رواية المتشردة والغيور الفصل السادس والعشرون بقلم مرج البحر
ﺭﻳﺎ ......... ﻛﻌﺪﺕ ﺍﻟﺼﺒﺢ ﻋﻠﻰ ﺻﻮﺕ ﺍﻻﺫﺍﻥ ﺣﻤﺰﺓ ﻧﺎﻳﻢ ﺑﺲ ﻛﻤﺖ ﻫﻮ ﺣﺲ ﻻﻥ ﺟﻨﺖ ﻧﺎﻳﻤﺔ ﻋﻠﻰ ﺍﻳﺪﻩ ﻛﺎﻝ
ﺣﻤﺰﺓ ....... ﻫﺎﺍﺍﺍ ﺭﻳﺎ ﺑﻴﺞ ﺷﻲ
ﺭﻳﺎ ....... ﻻ ﻣﺎﻋﻨﺪﻱ ﺷﻲ ﺍﻧﺖ ﻛﻮﻡ ﺻﻠﻲ ﺍﻻﺫﺍﻥ ﺩﺍﻳﺄﺫﻥ
ﺣﻤﺰﺓ ﻛﺎﻡ ﻭﺍﻧﻲ ﺭﺣﺖ ﻟﻠﺤﻤﺎﻡ ﺑﺲ ﻛﻮﺓ ﺍﻣﺸﻲ ﺟﺴﻤﻲ ﻛﻠﻪ ﺧﺪﺭﺍﻥ ﻭﻳﻮﻥ ﻋﻠﻴﺔ ﻭﺭﺍﺳﻲ ﻳﻮﺟﻌﻨﻲ ﻭﻣﻦ ﺍﻛﻮﻡ ﻭﺍﻛﻌﺪ ﺍﺩﻭﺥ
ﺣﻤﺰﺓ ﺻﻠﻰ ﻭﺭﺟﻊ ﺗﻤﺪﺩ ﻭﺍﺷﺮﻟﻲ ﺍﺭﻭﺡ ﻳﻤﻪ ﻫﻢ ﺣﻈﻨﻨﻲ ﻭﻧﻤﻨﺎ ﻟﻤﻦ ﻛﻌﺪﺕ ﻫﻮ ﻣﺎﻣﻮﺟﻮﺩ ﻛﻤﺖ ﻧﺰﻟﺖ ﺟﻮﺓ ﺷﻔﺘﻬﺎ ﺏ 10 ﻟﻜﻴﺖ ﻋﻤﺘﻲ ﻻﺯﻣﺔ ﺣﺴﻮﻧﻲ ﺍﺑﻦ ﻣﺤﻤﺪ ﻭﻫﻮ ﻳﺼﺮﺥ ﻭﺍﻣﻪ ﺗﺸﺘﻐﻞ ﺭﺩﺕ ﺍﺳﺎﻋﺪﻫﺎ ﺍﺳﺘﺨﻄﻴﺘﻬﺎ ﻫﻦ ﻛﻠﻬﻦ ﺭﻛﻀﻦ ﻋﻠﻴﺔ ﻋﻤﺘﻲ ﻛﺎﻟﺖ
ﺍﻡ ﻣﺤﻤﺪ ..... ﺍﻛﻌﺪﻱ ﻳﻤﺔ ﺑﺄﻋﺘﺒﺎﺭ ﻧﻔﺴﺔ ﻫﺴﺔ ﻣﺎﻳﺼﻴﺮ ﺗﺘﺤﺮﻛﻴﻦ ﺍﻧﻮﺏ ﺩﻣﺞ ﺧﻠﺼﺎﻥ ﺩﻛﻌﺪﻱ ﺍﻛﻌﺪﻱ
ﺭﻳﺎ ...... ﺻﺪﻙ ﺍﻧﻲ ﻣﻦ ﺍﻣﺸﻲ ﺍﺧﻮﻁ ﺑﺮﺟﻠﻴﺔ ﺧﻮﻁ ﻛﻌﺪﺕ ﻭﺯﻫﺮﺍﺀ ﺟﺎﻧﺖ ﺑﺮﺓ ﺗﺸﻮﻱ ﻣﻌﻼﻙ ﺟﺎﺑﺘﻪ ﺑﺼﻴﻨﻴﺔ ﻭﻫﻢ ﻣﺴﻮﻳﺔ ﺯﻻﻃﺔ ﻓﺎﺭﻣﺔ ﻛﺮﻓﺲ ﻭﻃﻤﺎﻃﺔ ﻭﻣﺨﻠﻴﺔ ﻋﻠﻴﻬﺎ ﻣﻌﺪﻧﻮﺱ ﻣﺎﻛﻮ ﺧﻴﺎﺭ ﺧﻠﺖ ﺍﻟﺼﻴﻨﻴﺔ ﻛﺪﺍﻣﻲ ﻭﻛﻌﺪﺕ ﻛﺎﻟﺖ
ﺯﻫﺮﺍﺀ ....... ﻳﻤﺔ ﺍﻧﻲ ﻫﻢ ﺑﻴﺔ ﻓﻘﺮ ﺩﻡ ﺗﺘﺬﻛﺮﻳﻦ ﺍﻟﻌﺎﻡ ﻣﻦ ﺩﺧﺖ ﺍﻧﺘﻲ ﺑﻠﺴﺎﻧﺞ ﻛﻮﻟﺘﻲ ﻋﻨﺪﺝ ﻓﻘﺮ ﺩﻡ
