رواية المتشردة والغيور الفصل الخامس والعشرون بقلم مرج البحر
ﺭﻳﺎ ....... ﺑﻌﺪﻧﺎ ﻧﻀﺤﻚ ﺩﺧﻞ ﻋﻤﻮ ﺍﺑﻮ ﻣﺤﻤﺪ ﻭﺍﻟﻮﻟﺪ ﻋﻤﻮ ﻛﺎﻝ
ﺍﺑﻮ ﻣﺤﻤﺪ ....... ﻭﻟﻚ ﻳﺎﻫﻲ ﻫﺎﻱ ﺍﻟﺘﻌﺸﻜﻬﺎ
ﺣﻤﺰﺓ ........ ﻫﺎﺍﺍ ﻳﺎﺑﺔ ﻫﺎﻱ ﺍﻣﻲ
ﺍﻡ ﻣﺤﻤﺪ ........ ﻫﺎﺍﺍ ﻭﻟﻚ ﻛﻠﺒﺘﻬﺎ
ﺣﻤﺰﺓ .......... ﻻ ﻳﻤﺔ ﺍﺣﺘﺮﺍﻡ ﺍﻟﺠﺒﻴﺮ ﻭﺍﺟﺐ
ﺭﻳﺎ ...... ﻛﻌﺪﻭ ﻛﻠﻬﻢ ﻭﺳﻮﺍﻟﻒ ﻭﺿﺤﻚ ﻭﻓﻼﻥ ﻭﻓﻼﻧﺔ ﻭﺍﻧﻲ ﻣﺎﺍﻋﺮﻓﻬﻢ ﺣﺘﻰ ﺍﻟﺴﺎﻟﻔﺔ ﻣﺎﺍﻧﺘﺒﻬﻠﻬﺎ ﻻﻥ ﻣﺎﺍﻋﺮﻑ ﻣﻨﻮ ﻫﺬﻭﻝ ﻭﺍﺷﻮﻓﻬﻢ ﻛﻠﻬﻢ ﻳﻌﺮﻓﻮﻥ ﺍﻟﺸﺨﺺ ﺍﻟﻴﺴﻮﻟﻔﻮﻥ ﻋﻠﻴﻪ ﺣﺘﻰ ﺩﺧﺖ
ﺷﻮﻳﺔ ﻭﺣﻤﺰﺓ ﺻﺎﺡ ﻟﺰﻫﺮﺍﺀ ﺍﺟﺖ ﺩﻧﻜﺖ ﻳﻤﻪ ﻫﻮ ﺷﺎﻭﺭﻫﺎ ﻫﺰﺕ ﺭﺍﺳﻬﺎ ﻭﺭﺍﺣﺖ ﺷﻮﻳﺔ ﻫﻴﺞ ﻳﻤﻜﻦ ﻃﻠﻌﺖ ﻭﺭﺟﻌﺖ ﻛﺎﻟﺖ
ﺯﻫﺮﺍﺀ ....... ﺭﻳﺎ ﺗﻌﺎﻱ ﺍﻟﺒﻨﺎﺕ ﻳﺼﻴﺤﻨﺞ
ﺭﻳﺎ ....... ﻛﻤﺖ ﻭﻳﺎﻫﺎ ﻭﻫﻢ ﻛﻠﻬﻢ ﻋﻴﻨﻬﻢ ﻋﻠﻴﺔ ﺣﺘﻰ ﺍﺳﺘﺤﻴﺖ ﻻﻥ ﺟﻨﺖ ﻛﺎﻋﺪﺓ ﺑﻨﻬﺎﻳﺔ ﺍﻟﻐﺮﻓﺔ ﻭﻻﺯﻡ ﺍﻋﺒﺮ ﻣﻦ ﺍﻟﻨﺺ ﻭﻫﻢ ﻛﻄﻌﻮ ﺳﺎﻟﻔﺘﻬﻢ ﺍﺿﻄﺮﻳﺖ ﺍﻣﺸﻲ ﺑﺲ ﻭﺍﻧﻲ ﻣﺪﻧﻜﺔ
ﻃﻠﻌﺖ ﻭﻛﻔﺘﻨﻲ ﻳﻢ ﺍﻟﺪﺭﺝ ﻭﻛﺎﻟﺖ
ﺯﻫﺮﺍﺀ ....... ﺣﻤﺰﺓ ﻳﻜﻮﻝ ﺧﻞ ﺗﺼﻌﺪ ﻟﻠﻐﺮﻓﺔ
ﺭﻳﺎ ....... ﺻﻌﺪﺕ ﺷﻮﻱ ﻭﺩﺧﻞ ﺣﻤﺰﺓ ﻛﺎﻝ
ﺣﻤﺰﺓ ....... ﺍﻭﻭﻭﻑ ﺍﺭﻳﺪﺝ ﺗﻜﻮﻣﻴﻦ ﻣﺎﻛﻮ ﺷﻨﻮ ﺣﻠﺘﻠﺞ ﺍﻟﺴﻮﺍﻟﻒ
ﺭﻳﺎ ...... ﻏﻴﺮ ﻛﺎﻋﺪﻳﻦ ﻋﻴﺐ
ﺑﻌﺪﻧﻲ ﺍﺳﻮﻟﻒ ﻭﻳﺎ ﻭﺍﺟﺔ ﻭﻇﻞ ﻳﺘﺤﺎﺭﺵ ﻭﻳﺴﻮﻱ ﺣﺮﺍﻙ ﻭﻭﻭﻭﻭ
ﻟﻠﻌﺼﺮ ﺟﻨﻨﺎ ﻧﺎﻳﻤﻴﻦ ﺍﻧﺪﻙ ﺍﻟﺒﺎﺏ ﺍﻧﻲ ﻧﻌﺴﺎﻧﺔ ﻣﺎﺍﺭﻳﺪ ﺍﻛﻮﻡ ﻭﺣﻤﺰﺓ ﻧﺎﻳﻢ ﻏﻠﺴﺖ ﻣﺎﺭﺍﺣﻮ ﻇﻠﻮ ﻳﺪﻛﻮﻥ ﺣﻤﺰﺓ ﻇﺎﺝ ﺻﺎﺡ ﺑﺼﻮﺕ ﻋﺎﻟﻲ
ﺣﻤﺰﺓ ...... ﻣﻨﻮﻭﻭﻭﻭﻭﻭ
ﺭﻳﺎ ........ ﻓﺰﻳﺖ ﻣﻦ ﺍﻟﺼﻮﺕ ﻭﻫﻲ ﻓﺰﺓ ﻭﻫﻲ ﻋﺜﺮﺓ ﻋﻠﻰ ﻭﺟﻬﻲ ﻟﻠﻜﺎﻉ ﻛﻌﺪﺕ ﺍﻓﺮﻙ ﺑﺮﻛﺒﺘﻲ ﻛﻮﺗﻠﻪ ﺣﻤﺰﺓ ﻫﻮ ﻫﻴﺞ ﻫﻮ ﺿﺮﺑﻬﺎ ﺿﺤﻜﺔ ﺑﺼﻮﺕ ﻋﺎﻟﻲ ﻭﻛﺎﻡ ﻓﺘﺢ ﺍﻟﺒﺎﺏ ﺷﺎﻑ ﻧﻮﺭ ﻛﺎﻟﺘﻠﻪ
ﻧﻮﺭ ...... ﺣﻤﺰﺓ ﺧﻞ ﺭﻳﺎ ﺗﺒﺪﻝ ﻭﺗﻨﺰﻝ ﺍﺟﻮ ﺧﻄﺎﺭ
ﺣﻤﺰﺓ ....... ﻛﻮﻟﻴﻠﻬﻢ ﺍﻟﻌﺮﻭﺱ ﻧﺎﻳﻤﺔ ﻭﺷﺪﺩﻱ ﻋﻠﻰ ﻛﻠﻤﺔ ﻋﺮﻭﺱ ﺣﺘﻰ ﻳﻌﺮﻓﻮﻥ ﻣﺎﻳﺼﻴﺮ ﻳﻨﺪﻙ ﺍﻟﺒﺎﺏ ﻋﻠﻴﻬﻢ
ﻧﻮﺭ ....... ﻳﺎﺑﺔ ﻋﻴﺐ ﻋﻴﺎﻟﻲ ﺍﺟﻮ ﻋﻤﺘﻲ ﻭﻋﻤﺔ ﺳﺠﺎﺩ ﻭﺧﺎﻻﺗﻪ ﺷﺒﻴﻚ ﺣﺘﻰ ﺳﺠﺎﺩ ﺍﺟﺔ ﻭﻳﺮﻳﺪﻙ ﺟﻮﺓ ﻳﺎﻟﻠﻪ ﺍﻧﻲ ﻧﺎﺯﻟﺔ ﺑﺴﺮﻋﺔ ﺍﻧﺰﻟﻮ
ﺣﻤﺰﺓ ....... ﺩﻳﺎﻟﻠﻪ ﻫﺴﺔ ﺟﺎﻳﻴﻦ
