 |
رواية بنات نعمة الفصل الثامن والعشرون 28 بقلم احمد حسن
ناصر .. إيه دا !! أنا فين ؟!!!
سمية .. أنت في مملكتك ياأسد 😅
ناصر .. أنا إيه ال جابني هنا !!
سمية .. رجلك ال جابتك ياعسل😂
ناصر .. مستحيل !!
سمية .. سيبك من الهري الفاضي دا ودوق الفطار ال
عاملهولك بإيدي ، عايزاك تاكل وتتغذي كده☺️
ناصر .. غوري من وشي ! أنا عايز أعرف إيه ال حصل!!
سمية .. يوه! مالك ياراجل ! وعالعموم ال حصل لا يتقال ولا
يتحكي ☺️ بصراحة كنت أسد 😅
ناصر .. يالليلة سودة عليك وعلى دماغك ياناصر عملت في نفسك إيه !!
سمية .. يانهار اسود ! مالك ياناصر أوڤر أوي كده ليه !
ناصر .. انا خنت ريهام ! والشيخ مسعد ال أمني على أهل بيته!!!!
سمية .. طب هو انت أذيت أهل بيته في حاجة ؟! بالعكس دا
أنت بسطهم وظبطهم وخليتهم مش محتاجين حاجة😂😂
ناصر .. طب غوري من وشي خليني أروح أشوف ريهام
سمية .. وماله ياقلبي بس متأخرش على الشغل أنا ماشية
قدامك
ناصر خرج من عند سمية وطلع يجري على ريهام وبمجرد ما
وصل البيت لقيها كانت هتتجنن من القلق عليه، أول ما وصل
جريت عليه واترمت في حضنه وقعدت تعيط زي الأطفال
ريهام .. حقك عليا ياناصر كنت فين قلقتني عليك😥
ناصر .. طب إهدي متعيطيش
ريهام .. كده تسيبني وتبات بره وأنت عارف إني مليش غيرك 😭😭
ناصر .. معلش حقك عليا اسكتي بقا انتي عارفة إني
مستحملش أشوفك تعيطي
ريهام .. ماشي بس إوعدني متعملش كده تاني
ناصر .. أوعدك إني مش هعملها تاني ياريهام اوعدك
___________
في وكالة مرسي
سالم صبي الوكالة .. اهلا اهلا بسيد المعلمين نورت الوكالة
مرسي .. روح ياد هاتلى قهوة احسن مش شايف قدامي
سالم .. حاضر أحلا قهوة للمعلم مرسي
الدرويش .. حيييييييييييييي
مرسي .. عايز إيه ياغراب ماهي نقصاك انت كمان
الدرويش .. ياقاتل مقتول من دمك ، ياقاتل مقتول من دمك
مرسي .. غور ياواد المركوب من هنا هي ناقصة سواد
سالم أول ما سمع الكلمتين دول القهوة وقعت من إيده!!
مرسي .. في إيه يابهيم أنت كمان !!!
سالم .. أنت فهمت الدرويش يقصد إيه !؟
مرسي .. لا ، ومش عايز أفهم، دا واحد ضاحك على نفسه
بكلمتين
سالم .. دي الولية ال أسمها نعمة كل ما الدرويش ينزل الحتة
تاخده تضايفه وتقعد تسمع في كلامه
مرسي .. ليه يعني يكونشي مكشوف عنه الحجاب
سالم .. خلاص حقك عليا مش هجيب سيرته تاني واصل
مرسي .. طب الحق هاته خليني اسمع ال عنده واهو نتسلا
سالم .. جبتهولك يامعلم
مرسي.. أقعد ياابو الدراويش وقول كل ال عندك وروح ياد
ياسالم هاتله شندويتشين
الدرويش .. لا، أكل نعمة حلال ، اكل نعمة حلال
مرسي .. خلاص متجيبش حاجة يازفت
الدرويش .. ياقاتل مقتول من دمك ياقاتل مقتول من دمك
مرسي .. تااااني 😡 أنت مصر تعصبني ليه !! طب قولي
يعني إيه الكلام ده!😡
الدرويش .. هتموت مقتول ؛ والقاتل واحد من دمك
وحييييييييييي
مرسي .. هنقتل !!أيه الكلام الماسخ دي !! طب هو مين ؟؟!
