رواية بنات نعمة الفصل الخامس والعشرون
في ورشة عم مسعد
سمية وناصر مش طايقين بعض وقاعدين بيصفوا الحسابات قبل ما ناصر يسيب الشغل فجأة كده دخل عليهم اسامة طليق سمية ومعاه اتنين صحابه شكلهم بلطجية وشاربين
سمية .. هي حصلت تيجي برجلك لحد هنا!!
اسامة .. مش ناوية بقا ترجعي بيتك
سمية .. ارجع ايه يامجنون احنا خلاص إتطلقنا إمشي أطلع بره
اسامة .. في ايه يابت أنتي متعقلى كده وخليكي جدعة امال
سمية .. بحذرك لأخر مرة غور من هنا ومشوفش وشك تاني
أسامة .. لا دا انتي لازم تتربي ما تفوقي لنفسك يابت أنتي فكراني واحد من عمالك ولا إيه!( ومسكها من دراعها )
ناصر .. إهدا يااستاذ أسامة وبعدين ياسيدي المواضيع دي متتحكيش كده في الشغل وسيب إيديها بعد إذنك عشان دي في النهاية واحدة ست
أسامة .. هو أنت هتعلمني أعمل إيه ومعملش إيه ياروح أمك
ناصر .. طب ما بلاش تدخل امي في الموضوع وأسمع الكلام ال انت بتعمله ده غلط
أسامة .. ما تغور ياد تشوف شغلك ومتدخلش ولا أنت مش هترتاح غير لما أعملها معاك
ناصر .. يعني مفيش فايدة ! طب خد ( ناصر وقع فيهم إداهم علقة كويسة وأتلم عمال الورشة معاه وأسامة وجوز البلطجية ال معاه طلعو يجرو قدامه
سمية .. تسلم إيدك ياناصر
ناصر .. طب يلا نخلص باقي الحسابات
سمية .. لا مش هتمشي ياناصر
ناصر .. انتي مجنونة ولا إيه أنتي مش لسه طرداني من شوية
سمية .. وانت مش لسه مدافع عني وضربت طليقي
والبلطجية ال معاه وعايزني أكافئك بإني أخليك تمشي!؟
ناصر .. ياستي وانا مش عايز مكافئتك امسكي دفترك وانا ماشي
سمية .. طب خد ياناصر اسمعني بس ( اووووف دماغه جزمة الواد ده )
مشي ناصر رجع على بيته وهناك لقي ريهام قاعدة بتاكل في
نفسها من الكلام ال سمعته من سمية
ناصر .. مالك كده وشك مقلوب
ريهام .. يعني عايزني يبقا شكلى إزاي
ناصر .. إنتي لسه شايلة من سمية
ريهام .. مالك كده بتتكلم ببرود أعصاب وكأني مليش لازمة عندك!!؟
ناصر .. ههههههههههه ملكيش لازمة!!!
ريهام .. ايه شغل الجنان ده ؟!
ناصر .. انا سبت الشغل عشانك
ريهام .. يعني ايه سبت الشغل!؟
ناصر .. وانتي كنتي فاكراني هعدي الكلمتين ال اتقالولك دول عادي كده !
ريهام .. عادي يعني بس مش لدرجة إنك تخسر أكل عيشك
ناصر .. وأخسر الدنيا كلها عشانك ياريهام
ريهام .. ☺️ طب وهتعمل إيه دلوقتي
ناصر .. ربنا يرزقها بشغلانة تاني
في نفس اللحظة كانت سمية قاعدة عمال تفكر في ال عمله ناصر وكل شوية تلوم نفسها وتقول ( أنا إيه ال نيلته ده طب كنت صبرت شوية أعمل إيه انا دلوقتي أجيبه تاني إزاي
أنا لازم أشوف طريقة أرجعه بيها )
__________
نروح عند فؤاد ابن مرسي ال أبوه فعلا هو ال كان ورا تهريبه من السجن وكان مخبيه في وسط المطاريد في الجبل
مرسي .. إزيك ياواد يافؤاد
فؤاد .. أبوي😍
مرسي .. عامل ايه يافؤاد
فؤاد .. مليح قوي ياابوي مش عارف أقولك إيه كان زمانك بتترحم عليا
مرسي .. مش قولتلك ياواد متخافش طول ما أبوك عايش
فؤاد .. حصل ربنا يخليك ليا ياابوي
مرسي .. قولي بقا بصراحة وعلى بلاطة كده أنت فعلا قتلت الوليه دي ؟!