ﺍﻡ ﻣﺤﻤﺪ ........ ﻭﻟﺞ ﺷﻮ ﻛﻮﻣﻲ ﻛﻮﻣﻲ ﺧﻠﻲ ﺍﻟﺒﻨﺖ ﺗﺎﻛﻞ ﻛﻮﻣﻲ
ﺭﻳﺎ ........ ﻻ ﻋﻤﺔ ﺧﻠﻴﻬﺎ ﺗﺎﻛﻞ ﺍﺻﻼ ﻫﺬﺍ ﻫﻮﺍﻱ ﻣﺎﺍﻛﺪﺭ ﺍﻛﻠﻪ ﻭﺣﺪﻱ
ﺍﻛﻠﻨﺎ ﺍﻧﻲ ﻭﺯﻫﺮﺍﺀ ﻋﻤﺘﻲ ﻣﺎﻛﻠﺔ ﺑﻴﺾ ﺗﻜﻮﻝ ﻣﺎﺍﺷﺘﻬﻲ ﻭﻟﻌﺒﺎﻧﺔ ﻧﻔﺴﻲ ﻭﺭﻭﺍﻥ ﻫﻢ ﻣﺎﺗﺸﺘﻬﻲ ﺍﻛﻠﺖ ﺍﻟﻤﻌﻼﻙ ﺑﺲ ﺍﻟﺰﻻﻃﺔ ﺑﺎﻟﻜﻮﺓ ﺍﺟﺮﻋﻬﺎ ﻻﻥ ﻋﻤﺘﻲ ﺗﻌﻴﻂ ﻋﻠﻴﺔ ﻟﻠﻈﻬﺮ ﺍﻧﻲ ﻣﺘﻤﺪﺩﺓ ﺑﻐﺮﻓﺔ ﻋﻤﺘﻲ ﻭﺭﺍﺳﻲ ﻳﻮﻥ ﻋﻠﻴﺔ ﻋﻤﺘﻲ ﺧﻄﻴﺔ ﻫﻲ ﺗﻨﻄﻴﻨﻲ ﺍﻟﻌﻼﺝ ﻟﻮ ﺗﺒﻘﻰ ﻋﻠﻴﺔ ﻣﺎﺍﺧﺬﻩ
ﺍﺫﻥ ﺍﻟﻈﻬﺮ ﻭﻛﻠﻬﻢ ﺻﻠﻮ ﺑﺲ ﺍﻧﻲ ﻣﺘﻤﺪﺩﺓ ﺻﺎﺭﺕ ﺏ 1 ﺍﺟﺔ ﻋﻤﻲ ﻫﻮ ﻣﺤﻤﺪ ﻭﺍﺣﻤﺪ ﺍﻟﻮﻟﺪ ﻣﺎﺩﺧﻠﻮ ﻟﻠﻐﺮﻓﺔ ﺭﺍﺣﻮ ﻟﻐﺮﻓﻬﻢ ﺑﺲ ﻋﻤﻲ ﺍﺟﺔ ﻣﻦ ﺩﺧﻞ ﻫﻮ ﺳﻠﻢ ﺭﺩﻳﻨﺎ ﺍﻟﺴﻼﻡ ﺍﻧﻲ ﻛﻤﺖ ﻫﻮ ﻛﺎﻝ
ﺍﺑﻮ ﻣﺤﻤﺪ ....... ﻇﻠﻲ ﺑﺎﺑﺎ ﻇﻠﻲ ﻧﺎﻳﻤﺔ ﻻﺗﻜﻮﻣﻴﻦ
ﺭﻳﺎ ......... ﻻ ﻋﻤﻮ ﻣﺎﻋﻨﺪﻱ ﺷﻲ ﺭﺍﺡ ﺍﺻﻌﺪ ﻟﻠﻐﺮﻓﺔ
ﻛﻤﺖ ﻭﻋﻤﺘﻲ ﺭﺍﺣﺖ ﺗﺠﻴﺐ ﺩﺷﺪﺍﺷﺔ ﻋﻤﻲ ﻣﺎﻝ ﺍﻟﺒﻴﺖ ﻋﻠﻰ ﺍﻟﺤﺒﻞ ﺑﺮﺓ ﻣﻦ ﺷﺎﻓﺘﻨﻲ ﻛﺎﻳﻤﺔ ﺻﺎﺣﺖ
ﺍﻡ ﻣﺤﻤﺪ ...... ﻭﻟﺞ ﻟﻴﺶ ﻛﻤﺘﻲ ﻳﻤﺔ ﺍﻧﺘﻲ ﺗﻌﺒﺎﻧﺔ
ﺭﻳﺎ ........ ﻻ ﻋﻤﺔ ﺧﻞ ﻋﻤﻮ ﻳﺎﺧﺬ ﺭﺍﺣﺘﻪ
ﺍﺑﻮ ﻣﺤﻤﺪ ....... ﻇﻠﻲ ﻋﻤﻲ ﻣﺎﻋﻨﺪﻱ ﺷﻲ ﺣﺠﻴﺔ ﺍﻟﺤﻤﺎﻡ ﻓﺎﺭﻍ
ﺍﻡ ﻣﺤﻤﺪ ....... ﺍﻳﻲ ﻭﺯﻫﺮﺍﺀ ﺑﺮﺩﺗﻠﻚ ﻣﺎﻱ ﻻﺗﺴﺒﺢ ﺑﻤﺎﻱ ﺍﻟﺘﺎﻧﻜﻲ ﻃﺎﻛﺘﻪ ﺍﻟﺸﻤﺲ
