رواية لست خائنه الفصل السابع والعشرون 27 بقلم انين الليل

/////////💕💔💕////////

علي 

من اتصلت بيه عطاء انا خابرت سلام وكتله //ها سلام شناوي تسوي 

سلام ::علي تعال انتظرني يم مطعم .....من توصل انتظر مني اشاره

عطاء من خابرتني كتلها تنتظرني جاي خابرت فارس كتله يخابر زوجته خلي رضوى تطلعلي بالباب 

وانا خابرت رضوى فهمتها رحت على بيت فارس رمشت عليها هي بسرعه فتحت الباب وطلعت جانت 

لابسه عباية راس وحجاب اسود ومحنكه هي سالتني

رضوى سالتني =علي وين رايحين 

جاوبتها //للمحامي سلام يريد يطلكج 

رضوى باستغراب =ها وليش قصدي شعجب 

رديت بنتر //شنو رضوى شو ها وليش مو تكولين بعد ما اريده 

رضوى =اي علي ما اريده بس هو وافق بهالسهوله

:لا ليش الچذب ما قبل لكن انا ضغطت علي وكتله بدل ما محاكم وفضايح كدام الناس احنا نريد نحلها بصوره

 وديه هو عاد وافق كال عادي اصلا انا مرتاح ويه كوثر وراح اطلع من البيت لان راح اشتري بيت واسجله

باسم زوجتي 

رضوى بعصبيه =زين علوا يطلع اصلا انا مقرره اطردهم من البيت 

انا جاوبتها /:حقج بت عمي بس اكو مشكله 

رضوى بخوف =شنو ياستار 

:سلام يكول ما دام رضوى تريدني اطلك فالطفل من حقي لان هي العايفه 

ردت بعصبيه =شنو بكيفه والله ابني ما انطي اصلا اخذه واسافر 

:حقج رضوى هو ابنج بس لاتنسين هو هم ابنه وسلام كلي شي 

رضوى بقلة صبر =شنو بعد ما كفا الي سووا بيه 

فترت السياره وباوعت عليها //اشو هذا كلي انا تعودت على اثنين نسوان ولازم من اطلك رضوى اخذ ثانيه 

وقررت هالمره اتزوج عطاء لان هي بت عمي وهادئه ومؤدبه 

رضوى اتريد تنفجر =اي اعرفه الحقير ابو النسوان 

:ها رضوى شكلتي ؟

رضوى =لاعلي ما كلت شي بس ما اتصور عطاء توافق تاخذه 

رديت //وليش لا ابن عمها وحلو ومليان ما شاء الله 

رضوى =انت ما تعرف عطاء عطاء ما تشوف سلام الا اخ الها

اتصلت بسلام كتله سابقك طبعا هو ما يعرف انا وياي رضوى وعطاء درت على رضوى كتلها 

شوفي رضوى انتي مصره ع الطلاك مو 

رضوى =اي مصره واذا ذيچ المره سامحت سلام هالمره ابد ما راح اسامحه لو شيصير 

::خلص يااختي يجرالج انا راح امر بعطاء وناخذها ويانه على مود قبل لا تطلكين اواجه سهير وابرئج كدام 

عطاء وكدام كل الي ظلمج 

هي ما قبلت كالت =لا لا خطيه ليش تعرض عطاء الهيج موقف 

:شوفي رضوى لازم تعرف عطاء مو انتي الخنتيها بس الي اريده منج تبقين هادئه وما تتهورين لو شتسمعين 

او شنو تشرفين 

جرت حسره وكالت =هذا هو علي اصلا انا منين بيه حيل واتهور اصلا المريت بي هداني وحطمني

وصلنه يم البيت وشفنا عطاء واكفه يم بيت جيرانهم جانت مصممه تعرف الحقيقه بعد ان صعدت عطاء وشافت 

رضوى هي رادت تنزل لكن رضوى كلتلها بدون ما تباوع بوجهه

=ابقي اهنا ولا تنزلين انا يهمني تعرفين الحقيقه 

حست عطاءءبكلام رضوى بي شي يشبه الامر رغم هدوئها لكن اشوف عطاء حتى هي ما باوعت بوجه رضوى

 ولا تقربت يمها بحيث كعدت بالسياره بس كلش اتدنت ع الباب جنت اشوفها بالمرايه وهي ممتعضه وضايجه 

وصلنا يم المطعم وكفنا بعيد شويه عنه وره ربع ساعه شفنا سلام نزل هو وكوثر وامها وسهير 

شفنه كوثر كاعده بالصدر يم سلام وذنيج وره حسيت برضوى من شافتهم شبعت قهر بس يمكن عطاء ما انتبهت 

الهن من دخلو للمطعم انا دكيت هورن وطلبت لفات سفري وبيبسي حچيت

: هاي لفات اكلنها لان راح نتاخر 

بقينا تقريبا نص ساعه وشفت سلام يشغل بالسياره وما تشتغل ويحاول وياها بيني وبين نفسي 

:هسه وكتها السياره عطلت 

شفت ولد عنده ستاراكس وكف وحاول يساعده لكن السياره ولا تحركت بعدين شفت كوثر وامها وسهير نزلن

 من سيارة سلام وصعدن بالسياره مالت الولد انا اتصلت بسلام هو رد كلي

::وين انت 

:يمك انا اشوفك 

::زين علي بعد عشر دقايق نتحرك انت ابقى وراي

:ان شالله 

طبعا سلام ما يعرف انا وياي رضوى وعطاء هو صعد بسيارته الي جان كل شي مابيها عرفت بسلام بلشت 

خطته او خلي نكول بلش انتقامه 

انا شغلت السياره وامشي ورا واحنا ساكتين طلعنا المنطقه شبه نائيه عطاء كالت

- - وين رايحين علي شنو وين مودينا 

انا ما جاوبتها 

رجعت كالت بس هالمره بعصبيه //كلي علي وبن رايحين 

رضوى جاوبتها =لا تخافين عيني ما تشوفين سيارة ابن عمج كدامنا

طبعا حسيت برضوى تحجي ويه عطاء بغيره وعطاء ما تدري شلقصه هي ما جاوبتها عطاء هدئت من شافت 

سيارة سلام 

بقيت امشي وره سيارة سلام وصلنه البستان وشفت السياره الي اخذت كوثر وامها وسهير وسياره ثانيه وشفت 