الدرويش .. غارس سكينة في صدرك وطرحة بترقص على دمك وحييييييي
مرسي .. مين القاتل ومين ال لابسة طرحة !!!؟
الدرويش ..لا يعلم الغيب إلا الله، وحدوووووووووو
مرسي .. طب غور ياابن البولغة من هنا غوووووووووور
الدرويش مشي ومرسي دماغه هتشت منه وعمال يفكر
ويقول مين ال ممكن يقتلني من دمي !؟ طب مين ال بتلبس
طرحة ؟!! هوففففففف دي نسوان البلد كلها بتلبس طرح!
تكونشي نعمة ؟!
________________
في بيت نعمة
رياض .. الرجالة ال طلبتيهم اهم ومستنين يسمعوكي
نعمة .. قبل كل حاجة أحب أقولكم إني عمري ما أمنت إن
عبد يحمي عبد زيه وإن ،. لا يصيبنا إلا ما كتب الله لنا ،،
يعني الحامي هو الله مش أنتم ، بس ربنا قال إننا ناخد
بالأسباب ، أهم حاجة وأول حاجة عندي هما أهل بيتي
ال هما بناتي عايزاكم تخلو عنيكم في وسط راسكم وتخلو
بالكم منهم كويس
تاني هام عايزة رجالة قلبها ميت تنفذ ال أقولها عليه
ومن ناحية الفلوس متقلقوش هتاخدو ال يكفي بيوتكم
وزيادة
أهم حاجة عندي محدش ياخد قرار من دماغه ، يعني
لا تظلمو ولا تفترو ولا تيجو على حد ، إتعمالو مع الناس
طبيعي وعادي وبما يرضي الله خصوصا في المحل أما في
البيت أظن أنتم عارفين ال فيه فرد فرد يعني مفيش ناموسة
غريبة تدخل البيت من غير إذني مهما إختلفت الأسباب
وكمان عايزاكم تعرفو إن محدش له كلمة عليكم غيري
وأولهم بناتي ،، وأخر حاجة هي أهم حاجة عندي
أنا ليا بنت أظنكم كلكم عارفين ريهام وعارفين حكايتها
عايزة رجالة منكم تنزل مصر تغربلها حتة حتة وتجيبهوهالي
قبل ما رجالة مرسي يوصولو ليها وهيروح معاهم رياض
رياض .. أروح كيف وأسيبك لوحدك ياست نعمة !!!؟
نعمة .. بنتي عندي أهم من نفسي، سمعتني يارياض ؟
رياض .. حاضر ياست نعمة
نعمة .. وزع الرجالة على أماكنهم وروح هاتلى صابر قوله
إني عايزاه
هدى .. أبويا !!!!! وعايزاه في إيه ياأمي !!!؟؟
نعمة .. مش وقته بعدين أحكيلك
_____________
في بيت صابر
كوثر .. يالهوي علينا وعلى ال جرالنا البيت خرب ياصابر
صابر .. ياولية ما تبطلي نواح مشبعتيش نكد
كوثر .. ادي ال أنت شاطر فيه هتفضل طول عمرك خايب
وهفيه ملكش كلمة لحد إيمتا
صابر .. ما تتلمي ياولية ياسو بدل ما ،،،،
سلوي .. لا يابابا مش كده برضو
كوثر .. طب ياأخويا لما أنت راجل وبتمد إيدك عليا طب روح
مدها على ال حرقلك بيتك وكان هيولع فينا
صابر .. قصدك مين يعني !؟
كوثر .. هو في غيره مرسي الكلب ال ربنا يقصف عمره بدري
صابر .. ياولية انتي شوفتيه بعنيكي وهو بيحرق البيت
عثمان .. مفيش غيره هو ال يقدر يعملها ولو أنت مش قادر
تقف في وشي سيبني أنا وشوف هعملك فيه إيه
كوثر .. اهو ده ال ناقص يبقا واحد عاجز على كرسي والتاني
ياميت يافي السجن
صابر .. ياولية متزرعيش الشر في نفوس العيال وال حصل
لإبراهيم كانت شقاوة عيال وال إتسبب في شلله مت مقتول
ربنا خدلك حقه تالت ومتلت
الباب خبط
عثمان .. مين عالباب
رياض .. أنا عمك رياض ياعثمان إفتح
صابر .. خير يارياض مش عاويدك تجينا !!؟
رياض .. الست نعمة عايزاك ضروري
كوثر .. عايزاك في إيه نعمة ياصابر دي مش بتطيقك؟!!