ﺭﻳﺎ ....... ﻛﻤﺖ ﺭﺟﻠﻲ ﺗﻮﺟﻌﻨﻲ ﻣﻦ ﺍﻟﻮﻛﻌﺔ ﻟﺒﺴﺖ ﺭﻭﺏ ﻋﻨﺪﻱ ﻭﻃﻠﻌﺖ ﻟﻠﺤﻤﺎﻡ ﺯﺍﺧﺬﺕ ﻣﻼﺑﺲ ﻟﺤﻤﺰﺓ ﻋﻠﻜﺘﻬﻦ ﺣﺘﻰ ﻳﺴﺒﺢ ﻭﺭﺍﻱ ﺑﺲ ﻣﺎﻱ ﺍﻟﺘﺎﻧﻜﻲ ﺣﺎﺭ ﺷﺴﻮﻱ ﺳﺒﺤﺖ ﻭﺭﺟﻌﺖ ﻟﻠﻐﺮﻓﺔ ﻫﻮ ﻳﺪﻭﺭ ﻋﻠﻰ ﺍﻟﺨﺎﻭﻟﻲ ﻛﻮﺗﻠﻪ ﺧﻠﻴﺘﻠﻚ ﻣﻼﺑﺲ ﻭﺍﻟﺨﺎﻭﻟﻲ ﺑﺎﻟﺤﻤﺎﻡ ﻫﻮ ﺍﺟﺔ ﻳﻤﻲ ﻭﻛﺎﻝ
ﺣﻤﺰﺓ ........ ﻓﺪﻳﺘﻬﺎ ﻣﺮﺗﻲ ﺍﻟﻤﻌﺪﻟﺔ
ﺭﻳﺎ ....... ﺑﺎﺳﻨﻲ ﺑﺨﺪﻱ ﻭﻃﻠﻊ ﻭﺍﻧﻲ ﺑﻘﻴﺖ ﺍﺑﺪﻝ ﻟﺒﺴﺖ ﻓﺴﺘﺎﻥ ﻗﺼﻴﻒ ﻟﻮﻧﻪ ﻭﺭﺩﻱ ﻳﺼﻴﺮ ﺿﻴﻖ ﻣﻦ ﺍﻟﺼﺪﺭ ﻭﺑﻲ ﻛﺴﺮﺍﺕ ﻭﺣﺰﺍﻡ ﻣﻦ ﺍﻟﺨﺼﺮ ﻭﻳﻨﺰﻝ ﻧﻔﺶ ﻭﺍﻟﻘﻤﺎﺵ ﻭﺍﻛﻒ ﻭﻳﺼﻴﺮ ﺷﻮﻱ ﻗﺼﻴﺮ ﻟﺒﺴﺖ ﺣﺠﻞ ﻃﺒﻌﺎ ﻣﻮ ﺫﻫﺐ ﻻﻥ ﻣﺎﻣﺸﺘﺮﻳﺔ ﺣﺠﻞ ﺫﻫﺐ ﻟﺒﺴﺖ ﺷﺒﻪ ﻭﺍﺣﺪ ﻳﺤﺠﻲ ﺍﻟﺼﺮﺍﺣﺔ ﻟﻴﺶ ﻳﻔﺨﻔﺦ
ﺧﻠﻴﺖ ﻣﻜﻴﺎﺝ ﻭﺭﺩﻱ ﻫﺎﺩﺉ ﻭﻟﺒﺴﺖ ﺣﺠﺎﺑﻲ ﺩﺧﻞ ﺣﻤﺰﺓ ﻳﻨﺸﻒ ﺑﺄﺫﻧﻪ ﺩﺍﺧﻞ ﺑﻴﻬﺎ ﻣﺎﻱ ﻛﺎﻝ
ﺣﻤﺰﺓ ..... ﺣﺒﻴﺒﺘﻲ ﺷﻮ ﺍﺣﺠﻲ ﺧﻞ ﺍﺟﺮﺏ ﺍﺫﻧﻲ
ﺭﻳﺎ ....... ﻳﻌﻨﻲ ﺷﻜﻮﻝ
ﺣﻤﺰﺓ ....... ﺍﻱ ﺷﻲ ﺧﻞ ﺍﺟﺮﺏ ﺍﺫﻧﻲ
ﺭﻳﺎ ...... ﺍﺣﻢ ﺍﺣﻢ ﺑﺴﺮﻋﺔ ﺑﺪﻝ ﻻﻥ ﻳﻨﺘﻈﺮﻭﻧﺎ ﺟﻮﺓ
ﺣﻤﺰﺓ ....... ﻭﻟﺞ ﺻﻮﺗﺞ ﻋﺒﺎﻟﻚ ﺳﻤﺠﺔ ﺗﺤﺠﻲ ﺑﺎﻟﻤﺎﻱ
ﺭﻳﺎ ...... ﻳﺎﺍﺍﺍ ﻳﻌﻨﻲ ﺷﻠﻮﻥ
ﺣﻤﺰﺓ ........ ﺷﻮ ﻛﻮﻟﻲ ﺣﻤﺰﺓ ﺣﺒﻴﺒﻲ ﺧﻞ ﺍﺟﺮﺏ ﺍﺫﻧﻲ ﻣﺮﺓ ﺛﺎﻧﻴﺔ
ﺭﻳﺎ ....... ﻫﻮ ﻧﺎﺻﺐ ﻋﻠﻴﺔ ﻭﺍﻧﻲ ﻣﺼﺪﻛﺘﻪ ﻛﻮﺗﻠﻪ ﺣﻤﺰﺓ ﺣﺒﻴﺒﻲ ﻫﺎﺍﺍﺍ ﺳﻤﻌﺖ ﺻﻮﺗﻲ ﻋﺪﻝ
ﺣﻤﺰﺓ ....... ﺷﻮﻳﺔ ﺍﺳﺘﻌﺪﻝ ﻛﻮﻟﻲ ﺍﺣﺒﻚ ﺣﺒﻴﺒﻲ ﺣﺘﻰ ﻧﺠﺮﺏ ﺑﻌﺪ
ﺭﻳﺎ ...... ﺍﺣﺒﻚ ﺣﺒﻴﺒﻲ ﻫﺎﺍﺍ ﻭﻫﺴﺔ
ﺣﻤﺰﺓ ....... ﻫﺴﺔ ﺍﻧﻔﺘﺤﺖ ﺗﻌﺎﻱ ﺍﻧﻄﻴﻨﻲ ﺑﻮﺳﺔ ﻣﺎﺩﺍﻡ ﻃﻴﺒﺘﻴﻨﻲ
ﺭﻳﺎ ...... ﻳﺎﺍﺍﺍ ﻭﺍﻧﺖ ﻧﺎﺻﺐ ﻋﻠﻴﺔ
ﻋﻔﺘﻪ ﻭﺩﺭﺕ ﻭﺟﻬﻲ ﻫﻮ ﺍﺟﺔ ﺣﻈﻨﻨﻲ ﻣﻦ ﻭﺭﺓ ﻭﻛﺎﻝ
ﺣﻤﺰﺓ ....... ﺷﺒﻴﺞ ﻫﻲ ﺑﻮﺳﺔ ﻻﺗﺼﻴﺮﻳﻦ ﺑﺨﻴﻠﺔ
ﺭﻳﺎ ....... ﻣﺎﻛﻮ ﺯﻋﻼﻧﺔ
ﺣﻤﺰﺓ ....... ﺻﺪﻙ ﺟﺬﺏ ﺍﻧﺘﻲ ﺗﺰﻋﻠﻴﻦ ﺍﻧﻲ ﺍﺭﺍﺿﻴﺞ ﺷﻮ ﺗﻌﺎﻱ
ﺭﻳﺎ ....... ﺑﺴﺮﻋﺔ ﺩﺍﺭﻧﻲ ﻋﻠﻴﻪ ﻭﺑﺎﺳﻨﻲ ﻭﺳﺤﺒﻨﻲ ﻟﻠﺠﺮﺑﺎﻳﺔ ﺑﺴﺮﻋﺔ ﻭﺧﺮﺗﻪ ﻛﻮﺗﻠﻪ ﻫﻨﺎ ﺣﺪﻙ ﻭﻳﻦ ﺧﻴﺮ ﺧﻞ ﻧﻨﺰﻝ ﻋﻴﺐ ﻣﻦ ﺍﻫﻞ ﺯﻭﺡ ﻧﻮﺭ
ﺣﻤﺰﺓ ...... ﺗﺪﺭﻳﻦ ﺗﻴﻬﺘﻲ ﻋﻠﻴﺔ ﺍﻟﻌﺎﻟﻢ ﺍﻫﻞ ﺯﻭﺝ ﻧﻮﺭ ﻳﻨﺮﺍﺩﻟﻬﺎ ﺻﻔﻨﺔ ﺣﺘﻰ ﺍﻓﺴﺮ ﻣﻨﻮ ﻫﻢ ﺧﻮ ﻛﻮﻟﻲ ﻋﻴﺎﻝ ﻧﻮﺭ ﺍﻧﻌﺮﻓﺖ ﻫﺬﻳﺞ ﻫﻲ
ﺭﻳﺎ ....... ﻻﺗﻌﻴﺐ ﻋﻠﻴﺔ ﺗﺮﺓ ﻧﻔﺲ ﺍﻟﺸﻲ
