبي يوريك الجامع
فعلا الشيخ مسعد راح الجامع وشوية وجت ريهام ال سلمت
على امها وبعده كده طلبت منها نعمة تدخل عند الضيفة
تشوفها إن كانت محتاجة حاجة وبالفعل دخلت ريهام
وأول ما شافت سمية وقفت مزهولة ومصدومة !!!!!!!
_______
نرجع عند هدى وفؤاد ال في طريقهم الحاويات بتاعتهم
وقفت مرة واحدة بسبب شجرة كانت قاطعة الطريق
وبعد نزول هدى وفؤاد مع السواقين عشان يخلو الطريق
فجأة لقوا نفسهم محاصرين برجالة معاهم سلاح !!
هدي .. في ايه !!
