رواية هدية الشيخ هشام الفصل السادس والعشرون بقلم التميمية
ﻫﺸﺎﻡ ﻛﻌﺪ ﻭﻓﻬﻤﻪ ﺍﻟﺴﺎﻟﻔﺔ ﻭﻛﻠﻪ ﺍﻧﻪ ﻭﺣﻮﺭﺍﺀ ﻣﺎﺑﻴﻨﺎﺗﻨﻪ ﺗﻔﺎﻫﻢ .. ﻭﺍﻧﻪ ﻣﺎﺭﻳﺪ ﺍﻇﻠﻤﻬﺎ ﻭﻳﺎﻱ ﺑﻬﺎﻟﺰﻭﺍﺝ ﻭﺟﺎﻥ ﺍﻛﺒﺮ ﻏﻠﻂ ﺍﺧﺬﺗﻬﺎ ﺑﻬﺎﻟﻌﻤﺮ ...
ﺍﻟﺸﻴﺦ ﺣﺴﻴﻦ ﻋﺼﺐ : ﺷﻬﻞ ﺍﻟﻜﻼﻡ ﻳﺎﺷﻴﺦ ﻣﺎﺗﻮﻗﻌﺘﻬﺎ ﻣﻨﻚ ﻭﺍﻧﺘﻪ ﺍﻧﺴﺎﻥ ﻋﺎﻗﻞ ﻭﻓﺎﻫﻢ .. ﻭﺷﻴﺦ ﻣﻌﺮﻭﻑ ﻭﻋﻘﻠﻚ ﻳﻮﺯﻥ ﺑﻠﺪ .. ﺷﻨﻮ ﻣﺎﺗﻔﺎﻫﻤﻨﻪ .. ﻫﻲ ﺻﻐﻴﺮﺓ ﻭﻳﺎﻙ ﺍﻧﻪ ﺑﺲ ﺍﻧﺘﻪ ﺗﻜﺪﺭ ﺗﺴﻴﻄﺮ ﻋﻠﻴﻬﺎ ﻭﺗﻌﻠﻤﻬﺎ ﻣﺜﻞ ﻣﺎﺗﺮﻳﺪ .. ﻭﺣﻮﺭﺍﺀ ﺗﺮﺑﻴﺘﻲ ﺍﻟﻠﻪ ﺷﺎﻫﺪ ﻫﻲ ﻃﻴﺒﺔ ﻭﺣﺒﺎﺑﻪ ﻭﻣﻄﻴﻌﺔ ﺗﺴﻤﻊ ﺍﻟﻜﻠﻤﺔ
ﻫﺸﺎﻡ ﻣﺎﻳﻜﺪﺭ ﻳﻜﻠﻪ ﻣﻮ ﻣﺘﻘﺒﻞ ﺑﺘﻚ ﻭﻣﻮ ﺭﺍﺿﻲ ﺍﻧﺴﻪ ﺍﻟﻲ ﺻﺎﺭﻟﻬﺎ ﻭﺷﻠﻮﻥ ﻳﻔﻬﻤﻪ ﻣﻮﻗﻔﻪ ...
ﻭﻣﻦ ﺟﻬﺔ ﺻﻌﺒﺔ ﻋﻠﻴﻪ ﻫﺎﻟﺸﻲ ﻭﻳﻜﻮﻝ ﻧﻬﺎﻳﺘﻨﻪ ﻣﺜﻞ ﻛﻞ ﻟﻴﻠﺔ ﺍﺫﺍ ﺗﺒﻘﻪ ﺣﻮﺭﺍﺀ ﻭﺟﺎﻱ ﺗﺘﻌﺬﺏ ﻭﺍﻋﺬﺏ ﻧﻔﺴﻲ ...
ﻫﺸﺎﻡ ﻓﻬﻢ ﺍﻟﺸﻴﺦ ﻣﻮﻗﻔﻪ ﻭﻛﻠﻪ ﺍﻟﺠﻬﺎﻝ ﻣﺎﻛﺪﺭ ﺍﺣﺮﻡ ﺍﻣﻬﻢ ﻣﻨﻬﻢ ﻫﺴﺔ ﻭﻫﻤﻪ ﺻﻐﺎﺭ ﻭﺑﺲ ﻳﺸﺪﻭﻥ ﺣﻴﻠﻬﻢ ﺍﺧﺬﻫﻢ ﻋﻨﺪﻱ ...
ﺍﻟﺸﻴﺦ ﺣﺴﻴﻦ ﻛﺎﻡ ﻭﻛﻒ ﻭﻓﻬﻤﻪ ﻟﻬﺸﺎﻡ ﺍﻧﻮ ﻳﻌﺘﺒﺮ ﺑﺘﻪ ﻃﻔﻠﺔ ﺻﻐﻴﺮﺓ ﻭﺍﻟﺘﻌﺎﻣﻞ ﻭﻳﺎﻫﺎ ﺻﻌﺐ ... ﻭﻛﻠﻪ ﺭﺍﺡ ﺍﺧﺬ ﺑﺘﻲ ﻭﻛﺎﻓﻲ ﺭﺧﺼﺘﻬﺎ ﻫﻮﺍﻱ ...
ﻛﻠﻪ ﺑﺲ ﺧﻠﻬﺎ ﺍﺑﺎﻟﻚ ﻳﺎﺷﻴﺦ ﺑﻌﺪ ﺣﻮﺭﺍﺀ ﻣﺎﺗﺮﺟﻊ ﻟﻬﻨﺎ ﻟﻮ ﻋﻠﻰ ﻛﻄﻊ ﺭﻛﺒﺘﻲ ﻭﻫﺎﻱ ﺍﻟﺸﻮﺍﺭﺏ ﻣﺎﺗﺼﻴﺮﻟﻚ ﻣﺮﺓ ﺑﻌﺪ ....
ﻭﻛﻠﻪ ﺧﻠﻲ ﺗﺠﻴﻨﻲ ﺍﺣﺎﺟﻴﻬﺎ ﻭﺗﺠﻴﺐ ﺟﻬﺎﻟﻬﺎ ﺣﺘﻰ ﺍﺧﺬﻫﺎ .. ﻭﻟﻮ ﻣﺎ ﺣﻼﻝ ﺍﻟﻠﻪ ﻭﺣﺮﺍﻣﻪ ﺟﺎﻥ ﺣﺮﻣﺘﻚ ﻣﻦ ﺷﻮﻓﺔ ﺟﻬﺎﻟﻚ ﻫﻤﻴﻦ .. ﻭﺍﻋﺘﺒﺮ ﺍﻟﻲ ﺑﻴﻨﻲ ﻭﺑﻴﻨﻚ ﻣﺤﺎﻩ ﺍﻟﺰﻣﻦ ....
ﻫﺸﺎﻡ ﻳﺴﻤﻊ ﺍﻟﺤﺠﻲ ﻭﻛﻠﺒﻪ ﺷﺎﻋﻞ ﻧﺎﺭ ﻭﻳﻜﻮﻝ ﺣﻘﻚ ﻣﺎﻟﻮﻣﻚ ﺍﺑﺪﺍً ﺑﺘﻚ ﻫﺎﻱ ﻭﻣﻮ ﺷﻮﻱ ﺍﻻﻧﻔﺼﺎﻝ .. ﻭﺑﻴﻨﻪ ﺟﻬﺎﻝ ...
ﺣﻮﺭﺍﺀ ﺍﺟﺘﻲ ﻷﺑﻮﻫﺎ ﻭﻫﻲ ﺗﺒﺠﻲ ﻭﺧﻠﺼﻦ ﺩﻣﻮﻋﻬﺎ ﻛﻠﻠﻬﺎ ﺍﺑﻮﻫﺎ ﻏﺎﻟﻴﺔ ﺍﺑﻮﺝ ﺍﻧﺘﻲ ﻟﺘﻨﺰﻟﻴﻦ ﺍﻟﺪﻣﻮﻉ ﺍﻟﻐﺎﻟﻴﺔ ﻋﻨﺪﻱ ....
ﻭﺑﻌﺪ ﻣﺎﺣﺎﺟﺎﻫﺎ ﻭﻛﻠﻬﺎ ﺭﺍﺡ ﻳﺼﻴﺮ ﺑﻴﻨﻜﻢ ﺍﻧﻔﺼﺎﻝ ﺍﻧﺘﻲ ﻗﺎﺑﻠﺔ ... ﺍﺣﺘﺎﺭﺕ ﺷﺘﺠﺎﻭﺏ ﻭﻫﻲ ﺗﺘﻤﻨﻪ ﻛﻞ ﻫﺎﻱ ﺣﻠﻢ ﻭﻫﺸﺎﻡ ﻣﺎﻳﺮﻳﺪ ﻳﺘﺮﻛﻬﺎ ﻭﻫﻲ ﺗﺤﺒﻪ ﺍﻛﺜﺮ ﻣﻦ ﺭﻭﺣﻬﺎ ....
ﺟﺎﻭﺑﺖ ﺍﺑﻮﻫﺎ ﺑﺪﻣﻮﻋﻬﺎ ﻭﻛﺎﻟﺖ ﺍﻧﻪ ﺍﻟﻲ ﻃﻠﺒﺖ ﺍﻻﻧﻔﺼﺎﻝ ﻭﻣﺴﺘﻌﺪﺓ ﺍﻭﺍﺟﻪ ﻗﺮﺍﺭﻱ ﻫﺬﺍ ....
ﻭﺑﻘﺖ ﻳﺤﺎﺟﻴﻬﺎ ﺍﺑﻮﻫﺎ .. ﻫﺎﻟﺤﺠﻲ ﻫﻲ ﻭﻳﺎﻩ ﻭﺣﺪﻫﻢ ﺑﺎﻟﺪﻳﻮﺍﻥ ... ﺍﻟﺒﻨﺎﺕ ﻧﺨﺒﺼﻮ ﻭﺍﻧﻘﻬﺮﻥ ﻣﻦ ﺳﻤﻌﻦ ﺑﺎﻟﺨﺒﺮ ﻫﺬﺍ ... ﻭﺍﻡ ﻫﺸﺎﻡ ﻇﻠﺖ ﺗﺒﺠﻲ ﻋﻠﻰ ﺟﻬﺎﻝ ﻫﺸﺎﻡ ﺭﺍﺡ ﻳﺮﺣﻮﻥ ﻣﻦ ﻛﺒﺎﻝ ﻋﻴﻮﻧﻬﺎ ....
ﺭﺍﺣﺖ ﺣﻮﺭﺍﺀ ﺍﺟﻤﻊ ﺍﺷﻴﺎﺀ ﺟﻬﺎﻟﻬﺎ ﻫﺴﺔ ﻭﺭﺍﺡ ﻳﺎﺧﺬﻫﺎ ﺍﺑﻮﻫﺎ ... ﺍﻭﻳﻠﻲ ﺻﺎﻳﺮ ﻋﺰﺍﺀ ﺑﺮﻭﺡ ﺣﻮﺭﻱ .. ﺑﺠﺖ ﺩﻡ ﻋﻠﻰ ﻫﺸﺎﻡ .. ﻭﺗﺤﻂ ﻣﻼﺑﺲ ﺟﻬﺎﻟﻬﺎ ﻭﺗﺒﺠﻲ ﻭﺗﺒﺠﻲ ﻭﻫﻤﻪ ﻋﺪ ﺍﻟﺒﻨﺎﺕ ﺑﺮﻩ ....
ﺧﻠﺼﺖ ﻭﻳﺎﺭﻳﺘﻬﺎ ﻣﺎﺧﻠﺼﺖ .. ﻇﻠﺖ ﺗﺒﺎﻭﻉ ﻟﻜﻞ ﻛﺘﺮ ﺑﺎﻟﻐﺮﻓﺔ ﺍﻟﻬﺎ ﺫﻛﺮﻯ ﺣﻠﻮﺓ ﻭﻳﻪ ﻫﺸﺎﻡ .. ﻭﺧﺼﻮﺹ ﺍﻭﻝ ﺑﻮﺳﺔ ﺧﺪ ﺍﻟﻬﺎ ﻣﻦ ﺑﺎﺳﻬﺎ ﻭﺍﻭﻝ ﺑﻮﺳﺔ ﺧﺪ ﺍﻟﻪ ﻣﻨﻬﺎ ﻣﻦ ﺑﺎﺳﺘﻪ ...
ﻭﺍﻭﻝ ﺫﻛﺮﻯ ﺻﺎﺭﺕ ﺑﻴﻨﻬﻢ ﻭﻫﻲ ﻫﺎﻱ ﺳﺒﺐ ﺗﻌﺎﺳﺘﻬﺎ ﻭﻣﺎﺭﺍﺡ ﺗﻨﺴﺎﻫﺎ ﺑﺤﻴﺎﺗﻬﺎ ﺑﺎﻟﺮﻏﻢ ﺫﻛﺮﺍﻫﺎ ﺍﻻﻭﻟﻰ ﻭﻳﻪ ﺣﺐ ﻋﻤﺮﻫﺎ ..ﺗﺬﻛﺮ ﻣﻦ ﺍﺟﻪ ﻣﻌﺼﺐ ﻭﻫﺠﻢ ﻋﻠﻴﻬﺎ ﺑﻌﻨﻒ ﻭﻣﻦ ﺣﺠﺖ ﻋﻠﻴﻪ ﻭﺿﺮﺑﻬﺎ ﻫﺎﻟﻜﻒ .. ﻭﻣﺎﻓﻬﻤﺖ ﺳﺒﺐ ﻫﺎﻟﻌﺼﺒﻴﺔ ﻋﻠﻴﻬﺎ ... ﻭﻇﻠﺖ ﺗﻨﺤﺐ ﻭﻋﻴﻮﻧﻬﺎ ﻭﺭﻣﻦ ﻣﻦ ﺍﻟﺒﺠﻲ ...
ﻟﺒﺴﺖ ﻋﺒﺎﻳﺘﻬﺎ ﻭﺗﺮﻳﺪ ﺗﻄﻠﻊ .. ﺻﺎﺭ ﺑﻮﺟﻬﻪ .. ﺍﺟﻪ ﻳﻮﺩﻋﻬﺎ ﻭﻟﻮ ﺟﺎﻧﺖ ﻓﻜﺮﺓ ﻏﺒﻴﺔ ﻭﺗﻮﺟﻊ ﺑﺲ ﺷﻴﺴﻮﻱ ﻟﻜﻠﺒﻪ ﺟﺎﺑﻪ ﺍﻟﻬﺎ ...
