رواية المتشردة والغيور الفصل الرابع والعشرون بقلم مرج البحر
ﺭﻳﺎ ........ ﻛﻌﺪﺕ ﺍﻟﺼﺒﺢ ﻣﺘﻜﺴﺮﺓ ﻣﻦ ﺍﻟﺘﻌﺐ ﺣﻤﺰﺓ ﻣﻨﻮﻣﻨﻲ ﻋﻠﻰ ﺍﻳﺪﻩ ﻭﻫﻢ ﻏﺎﻓﻲ ﺑﺎﻭﻋﺖ ﺍﻟﺴﺎﻋﺔ ﺏ 9 ﻛﻤﺖ ﺑﺎﻟﻜﻮﺓ ﺑﻌﺪﻧﻲ ﺑﻤﻼﺑﺴﻲ ﺗﻮﺿﻴﺖ ﻭﺻﻠﻴﺖ ﺍﻟﺼﺒﺢ ﻛﻌﺪ ﺣﻤﺰﺓ ﺍﺛﺎﺭﻱ ﻛﺎﻋﺪ ﻭﻣﺎﻣﻜﻌﺪﻧﻲ
ﻫﻮ ﺷﻔﺘﻪ ﻛﻌﺪ ﻭﻣﺪ ﺟﺴﻤﺔ ﺷﺎﻓﻨﻲ ﺑﺎﻭﻋﺘﻠﻪ ﺍﺷﺮﻟﻲ ﺍﺭﻭﺡ ﻳﻤﻪ ﻛﻜﺖ ﺭﺣﺖ ﻫﻮ ﻟﺰﻡ ﺍﻳﺪﻱ ﻭﻛﻌﺪ ﻋﻠﻰ ﺭﻛﺒﻪ ﻭﺑﺎﺳﻨﻲ ﻭﻛﺎﻝ
ﺣﻤﺰﺓ ....... ﺍﺣﻠﻰ ﺻﺒﺎﺡ ﺑﻮﺟﻬﺞ
ﺭﻳﺎ ........ ﺍﺑﺘﺴﻤﺖ ﻛﻮﺗﻠﻪ ﺻﺒﺎﺡ ﺍﻟﺨﻴﺮﺍﺕ
ﺣﻤﺰﺓ ....... ﻟﻮ ﻣﺴﻠﻢ ﻋﻠﻰ ﺍﻡ ﻗﺎﺳﻢ ﺗﺮﺩ ﺍﺣﺴﻦ ﻣﻨﺞ ﻋﺎﺩ ﺗﻜﻮﻟﻲ ﻫﻼ ﻳﻤﺔ ﻫﻼ ﺑﻌﺪ ﻛﻠﺒﻲ ﻫﻼ ﺑﻬﺎﻟﺼﺒﺎﺡ ﻭﺍﻧﺘﻲ ﺗﻜﻮﻟﻴﻠﻲ ﺻﺒﺎﺡ ﺍﻟﺨﻴﺮﺍﺕ
ﺭﻳﺎ ....... ﻫﻬﻬﻬﻪ ﻣﻮ ﺑﻌﺪﻧﻲ ﻣﺎﻣﺘﻌﻮﺩﺓ ﻻﺗﺤﺮﺟﻨﻲ
ﺣﻤﺰﺓ ........ ﻳﺎﻟﻠﻪ ﺗﻌﺎﻱ ﻧﻨﺰﻝ
ﺭﻳﺎ ...... ﻃﻠﻊ ﺣﻤﺰﺓ ﻳﺴﺒﺢ ﺍﻧﻲ ﺟﻬﺰﺕ ﺩﺷﺪﺍﺷﺘﻪ ﺍﻟﺒﻴﻀﺔ ﻫﻮ ﺍﺟﺔ ﺳﺎﺑﺢ ﺍﻧﻄﻴﺘﻪ ﺍﻟﺪﺷﺪﺍﺷﺔ ﻭﺭﺣﺖ ﺳﺒﺤﺖ ﻭﻟﺒﺴﺖ ﺑﺪﻟﺔ ﺍﻟﺼﺒﺎﺣﻴﺔ ﻭﻣﻜﻴﺎﺝ ﺧﻔﻴﻒ ﻭﻟﻔﻴﺖ ﺷﺎﻟﻲ ﺣﻤﺰﺓ ﻳﻠﺒﺲ ﺑﺴﺎﻋﺘﻪ ﺭﻓﻊ ﺭﺍﺳﻪ ﺷﺎﻓﻨﻲ ﺍﺧﻠﻲ ﻋﻄﺮ ﺍﺟﺔ ﺣﻈﻨﻲ ﻣﻦ ﻭﺭﺍﺀ ﻭﻛﺎﻝ