شباب واكفين يم البيت بيدهم سلاح نزل سلام وسلم وانا تقربت بسيارتي ودكيت هورن ونزلت سلمت عل سلام 

والجماعه سلام كلي ::علي وين المسدس

انا رحت اخذته من السياره جان هو نفس مسدس سلام الي اخذته من عنده لمن راد يرمي رضوى 

سلام اخذه وكلي ::يالله علي خلي ندخل اريدك شاهد 

انا كتله //اوكف سلام شناوي تسوي 

سلام ::هسه تعرف ياصاحبي ليش تستعجل 

:سلام انتظرني 

هو كلي ::انا راح ادخل وانت الحكني 

شفت سلام من دخل ورحت فتحت باب السياره ونزلت رضوى وعطاء كتلهن 

:تعالن وراي 

ما انطيتهن مجال يسالن لان شفت الخوف بادي عليهن مشيت قبلهن دخلت وره سلام جان اكو هول فارغ 

مابي فراش وكله تراب عرفت هذا البيت متروك سلام داير وجهه حس بدخولنه اندار علينه وشاف رضوى 

وعطاء جان يدخن بس شاف رضوى كلي وهو يضرب رجله بالكاع ::ليش ياعلي جبتهن 

:احسن سلام لا تنسى هنه اكثر شي اتاذن 

سلام شفت بوجهه خجل اتقرب يم رضوى وكلها ::اشلونج رضوى 

هي باوعتله دارت وجهه وما جاوبت سلام اتقرب عليه كلي كانما يشاورني

::علي هاي عطاء خطيه ما تتحمل تخاف والي راح تشوفه يجوز يصدمها

انا تقربت على عطاء وكتلها //انتي جاهزه ومتقبله اي شي تشوفينه

هي هزت راسها 

رديت گتلها //عطاءءالي راح تشوفينه وتسمعينه مصيبه تكدرين تتحملين

هي جاوبت /:اي اكدر اريد اعرف الحقيقه لان انا عايشه بدوامه 

اشرت بايدي //تماام مثل ما تردين 

طلع ولد من الغرفه كله //سلام كل شي جاهز اذا تريد تدخل 

سلام جاوبه ::يوسف شسون من شافنك خطفتهن 

يوسف باستهزاء/:من صعدن بالسياره ظليت امشي وحده كالت مو هذا الدرب كتلها اي هذا طريق مختصر 

عن الازدحامات فترت شويه واجو جماعتي صعدو هنه ظلن يتصارخن طلعو القامات كللهن ثامر 

- - اشششش ولا نفس تسكتن وهسه النقالات بسرعه 

طلعن النقالات وظلن يرجفن وهسه هنه منتظراتك تجي لان هاي المره الجبيره كل شويه وكالت 

- - يمه فدوه جا خطفت الولد ابو سياره الويانه هو عده فلوس ويفك روحه احنه كل شي ما عدنا 

سلام ابتسم وكال ::زين بس هيج كالت هاي من تجيها خبالاتها تكتلكم 

باوع وكال ::راح افتح الباب صيرو على صفحه واتقربن وسمعن بدون اي كلمه 

وباوع للولد كله ::يوسف جيب كراسي 

وراح يوسف جاب اربع كراسي نايلون كرسي خلا ع يمين الباب وكرسي ع اليسار ودخل كراسي اثنين ودخلت 

انا وسلام ورضوى وعطاء يباوعن 

شفنا كوثر وامها وسهير كاعدات على كراسي ومشبكات من رجليهن النهاية اديهن وهنه خايفات ويبجن مقابيلهن 

واكفين اربعه كل واحد لازم قامه بايده وعلى صفحه واحد شايل كامره هنه من انفتح الباب وشافن سلام وانا ويا 

صدك انصدمن سلام وهو يدخن ويضحك ويكول 

::ياهلا وجثير الهلا بمرتي وعمتي ومرت عمي 

صبيحه جاوبت /:يمه سلام افه عليك هيج تسوي بينا

//////////////////////:::/://///////

سلام 

من رحت ويه علي للضابط الي انطى الارقام العلي وكاله ما اعرفهن وبعدين راواهن الي وشفت رقم كوثر 

خاله داخل دائره لان رقمها اكثر واحد متواصل ويه ابو المقطع بديت افكر واراجع نفسي من قبل يوم من الحادث

 شلون سهير راحت الاهلها وبيت اخو صبيحه عزموهم واصرو اله كوثر تجي وجية صلاح وروحة عطا البيت

 جدها او وصول المقطع بنفس الوكت الي والعلي وبعدين سكوت كوثر طول هاي الايام وامها الي ماسالت اله

مره او مرتين عن رضوى حتى عمامي طاهر وصاحب ما سالو عن رضوى الا مرتين بقيت افكر يعني 

معقوله صبيحه وكوثر يعرفن بعلاقة سهير ويه فواز بقيت بدوامه الي كدرت افسره انو هذن التلاثه هنه سبب 

مشكلة فواز ورضوى والي صار الرضوى بعد ما تزوجتها فااكيد هنه عدهن علم بزواجي وقررن ينتقم 

لحد هسه وانا كلمات صبيحه ترن باذاني من تگلي صوت واحد واگول لگيته ويه مرت اخو

المغرب رحت على خالتي الي صار اكثر من شهر لا شايفها ولا سامع صوتها واتعشيت عدها وعرفت خالتي 

تعرف بكل شي ورجعت للببت واتلكتني بت صبيحه الحقيره كمت ما اكدر انطق اسمها وما اريد اشوفها بس مظطر

 اجاريها كتلها تعبان واريد انام ومثلت النوم وانا افكر بس بالانتقام وكعدت الفجر اتصلت بيوسف 

وهذا ولد جان يجي ياخذ بضاعه يعرفه فواز بيومها جنت يم فواز اجه هو ويسمع فواز ايعيط بالتلفون عل واحد 

يطلبه فلوس وذاك نكرهن 

وفواز بيومها يتهدد يوسف سمع كله //ما عليك فواز احسب الفلوس بجيبك بس انطيني عنوانه وامهلني شكم يوم

رابع يوم العصر چنا گاعدين بالمكتب اجه يوسف وجاب الفلوس الفواز الي عرفته من فواز انو يوسف 

راح للرجال الي نطلبه وكله انو هو يطلب فواز وفواز ما عنده لان يطلبك وانا اريد فلوسي منك واذا امتنعت راح 