ﺣﻮﺭﺍﺀ ﺑﺎﻭﻋﺘﻠﻪ ﺑﺄﻧﻜﺴﺎﺭ : ﺗﺘﻬﻨﻪ ﻟﻮﺣﺪﻙ ﺷﻴﺨﻲ ... ﻭﺗﺮﻳﺪ ﺗﻄﻠﻊ ﻭﻛﻔﻬﺎ ﺻﻮﺗﻪ ﻛﻠﻬﺎ ﻟﺤﻈﺔ ﻻﺗﺮﺣﻴﻦ ...
ﻫﺸﺎﻡ : ﺣﻮﺭﺍﺀ ﺍﻧﺴﻴﻨﻲ ﻭﻋﻴﺸﻲ ﺣﻴﺎﺗﺞ .. ﺍﻧﺴﻲ ﺷﺨﺺ ﺍﺳﻤﻪ ﻫﺸﺎﻡ .. ﻣﺎﺭﺍﺡ ﻳﺮﺑﻄﻨﻪ ﺑﻌﺪ ﺑﺲ ﻫﺎﻟﺠﻬﺎﻝ .. ﻭﻫﺎﻱ ﺍﻟﺬﻛﺮﻳﺎﺕ ﺍﻟﺒﺴﻴﻄﺔ ....
ﻭﺳﻜﺖ ﻭﺣﺎﻭﻝ ﻳﺎﺧﺬﻫﺎ ﻟﺤﻀﻨﻪ ﻟﻠﻤﺮﺓ ﺍﻻﺧﻴﺮﺓ ﺑﺲ ﻣﺎﻛﺪﺭ ﻳﺼﻌﺐ ﺍﻟﻮﺿﻊ ﻋﻠﻴﻬﺎ ﻭﻋﻠﻴﻪ ....
ﺣﻮﺭﺍﺀ ﻣﺎﺭﺩﺕ ﻭﻃﻠﻌﺖ ﻭﻋﺎﻓﺘﻪ ﻭﺭﺍﺣﺖ ﻭﻳﻪ ﺍﺑﻮﻫﺎ ﺑﻴﻮﻣﻬﺎ ﺑﺠﺖ ﺩﻡ ﻋﻠﻰ ﺍﻟﻲ ﺣﺒﺘﻪ ﻭﺧﺬﻟﻬﺎ ﻭﻛﺴﺮ ﻛﻠﺒﻬﺎ ﻫﻴﺞ ... ﻭﺣﺘﻰ ﻧﺴﻤﺔ ﺷﻜﺜﺮ ﺑﺠﺖ ﻋﻠﻰ ﺣﻮﺭﺍﺀ ...
ﻛﺎﻟﺖ ﻫﻲ ﺍﻟﻮﺣﻴﺪﺓ ﻣﻦ ﺍﻫﻠﻲ ﻳﻤﻲ ﻭﺭﺍﺣﺖ ﻭﺧﺮﺑﺖ ﺣﻴﺎﺗﻬﺎ ﻭﻇﻠﺖ ﺗﺒﺠﻲ ﺣﻴﻞ ﻋﻠﻴﻬﺎ ﻭﺣﺰﻧﺖ ﻛﻠﺶ .. ﻭﺣﺘﻰ ﺭﻗﻴﺔ ﻫﻤﻴﻦ ﺣﺰﻧﺖ ﻋﻠﻴﻬﻢ ....ﻭﻫﺸﺎﻡ ﺑﺎﻟﻠﻴﻞ ﺍﺭﺗﻔﻊ ﻇﻐﻄﻪ ﻭﺍﺧﺬﻩ ﻛﺮﺍﺭ ﻟﻠﻤﺴﺘﺸﻔﻰ ﻭﻫﻮ ﻫﻢ ﻣﻘﻬﻮﺭ ﻋﻠﻰ ﺍﺧﻮﺍﻧﻪ ﻭﻋﻠﻰ ﺣﻮﺭﺍﺀ ﺟﺎﻧﺖ ﺧﻮﺵ ﺑﻨﻴﺔ ﻭﻃﻴﺒﺔ ﻭﺍﺑﻮﻩ ﺿﻴﻌﻬﺎ ....
ﺑﺲ ﻳﻜﻮﻝ ﻳﻤﻜﻦ ﻣﺎﻧﻌﺮﻑ ﺷﻲ ﻭﺍﻟﻲ ﺑﻴﻨﻬﻢ ﺟﺒﻴﺮ ﻭﻣﺎﻳﻨﻜﺎﻝ ... ﻭﻳﻜﻮﻝ ﺍﺑﻮﻱ ﻣﺎﺗﺨﻠﻰ ﻋﻨﻬﻢ ﺑﺴﻬﻮﻟﺔ ﺍﻻ ﺍﻛﻮ ﺷﻲ ﺟﺒﻴﺮ ...
ﺑﻠﻴﻠﺘﻬﺎ ﺣﻮﺭﺍﺀ ﻣﺎﻏﻤﻀﺖ ﻋﻴﻨﻬﺎ ﻭﺗﺤﺲ ﺑﺎﻟﻐﺮﺑﺔ ﻭﻻ ﻛﺄﻧﻪ ﻫﺎﻱ ﺟﺎﻥ ﺑﻴﺖ ﺍﻫﻠﻬﺎ ﻭﻛﺒﺮﺕ ﺑﻲ ﻭﺗﺤﺐ ﻛﻞ ﺷﺒﺮ ﺑﻲ ...
ﺍﻳﻮﻭﻭ ﻳﻤﻬﺎ ﺗﺴﺎﻋﺪﻫﺎ ﺑﺎﻟﺠﻬﺎﻝ ﻭﻛﻞ ﺷﻮﻱ ﺗﺸﻮﻓﻬﺎ ﺗﺒﺠﻲ ﺗﺤﺎﺟﻴﻬﺎ ﻭﺗﻜﻠﻬﺎ ﺷﺒﻴﺞ ﻣﺴﻮﻳﺘﻬﺎ ﻣﻨﺎﺣﺔ ﻣﻮ ﺍﻭﻝ ﻭﺣﺪﺓ ﺗﻨﻔﺼﻞ ﻣﻦ ﺯﻭﺟﻬﺎ ...
ﺁﻳﺔ ﺳﻮﺗﻠﻬﺎ ﺍﻻﺷﻴﺎﺀ ﺍﻟﻲ ﺗﺤﺒﻬﺎ .. ﺧﺼﻮﺹ ﺍﻟﻜﺎﺑﺘﺸﻴﻨﻮ ... ﻫﻲ ﺍﻳﺔ ﺻﺎﺭﺕ ﻫﺎﻱ ﻏﺮﻓﺘﻬﺎ ﻟﻮﺣﺪﻫﺎ ﻭﻫﺴﺔ ﺣﻮﺭﺍﺀ ﻭﻳﺎﻫﺎ ...
ﺁﻳﺔ : ﺣﻮﺭﻱ ﺳﻮﻳﺘﻠﺞ ﻛﺎﺑﺘﺸﻴﻨﻮ ﻭﻧﺴﺎﻭﺗﺞ ﺑﺠﻬﺎﻟﺞ ﺳﻮﻳﺘﻪ ﺍﻟﺞ
ﺣﻮﺭﺍﺀ ﺑﺤﺰﻥ : ﻭﺍﻟﻠﻪ ﺑﻄﺮﺍﻧﺔ ﺍﻧﺘﻲ ﻛﻠﺒﻲ ﺷﺎﻋﻞ ﻧﺎﺭ ﻭﺍﻧﺘﻲ ﺗﻜﻠﻴﻠﻲ ﻧﺴﺎﻭﺗﺞ ﻭﻣﺎﺩﺭﻱ ﺷﻨﻮ
ﺁﻳﺔ : ﻋﺎﺑﺖ ﺻﻮﺟﻲ ﺍﺭﻳﺪ ﺍﻓﺮﺣﺞ .. ﺷﻜﺪ ﻧﻜﺪﻳﺔ ﺗﻔﺎﺋﻠﻲ ﻓﺪ ﻳﻮﻡ .. ﺿﺤﻜﻲ ﺗﻮﻧﺴﻲ ﻭﻓﺮﺣﻲ ﺑﺠﻬﺎﻟﺞ .. ﻛﺸﺨﻲ ﻋﺪﻟﻲ ﻭﻟﺒﺴﻲ ﻭﺗﻤﻜﻴﺠﻲ
ﺣﻮﺭﺍﺀ : ﻷﺑﻮﻱ ﺍﻛﺸﺦ ﻭﺍﻋﺪﻝ .. ﻟﻮ ﻟﺨﺎﻻﺗﻲ ﻧﺴﻮﺍﻥ ﺍﺑﻮﻱ
ﺁﻳﺔ : ﻭﻟﺞ ﺑﺎﻟﻜﻌﺒﺔ ﻳﺘﻨﺪﻡ ﺍﻟﻲ ﻳﻌﻮﻑ ﺣﻮﺭﻭﻭ .. ﺷﻮﻓﻲ ﺻﺎﻳﺮﺓ ﺟﻨﺞ ﺗﻔﺎﺣﺔ ﺗﺨﺒﻠﻴﻦ ﺧﺪﻭﺩﺝ ﻳﺠﻨﻦ ﻭﻣﻦ ﺗﺒﺠﻴﻦ ﻳﺼﻴﺮ ﺧﺸﻤﺞ ﺍﺣﻤﺮ ﻭﺍﻟﺨﺪﻭﺩ .. ﻳﺼﻴﺮ ﺷﻜﻠﺞ ﻣﺎﻝ ﻛﺮﻁ ﻫﻬﻬﻬﻪ
ﺣﻮﺭﺍﺀ ﺑﺠﺖ : ﻳﺎﺭﺑﻲ ﻫﺎﺫﻱ ﺍﻟﺒﻄﺮﺍﻧﺔ ﻫﺴﺔ ﺍﺧﻨﻜﻬﺎ ﻛﻠﺒﻲ ﺑﻲ ﺟﻤﺮ ﻭﺗﻜﻠﻲ ﺣﻠﻮﺓ ﻣﺎﺣﻠﻮﺓ .. ﺍﻛﻠﺞ ﺭﺍﺡ ﻳﻄﻠﻜﻨﻲ ﻫﺸﺎﻡ ﻭﻟﺴﺒﺐ ﻣﺎﻳﺴﻮﺓ ﻳﺒﺮﺭ ﻟﻨﻔﺴﻪ ﺑﻔﺮﻕ ﺍﻟﻌﻤﺮ .. ﻫﻮ ﻳﻜﺮﻫﻨﻲ ﻭﻳﺘﺤﺠﺞ ﺑﺎﻟﻌﻤﺮ ﻭﻣﺎﻛﻮ ﺗﻔﺎﻫﻢ ﺑﻴﻨﻪ
ﺍﻳﺔ : ﺧﺎﺏ ﺑﻄﺮﺍﻧﺔ ﻟﻌﺪ ﺗﺒﺠﻴﻦ ﻣﺴﺤﻲ ﺩﻣﻮﻋﺞ ﻭﺧﻠﻲ ﻳﺮﻭﺡ ﺑﺤﺎﻝ ﺳﺒﻴﻠﻪ ﻫﺬﺍ ﺷﻴﺨﺞ ﻣﺎﻳﻌﺮﻑ ﻭﻋﺎﻑ ﻫﺎﻟﻜﻤﺮ .. ﻫﺎﻱ ﺧﺎﻟﺘﻲ ﺍﻟﺠﻮﻫﺮﺓ ﻓﺮﻕ ﻋﻤﺮ ﻋﻦ ﺍﺑﻮﻱ ﺑﺲ ﻳﺤﺒﻬﺎ ﻭﺗﺤﺒﻪ ﻭﺍﺷﻮﻓﻬﻢ ﻣﺘﻔﺎﻫﻤﻴﻦ .. ﺍﻧﺴﻲ ﺑﺎﺑﺎ ﺍﻧﺴﻲ
ﺣﻮﺭﺍﺀ ﺑﺒﺠﻲ : ﻳﺎﺭﻳﺖ ﺍﻛﺪﺭ ﺍﻧﺴﻪ ﻫﺴﺔ ﻭﻣﺎﻓﻜﺮ ﺑﺸﻲ .. ﺑﺲ ﺍﻧﻪ ﺭﺍﺡ ﺍﻛﻮﻥ ﻟﺸﻴﺨﻲ ﻟﻸﺑﺪ ﻣﺎﻧﺴﺎﻩ ﻭﻻ ﺭﺍﺡ ﻳﺮﻫﻤﻠﻲ ﺍﺣﺪ ﻏﻴﺮﻩ ﻣﺴﺘﺤﻴﻞ
ﺍﻳﺔ : ﻃﺒﺞ ﻣﺮﺽ ﻟﻌﺪ .. ﻇﻠﻲ ﻟﻸﺑﺪ ﻟﺸﻴﺨﺞ ﻭﻫﻮ ﻳﺘﺰﻭﺝ ﻭﻳﺠﻴﺒﻠﻪ ﻣﺮﻳﺔ ﺣﻠﻮﺓ .. ﺧﺎﺏ ﺳﺄﻟﻴﻨﻲ ﻋﻠﻰ ﻛﻮﻟﺖ ﺑﻴﺒﻲ ﻭﻟﺪ ﺍﻟﻤﺴﻤﻮﻃﻴﻦ ﻣﻴﻈﻠﻮﻥ ﺑﺪﻭﻥ ﻣﺮﺓ ﻫﻬﻬﻬﻬﻬﻬﻪ ﻣﺎﻳﻜﺪﺭﻭﻥ ﻋﻠﻰ ﺍﻝ .......