فؤاد .. أقسملك ياابوي إني عمري ما شفتها وكل ال حصل هحكيهولك ( وحكى فؤاد كل ال حصل لأبوه )
مرسي .. اه لو أعرف مين ال ورا العملة دي ، كنت أكله بسناني
فؤاد .. طرف الخيط بتاعنا عند البنت ال إسمها حورية
مرسي .. ودي هتقعدلك لحد دلوقيت ياابن الهبلة
فؤاد .. أمال هتعمل إيه ياأبوي
مرسي .. هحرق الكل
فؤاد .. مفاهمش يعني هتعمل إيه
مرسي .. البت دي أكيد مزقوقة من أصحابنا إياهم
فؤاد .. قصدك نعمة؟!
مرسي .. نعمة وبيت المغازي سواء كان وفيق أو صابر
فؤاد .. طب عمي وفيق وعمي صابر هيعملو فيا كده ليه!؟
مرسي .. عشان الورث ال لحس نفوخهم ماهو ياحيلتها أنت الوريث الوحيد ليا بعد ما أموت فطبعا عايزين يخلصو منك
أو تكون نعمة لإنها هددتني بيك قبل كده وعشان كده لازم أخلص عليهم وأحرق قلبهم
فؤاد .. ناوي على إيه ياابوي
مرسي .. نعمة هتموت ووفيق هحرق قلبه على ولده ال هارب ده بالذات لازم أمسكه بيدي هو والبت بنت نعمة دول طاري معاهم طارين أما صابر فهخليه يشتهي العيش
فؤاد .. سيبني أبدأ بنعمة وخليك أنت إرتاح ياأبوي كفاية تهريبك ليا من حبل المشنقة
__________
في محل نعمة
نعمة .. صباح الخير يارياض
رياض .. ياصباح الفل فينك ياست نعمة الدكتور مستني من الصبح
نعمة .. اهلا ياألف خطوة عزيزة إزيك يادكتور
الدكتور .. بخير يانعمة إزيك أنتي
نعمة .. الحمدلله يادكتور
الدكتور .. كنت جاي عايزك في موضوع كده
نعمة .. خير يادكتور
الدكتور .. خير إن شاء الله ، بقا ياستي كنت عايز أقولك ،ااقولك
نعمة .. أتكلم علطول يادكتور في إيه !؟
الدكتور .. تقبلى تتجوزيني يانعمة ؟
نعمة .. ايه !!!!!
الدكتور .. في إيه يانعمة إتخضيتي ليه !؟
نعمة .. مينفعش يادكتور
الدكتور .. هو ايه ال مينفعش انا عايز أتجوزك على سنة الله ورسوله
نعمة .. تفتكر لو انا فعلا عايزة أتجوز هقعد أكتر من 20 سنة
مطلقة بص يادكتور أنا من وقت طلاقي وانا متجوزة بناتي
هما السند والثقة وهما ال عمرهم ماخزلوني زي أبوهم
ال سابني ببناتي زي العامية ال واقفة في وسط غابة شجرها
شوك واصوات الديابة ال محوطاها مخلياها مرعوبة على
بناتها وكل ما تجري تتخبط والشوك ياكل من لحمها لحد ما
خرجت بيهم لبر الأمان ، تفتكر يادكتور ال عاش العيشة دي
هيفكر يتجوز تاني ؟
الدكتور .. بس انا مش صابر بلاش تاخديني بذنبه
نعمة .. عارفة إنك ممكن تكون مش صابر بس على الأقل انت
مش ملاك ومش عايزة أفكرك يادكتور بال كنت هتعمله في
العيادة وانك كنت واحد من الديابة ال كانت حواليا
الدكتور .. بس في النهاية أعتذرتلك وسبتك تمشي
نعمة .. يمكن ربنا أكرمني بشوية فصاحة في اللسان ووقتها قدرت أقنعك إنك متأذنيش بس أظن إن لولا ثبات ربنا ليا في أني أقولك كلمتين تراعي فيهم ربنا من ناحيتي كان الوضع إختلف
الدكتور .. يعني أنتي بترفضي يانعمة
نعمة .. أنت أخ فاضل وصديق للعيلة وأنا بحترمك ويمكن أنت الوحيد ال أنا بعتبره أخ ليا بجد وعلى فكرة هيصعب عليا منك اوي لو فكرت تزعل او تبعد عني ياريت يادكتور متخلنيش أخسرك بسبب موضوع زي ده أنا هعتبر نفسي مسمعتش حاجة وهرجع من جديد أتسند عليك عشان انت أخويا ولا أنت كمان ناوي تخلا بيا يادكتور
الدكتور .. عيب يانعمة متقوليش كده ، خلاص ياستي أنسي ال سمعتيه أنا يهمني إنك تكوني مبسوطة وانا ياستي في خدمتك في أي وقتك
نعمة .. أصيل يادكتور
.....