ﺿﺤﻜﻨﺎ ﻫﻮ ﺭﺍﺡ ﻟﺒﺲ ﺗﺮﺍﻙ ﻣﺎﻝ ﺑﻴﺖ ﻋﻮﺩ ﻟﻴﺶ ﻣﺎﻳﻜﺸﺦ ﺑﺲ ﺍﻧﻲ ﺍﻛﺸﺦ ﻳﺤﺴﺴﻮﻧﻲ ﺍﻧﻲ ﺿﻴﻔﺔ ﺑﺲ ﻳﺎﻟﻠﻪ ﺍﻟﻤﻦ ﻣﺸﺘﺮﻳﺘﻬﻦ ﺍﻛﺸﺦ ﺑﻴﻬﻦ ﻧﺰﻟﻨﺎ ﻫﻮ ﺳﻠﻢ ﻋﺎﺩﻱ ﻋﻠﻰ ﺍﻫﻞ ﺳﺠﺎﺩ ﺯﻭﺝ ﻧﻮﺭ ﻭﺑﺎﺱ ﺭﺍﺱ ﺍﻡ ﺳﺠﺎﺩ ﻋﺒﺎﻟﻚ ﺍﻗﺎﺭﺑﻬﻢ ﻭﻃﻠﻊ ﻟﻼﺳﺘﻘﺒﺎﻝ ﻭﺍﻧﻲ ﺳﻠﻤﺖ ﻋﻠﻰ ﺍﻟﻨﺴﻮﺍﻥ ﻭﻫﻦ ﺑﺲ ﻳﺼﻠﻦ ﻋﻠﻰ ﺍﻟﻨﺒﻲ ﻭﺍﻟﻠﻪ ﺣﺴﺴﻨﻲ ﻣﻠﻜﺔ ﺟﻤﺎﻝ ﺍﻧﺘﺒﻬﺖ ﻋﻨﺪﻫﻢ ﺑﻨﺎﺕ ﻳﺨﺒﻠﻦ ﻋﻠﻰ ﺷﻨﻮ ﻣﺨﺒﻮﺻﻴﻦ ﺑﻴﺔ
ﻭﻣﻨﻮ ﻳﺠﻲ ﻳﻜﻮﻝ ﻳﺴﺘﺎﻫﻞ ﺣﻤﺰﺍﻭﻱ ﻫﻴﺞ ﻛﻤﺮ ﻭﻋﻤﺘﻲ ﺗﺼﻴﺢ ﺟﻨﺘﻲ ﻭﺟﻨﺘﻲ ﻭﺍﻟﻠﻪ ﻋﺒﺎﻟﻚ ﺍﻧﻲ ﻓﺪ ﺷﻲ ﻭﻛﺎﻋﺪﺓ ﺑﻨﺼﻬﻢ ﺍﻧﻔﺦ ﻧﻔﺴﻲ ﻭﺍﺻﺪﻙ ﻭﻣﻦ ﻳﺤﺎﺟﻨﻲ ﺍﺳﻮﻱ ﻧﻔﺴﻲ ﺧﺠﻮﻟﺔ ﻭﻣﺪﻧﻜﺔ ﻭﺍﺑﺘﺴﻢ ﻭﻫﻦ ﻳﺼﻴﺤﻦ ﺻﻼﻭﺍﺕ ﺗﺨﺒﻞ ﺗﺨﺒﻞ ﻭﺯﻫﺮﺍﺀ ﻛﺎﻋﺪﺗﻠﻬﻦ ﺑﺎﻟﻤﺮﺻﺎﺩ ﻛﻞ ﺷﻮﻱ ﻭﻛﺎﻟﺖ
ﺯﻫﺮﺍﺀ ....... ﺍﻡ ﺍﻟﻨﺰﺍﻛﺔ ﺑﻴﻌﻴﻬﻦ ﻋﻠﻰ ﻏﻴﺮﻱ ﻫﺎﻱ ﺍﻟﺴﻮﺍﻟﻒ ﻣﻮ ﻋﻠﻴﺔ
ﺭﻳﺎ ........ ﻟﺞ ﺷﺒﻴﺞ ﺍﺳﻜﺘﻲ ﻻﻳﺴﻤﻌﻨﺞ ﻭﺑﻌﺪﻳﻦ ﺷﺒﻴﺔ ﺧﻞ ﺍﺻﺪﻙ ﻧﻔﺴﻲ ﻗﺎﺑﻞ ﺷﻨﻮ ﺿﺎﺣﻜﺔ ﻣﺜﻞ ﺍﻟﻮﻟﺪ
ﺍﻧﺘﺒﻬﺖ ﻋﻤﺔ ﺳﺠﺎﺩ ﻣﺸﻜﻠﺔ ﻋﻠﻰ ﺯﻫﺮﺍﺀ ﻭﺑﺲ ﺗﺒﺎﻭﻋﻠﻬﺎ ﻭﺯﻫﺮﺍﺀ ﺗﻨﺎﻓﺦ ﻣﻨﺎﻓﺦ ﻭﺗﺴﻮﻱ ﺣﺮﻛﺎﺕ ﻣﺎﻝ ﺛﻜﻴﻼﺕ ﻭﻋﻮﺩ ﻫﻴﺒﺔ ﻭﺷﺨﺼﻴﺔ ﻭﻛﺬﺍ ﻭﺗﺴﻮﻱ ﻧﻔﺴﻬﺎ ﻣﺎﻣﻨﺘﺒﻬﺔ ﻟﻨﻈﺮﺍﺕ ﺍﻟﻤﺮﺓ
ﻛﻮﻟﺘﻠﻬﺎ ﺷﻨﻮ ﺍﻟﺴﺎﻟﻔﺔ ﺷﻮ ﺍﻡ ﺟﻬﺎﺩ ﻋﻴﻨﻬﺎ ﻋﻠﻴﺞ
ﺯﻫﺮﺍﺀ ....... ﺍﺳﻜﺘﻲ ﻣﻮ ﻣﺮﺗﻴﻦ ﺍﺟﺖ ﺧﻄﺒﺘﻨﻲ ﻭﺭﻓﻀﺖ ﻭﻫﺴﺔ ﺍﺭﻳﺪ ﺍﺭﺍﻭﻳﻬﺎ ﻫﻴﺒﺘﻲ
ﺭﻳﺎ ...... ﻟﻴﺶ؟ﺗﺮﺩﻳﻬﺎ ﺗﺠﻲ ﺗﺨﻄﺐ ﻣﺮﺓ ﺛﺎﻟﺜﺔ
ﺯﻫﺮﺍﺀ ...... ﻻ ﻭﻟﺞ ﺷﺒﻴﺞ ﺣﺘﻰ ﺗﻜﻮﻝ ﺭﺩﺗﻬﺎ ﻻﺑﻨﻲ ﻭﻣﺎﺻﺎﺭﺕ ﻣﻮ ﺗﻜﻮﻝ ﺧﻔﻴﻔﺔ ﻫﻤﺰﻳﻦ ﻣﺎﺍﺧﺬﻧﺎﻫﺎ ﺍﻓﻬﻤﻲ
ﺭﻳﺎ ...... ﻋﺰﺍﺍ ﺑﻌﻴﻨﺞ ﺑﻴﺞ ﺑﻼﻭﻱ
ﺭﻭﺍﻥ ....... ﺷﻮﻓﻲ ﺭﻳﺎ ﺷﺎﻳﻔﺘﻬﺎ ﻫﺎﻱ ﺑﺲ ﻫﺴﺔ ﺯﻳﻨﺔ ﻭﻳﺎﺝ ﺑﺲ ﺍﻋﺒﺮﻱ ﺍﻟﺴﺎﺑﻊ ﺗﺮﺍﻭﻳﺞ ﻭﺟﻪ ﺍﻟﺤﻤﺎﻳﺔ ﺍﻟﺰﻳﻦ ﺍﺳﺌﻠﻴﻨﻲ
ﺯﻫﺮﺍﺀ ...... ﻫﺎﺍ ﻭﻟﺞ ﺍﻡ ﺍﻟﻮﺳﺦ ﺷﻤﺴﻮﻳﺘﻠﺞ ﺍﻧﻲ ﺍﻋﻠﻤﺞ ﺑﺲ ﺧﻞ ﻳﺮﻭﺡ ﺍﻟﺨﻄﺎﺭ ﺍﺭﺍﻭﻳﺞ ﺍﻟﺤﻤﺎﻳﺔ ﻋﻠﻰ ﺍﺻﻮﻟﻬﺎ
ﺭﻳﺎ ...... ﻛﺎﻋﺪﺓ ﺑﻨﺼﻬﻦ ﻭﺷﺒﻌﺎﻧﺔ ﺿﺤﻚ ﻭﻧﻮﺭ ﻛﺎﻋﺪﺓ ﺑﺼﻔﻬﻦ ﻭﺗﺠﻴﺐ ﻭﺗﺨﻠﻲ ﻛﺪﺍﻣﻬﻦ ﻫﻬﻬﻬﻪ
ﺭﺍﺣﻮ ﻭﻧﻮﺭ ﺭﺍﺣﺖ ﻭﻳﺎﻫﻢ ﻣﺮ ﺍﺳﺒﻮﻉ ﻋﻠﻰ ﺯﻭﺍﺟﻲ ﺳﺒﻌﺔ ﻣﺎﺳﻮﻳﺖ ﻛﺎﻟﻮ ﺻﺎﺭﺕ ﻫﺎﻱ ﺍﻟﺸﻐﻼﺕ ﻗﺪﻳﻤﺔ ﺑﺲ ﻃﻠﻌﻨﺎ ﺍﻧﻲ ﻭﺣﻤﺰﺓ ﻭﺍﻓﺘﺮﻳﻨﺎ ﻭﺗﻮﻧﺴﻨﺎ ﻭﺭﺟﻌﻨﺎ ﺛﺎﻧﻲ ﻳﻮﻡ ﻛﻌﺪﺕ ﻣﻦ ﺍﻟﺼﺒﺢ ﺧﻠﺺ ﻭﻗﺖ ﺍﻟﺪﻻﻝ ﻻﺯﻡ ﺍﺧﻠﻲ ﺍﻳﺪﻱ ﻭﺍﺷﺘﻐﻞ ﻭﻳﺎ ﺭﻭﺍﻥ ﺗﺮﺓ ﺗﺼﻴﺮ ﺍﻟﻌﻼﻗﺔ ﻣﻮ ﺯﻳﻨﺔ ﻛﻌﺪﺕ ﺏ 8 ﺍﻟﺼﺒﺢ ﺣﻤﺰﺓ ﺑﻌﺪﻩ ﻧﺎﻳﻢ ﻣﻄﻴﺖ ﻧﻔﺴﻲ ﻭﻛﺴﺮﺕ ﺍﺻﺎﺑﻌﻲ