كل شي تتصور اسوي بيك ومنطي مهله تلث تيام وفعلا الرجال خاف وجاب الفلوس لان شاف يوسف 

يحچي برحابة صدر 

وهم اجانه بفاتحة فواز وره مده اجه اخذ مني بضاعه وطلب مهله وفعلا جاب الفلوس بالموعد وگلي 

- - سلام فواز الله يرحمه صاحب فضل عليه وانت اخو وهسه ما قصرت وياي اي شي تحتاجه انا روحي گدامك 

 انا طلعت للحديقه وخابرته اول مره ما رد بس بعدين جاوبني 

- - الو منو 

::الو السلام عليكم 

- - عليكم السلام منو 

::اشلونك يوسف 

- - الحمد لله منو 

::يوسف انا سلام اخو المرحوم فواز شنو ما مسيف رقمي 

- -اهلا سلام عاش من سمع صوتك شلونك 

::مو زين يوسف ومحتاج مساعدتك وبسرعه 

- - صدك جذب يمعود الروح ترخصلك فواز الله يرحمه غالي عليه 

::وهاي الخدمه احسبها هم الفواز والله هي الفواز 

- - انا اسمعك فهمني شتريد وتدلل

وسولفتله ::اريد ذني التلاثه اريد اقررهن واعرف الحقيقه 

هو كلي //سهله انت يمته تريد تبلش بالخطه 

::اليوم 

- - مو تشوفهاصعبه 

::ما تصعب عليك يوسف وانت تدلل 

- - يمعود فضل فواز الله يرحمه مغركني وللموت ما انسى فضله 

::تسلم يوسف وهسه 

- - هسه كل الاريده منك يطلعن من البيت تلاثتهن وبعدين خلي الباقي عليه 

::يعني اعتمد يوسف

- - شنو سلام احنا زعاطيط كلمتنا وحده الساعه تسعه الصبح خابرني وانا اكلك شتسوي هسه اخابر جماعتي 

واتفق وياهم 

::وانت يوسف شتامر حاضر 

- - مع الاسف عليك ما بيناتنه احنه نريد نخدم فواز واخو ترخصله الروح

سديت التلفون وانا احجي ويه روحي :::الله يرحمك يافواز عشت لغز ما نعرف بيك بس تشتغل وتضحك 

وتسولف ومتت وانت لغز لا عرفت منو الماتت وياك وهسه 

عرفت ولد عمي صاحب همه ولدك بالحرام ويوسف صاحبك بس

يريد يخدم وبعد شنو المضموم الله اليعلم

وطلعت الصبح بعد ما حجيت ويه كوثر راح اشتري بيت واسجله

باسمها وسهير هم تروح تشوف بيت الها والعمي وصبيحه لازم تجي تشرف وتبدي رايها

رحت للمحل وخابرت يوسف الي كلي وره ما تتفق على اساس اشتريت البيت ويرحن وياك يشوفنه اعزمهن 

على سم يسمهن ومن يكملن راح اتصل بيك يعني جاهز وتطلع وشغل السياره ما راح تشتغل مره واثنين زلمي 

يراقبونك واجي انا واطلب مني اوصلهن وخلي الباقي عليه 

انا كتله ::يوسف اريد اعرف الحقيقه وذني حيالات وجذابات 

يوسف /:بس اذا اكو زلم لازمين قامات وجلب بوليسي وبانزين ينصب على رجليهن دقيقه ويقرن

وسويت مثل ما كلي وخابرت علي واتفقنا يجي وياي وصلنا للمكان الي دلاني بي يوسف بستان بمنطقه 

ريفيه بعيده 

والبستان نزله وبعيد عن عين الناس وبي بيت بالضبط بالوسط ودخلت جان بيت قديم والهول ما بي فراش 

جان مصبوب اسمنت مو كاشي 

ورطب دخلت وانا داير وجهي على الغرفه الي هنه بيها حسيت بعلي اجه وراي درت شفت رضوى وعطاء 

انا رجفت من شفت رضوى شلون وجهه اصفر ومكسوره 

رحت عليها واتقربت كتلها اشلونج رضوى هي ما ردت ودارت 

وجهها انطيتها العذر بعدين طلع يوسف وكلي على صبيحه اتكله 

جا خطفت الولد عده فلوس ويفك روحه 

صدك ضحكت على سوالف صبيحه يعني حد الخطف وبعدهي السان 

طلبت من يوسف يجيب كراسي 

راح يوسف وجاب اربع كراسي انا شلت كرسي وخليته بجهة الباب اليمنى واخذت ثاني وخليته ع الجهه اليسرى 

وباوعت الرضوى وعطاء كتلهن ::اكعدن واسمعن ولو شنو يصير لاتدخلن الى ان اصيحجن 

هنه كعدن واشرت اليوسف فتح الباب ودخل الكراسي دخلت اناوعلي وشفت صبيحه وبتها وسهير كل وحده كاعده 

على كرسي ومربوطه من رجلها الحد اديها اوكدامهن جماعةيوسف واكفين وبيدهم قامات انا دخلت والجكاره 

بحلكي باوعت الهن مصدومات وخايفات خليت الجكاره جوه رجلي 

ابتسمت باستهزاء ::هلا وكل الهلا بعمتي ومرتي ومرت عمي 

صبيحه حجت باستعطاف وخوف /:يمه سلام افه عليك يابني ليش هيج تسوي ويانه 

انا باوعت الها وكلت ::ام صلاح انا ما مسوي شي بس الجماعه خطفوجن وطلبو مني فديه واجيت اشوف صدك 

جذب خو ما ادفع فلوس عليك ياخطف شنو اشتري سمج بالماي 

يوسف /:شنو استاذءاحنه نجذب عليك لونتشاقى حتى هاي الحجيه كالت ا لاتخطفونا اخطفو الولد عده هواي 

فلوس ويفك نفسه 

انا بابتسامه ::افه ام صلاح شبساع بعتيني قبل شويه اريد اسجل بيت باسم بتج

هي رادت تحجي انا اشرت باصبعي على حلكي وكلت :::اشس لحد يحجي اكمل كلامي 

هنه يباوعن بذهول كوثر ترجف وسهير وصبيحه وحده تباوع للثانيه انا وكفت على حيلي وكلت 

::هسه عوفن كل شي انا اسال وانتن تجاوبني انا كل شي عرفت بس اكو اشياءبقت ما فاهمها واريد افهمها 

