رواية بنات نعمة الفصل السابع والعشرون
ناصر .. ممكن أفهم فيه إيه !!!
سمية .. مفيش حاجة مالك !
ناصر .. مفيش حاجة !؟ وال لبساه ده إيه !؟؟
سمية .. عادي أنا بحب أقعد على راحتي
ناصر .. يعنى تقعدي بقميص نوم وتقوليلي بحب اقعد على راحتي !؟؟
سمية .. عادي انا واثقة فيك ولا إنت مش واثق في نفسك؟!
ناصر .. طب خلصينا خليني أغور
سمية .. يوه قافل وشك وبوذك مترين قدامك ليه هو انا
هاكلك ! ما تشرب العصير يااخويا وروق كده عشان تعرف تحسب 😅
ناصر .. أمري لله
قعد ناصر وكل ما يحسب عينه تيجي على سمية يتلخبط
ويرجع من جديد
ناصر .. اوفففف وبعدين بقا دي خامس مرة نغلط
سمية .. وانا مالي يااخويا مش انت ال بتتلخبط ! طب قولي
أنت متلخبط ليه يمكن أساعدك
ناصر .. معرفش ! معرفش
سمية .. مالك عرقت كده طب دا إحنا حتى في الشتا😅 !
ناصر .. انا مش مركز بس شوية خلينا نراجع الحسابات في
وقت تاني انا همشي دلوقتي
سمية .. تمشي وتسيبني كده !
ناصر .. قصدك أيه ؟
سمية .. متستهبلش ياناصر أنت فاهم كل حاجة
ناصر .. مش هينفع ياسمية
سمية .. ليه ياناصر دا انا حتي بحبك وبتمناك وصورتك
مبتفارقش خيالي هو انت لسه زعلان مني !؟
ناصر .. زعل إيه بس ياسمية أرجوكي سبيني أمشي
فجأة سمية إترمت في حضنه وبدأت تثيره وتقوله
من ساعة ما شفتك وانت بتدافع عني قلبي إتفتحلك
وأتمنيت وقتها لو كنت أنت راجلي ال بتحامى فيه حسيت
بأمان رهيب عمري ما حسيته قبل كده ومن وقتها وأنا عيني
مبتنزلش من عليك طول ما إحنا في الشغل
تعرف إنك عايش معايا في كل مكان ببقا فيه
حتى لما باجي أنام وأبص جنبي على سريري بشوفك جنبي
وبقعد أتأمل فيك وأمشي إيدي على خدودك و.......... ..........
(انتم مركزين أوى كده ليه 😅😅😅 طب مش هكمل عشان مفسدش أخلاقكم😅 )
الغريب إن ناصر بعد ما خلاص هيبدأ يتفاعل معاها راح
ضربها بالقلم وزقها بعيد عنه وقالها قبل ما اكون بشتغل
عندك فأنتي بالنسبالي أمانة استودعها عندي الشيخ مسعد
وانا لايمكن أخون الأمانة
( شايفك يالي بتشتم وربنا هتتلسوع في الأخرة 😅)
قامت سمية مسكت المفتاح وقالتله أنت فاكر نفسك إيه
ياجربوع هو أنت كنت تطول ده غيرك بيتمني التراب ال
بمشي عليه خد إفتح وغور في داهية
فعلا خرج ناصر وساب سمية بتهري في نفسها وعمالة تكسر
في البيت
________________
نروح عند ريهام ال كانت محضرة العشا ومرديتش تاكل
ومستنية ناصر لدرجة إن راحت في النوم قدام التلفزيون
لحد ما ناصر جه صحاها
ريهام .. اهلا ناصر أنت إتأخرت كده ليه !؟
ناصر .. مفيش كان عندنا شغل كتير النهاردة
فعلا إتعشوا وناصر قال لريهام
ناصر .. طبعا أنا خلاص خفيت وبقيت بنزل اشتغل
ريهام .. تقصد إيه ؟
ناصر .. أقصد إنك مكنتيش بتخليني أقرب منك بحجة إن
الدكتور مانع العلاقة عشان كنت تعبان
ريهام .. لا ياناصر متحاولش تقرب لا قولتلك لا
ناصر .. إشتقتلك والله ياريهام وبدأ يحضنها ومش هامه
مقاومة ريهام قبلة في التانية بدأت ريهام تسلم ليه
ومقاومتها تقل مع القبلات العميقة لحد ما سلمت خالص
وبمجرد ماكان خلاص ناصر هيبدأ زقته زقة قوية وقالتله
مش هينفع ياناصر
ناصر .. مش هينفع !!!!!!!!!!!!!!