ﺭﻳﺎ ....... ﻋﻤﻮ ﺷﻮ ﺣﻤﺰﺓ ﻣﺎﻛﻮ
ﺍﺑﻮ ﻣﺤﻤﺪ ....... ﻭﺍﻟﻠﻪ ﻋﻤﻮ ﻛﺎﻝ ﻋﻨﺪﻱ ﺷﻐﻞ ﻭﺭﺍﺡ ﺑﺴﻴﺎﺭﺗﻪ ﻣﺎﺍﺩﺭﻱ ﻭﻳﻦ
ﺭﻳﺎ ....... ﻫﺰﻳﺖ ﺭﺍﺳﻲ ﻭﺭﺟﻌﺖ ﻟﻔﺮﺍﺷﻲ ﺗﻤﺪﺩﺕ ﺍﻟﻐﺮﻓﺔ ﻫﺪﻭﺀ ﻭﺻﻮﺕ ﺍﻟﻤﺒﺮﺩﺓ ﻣﺸﺘﻐﻠﺔ ﻭﺍﻟﻐﺮﻓﺔ ﺑﺎﺭﺩﺓ ﻭﺍﻟﺠﻬﺎﻝ ﻧﺎﻳﻤﻴﻦ ﻭﺍﻟﻌﻼﺝ ﺑﻲ ﻣﻨﻮﻡ ﻛﻠﻬﺎ ﺍﻟﺘﻤﺖ ﻋﻠﻴﺔ ﺑﺲ ﺩﺭﺕ ﺭﺍﺳﻲ ﻟﻠﺤﺎﻳﻂ ﻏﻔﻴﺖ ﺷﻮﻱ ﻛﻌﺪﺗﻨﻲ ﺯﻫﺮﺍﺀ ﺗﺤﺠﻲ ﺑﻬﺪﻭﺀ ﻛﺎﻟﺖ
ﺯﻫﺮﺍﺀ ....... ﺍﺑﻮﻱ ﻳﻜﻮﻝ ﺧﻞ ﺗﺠﻲ ﺗﺘﻐﺪﺓ
ﺭﻳﺎ ......... ﻣﺎﺍﺷﺘﻬﻲ ﻏﻴﺮ ﻫﺴﺔ ﺗﺮﻳﻜﺖ ﺍﻛﻮﻟﺞ ﺣﻤﺰﺓ ﺍﺟﺔ
ﺯﻫﺮﺍﺀ ........ ﻻ ﻟﻬﺴﺔ ﻣﺎﺟﺎﻱ
ﺭﻳﺎ ........ ﻋﻔﻴﺔ ﺯﻫﺮﺍﺀ ﺑﺮﺩﻳﻠﻪ ﻣﺎﻱ ﻳﺴﺒﺢ ﻻﻥ ﻣﺎﺍﻛﺪﺭ ﺍﻛﻮﻡ
ﺯﻫﺮﺍﺀ ....... ﺑﺮﺩﺗﻠﻪ ﺍﻧﺘﻲ ﺍﺭﺟﻌﻲ ﻧﺎﻣﻲ ﻭﻣﻦ ﻳﺠﻲ ﺣﻤﺰﺓ ﺍﻛﻌﺪﺝ ﺗﺘﻐﺪﻳﻦ ﻭﻳﺎ
ﺭﻳﺎ ....... ﻫﺰﻳﺘﻠﻬﺎ ﺭﺍﺳﻲ ﻭﺭﺟﻌﺖ ﻧﻤﺖ
ﻣﺎﺍﻋﺮﻑ ﺷﻜﺪ ﻧﻤﺖ ﻭﻓﺰﻳﺖ ﻋﻠﻰ ﺻﻮﺕ ﺣﻤﺰﺓ ﻳﻌﻴﻂ ﻭﺻﻮﺕ ﺯﻟﻢ ﻫﻮﺍﻱ ﻭﻣﺤﻤﺪ ﻳﺼﻴﺢ ﻭﺍﺣﻤﺪ ﻳﻬﺎﺩﺩ ﺑﺎﻟﻜﻮﺓ ﻣﻴﺰﺕ ﺍﻟﻜﻼﻡ ﺳﻤﻌﺖ ﺣﻤﺰﺓ ﺻﺎﺡ
ﺣﻤﺰﺓ ........ ﻭﺣﻚ ﺍﻟﻌﺒﺎﺱ ﺍﺑﻮ ﻓﺎﺿﻞ ﺍﻟﻴﻮﻡ ﻳﺎﺍﻧﻲ ﻳﺎﻫﻮ
ﺍﺑﻮ ﻣﺤﻤﺪ ....... ﻭﻟﻚ ﺭﺩ ﻣﻮﻭ ﺍﺣﺎﺟﻴﻚ ﺣﻤﺰﺯﺯﺯﺯﺯﺓﺓﺓ
ﺭﻳﺎ ......... ﻓﺰﻳﺖ ﻣﺨﺘﺮﻋﺔ ﻛﻮﺓ ﺍﻣﺸﻲ ﺭﺟﻠﻴﺔ ﻳﻮﺟﻌﻨﻲ ﻭﺟﺴﻤﻲ ﺧﺪﺭﺍﻥ ﺷﺎﻟﻲ ﻛﻮﺓ ﻟﺤﻜﺖ ﺍﻟﺒﺴﻪ ﻃﻠﻌﺖ ﺻﻮﺕ ﻣﺼﺎﻳﺢ ﻭﺍﻟﺒﻴﺖ ﻣﺘﺮﻭﺱ ﺯﻟﻢ