تدرن بيه غبي ما استوعب بسرعه وهسه بدون ولف ودوران اتفقنا 

هنه ساكتات انا صحت ::اتفقنا 

هنه نزن وحركن روسهن انا حجيت ::مثل ما كتلجن انا كل شي اعرف بس اكو اشياء اريد اعرفها فلا تحاولن تلعبن 

بالكلام لو تجذبن لان تندمن

واشرت الذوله الواكفين اتقربو عليهن واشرت اليوسف الي طلع ورجع بيده مكرم السامع -كلب-من هذا البوليسي 

انا كتلهن ::اي وحده تحاول تجذب لو تنكر انا ما اسوي شي

- جان اكو بالباب بطل بانزين كمت شمرته على جفوف رجليهن -

هذا بانزين والبستان بمكان مهجور فاي وحده تنكر شوفوهذوله كل واحد راح انطي وحده يغتصبها بالبدايه 

وبعدين بالقامه يطبرها من يم ايدها رجلها ما اخلي يذبحجن لا بس تجرح وهذا الجلب اخلي ينهش من كل وحده 

وذره لان يموت عل ريحة الدم وبعدين -طلعت الجداحه- ومن يم رجليجن واسد الغرفه تكومن تطافرن وحده 

تحرك الثانيه حتى اليمر يشم ريحة شوي عبالهم نشويلنه طلي هرفي هسه اتفقنا نبدي لو من اسأل اتجاوبني 

بدون لف ودوران 

علي كلي //سلام هنه ذكيات اكيد الي سوونه المصلحتهن وهسه هم من مصلحتهن يحجن وما يضمن شي 

درت وانا اهز راسي ورافع حواجبي ::اي علي انا اريد اسمعهن شتكولين ام انمار تردين تحجين لو ابلش بيج 

اخاف عبالهن اتشاقى 

سهير باوعتلي بخوف وكالت /:سلام والله والله هنه ورطني 

::سهير لاتحلفين احجي بدون حلفان النكس يحلف وما يصير بي شي وانتي تعرفين روحج 

سهير تستعطفني /:سلام انا مالي شغل كله من هاي (واشرت على صبيحه)

صبيحه/:انجبي هم تحجين انتي اكبر ساقطه 

سهيربخوف /:اي ساقطه على روحي انتي وبتج ورطتيني لو تفضحيني لو انفذ التردينه لان بتج تحب سلام 

ولازم تاخذه وانتي تدرين بي يكرهها وما يشوفها بعينه

صبيحه /:شوف هاي شتحجي 

سلام ::اششش ما جايات اهنا تتعاركن ووتتعايرن تنجبن وكل وحده تخلي نعال مكطع بحلكها 

واشرت اليوسف اتقرب ودنى الجلب عليهن وظل ينبح يريد يكمز

عليهن هنه ظلن يتصارخن يوسف بعد الجلب يوسف كال //خوش مربربات يشبعنه شتكول

رديت ::اي النهار كله گاعدات يسولفن وياكلن ويسون افلام وسحوره (اتقربت منهن )هسه نبدي مو 

وانتن بكيفجن 

هنه سكتن انا هزيت راسي للولد تلي يصورهن يعني ابدي وكفت وكتلها ::ام انمار سولفي 

سهير بخوف /:شسولف 

::بعد ام انمار لا تستحين سولفي على علاقتج بفواز واذا ما تسولفين كدام هذن السكط هسه ثامر يغتصبج ولو عدج 

عادي ومن يخلص منج يبدي يحرگج بس ها وره ما جلب يوسف يعضله منج وذره اثنين ما شاء الله مثل ما كال

يوسف الحرام طايحلج 

هي كامت تبجي وتستعطفة/:فدوه سلام والله ساعه شيطان 

::وانا ما كايل شي سولفي اريد اسمع 

سهير باوعت الصبيحه الي دنكت اما كوثر فبس فاكه عيونها بذهول سهير كالت 

- - انا من تزوجت عمك جنت زغيره ومراهقه وحلوه واي واحد يشوفني يريدني 

::اعرف وحكتي على صاحب الي طلك عهود واخذج وعطاء صارت خدامه الج ياساقطه 

سهير بخوف //شفت فواز هو حلو عجبني حاولت استميله بس هو صدني جنت

اطلب من عمك مصرف يوم ينطيني ويوم لا دائما عمك يروح الابوك ياخذلي مصرف وبعدين من فواز

انا قاطعتها /:بس عمي يحبج طلك مرته التعبت ويا وتحملته وجان شغله بس الج 

صبيحه /؛اي جا شغله وينه كله تودي الاهلها تكد عليهم 

انا خزرت صبيحه وكلت /:كملي سهير وانتي انتظري جايج الدور حطي انعال بحلگج واسكتي 

سهير /:انا راجعت طبيب كلي ما بيح شي بس لكيت اوراق اصابة عمك من سووا الحادث هو اصلا ما يدري 

بيهن لان ولا مره گلي عليهن اخذتهن للطبيب كال

مستحيل يصير عنده جهال ظليت اخذ فلوس بحجة الطبيب وانو يجوز الخلل مني وانت بيك نسبة ضعف قليله

 انا جنت اكدر اطلك بس المن اروح الفگر اهلي ونسوان اخوتي وهم... 

::هم شنو سهير احچي ولا تسكتين ما عدي وكت

سهير //هم حبيت فواز ما كدرت ابعد عنه وهو شاب وحلو وزنگيل وانا جنت البس واتمكيج لكن هو ولا يمي

 فد يوم سمعت امك تسال بابوك على فواز لان اتاخر كللها عنده شغل وسمعته يكلها فواز صار يشتغل النه والنفسه 

يعني يسوي شغل خاص بي وما شالله ماشيه بيده انا بقيت افكر ليش ابقى ويه صاحب يوم عده الف وعشره لا

لو كل يوم يروح الابوك يطلب منه فلوس وابوك يحجي علي لو ينتظر يمته رضوى تقبض راتب ابوها على 

مود ياخذ منها صرت افكر ليش ما اطلك من صاحب واترك الفقر والضيم واخذ فواز هم شاب وهم حلو وهو متمكن 

 ليش تاخذه عطاء وتاخذ كل شي صرت احاول اتقرب منه واغري بس هو ابد مو يمي الى ان فد يوم راح عمك للميناء

عنده حمل وفواز چان من يطلع يقفل باب غرفته من رجع فتح الباب وطلع راح يم امك للمطبخ انا دخلت بالغرفه 

وبقيت منتظرته هو اتاخر واجه جانت ظلمه وانا جوه الفراش هو ما منتبه دخل

وراح للحمام سبح وبدل واجه ينام اتفاجأ بيه على فراشه ظل

صافن من المفاجاه ما انطيته مجال او ،،،

جاوبتها ...:اي وبعدين 

هي بلعت ريكها //صار فواز كل ما يحاول يبعد عني انا اروحله حتى مره رحتله للمحل وهو شافني حاول وياي 

ابتعد عنه بس انا صرت احبه مجنونه بي جان كل الي اريده يجيبه كبل ما اطلبه وبنفس الوكت يصدني لكن انا 

صرت الاحقه وبعدين صار...

