رواية هشاشة قلب الفصل التاسع والعشرون بقلم العباديه
#هشاشه_قلب
#الـبـارت_29_30
#الـبـارت_29_
قَبَّـلْتُها مِنْ قَٖريْبٍْ فانْثَنَتْ غَضَباً
وقَدْ تَبَيَّنَ فِيهَا التِّـيـهُ والخَـجَـلُ
ومَسَّـحَـتْ خَـدَّها مِــنْ قُـبْـلَـتَِـي ، ومـشَـت
ْ كَأَنَّـها ثَـمِلٌ أَو مَسَّـهـا خَــبَلُ
~~~~~~~~~~~~~~~~~~~~~~~~~
ثُرىٰ . . .
رحت للمطبخ اطگطگ بكعبي واتمايل بمشيتي وفستاني الماروني المضبضب كاعد وياي .
دخلت للمطبخ رأساً انسحبت من إيدي وانطبگت ع الحايط .
باوعلي رافع حاجبه وابتسامه خبيثه مرسومه على شفافه
ماهر.. اي عيني ست ثُرىٰ متريدين تشوفيني
- هههههه فشلت الخطه عود ردت اسويلك مفاجأه واشوفك
ماهر.. امم عبريهن على غيري
- لا والله جنت ناويه اشوفك
ماهر.. تمام لعد نسوي تعويض
- هااا؟
بدون سابق إنذار وحتى بعدني ماحجيت تقرب عليه وطبع بوساته بكل مكان بوجهي برقه وهدوء .. لهفته تسبق كلامه وهمساته منتقيه أرقى انواع الغزل ......
(تفضلو عود)
-
سمعنا دگة ع الباب مال المطبخ جانت مقفوله مسح وجهه وراح فتحهه واني ظليت اعدل بنفسي طلعت موج
موج.. ماهر يلا اطلع النسوان يريدون مي همزين لحگت رادت تجي خاله تاخذ
ماهر.. طالع يابه
همس بإنزعاج
- حتى خطيبتي ميخلوني اشوفهه براحتي شنوو هاااي
عكد حاجبه منزعج واني صافنه عليه .. رفع راسه باوعلي وطگهه ضحكه .
ظليت صافنه شبيه
- شنو شبيك؟
- ههههه باع وجهج
- شبيه؟
باوع بأنحاء المطبخ ركز واجه سحب إيدي .
- تعالي
جانت مرايه صغيرونه بالمطبخ سحبني عليهه وراواني شكلي يبوو .
وجهي كله صاير احمر من الحمره ملطخه تلطخ .. غطيت وجهي وضحكت .. هوَ ضحك باسني بخدي ع السريع وأشرلي بإيده رايح اذا تدخل امي تسويني مزق . والله لتسويني عبره لمن لايعتبر تمزقني تمزيق.
عدلت شكلي ورجعت للحفله ونهى خلصتهه عليه تغمز وترمّز .
ظليت مستحيه وفشلانه من موج ونهى نصبن عليه نصبه ماصايره .
خلصت الحفله ونظفنه البيت رحت نمت چفي من التعب .. خابرني ماهر واني نايمه .. دوم يخابر بهيج وقت واني بعز نومتي مرات انتظره ومرات ماايگول حتى انتظر .
جاوبته سلم عليه بعد السلام گال :-
- ثُرىٰ خل نتزوج !
گعدت على حيلي من سمعته
- هاا ؟؟ وكليتي
- لج ياكليه بعد مااصبر أريدج
- ماهر شنو ياكليه غير بعدلي مرحله
- كمليهه يمي قابل امنعج من الدوام
- خاف الزواج يأثر على دراستي مسؤليات ورجل
- لا لا ميأثر نروح ونرجع سويه وحتى أي شي مفاهمته آني اشرحه إلج تصيرلج اسهل وأبسط
- لا ماهر اشوفهه صعبه
- لج ثُرىٰ ياصعبه غير ذاك اليوم گلتيلي خل نقدمه
- هيچ كلمة التنگال
- ثُرىٰ خل نستغل هاي العطله ونتزوج مبقه شي بس مرحله انتِ متحبيني؟؟ متتمنين تصيرين يمي
- طبعاً اتمنى
- لعد ليش مصعبتهه عليه
- هاي هيه بس شوف اهلي
- شعليهم اهلج قابل همه حيتزوجون احنه النتزوج مو همه
- اي غير نگوللهم حتى نتحضر من هسه
- اي اكيد
- يعني شكد بعد ونتزوج
- بهالشهر إذا كملتي شغلاتج نتزوج
- تمام
فرحانه بس شعور داخلي خايف علمود كليتي خاف مااگدر ويه مسؤليات الزواج وعيال وبيت وبس امه يرادلهه گلب لوحده .
