رواية بنات نعمة الجزء الثاني (الدرويش) الفصل السادس والعشرون
طبعا بعد الهجوم على عربيات البضاعة بتاعت هدى حصل التالي 👇👇👇
الرجالة .. كله ينزل على الأرض ويحط إيده على دماغه
وبسرعة الرجالة ولعت في البضاعة قامت هدى تصرخ
وتضرب فيهم راح كبيرهم زقها وقعها على الأرض فؤاد فقد
أعصابه وجري عليه قعد يضرب فيه بعنف وخد منه السلاح
ولسه هيضربه راح واحد فيهم ضربه على دماغه بضهر
البندقية ونزلو كلهم فيه ضرب كسروه وهربو
___________
في محل نعمة
ريهام .. انتي!!!!!! 😡
سمية .. اهدي ياريهام خلينا نتكلم
ريهام .. نتكلم نقول ايه !! جاية عايزة ايه تاني😡 !!
سمية .. انا جاية من اخر الدنيا عشانك عايزة أقولك ...
ريهام .. مش عايزة أسمع منك حاجة اطلعي بررره😡
نعمة .. في ايه يابنتي !!!
ريهام .. دي الهانم سبب كل ال انا فيه
نعمة .. انتي سمية ؟
سمية .. أيوة ياست بس والله ماتاخدو عني فكرة غلط
وسيبوني أتكلم
ريهام .. قولتلك مش عايزين نسمع منك حاجة
نعمة .. اخرسي يازفتة في ايه !!
ريهام .. ماهو ياأمي ..
نعمة .. ماهو ايه وزفت إيه على دماغك لو مش هتعملي
إحترام لحق الضيافة على الأقل أعملي حساب لوجودي
ريهام .. حقك عليا ياأمي
سمية .. انا أسفة إني أتسببت ليكم في مشاكل
نعمة .. لا يابنتي احنا ال أسفين ، بصرف النظر عن ال عملتيه
في النهاية انتي في مطرحنا ومن جالك بيتك جاب الحق
عليك وعالعموم يابنتي الكلام هنا ملوش لازمة ريهام
هتاخدك انتي والحاج وتروح بيكم عالبيت وانا هاجي وراكم
ريهام .. انا😒
نعمة .. هاا!!
ريهام .. حاضر ياأمي
______
فعلا ريهام خدت سمية والشيخ مسعد عالبيت ونعمة فضلت
شوية كانت بتقفل شوية شغل مهمين في اللحظة دي دخل
عليها راجل غريب مخبي وشه
نعمة .. اهلا وسهلا مين انت ؟!
.. انا رياض ياست نعمة
نعمة .. اهلااااا ازيك يارياض وعامل في نفسك كده ليه !!؟
رياض .. ما أنتي عارفة ال فيها ياست نعمة
نعمة .. حيرتني معاك يارياض
رياض .. انا مش الكبير ياست نعمة
نعمة عارفة إنك مش الكبير بس ال لسه عايزة أعرفو إيه
سبب وجودك في المزرعة المهجورة
رياض .. وانا إن خبيت على الناس كلها مش هقدر أخبي عليكي أنتي ياست نعمة يلا بينا على المزرعة المهجورة
نعمة .. دلوقتي مش هينفع عشان عندي موضوع مهم في
البيت هخلص وأكلمك
___________
في المستشفي
هدى .. فؤاد ماله يادكتور ؟!
الدكتور .. كسور وكدمات كتير هيفضل في الجبس على الأقل 40 يوم
هدى .. حقك عليا يافؤاد
فؤاد .. هتعملى ايه في المصيبة دي !