ﺣﻮﺭﺍﺀ ﻛﺎﻃﻌﺘﻬﺎ : ﺍﺗﻜﻮﻣﻴﻦ ﻣﻦ ﻳﻤﻲ ﻟﻮ ﺍﻃﻠﻊ ﺍﻟﻀﻴﻢ ﺑﻴﺞ ﻭﺍﻟﻠﻪ ﺗﺮﺍ ﺑﺎﻟﻘﻨﺪﺭﺓ ﻣﺎﻟﺘﺞ ﻭﺍﻏﺴﻠﺞ ﻏﺴﻠﺔﺍﻳﺔ : ﻫﻬﻬﻬﻬﻬﻬﻬﻪ ﻭﻳﻦ ﺑﻴﺒﻲ ﻋﻨﺞ ﻛﻮﻥ ﺗﺎﻛﻠﺞ ﺑﻜﺸﻮﺭﺝ ﺍﻛﻞ .. ﻭﻫﺎﺍﺍ ﻣﻮﺩﻋﺞ ﺍﻟﻤﺴﻜﻴﻦ ﻗﺒﻞ ﻻ ﺗﺠﻴﻦ ﻭﺗﻜﻮﻝ ﻳﻜﺮﻫﻨﻲ ﺧﺎﻳﺒﺔ ﺍﻟﺮﻛﺒﺔ ﻣﻨﻮ ﻣﺴﻮﻳﻬﺎ ﺧﺮﺍﻳﻂ ﻫﻴﺞ
ﺣﻮﺭﺍﺀ ﻏﻄﺖ ﺭﻛﺒﺘﻬﺎ ﻋﻨﻬﺎ ﻭﺗﺬﻛﺮﺕ ﺗﻌﻨﻴﻔﻪ ﺑﻴﻬﺎ : ﻋﺰﺯﺍﺍﺍﺍ ﻭﺍﻟﻠﻪ ﺍﻧﺘﻲ ﻭﻻ ﺗﺴﺘﺤﻴﻦ ﻛﻠﺶ ﻣﺨﺮﺑﺘﺞ ﺑﻴﺒﻲ ﺑﺴﻮﺍﻟﻔﻬﺎ ﻭﻓﺸﺎﻳﺮﻫﺎ
ﺍﻳﺔ ﺧﺮﺑﺖ ﺿﺤﻚ : ﻭﻳﻨﻬﺎ ﻛﻮﻥ ﺍﻟﻠﻪ ﺑﺎﺟﺮ ﻳﺠﻴﺒﻬﺎ ﺑﺎﺑﺎ ﺍﻟﻨﻪ ﻫﻬﻬﻬﻬﻪ
ﺣﻮﺭﺍﺀ : ﺷﻮﻑ ﻫﺎﻱ ﺷﻜﺪ ﺑﻄﺮﺍﻧﺔ ﻭﺗﻀﺤﻚ ﻭﺑﻜﻠﺒﻲ ﻧﺎﺍﺍﺭ .. ﻭﻻ ﺣﺰﻳﻨﺔ ﻋﻠﻴﻪ ﺭﺍﺡ ﺍﻃﻠﻚ ﻭﻋﻨﺪﻱ ﺟﻬﺎﻝ ﻳﺸﺘﺘﻮﻥ ﺑﻴﻨﻪ
ﺍﻳﺔ : ﻭﻋﻠﻴﻤﻦ ﺍﺣﺰﻥ ﻣﻨﻮ ﻣﻴﺖ .. ﻻ ﺍﻭﻝ ﻭﻻ ﺍﺧﺮ ﻭﺣﺪﺓ ﺗﺘﻄﻠﻚ .. ﻫﻮ ﺍﻧﻪ ﺍﻳﻤﻨﻮ ﻓﻄﺲ ﻣﺎﺣﺰﻧﺖ ﻭﻛﻀﻴﺖ ﺍﻟﻔﺎﺗﺤﺔ ﺳﻮﺍﻟﻒ ﺑﺎﻟﻠﻴﻞ ﻭﺟﻤﻌﺔ ﺑﻨﺎﺕ ﻫﻬﻬﻬﻬﻪ ﻭﻧﺎﺳﺔ ﺍﻧﺘﻈﺮ ﻋﺒﻴﺲ ﻳﻤﻮﺕ ﻫﻬﻬﻬﻬﻬﻬﻬﻪ
ﺣﻮﺭﺍﺀ ﺣﺰﻧﺖ ﻟﺴﻴﺮﺗﻪ : ﺍﻟﻠﻪ ﻻ ﻳﺮﺣﻤﻪ ﻭﻛﻮﻥ ﻳﺨﺴﻒ ﻗﺒﺮﻩ ﺑﻲ ﺍﻟﻌﺎﺭ .. ﻣﻴﺴﺘﺎﻫﻞ ﻳﻤﻮﺕ ﺣﺘﻰ ﻛﻮﻥ ﻫﻴﺞ ﻳﺒﻘﻪ ﻣﻌﻠﻌﻞ ﻭﻻ ﺣﻮﻝ ﻻ ﻗﻮﺓ ﻭﻳﺘﻌﺬﺏ ﻛﻞ ﻳﻮﻡ
ﺍﻳﺔ ﻣﺎﺗﺪﺭﻱ ﺷﻨﻲ ﺍﻟﺴﺎﻟﻔﺔ ﺑﺲ ﻋﺒﺎﻟﻬﺎ ﻋﻠﻰ ﺍﻟﻮﺿﻊ ﺍﻟﻲ ﻟﻜﻮﻩ ﺑﻲ ...
ﺍﻳﺔ : ﻭﻟﺞ ﺷﺒﻴﺞ ﻫﻮ ﻫﺴﺔ ﻣﺸﻌﻮﻃﻴﻨﻪ ﺍﺷﻌﻮﻁ ﻣﻨﻜﺮ ﻭﻧﻜﻴﺮ ﻭﺯﺑﺎﻧﻴﺔ ﺟﻬﻨﻢ ﻫﻬﻬﻬﻬﻪ ... ﺍﺳﺘﻐﻔﺮ ﺍﻟﻠﻪ ﺍﻟﻠﻬﻢ ﻻ ﺷﻤﺎﺗﻪ .. ﺣﻮﺭﻭ ﻭﻟﺞ ﻻ ﺍﺩﻋﻴﻦ ﺧﺎﻑ ﻳﻄﻴﺢ ﺑﺠﻬﺎﻟﺞ
ﺣﻮﺭﺍﺀ : ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ .. ﻋﻠﻰ ﻛﻞ ﻇﺎﻟﻢ ﻭﻳﻈﻠﻢ ﺑﻨﻴﺔ ﺑﺮﻳﺌﺔ ﻋﺴﺎﻫﺎ ﺑﺤﻀﻪ ﻭﺑﺨﺘﻪ ﻭﻳﺪﻣﺮﻩ ﻛﻮﻥ ﺍﻟﻲ ﺗﺪﻧﻪ ﻧﻔﺴﻪ ﺑﺒﻨﻴﺔ ﺑﺮﻳﺌﺔ .. ﻭﺩﻣﻮﻋﻬﺎ ﻃﺎﺣﻦ ﺑﺤﺮﻛﺔ ﻛﻠﺐ ....
ﺍﻳﺔ : ﻋﻴﻨﻲ ﻫﻲ ﺍﻟﻲ ﻟﻜﻮﻫﺎ ﻭﻳﺎﻩ ﻛﺢ ..... ﻭﺍﻧﻄﺖ ﺭﻭﺣﻬﺎ ﺍﻟﻪ ﻟﻮ ﻣﺎ ﻛﻮﺍﺩﻩ ﻣﺎﺗﺨﻮﻥ ﺷﺮﻓﻬﺎ ﻭﺍﻫﻠﻬﺎ ﺑﻬﻴﺞ ﻭﺍﺣﺪ ﻋﺎﺭ ﻣﺜﻞ ﺍﻳﻤﻨﻮ
ﺣﻮﺭﺍﺀ ﺑﺪﻣﻮﻉ : ﺳﺪﻱ ﺍﻟﺴﻴﺮﺓ ﻭﺍﻟﻠﻪ ﻛﻠﺒﻲ ﻳﻮﺟﻌﻨﻲ
ﺍﻳﺔ : ﺗﺪﺭﻳﻦ ﺳﻜﻴﻨﻪ ﺍﺧﺘﻲ ﻫﻢ ﺭﺍﺡ ﻳﻄﻠﻜﻬﺎ ﺍﺑﻮﻱ
ﺣﻮﺭﺍﺀ : ﻫﺬﺍ ﺯﻭﺟﻬﺎ ﺑﻌﺪﻩ ﻣﺎﻧﻌﺪﻝ ﻣﻦ ﻛﺒﺮ ﻟﻬﻴﺞ ﺷﻜﻮﻝ .. ﻭﻋﻮﺩ ﻫﻮ ﺍﺑﻦ ﻋﻤﻬﺎ ﺗﻒ ﻋﻠﻰ ﻫﻴﺞ ﺍﻭﻻﺩ ﻋﻢ ﻃﺎﺡ ﺣﻈﻬﻢ .. ﺧﻞ ﺗﻄﻠﻚ ﺍﺣﺴﻦ ﺍﻟﻬﺎ ﺍﺷﻮ ﻻ ﻃﻔﻞ ﻻ ﺣﺐ ﻭﻻ ﻣﻌﺎﻣﻠﺔ ﺯﻳﻨﺔ ﺷﻌﺪﻫﺎ ﺑﺎﻗﻴﺔ
ﺍﻳﺔ : ﻋﻤﻲ ﻣﺎﻳﻘﺒﻞ ﻳﻜﻞ ﺍﻧﻪ ﺍﺣﺎﺟﻲ ﻣﻴﻘﺒﻞ ﺳﻜﻴﻨﻪ ﺗﺘﺮﻛﻬﻢ ﻭﻳﻜﻮﻝ ﺍﻧﻪ ﺍﻗﻨﻌﻪ ﻳﻌﺎﻟﺞ ﺑﻠﻜﻲ ﻳﺼﻴﺮ ﻃﻔﻞ ﻋﺪﻫﻢ
ﺣﻮﺭﺍﺀ ﺑﻘﻬﺮ : ﺍﻭﻭﻑ ﺍﻟﻄﻔﻞ ﺭﺍﺡ ﻳﻘﻴﺪﻫﻢ .. ﺗﻌﻮﻑ ﻛﻠﺸﻲ ﻣﻦ ﻫﺴﺔ ﺍﺣﺴﻦ ﺍﻟﻬﺎ ﻭﻣﺎﻋﺪﻫﺎ ﻃﻔﻞ ...
ﺑﻘﺖ ﺍﻳﺔ ﻳﻢ ﺣﻮﺭﺍﺀ ﻭﺗﺴﺎﻋﺪﻫﺎ ﺑﺎﻟﺠﻬﺎﻝ ﻭﻛﻠﻤﺎ ﺗﺒﺠﻲ ﺣﻮﺭﺍﺀ ﻣﺘﺨﻠﻴﻬﺎ ﻭﺗﺤﺠﻴﻠﻬﺎ ﺣﺠﻲ ﺗﺨﻠﻲ ﺣﻮﺭﺍﺀ ﻏﺼﺐ ﺗﻌﻮﻑ ﺍﻟﺒﺠﻲ ...ﺣﻮﺭﺍﺀ ﻛﻞ ﻣﺎﺗﻐﻔﻪ ﺗﻔﺰ ﻭﻫﻲ ﺣﻠﻤﺎﻧﺔ ﺑﻬﺸﺎﻡ ﻳﺠﻴﻬﺎ ﻭﻳﺎﺧﺬﻫﺎ ﺑﻬﺎﻟﺴﺎﻋﺔ .. ﻭﺗﻜﻮﻝ ﺍﻭﻭﻭﻑ ﺷﻴﺨﻲ ﺷﻜﻠﻲ ﺭﺍﺡ ﺍﻇﻞ ﻭﻳﺎﻙ ﺑﺎﻷﺣﻼﻡ ﻃﻮﻝ ﻋﻤﺮﻱ ...
ﻳﻮﻡ ﺛﺎﻧﻲ ﺍﻟﺼﺒﺢ ﺣﻮﺭﺍﺀ ﺗﻜﻌﺪ ﻳﻤﻬﻢ ﺑﺲ ﺭﻭﺣﻬﺎ ﻭﻛﻠﺒﻬﺎ ﻫﻨﺎﻙ ﻳﻢ ﺍﺑﻮ ﺟﻬﺎﻟﻬﺎ ﻭﺣﺒﻴﺒﻬﺎ ... ﺍﻟﺠﻬﺎﻝ ﻣﻴﺨﻠﻮﻫﻢ ﺑﺎﻷﺭﺽ ﺍﺑﺪﺍ ﻭﻣﺘﻮﻧﺴﻴﻦ ﻋﻠﻴﻬﻢ ﺍﺧﻮﺍﻧﻬﺎ ﺍﻟﺼﻐﺎﺭ ...
ﻭﺣﺘﻰ ﺯﻭﺟﺎﺕ ﺍﺑﻮﻫﺎ ﻭﺍﻣﻬﺎ ﻭﺍﺑﻮﻫﺎ ﻳﺤﺒﻮﻥ ﺟﻬﺎﻟﻬﺎ .. ﻫﻨﻮﺏ ﺻﺎﻳﺮ ﻋﺪﻫﻢ ﺧﺪﻭﺩ ﻭﻛﻞ ﺧﺪ ﻳﻨﻜﺮﻁ ﻛﺮﻁ ﻛﺪ ﻣﺎ ﺍﺣﻤﺮ .. ﻧﻔﺲ ﺍﺑﻮﻫﻢ ﻃﺎﻟﻌﻴﻦ ﺑﻜﻠﺸﻲ ...
ﺑﻴﻀﺎﻥ ﻭﻋﻴﻮﻧﻬﻢ ﻋﻠﻰ ﻛﺮﺍﺭ ﺻﻔﺮ ﻭﺍﻟﺨﺪﻭﺩ ﺣﻤﺮ .. ﺧﺼﻮﺹ ﺍﻟﺒﻨﺎﺕ ﻳﺨﺒﻠﻦ ﺻﺎﻳﺮﺍﺕ ... ﻭﻛﻠﻤﺎ ﺗﺒﺎﻋﻠﻬﻢ ﺗﺬﻛﺮﻩ ﺑﻴﻬﻢ ... ﻭﺗﻜﻮﻝ ﻋﻠﻰ ﺍﻷﻗﻞ ﻋﻨﺪﻱ ﺫﻛﺮﻯ ﻣﻨﻚ 3 ﻣﻮ ﻭﺍﺣﺪ .....
ﻣﺮ ﺍﻟﻴﻮﻡ ﻛﻠﺶ ﺣﺰﻳﻦ ﻋﻠﻰ ﺣﻮﺭﺍﺀ ﻭﺷﻌﻮﺭ ﺍﻟﻐﺮﺑﺔ ﻣﻮﺗﻬﺎ .. ﻭﺑﺎﻟﺠﻬﺔ ﺍﻟﺜﺎﻧﻴﺔ ﻫﺸﺎﻡ ﻣﻦ ﺭﺍﺣﺖ ﻭﻫﻮ ﻛﻠﻪ ﻛﺎﻋﺪ ﺑﺤﺪﻩ ﻭﺻﺪﺍﻉ ﻣﻮﺗﻪ .. ﻇﻐﻄﻪ ﻛﻠﻪ ﺟﺎﻱ ﻳﺮﺗﻔﻊ ...
ﺷﻌﻮﺭ ﺍﻟﻐﺮﺑﺔ ﻭﺍﻟﻘﻬﺮ ﺍﻟﻲ ﺑﻜﻠﺒﻪ ﻣﺎﻳﻨﻮﺻﻒ .. ﻭﻛﻞ ﺯﻭﺍﻳﺎ ﺍﻟﺒﻴﺖ ﻳﺸﻮﻑ ﻭﺟﻬﻬﺎ ...
ﻭﻣﺮﺕ ﺍﻷﻳﺎﻡ ﺻﻌﺒﺔ ﻋﻠﻰ ﺣﻮﺭﺍﺀ ﻭﻫﺸﺎﻡ .. ﻭﻃﻠﻜﻮ ﻃﻼﻙ ﺷﻴﺦ ﻭﺣﻮﺭﺍﺀ ﺑﻴﻮﻣﻬﺎ ﺍﻧﻬﺎﺭﺕ ﺑﺎﻟﺒﺠﻲ ﻭﺣﺘﻰ ﺟﻬﺎﻟﻬﺎ ﻣﺎﺩﺭﺕ ﻋﻨﻬﻢ ...
ﻭﺑﻌﺪﻫﺎ ﺧﻠﺼﺖ ﺍﻟﻌﺪﺓ 3 ﻗﺮﻭﺀ .. ﻳﻌﻨﻲ 3 ﺩﻭﺭﺍﺕ ﺷﻬﺮﻳﺔ ﻭﺗﺨﻠﺺ ﻋﺪﺗﻬﺎ ....
ﻭﺍﻃﻠﻜﻮ ﻃﻼﻙ ﻣﺤﻜﻤﺔ .. ﻫﻤﻪ ﻋﻘﺪﻭ ﻣﺤﻜﻤﺔ ﻣﻦ ﺯﻣﺎﻥ .. ﻟﺰﻣﺖ ﻋﻘﺪ ﺍﻟﻄﻼﻙ ﻟﻮ ﺻﺎﺭﺕ ﺍﻟﺪﻧﻴﺎ ﺳﻮﺩﺓ ﺑﻌﻴﻨﻬﺎ ... ﻭﻃﺎﺣﺖ ﻋﻠﻴﻬﻢ ﻭﻳﻮﻡ ﻛﺎﻣﻞ ﺻﺨﻮﻧﺔ ﻭﺑﺎﻟﻤﺴﺘﺸﻔﻰ ...
ﻫﺸﺎﻡ ﻛﻠﺶ ﻇﻐﻄﻪ ﻳﺮﺗﻔﻊ ﻭﻫﻢ ﻛﺮﺍﺭ ﻛﻞ ﻟﻴﻠﺔ ﻣﺎﺧﺬﻩ ﻟﻠﻄﻮﺍﺭﺉ ﻭﻳﻀﻮﺝ ﻭﺳﺄﻝ ﺍﺑﻮﻩ ﻛﻠﻪ ﻟﻴﺶ ﺗﺨﻠﻴﺖ ﻋﻨﻬﻢ ﻳﺎﺑﻪ ﺟﻬﺎﻟﻚ ﻟﻴﺶ ....
ﻛﻠﻪ ﻛﺮﺍﺭ ﺑﻮﻳﻪ ﺍﻟﻲ ﺑﻴﻨﻪ ﺧﻠﻲ ﻟﻠﻪ ﺑﺲ ﻫﻮ ﻳﻌﻠﻢ ﺑﻲ ...
ﻭﺍﻟﻤﺸﻜﻠﺔ ﺣﺎﺯﻡ ﻣﻦ ﻗﺮﺍ ﻫﺎﻟﺮﺳﺎﻟﺔ ﻭﻋﺮﻑ ﺳﺎﻟﻔﺘﻪ ﻟﻬﺸﺎﻡ ﻭﻳﻪ ﺣﻮﺭ ﻭﻟﻴﺶ ﻃﻠﻚ ﻣﺮﺗﻪ ﻭﻋﺎﻑ ﺟﻬﺎﻟﻪ .. ﻭﺗﺬﻛﺮ ﻟﻴﺶ ﻫﺸﺎﻡ ﻣﺮﺓ ﺻﻮﺏ ﺍﻳﻤﻦ ﺑﻴﺪﻩ ﻭﺭﺟﻠﻪ ... ﻭﻣﺘﻌﺮﺽ ﻟﻤﺮﺗﻪ ﺑﺎﻟﻤﺪﺭﺳﺔ ...
ﻭﻇﻞ ﻳﺮﺑﻂ ﺷﻲ ﺑﺸﻲ ﻭﺗﻮﺻﻞ ﻟﻠﻲ ﺍﺑﺎﻟﻪ ﺑﺲ ﻳﻜﻮﻝ ﺍﻟﻠﻪ ﻳﻨﺘﻘﻢ ﻣﻦ ﻫﻴﺞ ﺍﺑﻦ ﻋﻢ ﻣﻬﻤﺎ ﻳﻜﻮﻥ ﺍﻟﻲ ﺻﺎﻳﺮﻟﻬﺎ ﻣﻨﻪ .. ﻭﻳﻨﻘﻬﺮ ﻋﻠﻰ ﻫﺸﺎﻡ ﺻﺤﺘﻪ ﺍﺩﻫﻮﺭﺕ ...
ﻭﻣﺎﺷﻚ ﺑﺸﺮﻓﻬﺎ ﻟﺤﻮﺭﺍﺀ ﻟﺤﻈﺔ ﺑﺲ ﺍﻟﻲ ﻓﻬﻤﻪ ﺍﻛﻮ ﺣﺎﺟﺰ ﺑﻴﻨﻬﻢ ﻫﻲ ﻭﻫﺸﺎﻡ ﺍﻟﻲ ﺗﺮﻛﻬﺎ ﻭﻳﺘﻤﻨﻪ ﺟﺎﻥ ﻳﺘﺮﺍﺟﻊ ﻋﻦ ﻗﺮﺍﺭ ﺍﻟﻔﺼﻞ ﺑﻴﻨﻬﻢ ﺑﺲ ﻫﺎﻱ ﺍﻟﻤﻜﺘﻮﺏ ....
ﻭﻣﺮﺕ ﺍﻳﺎﻡ ﻭﺍﻳﺎﻡ ﻭﺣﻮﺭﺍﺀ ﺭﺟﻌﺖ ﻟﻬﻤﻬﺎ ﻭﺗﺸﺘﺎﻕ ﻟﻬﺸﺎﻡ ﻛﻞ ﻟﻴﻠﺔ ﻭﺗﺤﻠﻢ ﺑﻲ ﺑﺲ ﺗﻐﻔﻪ ﻭﻣﺎﻳﻔﺎﺭﻙ ﺧﻴﺎﻟﻬﺎ ... ﻭﺩﻭﻡ ﺗﺘﺨﻴﻞ ﻳﺠﻴﻬﺎ ﻭﻳﻜﻠﻬﺎ ﺭﺟﻌﻴﻠﻲ .. ﻳﻌﺬﺑﻬﺎ ﻫﺎﻟﻄﻴﻒ ﻛﻞ ﻟﻴﻠﺔ ...
ﻣﺎﺷﺎﻓﺘﻪ ﻣﻦ ﻳﻮﻡ ﺑﺎﻟﻤﺤﻜﻤﺔ .. ﻭﺟﻬﺎﻟﻪ ﻛﻞ ﺍﺳﺒﻮﻉ ﻳﺎﺧﺬﻭﻧﻬﻢ ﺍﻟﻬﻢ ﻭﻳﺒﻘﻮﻥ ﻳﻮﻡ ﻛﺎﻣﻞ ﻫﻨﺎﻙ ﻭﺣﻮﺭﺍﺀ ﺗﺘﺨﺒﻞ ﻳﻮﻡ ﺑﺪﻭﻧﻬﻢ ﻣﺎﺗﻜﺪﺭ ﺗﻔﺎﺭﻛﻬﻢ ...
ﻭﺍﺑﻮﻫﺎ ﻛﻄﻊ ﻋﻼﻗﺘﻪ ﺑﻬﺸﺎﻡ ﻧﻬﺎﺋﻴﺎً ﻭﻣﻴﺘﻮﺍﺻﻞ ﻭﻳﺎﻩ ﻭﻫﺎﻟﺸﻲ ﻣﻔﺮﺡ ﺍﺧﻮﻩ ﺍﺑﻮ ﺳﻼﻡ ﺍﻟﻲ ﻫﻮ ﺍﺑﻮ ﻧﺴﻤﻪ ...
ﺣﻮﺭﺍﺀ ﻣﺎﻛﻄﻌﺖ ﻋﻼﻗﺘﻬﺎ ﺑﻨﺴﻤﺔ ﻭﺭﻗﻴﺔ ﻭﺗﺤﺎﺟﻴﻬﺎ ﺑﺎﻟﺘﻠﻔﻮﻥ ﻭﻣﺎﺗﺠﺮﺃ ﺣﻮﺭﺍﺀ ﺗﺴﺄﻟﻬﺎ ﻋﻦ ﻫﺸﺎﻡ ﻛﻠﺒﻬﺎ ﻳﻨﻠﺠﻢ ﻭﺗﻤﻮﺕ ﺣﺴﺮﺓ ... ﻭﻛﺎﺿﻴﺘﻬﺎ ﺑﺠﻲ ﻭﻗﻬﺮ .....
ﻭﻋﺒﺎﺱ ﺭﺟﻊ ﻟﻌﻤﻪ ﻃﻠﺐ ﺣﻮﺭﺍﺀ ﻛﻠﻪ ﻣﺎﺗﺴﺘﺤﻲ ﺑﻌﺪ ﺳﻮﺍﻳﺘﻚ ﺑﻴﻮﻡ ﺯﻭﺍﺟﻬﺎ ﺗﺠﻲ ﺗﻄﻠﺒﻬﺎ ﻭﻫﻲ ﺗﻮﻫﺎ ﻣﻄﻠﻜﻪ .. ﻛﻠﻪ ﺑﺘﻲ ﺣﻮﺭﺍﺀ ﻟﻮ ﺗﻤﻮﺕ ﻣﺎﻧﻄﻴﻬﺎ ﺍﻟﻚ ...ﻋﺒﺎﺱ ﻛﻠﻪ ﻋﻤﻲ ﺍﻧﻄﻴﻨﻲ ﻓﺮﺻﺔ ﺍﺗﻐﻴﺮﺕ ﻭﺍﻟﻠﻪ ﻣﻦ ﺑﻌﺪ ﺳﺎﻟﻔﺔ ﺍﻳﻤﻦ ﺗﻐﻴﺮﺕ ﻭﺻﺮﺕ ﺍﻣﺸﻲ ﻋﺎﻟﺼﺮﺍﻁ ﺍﻟﻤﺴﺘﻘﻴﻢ ... ﺑﺲ ﻫﻢ ﺭﻓﻀﻪ ﻋﻤﻪ ...
ﻋﺒﺎﺱ ﻳﻜﻞ ﻻﻫﻠﻪ ﺍﺭﻳﺪ ﺣﻮﺭﺍﺀ ﺣﺘﻰ ﻟﻮ ﻋﺪﻫﺎ ﺟﻬﺎﻝ ﻣﻮ ﻣﺸﻜﻠﺔ ﺍﺭﻳﺪﻫﺎ ﻭﻳﻜﻞ ﻻﺑﻮﻩ ﺳﺎﻋﺪﻧﻲ ﻭﻗﻨﻊ ﻋﻤﻲ ﻳﻨﻄﻴﻬﺎ ﺍﻟﻲ ...
ﻭﺍﻣﻪ ﺗﻜﻠﻪ ﺑﻌﺪ ﺷﻠﻚ ﺑﻴﻬﺎ ﺗﺰﻭﺟﺖ ﻭﺍﻃﻠﻜﺖ ﻭﻋﺪﻫﺎ 3 ﺟﻬﺎﻝ .. ﻳﻜﻠﻬﻢ ﻟﻮ ﻋﺸﺮﺓ ﻋﺪﻫﺎ ﺍﺭﻳﺪﻫﺎ ﻭﻣﺎﺭﺍﺡ ﺍﻳﺄﺱ ...
ﻭﻫﻲ ﺳﻤﻌﺖ ﺧﺎﻃﺒﻬﺎ ﻋﺒﺎﺱ ﻟﻌﺒﺖ ﺭﻭﺣﻬﺎ .. ﻫﻲ ﻣﺎﺗﻔﻜﺮ ﻏﻴﺮ ﺑﻬﺸﺎﻡ ﻭﺑﺲ ﻭﺭﻭﺣﻬﺎ ﺗﺘﻌﺬﺏ ﺑﻔﺮﺍﻛﻪ ﻭﻣﻴﺘﻪ ﻭﺷﺎﺑﻌﻪ ﻏﺮﺑﻪ ...
ﻋﻤﺮ ﺍﻟﺠﻬﺎﻝ ﺻﺎﺭ ﺧﻤﺲ ﺍﺷﻬﺮ ﻭﺻﺎﻳﺮﻳﻦ ﻳﺨﺒﺸﻮﻥ ﻣﻦ ﺍﻟﺠﻤﺎﻝ ﺷﻠﻮﻥ ﺗﻼﺛﺔ ﻭﻛﻠﻪ ﺗﻠﺒﺴﻬﻢ ﻧﻔﺲ ﺍﻟﺸﻲ ﻭﻳﺼﻴﺮﻭﻥ ﻳﻨﻜﺮﻃﻮﻥ ﺻﺪﻙ ﺟﻤﺎﻻﺕ ...
ﻛﻞ ﺍﻟﺒﻴﺖ ﻣﺘﺨﺒﻠﻴﻦ ﻋﻠﻴﻬﻢ ﻭﻣﻦ ﻳﺮﺣﻮﻥ ﻳﻮﻡ ﻛﺎﻣﻞ ﺑﻴﺖ ﻫﺸﺎﻡ ﻳﻀﻮﺟﻮﻥ ﻳﺼﻴﺮ ﻋﺪﻫﻢ ﻓﺮﺍﻍ .. ﻃﺒﻌﺎ ﺍﻡ ﻫﺸﺎﻡ ﻫﻲ ﺗﺠﻲ ﺗﺎﺧﺬﻫﻢ ﻭﻳﻪ ﻫﺸﺎﻡ ﻭﻳﺮﺟﻌﻬﻢ ﺍﻟﻤﻐﺮﺏ ...
ﻭﻣﻦ ﻳﺠﻴﺒﻬﺎ ﻭﻟﻤﻦ ﺗﺠﻲ ﺍﻟﺤﺠﻴﺔ ﻭﺗﺼﻌﺪ ﺍﻟﺴﻴﺎﺭﺓ ﻳﻜﻌﺪ ﻳﺘﺄﻣﻞ ﺍﻟﺒﻴﺖ ﻭﺍﻟﻲ ﺳﺎﻛﻨﻪ ﺩﺍﺧﻠﻪ ﻳﺘﻤﻨﻪ ﻟﻤﺤﺔ ﻃﻮﻟﻬﺎ ﺑﺲ ﻣﺸﺘﺎﺍﺍﺍﺍﺍﻕ ...
ﺑﺲ ﻟﻸﺳﻒ ﺗﺘﺒﺨﺮ ﺁﻣﺎﻟﻪ .. ﻭﻳﻈﻞ ﺑﺲ ﻳﺎﺧﺬ ﻧﻔﺲ ﻣﻦ ﺍﻟﻬﻮﻯ ﺍﻟﻲ ﺣﻮﺍﻟﻴﻬﺎ ... ﻭﻣﺮﺍﺕ ﻳﺨﺎﺑﺮ ﻋﻠﻴﻬﺎ ﺑﺤﺠﺔ ﻳﺴﺄﻟﻬﺎ ﻋﺎﻟﺠﻬﺎﻝ ﻭﺍﻟﻲ ﻳﺮﺩ ﻋﻠﻴﻪ ﺍﻣﻬﺎ ﻣﺎﺗﺮﺩ ﻫﻲ ﻣﻦ ﺗﺸﻮﻑ ﺍﺳﻤﻪ ﺍﻇﻞ ﻛﻞ ﺧﻠﻴﺔ ﺑﺠﺴﻤﻬﺎ ﺗﺮﺟﻒ ...
ﻭﻫﻢ ﻣﺘﺄﻣﻞ ﻳﺴﻤﻊ ﺻﻮﺗﻬﺎ ﺑﺲ ﻫﻤﻴﻦ ﻳﺨﻴﺐ ﻇﻨﻪ ﻭﻳﻀﻮﺝ ...
ﻓﺪ ﻳﻮﻡ ﺍﺧﺬﺗﻬﺎ ﺍﻣﻬﺎ ﻟﺒﻴﺖ ﺟﺪﻫﺎ ﺍﺑﻮ ﺍﻣﻬﺎ ﻣﻦ ﺯﻣﺎﻥ ﻣﺎﺗﺮﻭﺡ ﺻﺎﺭ ﺳﻨﻴﻦ ﺟﺎﻥ ﺍﺑﻮﻫﻢ ﻣﻴﻘﺒﻞ ﺑﻨﺎﺗﻪ ﻳﺮﺣﻦ ﻫﻨﺎﻙ ﻋﺪﻫﻢ ﻭﻟﺪ ﺧﻮﺍﻟﻬﻢ ﺷﺒﺎﺏ ...
ﻟﺬﻟﻚ ﺭﻭﺣﺎﺗﻬﻢ ﻗﻠﻴﻞ ﻟﻬﻨﺎﻙ .. ﻭﺑﻬﺬﺍ ﺍﻟﻴﻮﻡ ﺍﻣﻬﺎ ﻗﻨﻌﺖ ﺍﺑﻮﻫﻢ ﺗﺎﺧﺬﻫﻢ ﻭﺑﻴﻮﻣﻬﺎ ﺷﺎﻓﻬﺎ ﺍﺑﻦ ﺧﺎﻟﻬﺎ ﺍﻟﺠﺒﻴﺮ .. ﻭﻣﺎﺻﺪﻙ ﻫﺎﻱ ﺣﻮﺭﺍﺀ ﻭﻳﻜﻮﻝ ﻣﺘﻐﻴﺮﺓ ...
ﻭﺻﺎﻳﺮﺓ ﺣﻠﻮﺓ ﺟﺎﻧﺖ ﺻﻐﻴﺮﺓ ﺳﻤﺮﺓ ﻭﻣﺤﻠﻮﺓ ﺑﺲ ﻫﺴﺔ ﺷﻨﻲ ﺻﺎﻳﺮﺓ ﺗﻔﺘﺖ ﺍﻟﺼﺨﺮ ﺑﺠﻤﺎﻟﻬﺎ ....
( ﻫﻲ ﺣﻠﻮﺓ ﺻﺎﻳﺮﺓ ﻭﻛﺒﺮﺕ ﺑﺲ ﻟﺘﺒﺎﻟﻎ ﻛﻠﺶ ﺑﺎﺳﻢ ...😏
ﺑﺎﺳﻢ : ﻳﺎﺑﻪ ﺑﻌﻠﻲ ﺗﺨﺒﻞ )
ﻭﺑﻌﺪ ﻓﺘﺮﺓ ﺟﺎﻥ ﻳﻜﻮﻝ ﺑﺎﺳﻢ ﻷﻣﻪ ﻳﻤﻪ ﺍﺭﻳﺪ ﺣﻮﺭﺍﺀ ﺧﻄﺒﻴﻬﺎ ﺍﻟﻲ .. ﻛﻠﺘﻠﻪ ﺍﻣﻪ ﻳﻤﻪ ﻣﻄﻠﻜﻪ ﻭﻋﺪﻫﺎ ﺟﻬﺎﻝ 3 ﺗﻮﺍﺋﻢ ﻣﺎﺗﺪﺭﻱ ...
ﻭﻛﻠﻬﺎ ﻫﻲ ﺍﺻﻐﺮ ﻣﻨﻲ ﺑﺨﻤﺲ ﺳﻨﻮﺍﺕ ﻫﺎﻱ ﺷﻮﻛﺖ ﺍﺯﻭﺟﺖ ﻭﻣﺎﺩﺭﻱ ﻭﺷﻮﻛﺖ ﻟﺤﻜﺖ ﺟﺎﺑﺖ 3 ﺟﻬﺎﻝ ﻭﺷﻮﻛﺖ ﺍﻃﻠﻜﺖ ﺷﻨﻲ ﻫﺎﻱ ...ﻛﻠﺘﻠﻪ ﻳﻤﻪ ﻭﻳﻦ ﻧﺎﻳﻢ ﺍﻧﺘﻪ ﺑﻴﺎ ﻋﺎﻟﻢ ﻫﺎﻱ ﺍﺑﻮﻫﺎ ﺯﻭﺟﻬﺎ ﻟﺸﻴﺦ ﻭﻫﺴﺔ ﻣﺎﺗﻔﺎﻫﻤﻮ ﻫﻮ ﺍﻛﺒﺮ ﻣﻨﻬﺎ ﻭﺍﻃﻠﻜﻮ ....
ﻛﻠﻬﺎ ﻫﺎﻱ ﻣﻨﻴﻦ ﻛﻞ ﻫﺎﻟﻤﻌﻠﻮﻣﺎﺕ ﺗﺠﻴﺒﻴﻬﻦ ﻳﻤﻪ .. ﻛﻠﺘﻠﻪ ﻋﻤﺘﻚ ﺯﻣﺰﻡ ﺍﺳﻮﻟﻔﻠﻲ ﻳﻤﻪ ...
ﻛﻠﻬﺎ ﺍﻟﺨﻼﺻﺔ ﻳﻤﻪ ﻳﻌﻨﻲ ﻋﻤﻲ ﺍﺑﻮ ﺣﻤﺰﺓ ﻣﻴﻨﻄﻴﻬﺎ ﺍﻟﻲ ﺍﺫﺍ ﺍﻃﻠﺒﻬﺎ .. ﻛﻠﺘﻠﻪ ﻭﺟﻬﺎﻟﻬﺎ ﻭﻟﻚ ﻭﺍﻧﺖ ﺑﻌﺪﻙ ﻻ ﺍﺯﻭﺟﺖ ﻭﻻ ﺷﻲ ...
ﻛﻠﻬﺎ ﻭﺍﺫﺍ ﻳﻤﻪ ﻫﺬﺍ ﻣﻮ ﻣﺎﻧﻊ .. ﻫﻲ ﺑﺖ ﻋﻤﺘﻲ ﻭﺍﺭﻳﺪﻫﺎ ﻭﺟﻬﺎﻟﻬﺎ ﺑﻌﺪﻫﻢ ﺻﻐﺎﺭ ﺍﺭﺑﻴﻬﻢ ﺷﻨﻮ ﻳﻌﻨﻲ ... ﻗﺎﺑﻞ ﺗﺘﺨﻠﻰ ﻋﻨﻬﻢ ﺍﻛﻴﺪ ﻣﺎﺗﻌﻮﻓﻬﻢ ﺟﻬﺎﻟﻬﺎ ...
ﻛﻠﺘﻠﻪ 3 ﻣﻮ ﻭﺍﺣﺪ ﺷﻨﻮ ﺗﺮﺑﻴﻬﻢ ﻭﺷﻨﻮ ﺗﺒﻠﻲ ﻧﻔﺴﻚ ﺑﻤﺴﺆﻟﻴﺔ ﺟﻬﺎﻝ ﻣﻮ ﺟﻬﺎﻟﻚ .. ﻛﻠﺘﻠﻪ ﺳﺪ ﺍﻟﺴﻴﺮﺓ ﻭﻻ ﺗﻔﺘﺤﻬﺎ ﺍﺑﺪ ﻭﻻ ﻳﺴﻤﻊ ﺍﺑﻮﻙ ...
ﻭﺑﺎﺳﻢ ﺣﻄﻬﺎ ﺑﺮﺍﺳﻪ ﻟﺤﻮﺭﺍﺀ ﻭﻳﻜﻮﻝ ﺍﻟﺒﻨﻴﺔ ﻋﺠﺒﺘﻨﻲ ﻣﻮ ﺑﺎﻟﺸﻜﻞ ﺑﺲ ﺣﺘﻰ ﺍﺧﻼﻗﻬﺎ ﻭﻫﺎﺩﺋﺔ ﻭﺣﺒﺎﺑﻪ ....
( ﺧﻞ ﻳﺴﻤﻊ ﺍﻟﺸﻴﺦ ﻳﻄﻴﺮ ﺧﺸﻤﻚ ﻭﻟﻚ ﺑﺴﻮﻡ ...
ﺑﺎﺳﻢ 😏: ﻭﺍﺫﺍ ﻳﺴﻤﻊ ﻗﺎﺑﻞ ﻣﺎﺧﺬﻫﺎ ﻣﻨﻪ ﻫﻮ ﻋﺎﻓﻬﺎ ﺑﻌﺪ ﺷﻜﻮ )
( ﻣﻴﻔﻴﺪ ﺑﻲ ﻧﺼﺤﻮ ﻛﻠﻮﻟﻪ ﻣﻨﻮ ﺍﻟﺸﻴﺦ 🌚
ﻟﻚ ﺣﻂ ﻃﻠﻘﺘﻴﻦ ﺑﺄﻳﻤﻦ ﺍﻟﻌﺎﺭ ﻣﻦ ﻏﻀﺒﻪ (😁
ﻭﺍﻳﻤﺎﻥ ﺑﺪﺕ ﺷﻮﻱ ﺗﺘﺤﺴﻦ ﺣﺎﻟﺘﻬﺎ ﺭﺟﻌﺖ ﺗﺎﻛﻞ .. ﻫﺎﻱ ﻓﺪ ﻳﻮﻡ ﻣﺮﺓ ﺭﺍﻳﺤﺔ ﺗﺰﻭﺭ ﺍﻣﻬﺎ ﺑﺎﻟﻤﺼﺢ .. ﺑﺲ ﺷﺎﻳﻔﺘﻬﺎ ﻛﺎﻳﻠﻪ ﻫﺎﻱ ﻣﺴﺤﻮﺭﺓ ﺍﻟﺒﻨﻴﺔ ﺧﻄﻴﺔ ﻳﺎ ﺟﻤﺎﻝ ﺍﻟﻌﻠﻴﻬﺎ ... ﺣﺎﻃﻪ ﺑﻴﺪﻫﺎ ﻗﺮﺁﻥ ﺻﻐﻴﺮ ﻭﻋﺪﺩﺕ ﺍﻳﺎﺕ ﻗﺮﺁﻧﻴﺔ ﻟﻠﻤﻤﺮﺿﺔ ﻭﺗﻜﻠﻬﺎ ﺍﻗﺮﻳﻬﻦ ﻋﻠﻴﻬﺎ ...
ﻭﺻﺪﻙ ﺍﻟﻤﻤﺮﺿﺔ ﻳﻨﻜﺴﺮ ﺧﺎﻃﺮﻫﺎ ﻋﻠﻴﻬﺎ ﻭﺗﻘﺮﺍﻫﻦ ﻋﻠﻴﻬﺎ ﻛﻞ ﻣﺎﺗﺮﻭﺡ ﻳﻤﻬﺎ .. ﻭﺣﺴﺖ ﺍﻛﻮ ﻓﺮﻕ ﺑﺤﺎﻟﺘﻬﺎ ﻭﺻﺎﺭﺕ ﺗﺎﻛﻞ ... ﻭﺷﻮﻱ ﻋﺎﻓﻴﺘﻬﺎ ﺭﺟﻌﺖ ...
ﺧﻞ ﻧﺮﻭﺡ ﻟﻤﺨﻠﺪ ﻭﺭﻗﻮﻭﻭ ﻣﻦ ﺯﻣﺎﻥ ﻣﺎﻛﻮ 😃....
ﻳﻤﻪ ﺍﻟﻴﻮﻡ ﺟﺎﻱ ﻟﺮﻗﻴﺔ ﻭﺟﺎﻳﺒﻠﻬﺎ ﺑﺎﻗﺔ ﻭﺭﺩ ﻭﻋﻠﺒﺔ ﺣﻠﻮﻳﺎﺕ ﻣﻨﺴﻘﻬﺎ ﺍﻟﻬﺎ ... ﻳﻤﻪ ﺍﻟﺮﻭﻣﻨﺴﻴﺔ ﺍﻣﻮﻉ ﺍﻣﻮﻉ 😍 ﻫﻬﻬﻬﻬﻬﻪ ....
ﻣﺨﻠﺪ ﺑﺤﺐ : ﻳﺎﺑﻌﺪ ﺍﻫﻠﻲ ﻛﻠﻬﻢ ﻫﺎﻱ ﺍﺣﻠﻰ ﺑﺎﻗﺔ ﻭﺭﺩ
ﺭﻗﻴﺔ ﻟﺰﻣﺖ ﻭﺟﻬﻬﺎ ﺑﺨﺠﻞ : ﻓﺪﻳﺘﻪ ﻟﺤﺒﻴﺒﻲ ﺟﺎﻳﺒﻠﻲ ﻭﺭﺩ
ﻛﺮﺍﺭ ﺩﺧﻞ ﻋﻠﻴﻬﻢ ﻭﺟﺎﻥ ﻳﻌﺒﺲ ﻣﺨﻠﺪ ﻭﻋﻘﺪ ﺣﻮﺍﺟﺒﻪ ﻭﺿﺮﺏ ﻭﺟﻬﻪ ﺑﻴﺪﻩ ...
