رواية بنات نعمة الفصل التاسع والعشرون
سمية .. مالك كده ليك أسبوعين ضارب بوذ وكأني قاتلالك
قتيل ما تفرد وشك كده ياناصر
ناصر .. عايزة إيه ياست سمية ؟!
سمية .. ست سمية !! وليه التكليف بسسس
ناصر .. ياريت ما تتعديش حدودك معايا وأعرفي إن ال بيني
وبينك شغل والليلة المنكوبة ال قضيناها مع بعض ياريت تنسيها
سمية .. ياساتر عليك ! ليلة منكوبة !! بقا بالذمة ماوحشتكش
ناصر .. قصري في الكلام ياسمية وقولي عايزة إيه !؟
سمية .. عايزاك تبقا راجلى وسندي إتجوزني ياناصر ومش
هتندم هعيشك ملك وتبقا المعلم ناصر على سن ورمح
ناصر .. أتجوزك !! أنتي أتخبلتي في مخك ولا إيه !
سمية .. إتخبلت في مخي عشان عايزاك تتجوزني !
ناصر .. إسمعي يابنت الناس أنا راجل متجوز وبحب مراتي
ومش مستعد أخسرها مهما كان التمن
سمية .. ومين قالك إني عايزاك تخسرها !؟ ياسيدي أنا
معنديش مانع إني أكون التانية المهم إني أكون تحت جناحك
وخلاص ، إن شالله حتي تجيني يومين في الأسبوع والباقي عندها
ناصر .. إسمعي ياسمية فكرة الجواز دي شيليها من دماغك
خالص ولو فتحتي الموضوع ده مش هتشوفي وشي تاني
سمية .. خلاص ياسيدي متبقاش حمقي اوي كده عالعموم
هعتبر نفسي مسمعتش ردك وهعيش على أمل إنك ممكن
تراجع نفسك وتوافق
ناصر .. مش هراجع نفسي ومش هوافق ريحي دماغك
____________________
في بيت ناصر
ناصر .. إزيك ياريهام
ريهام .. الحمد لله ياناصر مالك كده مش بحالتك
ناصر .. مفيش كنت مشدود في الشغل شوية
ريهام .. طب قوم خدلك دوش وتعالى عشان تاكل
ناصر .. مليش نفس
ريهام .. مالك ياناصر
ناصر .. أنا ال عايز أفهم مالك ياريهام؟ مش واخدة بالك إني
من ساعة ما خرجت من المستشفي وأنتي مش مخلياني
أقرب جنبك ! ومتقوليش إني تعبان والدكتور قال وإنك عندك
ظروف، بصراحة انا معبي جوايا ومش قادر أحسسك بكده
بس ريحيني يابنت الناس ربنا يريح قلبك ، قوليلي أنا مين
وأهلي فين وليه إحنا عايشين كأننا في منفي ولا حد من
أهلي ولاحد من أهلك بيزورنا، ريحيني ياريهام متخلنيش
أحس إن فقداني الذاكرة نهى حياتي وخلاني لعبة في إيد أي
حد يتسلا بيها وقت ما يحب ، نفسي أحس بالأمان ياريهام
نفسي الاقي إجابة للميت الف سؤال ال جوايا !!؟
ريهام .. مش هقدر أحكيلك ياناصر
ناصر .. مش هتقدري ليه ياريهام !!؟
ريهام .. كل ال أقدر أقولهولك إني حبيت ناصر بتاع دلوقتي
بس ناصر الاولاني ملوش مكان في قلبي ولا عمري كنت
هحبه وكل ما أفتكره أكره أكتر ما كنت كرهاه وعشان كده
قلبي إتولد من يوم ميلاد ناصر الجديد ، يعني لولا فقدانك
الذاكرة عمري ما كنت حبيتك
ناصر .. يعني إيه ياريهام!! هتسبيني عايش أسير لأفكارك
توديني يمين وشمال بكيفك وزي ما تحبي!!!!!!!