ﺣﻤﺰﺓ ........ ﻋﻮﺩ ﺍﻧﺘﻲ ﻟﻴﺶ ﻫﻴﺞ ﺣﻠﻮﺓ
ﺭﻳﺎ ....... ﻫﻬﻬﻬﻪ ﻫﻢ ﻫﻴﺞ ﺗﻜﻮﻝ ﻻﻡ ﻗﺎﺳﻢ ﻟﻮ ﻻ ﺍﺭﻳﺪ ﺍﻋﺮﻑ ﺷﺄﻛﻮﻟﻚ
ﺣﻤﺰﺓ ...... ﻫﻬﻬﻬﻬﻬﻬﻬﻬﻬﻬﺎﺍﺍﻱ ﻻ ﻭﺍﻟﻠﻪ ﻣﺎﻣﻐﺎﺯﻟﻬﺎ ﻋﻠﻰ ﺍﻟﺠﺎﻳﺎﺕ ﺍﻥ ﺷﺎﺀ ﺍﻟﻠﻪ
ﺭﻳﺎ ...... ﻧﺰﻟﻨﺎ ﻭﻋﻤﺘﻲ ﺗﻬﻠﻬﻞ ﻭﺗﻬﻮﺱ ﻭﺑﺎﺭﻛﺘﻠﻨﺎ ﻭﺟﺎﻧﻮ ﻋﺎﺯﻣﻴﻦ ﻛﻞ ﺍﻗﺎﺭﺑﻬﻢ ﻭﺍﻟﺒﻴﺖ ﺍﻧﺨﺒﺺ ﻛﻌﺪﺕ ﺑﻐﺮﻓﺔ ﻋﻤﺘﻲ ﺍﻧﻲ ﺟﻨﺖ ﺳﺎﺣﺒﺔ ﺷﻌﺮﻱ ﺑﺎﻟﻜﺎﻭﻳﺔ ﻛﻮﻟﺖ ﻟﻌﺪ ﺍﻟﻤﻦ ﺳﺤﺒﺘﻪ ﻏﻴﺮ ﻟﻠﻜﺸﺨﺔ ﺧﻞ ﺍﻓﺘﺢ ﺷﺎﻟﻲ
ﻓﺘﺤﺖ ﺷﺎﻟﻲ ﺟﻨﺖ ﻻﻓﺘﻪ ﺷﻠﻮﻥ ﻣﺎﻛﺎﻥ ﻳﻌﻨﻲ ﺑﺪﻭﻥ ﺩﺑﻮﺱ ﻧﺰﻟﺘﻪ ﻋﻠﻰ ﺍﻛﺘﺎﻓﻲ ﺯﻫﺮﺍﺀ ﻭﻧﻮﺭ ﻛﻞ ﺷﻮﻱ ﻳﻔﻮﺗﻦ ﻳﺸﻮﻓﻨﻲ ﺍﺫﺍ ﻣﺤﺘﺎﺟﺔ ﺷﻲ ﺍﺳﺘﺤﻲ ﺍﻛﻮﻟﻠﻬﻦ ﺟﻮﻋﺎﻧﺔ ﺷﻮﻱ ﻭﺍﺟﺖ ﻋﻤﺘﻲ ﻛﺎﻟﺖ
ﺍﻡ ﻣﺤﻤﺪ ....... ﻛﻮﻣﻲ ﻳﻤﺔ ﻛﻮﻣﻲ ﺣﺒﻴﺒﺘﻲ ﺗﺮﻳﻜﻲ ﺍﻧﺘﻲ ﺣﻤﺰﺓ ﻫﻨﺎﻙ ﻛﻮﻣﻲ
ﺭﻳﺎ ........ ﺍﺟﺔ ﺍﻟﻔﺮﺝ ﻛﻤﺖ ﺩﺧﻠﻨﻲ ﺑﻐﺮﻓﺔ ﻓﺎﺭﻏﺔ ﻛﻌﺪﺕ ﻭﺍﺟﺔ ﺣﻤﺰﺓ ﺷﺎﻓﻨﻲ ﻟﻮﺣﺪﻱ ﻛﺎﻋﺪﺓ ﻭﻓﺎﺗﺤﺔ ﺷﻌﺮﻱ ﻭﺍﻟﻌﺐ ﺑﻲ ﻛﺎﻝ
ﺣﻤﺰﺓ ....... ﻫﻼﻭﻭﻭﻭ ﻟﻮ ﻫﻴﺞ ﺍﻟﺮﻳﻮﻙ ﻟﻮ ﻣﺎﺍﺭﻳﺪ ﺍﻛﻞ ﺑﺲ ﺍﻣﻲ ﺗﻔﻬﻢ ﺍﺣﻠﻰ ﻛﻴﻤﺮ ﻭﻋﺴﻞ ﺑﺴﻢ ﺍﻟﻠﻪ ﺧﻞ ﺍﺗﺮﻳﻚ
ﺭﻳﺎ ...... ﺍﺑﺎﻭﻉ ﻣﺎﻛﻮ ﺍﻛﻞ ﻫﺬﺍ ﺷﻴﻘﺼﺪ ﻫﻮ ﺍﺟﺔ ﻛﻌﺪ ﻳﻤﻲ ﺟﻨﺖ ﻛﺎﻋﺪﺓ ﻭﻋﺎﻛﺴﺔ ﺍﻳﺪﻱ ﻫﻮ ﻟﺰﻡ ﺍﺟﺘﺎﻓﻲ ﻭﻛﺎﻝ