ﻋﻤﺘﻲ ﺗﻠﻄﻢ ﻭﺯﻫﺮﺍﺀ ﻛﺎﻋﺪﺓ ﻭﺭﺍﻫﺎ ﻭﺗﺒﭽﻲ ﻭﺭﻭﺍﻥ ﻻﺯﻣﺔ ﺟﻬﺎﻟﻬﺎ ﻳﺼﺮﺧﻮﻥ ﻭﻭﺍﻛﻔﺎﺕ ﺑﺎﻟﻤﻄﺒﺦ ﺭﻛﻀﺖ ﺍﻟﻬﻦ ﻛﻮﻟﺘﻠﻬﺎ ﻋﻤﺔ ﺷﻜﻮ ﺷﺒﻲ ﺣﻤﺰﺓ ﺑﻌﺪﻧﻲ ﺍﺣﺠﻲ ﻋﻠﺔ ﺻﻮﺕ ﺍﻟﺰﻟﻢ ﻃﻔﺮﻧﺎ ﻟﻠﺸﺒﺎﻙ ﻭﺍﺷﻮﻑ ﺣﻤﺰﺓ ﻻﺯﻣﻴﻨﻪ ﺏ 10 ﺯﻟﻢ ﻭﻣﺎﻛﺎﺩﺭﻳﻠﻪ ﻭﺍﺣﻤﺪ ﻣﻨﺎﻙ ﻭﺍﻟﻌﺎﻟﻢ ﺗﺘﺼﺎﻳﺢ ﻣﺘﺖ ﻣﻦ ﺍﻟﺨﻮﻑ ﻭﻛﻠﺒﻲ ﺭﺟﻒ
ﻋﻤﺘﻲ ﺗﺪﻙ ﻭﺗﻠﻄﻢ ﻭﺗﺼﺮﺥ ﻭﺗﻜﻮﻝ
ﺍﻡ ﻣﺤﻤﺪ ....... ﺭﺍﺣﻮ ﻭﻟﺪﻱ ﺭﺍﺣﻮ ﺗﻜﺘﻠﻮ ﺭﺍﺣﻮ ﺻﺨﺎﻡ ﺍﻟﺼﺨﻤﻨﻲ ﺩﻫﺮ ﺻﺎﺑﻨﻲ ﻣﻨﻴﻦ ﻃﻠﻌﻠﻲ ﻫﺬﺍ ﺩﻫﺮ ﺻﺎﺑﻨﻲ
ﺭﻳﺎ ....... ﻛﻌﺪﺕ ﻳﻢ ﻋﻤﺘﻲ ﺍﺑﺠﻲ ﻭﺍﺭﺟﻒ ﺩﺧﻠﻮ ﺍﻟﺰﻟﻢ ﻟﻠﻬﻮﻝ ﻛﻠﻬﻢ ﻭﻛﻮﺓ ﻻﺯﻣﻴﻦ ﺣﻤﺰﺓ ﻭﻫﻮ ﻳﺼﻴﺢ
ﺣﻤﺰﺓ ....... ﺑﺎﻟﻌﺒﺎﺱ ﺍﻛﺘﻠﻪ ﻣﺎﻳﻈﻞ ﻻﺗﻜﻮﻟﻮﻟﻲ ﻳﻈﻞ ﺍﻛﺘﻠﻪ ﺍﻛﺘﻠﻪ ﻟﻮ ﺍﻧﻲ ﻟﻮ ﻫﻮ
ﺭﻳﺎ ....... ﻳﺮﺩﻭﻥ ﻳﺴﻜﺘﻮﻧﻪ ﻣﺎﻛﻮ ﺧﺸﻤﻪ ﻛﻠﻪ ﺩﻡ ﻣﻼﺑﺴﻪ ﻣﺸﻜﻜﺔ ﻛﻤﺖ ﺍﺑﺠﻲ ﺑﺼﻮﺕ ﻋﺎﻟﻲ ﺍﻧﺮﻋﺒﺖ ﻫﻮ ﻫﺪ ﻋﻠﻴﻬﻢ ﻛﺎﻣﺖ ﻋﻤﺘﻲ ﺗﺼﺮﺥ ﻫﻮ ﺩﺧﻞ ﻟﻠﻤﻄﺒﺦ ﻭﻛﺎﻡ ﻳﺼﻴﺢ
ﺣﻤﺰﺓ ......... ﺍﺳﺴﺴﺴﺴﻜﻜﻜﻜﻜﺘﺘﺘﻴﻴﻲ ﻓﻀﺤﺤﺤﺤﺘﺘﺘﻴﻴﻨﺎﺍﺍﺍ ﻭﺍﻟﻜﻌﺒﺔ ﺍﻻﺳﻤﻌﻠﻬﺎ ﺻﻮﺕ ﺍﻣﻮﺗﻬﺎ
ﺭﻳﺎ ....... ﺧﻨﺴﻨﺎ ﻛﺎﻣﺖ ﺑﺲ ﺩﻣﻮﻋﻲ ﺗﻨﺰﻝ ﺣﺘﻰ ﻣﺎﺍﻋﺮﻑ ﺷﺒﻴﻬﻢ ﺷﻨﻮ ﺍﻟﺴﺎﻟﻔﺔ ﻟﻴﺶ ﻫﻴﺞ ﻳﺘﺼﺎﻳﺤﻮﻥ ﺣﻤﺰﺓ ﻳﻜﺘﻞ ﻣﻨﻮ ﻭﺍﻻﻫﻢ ﻫﻮ ﻫﺬﺍ ﺣﻤﺰﺓ ﻟﻮ ﺍﻧﻲ ﻣﺸﺘﺒﻬﻪ ﻛﺎﻟﻮﻟﻲ ﻋﺼﺒﻲ ﺑﺲ ﺍﺑﺪ ﻣﺎﺷﻔﺘﻪ ﻋﺼﺐ ﻫﻴﺞ ﻣﻦ ﻋﺮﻓﺘﻪ ﻟﺤﺪ ﻫﺴﺔ