ﺟﻨﺖ ﻻﺑﺴﺔ ﺑﺪﻟﺔ ﻧﻮﻡ ﺣﻤﺮﺓ ﻟﻤﻴﺖ ﺷﻌﺮﻱ ﺭﺩﺕ ﺍﻛﻮﻡ ﺣﻤﺰﺓ ﺣﻈﻦ ﺑﻄﻨﻲ ﻭﻫﻮ ﻧﺎﻳﻢ ﻛﺎﻝ
ﺣﻤﺰﺓ ........ ﻭﻳﻦ ﺣﺒﻴﺒﻲ ﻭﻳﻦ ﺭﺍﻳﺤﺔ
ﺭﻳﺎ ...... ﺣﺒﻴﺒﻲ ﻧﺎﺯﻟﺔ ﺟﻮﺓ ﺍﺳﻮﻱ ﺭﻳﻮﻙ
ﺣﻤﺰﺓ ...... ﺩﻧﻜﻲ ﺍﻧﻄﻴﻨﻲ ﺑﻮﺳﺔ
ﺭﻳﺎ ...... ﻳﺤﺠﻲ ﻭﻫﻮ ﻏﺎﻓﻲ ﺩﻧﻜﺖ ﺑﺴﺘﻪ ﻭﻛﻤﺖ ﻟﺒﺴﺖ ﺭﻭﺏ ﻭﻯﺤﺖ ﻟﻠﺤﻤﺎﻡ ﺳﺒﺤﺖ ﻭﺭﺟﻌﺖ ﺑﺪﻟﺖ ﺣﻤﺰﺓ ﺑﻌﺪﻩ ﻧﺎﻳﻢ ﻧﺰﻟﺖ ﺟﻮﺓ ﺑﺲ ﻋﻤﺘﻲ ﻛﺎﻋﺪﺓ ﻭﺭﻭﺍﻥ ﻫﻢ ﻫﺴﺔ ﻛﺎﻋﺪﺓ ﻭﻫﺴﺔ ﺩﺧﻠﺖ ﻟﻠﻤﻄﺒﺦ
ﺻﺒﺤﺖ ﻋﻠﻴﻬﻦ ﻭﺭﺣﺖ ﻟﻠﻤﻄﺒﺦ ﺍﺳﺎﻋﺪ ﺭﻭﺍﻥ ﻧﺸﺘﻐﻞ ﻭﺍﺣﻨﺔ ﺳﺎﻛﺘﻴﻦ ﺟﻬﺰﻧﺎ ﺍﻟﺮﻳﻮﻙ ﻭﻛﻌﺪﺓ ﺯﻫﺮﺍﺀ ﻭﻧﺰﻝ ﺍﺣﻤﺪ ﻭﻣﺤﻤﺪ ﻃﻠﻊ ﻣﻦ ﻏﺮﻓﺘﻪ ﻭﻛﻠﻬﻢ ﺍﻧﺠﻤﻌﻮ ﻋﻠﻰ ﺍﻟﺮﻳﻮﻙ ﺑﺲ ﺣﻤﺰﺓ ﻧﺎﻳﻢ ﻋﻤﺘﻲ ﻛﺎﻟﺘﻠﻲ
ﺍﻡ ﻣﺤﻤﺪ ....... ﺭﻳﺎ ﺣﻤﺰﺓ ﻟﻴﺶ ﻣﺎﻳﻨﺰﻝ
ﺭﻳﺎ ...... ﻋﻤﺔ ﻧﺎﻳﻢ
ﺍﻡ ﻣﺤﻤﺪ ....... ﺍﺻﻌﺪﻱ ﻛﻌﺪﻱ ﺗﺮﺓ ﻣﺎﻳﻜﻌﺪ ﻭﺣﺪﻩ
ﺭﻳﺎ ........ ﻣﺎﺷﻲ
ﺻﻌﺪﺕ ﻛﻌﺪﺗﻪ ﻣﺎﻳﻘﺒﻞ ﻧﺰﻟﺖ ﻛﻮﻟﺘﻠﻬﺎ ﻋﻤﺔ ﻳﻜﻮﻝ ﻣﺎﺍﺭﻳﺪ ﺍﺗﺮﻳﻜﻮ
ﻛﻌﺪﻧﺎ ﺗﺮﻳﻜﻨﺎ ﻭﻛﻤﺖ ﻭﻳﺎﻫﻦ ﺯﻫﺮﺍﺀ ﻭﻛﻔﺖ ﻋﻠﻰ ﺍﻟﻐﺴﺎﻟﺔ ﺷﻜﻮ ﻣﻼﺑﺲ ﺑﺎﻟﺤﻤﺎﻡ ﻏﺴﻠﺘﻬﺎ ﺣﺘﻰ ﻟﺤﻤﺰﺓ ﻭﻣﺤﻤﺪ ﻏﺴﻠﺖ ﻭﺭﻭﺍﻥ ﺗﻤﺸﻲ ﻭﺗﺸﺘﻐﻞ ﻭﺍﺑﻨﻬﺎ ﻳﺼﺮﺥ ﻋﻨﺪ ﻋﻤﺘﻲ ﻭﺍﻧﻲ ﺍﻓﺘﺮ ﻭﺭﺍﻫﻦ ﺍﻧﺘﻈﺮﻫﻦ ﻳﺄﻣﺮﻧﻨﻲ ﻳﻌﻨﻲ ﻳﻨﻄﻨﻲ ﺷﻐﻞ ﺣﺘﻰ ﺍﺷﺘﻐﻞ
ﻋﻤﺘﻲ ﺷﺎﻓﺘﻨﻲ ﺍﻓﺘﺮ ﺻﺎﺣﺘﻨﻲ ﻫﻲ ﺑﻐﺮﻓﺘﻬﺎ ﻭﻳﻤﻬﺎ ﺟﻬﺎﻝ ﻣﺤﻤﺪ ﺩﺧﻠﺖ ﻛﻮﻟﺘﻠﻬﺎ ﻫﺎ ﻋﻤﺔ
ﺍﻡ ﻣﺤﻤﺪ ........ ﻳﻤﺔ ﺍﻧﺘﻲ ﺻﺮﺗﻲ ﻣﻨﻨﺎ ﻭﺑﻴﻨﻨﺎ ﺑﻌﺪ ﻣﺎ ﺩﺍﻋﻲ ﺍﺣﺠﻲ ﺑﺲ ﻳﻤﺔ ﻻﺯﻡ ﺗﻌﻴﻨﻴﻦ ﺍﺧﻴﺎﺗﺞ ﻫﺬﺍ ﺑﻴﺘﺞ ﻣﺜﻞ ﻣﺎﻫﻮ ﺑﻴﺘﻬﻦ
ﺭﻳﺎ ...... ﻋﻤﺔ ﻭﺍﻟﻠﻪ ﺍﻧﻲ ﺍﺭﻳﺪ ﺍﺷﺘﻐﻞ ﺑﺲ ﻫﻦ ﻣﺎﻳﻨﻄﻨﻲ ﺷﻐﻞ
ﺍﻡ ﻣﺤﻤﺪ ....... ﻳﻤﺔ ﺍﺣﻨﺔ ﻻﻧﻘﺴﻢ ﺷﻐﻞ ﻭﻻ ﻧﺘﺄﻣﺮ ﺑﺸﻨﻮ ﺍﺣﻨﺔ ﺍﺣﺴﻦ ﻣﻨﺞ ﻭﻧﺘﺄﻣﺮ ﻋﻠﻴﺞ ﺑﺲ ﺍﻟﻤﺴﺎﻋﺪﺓ ﺣﻠﻮﺓ ﺍﺫﺍ ﺗﺸﻮﻓﻴﻦ ﺍﺧﻴﺘﺞ ﺑﻴﺪﻫﺎ ﺷﻐﻞ ﺍﺷﺘﻐﻞ ﺍﻟﺜﺎﻧﻴﺔ ﻭﻫﺬﺍ ﺑﻴﺘﺠﻦ ﻳﻴﻤﺔ ﻭﺍﻟﻠﻪ ﺍﻟﻨﺎﺱ ﺍﺫﺍ ﺗﺸﻮﻑ ﺷﻲ ﻣﻮ ﻧﻀﻴﻒ ﻣﺎﻳﻜﻮﻟﻮﻥ ﺍﻡ ﻣﺤﻤﺪ ﺑﻴﺘﻬﺎ ﻭﺳﺦ ﻭﻻ ﻳﻜﻮﻟﻮﻥ ﺯﻫﺮﺍﺀ ﻣﻮ ﻧﻀﻴﻔﺔ ﻻ ﻳﻜﻮﻟﻮﻥ ﺍﻟﺠﻨﺎﻳﻦ ﻭﺳﺨﺎﺕ ﻫﻢ ﺍﻧﻲ ﺍﻟﻲ ﺟﻢ ﻳﻮﻡ ﺑﻬﺎﻟﺪﻧﻴﺎ ﻭﻣﺎﺷﻴﺔ ﻭﺯﻫﺮﺍﺀ ﺑﻴﺘﻬﺎ ﺑﻴﺖ ﺭﺟﻠﻬﺎ ﺍﻟﺤﺠﻲ ﻳﻤﺴﺠﻦ ﻳﻴﻤﺔ