ﺣﻤﺰﺓ ....... ﺍﻛﺪﺭ ﺍﺫﻭﻙ ﻫﺎﻟﻌﺴﻞ ﻳﺎﻋﺴﻞ
ﺭﻳﺎ ....... ﻳﻤﻤﻤﺔ ﺍﻟﺮﺟﺎﻝ ﻣﺴﺘﺨﻒ ﻭﺍﻟﻠﻪ ﻣﺎﺟﺎﻥ ﻫﻴﺞ ﺟﺎﻥ ﺛﻜﻴﻞ ﻭﻗﺒﻞ ﻻﺍﺣﺠﻲ ﺑﺎﺳﻨﻲ ﻭﻓﺠﺄﺓ ﺍﻧﻔﺘﺢ ﺍﻟﺒﺎﺏ ﻭﺩﺧﻠﺖ ﺯﻫﺮﺍﺀ ﻫﻮ ﺑﺴﺮﻋﺔ ﻛﻤﺰ ﻭﻛﻌﺪ ﻋﺪﻝ ﻋﺒﺎﻟﻚ ﻋﺎﻗﻞ ﻣﺎﻣﺴﻮﻱ ﺷﻲ
ﻫﻲ ﻣﺪﺭﻱ ﺷﺎﻓﺘﻨﺎ ﻭﻏﻠﺴﺖ ﻣﺪﺭﻱ ﻣﺎﺷﺎﻓﺘﻨﺎ ﺧﻠﺖ ﺍﻟﺼﻴﻨﻴﺔ ﻭﻃﻠﻌﺖ ﺣﻤﺰﺓ ﻛﻌﺪ ﻋﻠﻰ ﺍﻟﺼﻴﻨﻴﺔ ﻭﻛﺎﻝ
ﺣﻤﺰﺓ ....... ﻫﺬﺍ ﺣﺠﺎﺑﺞ ﻧﺎﺯﻋﺘﻪ ﻛﺪﺍﻡ ﺍﻟﻨﺴﻮﺍﻥ
ﺭﻳﺎ ........ ﺍﻳﻲ
ﺣﻤﺰﺓ ...... ﺍﺍﺍﺍﺍ
ﺭﻳﺎ ....... ﻭﺍﻟﻠﻪ
ﺣﻤﺰﺓ ........ ﻻﺗﻨﺰﻋﻴﻨﻪ ﻟﺒﺴﻲ ﻋﻴﺐ ﺭﻛﺒﺘﺞ
ﺭﻳﺎ ....... ﺣﻴﻴﻴﻞ ﻧﺴﻴﺖ ﺭﻛﺒﺘﻲ ﺍﻧﻲ ﺍﻟﺜﻮﻟﺔ ﺗﺮﻳﻜﻨﺎ ﺑﺲ ﺍﺣﺴﻪ ﻳﻀﻐﻂ ﻋﻠﻰ ﻧﻔﺴﻪ ﺑﺎﻻﻛﻞ ﺣﺘﻰ ﻻﻳﻜﻮﻡ ﻭﺍﻛﻮﻡ ﻭﺭﺍﺀﻩ ﻭﺍﻟﻠﻪ ﺍﻧﻲ ﺑﻘﻴﺖ ﺍﻛﻞ ﻻﻥ ﻣﺎﻳﻔﻴﺪﻧﻲ ﻏﻴﺮ ﺑﻄﻨﻲ ﺑﺲ ﺷﻠﻮﻥ ﺑﻴﺔ ﻣﻦ ﺍﺳﺘﺤﻲ
ﻋﺎﺩ ﻛﻤﻠﻨﺎ ﺭﻳﻮﻙ ﻭﻃﻠﻌﻨﺎ ﻳﻤﻬﻢ ﺍﻟﻨﺴﻮﺍﺕ ﻫﻮﺍﻱ ﻭﻛﻠﻬﺎ ﺗﺠﻲ ﺗﺴﻠﻢ ﻭﺗﻨﻄﻲ ﻭﺍﺟﺐ ﻭﻳﺒﻘﻮﻥ ﻋﻠﻰ ﺍﻟﻐﺪﺍﺀ ﻋﻤﻲ ﻋﺎﺯﻡ ﺍﻗﺎﺭﺑﻪ ﻛﻠﻬﻢ ﻟﻠﻈﻬﺮ ﺍﺫﻥ ﺻﻌﺪﺕ ﻟﻐﺮﻓﺘﻲ ﺑﺪﻟﺖ ﻟﺒﺴﺖ ﺩﺷﺎﺩﺷﺔ ﻋﺎﺩﻳﺔ ﺗﻮﺿﻴﺖ ﻭﺻﻠﻴﺖ ﻭﺍﺟﺖ ﺭﻭﺍﻥ ﻛﺎﻟﺖ
ﺭﻭﺍﻥ ....... ﻫﻼﻭﻭﻭﻭ ﺭﻳﺎﻭﻱ