ريهام .. أنت مش فاهم حاجة ياناصر
ناصر .. طب فهميني ياريهام !! يعني إيه واحدة شايفة جوزها
بيتوجع وميصعبش عليها !؟
ريهام .. الدكتور مانع إن حد يحكيلك عن ماضيك لأن ده
هيضغط على دماغك وهيسببلك خلل في الذاكرة وقالنا لازم
أنت ال تفتكر بنفسك
ناصر .. انتي كدابة
ريهام .. ايه !!!؟
ناصر .. كفياكي كدب وما دمت كده كده مش هتساعديني
يبقا أنا لازم أعيش حياتي طبيعي
ريهام .. يعني ايه ياناصر !؟
ناصر .. يعني هعيش حياتي طبيعي وهاخد منك حقي كزوج
ريهام .. ابعد ياناصر مينفعش ياناصر
_____
طبعا ناصر حب يضغط علي ريهام من النقطة دي عشان
تندفع وتحكيله كل حاجة ،، بس حصل العكس ناصر أول
ماقرب من ريهام بالعافية ريهام كانت أخر محاولاتها في
الدفاع عن نفسها هي ضرب ناصر بالقلم على وشه
أكيد ناصر إتصدم وكان رد فعله إنه ساب البيت ومشي
والمرادي قعد غايب عن البيت أسبوع وطبعا الاسبوع كله
قضاه عند سمية وكانت ريهام كانت جت لناصر كام مرة
الشغل بس سمية كانت بتمشيها من بره بره من غير ما
ناصر يعرف بحجة إنه مش بييجي الشغل ،
وفي يوم .. واحد من العمال ال شغالين في الورشة ساكن
في منطقة تانية جه يجري على سمية وطلب إنه يكلمها على
إنفراد
سمية .. في إيه ياواد انطق
العامل .. إمبارح كان في رجالة صعايدة في منطقتنا معاهم
صورة لواحد وواحدة هاربين من الصعيد
سمية .. طب وإحنا مالنا !!؟
العامل .. عارفة مين الأتنين ال شوفتهم في الصورة !؟
سمية .. مين ؟
العامل .. الاستاذ ناصر ومراته ال بتجيله الورشه
سمية .. معقول !!!!! أنت متأكد من الكلام ال بتقولو ده ياواد؟!
العامل .. بقولك شفتهم بعيني ال هياكلها الدود ولو حابة
تتأكدي أنا خدتلك رقمهم ممكن تجيبيهم وتتأكدي بنفسك
سمية .. هات بس أنت رقمهم وإياك تجيب سيرة لحد بال
أنت قولته دلوقتي ده
_________
تاني يوم سمية خلت ناصر ياخد أجازة في البيت عندها
بحجة إنه مفيش شغل يستاهل نزوله
ونزلت هيا على الورشة واتصلت على الرجالة الصعايدة
وجابتهم وأشترطت عليهم إنها تعرف حكايتهم وهي تسلمهم
ناصر وريهام
فعلا الرجالة حكولها كل حاجة بس كدبو في حتت إنهم مش
هيقتلوهم، هما بس عايزين يسلموهم لأهاليهم ويقعدو في
قعدة عرفية عشان ال ليه حق ياخده ، وطبعا كل الكلام ده
كدب لأنهم في الأساس رجالة مرسي وعاوزين ياخدوهم
لمرسي عشان يخلص عليهم ،
سمية لعبت لعبة ذكية قالتلهم إن ناصر شغال عندها بس
مسافر برة القاهرة وهيرجع كمان أسبوعين بس ممكن ياخدو
ريهام ولما ييجي ناصر هتسلمه ليهم بنفسها
وبالفعل إديتهم عنوان ريهام وراحو رجالة مرسي جري عالعنوان
في نفس اللحظة كان أسامة طليق سمية مراقب بيت سمية
عشان كان شاف ناصر بيتردد على المكان كتير
راح إستغل فرصة خروج سمية من البيت وخد بلطجية كتير
وراح لناصر ، أول ما ناصر فتح الباب البلطجية دورو فيه
الضرب وواحد منهم خبط ناصر على دماغه بالعصاية
لدرجة إن ناصر فقد الوعي البلطجية خافو ليكون مات
وهربوا
ناصر فاق وبدأت تحصله لخبطة في دماغه وشوية مشاهد
إتجمعو في دماغه بداية من إغتصاب ابن عمه لريهام قدامه
ثم قتل ريهام لإبن عمه وهروبهم الأتنين سوا
في النهاية ناصر رجعتله الذاكرة
وقام وقف على حيله وقال ريهام !!!! طلع ناصر يجري بسرعة
على البيت ولما وصل لقي الشقة متكسرة ومتبهدلة
وناهد بنت عم عبده متكتفة على كرسي ، جري عليها ناصر
شال الاصقة من على بوقها
ناصر .. حصل إيه ؟! وفين ريهام ؟!!
ناهد .. الحق ريهام في رجالة صعايدة خطفوها !
ناصر .. مين دول أنطقي ؟!
ناهد .. معرفش حد فيهم بس في أسم كده إتردد في
وسطيهم
ناصر .. أسم مين حاولي تفتكري بسرعة
ناهد .. تقريبا كده المعلم موسي
ناصر .. قصدك مرسي ؟!
ناهد .. أيوه هو ده
__________________
في وكالة مرسي
مرسي .. أدخل ياد يافؤاد مالك بتتلفت حواليك ليه!؟
فؤاد .. مش مصدق نفسي ياابوي مستغربك كيف رضيت
تنزلني من الجبل بالنهار كده مع إنك محرج علي أنزل البلد
حتي ولو بالليل ؟؟!