ثاني يوم گلت لاإمي بس هزت راسهه وكالتلي :-
- كليتج ديربالج تعوفيهه مو شهر شهرين واوي مااكدر ومليت لا ذني السوالف عوفيهن على جهه وكملي كليتج خلي شهادتج جوه إيدج
- طبعاً هوَ هم كاللي تكمليهه يمي
- اي خوش اني گتلج وبكيفج
- اي
راحن البنات للصالون واني بقيت ارتب بالبيت واركض انظف ونطبخ غده للمعازيم .
للعصر الناس إلتمت واجت موج وام ماهر ماكو صار شكد ماشايفتهه ضايع صوتهه .
ضيفنه النسوان وكالو راح يروحون يجيبون العروس .. كلنه لبسنه ورحنه .
گعدت بالسياره وي النسوان لان سيارة ماهر جانت للزفه محضرهه ومخلي بيهه زينه ورود وشرايط طالعه تجنن على راعيهه .
بعدني توني صعدت خابرني .
- الوو ثُرىٰ لتگعدين يم الجامه
- ياا عود ردت اباوع
- لا لا أغار لتكعدين وغطي وجهج لان ممكيجه
- اي مغطيته
- تمام باي حنروح
- باي
سديته منه وگعدت بالوسط وغطيت وجهي .. تعودت على غيرته واصلاً اني احب اليغار عليه . يمكن لو مايغار اتخبل وماكو بنيه ماتخب واحد يغار عليهه ويحسسهه بإهتمامه .
كاعده يم تقوى وهيَ منهه للجامه الولد نزلو بالشارع وركصّو اسماعيل فرحانين .
شويه وإلتفتت عليه تقوى .. لزمتني من رجلي حيل وتشبثت بيه .. عيونهه مدمعه وتباوعلي بخوف
همستلهه لان النسوان مطلعات اغاني ويصفگن الصوت ماينسمع
- تقوى شكو شبيج
تقوى.. شجابه هذا؟
صفنت بيهه اكيد ماكو غيرهه رأساً كتلهه
- رجلج؟
حطيت إيدي على حلگي من انتبهت للكلمه
- آسفه قصدي طليقج؟
دارت وجهه وعيونهه مدمعه
تقوى.. ثريا منو عزمه
- محد غير مانحجي وياهم شعدنه عازميهم بس يمكن مار منا وشاف سيارات الزفه
تقوى.. لج هاذيا سيارته متروسه شباب جاي يركصون
- ماادري بعد بس مااتوقع اسماعيل يعزمه يمكن جاي من كيفه
جرت حسره ودارت وجهه
- تقوى لاتفكرين بيه انسيه
باوعتلي صفنت بعيوني ونزلت دمعتهه رأساً مسحتهه وفتحت عيونهه ماتريد تبين ضعفهه
- لاتبينين ضعفج مقابيله
تقوى.. مو هينه ثريا مو هينه .. هوَ مو حچي لسان مايحس بالوجع إلا صاحبه .. اني جاي اموت اريد اعرف تاليتي شنو؟ ابقه كاعده حَمِل على إخواني وهسه يتزوجون ونسوانهن تمل من عندي وتاليتي انطرد حالي حال كل مره عراقيه
- لاتكولين هيج هوَ بس اسماعيل اكبر سند النه واخواني وياه حتى لو تخلو عنج اخواني اسماعيل مايتخله عنج
تقوى.. اووف الله كريم
- خليهه على الله
تقوى.. والنعم بالله
جبنه العروس من الصالون وسوينه الزفه واخذو صور ورجعنه .
هم هوسو شويه وعشينه المعازيم وزفوهم .. إجه ماهر على موج أخذهه وراحو .
ثاني يوم الصبح اجت العالم تباركلنه ومن ضمنهم ام ماهر .
جايبه لوحه فنيه جبيره حيل وراقيه وجايب ماهر چيس تمن وشكر عود خاف خسرنه بطبخ العرس .
وموج جايبه نزله للعرسان .
من قدمتلهن هالمره انطيتهن كاسات خاف ماتشرب ام ماهر لان لازمه الكلاص بإيدي .
اخذت الكاسه وإبتسمت عود لان إهتميت براحتهه وسويت التحبه .