ﺭﻳﺎ ........ ﻫﻼﻭﻭﻭ ﺷﻠﻮﻧﺞ ﻣﺎﺷﻔﺘﺞ ﻣﻦ ﻧﺰﻟﺖ
ﺭﻭﺍﻥ ........ ﻭﻟﺞ ﺧﺒﺼﺔ ﻭﻫﻮﺳﺔ ﺷﻠﺤﻚ ﻣﺤﺘﺎﺟﺔ ﺷﻲ
ﺭﻳﺎ ...... ﻻ ﻣﺎﻣﺤﺘﺎﺟﺔ ﺷﻲ ﺳﻼﻣﺘﺞ
ﺭﻭﺍﻥ ...... ﻫﺎﺍﺍ ﺯﻳﻦ ﻟﻌﺪ ﻳﺎﻟﻠﻪ ﺑﺪﻟﻲ ﻭﻧﺰﻟﻲ ﻋﻤﺘﻲ ﻣﻨﺘﻈﺮﺗﺞ ﺟﻮﺓ
ﺭﻳﺎ ...... ﻣﺎﺷﻲ ﺑﺲ ﺍﺑﺪﻝ
ﻫﻲ ﺭﺍﺣﺖ ﻭﺍﻧﻲ ﻟﺒﺴﺖ ﻓﺴﺘﺎﻥ ﻣﺜﻞ ﻓﺴﺘﺎﻥ ﺍﻟﺴﻠﻄﺎﻧﺔ ﻫﻴﺎﻡ ﻟﻮﻧﻪ ﺳﻤﺎﺋﻲ ﻓﺎﺗﺢ ﻭﺑﻲ ﻣﻠﻤﻊ ﻭﺩﻟﻌﺘﻪ ﺟﺒﻴﺮﺓ ﻟﺒﺴﺖ ﺷﺎﻝ ﻳﻮﺍﻟﻤﻪ ﻭﺧﻠﻴﺖ ﻣﻜﻴﺎﺝ ﻭﻧﺰﻟﺖ ﺣﻤﺰﺓ ﺍﺑﺪ ﻣﺎﺍﺟﺔ ﻟﻠﻐﺮﻓﺔ ﻣﻦ ﻃﻠﻊ ﻟﻼﺳﺘﻘﺒﺎﻝ ﻧﺰﻟﺖ ﻟﻐﺮﻓﺔ ﻋﻤﺘﻲ ﺭﺩﺕ ﺍﻃﻠﻊ ﻟﻠﻤﻄﺒﺦ ﻋﻤﺘﻲ ﺻﺎﺣﺘﻠﻲ ﺍﻛﻌﺪ ﻳﻤﻬﺎ ﻛﻠﻬﺎ ﺗﺒﺎﻭﻋﻠﻲ ﻭﺗﻜﻮﻝ ﻫﻨﻴﺎﻟﻪ ﺣﻤﺰﺍﻭﻱ ﺣﻈﺔ ﺑﻴﻬﺎ ﻛﻠﺶ ﺍﻇﻮﺝ ﺷﻮ ﻛﻠﻬﺎ ﺗﺪﻟﻌﺔ ﺷﻨﻮ ﻫﺎﻱ ﻏﻴﺮ ﺍﺳﻤﻪ ﺣﻤﺰﺓ ﻟﻴﺶ ﻳﺴﻤﻮﻧﻪ ﺣﻤﺰﺍﻭﻱ
ﺻﺒﻮ ﻏﺪﺍﺀ ﻟﻠﻨﺴﻮﺍﻥ ﻣﺎﺭﺩﺕ ﺍﻛﻞ ﺑﺲ ﻋﻤﺘﻲ ﻛﺎﻟﺖ
ﺍﻡ ﻣﺤﻤﺪ ...... ﺍﻛﻠﻲ ﻳﻤﺔ ﻋﻴﺐ ﻣﻦ ﺍﻟﻨﺴﻮﺍﻥ ﻳﻨﺘﻘﺪﻧﺞ
ﺭﻳﺎ ........ ﺍﻛﻠﺖ ﺷﻮﻳﺔ ﻭﻳﺎﻫﻦ ﻭﻛﻤﺖ ﺑﺴﺮﻋﺔ ﺭﺣﺖ ﻏﺴﻠﺖ ﺩﺧﻞ ﺣﻤﺰﺓ ﺍﺳﻤﻌﻪ ﻳﻄﻠﺐ ﺟﺎﻱ ﻣﻦ ﺯﻫﺮﺍﺀ ﻫﻲ ﻛﺎﻟﺘﻠﻪ ﺑﻀﺤﻜﺔ
ﺯﻫﺮﺍﺀ ....... ﻫﺎﻱ ﻫﻴﺔ ﺑﻌﺪ ﻣﺎﻛﻮ ﺯﻫﺮﺍﺀ ﻫﺬﻳﺞ ﺭﻳﺎ ﻭﺍﻣﺮﻫﺎ ﺑﻌﺪ ﺑﺲ ﺍﺣﻤﺪ ﻣﺎﻟﻠﻪ ﻳﻔﻜﻨﻲ ﻣﻨﻪ ﻭﻳﺘﺰﻭﺝ ﺍﺭﻳﺪ ﺍﻋﻴﺶ ﺑﻄﻤﺄﻧﻴﻨﺔ ﺑﺪﻭﻥ ﻣﺎﻫﺬﺍ ﻳﺼﻴﺢ ﻭﻫﺬﺍﻙ ﻳﺼﻴﺢ