ريهام .. قصدي مش قادرة
ناصر .. هو أنتي مش جوزك ياريهام !!
ريهام .. اه جوزي بس مش قادرة ..
ناصر .. للدرجادي مش طايقاني !!
ريهام .. انت مش فاهم حاجة رياض
ناصر .. خلص الكلام ياريهام!
ناصر خرج من البيت زعلان
وريهام قعدت تعيط وهي حاسه بالظلم إنها مش قادرة تحكي
لناصر الحقيقة وتقوله إنهم هربوا مع بعض من الصعيد بسبب
قتل سليم إبن مرسي ال إغتصبها وإنهم أصلا مش متجوزين
وإنها بتعاني لحد ما ناصر ترجعله الذاكرة ويفتكر كل حاجة
أما ناصر راح يتمشي على البحر وعمال يحرق في سجاير
ودماغه هتتفرتك من التفكير وكان بيبكي ويدعي ربنا
إن ذاكرته ترجع عشان يفتكر كل حاجة ويرجع يعيش حياته
الطبيعية ، ناصر بعد ما تعب من المشي رح قعد في إستراحة
مكان اتنين شكلهم مساطيل هما قامو وهو قعد بص مكانهم
لقي سيجارة حشيش ، التعب النفسي ال كان فيه خلى
الشيطان يوسوسله إنه يولعها ويشربها ماهي كده كده
النفسية زفت ، وبالفعل حصل وشربها وطبعا ناصر عشان
أول مرة يشرب فمكانش عارف هو بيعمل وإذ تفاجئ سمية
بااللي بيخبط عليها الساعة 3 الفجر فتحت لقيته ناصر
________________
في الصعيد
مرسي .. خد ياد منك له
... أؤومر يامعلم مرسي
مرسي .. عايزكم تنفذو ال هقولكم عليه بالحرف الواحد
______
ساعتين بالظبط وكان بيت صابر المغازي بيولع والناس مش
قادرين يطفوه وكوثر بتشيل التراب بعيالها في الشارع
اما مرسي فكانت ضحكته الشريرة مرسومة على وشه
وقال .. كده اتنين مش باقي غير إني أجيب إبن وفيق الهارب
هو والسايبة ال معاه وأحرق قلب أل خلفوهم عليهم
_____________
في بيت نعمة
نعمة .. طبعا كلكم مستغربين أنا ليه جمعتكم كلكم النهاردة
بص ياتغريد أنتي وجوزك هتيجو تعيشو معايا هنا في البيت
وهدى تقفل بيت جوزها وتيجي تعيش معانا هي كمان
هدى .. أنا مش هسيب بيت جوزي يأمي
نعمة .. هتقفليه مؤقتا لحد ما ربنا يفك الغمة
هدى .. بس ...
نعمة .. مفيش بس الكلام ال أقوله يتنفذ وبس وأنت يارياض
أعمل زي ما قولتلك في المحل هات رجالة ورجالة كتير كمان
يحرس البيت والمحلات ويعملو ال أقولهم عليه
عايزة رجالة قلبها ميت وعنيها في وسط راسها فاهم يارياض
تغريد .. دا ليه ياأمي !!