انا جاوبتها ::صار الحمل مو 

هي هزت راسها دخنت جكاره وحجيت ::كملي سهير 

وره ما صارو جود وانمار فواز عباله همه ولد صاحب وحاول يبتعد بس انا ما اخلي جنت اريد اتطلك من صاحب

واخذ فواز انا حبيته كل ما اكول ابتعد ما اكدر الى ان فد يوم اخذني الشقه كلي خلص ما اكدر استمر احنا لازم 

نبتعد وانا راح اتزوج عطاء لان احبها انا سمعت اتخبلت كتله مو بكيفك تاخذ عطاء افضحك واگلب الدنيا 

هو كام لزمني كطعني اتكطع وكلي //انتي كل شي ما تعنيلي مجرد نزوه وغلطه انتي جرفتيني وابقى طول العمر 

اعاقب نفسي عليها 

اهنا كتله انا //يجوز ما اعنيلك شي بس جود وانمار يعنولك 

هو بالبدايه ما فهم كلي //سهير عمي يحبج انتبهي النفسج وربي جهالج وهسه هم ان شالله 

يصير عندج ولد بنيه ربيهم انا ما افيدج انا احب عطاء 

انا ضحكت كتله ياولد يا بنيه منين يصيرون خاف عبالك جود وانمار اولاد صاحب لا ياعمري صاحب ما يصير 

عنده اطفال من الحادث جود وانمار اولادك واذا ما تصدك باجر اجيبلك التحليل مال عمك واخذ الجهال

حلل الهم راح يطلعون ولدك هو انصدم بس فجاه صار مثل النار 

يحرك الكدامه كام عليه وموتني من الكتل وصار على صفحه وگعد بالگاع وظل يبجي ضرب راسه بالحايط 

وعافني بالشقه وطلع وانا رجعت البيت اهلي وثاني يوم انطيته الاوراق واخذهن بدون ما يحچي وياي

 تتذكر من بقى اسبوعين ما يجي للبيت بس بالليل وبحجة الشغل بعدها شفته كلي 

عرفت الجهال ولدي انا ما ادري شلون عرف وكلي شنو تردين انا حاضر وبعد ما اكدر اخذ عطاء لان انا

انسان خاين 

كتله // فواز اريد ابقى وياك لا تعوفني انا راح اتطلك من عمك وانت اتزوجني حتى لو بالسر 

جان ابالي بلكي يوافق اتطلك ويتزوجني لكن هو ما وافق وكلي ما اتزوجج لو تبقين بس انتي مره انتي خنتي عمي

وجريتيني للخيانه ومستحييل تفكرين لو بالحلم اتزوجج 

انا صرت اتوسله واحاول ويا بس هو فهمني حتى لو يستمر بعلاقته ويلي ما راح يشوفني اله وحده رخيصه 

   :: وانتي من سمعتي فواز هالشكل ليش ما ابتعدتي 

 انا حبيته مو بايدي وهم فواز عيشني ويصرف عليه وعلى جهالي 

 :: انچبي يا حقيره عمي صاحب ما مقصر بس انتي نفسچ دنيه 

   هي دنگت حاچيتها :: اي كملي خلي نسمعج لا تستحيين 

هي بلعت ريگها // بقيت اروحله للمكتب للشقه وحتى الغرفته واستمريت بعلاقتي ويا لكن هو وره ما اتزوج رضوى 

تركني وما صرت اشوفه وهو وعدني راح يشتريلي بيت للجهال وهوومسؤول عن مصرفهم واحتياجاتهم 

بس بعد راح بالحادث

انا كتلها ::قصدج قبل الحادث بايام من راد يشتريلج البيت 

هي جاوبت /:اي حتى رحت شفته واتفق ويه الدلال 

::زين هاي كلها اعرف بيها اريد شلون فواز وصل الغرفة رضوى ذيج الليله

سهير /:والله سلام هذا كله تدبيرصبيحه هو فواز بدا يبتعد عني خصوصا من اتوفو اهلك لكن انا دووم احجي ويا

واخابره بحجة الجهال واخذ منه فلوس ومن اشوفه احاول اغري هو شاب ما يكدر يلزم نفسه بيوم الي رحتو 

للمزرعه وصبيحه كلتلي لازم اخلي فواز يجي للبيت سوي اي حجه وخلي يدخل وياج للغرفه وبيومها انا كلت راسي 

يوجعني 

فتحت عيوني :: ايي 

رحت الها بحجة اشوف عدها علاج وانطتني كوب چاي انطيته الرضوى 

  :: هاا 

   تباوع الصبيحه // خلت بي حبايه وانوب كلتلي دزي رساله الصاحب كليله تعال بسرعه رايدتك ولاتخابر 

اي احد واجه فواز راد يطلع بس انا ما خليته يطلع حاولت اغري او...