ﺣﻤﺰﺓ ....... ﺧﺎﻳﺒﺔ ﻫﻮ ﻛﻮﺏ ﭼﺎﻱ ﺷﺴﻮﻳﺘﻲ ﻋﻠﻴﺔ
ﺭﻳﺎ ...... ﺭﺣﺖ ﻭﺍﻧﻲ ﺍﺿﺤﻚ ﺩﺧﻠﺖ ﻟﻠﻤﻄﺒﺦ ﻫﻮ ﺑﺎﻭﻋﻠﻲ ﺍﺑﺘﺴﻢ ﻭﺭﺟﻊ ﻳﻜﻤﻞ ﻋﺮﻛﺘﻪ ﻭﻱ ﺯﻫﺮﺍﺀ ﺟﺎﻧﻦ ﺑﻨﺎﺕ ﻋﻤﺎﻣﻬﻢ ﻭﺍﻛﻔﺎﺕ ﻭﻳﺎﻫﻦ ﻭﻧﻮﺭ ﻭﺭﻭﺍﻥ ﻫﻢ ﻣﻮﺟﻮﺩﺍﺕ ﺍﻧﻲ ﺭﺣﺖ ﺍﺧﺬﺕ ﻛﻮﺏ ﻣﻦ ﺍﻟﺼﻴﻨﻴﺔ ﻫﻦ ﻏﺎﺳﻼﺕ ﺍﻟﺴﺘﻜﺎﻳﻦ ﻭﺍﻟﺼﺤﻮﻥ ﻭﺍﻟﻜﻮﺍﺏ ﻭﻣﺨﻠﻴﺎﺗﻬﻦ ﺑﺼﻴﻨﻴﺔ ﻋﺎﺩ ﺧﻠﻴﺖ ﺷﻜﺮ ﻗﻠﻴﻞ ﻫﻮ ﻫﻴﺞ ﻳﺸﺮﺑﻪ ﻭﺻﺒﻴﺘﻠﻪ ﺟﺎﻱ ﻫﻢ ﻣﺎﻣﻨﺘﺒﻬﻴﻨﻠﻲ
ﺍﺧﺬﺗﻠﻪ ﺍﻟﺠﺎﻱ ﻭﺍﻧﻄﻴﺘﻪ ﺍﻟﻪ ﻫﻮ ﺍﺧﺬﻩ ﻣﻨﻲ ﻭﺣﻈﻨﻲ ﻣﻦ ﺍﻛﺘﺎﻓﻲ ﻭﻛﻔﻨﻲ ﺑﺼﻔﻪ ﻭﺣﺎﻇﻨﻲ ﺑﺄﻳﺪ ﻭﺍﻻﻳﺪ ﺍﻟﺜﺎﻧﻴﺔ ﻻﺯﻡ ﺑﻴﻬﺎ ﺍﻟﺠﺎﻱ ﻭﻛﺎﻝ
ﺣﻤﺰﺓ ........ ﺍﻟﻠﻪ ﻻ ﻳﻌﻮﺯﻧﺔ ﺍﻟﺞ ﻫﺎﻱ ﻳﻤﺮﻳﺘﻲ ﺟﺎﺑﺘﻠﻲ ﺍﻟﺠﺎﻱ ﻣﺎﻇﺎﻝ ﻋﻠﻴﺞ
ﺭﻳﺎ ....... ﻫﻦ ﺑﺲ ﻳﺒﺎﻭﻋﻦ ﺷﻲ ﺣﺎﻗﺪ ﻭﺷﻲ ﻓﺮﺣﺎﻥ ﻭﺷﻲ ﺣﺎﺳﺪ ﻭﺍﻧﻲ ﻭﻳﺎ ﻧﻈﺮﺍﺗﻨﺎ ﻧﻈﺮﺍﺕ ﺣﺐ ﻫﻮ ﻣﺸﻰ ﻭﻻﺯﻣﻨﻲ ﻣﻦ ﺍﻛﺘﺎﻓﻲ ﻳﻌﻨﻲ ﺑﻌﺪﻩ ﺣﺎﻇﻨﻨﻲ ﻭﺩﺧﻞ ﻟﻠﻐﺮﻓﺔ ﻭﺳﻠﻢ ﻋﻠﻰ ﻋﻤﺎﺗﺔ ﻭﻛﻌﺪ ﻭﻛﻌﺪﺕ ﺑﺼﻔﻪ ﻇﻞ ﻳﺴﻮﻟﻒ ﻭﻱ ﻋﻤﺎﺗﺔ ﻭﺍﻧﻲ ﺑﺲ ﺍﺳﻤﻊ ﺳﻮﺍﻟﻔﻬﻢ ﻋﻤﺘﻲ ﻛﻞ ﺷﻮﻱ ﻭﺻﺎﺣﺖ