ﺍﺟﻮ ﻧﺎﺱ ﺍﻟﻨﺎ ﻭﺍﺣﻨﺔ ﻛﺎﻟﻮﻟﻨﺎ ﺍﺩﺧﻠﻦ ﻟﻠﻐﺮﻓﺔ ﺩﺧﻠﻨﺎ ﻭﺍﻧﻲ ﺍﺭﺟﻒ ﻭﺩﺧﺖ ﺍﻏﻤﺔ ﻋﻠﻴﺔ ﻓﺰﻳﺖ ﺭﻭﺍﻥ ﻭﺯﻫﺮﺍﺀ ﻳﺼﺤﻦ ﺑﻴﺔ ﻭﺍﻟﻌﺎﻟﻢ ﻛﺎﺑﺔ ﻣﺼﺎﻳﺤﻬﺎ ﻣﻦ ﺷﺎﻓﻨﻲ ﺻﺤﻴﺖ ﻭﺭﻛﻀﻦ ﺍﻧﻲ ﻫﻢ ﻛﻤﺖ ﻣﻦ ﺧﻮﻓﻲ ﻋﻠﻰ ﺣﻤﺰﺓ ﺷﻔﺘﻪ ﻧﺰﻝ ﻭﺑﻴﺪﻩ ﺭﺷﺎﺷﺔ ﻭﺍﻧﻲ ﺭﻛﻀﺖ ﻭﺍﻋﻴﻂ ﻭﻭﻛﻔﺖ ﺡ
ﻛﺪﺍﻣﻪ ﻭﻟﺰﻣﺖ ﺍﻟﺮﺷﺎﺷﺔ ﻛﻮﺗﻠﻪ ﻻﺗﺮﻭﺡ ﻋﻠﻴﻚ ﺍﻟﻠﻪ ﺣﻤﺰﺓ ﻋﻮﻑ ﺍﻟﺮﺷﺎﺷﺔ ﻫﻮ ﺩﻓﻌﻨﻲ ﻭﺻﺎﺡ
ﺣﻤﺰﺓ ....... ﺩﻭﻭﻭﺧﺨﺨﺨﺮﻳﻴﻴﻲ ﺑﻨﺖ ﺍﻟﻘﻘﻘﻘﻨﺪﺭﺓ
ﺭﻳﺎ ......... ﺻﺎﺭ ﻣﺼﺎﻳﺢ ﺍﻟﺰﻟﻢ ﻭﺍﻟﻌﺎﻟﻢ ﺍﻧﺨﺒﺼﺖ ﻳﺮﺩﻭﻥ ﻳﻠﺰﻣﻮﻫﻢ ﻣﺎﻛﻮ ﺷﻮﻱ ﻭﻃﺒﻮ ﻋﻤﺎﻡ ﺣﻤﺰﺓ ﺍﻟﻜﺒﺎﺭ ﺯﻣﺨﻮ ﺑﻴﻬﻢ ﻭﻛﻌﺪﻭﻫﻢ ﻋﻤﻬﻢ ﺍﻟﺠﺒﻴﺮ ﺍﺑﻮ ﺣﻴﺪﺭ ﻛﺎﻝ
ﺍﺑﻮ ﺣﻴﺪﺭ ........ ﺍﻛﻌﺪ ﻭﻟﻚ ﺍﻛﻌﺪ ﺧﻠﻨﺎ ﻧﺸﻮﻑ ﺩﺭﺑﻨﺎ ﺷﻨﻲ ﻫﻲ ﻭﺍﻟﻠﻪ ﺍﻟﻴﻄﻠﻊ ﻟﻮ ﻳﺮﻣﻲ ﺍﻻ ﺍﻃﻜﻪ ﺟﻴﻠﻪ ﻭﺍﻧﻌﻞ ﻭﺍﻟﺪﻱ ﺧﻠﻨﺎ ﻧﻔﺘﻬﻢ
ﺭﻳﺎ ........ ﻫﺪﺉ ﺍﻟﻜﻞ ﺑﺲ ﺣﻤﺰﺓ ﻳﻔﻮﺭ ﻳﻔﻮﺭ ﻭﺑﺲ ﻳﻔﺘﺮ ﻭﻭﻟﺪ ﻋﻤﺎﻣﻪ ﺣﻴﺪﺭ ﻭﻣﺼﻄﻔﻰ ﻳﻔﺘﺮﻭﻥ ﻭﺭﺍﺀﻩ ﺧﺎﻑ ﻳﻬﺪ ﻣﺮﺓ ﺛﺎﻧﻴﺔ ﻭﺍﺣﻤﺪ ﻻﺯﻣﻴﻨﻪ ﺑﺠﻬﺔ ﺣﺘﻰ ﻫﻢ ﻻﻳﻬﺪ