مرسي .. خلاص انفخ بطنك وعايزك تلف في البلد براحتك
معادش ليك قضية عند الحكومة
فؤاد .. يعني إيه ياابوي !؟
مرسي .. يعني ملف القضية بتاعك إتحرق ومعادش له وجود
فؤاد .. ومين ال قدر يعمل كده ياابوي😍😍
مرسي .. البركة في الثورة ملفات كتير إتحرقت ومن ضمنهم
ملف القضية بتاعك
فؤاد .. بجد ياابوي💙💙💙😅😅😅😅😅🙏🙏
مرسي .. وفي خبر حلو تاني جاي في الطريق بس أصبر على
رزقك
________________
في محل نعمة
نعمة .. الو أيوه يارياض في جديد !؟
رياض .. أيوه ياست نعمة ، خلاص عرفنا مكان ريهام
ورايحين علي هناك
نعمة .. بجد ❤️ يااما انت كريم يارب روحلها بسرعة يارياض بسرعة
فعلا رياض راح بسرعة على المكان وهما طالعين السلم
إتفاجئو بناصر نازل يجري راح رياض رفع سلاحه في وشه
وقاله أقف مكانك لأضربك بالنار فين ريهام ؟!
ناصر .. رياض !!؟ ريهام اتخفطت يلا بسرعة نلحقها
رياض .. مفيش داعي للحورات بتاعتك دي، قول فين ريهام
وألا هقتلك
ناصر شاف إنهم هياخدو وقت على ما يفهموا وهو مستعجل
زقهم على بعض عالسلم ونزل يجري
طلع رياض بص في الشقة لقى ناهد حكتلهم كل حاجة
خد منها رقم فون ناصر ونزل يجري هو ورجالته بسرعة
عشان يلحق ريهام قبل ما تقع في إيد مرسي
___________
نرجع لمحل نعمة
نعمة قاعدة فرحانة ومستنية الخبر الأكيد بوصول الرجالة
لريهام وفجأة جتها مكالمة من رياض
نعمة .. الو يارياض طمني وصلت لمكان بنتي ؟!
رياض .. مش عارف أقولك إيه ياست نعمة للأسف وصلنا
لريهام متأخر
نعمة .. كيف متأخر !!!؟
رياض .. رجالة مرسي سبقونا وخطفوها وناصر إبن وفيق
طلع وراهم وإحنا وراه عالله نلحقهم قبل يوصلو لمرسي
نعمة .. بنتي😥!! إتصرف يارياض أنا عايزة بنتي بأي طريقة
وعالعموم أنا هبعت رجالة يقابلوهم في الطريق
وبالفعل نعمة بعتت رجالة يقابلو رجالة مرسي في الطريق
وياخدو منهم ريهام بأي طريقة بعد كده لبست طرحتها
وراحت لمرسي المحل
مرسي .. اهلا اهلا اهلا ياألف خطوة عزيزة الست نعمة
بنفسها جاية عندنا الوكالة
نعمة .. بنتي لو جرالها حاجة ويمين الله لأدبحلك إبنك قدامك
مرسي .. أنتي جاية لحد عندي تهدديني ياقلبك الميت ياولية 😆😆😆😆
نعمة .. أنا مش بهددك يامرسي أنا بعرفك قبل ما أنفذ
مرسي .. وأنا إيش وصلني ببنتك ياولية ! أنتي جاية ترمي بلاكي عليا
نعمة .. ال عندي قولتهولك يامرسي وبقولهالك تاني لو حد
مس شعرة من بنتي همحيه من الوجود
مرسي .. طب بصي بقا يااااا يانعمة أنا معرفش حاجة عن
بنتك وفؤاد إبني نجوم السما أقربلك من إنك تقربي منه
والمرة ال فاتت رصاصته خييبت وجابت أجل الواد كامل
بس المرادي لو وقفتي في وشه ضربته مش هتخييب وأنا
ال حايشه عنك بالعافية ويلا بقا غوري من هنا عشان محدش
يقولك مرسي المغازي بيمد إيده على واحدة ست
نعمة .. همشي يامرسي بس هعيدلك لأخر مرة بنتي لو جرالها
حاجة مش هسمي عليك أنت وولدك
نعمة قالت الكلمتين دول وخرجت وهي خارجة شافت
الدرويش ماشي في الشارع وهو بيقول ،،
قلتلكم طوفان الدم جاية والكل هيغرق مصدقتونيش حييييييييي
،وهي خارجة مرسي خد باله من طرحتها ومن كلام الدرويش
قام وقف وجسمه قشعر وحس بالخوف من جواه .