ﺍﻡ ﻣﺤﻤﺪ ....... ﻭﻟﺠﻦ ﺍﻟﺠﺎﻱ ﻭﻳﻴﻴﻦ
ﺭﻳﺎ ...... ﻋﻤﺘﻲ ﺗﺼﻴﺢ ﻋﺎﺩﻱ ﻻﻥ ﻣﺎﻛﻮ ﻭﺣﺪﺓ ﻏﺮﻳﺒﺔ ﺑﺲ ﻋﻤﺎﺗﺔ ﻭﻧﺴﻮﺍﻥ ﻋﻤﺎﻣﻪ ﺣﻤﺰﺓ ﻳﺸﺮﺏ ﺟﺎﻱ ﻋﻤﺘﻪ ﺍﻡ ﺟﻌﻔﺮ ﻛﺎﻟﺖ
ﺍﻡ ﺟﻌﻔﺮ ...... ﻻﺗﺸﺮﺏ ﻭﻟﻚ ﺷﻬﻴﺘﻨﺎ ﻭﻫﺬﻧﻴﺞ ﻳﺪﻛﻦ ﺳﻮﺍﻟﻒ
ﺭﻳﺎ ...... ﺍﻧﻲ ﻛﺎﻋﺪﺓ ﻭﺍﺑﺘﺴﻢ ﻋﻠﻰ ﺳﻮﺍﻟﻔﻬﻢ ﻫﻮ ﺩﻧﻚ ﻳﻤﻲ ﻭﻛﺎﻝ
ﺣﻤﺰﺓ ........ ﻛﻮﻣﻲ ﺣﺒﻴﺒﻲ ﺟﻴﺒﻲ ﺟﺎﻱ
ﺭﻳﺎ ....... ﻛﻤﺖ ﻫﻦ ﻳﻮﻟﻔﻦ ﺟﺒﺖ ﺻﻴﻨﻴﺔ ﻭﺧﻠﻴﺖ ﺑﻴﻬﺎ ﺍﺳﺘﻜﺎﻳﻦ ﻭﺻﺤﻮﻥ ﻣﻦ ﺍﻟﺼﻴﻨﻴﺔ ﺍﻟﺠﺒﻴﺮﺓ ﻭﺧﻠﻴﺖ ﺍﻟﻘﻮﺭﻱ ﻭﻋﻠﺒﺔ ﺍﻟﺸﻜﺮ ﻭﺯﻫﺮﺍﺀ ﻣﺴﺘﻤﺮﺓ ﺗﺴﻮﻟﻒ ﻟﻠﺒﻨﺎﺕ ﻭﻣﻨﻄﻠﻘﺔ ﻭﻣﺸﻜﻠﺔ ﺍﻟﺜﻮﺏ ﻣﻦ ﺷﺎﻓﺘﻨﻲ ﺭﺩﺕ ﺍﻃﻠﻊ ﻣﻦ ﺍﻟﻤﻄﺒﺦ ﻛﺎﻟﺖ
ﺯﻫﺮﺍﺀ ...... ﺍﻳﻴﻲ ﻭﺍﻟﻠﻪ ﺭﻳﺎ ﺍﻟﻒ ﺭﺣﻤﺔ ﻋﻠﻰ ﺭﻭﺡ ﺍﻣﺞ ﻭﺍﺑﻮﺝ ﺧﻠﺼﺘﻴﻨﻲ ﻣﺎﺑﻴﺔ ﺍﻛﻄﻊ ﺍﻟﺴﺎﻟﻔﺔ
ﺭﻳﺎ ....... ﺿﺤﻜﺖ ﻭﻣﺸﻴﺖ ﺣﻤﺰﺓ ﺳﻮﻟﻔﻠﻲ ﻋﻠﻴﻬﺎ ﻛﺎﻝ ﺍﻋﺪﻣﻮﻫﺎ ﻭﻻﺗﻨﻄﻮﻫﺎ ﺗﻜﻄﻊ ﺳﺎﻟﻔﺘﻬﺎ ﻭﻫﻲ ﻋﻨﺪﻫﺎ ﺳﻠﺴﻠﺔ ﺳﻮﺍﻟﻒ ﺗﻈﻞ ﺳﺎﻟﻔﺔ ﺗﺠﺮ ﺳﺎﻟﻔﺔ ﻟﻤﻦ ﻭﺍﺣﺪ ﻳﺰﻣﺦ ﺑﻴﻬﺎ ﻳﺎﻟﻠﻪ ﺗﺴﻜﺖ ﻋﺎﺩ ﺍﺧﺬﺕ ﺍﻟﺠﺎﻱ ﻭﻭﺩﻳﺘﻪ ﻟﻠﻐﺮﻓﺔ ﺭﺩﺕ ﺍﺻﺐ ﻋﻤﺘﻲ ﺍﺧﺬﺗﻪ ﻣﻨﻲ ﻭﻛﺎﻟﺖ