ﻭﺍﻧﻲ ﻭﺍﻟﻠﻪ ﻟﻮ ﻣﺎﺍﺣﺒﺠﻦ ﻣﺎﺍﺣﺠﻲ ﻫﻴﺞ ﻭﻳﺎﺟﻦ ﻫﺬﻳﺞ ﺭﻭﺍﻥ ﻧﻔﺲ ﺍﻟﺤﺠﻲ ﺍﻟﻜﻮﻟﺘﻪ ﺍﻟﺞ ﻛﻮﻟﺘﻪ ﺍﻟﻬﺎ ﻣﺎﻝ ﺍﻗﺴﻢ ﺷﻐﻞ ﻣﺎﺍﻗﺴﻢ ﺍﻧﺘﻲ ﻣﻨﺞ ﺍﻟﻬﺎ ﻭﻫﻲ ﻫﻢ ﺍﺧﻴﺘﺞ ﻭﻋﻨﺪﻫﺎ ﺟﻬﺎﻝ ﻫﻢ ﺳﺎﻋﺪﻳﻬﺎ ﻭﺗﺴﺎﻋﺪﺝ ﻭﻻﺗﻜﻮﻟﻴﻦ ﺗﺮﻳﺪ ﺗﺼﻴﺮ ﺑﺮﺍﺳﻲ ﺍﻟﻌﻤﺔ ﻭﺍﻟﭽﻨﺔ ﻻ ﻭﺍﻟﻠﻪ ﺍﻧﻲ ﻫﻢ ﻋﻨﺪﻱ ﺑﻨﻴﺎﺕ ﻭﺍﺧﺎﻑ ﻋﻠﻴﻬﻦ ﺧﻮﺵ ﻳﻤﺔ ﻛﻮﺗﻠﺞ ﻫﺬﺍ ﺑﻴﺘﺞ ﺍﻟﺸﺘﻐﻠﺘﻲ ﺑﻲ ﻳﻜﻮﻟﻮﻥ ﻫﻲ ﻧﻀﻴﻔﺔ ﻭﺍﻟﻜﻌﺪﺗﻲ ﻭﺳﻜﺘﺘﻲ ﻳﻜﻮﻟﻮﻥ ﻭﺳﺨﺔ
ﺭﻳﺎ ...... ﺑﺼﺮﺍﺣﺔ ﻣﺎﺍﻋﺮﻑ ﺷﺎﻛﻮﻝ ﻋﻠﻰ ﻫﺎﻱ ﺍﻟﻌﺎﺋﻠﺔ ﻳﻤﻜﻦ ﺍﻟﻠﻪ ﺳﺨﺮﻟﻲ ﻫﻴﺞ ﻋﻤﺔ ﻻﻥ ﺍﻣﻲ ﺟﺎﻧﺖ ﻣﺴﺎﻟﻤﺔ ﻭﺍﺑﺪ ﻣﺎﺗﺄﻣﺮﺕ ﻋﻠﻰ ﺟﻨﺎﻳﻨﻬﺎ ﺍﺑﺪ ﻛﻤﺖ ﺑﺴﺖ ﻋﻤﺘﻲ ﻣﻦ ﺭﺍﺳﻬﺎ ﻛﻮﻟﺘﻠﻬﺎ ﺷﻜﺮﺍ ﻋﻠﻰ ﺍﻟﻨﺼﻴﺤﺔ ﻋﻤﺔ
ﺍﻡ ﻣﺤﻤﺪ ...... ﻭﺍﻟﻠﻪ ﻳﺎﻋﻤﺔ ﻣﻌﺰﺗﺠﻦ ﺑﻤﻌﺰﺓ ﺑﻨﻴﺎﺗﻲ ﻣﺎﺍﺭﻳﺪ ﻣﻨﺠﻦ ﻏﻴﺮ ﻓﺮﺣﺔ ﻭﻟﻴﺪﺍﺗﻲ ﻭﺗﺪﻳﺮﻥ ﺑﺎﻟﺠﻦ ﻋﻠﻴﻬﻢ ﻭﺍﻟﻠﻪ ﻳﺎﻳﻤﺔ ﻓﺮﺣﺔ ﺣﻤﺰﺍﻭﻱ ﺑﻴﺞ ﻭﺿﺤﻜﺘﻪ ﺧﻠﺘﻨﻲ ﺍﺣﺒﺞ ﻛﺒﻞ ﻻ ﺍﻋﺮﻑ ﻃﺒﻌﺞ
ﺭﻳﺎ ...... ﻣﺎﺍﻋﺮﻑ ﺷﺄﺣﺠﻲ ﻃﻠﻌﺖ ﻣﻨﻬﺎ ﻭﺍﻧﻲ ﻣﺤﺘﺎﺭﺓ ﺑﻜﺮﻡ ﻫﺎﻱ ﺍﻟﻌﺎﺋﻠﺔ ﻭﺍﻟﻠﻪ ﻣﺎﺗﻮﻗﻌﺖ ﻫﻴﺞ ﻭﺍﻟﻠﻪ ﻋﺒﺎﻟﻲ ﺭﺍﺡ ﺗﺼﻴﺮﻟﻲ ﻋﻤﺔ ﻭﺗﻀﺒﻂ ﻋﻠﻴﺔ ﺑﺎﻻﺧﺺ ﻋﻤﺘﻲ ﻣﻦ ﺗﻤﺸﻲ ﺷﻜﻠﻬﺎ ﺷﺨﺼﻴﺔ ﺭﺣﺖ ﻟﺮﻭﺍﻥ ﺷﻔﺘﻬﺎ ﻣﺨﺒﻮﺻﺔ ﺗﻄﺒﺦ ﻏﺪﺍﺀ ﻟﺰﻣﺖ ﺍﻟﻤﻄﺒﺦ ﻧﻀﻔﺘﻪ ﺧﻠﻴﺘﻪ ﻳﻠﻤﻊ ﻃﻠﻌﺖ ﺷﻔﺖ ﺍﻟﻜﺮﺍﺝ ﻭﺍﻟﻄﺎﺭﻣﺔ ﻛﻠﻬﻦ ﺗﺮﺍﺏ ﺷﻐﻠﺖ ﺍﻟﻤﺎﻃﻮﺭ ﻭﻏﺴﻠﺘﻬﻦ ﺍﺷﺘﻐﻞ ﺑﺤﺮﻭﺭﺓ ﮔﻠﺐ
ﺩﺧﻠﺖ ﻟﻼﺳﺘﻘﺒﺎﻝ ﻭﺍﻟﺒﻴﺖ ﻛﻠﻪ ﻧﻀﻴﻒ ﻣﻨﻀﻔﺘﻪ ﺭﻭﺍﻥ ﺑﺲ ﺑﺨﺮﺗﻬﻦ ﻭﺳﺪﻳﺖ ﺍﻟﺒﻮﺏ ﺣﺘﻰ ﻻﻳﺘﻮﺳﺨﻦ ﺭﺣﺖ ﻟﺰﻫﺮﺍﺀ ﻟﻜﻴﺘﻬﺎ ﺗﻐﺴﻞ ﻣﻼﺑﺲ ﺍﺧﺬﺕ ﺍﻟﺒﺎﻟﺴﻠﺔ ﺷﺮﻳﺘﻬﻦ ﻋﻠﻰ ﺍﻟﺴﻄﺢ ﻧﺰﻟﺖ ﺍﻃﺮﺍﻑ ﺍﻟﺪﺷﺪﺍﺷﺔ ﻛﻠﻬﺎ ﻣﺎﻱ ﻛﺎﻣﺖ ﺗﻄﺦ ﺑﺮﺟﻠﻴﺔ ﺻﺎﺭﻥ ﺭﺟﻠﻴﺔ ﺣﻤﺮ
ﺭﺣﺖ ﻟﻐﺮﻓﺘﻲ ﺣﻤﺰﺓ ﻧﺎﻳﻢ ﺷﻨﻮ ﻫﺬﺍ ﺗﻨﺒﻞ ﻣﺎﺟﺎﻥ ﻫﻴﺞ ﻭﺍﻟﻠﻪ ﺍﻧﮕﻠﺐ 180 ﺩﺭﺟﺔ ﺭﺣﺖ ﺍﺧﺬﺕ ﻣﻼﺑﺲ ﻭﺳﺒﺤﺖ ﻻﻥ ﻋﺮﻛﺖ ﻣﻦ ﺍﻟﺤﺮﻛﺔ ﺍﻟﺴﺮﻳﻌﺔ ﻭﺍﻟﺠﻮ ﺣﺎﺭ ﺭﺟﻌﺖ ﻟﻠﻐﺮﻓﺔ ﺷﻔﺖ ﺍﻟﺴﺎﻋﺔ ﺏ 10 ﻭﺣﻤﺰﺓ ﻧﺎﻳﻢ ﺭﺣﺖ ﻛﻌﺪﺗﻪ ﻳﺨﻠﻲ ﺍﻟﻤﺨﺪﺓ ﻋﻠﻰ ﺭﺍﺳﻪ ﻛﻤﺖ ﺍﺩﻏﺪﻏﺔ ﻛﺎﻝ
ﺣﻤﺰﺓ ...... ﺭﻳﺎ ﻻﺗﺠﻨﻴﻦ ﻋﻠﻰ ﺭﻭﺣﺞ ﻭﺧﺮﻱ
ﺭﻳﺎ ........ ﺷﺒﻴﻚ ﺣﻤﺰﺓ ﻛﻮﻡ ﺷﻨﻮ ﺧﻠﺼﻦ ﺍﻳﺎﻡ ﺍﻟﻌﺮﺱ ﻟﻮ ﺷﻨﻮ ﻫﻮ ﻛﻌﺪ ﻭﺭﺑﻊ ﻭﻟﺰﻡ ﺍﻳﺪﻳﺔ ﻭﻛﺎﻝ
ﺣﻤﺰﺓ ....... ﺟﺎ ﺷﺘﺮﺩﻳﻨﻲ ﺍﺳﻮﻱ
ﺭﻳﺎ ....... ﻣﺎﺍﺩﺭﻱ ﺣﻤﺰﺓ ﻣﺎﺍﺩﺭﻱ ﻳﻌﻨﻲ ﻫﻴﺞ ﺍﺭﻳﺪ ﺍﺣﺲ ﺑﺎﻟﻤﺴﺆﻭﻟﻴﺔ ﺗﺠﺎﻫﻚ ﻳﻌﻨﻲ ﺷﻜﺪ ﺍﺣﺐ ﺷﻌﻮﺭ ﺍﻟﻤﺘﺰﻭﺟﺔ ﻭﺍﻛﻌﺪ ﻣﻦ ﺍﻟﺼﺒﺢ ﺍﺳﻮﻳﻠﻚ ﺭﻳﻮﻙ ﻭﺗﺮﻭﺡ ﻟﻠﺸﻐﻞ ﻭﺍﻧﻲ ﺍﻇﻞ ﺍﺷﺘﻐﻞ ﻭﺍﺭﺗﺐ ﻭﺍﻃﺒﺨﻠﻚ ﻭﻣﻦ ﺗﺠﻲ ﻣﻦ ﺍﻟﺸﻐﻞ ﺍﻻﻛﻴﻚ ﻭﺍﻛﻮﻟﻚ ﻫﻼ ﺑﻴﻚ ﺗﻌﺒﺖ ﺍﻟﻠﻪ ﻳﺴﺎﻋﺪﻙ ﻭﺍﺻﺒﻠﻚ ﻏﺪﺍﺀ ﻫﻴﺞ ﺣﻠﻮ ﻣﻮﻭ