ﺍﺣﻨﺔ ﺩﺧﻠﻨﺎ ﻟﻠﻐﺮﻓﺔ ﺯﻫﺮﺍﺀ ﻻﺯﻣﺘﻨﻲ ﻻﻥ ﻣﻦ ﺻﺪﻙ ﺣﻴﻠﻲ ﺑﺎﺩ ﺷﻮﻱ ﻭﺩﺧﻠﻦ ﻋﻤﺎﺕ ﺣﻤﺰﺓ ﻭﻧﺴﻮﺍﻥ ﻋﻤﺎﻣﻪ ﻭﺍﻛﻮ ﻣﻦ ﺑﻨﺎﺕ ﻋﻤﺎﻣﻪ ﻫﻢ ﺍﺟﻦ ﺍﻧﻲ ﻛﺎﻋﺪﺓ ﺑﺰﺍﻭﻳﺔ ﺍﻟﻐﺮﻓﺔ ﺩﺧﻠﺖ ﻧﻮﺭ ﻫﻲ ﻭﻋﻤﺘﻬﺎ ﺍﻡ ﺳﺠﺎﺩ ﻭﻧﻮﺭ ﺗﺒﭽﻲ ﻭﺗﺴﺄﻝ ﺷﻜﻮ ﻛﻌﺪﻥ ﻋﻤﺘﻲ ﺗﺴﻮﻟﻔﻠﻬﻦ ﻭﻛﻠﺒﻬﺎ ﻣﺤﺘﺮﻙ ﻭﻛﻞ ﺷﻮﻱ ﺗﺪﻋﻲ ﺷﻔﺖ ﺍﻟﺴﺎﻋﺔ ﺏ 5 ﺍﻟﻌﺼﺮ ﺍﻟﻌﺮﻓﺘﻪ ﺣﻤﺰﺓ ﺟﺎﻥ ﺑﺸﻐﻞ ﻫﻮ ﻭﺻﺎﺣﺒﺔ ﻭﺭﺍﺟﻊ ﺍﻟﺴﺎﻋﺔ ﺏ 4 ﻭﺍﺑﻦ ﺟﻮﺍﺭﻳﻨﻬﻢ ﺷﺎﻣﺮﻟﻪ ﺣﺠﺎﻳﺔ ﻋﻠﻰ ﺣﻤﺰﺓ ﻭﺣﻤﺰﺓ ﻣﺮﺟﻊ ﺍﻟﺤﺠﺎﻳﺔ ﻭﻇﺎﻟﻴﻦ ﻳﺘﻌﺎﺭﻛﻮﻥ ﺑﺎﻟﺤﺠﻲ ﻟﻤﻦ ﻫﺬﺍﻙ ﻣﻔﺸﺮ ﻋﻠﻰ ﺣﻤﺰﺓ ﻭﻋﻠﻰ ﻋﺮﺿﺔ ﻭﺣﻤﺰﺓ ﺭﺍﻳﺢ ﻏﺎﺳﻞ ﺣﻈﻪ ﻏﺴﻞ
ﻭﻣﻠﺘﻤﺔ ﺍﻟﻌﺎﻟﻢ ﻭﻋﻤﻲ ﻣﺨﺎﺑﺮ ﻋﻠﻰ ﺍﺧﻮﺍﻧﻪ ﻭﺍﻫﻠﻪ ﻻﻥ ﺣﻤﺰﺓ ﻣﺎﺧﺬ ﺍﻟﻮﻟﺪ ﻣﺪﻣﻰ ﻻﻫﻠﻪ ﻭﻣﻜﺎﻭﻣﻬﻢ ﻭﺍﻟﻌﺎﻟﻢ ﻣﺨﺒﻮﺻﺔ ﻋﻨﺪﻧﺎ ﻭﺍﻧﻲ ﻛﺎﻋﺪﺓ ﺑﺎﻟﺰﺍﻭﻳﺔ ﻭﻻﻣﺔ ﺭﺟﻠﻴﺔ ﻭﻣﺨﻠﻴﺔ ﺭﺍﺳﻲ ﻋﻠﻰ ﺍﻟﺤﺎﻳﻂ ﻭﺯﻫﺮﺍﺀ ﻛﺎﻋﺪﺓ ﻳﻤﻲ ﻭﻻﺯﻣﺔ ﺍﻳﺪﻱ ﺗﺎﻟﻲ ﻛﺎﻣﻦ ﻳﺴﻮﻥ ﺟﺎﻱ ﻟﻠﻌﺎﻟﻢ ﻧﻮﺭ ﻭﺯﻫﺮﺍﺀ ﻭﺭﻭﺍﻥ ﻭﺍﻟﺒﻴﺖ ﻫﻮﺳﺔ ﻭﻇﺠﺔ ﻭﻛﻞ ﺷﻮﻱ ﻳﺼﻴﺮ ﻣﺼﺎﻳﺢ ﺻﺎﺭ ﺍﻟﻤﻐﺮﺏ ﻭﺍﻟﻮﻟﺪ ﻛﻮﺓ ﻛﻮﻣﻮ ﺣﻤﺰﺓ ﻳﻐﺴﻞ ﻭﻳﺒﺪﻝ ﻭﻫﻮ ﻳﺤﻠﻒ ﻭﻳﺘﻮﻋﺪ ﻭﻳﻜﻮﻝ ﻟﻮ ﺍﺷﻴﻠﻬﻢ ﻟﻮ ﺍﻛﺘﻠﻪ ﻣﺎﺻﺎﺭ ﻭﻻ ﺍﻧﻮﻟﺪ ﺍﻟﻴﻔﺸﺮ ﻋﻠﻰ ﻋﺮﺿﻲ
ﺍﺫﻥ ﺍﻻﺫﺍﻥ ﺗﻘﺮﻳﺒﺎ ﺳﻄﺮﻭ ﻋﻠﻰ ﺍﻟﻮﻟﺪ ﺍﻟﺸﺒﺎﺏ ﻭﻇﻞ ﺍﻟﺤﺠﻲ ﻟﻠﻜﺒﺎﺭ ﺍﻟﺒﻴﺖ ﺍﻧﺘﺮﺱ،ﺗﺮﺍﺏ ﻭﺑﻨﺎﺕ ﻋﻢ ﺣﻤﺰﺓ ﺍﻻﺟﻦ ﻛﺎﻣﻦ ﺳﺎﻋﺪﻥ ﺍﻟﺒﻨﺎﺕ ﺍﻟﻨﺴﻮﺍﻥ ﺗﺒﺎﻭﻋﻠﻲ ﻛﺎﻋﺪﺓ ﻳﻤﻬﻦ ﺍﻧﻲ ﻋﺒﺎﻟﻬﻦ ﻣﺎﺍﺭﻳﺪ ﺍﻛﻮﻡ ﻋﻮﺩ ﺻﺎﺭﺗﻠﻲ ﺣﺠﺔ ﺯﻭﺟﻲ ﻣﺘﻌﺎﺭﻙ ﻣﺎﺍﺷﺘﻐﻞ ﻛﺎﻣﻦ ﺻﻠﻦ ﺣﻤﺰﺓ ﻛﺼﺘﻪ ﻣﺸﻜﻮﻛﺔ ﺩﺧﻠﻮ ﻟﻠﻐﺮﻓﺔ ﺑﺎﻟﻜﻮﺓ ﺣﺘﻰ ﻋﻤﺘﻲ ﺗﻌﺎﻟﺠﺔ ﻭﻫﻢ ﻻﻥ ﺳﺎﻣﻊ ﻣﺎﺧﺬﻳﻦ ﻋﻄﻮﺓ ﺭﺍﺩ ﻳﻬﺪ ﻭﺑﺎﻟﻜﻮﺓ ﻟﺰﻣﻮ ﻭﺩﺧﻠﻮ ﻟﻠﻐﺮﻓﺔ ﺍﻻﺣﻨﺎ ﻛﺎﻋﺪﻳﻦ ﺑﻴﻬﺎ ﻋﻤﺘﻲ ﺑﭽﺖ ﻭﻛﺎﻟﺘﻠﻪ
ﺍﻡ ﻣﺤﻤﺪ ...... ﺧﺎﻳﺐ ﻳﻤﺔ ﺑﺴﻚ ﻣﻮ ﺍﻧﺸﻠﻊ ﻛﻠﺒﻲ ﻋﻮﻑ ﺍﻟﻤﺸﺎﻛﻞ ﻋﺴﺎﻫﺎ ﺑﺤﻈﻪ ﺑﺒﺨﺘﻪ ﻫﻮ ﺍﺩﺑﺴﺰ ﻭﻣﺎﻣﺘﺮﺑﻲ ﺍﻧﺖ ﺗﺮﺑﻲ ﻫﺴﺔ ﺧﻠﻪ ﻳﻮﻟﻲ ﻳﻤﺔ ﻭﺍﻟﻠﻪ ﻟﻮ ﺻﺎﺭ ﻋﻠﻴﻜﻢ ﺷﻲ ﺍﻣﻮﺕ ﺍﻧﻲ ﻣﺎﺍﻇﻞ ﻭﻟﻚ ﻳﻤﺔ ﻟﻮ ﺻﺎﺭ ﻋﻠﻴﻜﻢ ﺷﻲ ﺭﺑﺤﻲ ﺑﻴﻤﻦ ﺍﻧﻲ ﻛﻮﻟﻲ
ﺭﻳﺎ ........ ﻋﻤﺘﻲ ﺗﺒﭽﻲ ﻭﺗﺤﺠﻲ ﺑﺤﺮﻛﺔ ﻛﻠﺐ ﻭﺍﻧﻲ ﺍﺑﺠﻲ ﻭﺍﺷﻬﻚ ﻫﻲ ﺳﻤﻌﺖ ﺷﻬﻜﺎﺗﻲ ﺑﺎﻭﻋﺘﻠﻲ ﻭﺭﺟﻌﺖ ﺑﺎﻭﻋﺖ ﻟﺤﻤﺰﺓ ﻭﻛﺎﻟﺖ
ﺍﻡ ﻣﺤﻤﺪ ..... ﺧﺎﻟﺔ ﻋﻴﻦ ﻭﺻﺎﺑﺘﻬﻢ ﺍﻻ ﻣﺎﺗﻜﻮﻟﻮﻟﻲ ﺷﻨﻮ ﺍﻟﺪﻫﺮ ﺍﻟﺒﺎﺭﺣﺔ ﻣﺮﺗﺔ ﻭﺻﻠﺖ ﺍﻟﻤﻮﺕ ﻭﺫﺑﺘﻠﻬﺎ ﻓﺮﺥ ﻭﺍﻟﻴﻮﻡ ﻫﻮ ﺗﻌﺎﺭﻙ ﻭﺍﻟﻠﻪ ﻋﻴﻦ ﻭﺻﺎﺑﺘﻜﻢ ﺧﺎﻳﺐ ﻳﻤﺔ ﺍﺭﺣﻢ ﺑﺤﺎﻝ ﻫﺎﻱ ﺍﻟﻔﺮﺧﺔ ﻓﺮﻓﺤﺖ ﻋﻠﻴﻚ ﻭﻫﻲ ﺭﻭﺣﻬﺎ ﺭﺍﻳﺤﺔ
ﺭﻳﺎ ......... ﻓﻮﻙ ﻣﺎﺍﻧﻲ ﺍﺑﺠﻲ ﺑﺠﻴﺖ ﺍﺿﻌﺎﻑ ﺍﻟﻨﺴﻮﺍﻥ ﺍﺗﻔﺎﺟﺄﻥ ﻭﻇﻠﻦ ﻳﺴﺎﻟﻦ ﻭﺗﺤﻤﺪﻟﻠﻲ ﺑﺎﻟﺴﻼﻣﺔ ﻭﻇﺎﺟﻦ ﻻﻥ ﻃﺮﺣﺖ ﻭﺍﻧﻲ ﺍﺑﺠﻲ ﺣﻤﺰﺓ ﺑﺎﻭﻋﻠﻲ ﻭﻛﺎﻝ
ﺣﻤﺰﺓ ......... ﺗﻌﺎﻱ ﻳﻤﻲ ﺗﻌﺎﻱ