  هزيت راسي :: مفهوم كنلي 

 - - صبيحه من عرفت اجه صاحب صعدت قبله وكالت الفواز انزل اجه عمك من راد ينزل هي كالتله ضم روحك 

بوحده من الغرف بس تنزل يشوفك ويصير كاتل ومكتول ودخل الغرفة رضوى 

جاوبتها بنتر ::ها ليش مو اكو غرفتين غير غرفة رضوى 

سهير /:مو هاي (وباوعت على صبيحه -)هاي قفلت غرفةعطاء والجهال 

بعد اضطر يدخل الغرفة رضوى عمك اجه سالني شكو 

انا كتله وانا اضرب على وجهي //. فضيحه صاحب بت اختك وابن اخوك وهاي ام صلاح شاهده هو دخل

وشاف رضوى نايمه وفواز واكف ما يعرف شيسوي 

انا بنتر ::هاولج من هاي لمن صاحب راد يرمي رضوى انتي توسلتي لان تدرين قبل لا يرمي رضوى راح فواز 

يعترف بكل شي ويفضحج 

هي هزت راسها يعني اي 

انا من سمعت هيج طلعت من الغرفه لان ما اكدر الزم اعصابي اله

اموتهن طلعت وشفت عطاء ورضوى يبجن بس بدموع بدون صوت رجعت يمهن والمسدس بايدي اتقربت من سهير 

وخليت المسدس براسها 

::سهير اذا تردين روحج احجي منو هذا الويه رضوى بالغرفه بعد ماكو شي ينضم احجي سهير 

سهير //ياهو سلام 

::احچي ولج منو هذا البلغرفه اذا تردين عمرج احچي 

هي بلعت ريكها وكالت /:سلام انا من دريت رضوى تعرف بقصتي انا وفواز وهي هددتني انا خفت رغم ما 

بينت الها ورحت الصبيحه سولفت الها كالت وانا شسويلج انتي حليها انا بقيت خايفه كل ما يجي عمك عبالي 

رضوى مسولفتله فد يوم اجه عمك صاحب وانا حاولت اعرف منه اذا جنت متزوج رضوى لو لا

وصاحب بلحظة ضعف حجالي كل شي 

انا عضيت شفتي وضربت ايد بايد وگلت ::ادري بيهم هو وطاهر طليان بس يثغوون 

علي باوعلي يعني ما قبل انا كتله ::وداعتك ابو حسين مسوايتهم نعل صبيحه وسهير يلبسنهم

ويذبنهم زلم على عمتي عليه ورضوى وعلى عطاء كملي ولج 

سهير /:انا من عرفت بيك انت متزوج رضوى انا حجيت الصبيحه وكوثر هنه بالبدايه ما صدكن بس انا 

كتلهن من تطلع رضوى تروح للمزرعه وسلام يروح وراها وفهمتهن اول وتالي سلام ايطلك كوثر لان هنه 

يعرفن بيك شگد تحب رضوى فمن رحتو للمزرع انا بلغتهن بشرط ان ايساعدني 

وره يومين اجت صبيحه وكالتلي 

سهير طلع كلامج صدك سلام ماخذ رضوى وهي من درت بعلاقتج ويه فواز هسه تفضحج وانتي راح تحجين 

كل شي وتعمين عليه وعلى بتي (وهاي كوثراشرت براسها)هاي اتخبلت من الغيره كالت اكتلها موت 

 بوكتها باوعت الكوثر وفهمتها اذا تكتلينها لو تسويلها سحر تبعدينها عن سلام انتي الي راح تنضرين 

لان سلام ما راح يعوف فلوسه يبقى وراها يعني لاتضيعين روحج ولا تنسين خالته ام بهاء ما راح تعوفه 

وهي تكره امج انا بالنسبه الي شتسوون من جانبي المهم رضوى تنضر وما انكشف وحتى لو انكشفت 

انا غريبه وما راح انكر علاقتي بفواز يعني اكثر شي ايسوي صاحب ايطلگني وراح اكول صبيحه هي 

طلبت مني هيج اسوي بس حتى اتزوج كوثر السلام وتخلي يكره رضوى 

بس انتي ياكوثر شلون بيچ راح كل شي يروح من عندج سلام وفلوسه ودلاله 

وانتي صبيحه طاهر بس يعرف ابخطتج راح ايطلگج

تقريبا تلث تيام واجتني كوثر جابتلي حبوب كلتلي // رجعي علاقتج برضوى ولا كانه صاير شي 

وهاي الحبوب لازم يوميه تنطيها حبايه ولا تكولين شلون وما اكدر انتي هم تردين تتخلصين منها 

اخذتهن اوصيت عمك يجيب كهوه من هاي الي تحبها رضوى وخليته يكلي گدامها هاي بس الرضوى والي 

محد يشرب منها وصرت يوميه اسويلها كوب وانطي الها بعدين من راح عمك للميناء انا رحت الاهلي 

وعطاء راحت البيبتها وهنه كملن الخطه 

اتقربت عليها ولزمتها من بلعومها وانا اگول ::يابت الكلب يا ساقطه لو اموتج ما اشفي غليلي 

(ودرت على صبيحه ) وانت صبيحه خاتون انتي لو بتج تبدن بالحجي 

صبيحه بخوف /:عمه 

::انجبي عمه العماج احجي بدون تلوك 

صبيحه //انا ما عدي شي هاي وحده خاينه والنهار كله من واحد الواحد وتذبه براسنا وانت تصدكها 

انا ::الظاهر ام صلاح مشتهيه عضه مالت جلب لو واحد يغتصب بتج كدامج 

كوثر اول مره كوه تحجي /:س سلام شنو هالحجي انا مرت مرتك 

باوعتلها وحچيت باستهزاء ::عمت عينج اذا مرتي كبل لا اجي طلكتج عد السيد صدك جذب

انتي مرتي ولچ انتي غلطت عمري ومره ثانيه اذا حجيتي صدكي ذوله اخليهم يغتصبونج وكدامي وانا اضحك 

صبيحه /:ولك سلام هاي عرضك 

:: انچبي ساقطه وبسرعه احجي لو انتي لوهي بسرعه 

هنه بقن ساكتات اتدنه ثامر على صبيحه وهو يكلي //استاذ تره مرت عمك بعدهي بحيلها كبل لا اذبحها

اتونس وياها 

هي كالت بخوف وترجي /:يبووي سلام هيج ولك انا مثل امك 

رديت عليها :...اكلي تبن ولا تجيبين طاري امي وهسه احجي احسلج مو عبالج اتشاقى تدرين بيه احب رضوى 

وانجن من اعرف احد ماذيها انوب مشرباتها حبوب وجايبات واحد مدخلاته للغرفه مو بس اوذرچن صدگي صبيحه يغتصبونها وانوب اگوم اوذر لحم منها واوكلج ايا تعرفيني يم الشرف والعرض كل شي ما يلزمني 

صبيحه //چا كوثر مرتك وعرضك 

::مرتي اي بس مو عرضي وهسه طلگتها يعني ما يرفلي حفن عليها وهسه احچي احسنلج 

صبيحه /:شحجي كل الحجي سولفته سهير 

::ها يعني تعترفين انتي سويتي كل هذا على مود بتج

صبيحه /:بتي طايح حظها حبتك واتسودنت عليك مگيره ياما كتلها ولج عوفي بس هي عنيلت وانا سويت