ﻫﻮ ﺻﺎﻓﻦ ﺑﻴﺔ ﺗﺎﻟﻲ ﻏﻤﻨﻲ ﺑﺜﻨﻴﻦ ﺍﻳﺪﻱ ﻭﻛﺎﻝ
ﺣﻤﺰﺓ ....... ﺍﻧﺘﻲ ﻓﺎﻫﻤﺔ ﺍﻟﻤﻮﺿﻮﻉ ﻏﻠﻂ ﺗﺮﺓ ﺍﻟﺒﻨﺎﺕ ﻫﺴﺔ ﻣﺎﻳﺪﻭﺭﻥ ﻫﻴﺞ ﺳﻮﺍﻟﻒ
ﺭﻳﺎ ....... ﺑﺲ ﺍﻧﻲ ﺍﺣﺐ ﻫﻴﺞ ﺳﻮﺍﻟﻒ ﺷﻮﻑ ﺭﻭﺍﻥ ﻛﺎﻋﺪﺓ ﻣﻦ ﺍﻟﺼﺒﺢ ﻭﻣﺤﻤﺪ ﺭﺍﺡ ﻟﻠﺸﻐﻞ ﻭﻃﻠﻌﺖ ﻫﻲ ﻭﻳﺎ ﻟﻠﺒﺎﺏ ﻭﺗﺎﻟﻲ ﺗﻄﺒﺦ ﻭﺗﻜﻮﻝ ﻣﺤﻤﺪ ﻫﻴﺞ ﻳﺤﺐ ﻭﻣﺤﻤﺪ ﻫﻴﺞ ﻣﺎﻳﺤﺐ ﻭﻣﺨﺒﻮﺻﺔ ﺗﻜﻮﻝ ﺍﺻﻌﺪ ﺍﺑﺮﺩﻟﻪ ﻣﺎﻱ ﻳﺠﻲ ﺗﻌﺒﺎﻥ ﻭﻣﺎﻱ ﺍﻟﺘﺎﻧﻜﻲ ﺗﻀﺮﺑﻪ ﺷﻤﺲ ﻭﻫﻮ ﻣﺤﺘﺮ ﻣﺎﻳﻘﺒﻞ ﻋﻔﻴﺔ ﺍﺭﻳﺪ ﺍﺳﻮﻱ ﻣﺜﻠﻬﺎ
ﺣﻤﺰﺓ ....... ﺍﻣﺸﺸﺸﺸﻲ ﺗﺮﺩﻳﻦ ﺗﺤﺴﻴﻦ ﺑﺎﻟﻤﺴﺆﻭﻟﻴﺔ ﻋﻠﻰ ﺣﺴﺎﺑﻲ ﻣﺎﻛﺎﻓﻲ ﺗﻌﺐ ﺍﻟﺪﺭﺍﺳﺔ ﺍﻧﻮﺏ ﺍﻧﺘﻲ ﻓﻮﻙ ﺭﺍﺳﻲ ﺗﺮﻳﺪ ﺗﺤﺲ ﺑﺎﻟﻤﺴﺆﻭﻟﻴﺔ ﻭﺍﻟﻠﻪ ﺍﻭﻝ ﻭﺣﺪﺓ ﻣﻦ ﺟﻴﻞ ﺍﻝ 2000 ﺍﺳﻤﻌﻬﺎ ﻫﻴﺞ ﺗﻜﻮﻝ ﺍﻟﻤﻔﺮﻭﺽ ﺗﺘﺪﻭﻥ ﺑﺎﻟﺘﺎﺭﻳﺦ ﻭﺗﻨﻨﺸﺮ ﺑﺎﻟﺼﺤﺎﻓﺔ ﻭﺑﺎﻻﻋﻼﻡ ﺍﻧﺘﻲ ﻣﺎﺷﻲ ﺑﺎﻟﻤﻜﻠﻮﺏ ﺗﺮﺓ ﻋﻜﺲ ﺟﻴﻠﭻ
ﺭﻳﺎ ...... ﺣﻤﺰﺓ ﻭﺍﻟﻠﻪ ﺍﺣﺠﻲ ﺻﺪﻙ ﻣﻮ ﺣﻠﻮ ﻭﺍﺣﺪ ﻫﻴﺞ ﻳﺴﻮﻱ ﻭﻧﺼﻴﺮ ﺍﺣﻠﻰ ﺯﻭﺟﻴﻦ ﺍﻧﻲ ﺍﺣﺐ ﻫﻴﺞ ﺷﻲ ﻛﻮﻡ ﻛﻮﻡ ﻋﻔﻴﺔ ﻳﺎﻟﻠﻪ
ﺣﻤﺰﺓ ....... ﺧﺮﺓ ﺑﻐﻴﺮﺗﺞ ﺭﻳﺎ ﻭﻟﺞ ﺑﺎﺟﺮ ﻃﺎﻟﻊ ﻭﻱ ﺍﺑﻮﻱ ﺧﻠﻴﻨﻲ ﺍﻟﻴﻮﻡ ﺍﻭﺩﻉ ﺍﻟﻤﺨﺪﺓ
ﺭﻳﺎ ...... ﻳﻌﻨﻲ ﺑﺎﺟﺮ ﺭﺍﺡ ﺗﺸﺘﻐﻞ
ﺣﻤﺰﺓ ........ ﺍﻳﻴﻲ ﺑﺎﺟﺮ ﺍﻇﻞ ﺍﺷﺘﻐﻞ ﻭﻱ ﺍﺑﻮﻱ ﻋﻠﻰ ﻣﺎﺍﺷﻮﻓﻠﻲ ﺷﻐﻞ
ﺭﻳﺎ ....... ﻳﺎﺍﺍﺍﺍﻱ ﺣﺒﻴﺒﻲ ﻭﺍﻟﻠﻪ ﺍﺣﺒﻚ
ﻃﻔﺮﺕ ﻭﺣﻈﻨﺘﻪ ﻫﻮ ﻫﻢ ﺑﺎﺩﻟﻨﻲ ﺍﻟﺤﻈﻦ ﻭﻛﺎﻝ
ﺣﻤﺰﺓ ........ ﻭﺍﻟﻌﺒﺎﺱ ﻣﺎﺧﺬﻟﻲ ﻣﺨﺒﻠﺔ
ﺭﻳﺎ ....... ﻫﻬﻬﻬﻪ ﺍﺣﺴﻦ ﻳﺎﻟﻠﻪ ﻛﻮﻡ ﺍﺳﻮﻳﻠﻚ ﺭﻳﻮﻙ
ﺣﻤﺰﺓ ....... ﻻ ﺧﻞ ﺍﺗﺮﻳﻚ ﺑﻴﺞ ﻣﺎﺩﺍﻣﻨﻲ ﻣﺎﺳﺒﺤﺎﻥ
ﺭﻳﺎ ........ ﻻ ﺣﻤﺰﺓ ﺳﺒﺤﺎﻧﺔ ﻣﺎﺑﻴﺔ ﺣﻴﻞ ﺍﺭﺟﻊ ﺍﺳﺒﺢ ﻳﺒﻮﻭﻭﻭ ﺳﻮﺓ ﺍﻟﺒﺎﻟﺔ ﻭﻣﺎﺳﻤﻌﻨﻲ
ﻧﺰﻟﻨﺎ ﺍﻟﻈﻬﺮ ﻫﻮ ﺳﻠﻢ ﻋﻠﻴﻬﻢ ﻭﻛﻌﺪ ﻳﻠﻌﺐ ﻭﻱ ﺍﺑﻦ ﻣﺤﻤﺪ ﺍﻟﺼﻐﻴﺮ ﺑﺲ ﺍﻟﻄﻔﻞ ﻣﺴﺘﻐﺮﺏ ﺣﻤﺰﺓ ﻻﻥ ﻋﻤﺮﻩ 9 ﺍﺷﻬﺮ ﻭﺣﻤﺰﺓ ﺍﺧﺮ ﻣﺮﺓ ﺟﺎﻱ ﻻﻫﻠﻪ ﻋﻤﺮ ﺍﻟﻄﻔﻞ ﺷﻬﺮﻳﻦ ﺍﺳﻤﻪ ﺣﺴﻴﻦ ﻫﻮ ﻳﻠﻌﺒﻪ ﻭﺣﺴﻮﻧﻲ ﺷﺎﺭﺩ ﻳﺮﻳﺪ ﻋﻤﺘﻲ ﺑﺲ ﺷﻤﻮﺳﺔ ﻭﻛﺤﺔ ﺗﺸﻤﺮ ﻧﻔﺴﻬﺎ ﺑﺨﻈﻨﻪ ﻭﺗﺒﻮﺳﻪ