شوية ودخلت هدي وكامل جوزها
نعمة .. اهلا اهلا نورتو المحل
كامل .. منور بيكي ياست الكل ، إزيك يادكتور
الدكتور .. الحمدلله ياكامل ، طب أستأذن أنا بقا عشان عندي
شوية شغل ألحق اخلصهم
نعمة .. ايه المفاجئة الحلوة دي ياحبايبي
هدي .. كنا عند الدكتور وقلنا نعدي عليكي عشان نفرحك
نعمة .. خير إن شاء الله
كامل .. هتبقى جدة يانعمة
نعمة .. بجد 😍
هدى .. ايوة ياأمي بجد ، أنا حامل 😍
كامل .. هنجيبلك حتت عيل كده يعملك دوشة
نعمة .. الف مبروك ياحبايبي ربنا يسعدكم ( واد يارياض هاتلنا فطار حلو كده نفطر كلنا مع بعض وابعت هات تغريد خلينا نفرحها هي كمان بالخبر الحلو ده )
كامل .. لا الفطار عندي أنا تعالو أنا عازمكم على عزومة حلو بره أنا النهاردة أسعد إنسان وفي الدنيا حاسس إني طاير من الفرحة يبقا خليكم النهاردة ماشيين بدماغي وانا هظبطكم ده بعد إذن الست نعمة
نعمة .. طب أصبر ياواد خلى الغرايم دي لما الفرحة تكمل بحضور ولي العهد ههههه
كامل .. أنا فرحتي بفرحت هدي أكبر من فرحتي بالبيبي ال جاي في الطريق
هدي .. ربنا يخليك ليا ياكامل وأقدر أسعدك
كامل .. ويخليكي ليا ياغالية يالا بينا نلحق اليوم من أوله
فعلا خرجو كلهم ويدوب خرجو بره المحل وفي عربية عدت
من قدامهم كلها سلاح متوجه ناحية نعمة وبدأ الرصاص
ينهال عليهم كامل خد هدى ونعمة في حضنه ووقعو على
الأرض رياض جري على نعمة بيتطمن عليها وهدى قامت
بتصوت وبتطمن على أمها نعمة انا بخير الحمدلله
فجأة كامل نزل على ركبه وفي رصاص كتير في ضهره !!
هدى .. فيك إيه ياكامل !!؟
رياض .. إيه ده !!
نعمة .. ياحبيبي ياابني إسعاف بسرعة 😥
هدى .. لا ياكامل قوم😭
كامل .. كان نفسي أشوفه ياهدي وأعيشله لو يومين😥
هدى .. لا ياكامل لا والنبي لا😭
كامل .. مكانش نفسي ابني يتولد يتيم 😥 ابقى إحكيله
عنى ياهدى وقوليله أبوك كان فرحان بيك اوي 😥
اشهد ان لا إله الا الله وانا محمد رسول الله
هدى .. لاااااا😭😭😭😭😭😭😭