ﻣﺨﻠﺪ : ﺍﺟﺎﻙ ﺍﻟﻀﺎﺑﻂ ﻣﺨﻠﺪ
ﻛﺮﺍﺭ ﺿﺤﻚ ﻭﻛﻌﺪ ﻳﻤﻬﻢ : ﺍﺟﺎﻙ ﺍﻟﻤﻮﺕ ﻳﺎﺗﺎﺭﻙ ﺍﻟﺼﻼﺓ ﻣﺨﻠﺪ ﻫﻬﻬﻬﻪ ... ﻭﺧﻤﻂ ﺑﺎﻗﺔ ﺍﻟﻮﺭﺩ .. ﺍﻱ ﺍﻟﻴﻮﻡ ﻭﺭﺩ ﻭﺍﻟﻠﻪ ﻋﻨﺪﻙ ﺫﻭﻕ ﺟﺎﻳﺒﻬﻦ ﻟﻮﻥ ﺍﺣﻤﺮ ﻣﺜﻞ ﻣﺘﺤﺐ ﻭﻗﻴﻮﻭﻭ
ﻣﺨﻠﺪ ﺑﺜﻘﺔ : ﺭﺟﺎﺀﺍً ﺍﻟﺰﻡ ﺣﺪﻙ ﻟﺘﺤﺠﻲ ﻋﻠﻰ ﺧﻄﻴﺒﺘﻲ ﻛﻮﻝ ﺭﻗﻴﺔ ﻋﺪﻝ
ﺭﻗﻴﺔ : ﺷﺘﺮﻳﺪ ﻭﻟﻚ ﻛﺮﻳﺮ
ﻛﺮﺍﺭ ﻳﻜﻄﻊ ﺑﺎﻟﻮﺭﺩ ﻭﻳﺸﻤﺮ ﺍﻟﻮﺭﻙ : ﺷﻤﻴﺖ ﻭﻳﺤﺔ ﻭﻭﺩ ﻭﺍﺟﻴﺖ ﺍﺳﻮﻱ ﺑﻲ ﺗﺤﺒﻨﻲ ﺣﺒﻴﺒﺘﻲ ﻟﻮ ﻣﺎ ﺗﺤﺒﻨﻲ
ﺭﻗﻴﺔ ﺗﺴﻮﻱ ﻧﻔﺴﻬﺎ ﺗﺒﺠﻲ : ﺍﻟﻮﺭﺩ ﻣﺎﻟﺘﻲ ﺍﻫﺊ ﺍﻫﺊ ﻛﺮﻳﺮ ﻋﻮﻓﻬﻦ ﻭﺍﻟﻠﻪ ﺣﺮﺍﻡ ﻫﻠﺴﺘﻬﻦ ﻭﻟﻚ
ﻣﺨﻠﺪ : ﺍﻣﻮﻭﻭﺕ ﻭﺍﻋﺮﻑ ﻛﺎﻃﻊ ﻟﻴﻠﺔ ﻋﺮﺳﻚ .. ﻛﺎﻃﻊ ﻋﻠﻴﻚ ﺣﻴﺎﺗﻚ ﻣﺴﻮﺩ ﻋﻴﺸﺘﻲ ﺍﻧﺘﻪ ﻟﻴﺶ
ﻛﺮﺍﺭ ﺍﻧﻄﺎﻫﺎ ﺍﻟﺒﺎﻗﺔ ﻣﻬﻠﺴﺔ : ﻫﺎﺝ ﻣﺎﻋﺒﺠﺘﻨﻲ ﺭﻳﺤﺖ ﻋﻄﺮﻫﻦ ﻣﺜﻞ ﺍﻻﻣﻠﺢ ﻣﺎﻟﺘﺞ .. ﻻ ﻛﺎﻃﻊ ﻟﻴﻠﺔ ﻋﺮﺳﻲ ﻭﻻ ﺷﻲ ﺷﺤﺪﻙ ﻏﻴﺮ ﺍﻃﺮﻙ .. ﺑﺲ ﺍﻧﻪ ﺭﺍﺡ ﺍﻛﻄﻊ ﻟﻴﻠﺔ ﻋﺮﺳﻚ .. ﺗﻠﺒﺲ ﻭﻗﻴﻮ ﺍﻟﻔﺴﺘﺎﻥ ﻭﺗﻬﻮﺳﻮﻥ ﻭﺍﻛﻠﻬﺎ ﻳﺎﻟﻠﻪ ﻛﺎﻓﻲ ﺧﻠﺼﺖ ﺍﻟﺤﻔﻠﺔ ﻳﺎﻟﻠﻪ ﺭﺟﻌﻲ ﺩﺍﺧﻞ ﻭﻣﺨﻠﺪ ﻳﺎﻟﻠﻪ ﻟﻬﻠﻚ ﻋﻴﻨﻲ ﺍﺷﺒﻚ ﻣﺨﺪﺗﻚ ﻭﻧﺎﻡ
ﻣﺨﻠﺪ ﺑﺜﻘﺔ : ﺧﺎﺏ ﻣﺎﻃﻴﻴﻴﻴﺮ .. ﻣﺮﺗﻴﻴﻴﻴﻲ ... ﻣﺮﺗﻴﻴﻴﻴﻴﻴﻲ ... ﺍﺧﺬﻫﺎ ﻣﻦ ﺑﻴﻦ ﻋﻴﻮﻧﻚ ﺣﺒﻴﺒﻲ .. ﻭﻏﺼﺒﻦ ﻋﻠﻰ ﺧﺸﻤﻚ ﻭﺗﻜﻮﻥ ﻣﻤﻨﻮﻥ ﺗﺤﻄﻬﺎ ﺑﻴﺪﻱ .. ﻣﺎﺧﺬﻫﺎ ﻣﻦ ﺍﻟﺸﻴﺦ ﻣﻮ ﻣﻨﻚ
ﻛﺮﺍﺭ ﺍﺧﺬ ﻋﻠﺒﻪ ﺍﻟﺤﻠﻮﻳﺎﺕ ﺍﻟﻲ ﻣﻨﺴﻘﻬﺎ ﻣﺨﻠﺪ : ﺍﻱ ﻋﻮﺩ ﺍﻟﻠﻪ ﻛﺮﻳﻢ .. ﻓﺘﺢ ﺍﻟﻌﻠﺒﺔ ﻭﻇﻞ ﻳﺎﻛﻞ ﻣﻨﻬﻦ .. ﺍﻱ ﺷﻌﻨﺪﻙ ﺍﻟﻴﻮﻡ ﻭﺭﺩ ﻭﺣﻠﻮﻳﺎﺕ ﺟﺎﻳﺒﻠﻲ ﺷﻨﻮ ﻣﺸﺘﺎﻗﻠﻲ
ﺭﻗﻴﺔ ﺗﺴﻮﻱ ﺑﺠﻲ ﺟﺬﺏ : ﺍﻟﻲ ﺍﻟﻲ ﺷﻠﺐ ﻫﺎﻱ ﺍﻟﻲ ﺍﻫﺊ ﺍﻫﺊ ﺣﻜﻴﻴﻴﺮ
ﻛﺮﺍﺭ ﻳﺴﻮﻱ ﺻﻮﺗﻪ ﺧﺸﻦ : ﺍﻭﻭﻭﻱ ﺑﻌﺪ ﻣﺰﺍﻋﻠﺘﻚ ﺣﻜﻴﻴﻴﻴﺮ ﺗﺎﻓﻪ ﺍﺑﻮ ﺳﻤﺎﺥ
ﺭﻗﻴﺔ ﺧﺮﺑﺖ ﺿﺤﻚ : ﻭﻟﻚ ﺍﻟﻠﻪ ﻳﻠﻌﻦ ﺑﻠﻴﺴﻚ ﻫﺎﻱ ﺗﻘﻠﺪ ﺻﻔﻴﺔ ﻫﻬﻬﻬﻬﻬﻬﻬﻪ
ﻣﺨﻠﺪ : ﻫﻬﻬﻬﻬﻬﻪ ﻳﻠﻮﻙ ﻋﻠﻴﻪ ﺷﻜﻞ ﺻﻔﻴﺔ ﻭﺍﻟﻠﻪ ﻫﻮ ﻣﺜﻠﻬﺎ ﻣﺨﺒﻞ .. ﻫﻢ ﺍﻋﻘﻞ ﻣﻨﻪ ﺍﻟﻤﺴﻜﻴﻨﺔ .. ﻫﻬﻬﻬﻬﻪ ﺍﻟﻮﺡ ﻓﺪﻭﺓ ﻟﻠﺴﺎﻙ .. ﺷﻮﻛﺖ ﺗﺒﻄﻞ ﺯﺣﻒ ﻋﺎﻟﺸﻴﺦ ﻣﻦ ﻋﺮﻓﺘﻬﺎ ﻭﻟﻬﺴﺔ ﻣﺎﻧﺴﻪ ﺗﺰﺣﻒ ﻟﻠﺸﻴﺦ ﻫﻬﻬﻬﻬﻬﻬﻬﻬﻬﻬﻪ
ﻛﺮﺍﺭ ﻣﺎﺕ ﺿﺤﻚ : ﺭﻭﺣﻬﺎ ﺧﻀﺮﺓ .. ﻫﻮ ﺭﺍﺡ ﺍﺯﻭﺟﻪ ﺻﻔﻴﺔ ﻭﺍﺧﻠﺺ ﺷﻜﻠﻪ ﻳﻤﺮ ﺑﺠﻔﺎﻑ ﻋﺎﻃﻔﻲ ﺧﻄﻴﺔ ﻛﺎﺳﺮ ﺧﺎﻃﺮﻱ .. ﻫﻮ ﻣﻦ ﺍﻟﺒﺪﺍﻳﺔ ﻛﺘﻠﻪ ﺻﻔﻴﺔ ﺧﻄﻴﺔ ﺗﻮﺻﻪ ﺑﻴﻬﺎ ﺑﺲ ﺷﺴﻮﻳﻠﻪ ﺧﺎﻧﻬﺎ ﻟﺼﻔﻴﺔ .. ﻛﻞ ﻳﻮﻡ ﺗﻜﻠﻲ .. ﻭﻳﻘﻠﺪ ﺻﻮﺗﻬﺎ .. ﻛﻼﻝ ﻛﻠﻪ ﻳﺠﻮﺟﻨﻲ ﻋﻔﻴﺔ
( ﻛﺮﺍﺭ ﻛﻠﻪ ﻳﺰﻭﺟﻨﻲ ﻫﻬﻬﻬﻪ )
ﻣﺨﻠﺪ ﻳﺤﺸﺶ : ﻻ ﻭﺍﻟﻘﺴﻤﺔ ﻭﺗﺼﻴﺮ ﺻﻔﻴﺔ ﻣﺮﺕ ﺍﻟﺸﻴﺦ ﻫﻬﻬﻬﻬﻬﻬﻬﻬﻪ
ﻛﺮﺍﺭ ﺿﺤﻚ : ﻭﻟﻚ ﻣﻮ ﻫﻨﺎ ﺍﻟﻤﺸﻜﻠﺔ .. ﺍﻟﻤﺸﻜﻠﺔ ﻧﺎﻗﺼﻨﻲ ﻭﺣﺪﺓ ﺗﻌﻮﺝ ﺍﺳﻤﻲ ﻭﻗﻴﻮﻭ ﺗﻜﻠﻲ ﻛﻮﻳﻮ ﻭﻫﺎﻱ ﻛﻼﻝ .. ﺍﺩﺭﻱﻋﻨﺪﻱ ﺟﻤﻌﻴﺔ ﻣﺨﺎﺑﻴﻞ
ﺭﻗﻴﺔ ﻛﺮﺻﺘﻪ ﺑﺰﻧﺪﻩ : ﻋﺎﺑﺘﻠﻚ ﺍﻧﻪ ﻣﺨﺒﻠﺔ ﻟﻮ ﺍﻧﺘﻪ ﻭﻣﺮﺗﻚ
ﻛﺮﺍﺭ : ﻳﻤﻪ ﻣﺮﺗﻲ ﺍﻭﻑ ﻣﺮﺗﻲ .. ﻳﺎﻡ ﺍﻡ ﺟﻬﺎﻟﻲ ﺍﻭﻭﻭﻑ ﻣﺮﺗﻲ .. ﻫﻮ ﺍﻧﺘﻲ ﺗﻠﺤﻜﻴﻦ ﻣﺮﺗﻲ .. ﺩﻛﺘﻮﺭﺓ .. ﺩﻛﺘﻮﻭﻭﻭﻭﺭﺓ ﺭﺍﺡ ﺗﺼﻴﺮ ﻭﺍﻧﺘﻲ ﻭﺍﻷﻣﻠﺢ ﻇﻠﻮ ﺑﺎﻳﻮﻭﻭﻭﻟﻮﺟﻲ ﻋﻮﻭﻉ ﻟﻌﺒﺘﻮ ﺭﻭﺣﻲ ﻛﻮﻣﻮ ﻳﺎﻟﻠﻪ ﺟﻠﻮﺡ ﻣﻠﻮﻭﺡ ﻛﻠﻤﻦ ﻳﻨﺪﻟﻪ ﺑﻴﺘﻪ ﻳﺮﻭﺡ .. ﻻ ﺍﺣﻄﻜﻢ ﺑﻴﺪ ﺍﻟﺸﻴﺦ ﻭﺍﻛﻠﻪ ﻛﺎﺿﻴﻨﻬﺎ ﺑﻮﺱ ﻭﺗﻠﻤﺴﺎﺕ
ﺭﻗﻴﺔ : ﻋﺰﺯﺯﺯﺯﺍﺍﺍﺍ ﺑﻌﻴﻨﻚ ﻃﺎﻳﺢ ﺍﻟﺤﻆ ﻣﻨﺤﺮﻑ
ﻣﺨﻠﺪ ﻳﻀﺤﻚ : ﻫﻮ ﺍﻧﻪ ﻳﻤﺘﻪ ﺷﺎﻳﻔﻬﺎ ﻳﻤﺘﻪ ﺑﺎﻳﺴﻬﺎ ﺣﺘﻰ ﺗﺼﻴﺮ ﺗﻠﻤﺴﺎﺕ ﺍﺷﻮ ﻛﺎﻋﺪ ﺑﻨﺼﻨﻪ ﻣﺤﻜﻤﺔ ﻭﻗﺎﺿﻲ ﻭﺣﻜﻮﻣﺔ
ﺭﻗﻴﺔ : ﻋﺰﺯﺯﺍ ﺑﻌﻴﻨﻜﻢ ﺍﻧﺤﺮﻓﺘﻮ ﻛﻠﺶ ﺧﻞ ﺍﻛﻮﻭﻡ .. ﻭﻛﺎﻣﺖ ﺭﺍﺣﺖ ﻃﻠﻌﺖ ...