ﺍﻡ ﻣﺤﻤﺪ ....... ﻳﻤﺔ ﻓﺪﻭﺓ ﻻﺩﻳﻨﺎﺗﺞ ﻣﻮ ﻣﺜﻞ ﻫﺬﻳﺞ ﻣﺴﺠﻞ ﺍﻟﺴﻮﺍﻟﻒ ﻃﺒﻚ ﺣﺴﻲ ﻭﺍﻧﻲ ﺍﺻﻴﺢ ﻋﻠﻴﻬﺎ ﺟﺎ ﺭﻭﺍﻥ ﻭﻳﻦ
ﺭﻳﺎ ........ ﻳﻤﻜﻦ ﺻﻌﺪﺕ ﺗﻨﻮﻡ ﺍﻟﺠﻬﺎﻝ
ﻋﻤﺎﺕ ﺣﻤﺰﺓ ﻛﺎﻣﻦ ﻳﻤﺪﺣﻦ ﺑﻴﺔ ﻭﺟﻨﺘﺞ ﻭﺟﻨﺘﺞ ﻳﻜﻮﻟﻦ ﻟﻌﻤﺘﻲ ﺍﻡ ﺟﻌﻔﺮ ﻛﺎﻟﺖ
ﺍﻡ ﺟﻌﻔﺮ ...... ﺧﺎﻳﺐ ﺣﻤﻴﺰﺓ ﺭﺣﺘﻠﻚ ﺍﺭﺑﻊ ﺳﻨﻮﺍﺕ ﺟﺒﺘﻠﻨﺎ ﻫﻴﺞ ﻛﻴﻜﺔ ﻟﻮ ﻇﻠﻴﺘﻠﻚ ﺳﻨﺔ ﺑﻌﺪ ﺷﺘﺠﻴﺐ
ﺣﻤﺰﺓ ....... ﻳﻤﻜﻦ ﺍﺟﻴﺐ ﺑﻨﺎﺕ ﺍﺭﺑﻴﻞ ﻛﻠﻬﻦ ﻭﺍﺍﺍﺍﻉ
ﺭﻳﺎ ....... ﺟﻨﺖ ﺻﺎﻓﻨﺔ ﺑﺄﺳﺘﻜﺎﻥ ﻋﻤﺘﻪ ﺷﻠﻮﻥ ﺗﺨﻮﻁ ﺑﺎﻟﻌﻜﺲ ﻣﺎﺍﻋﺮﻑ ﺷﻠﻮﻥ ﻫﻮ ﺻﺎﺡ ﻭﺍﺍﺍﺍﻉ ﺑﻮﺟﻬﻲ ﻓﺰﻳﺖ ﻛﻮﺗﻠﻪ ﻫﺎﺍﺍ
ﺣﻤﺰﺓ ...... ﻫﻤﺰﻳﻦ ﻣﺎﺳﻤﻌﺘﻲ ﻫﻬﻬﻬﻬﻬﻬﻪ
ﺭﻳﺎ ....... ﻻ ﺻﺪﻙ ﺷﻨﻮ
ﺣﻤﺰﺓ ....... ﻋﻤﺘﻲ ﺗﻜﻮﻝ ﻇﻠﻴﺖ ﺑﺄﺭﺑﻴﻞ ﺍﺭﺑﻊ ﺳﻨﻴﻦ ﺟﺒﺘﻠﻨﺎ ﻫﻴﺞ ﻛﻴﻜﺔ ﻟﻮ ﺗﺒﻘﻰ ﺳﻨﺔ ﺷﺘﺠﻴﺐ ﻛﻮﻟﺘﻠﻬﺎ ﻋﻤﺔ ﺍﺟﻴﺐ ﺑﻨﺎﺕ ﺍﺭﺑﻴﻞ ﻛﻠﻬﻦ
ﺭﻳﺎ ....... ﺑﺎﻭﻋﺘﻠﻪ ﺻﻔﺢ ﻭﺭﻓﻌﺖ ﺣﺎﺟﺒﻲ ﻭﺍﺑﺘﺴﻤﺖ ﻫﻮ ﻇﻞ ﻳﺒﺎﻭﻉ ﻋﻠﻰ ﺍﻟﻜﻮﺏ ﻭﺍﻟﺒﻴﺪﻩ ﻭﻛﺎﻝ
ﺣﻤﺰﺓ ........ ﻋﻤﺔ ﻟﻮ ﺗﺪﺭﻳﻦ ﻫﻲ ﻛﺘﻠﺔ ﺗﺮﻭﺣﻬﺎ ﻋﻠﻴﺔ ﺗﺮﻛﺾ ﻭﺭﺍﻱ ﺍﺭﻭﺡ ﻟﻠﺠﺎﻣﻌﺔ ﺍﻟﻜﺎﻫﺎ ﺑﺎﻟﺒﺎﺏ ﻭﻣﻦ ﺗﺸﻮﻓﻨﻲ ﻭﺻﻠﺖ ﺗﺴﻴﺢ ﺑﺎﻟﻜﺎﻉ ﻭﺍﻟﻌﺎﻟﻢ ﻳﻜﻮﻟﻮﻟﻲ ﻓﺪﻭﺓ ﺣﻤﺰﺓ ﺑﺲ ﺑﺎﻭﻋﻠﻬﺎ ﻭﺍﻧﻲ ﺍﻛﻮﻟﻠﻬﻢ ﺍﺑﺪ ﻭﻻ ﺍﺷﻴﻞ ﻋﻴﻨﻲ ﺍﻧﻲ ﺭﺟﺎﻝ ﺍﺧﺎﻑ ﺍﻟﻠﻪ ﻣﺎﺍﺑﺎﻭﻉ ﺑﺲ ﻫﻲ ﻛﺎﻟﺘﻠﻲ ﺍﺫﺍ ﺗﺤﺐ ﺍﻣﻚ ﺍﺗﺰﻭﺟﻨﻲ ﻭﺍﻧﻲ ﺗﺪﺭﻭﻥ ﺑﻴﺔ ﺍﻋﺸﻚ ﺍﻣﻲ ﻋﺎﺩ ﻛﻮﻟﺘﻠﻬﺎ ﻫﺎﻱ ﻫﻴﺔ ﺗﻌﺎﻱ ﺑﺎﺟﺮ ﻧﻌﻘﺪ ﻭﻧﺮﻭﺡ ﻟﻠﺒﺼﺮﺓ ﻣﻮ ﻳﺎﺑﺔ
ﺭﻳﺎ ...... ﻓﺎﺗﺤﺔ ﺣﻠﻜﻲ ﻋﻠﻰ ﺳﻮﺍﻟﻔﺔ ﻣﻦ ﺑﺎﻭﻋﻠﻲ ﻭﻛﺎﻝ ﻣﻮ ﻳﺎﺑﺔ ﺷﺎﻓﻨﻲ ﺻﺎﻓﻨﺔ ﻭﻣﺘﻌﺠﺒﺔ ﻋﻠﻰ ﻛﻼﻣﻪ ﻟﺰﻡ ﺭﺍﺳﻲ ﻭﻫﺰﺍ ﺑﻤﻌﻨﻲ ﺍﻱ ﻛﺎﻝ
ﺣﻤﺰﺓ ...... ﻫﺎﺍﺍ ﻫﺎﻟﻌﺘﺮﻓﺔ ﻛﺪﺍﻣﺠﻦ ﻭﻫﺰﺓ ﺭﺍﺳﻬﺎ
ﺭﻳﺎ ........ ﻳﺎﺍ ﺍﻟﻠﻪ ﻣﺘﻔﺎﺟﺎﺓ ﻫﺬﺍ ﻣﻮ ﺣﻤﺰﺓ ﺗﺼﺮﻓﺎﺗﺔ ﻫﻨﺎ ﻣﻮ ﻣﺜﻞ ﺗﺼﺮﻓﺎﺗﺔ ﻫﻨﺎﻙ ﺑﺄﺭﺑﻴﻞ ﻫﻨﺎﻙ ﺟﺎﻥ ﺛﻜﻴﻞ ﻭﻣﻦ ﻳﺤﺠﻲ ﻭﻳﺎﻱ ﻟﻮ ﻭﻱ ﻣﻬﺎ ﻣﻨﺰﻝ ﺭﺍﺳﻪ ﻭﻣﺎﻳﺤﺸﺶ ﻋﻠﻰ ﻛﺪ ﺍﻟﺴﺆﺍﻝ ﻭﺍﻟﺠﻮﺍﺏ ﻫﻮ ﺷﺎﻓﻨﻲ ﺳﺎﻛﺘﺔ ﺑﺎﺳﻨﻲ ﺑﺨﺪﻱ ﻗﻮﻱ ﻭﻛﺎﻝ
ﺣﻤﺰﺓ ........ ﻭﺍﻟﻌﺒﺎﺱ ﺍﻋﺸﻜﻬﺎ ﻫﺎ ﺍﻫﺎ ﻛﺪﺍﻣﺠﻦ ﺍﻋﻌﻌﺸﺸﺸﻜﻜﻜﻬﺎﺍﺍ
ﺭﻳﺎ ........ ﻳﺒﻮﻭﻭﻭ ﻓﺸﻠﻨﻲ ﻭﺍﻟﻠﻪ ﻭﻻ ﻳﺴﺘﺤﻲ ﻭﻋﻤﺎﺗﺔ ﻳﻀﺤﻜﻦ ﻭﺍﻣﻪ ﺗﺼﻠﻲ ﻋﻠﻰ ﺍﻟﻨﺒﻲ ﻧﺴﻮﺍﻥ ﻋﻤﺎﻣﻪ ﺑﻴﻦ ﺍﻟﻐﻴﺮﺍﻧﺎﺕ ﻭﻳﺮﺩﻧﻪ ﻟﺒﻨﺎﺗﻬﻦ ﻭﺑﻴﻦ ﺍﻟﺤﺎﺳﺪﺍﺗﻨﺎ ﺩﺧﻞ ﻋﻤﻲ ﻫﻮ ﻭﺍﻟﻮﻟﺪ ﻋﻤﻮ ﻛﺎﻝ
ﺍﺑﻮ ﻣﺤﻤﺪ .........
شكرا لزيارتكم عالم روايات سكيرهوم