ﺭﺣﺖ ﺍﺟﻬﺰ ﺍﻟﻐﺪﺍﺀ ﻭﻱ ﺭﻭﺍﻥ ﻛﻤﻠﻨﺎ ﺍﻟﻐﺪﺍﺀ ﻭﺻﺒﻴﻨﺎ ﻭﺯﻫﺮﺍﺀ ﻧﺰﻟﺖ ﻭﺍﻟﻜﻞ ﺍﺟﺔ ﻭﻛﻌﺪﻧﺎ ﻋﻠﻰ ﺳﻔﺮﺓ ﻭﺣﺪﺓ ﺗﻐﺪﻳﻨﺎ ﺣﻤﺰﺓ ﻭﻋﻤﻲ ﻭﻣﺤﻤﺪ ﻳﺴﻮﻟﻔﻮﻥ ﻋﻠﻰ ﺷﻐﻠﻬﻢ ﻭﺍﺣﻤﺪ ﻳﺸﺎﺭﻛﻢ ﺍﻟﺤﺪﻳﺚ ﺍﺣﻨﺔ ﺑﺲ ﻧﺴﻤﻊ ﻛﻤﻠﻨﺎ ﺍﻛﻞ ﺷﻠﻨﺎ ﺍﻟﺴﻔﺮﺓ ﺍﻧﻲ ﻭﺯﻫﺮﺍﺀ ﻭﻛﻔﻨﺎ ﻧﻐﺴﻞ ﻣﻮﺍﻋﻴﻦ ﻭﺭﻭﺍﻥ ﺳﻮﺕ ﭼﺎﻱ
ﻣﺮ ﺍﻟﻴﻮﻡ ﻭﺍﻻﺳﺒﻮﻉ ﻭﺍﻟﺸﻬﺮ ﻭﺍﻧﻲ ﻋﻼﻗﺘﻲ ﺑﺤﻤﺰﺓ ﻣﺎﻛﻮ ﺍﺣﻠﻰ ﻣﻦ ﻫﻴﺞ ﻭﻋﻼﻗﺘﻲ ﺑﺎﻟﺒﺎﻗﻴﻦ ﻛﻠﺶ ﺣﻠﻮﺓ ﻣﻦ ﻳﺠﻮﻫﻢ ﺧﻄﺎﺭ ﻳﺘﻌﺠﺒﻮﻥ ﺑﻤﺮﺕ ﺣﻤﺰﺓ ﺍﻟﻲ ﻫﻲ ﺍﻧﻲ ﻭﻋﻤﺘﻲ ﻛﻠﺶ ﺗﺤﺒﻨﻲ ﻧﻮﺭ ﺣﺎﻣﻞ ﻭﺧﺎﺑﺮﺗﻨﺎ ﻭﻃﺎﺭﻭ ﻣﻦ ﺍﻟﻔﺮﺡ ﻋﺒﺮ ﻋﻠﻰ ﺯﻭﺍﺟﻲ 4 ﺍﺷﻬﺮ ﻣﺎﺻﺎﺭ ﻋﻨﺪﻱ ﺣﻤﻞ ﻣﺤﺪ ﺣﺎﺟﺎﻧﻲ ﺑﻬﺬﺍ ﺍﻟﻤﻮﺿﻮﻉ ﺑﺲ ﺍﻧﻲ ﺍﻧﺘﺒﻬﺖ ﻟﻨﻔﺴﻲ ﻭﻫﻢ ﻋﻤﺘﻬﻢ ﺍﺟﺖ ﻣﺮﺓ ﻭﺳﺄﻟﺘﻨﻲ ﻭﻛﻮﻟﺘﻠﻬﺎ ﻣﺎﻛﻮ ﺷﻲ
ﺩﺧﻠﻨﺎ ﺑﺸﻬﺮ 12 ﻭﺧﻠﺺ ﺍﻟﺸﻬﺮ ﻭﺍﺟﺔ ﻋﻴﺪ ﺭﺍﺱ ﺍﻟﺴﻨﺔ ﺍﺣﺘﻔﻠﻨﺎ ﺍﺣﺘﻔﺎﻝ ﻳﺨﺒﻞ ﻭﺍﺣﻠﻰ ﺍﺣﺘﻔﺎﻝ ﻭﻱ ﺣﺒﻴﺒﻲ ﺣﻤﺰﺍﻭﻱ ﻇﻠﻴﻨﺎ ﻟﻠﺼﺒﺢ ﺳﻬﺮﺍﻧﻴﻦ ﺳﻮﺍﻟﻒ ﻭﺿﺤﻚ ﻭﻭﻭﻭ ﻫﻮﺍﻱ ﺳﻮﻟﻔﻨﺎ ﻭﻫﻮﺍﻱ ﺧﻄﻄﻨﺎ ﺍﻧﻲ ﻭﺣﻤﺰﺓ ﺑﺲ ﺍﻛﻴﺪ ﻣﺎﺗﺨﻠﻰ ﻣﻦ ﻭﻛﺎﺣﺘﻪ
ﺩﺧﻠﻨﺎ ﺑﺴﻨﺔ 2018 ﺑﺒﻮﺳﺔ ﻣﻦ ﺣﺒﻴﺒﻲ ﻭﻣﺮ ﻋﻠﻴﻨﺎ ﺍﺳﺒﻮﻉ ﻭﻛﻠﺸﻲ ﺗﻤﺎﻡ ﻟﻤﻦ ﻓﺪ ﻳﻮﻡ ﺍﻟﺼﺒﺢ ﻛﻌﺪﺕ ﺏ 9 ﺍﻧﻲ ﺍﻛﻌﺪ ﺏ 7 ﺍﺳﻮﻱ ﺭﻳﻮﻙ ﻟﺤﻤﺰﺓ ﻭﻋﻤﻲ ﻭﺍﻟﻮﻟﺪ ﻭﻳﺮﻭﺣﻮﻥ ﻟﻠﺸﻐﻞ ﻭﺍﻧﻲ ﺍﺭﺟﻊ ﺍﻧﺎﻡ ﻻﻥ ﻛﻠﻬﻢ ﻳﺒﻘﻮﻥ ﻟﻞ 10 ﻳﺎﻟﻠﻪ ﻳﻜﻌﺪﻭﻥ ﻳﻌﻨﻲ ﻋﻤﺘﻲ ﻭﺍﻟﺒﻨﺎﺕ ﺍﻟﻤﻬﻢ ﻛﻌﺪﺕ ﺏ 9 ﻣﺘﻀﺎﻳﻘﺔ ﻭﺍﻟﻢ ﺑﺒﻄﻨﻲ ﻭﻇﻬﺮﻱ ﻓﻀﻴﻊ ﻣﺎﻳﻨﺤﻤﻞ
ﺑﺎﻭﻋﺖ ﺍﻟﻔﺮﺍﺵ ﻛﻠﻪ ﺩﻡ ﻭﻣﻼﺑﺴﻲ ﺗﺨﺒﻠﺖ ﺍﻟﺪﻡ ﻫﻮﺍﻱ ﻛﻠﺶ ﻣﻦ ﺑﺸﺎﻋﺔ ﺍﻟﻤﻨﻈﺮ ﻋﻄﺖ ﺑﺼﻮﺕ ﻋﺎﻟﻲ ﺷﻮﻱ ﻭﺍﺟﻦ ﺭﻭﺍﻥ ﻭﺯﻫﺮﺍﺀ ﻳﺮﻛﻀﻦ ﻭﻋﻤﺘﻲ ﻣﻬﺒﻮﻃﺔ ﻣﻦ ﺻﺮﺧﺘﻲ ﻛﻮﺓ ﺻﻌﺪﺕ ﺍﻟﺪﺭﺝ ﺍﻧﻲ ﻭﺟﻬﻲ ﺍﺻﻔﺮ ﻭﺟﺴﻤﻲ ﻳﺮﺟﻒ ﺍﺣﺲ ﺭﻭﺣﻲ ﺗﺮﻳﺪ ﺗﻄﻠﻊ ﻭﺍﺭﻳﺪ ﺍﻏﻔﻰ ﻭﺍﻓﻘﺪ ﺑﺲ ﺍﻟﻢ ﻇﻬﺮﻱ ﻭﺑﻄﻨﻲ ﻫﻮ ﺍﻟﻤﺨﻠﻴﻨﻲ ﺻﺎﺣﻴﺔ
ﻫﻦ ﺧﺎﻓﻦ ﻭﻇﻠﻦ ﻳﺤﺎﺟﻨﻲ ﻭﺍﻧﻲ ﻋﻴﻨﻲ ﻋﻠﻰ ﺍﻟﺪﻡ ﻋﺒﺎﻟﻚ ﻭﺍﺣﺪ ﺫﺍﺑﺤﻲ ﻋﻠﻰ ﺍﻟﻔﺮﺍﺵ ﻣﻦ ﻛﺜﺮ ﺍﻟﺪﻡ ﻭﻣﻼﺑﺴﻲ ﻣﻠﻴﺎﻧﺔ ﻋﻤﺘﻲ ﺗﺤﺎﺟﻴﻨﻲ ﺗﺮﻳﺪﻧﻲ ﺍﺑﺎﻭﻋﻠﻬﺎ ﻣﺎﻛﻮ ﺍﻟﺒﻨﺎﺕ ﻳﻈﺮﺑﻦ ﻋﻠﻰ ﺧﺪﻱ ﺑﻌﺪ ﻓﻘﺪﺕ ﺍﺧﺮ ﺷﻲ ﺣﺴﻴﺖ ﻋﻠﻴﻪ ﺑﺲ ﻣﻦ ﺭﻭﺍﻥ ﻛﻌﺪﺕ ﻭﺭﺍﻱ ﻭﻟﺰﻣﺘﻨﻲ ﻻﻥ ﻓﻘﺪﺕ ﻭﺑﻌﺪ ﻣﺎﺣﺴﻴﺖ ﺑﺸﻲ
ﻛﻌﺪﺕ ﻋﻠﻰ ﺭﻳﺤﺔ ﺗﺴﻄﺮ ﻣﺎﻝ ﺩﻳﺘﻮﻝ ﻭﺷﻤﺲ ﺿﺎﺭﺑﺔ ﺑﻌﻴﻨﻲ ﻭﺍﻳﺪﻱ ﺛﻜﻴﻠﺔ ﺑﺎﻭﻋﺖ ﻫﺎﻱ ﺍﻧﻲ ﻭﻳﻦ ﺑﺎﻟﻜﻮﺓ ﻛﺪﺭﺕ ﺍﻓﺘﺢ ﻋﻴﻨﻲ ﺑﺲ ﺟﺎﻱ ﺍﺻﻴﺢ ﺣﻤﺰﺓ ﻭﻳﻨﻚ ﺣﻤﺰﺓ ﻭﻳﻨﻚ ﻣﺎﺍﻛﺪﺭ ﺍﺳﻜﺖ ﺍﺭﻳﺪ ﺍﺳﻜﺖ ﺑﺲ ﻣﺎﺍﻛﺪﺭ ﻳﻌﻨﻲ ﻋﺒﺎﻟﻚ ﻟﺴﺎﻧﻲ ﻭﺣﺪﺓ ﻳﺤﺠﻲ ﻣﻦ ﻓﺘﺤﺖ ﻋﻴﻮﻧﻲ ﺣﻤﺰﺓ ﻣﺪﻧﻚ ﻳﻢ ﺭﺍﺳﻲ ﺭﻛﺰﺕ ﺑﻲ ﺍﻳﻲ ﻫﺬﺍ ﺣﻤﺰﺓ ﻟﻌﺪ ﺍﻧﻲ ﻭﻳﻦ ﻫﻮ ﺑﺎﺱ ﺭﺍﺳﻲ ﻭﻛﺎﻝ