ﻣﺨﻠﺪ ﻳﺼﻴﺤﻠﻬﺎ : ﺗﻌﺎﻱ ﻳﻤﻌﻮﺩﺓ ﻳﻤﺘﻪ ﺷﻔﺘﺞ .. ﺍﺧﺨﺦ ﻣﻨﻚ ﻛﺮﺍﺭ ﺷﻮﻛﺖ ﺍﺧﻠﺺ ﻣﻨﻚ ....
ﻭﻛﺮﺍﺭ ﻳﻐﻤﺰﻟﻪ ﻭﻳﻜﻠﻪ ﺗﺤﻠﻢ .. ﺣﺒﻴﺒﻲ .. ﻫﻬﻬﻬﻬﻬﻬﻪ ....
ﻧﺮﻭﺡ ﻟﺸﻴﺨﻨﻪ ﻣﻦ ﺯﻣﺎﻥ ﻋﻨﻪ ﻣﻦ ﺑﺎﺭﺕ ﺍﻣﺲ ....
ﻟﻮﺣﺪﻩ ﻛﺎﻟﻌﺎﺩﺓ ﺑﺲ ﺑﻐﺮﻓﺘﻪ ﻭﻣﻨﺴﺪﺡ ﻋﺎﻟﺴﺮﻳﺮ ﻭﻣﺎ ﺍﺑﺎﻟﻪ ﻏﻴﺮ ﺣﻮﺭﺍﺀ .. ﻭﺍﻟﺸﻮﻕ ﻻﻋﺐ ﺑﻲ ﻟﻌﺐ ... ﻭﺍﻟﻴﻮﻡ ﻋﻨﺪﻩ ﺣﻞ ﻓﺼﻞ ﺑﺲ ﻣﻮ ﺷﺎﻏﻞ ﺑﺎﻟﻪ ....
ﺻﺎﺭ ﻳﺘﺨﻴﻠﻬﺎ ﺑﺨﺠﻠﻬﺎ ﺑﺎﻟﻐﺮﻓﺔ ... ﻭﺗﺬﻛﺮ ﺫﻛﺮﻯ ﻗﺒﻞ ﻻ ﻳﺎﺧﺬﻫﺎ ...
ﺣﻮﺭﺍﺀ ﺑﺨﺠﻞ ﻭﻫﺪﻭﺀ : ﻳﺎﺷﻴﺦ ﺍﺭﻳﺪ ﺍﺑﺪﻝ
ﻫﺸﺎﻡ : ﺷﻠﻮﻥ ﻳﻌﻨﻲ ﺍﻃﻠﻊ ﻫﻬﻬﻬﻬﻪ
ﺣﻮﺭﺍﺀ ﺑﺨﺠﻞ : ﺍﻱ ﻟﻮ ﺩﻳﺮ ﻭﺟﻬﻚ ﻓﺪﻭﺓ
ﻫﺸﺎﻡ : ﺣﻼﻟﻲ ﺑﻮﻳﻪ ﻟﻴﺶ ﺗﺨﺠﻠﻴﻦ
ﺣﻮﺭﺍﺀ : ﻳﺎﺭﺑﻲ ﻭﺍﻟﻠﻪ ﺍﺳﺘﺤﻲ ﻳﺎﺷﻴﺦ
ﻫﺸﺎﻡ : ﻫﺎﻱ ﺍﻟﺤﻤﺎﻡ ﺑﺪﻟﻲ ﺑﻲ ﻫﻬﻬﻬﻪ .....
ﻓﺰﺯﻩ ﻣﻦ ﺫﻛﺮﻳﺎﺗﻪ ﺻﻮﺕ ﺩﻙ ﺍﻟﺒﺎﺏ ...
ﻫﺸﺎﻡ ﻋﺪﻝ ﻛﻌﺪﺗﻪ : ﺗﻔﻀﻞ
ﺭﻗﻴﺔ ﺩﺧﻠﺖ : ﻋﻴﻨﻲ ﺍﺧﻮﻳﻪ ﻣﺘﺮﻳﺪ ﺟﺎﻱ ﻛﻬﻮﺓ ﺷﻲ
ﻫﺸﺎﻡ : ﺳﻼﻣﺘﺞ ﺑﻮﻳﻪ .. ﻟﻮ ﺭﺩﺕ ﺍﺻﻴﺢ ﻋﻠﻴﺞ
ﺭﻗﻴﺔ : ﺍﻛﻮﻭﻝ ﺑﺎﺟﺮ ﻟﻮ ﺟﺒﺖ ﺍﻟﺠﻬﺎﻝ ﻓﺪﻭﺓ ﻧﺨﻠﻴﻬﻢ ﻋﺪﻧﻪ ﻳﺒﺎﺗﻮﻥ ﻭﺍﻟﻠﻪ ﻣﻦ ﻳﺮﺣﻮﻥ ﻳﺼﻴﺮ ﺍﻟﺒﻴﺖ ﺿﻮﻭﺟﺔ ﺑﺪﻭﻧﻬﻢ
ﻫﺸﺎﻡ : ﺍﻱ ﺧﻠﻴﻬﻢ ﻟﻴﺶ ﻻ .. ﻫﻢ ﺍﻧﻪ ﻣﻦ ﻳﺮﺣﻮﻥ ﺍﺿﻮﺝ ﻭﺍﺷﺘﺎﻗﻠﻬﻢ .. ﺑﺲ ﺍﻣﻬﻢ ﺗﻘﺒﻞ ﻳﺒﺎﺗﻮﻥ ﺗﻜﺪﺭ ﺑﻠﻴﺎﻫﻢ
ﺭﻗﻴﺔ : ﺍﻣﻤﻢ ﺍﺣﺎﺟﻴﻬﺎ ﻭﺍﺷﻮﻓﻬﺎ
ﻫﺸﺎﻡ : ﺭﻗﻴﺔ ﺍﻧﺘﻲ ﺗﺤﺎﺟﻴﻨﻬﺎ ﺩﻭﻡ ﺷﻠﻮﻧﻬﺎ
ﺭﻗﻴﺔ : ﻭﺍﻟﻠﻪ ﺷﻜﻠﻚ .. ﺑﺲ ﺍﺣﺎﺟﻴﻬﺎ ﻛﺘﺎﺑﺔ ﻣﺮﺍﺕ ﺍﻓﺘﺢ ﻛﺎﻣﺮﺓ ﺣﺘﻰ ﺍﺷﻮﻑ ﺍﻟﺠﻬﺎﻝ
ﻫﺸﺎﻡ : ﻭﺷﺘﻜﻮﻝ .. ﻣﺎﺳﺄﻟﺘﺞ ﺷﻲ
ﺭﻗﻴﺔ ﺗﻌﺮﻑ ﻗﺼﺪﻩ ﻋﻨﻪ : ﺍﺫﺍ ﺗﻘﺼﺪ ﻣﺎﺗﺴﺄﻝ ﻋﻨﻚ ﻻ ﺍﺑﺪ ﻭﻻ ﺗﺠﻴﺐ ﺳﻴﺮﺗﻚ .. ﻭﻟﻮ ﺍﻧﻪ ﺟﺒﺖ ﻃﺎﺭﻳﻚ ﺗﻜﻠﻲ ﺑﻴﺒﺎﻱ
ﻫﺸﺎﻡ : ﺍﻫﺎﺍﺍ ﺍﻱ ﻭﺑﻌﺪ ﺷﺨﺒﺎﺭﻫﺎ
ﺭﻗﻴﺔ : ﻣﺎﻛﻮ ﺷﻲ ﺟﺪﻳﺪ ﺣﻴﺎﺗﻬﺎ ﺍﻫﺘﻤﺎﻡ ﺑﺎﻟﺠﻬﺎﻝ .. ﺗﺬﻛﺮﺕ .. ﻫﺎﺍ ﻛﺎﻟﺖ ﻃﺎﻟﺒﻬﺎ ﺍﺑﻦ ﻋﻤﻬﺎ ﻭﺍﺑﻮﻫﺎ ﺭﺍﻓﺾ
ﻫﺸﺎﻡ ﺍﻧﻘﻬﺮ ﺳﻤﻊ ﻃﺎﻟﺒﻴﻬﺎ : ﺍﻫﺎﺍﺍﺍ ﺍﻱ ﺑﻴﻬﺎ ﺧﻴﺮ .. ﻭﺍﺫﺍ ﺗﺮﻳﺪ ﺗﺰﻭﺝ ﺍﺧﺬ ﺍﻟﺠﻬﺎﻝ ﻭﻫﻲ ﺣﺮﺓ ﺑﺤﻴﺎﺗﻬﺎ
ﺭﻗﻴﺔ : ﺗﺮﻳﺪ ﺷﻲ ﺍﺭﻭﺡ ﺍﺳﺎﻋﺪ ﻧﺴﻮﻡ
ﻫﺸﺎﻡ : ﺳﻼﻣﺘﺞ ....
ﺭﺍﺣﺖ ﺭﻗﻴﺔ ﻭﻫﺸﺎﻡ ﻛﻠﺒﻪ ﺍﺣﺘﺮﻙ ﺳﻤﻊ ﺧﺎﻃﺒﻬﺎ ﺍﺑﻦ ﻋﻤﻬﺎ .. ﻭﻳﻜﻮﻝ ﻳﺎﻟﻠﻪ ﺷﺒﻴﻪ ﻣﻮ ﻫﺎﻱ ﺍﻟﻲ ﺭﺩﺗﻪ ﺗﺤﻤﻞ ...
ﻭﺑﻌﺪﻫﺎ ﺍﻧﻌﻘﺪ ﺍﻟﻔﺼﻞ ﺍﻟﻲ ﻫﻮ ﺣﺎﺿﺮﺓ .. ﻭﺍﺑﺪ ﺑﺎﻟﻪ ﻣﻮ ﻳﻢ ﺍﻟﺰﻟﻢ ﻭﻛﻞ ﺷﻮﻱ ﻭﺍﺣﺪ ﻳﺎﺧﺬ ﺭﺃﻳﻪ ﻭﻳﻜﻠﻪ ﺷﺘﻜﻮﻝ ﺍﻧﺘﻪ ﻳﺎﺷﻴﺦ .. ﻭﻫﻮ ﻣﺎﻳﺪﺭﻱ ﺷﺠﺎﻧﻮ ﻳﺤﺠﻮﻥ ﺍﺻﻼً ....
ﻭﻣﻦ ﻛﺜﺮ ﺍﺷﺘﻴﺎﻗﻪ ﻭﻓﺎﻗﺪﻫﺎ ﺻﺎﺭ ﻳﺸﻮﻓﻬﺎ ﺑﻜﻞ ﻣﻜﺎﻥ .. ﺑﺎﻟﺪﻳﻮﺍﻥ ﺑﺎﻟﺒﻴﺖ ﺑﺎﻟﻐﺮﻓﺔ ﻭﺣﺘﻰ ﻣﺮﺍﺕ ﻳﺘﺨﻴﻞ ﺻﻮﺕ ﺍﻟﻤﺎﻱ ﺑﺎﻟﺤﻤﺎﻡ ﻭﻫﻲ ﺑﻲ ...
ﻭﻣﻦ ﻳﻔﺘﺤﻪ ﻣﻴﻠﻜﻪ ﺍﺣﺪ ﻓﺎﺭﻍ ﻭﺭﻭﺣﻪ ﺍﻛﺒﺮ ﻓﺮﺍﻏﻬﺎ ﻭﻋﺬﺍﺑﻬﺎ .. ﻭﻣﺮﺕ ﺍﻳﺎﻡ ﻭﺍﻳﺎﻡ ﻧﻔﺲ ﺷﻌﻮﺭﻩ ﻣﺎﺗﻐﻴﺮ ... ﺍﻟﻐﺮﺑﺔ ﻣﻌﺬﺑﺘﻪ ﺣﻴﻴﻞ ...
ﻭﻫﻲ ﻛﺬﻟﻚ ﻭﺗﺒﺠﻲ ﻋﻠﻴﻪ .. ﺑﺲ ﺷﻮﻱ ﺗﻐﻴﺮﺕ ﺻﺎﺭﺕ ﺷﻮﻱ ﻗﻮﻳﺔ ﻭﺗﻤﺴﻜﺖ ﺑﺎﻟﺤﻴﺎﺓ .. ﻭﻻ ﻛﺄﻧﻬﺎ ﺣﻮﺭﺍﺀ ﺍﻟﻔﺎﻫﻴﺔ ... ﺻﺎﺭﺕ ﺗﻬﺘﻢ ﻟﻨﻔﺴﻬﺎ ﻭﺗﺘﻌﺪﻝ ﻭﺗﻜﺸﺦ ﻭﺗﻠﺒﺲ ... ﻛﺒﺮﺕ ﻭﻳﻪ ﻣﺸﺎﻋﺮﻫﺎ ...
ﺑﺲ ﻣﺎﺗﻄﻠﻊ ﻗﻠﻴﻞ ﻣﻮ ﻫﻠﻜﺪ .. ﻭﻛﻞ ﻟﻴﻠﺔ ﺗﺤﻠﻢ ﺑﻲ ﻭﻣﺎﻧﺴﺘﻪ ﻟﺤﻈﺔ ﻭﻣﺸﺘﺎﻗﺘﻠﻪ ﺑﻜﺪ ﺍﻟﻜﻮﻥ ﻭﺍﻟﻲ ﺑﻲ ... ﻣﺎﺗﺪﺭﻱ ﺑﺄﺧﺒﺎﺭﻩ ﻭﻻﺗﺤﺐ ﺗﺴﺄﻝ ﺍﻟﺒﻨﺎﺕ ﻛﻠﺒﻬﺎ ﻳﻮﺟﻌﻬﺎ ﻣﺎﺗﻜﺪﺭ ﺗﺴﺄﻝ ...
ﺗﺮﻳﺪ ﺗﻜﻄﻊ ﺍﻷﻣﻞ ﻭﺗﻨﺴﺎﻩ ﺑﺲ ﻫﻴﻬﺎﺕ ﺗﺠﺬﺏ ﻋﻠﻰ ﻧﻔﺴﻬﺎ ﺑﻬﺎﻟﺤﺠﻲ ...