نعمة .. دم كامل مش هيروح هدر والعين بالعين والسن بالسن
والبادي أظلم
هدى .. بجد ياأمي 😍
نعمة .. جوزك ساب الدنيا كلها وجه عاش في وسطينا وكمان
ضحى بحياته عشانة عايزاني اتبرأ من دمه وأعمل مش
واخدة بالى ولا تكونيش فاكرة اني عشان هديتك بكلمتين
يبقا هنسا وأسامح ، المهم عندي محدش يتقتل غير ال قتل
انا مش حمل أشيل دم بريئ، كفاية كامل ال مش عارفة
أنام ودمه متعلق في رقبتي
_______
مكالمة من المجهول
مرسي .. الو مين ؟
المجهول .. قلتلك المرة ال فاتت أنا الكابوس هههههه
مرسي .. معنديش حاجة أخاف عليها إعمل ما بدالك
المجهول .. هو أنا لسه هعمل ما أنا عملت خلاص
مرسي .. عملت إيه !!؟
المجهول .. أنا ال ورا جريمة القتل ال لبستها للمحروس إبنك
وخليتك تشك في كل أعدائك وأنت غشيم روحت قتلت
الواد ال اسمه كامل وحرقت لأخوك صابر بيته وما يملك
وهييجت الدنيا عليك😂😂😂😂😂 وريني بقا هتعمل
إيه معاهم قابل ياااااا معلم مرسي 😂😂😂😂😂😂
مرسي .. ياإبن الكاااااااااالب
المجهول .. شفت بقا يعني لو أقدم الفيديو للحكومة هبقا
رحمتك بس لا ، انا هسيب أفعالك الوسخة تقضي عليك
وبالمناسبة قول للمحروس ميسيبش الجبل ويروح يتسنكح
تاني ورا النسوان هو لسه متابش 😂😂
مرسي .. ابني فؤاد !!!!!!
المجهول .. بيني وبينه متر قاعد علي الكرسي ال قدامي
في شادر الرقاصات عمال يشرب بفكر أقتلوهولك بس أقولك
لا خليه شوية عشان اللعبة متبوظش أديني بتسلا 😂😂😂
😂😂😂😂😂😂😂😂😂😂😂😂😂😂
مرسي قفل المكالمة وبسرعة إتصل بإبنه ال رد في المرة
الخامسة
فؤاد .. خير ياأبوي
مرسي .. أنت فين ياد ؟!!
فؤاد .. في الجبل ياأبوي
مرسي .. عارفك في شادر الرقاصات قولي بسرعة مين ال
قاعد في الكرسي ال وراك ؟؟؟؟
فؤاد .. الكرسي فاضي ياابوي!
مرسي .. إطلع من عندك بسرعة وخلي بالك على نفسك
وأنا هقابلك في الطريق
فعلا مرسي ركب عربيته وطلع بيها جري ومرتاحش غير
لما قابل وخده بالحضن وطلع بيه على الجبل
فؤاد .. فيه ايه عاد ياابوي !!؟ وعرفت إني في شادر
الرقاصات كيف !!!!؟
مرسي .. اتفوووووو عليك عيل ابن كلب وضرب فؤاد بالقلم
مش عارف طالعلي منين ياريتني سبتهم ينفذو فيك حكم
الإعدام وخلصت منك ومن قرفك
فؤاد .. هعمل إيه ياأبوي زهقت من قعدت الجبل والغم ال
إحنا فيه
مرسي .. اهي مرقعتك دي كانت هتتسبب في موتك الليلة
فؤاد .. قصدك نعمة ؟!😅😅😅 ياأبوي هي نعمة تقدر تدبح
فرخة مش عارف ليه نعمة عملالك صداع وكأنها الخط😅
طب خليها تيجي كده وشوف هعملك فيها إيه 😡
مرسي .. حماااار حمار ، انا مقصدش نعمة ياغبي 😡😡😡
فؤاد .. امال مين ؟! قصدك الحكومة !؟ ما أنت عارف إن
الثورة خليتهم يقفلو القسم ويسافرو !
مرسي .. حكومة مين ياابن المغفل كان في واحد قاعد في
الكرسي ال وراك مجهول معرفوش وبيطاردني وعارف كل
تحركاتنا وكان ممكن يقتلك بس سابك عشان يذلني
فؤاد .. ويطلع مين المجهول ده ؟!
مرسي .. أنا ال عايز أسألك شوفت ال كان قاعد وراك ولا لا
فؤاد .. اصبر كده أفتكر , ايوه كان في واحد ملثم ولما أنت
قولتلي بصيت ملقيتش حد !
مرسي .. مشوفتش أي حاجة مميزة فيه ؟؟؟
فؤاد .. لا ياأبوي مكنتش مركز
مرسي .. ايوه ما أنت مركز مع الهشك بشك بس، غور من
وشي وإياك حتي تتنفس من غير ما تاخد إذني غوووووور