ﺣﻤﺰﺓ ....... ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﺣﺒﻴﺒﻲ
ﺭﻳﺎ ........ ﻭﻳﻨﻚ ﺍﻧﺖ ﻟﻴﺶ ﻋﻔﺘﻨﻲ
ﺣﻤﺰﺓ ........ ﻳﻤﺞ ﺣﺒﻴﺒﻲ ﻳﻤﺞ ﺷﺘﺤﺴﻴﻦ ﺷﻴﻮﺟﻌﺞ
ﺭﻳﺎ ........ ﺍﻧﻲ ﻭﻳﻦ ﺷﺒﻴﺔ ﺍﻧﻲ
ﺣﻤﺰﺓ ........ ﻣﺎﺑﻴﺞ ﺷﻲ ﺍﺭﺗﺎﺣﻲ ﺍﺭﺗﺎﺣﻲ
ﺭﻳﺎ ........ ﺭﺟﻌﺖ ﻧﻤﺖ ﻣﺎﺍﻋﺮﻑ ﻟﺔﻳﻦ ﻛﻌﺪﺕ ﺻﺎﺣﻴﺔ ﺣﻤﺰﺓ ﺑﻌﺪﻩ ﻳﻤﻲ ﻛﺎﻋﺪ ﻋﻠﻰ ﺍﻟﺴﺮﻳﺮ ﻭﺍﻧﻲ ﺑﺎﻟﻤﺴﺘﺸﻔﻰ ﺍﻧﺘﺒﻬﺖ ﻟﺼﻮﺕ ﻋﻤﺘﻲ ﺗﻜﻮﻝ
ﺍﻡ ﻣﺤﻤﺪ ....... ﻭﻟﻚ ﻭﺧﺮ ﻋﻨﻬﺎ ﻻﺗﻜﻌﺪﻫﺎ ﺧﻠﻴﻬﺎ ﻧﺎﻳﻤﺔ
ﺭﻳﺎ ........ ﺷﻠﺖ ﺍﻳﺪﻱ ﺗﻮﺟﻌﺖ ﺷﻔﺖ ﺑﻴﻬﺎ ﻛﺎﻧﻮﻧﺔ ﺻﺤﺖ ﺍﺍﺍﺍﺍﺍ ﺍﺟﺔ ﺣﻤﺰﺓ ﻳﻤﻲ ﻛﺎﻝ
ﺣﻤﺰﺓ ....... ﺍﻟﻠﻪ ﺍﻟﻠﻪ ﻫﺎﺍﺍ ﻛﻌﺪﺗﻲ ﺣﺒﻴﺒﻲ ﺷﻴﻮﺟﻌﺞ
ﺭﻳﺎ ....... ﺷﺒﻴﺔ ﺍﻧﻲ ﻟﻴﺶ ﻫﻨﺎ
ﺍﻡ ﻣﺤﻤﺪ ...... ﻣﺎﺑﻴﺞ ﺷﻲ ﻳﻤﺔ ﺗﻌﺒﺘﻲ ﻭﺟﺒﻨﺎﺝ
ﺭﻳﺎ ....... ﻟﻌﺪ ﻭﺍﻟﺪﻡ ﺷﻨﻮ
ﻣﺎﺣﺎﺟﻮﻧﻲ ﺍﺟﺖ ﺍﻟﺪﻛﺘﻮﺭﺓ ﻓﺤﺼﺘﻨﻲ ﻭﻛﺘﺒﺘﻠﻲ ﻋﻼﺝ ﻭﻛﺎﻟﺖ ﺗﻜﺪﺭﻭﻥ ﺗﻄﻠﻌﻮﻫﺎ ﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ ﻛﻠﺶ ﺗﻌﺒﺎﻧﺔ ﺭﺟﻌﻨﺎ ﻭﺳﻮﻟﻔﻮﻟﻲ ﺻﺎﻳﺮ ﻋﻨﺪﻱ ﺍﺳﻘﺎﻁ ﻭﺍﻧﻲ ﻭﻧﺎﺯﻓﺔ ﻫﻮﺍﻱ ﺩﻡ ﺣﺘﻰ ﺩﺍﻳﺮﻳﻠﻲ ﺩﻡ ﻋﻤﺮ ﺍﻟﺠﻨﻴﻦ ﺷﻬﺮ ﻋﻤﺘﻲ ﻛﺎﻟﺘﻠﻲ
ﺍﻡ ﻣﺤﻤﺪ ....... ﻳﻤﺔ ﺍﻧﺘﻲ ﻣﺎﺣﺴﻴﺘﻲ ﻋﻠﻰ ﻧﻔﺴﺞ ﺣﺎﻣﻞ ﻳﻌﻨﻲ ﻣﺎﺻﻠﺮﺕ ﻋﻨﺪﺝ ﺍﻋﺮﺍﺽ
ﺭﻳﺎ ....... ﻻ ﻛﻠﺸﻲ ﻣﺎﻛﻮ
ﺍﻡ ﻣﺤﻤﺪ ...... ﺍﻟﻠﻪ ﻳﻌﻮﺿﻜﻢ ﺷﻲ ﺑﺴﻴﻂ ﻫﺬﺍ ﺗﺼﻴﺮ ﻭﺩﺍﻋﺘﺞ ﻫﺎﻱ ﺍﻟﻨﺴﻮﺍﻥ ﻛﻠﻬﺎ ﻭﺣﺪﺗﻬﻦ ﺫﺍﺑﺘﻠﻬﺎ ﺛﻨﻴﻦ ﻭﺛﻼﺛﺔ ﺍﻟﻠﻪ ﻛﺮﻳﻢ ﻋﻤﺔ
ﺭﻳﺎ ....... ﺍﻟﺤﻤﺪﻟﻠﻪ ﻭﺍﻟﺸﻜﺮ
ﺣﻤﺪﺕ ﺭﺑﻲ ﻭﺷﻜﺮﺗﻪ ﺻﻌﺪﺕ ﻟﻐﺮﻓﺘﻲ ﺗﻤﺪﺩﺕ ﺑﻤﻜﺎﻧﻲ ﺣﻴﻞ ﻇﺎﻳﺠﺔ ﺷﻲ ﻣﻮ ﻫﻴﻦ ﺗﻔﻘﺪﻳﻠﺞ ﻃﻔﻞ ﻳﻤﻜﻦ ﻋﻨﺪ ﺍﻟﻤﻘﺎﺑﻞ ﻋﺎﺩﻱ ﻭﻳﻜﻮﻟﻮﻥ ﺷﺒﺎﺏ ﺭﺍﺣﺖ ﺑﺎﻟﺠﻤﻠﺔ ﺑﺎﻗﻴﺔ ﻋﻠﻰ ﻗﻄﺮﺓ ﺍﻟﺪﻡ ﺍﻟﺒﻄﻨﺞ ﺑﺲ ﺗﺒﻘﻰ ﻏﺼﺔ ﺑﻜﻠﺐ ﺍﻻﻡ
ﺩﺧﻞ ﺣﻤﺰﺓ ﻟﻜﺎﻧﻲ ﻣﺘﻤﺪﺩﺓ ﺍﺟﺔ ﺗﻤﺪﺩ ﻳﻤﻲ ﻭﺣﻈﻨﻲ ﻭﻛﺎﻝ
ﺣﻤﺰﺓ ...... ﻻﺗﻈﻮﺟﻴﻦ ﻭﻻ ﻳﻬﻤﺞ ﻓﺪﻭﺓ ﺍﻟﺞ ﺍﻫﻢ ﺷﻲ ﺻﺤﺘﺞ
ﺭﻳﺎ ....... ﺍﻣﻤﻢ
ﻧﻤﺖ ﻋﻠﻰ ﺍﻳﺪﻩ ﻟﻠﺼﺒﺢ ﻫﻮ ﻳﺴﻮﻟﻒ ﻭﻳﺎﻱ ﻭﻳﻮﺍﺳﻴﻨﻲ ﻏﻔﻴﺖ ﻟﻠﺼﺒﺢ ﻛﻌﺪﺕ ﻋﻠﻰ ﺻﻮﺕ ﺍﻻﺫﻥ ..............