موج.. يلا ثُرىٰ شوكت نفرح بيكم صارلنه هواي منتظرين
- عن قريب ان شاء الله
ام ماهر.. شنو؟؟ شنو عن قريب؟؟
- زواجنه اني وماهر
ام ماهر.. بدون علمي؟
- هاا؟ يعني انتِ ماتعرفين؟؟
ام ماهر.. اي محد مخبرني !! ليش هيج محد گال؟؟ اني ام ماهر اخر من يعلم؟؟
- لا عمه مو شغلة آخر من يعلم بس هوَ ماهر راد يقدمه حتى اكمل السنه الجايه يمه
ام ماهر... اااايييي بس هاي العايزه تكملين دراسه عدنه لا حبي تكملين يلا تتزوجون مال تدرسين عندي لا ابد ميصرفلي
- مااعرف بعد هذا الكلام گوليه لماهر
ام ماهر.. تهدديني بماهر شنو؟؟ تره اني امه ومااخاف من عنده
- لا لا عمه مو هيج اهددج لو شي بس لان ماهر يريد يقرب الموعد واذا تكدرين تقنعيه يأجله تسوين فضل
ام ماهر.. اي اني احجي وياه يقتنع مني
- بكيفج
بقن شويه وراحن .. للـ1 وخابرني ماهر
ماهر.. ثُرىٰ انتِ گايله لاامي تقنعني نأجل زواجنه؟
- لا مو هيج بس هيَ كالت مااريد تتزوجون وانتِ تدرسين كتلهه بكيفج اذا تكدرين تقنعين ماهر قنعيه
ماهر.. ثُرىٰ تگدرين تتصلين بيه وتگوليلي مااريد نتزوج هسه ماكو داعي تجي امي تگول انتَ لازگلهه وهيَ متريد تتزوج وسوتني كلش
- لا لا والله بس هيَ كالت تهدديني بماهر كتلهه اذا تكدرين قنعيه بي علمود ماتصير مشكه ماقصدي هيج شي
- من الأخير انتِ موافقه بزواجنه بهالموعد لو لا؟
- اي اي هاي هيه غير كتلك بكيفك سوي اليعجبك
- تمام حبيبتي
ظليت متفاجئه شوكت سوت الحبايه كبايه .. اني گلتلهه هيج بس علمود ماتصير مشكله وتظل تحجي زايد عود كلت اكسبهه واكلهه بكيفج.
مر إسبوع وخلصت هاي المعمعه مال العرس والهوسه بلشت تخف شويه خل ارتاح لان تعبت.
خابرني ماهر كال بلشي جهزي النيشان مادام اتفقنه
- وشلون غير ماتقبل اطلع
- لا هالمره مجبوره اطلعي بس شوفي كل شغلاتج والتحتاجيه كله حتى بعد مو كلساع طلعه
- يرادلي فد شهر يلا اكمل
- اي ميخالف اطلعي بس مو شهر قللي من الأيام همي إيدج
- ههههه شلقضيه هم يله اتسوگ
- تمام براحتج
مرت الأيام بسرعه واني يوميه اطلع اتسوك هوَ ياخذني ويرجعني ولازم لبسي يعجبه عود گلت بلكي ارتاح من هالفقره لان عود همه سبورتين بس وراي وراي .
هسه قابل مشلتحه اشو لبسي عريض وهاي هيه بس لازم يعلق على فقرة اللبس.
الاربعاء الجايه الحنه مالتي واني مخبوصه واحضر .. كلما يمر يوم كلما يزيد القلق بداخلي .
نهى والبنات كلهن وياي ماخلن شي ماگلبنه بوجهي حفيت قبل يوم من الحنه خاف وجهي يبقه احمر وسويت جلسات للبشره تغير شكلي جذري
حفلة الحنه ماردتهه بقاعه بس ثاني يوم امه اجتنه
ام ماهر.. عيني احنه معازيمنه هواي وكلهم راقيين شلون نسويهه بالبيت احنه نريد بقاعه
- اني ماارغب القاعه لان مااحس بطعم العرس اريد هنا بين اهلي
ام ماهر.. ليش هيَ بكيفج
- يعني منو الراح يتزوج
ام ماهر.. هذا زواج ابني الدكتور اخليه مو بقاعه؟
- خليه ببيتكم غير جبير وواسع
ام ماهر.. اني اريد بقاعه
سكتت عنهه تريدلهه مشكله گوه .. اني كلت لماهر مااريد بقاعه وإقتنع والظاهر محاجيته وماموافق هل اجتنه لهنا عود بلكي تقنعني .
ظلت تحجي وي امي وامي مطيتهه على مايهه .