كل هذا على مودها 

::ولج اصبيحه على مودها لو على مود محد يغلبج مثل ما اخذتي طاهر من ربيعه شلون رضوى تاخذني وبتج 

محد مكلبها

صبيحه /:هي بتي طايح حظها انا كتلها ولج فواز ما طول بعد ما ياخذ عطاء اخليج تاخذينه بس هي لا اله انت 

انا جاوبتها /:تؤ مو االه انا بس بتج تكره رضوى لان احسن منها ورادت تاخذني منها وتملكني وتسويني طلي 

مثل ما انتي مسويه طاهر مو 

صبيحه /:بتي تريدك وانا اكره رضوى لان امك تحبها اول مره فكرت بس تصيرلي فرصه وانت بغرفتك اخلي 

كوثر تاخذلك ماي جاي وانوب تظل تصيح عود انت متحرش بيها وانت غصبن عليك تاخذها 

بس تالي فكرت كلت انت تاخذها بس تشبعهاضيم ويجوز بعدين تطلكها وتاخذ رضوى انا ردتك تكره رضوى

 من دريت بسهير عدها علاقه ويه فواز انا هددتها وفهمتها شتسوي 

::اي وانتي ما قصرتي وبعد كملي

صبيحه /:تالي اجت وكالت سلام متزوج رضوى وصاحب يدري انا ما 

صدكت بس من طلعت رضوى شفتك من رحتلها للمحكمه واخذتها 

للمزرعه عرفت انت متزوجها

::اي وشسويتي 

سهير /؛لا سلام هالمره مو هي هاي مرتك هي السوت

::هاا مرتي -(ودرت على كوثر وعضيت شفتي بحركه )شنو شو ساكته بس انا غبي واله كوثر تسكت 

شهرونص وما تجيب طاري رضوى وما تسال عنها وج انتي من جنتي بالابتدائيه تغارين منها لو لبست بدله 

ماتنامين تظلين تلحين اله تشترين مثلها وهسه ياكلبه يابت الكلب اسمعيني اسامح الكل وانتي بالذات ما اسامحج 

تدرين ليش (اتقربت يمها وگعدت وباوعت الها ) لان خنتيني 

كوثر بخوف /:لا والله سلام ما خنتك 

   وگفت وانا ااشر باصبعي :: انجبي اسمي لا تجيبينه على السانج وهسه احجي لا والله انفذ تهديدي عليج بس انتي 

اتعرفيني مو عبالج اتشاقى احجي 

هي بخوف /:سلام انا كل الي سويته لان احبك وردت احمي زواجنا 

::ولج اكلي تبن واحجي 

واخذت القامه من ثامر ولزمتها من شعرها وكتلها ::وهسه تحجين عدل ولا تسربتين 

هي كالت /:هسه احجي سلام بس لاتموتني انا من عرفت بيك متزوج رضوى اتخبلت ردت انتقم منها ومنك بقيت 

افكر ما نمت ولا هدأت ثاني يووم اتذكرت جانت ويانه بالكليه وحده عليها نقطه 

:: هاي العليها نقطه تبقى اشرف منج لان تعرف حجمها كملي 

كوثر بخوف // انا حصلت رقمها واتصلت بيها كتلها اريد واحد يبيع حبوب هي عرفتني على واحد جانت

تروجله بين الشباب 

 اخذت منه حبوب وبعدين كتله يجيب واحد اصوره ويه رضوى مقابل مبلغ هو جابلي واحد

انا صكيت سنوني ولزمتها من شعرها ::يعني افهم منج انووهذا الي ويه رضوى انتي جبتي وانتي صورتي 

ليش مو بوكتها انتي رحتي البيت خالج 

كوثر //اي رحت بس وراهم صورت ودزيت المقطع الك والابن عمها وبعدين رحت 

::يعني استغفلتيني بقيتي بالبيت تصورين زين ليش دزيتي المقطع العلي مو بس الي

كوثر //لان امي كالت يكتلها وهو ينسجن والفلوس تصير الامها عاد ابن عمها يكتلها وفلوسها اتصير الك 

لان انت رجلها

انا ضغطت ايدي بركبتها اجه علي حاول يفكها مني وانا ظليت الهث واكول 

::يابت الكلب الكل ممكن اسامحه الا انتي يانذله الموت قليل بحقج 

علي /:سلام لا تتهور عوفهن

ظليت الهث وكوه جريت نفس اشرت اليوسف جابلي ماي شربت شويه وظليت انفخ لان احس نفسي انقطع

 وصلت للباب واشرت العطاء ورضوى دخلن للغرفه جانت عطاء متاذيه اكثرمن رضوى حقها محد يلومها 

هي من دخلت ظلت تبجي بصوت عالي انا ردت احجي بس علي اشرلي اسكت حتى عطاء

اتطلع عبرتها جانت شبه مختنكه لكن من دخلن للغرفه هي بقت تبجي انا حجيت 

::عطاء عليمن تبجين كافي ما يستاهلن دموعج هاي حوبتج وحوبة رضوى 

عطاء /:انا والله ما اعرف عليمن ابجي ما ادري على ابوي ما اعرف على فواز لو على رضوى الي ضلمتها

 وهذني (واشرت عليهن)هذني بس يقرن براسي عليها الله لا يوفقجن سهير الله لا يوفقج والله الموت قليل بحقج 

انا حاجيت عطاء كتلها ::كافي عطاء وداعتج لو بيدي هسه اكتلهن بس الامر مو بيدي 

هي وعلي باوعولي انا اتقربت من رضوى وكلت 

::شوفي رضوى انتي سمعتي وشفتي صحيح عطاء اتاذت وانا هم بس

انتي اكثر وحده تعذبتي وانظلمتي من الكل رضوى شوفي 

انتي شتكولين يجرالج هذوله الزلم باشاره منج باشاره منج شتردين

يسوون تردينهم يذبحوهن يحركوهن يدفنوهن عدلات انتي بس اشري

تستمر القصة أدناه

ودنيت الكرسي عليها وكتلها اكعدي هي كعدت على الكرسي وظلت تباوع الهن وكالت

=صبيحه شكد عمرج وانتي ما تخافين من الله زين انتي وامي مو بنات عم 

ليش ما كلتي الله لابد يوكعني لوانتي (ودارت على كوثر )ياكوثر

تدرين بيه انا وسلام روحنا وحده من احنا زغار وانتي تكرهيني وتغارين مني ما لكيتي اله سلام وهيج 