رياض .. ياولية هو انا بقرا المستخبي ما انا مرزوع معاكي
ايش عرفني عوزاني في إيه ! ولية حشرية .
___________
في بيت نعمة
نعمة .. سيبونا لوحدنا دلوقتي يابنات وروح معاهم يارياض
صابر .. واضح إني الموضوع سري
نعمة .. لا وأنت الصادق معايزاش بناتي يشوفو خيبة أبوهم
الا قولي ياصابر هو أنت مش أبوهم برضو ولا انابيتهيقلي ؟!!
رياض .. ايوه أبوهم يا نعمة مالك عاد !!
نعمة .. هه وهو في أب بنته تختفي وميفكرش حتي يسأل
عليها !! ياراجل دا أنا كل يوم أقول هييجي يسأل عليها
أو على الأقل يسأل على بناته ال عايشين في وسط ناس
غريبة على الأقل عشان شكلهم قدام الناس وأنت برضو
محلك سر! ، تعرف كام مرة بناتك إتسألو عليك ويختلقولك
أعذار كدابة عشان شكلك ميبقاش وحش ؟؟!
تعرف إن البنت لو بينها وبين أبوها أو أخوها مصنع الحداد
برضو بيسأل عليها عشان الناس متطمعش فيها ؟!!
تعرف إن بناتك كانو على الأقل عايزين إخواتهم الشباب
يسألو عليهم مادام أبوهم ناسيهم مبيسألش !؟
مسألتش نفسك كام مرة بنت من بناتك بكت ونزلت دمعتها
على خدها بسبب إهمالك ليها وأنت محسيتش !!؟
صابر .. أنتي عارفة إن بناتك مش بيحبوني يانعمة
نعمة .. إنت قعدت أكتر من عشرين سنة هاجرهم ومستكتر
يصعب عليهم أو يزعلو منك !! ياراجل دا أنا قعدت شهور في
غيبوبة وده كان أحسن وقت تلم فيه عيالك تحت دراعك
وتصلح ال إتكسر ومحصلش !؟
صابر .. كفاياكي يانعمة أنا ال فيه مش قليل
نعمة .. هتفضل طول عمرك تدفع فاتورة ذنب الولاية ال
ملهمش حد وظلمتهم ببعدك عنهم ودي مش شماتة فيك
لا اللهم لا شماتة ،دا توصيف لل بيحصل معاك ،. ياريتك
فضلت بعيد عنهم ياصابر ياريتك ما رجعت ع الأقل كنت
بضحك عليهم وأقولهم إنهم محرومين من حنيتك عشان
مسافر ،، أما دلوقتي مش عارفة أقولهم إيه
صابر .. كفاياكي الوجع ال فيا مش قليل يانعمة قصري
وقولي عايزة إيه ؟!!
نعمة .. عايزاك ترحل ياصابر
صابر .. أرحل !!
نعمة .. أيوه ياصابر خد عيالك وسافر ، روح مطرح ما جيت
الحق الباقي من حياتك حلو قبل ما يبقا مرار ،إمبارح إبنك
أتحرم من إنه يقف على رجله والنهاردة كنتم هتموتو كلكم
محروقين ، مستني إيه ياصابر ، إنجا بعيالك من الطوفان
متخليش الورث يعمي عينك عن سلامة ولادك
إرحل ياصابر ولما الحرب تخلص إبقا هات عيالك وتعال
وبالمرة لو لسه فاكر بنتك ريهام إبقا دور عليها هناك يمكن
توصلها قبل رجالة مرسي
صابر .. هرحل يانعمة وهدور على بنتي ومحدش هيمس منها
شعرة طول ما انا عايش
نعمة .. الله المستعان ياصابر .