ﺭﻳﺎ ....... ﻛﻤﺖ ﻭﻛﻌﺪﺕ ﺑﺼﻔﻪ ﻫﻮ ﺟﺎﻥ ﻃﺎﺑﻚ ﻣﺨﺪﺓ ﻭﻛﺎﻋﺪ ﻋﻠﻴﻬﺎ ﻭﺍﻧﻲ ﻛﻌﺪﺕ ﺑﺎﻟﻜﺎﻉ ﻫﻮ ﺻﺎﺭ ﺍﻋﻠﻰ ﻣﻨﻲ ﺧﻠﻴﺖ ﺭﺍﺳﻲ ﻋﻠﻰ ﺭﺟﻠﻪ ﻭﻇﻠﻴﺖ ﺍﺑﺠﻲ ﻫﻮ ﺩﻧﻚ ﺑﺎﺱ ﺭﺍﺳﻲ ﻭﻛﺎﻝ
ﺣﻤﺰﺓ ........ ﻻﺗﺒﭽﻴﻦ ﻛﺎﻓﻲ ﺷﺒﻴﺞ ﺗﺒﺠﻴﻦ
ﺭﻳﺎ ......... ﺧﻔﺖ ﻋﻠﻴﻚ
ﺣﻤﺰﺓ ........ ﻫﺎﻱ ﺍﻧﻲ ﻳﻤﺞ ﻣﺎﺑﻴﺔ ﺷﻲ ﻻﺗﺨﺎﻓﻴﻦ ﺷﻮ ﺍﺭﻓﻌﻲ ﺭﺍﺳﺞ ﺧﻞ ﺍﺷﻮﻓﺞ ﺍﺭﻓﻌﻲ ﺭﺍﺳﺞ ﺍﺣﺎﺟﻴﺞ
ﺭﻳﺎ ....... ﺧﻄﻴﺔ ﻳﺤﺠﻲ ﻛﻮﺓ ﻭﻛﺼﺘﻪ ﻣﺠﺮﻭﺣﺔ ﻭﺧﺪﻩ ﻣﺸﺨﻂ ﺭﻓﻌﺖ ﺭﺍﺳﻲ ﻫﻮ ﻛﺎﻝ
ﺣﻤﺰﺓ ........ ﺗﺄﺫﻳﺘﻲ ﻣﻦ ﺩﻓﻌﺘﺞ
ﺭﻳﺎ ......... ﻻ ﻣﺎﺑﻴﺔ ﺷﻲ ﺑﺲ ﺍﻧﺖ ﻣﺠﺮﻭﺡ ﻟﻴﺶ ﻣﺎﺭﺣﺖ ﻟﻠﻤﺴﺘﺸﻔﻰ ﻫﻮ ﻟﺰﻡ ﻛﺼﺘﻪ ﻭﻛﺎﻝ
ﺣﻤﺰﺓ ........ ﺑﺴﻴﻄﺔ ﻣﺎﻛﻮ ﺷﻲ ﻫﺴﺔ ﺗﻄﻴﺐ ﻻﺗﺒﺠﻴﻦ ﺑﻌﺪ ﻣﻮ ﺯﻳﻦ ﻋﻠﻴﺞ ﻭﻻﺗﻜﻮﻣﻴﻦ ﻓﺮﺷﻲ ﻓﺮﺍﺷﺞ ﻭﺗﻤﺪﺩﻱ ﻣﺤﺪ ﻳﻔﻮﺕ ﻫﻨﺎ ﻳﺎﻟﻠﻪ ﺣﺒﻴﺒﻲ ﻭﻻﺗﺨﺎﻓﻴﻦ ﻣﺎﻛﻮ ﺷﻲ
ﺭﻳﺎ ........ ﺑﺎﻭﻋﺖ ﻋﻠﻰ ﻋﻤﺎﺗﻪ ﻳﻤﺴﺤﻦ ﺩﻣﻮﻋﻬﻦ ﺑﺤﺠﺎﺑﻬﻦ ﻭﻧﺴﻮﺍﻥ ﻋﻤﺎﻣﻪ ﻳﺤﺎﺟﻨﻪ ﻋﻠﻰ ﺍﺑﻮ ﻋﻠﻰ ﻛﻴﻔﻚ ﻭﻫﻮ ﺯﻋﻄﻮﻁ ﻭﺧﻞ ﻳﻮﻟﻲ ﻭﺍﻧﺖ ﺍﻟﻌﺎﻗﻞ ﻛﻤﺖ ﺗﻤﺪﺩﺕ ﺑﻔﺮﺍﺷﻲ ﻫﺎﺝ ﻋﻠﻴﺔ ﺍﻟﻢ ﻣﻦ ﺑﻄﻨﻲ ﻭﺻﺪﺍﻉ ﻛﻠﺶ ﻗﻮﻱ ﻛﻤﺖ ﺍﺑﭽﻲ ﺍﺟﺖ ﻋﻤﺘﻲ ﻛﻌﺪﺕ ﻳﻤﻲ ﻭﺍﻧﻄﺘﻨﻲ ﻋﻼﺟﻲ ﻭﻇﻠﺖ ﺗﺴﻮﻟﻒ ﻭﻳﺎﻫﻦ ﻭﺗﺴﻮﻟﻔﻠﻬﻦ ﺷﻠﻮﻥ ﻃﺮﺣﺖ
شكرا لزيارتكم عالم روايات سكيرهوم