تشوهين سمعتي زين ما فكرتي تنكشفين لواهم شي عدج تملكين سلام شنو عبالج انتي وامج اقوى من الله

بعدين باوعت السهير وكالت 

=اما انتي ياسهير جا عفتج لان تنجازين انتي ورب العالمين لكن من صرتي تشربيني الحبوب بالكهوه

     (وهزت راسها ) لا يمكن افكراسامحج 

علي /:رضوى انتي بس اامري شتردين تم 

سلام ::اي رضوى هسه انتي القاضي وانتي الي تحكمين عليهن واحنا انفذ

صبيحه رادت تحجي بس رضوى سكتتها بحركه من ايدها 

=شوف سلام انا بالنسبه الي اخذت حقي من شفتهن بهذا الوضع المذل مرتك وامها حصتك لان هي عرضك بت عمك 

وقبلها مرتك وامها هم اتخصك لان بت عم ابوك فما علي بيهن

 علي // تحجيين صدك لا مستحييل اعوفهن مثل ما هنه يخصن سلام انتي بت عمي وتخصيني وشرفج شرفي 

     باوعت العلي. = خلي انشوف اهلهن شلون راح يتصرفون وياهن وبعدين حقنه نعرف شلون ناخذه 

  ( واشرت على سهير ) اما انتي ياسهير فغصبا عليج تطلبين الطلاك من خالي صاحب واسوين تنازل 

عن الاولاد واله راح اتصرف وياج صدكي اشوهج واخليج العمر كله تبقين بالسجن لان انتي اعترفتي بلسانج 

انتي زانيه والجهال مو اولاد صاحب وانتي جنتي تخليلي الحبوب يعني انتي اتروجين

انا گلت ::وبالسجن تاخذين راحتج تجيبين بدل التوم عشره 

رضوى =سهير ادري بيج ذكيه راح نهدج مثل الجلب المسعور ترحين البيت اهلج واي حركه الجماعه 

موجودين بس هالمره صدكي اخليهم يدفنونج وانتي عدله

باوعت العلي وكالتله /:علي خابر رافت وكله يسوي معاملة تفريق وتنازل عن الجهال وعن كل شي 

وطلع علي من الغرفه وخابر المحامي بعدين رضوى باوعتلي وكالت بدون ما تنطق اسمي 

=هاي مرتك وامها انت تنجازى بيهن 

انا من سمعت هيج كتلها ::اوكفي رضوى اوكفي انتي تاذيتي صحيح بس انا انجرحت برجولتي لمن ما مرتي 

تحجي ويه رجال ومنو واحد ساقط يبيع حبوب كبسله وتدخل واحد للبيت وتصوره يعني تعرفين هاي شنو معناها 

باوعت الكوثر ::بس اسمعيني ياكوثر خلي اكلج الرجال ياخذ وحده واثنين وحتى اربعه لكن انتي 

بعمري ما اعتبرتج مرتي خلي اكلح شنو انتي انتي مجرد سد شاغر ما الج محل من الاعراب صدكي 

ولج لو حاسبج مرتي صدكي وثقي جا اهنا ذبحتج بايدي لان خنتيني بس لا انتي مجرد حشره لذلك شوفي 

ولج صبيحه تاخذين بتج وما توصلين للبيت والج تلث تيام تخلين طاهر يشيل من البيت انا اشتري وانتي كوثر

 انا طلكتج ما تفكين حلكج كولي انا مااريده هذا الي اسوي مو على مود سواد عيونج لوعيون بتج لا الخاطر

 صلاح واخوانه لا يمشي وتعيره الزلم ها واسمعي صبيحه كله سجلته يعني حتى لو تسولي سحر مثل الي لكيته 

بغرفتي فالتسجيل عشر نسخ وراح اخلي عد رضوى وعد عطاء وعد علي ويم عليه واهم شي يم خالتي ام بهاء 

يعني وداعتج راسا تنفضحن وتنكتلن 

علي /:سلام حتى عد الشرطه راح نخلي نسخه 

كوثر باستعطاف تبجي /:فدوه سلام لا تطلكني والله اصير خدامه الك والرضوى

::اشش ولا كلمه المفروض اشرب من دمج بس لا دمج نكس مثل دم امج وهسه مثل ما كتلجن 

انا احس بروحي فحطت كعدت ع الكرسي والمصور كلي //سلام هذا الفلم كملته 

انا حجيت ::شغله وخليهن يسمعن اعترافاتهن اخاف عبالهن اتشاقه وبعدها انقله الكل الاجهزه والهن همه 

اخاف تشتاقن تردن تشوفن بطولاتجن وراح نخلي الباقي يمنا يجوز وحده تفكر تلعب بذيلها 

انا باوعت العلي وكتله ::ياالله 

وطلعنا اجه يوسف وراي كتله ::اريدك تخوفهن الحد ما يدلنك على الي اشترن منه الحبوب وصاحب مقطع 

الفديو اريدهم اتجيبهم الي 

اهنا علي تدخل وكال /:لا لهنا وكافي سلام هذوله حصتي لان رضوى عرضي وتخصني -(باوع اليوسف -)

خويه انت جيبهم الي وحسابك يمي 

يوسف /:ما بيناتنا بس انا ما اعرفك اعرف سلام 

سلام ::يوسف مثل ما كلك علي جيبهم اله ما بيناتنا فرق هذا نسيبي اخو زوجتي 

يوسف /؛هذا هو اعتبرهم يمك ابو حسين

وطلعنا انا وعلي وعطاء ورضوى اشو حتى عطاء لبستني صعدت 

ويه علي انا كتله ::ابو حسين رايح البيت خالتي ورايدك تجي هناك 

علي/: اي سلام لازم ننهي كل القضايا 

::مثل ما تريد سلام 

ورحت واشوف علي وراي بالسياره شويه وشفت علي وكف ونزل من السياره انا رجعت ونزلت سالته 

::ها علاوي شكو شبيها السياره 

علي /:ياخي هاي بت عمك بس تبجي وتبوس برضوى وتكلها سامحيني 

انا اتقربت يم سيارة علي وحجيت بصوت عالي /:رضوى مو بس تسامح عطاء لازم تسامح هواي ناس 

هي دارت وجهها وهزت ايدها 

الفصل الثامن والعشرون من هنا