ﺻﺎﺭ ﻋﻤﺮ ﺍﻟﺠﻬﺎﻝ ﺳﻨﺔ ﻭﻧﺺ ﻭﻣﺸﺎﻳﻔﺘﻪ ﻟﻴﻬﺴﺔ ﻭﻻ ﺷﺎﻳﻔﻬﺎ ﻭﻻ ﺣﺘﻰ ﺑﺼﺪﻓﺔ ﻭﻣﻨﻴﻦ ﺗﺠﻲ ﺍﻟﺼﺪﻓﺔ .. ﻭﺑﻬﺎﻟﻔﺘﺮﺓ ﻣﻦ ﺍﻟﺰﻣﻦ ﻣﺎﻳﻌﺮﻓﻮﻥ ﺷﻠﻮﻥ ﻣﺮﺕ ﻋﻠﻴﻬﻢ ﻭﻣﺎ ﻣﺘﺸﺎﻭﻓﻴﻦ ﻭﺍﺣﺪ ﻣﺸﺘﺎﻕ ﻟﻠﺜﺎﻧﻲ ....ﻣﺮﺍﺕ ﻳﺮﺍﺳﻠﻬﺎ ﻋﻠﻤﻮﺩ ﺍﻟﺠﻬﺎﻝ ... ﻣﺜﻼً ﻣﻦ ﻳﺮﻳﺪ ﻳﺎﺧﺬﻫﻢ ﻟﻮ ﻳﺴﺄﻟﻬﺎ ﻣﻦ ﻳﺠﻮﻥ ﻋﻨﺪﻩ ﺷﻴﺤﺒﻮﻥ ﺷﻴﺎﻛﻠﻮﻥ ﻭﻫﻲ ﺗﻜﻠﻪ ...
ﺑﺲ ﺻﺎﺭ ﻓﺘﺮﺓ ﻃﻮﻳﻠﺔ ﻣﻴﺮﺍﺳﻠﻬﺎ ﻭﻣﺎﻳﺪﺭﻱ ﺑﺸﻲ ﻋﻨﻬﺎ ﻳﺤﺲ ﻳﻌﺬﺏ ﻧﻔﺴﻪ ﺣﺘﻰ ﻟﻮ ﻫﻲ ﺑﺲ ﻛﺘﺎﺑﺔ ﻭﻳﺤﺲ ﺑﺎﻟﻐﺮﺑﺔ ﻣﻦ ﻳﺤﺎﺟﻴﻬﺎ ﻻﻥ ﻣﺎﻛﻮ ﺷﻲ ﺑﺲ ﺳﺆﺍﻝ ﺷﻠﻮﻧﺞ ﻭﻳﺴﺄﻟﻬﺎ ﻋﻦ ﺍﻟﺠﻬﺎﻝ .. ﺣﺘﻰ ﻳﻜﻠﻬﺎ ﺭﺍﻳﺪ ﻳﺎﺧﺬﻫﻢ ﻻ ﺍﻛﺜﺮ ﻭﻫﻲ ﻣﺘﺠﺎﻭﺏ ﻏﻴﺮ 3 ﻛﻠﻤﺎﺕ ﻫﻨﻪ ﻟﻮ ﺍﻱ ﻟﻮ ﻻ ﻭﺍﻟﺤﻤﺪﻟﻠﻪ ...
ﺍﻟﺠﻬﺎﻝ ﻣﺮﺿﻪ ﻛﻠﺶ ﺗﻌﺒﺖ ﻭﻳﺎﻫﻢ ﺻﺎﺭ ﻳﻮﻣﻴﻦ ﻣﺮﺿﻪ ﻫﻴﺞ ﻟﻴﺎﻥ ﻭﻋﺰﺍﻡ .. ﺍﻣﺎ ﺭﺯﺍﻥ ﺑﻌﺪﺗﻬﺎ ﻋﻨﻬﻢ ﺣﺘﻰ ﻣﺎﺗﺘﻤﺮﺽ ﻭﻳﺎﻫﻢ .... ﻭﺷﻜﺪ ﺟﺎﻱ ﺗﺘﻌﺬﺏ ﺑﺘﺮﺑﻴﺔ ﻫﺎﻟﺜﻼﺛﺔ ﺑﺲ ﻣﻮ ﺑﺤﺪﻫﺎ ﺍﻣﻬﺎ ﻣﻮﺟﻮﺩﺓ ﻭﺧﻮﺍﺗﻬﺎ ﺍﻟﺼﻐﺎﺭ ...
ﻭﺣﺘﻰ ﻧﺴﻮﺍﻥ ﺍﺑﻮﻫﺎ ﻳﺴﺎﻋﺪﻭﻧﻬﺎ .. ﺟﺪﻫﻢ ﻳﻤﻮﺕ ﻋﻠﻴﻬﻢ ﻭﺻﺎﻳﺮﻳﻦ ﺍﺩﻣﺎﻥ ﺍﻟﻜﻞ ﻫﺎﻟﺜﻼﺛﺔ ... ﻭﺷﻠﻮﻥ ﺍﻟﻤﻼﺋﻜﺔ ﺻﺎﻳﺮﻳﻦ ﺑﺲ ﻭﻛﺤﻴﻦ ....
ﺍﺧﺘﻬﺎ ﺍﻟﻴﻮﻡ ﻫﻲ ﻭﺯﻭﺟﻬﺎ ﻫﻨﺎ ﺯﺍﻳﺮﻳﻬﻢ ﻫﺎﻱ ﺍﺧﺘﻬﺎ ﺍﻟﻲ ﻣﺎﺧﺬﻩ ﺍﺑﻦ ﻋﻤﻬﺎ ﺍﻟﻲ ﺗﺤﺒﻪ ﻭﻳﺤﺒﻬﺎ .. ﻭﻫﻮ ﺧﻮﺵ ﻭﻟﺪ ﻃﻴﻮﺏ ...
ﺻﺎﺭ ﺍﻟﻌﺼﺮ ﻛﻠﺶ ﺻﺨﻨﻮ ﺍﻟﺠﻬﺎﻝ .. ﺍﺑﻮﻫﺎ ﻋﻨﺪﻩ ﺯﻟﻢ ﺑﺎﻟﺪﻳﻮﺍﻥ ﻭﻣﻴﻜﺪﺭ ﻳﺘﺮﻛﻬﻢ .. ﻭﺍﻣﻬﺎ ﻣﺎﺗﻄﻠﻊ ﻣﺸﻐﻮﻟﺔ ...
ﺍﺧﺘﻬﺎ ﻛﻠﺘﻠﻬﺎ ﻫﺴﺔ ﺍﻛﻞ ﻟﺰﻭﺟﻲ ﻳﺎﺧﺬﻛﻢ ...
ﻭﺧﺎﺑﺮﺗﻠﻪ ﻫﻮ ﺑﺎﻟﺪﻳﻮﺍﻥ ﻳﻢ ﻋﻤﻪ .. ﻛﻠﺘﻠﻪ ﺗﻌﺎﻝ ﻭﺩﻱ ﺣﻮﺭﺍﺀ ﺗﺎﺧﺬ ﺍﻟﺠﻬﺎﻝ ﻟﻠﻤﺴﺘﺸﻔﻰ ﻛﻠﺶ ﻣﺼﺨﻨﻴﻦ ...
ﻭﺍﺧﺬﻫﻢ ﻭﺑﻘﺖ ﺭﺯﺍﻥ ﻭﻳﻪ ﺍﺧﺘﻬﺎ ﻭﺍﻣﻬﺎ ... ﻭﺍﻳﻮ ﺭﺍﺣﺖ ﻭﻳﺎﻫﻢ ﺍﻟﻤﺴﺘﺸﻔﻰ ...
ﻭﺭﺍﺣﻮ ﺩﺧﻠﻮ ﻟﻠﻄﻮﺍﺭﺉ ﻭﻃﻠﻌﻮﻫﻢ ﺑﻌﺪ ﺳﺎﻋﺘﻴﻦ ﺻﺎﺭ ﻣﻐﺮﺏ .. ﻭﻃﻠﻌﻮ ﻫﻲ ﻭﺍﻳﺔ ... ﻭﻫﻮ ﺍﺑﻦ ﻋﻤﻬﺎ ﺷﺎﻳﻞ ﻋﺰﺍﻡ ﻭﻫﻲ ﺷﺎﻳﻠﺔ ﻟﻴﺎﻥ ...
ﻭﺑﺎﻟﺼﺪﻓﺔ ﺟﺎﻥ ﺟﺎﻱ ﻟﻠﻤﺴﺘﺸﻔﻰ ﻳﺰﻭﺭ ﻣﺮﻳﺾ ﻳﻌﺮﻓﻪ ...
ﺭﺍﺡ ﺯﻭﺝ ﺍﺧﺘﻬﺎ ﻳﺎﺧﺬﻟﻬﻢ ﺍﺷﻴﺎﺀ ﻣﻦ ﺍﻟﻤﺤﻞ ﻳﺴﻜﺘﻬﻢ ﻋﺰﺍﻡ ﻳﺒﺠﻲ ﻣﺎﻳﺴﻜﺖ ...
ﻭﻫﻤﻪ ﺍﺑﺎﺏ ﺍﻟﻤﺴﺘﺸﻔﻰ ﻭﻛﻔﺖ ﻭﻧﺰﻟﺖ ﻟﻴﺎﻥ ﻭﻛﻔﺘﻬﺎ ﻭﺍﻧﻄﺘﻬﺎ ﻣﺎﻱ ﻻﻥ ﻇﻠﺖ ﺗﺒﺠﻲ ﺗﺮﻳﺪ ﻣﺎﻱ ... ﻭﺷﺎﻟﺘﻬﺎ ... ﻭﺍﻳﺔ ﻛﻠﺘﻠﻬﺎ ﻧﻄﻴﻨﻲ ﺍﻳﺎﻫﺎ ﻣﺎﻗﺒﻠﺖ ﻟﻴﺎﻥ ...
ﻃﻠﻊ ﻣﻦ ﺍﻟﻤﺴﺘﺸﻔﻰ ﻭﺻﺎﺭﺕ ﺑﻮﺟﻬﻪ ﺑﻨﻴﺔ .. ﻭﻫﻲ ﻧﻈﺮﻫﺎ ﺻﺎﺭ ﺑﻮﺟﻬﻪ ...
ﺑﺎﻭﻋﻠﻬﺎ ﺑﺄﻣﻌﺎﻥ .. ﻭﻋﺮﻓﻬﺎ ﻫﺎﻟﺒﻨﻴﺔ ﺍﻟﻲ ﻣﻠﻜﺖ ﻛﻠﺒﻪ ﻋﺸﻚ .. ﺍﻱ ﺍﻱ ﻫﻲ .. ﺑﻘﻪ ﻭﺍﻛﻒ ﻟﺤﻈﺔ ﻳﺒﺎﻭﻉ ﻋﻠﻴﻬﺎ ﻣﻨﺘﻈﺮ ﻫﺎﻟﻠﺤﻈﺔ ﺻﺎﺭﻟﻪ ﺷﻜﺜﺮ ... ﻭﻟﻮ ﻣﺎ ﺑﻨﺘﻪ ﺑﻴﺪﻫﺎ ﻣﺎﻋﺮﻓﻬﺎ ...
ﻧﺒﻀﺎﺕ ﻛﻠﺒﻪ ﻣﺎﺗﺘﻔﺴﺮ ﻭﻫﻮ ﻳﺸﻮﻓﻬﺎ ﻛﺪﺍﻣﻪ ﺑﻌﺪ ﻓﺮﺍﻕ .. ﻣﺘﻐﻴﺮﺓ ﺣﻴﻞ ﻭﻛﺒﺮﺍﻧﺔ ﻭﺻﺎﻳﺮﺓ ﺗﺎﺧﺬ ﺍﻟﺤﻴﻞ ﻣﻦ ﺟﻤﺎﻟﻬﺎ ...
ﻣﺎﻧﻄﻘﺖ ﻭﻻ ﻛﻠﻤﺔ ﻭﻋﻴﻮﻧﻬﺎ ﺍﻧﺘﺮﺳﺖ ﺩﻣﻮﻉ ﺗﻨﺘﻈﺮ ﺷﻮﻓﺘﻪ ﺷﻜﺜﺮ .. ﻭﻏﺮﺑﺔ ﺍﻭﻭﻑ ﺍﻳﺎﻣﻬﺎ ﻛﻠﻬﺎ ﻏﺮﺑﺔ ﺑﺪﻭﻧﻪ ...
ﻓﺠﺄﺓ ﺍﺟﻪ ﺷﺎﺏ ﻭﺑﻴﺪﻩ ﺍﺑﻨﻪ ﺍﻟﺜﺎﻧﻲ .. ﻭﺍﺟﻪ ﻭﻛﻒ ﻳﻤﻬﺎ ﻭﻳﻜﻠﻬﺎ ﻳﺎﻟﻠﻪ ﻣﺸﻴﻨﺎ .. ﻭﻫﻲ ﺩﺍﺭﺕ ﻭﺟﻬﻬﺎ ﻋﻨﻪ ﻭﺗﺮﻳﺪ ﺗﺮﻭﺡ ...
ﺻﺎﺡ ﺑﺼﻮﺗﻪ ﺍﻟﺮﺟﻮﻟﻲ ... ﻟﺤﻈﺔ ﻟﺤﻈﺔ .. ﺍﻧﺘﻲ ﺗﺰﻭﺟﺘﻲ .. ﻻ ﻣﺎﺻﺪﻙ .. ﻫﻴﺞ ﻫﺎﻧﺖ ﻋﻠﻴﺞ ﺍﻟﻌﺸﺮﺓ ﺑﺴﺮﻋﺔ ﻭﺗﺰﻭﺟﺘﻲ ...
ﺍﻟﺘﻔﺘﺖ ﻭﺑﻌﻴﻮﻧﻬﺎ ﻟﻤﻌﺔ ﺩﻣﻮﻉ .. ﻭﻳﺎﺭﻳﺖ ﻣﺎﺷﺎﻳﻒ ﻫﺎﻟﻌﻴﻮﻥ ﺭﺟﻌﺖ ﺣﺮﻛﺖ ﺭﻭﺡ ﺟﺒﻞ ﺟﺎﻥ .. ﺟﺒﻞ ﻭﻫﺴﺔ ﺍﺟﺖ ﺍﻟﺮﻳﺢ ﺍﻟﻮﺣﻴﺪﺓ ﺍﻟﻲ ﺗﻬﺰﻩ ...
ﺍﺑﻦ ﻋﻤﻬﺎ : ﻣﻨﻮ ﺣﻀﺮﺗﻚ ﻭﺷﻨﻮ ﺗﺤﺎﺟﻴﻬﺎ ﺑﺼﻔﺘﻚ ﻣﻨﻮ
ﻫﺸﺎﻡ ﺭﻓﻊ ﺭﺍﺳﻪ ﺑﺜﻘﺔ : ﺍﻧﻪ ﺍﺑﻮ ﺍﻟﻄﻔﻞ ﺍﻟﻲ ﺑﻴﺪﻙ
ﺍﻟﺸﺎﺏ : ﺍﻋﺘﺬﺭ ﺍﺧﻮﻳﻪ ﺑﺲ ﺍﻧﻪ ﺍﺑﻦ ﻋﻤﻬﺎ ﻭﺯﻭﺝ ﺍﺧﺘﻬﺎ .........