هدى .. البيت خرب يافؤاد دول مليون جنيه
فؤاد .. ليها حل إن شاء الله متقلقيش
هدى .. قوم انت بس بالسلامة وربنا يقدم ال فيه الخير
فؤاد .. عايزين نروح النهاردة
هدى .. هتروح إزاي وانت بالحالة دي انت كلك متجبس
فؤاد .. اسمعي ال بقولك عليه انا محتاج إني انزل البلد النهاردة مش مرتاح هنا
هدى .. خلاص ماشي ال تشوفه
فعلا هدى خدت فؤاد ونزلت بيه البلد
_____
في وكالة الدرويش
الدرويش .. والله عفارم عليكم يارجالة بس كانت كملت لو
كنت جيبتولي البت هدى
.. والله يامعلم كنا عايزين نجيبها بس الواد ال معاها قلبه
ميت ومهابش السلاح ضربناه وهربنا بسرعة قبل ماحد
يوعى للنار ال كانت والعة
الدرويش .. عالعموم ال ميجيش بالغصب هييجي بمزاجه😂😂😂
__________
في بيت نعمة
نعمة .. السلام عليكم
الجميع .. وعليكم السلام
نعمة .. نورتونا والله
الشيخ مسعد .. منورين بوجودك
سمية .. ممكن ياست نعمة تندهي ريهام عشان تسمعني
نعمة .. اهي ريهام جت احكي يابنتي عايزة تقولي ايه
سمية .. ناصر بيحبك ياريهام
ريهام .. مش عايزة اسمع سيرة الزفت ده 😡
نعمة .. انا قولتلك ايه ياريهام 😡
سمية .. لا ياست نعمة ريهام معذورة وال حصل معاها لو أي
حد غيرها كان هيعمل أكتر من كده بس الحمدلله ربنا كرمنا
بناس تعرف الذوق والأصول
الشيخ مسعد .. فعلا يابنتي انا لفيت الدنيا بطولها وعرضها
ملقيتش في طيبة وأخلاق وتربية الست نعمة ربنا يديم
عليهم محبة الناس
نعمة .. ربنا يخليك ياعم الشيخ ، كملي كلامك ياسمية
سمية .. ناصر معذور ياريهام
نعمة .. أي عذر ده يابنتي ال يخليه يسيب عروسته يوم
فرحها ؟!
سمية .. بصي ياست نعمة انا هحكيلكم كل حاجة من البداية
وقت ما جه اشتغل عندنا ناصر مكنتش طايقاه وكنت عايزة
امشيه من الشغل بأي طريقة وفي يوم طردته وهو كان
خلاص ماشي وفجأة دخل طليقي وكان عايز يعملي مشكله
راح ناصر عشان شهم وابن أصول دافع عني وضربهم رغم
اني كنت لسه يدوب طرداه ، من وقتها بصراحة بدأت أحبه
وبصراحة كمان عرضت عليه نفسي أكتر من مرة بس هو كان
بيرفض وكان بيعمل ألف حساب لريهام في غيابها قبل
حضورها كان بيحترم حبه ليها بطريقة رهيبه لدرجة إني كنت
بغير منها وكنت بتغاظ أكتر لما كنتي بتيجي ليه الورشة
وأشوف حبه ليكي في عنيه وفرحته ال متتقدرش لما كان
بيشوفك ، وفي يوم كنتي انتي وهو متخانقين وتقريبا كنتي
انتي مزعلاه جامد لدرجة إنه راح عندي البيت وهو مسطول
من المخدرات رغم إنه مش بيشرب حتى السيجارة العادية
واليوم ده عملنا مع بعض كل حاجة ولما صبح الصبح كان
مش مصدق وكان زعلان إن ده حصل وكان بيبكي زي
الأطفال إنه خانك ياريهام طبعا بعدها اتكرر الموضوع ده
لما سابك كام يوم عشان المشاكل ال كانت ما بينكم
وكانت النتيجة في الأخر إني حملت منه في الطفل ده
كنت عايز اعترفلك إني انا ال بلغت الرجالة ال خطفوكي
عشان كان نفسي وقتها اخلص منك ويبقى ناصر ليا لوحدي
بس ربنا أراد إنه الذاكرة ترجعله وبمجرد ما حصل سابني
ناصر وطلع يجري عليكي ، اما عن يوم فرحك في حد اسمه
الدرويش أظنكم عارفينه خطفني وحطني في صندوق إزاز
جوة اوضة مقفولة وشغل فيه المياه وعطا المفتاح لناصر
وكان قدامه إنه يسيبني أموت وهو يتجوز عادي ومايخربش
حياته بس هو عشان شهم وابن أصول قرر ميشيلش ذنبي
وذنب ولده وانقذنا واظنك لو مكانه كنتي هتعملي ال هو
عمله مش كده برضو ولا أنا غلطانة ؟!
ريهام .. طب مرجعش ليه بعدها وحكى ال حصل معاه
سمية .. الدكتور بلغ رياض إني بنسبة كبيرة هموت يوم
الولادة ناصر ماكانش قدامه غير إنه يقعد جمبي على الأقل
عشان ابنه يلاقي حد يرعاه لو انا مت ، بس إرادة ربنا اني
أعيش وأظن جه الوقت أني أصلح حياته زي ما خربتها
هو ملوش ذنب في أي حاجة حصلت
نعمة .. خلاص خلصتي كلامك يابنتي ؟
سمية .. ايوة ياست نعمة
نعمة .. طيب ممكن تسمعوني من غير ما حد يقاطعني ؟
الشيخ مسعد .. اتفضلي ياست نعمة ،ال هتحكمي بيه هو ال
هيتنفذ
نعمة .. ..........................