خابرت ماهر
- ماهر شسالفه غير كتلك مااريد بقاعه
ماهر.. اي مو بقاعه
- جا عمتي اليوم اجت تريد بقاعه
ماهر.. عمتج منو؟
- ام ماهر
ماهر.. هههه ام ماهر خو كوليلي امك
- هسه المهم شنو العرس وين
ماهر.. بالتريديه زفه تجي لبيتكم نطلعج من بيت اهلج
- خوش
جنت متقصده مااگول امك لان سامعه شكد الزلم ينبزون من وحده تكله امك لو اختك خصوصاً إذا جان عصبي بوويه بس هوَ ماجان عصبي وطبقتهه عليه هههه ..وهاي هم احد نصائح امي .. نصائح غريبه عجيبه بس نطبقهه شخاسرين قابل .
اليوم الاربعاء الحنه .. كعدت من الصبح رحنه للصالون صبغتلي شعري لون بني وميشته لون زيتوني.. سويت المكياج خفيف ويلائم البدله .. اما التسريحه جانت صغيره ومرتبه مااحب التسريحات العاليه والكبار .. بدلتي جان لونهه زيتوني غامق تصميمهه نازك .. من الصدر بيهه تور شفاف وصاعد القماش للرگبه واماكن الاكتاف والردان محدده بورده مبرومه والردان تور ومن جوه قماشهه ستن ومنفوشه .
صارت الحنه العصر بالـ4 إجه ماهر حناني عيونه اكلتني اكل .. همس يم إذني
- هاي ليش مغطيه الگطن
- ههههه شمغطيه غير كله تور شفاف
- لو خلع جان اخذت راحتي اكثر وباوعت زين وفصلته تفصال بس هسه اذا اركز التور يدوخني
- ههههه
- يلا باجر اشبع تركيز ميحتاج
غمزلي واني يبوو متت من المستحه كلما اشرد من باجر يظل وراي .
كملت حفلة الحنه وبالليل اهلي ظلو يودعون بيه .. ظليت ابجي راح اروح لبيت جديد وحياة جديده ماكو تواضع مثل بيتنه ماكو ع الطبيعه عالم يختلف عن عالمي الاحبه .
اخواني ودعوني مدمعين واخواتي ظلن يبجن وينطني نصائح .
لليل اجت امي تريد تسولفلي عن الزواج واني اشرد .
اموت من الخجل غير .
ثاني يوم اكثر يوم متوتره منه ..
مر اليوم سريع بين تحضيرات وتسريحه ومكياج .. البدله مال العرس هالمره اختيار ماهر خل يشبع شوف .
اخذوني من الصالون لااهلي وبعدين اجت الزفه لااهلي ..دخل ماهر والزفافه وياه .. اخذني وطلعنه .
السيارات هواي والامه مگلوبه .
طول ماكاعده بالسياره ماهر يسولف وياي واني فاصله ميته خوف وإيديه ترجف .
وصلنه لبيتهم دخلوني للصاله شويه رگصوا وبعدين صعدوني لفوگ .
جان فوك سويت كامل بس إلنه حتى مطبخ بيه بس مامعزول .. الاكل وي البيت .
كعدت بالغرفه وامي واخواتي يوصن بيه ويهدأني .. شويه وكالو راح يزفوه .
دكات كلبي بلشت تزيد وإيديه كامت ترجف .
صوت الموسيقى والطبل ترس المكان صار الصوت قريب على غرفتي وسكت بدخلته .
دخل مبتسم وسد الباب .. باوع عليه وضحك
اني مدنكه بس اخذ نظرات خاطفه اقره ملامح وتعابير وجهه.
تقدم عليه رفع راسي بإيده وطبع بوسه على گصتي .. همس بإذني
- لتخافين
- ماخايفه
- هههه يابه جسمج ديرجف
سحب إيدي وحطهه بين إيده ويباوعلهه عود شوفي
- لتخافين يروحي
بلعت ريكي وابتسمت مجامله وداخلي يرجف .
- اخذي راحتج انزعي البدله واني هم حبدل
هزيت راسي وتوجهت للحمام
كاللي :-
- تحتاجين مساعده
- لا بس القيطان افتحه
توجه عليه واني منطيته ظهري .. ظل يفتح بالقيطان وعناد يقرب بأنفاسه على ركبتي .. جسمي كله قشعر من دفو أنفاسه .
صار ساعه وهوَ يفتح غفه شلقضيه
حركت متني اريد انبهه يخلص. تحمحم وفلته بسرعه .
لزمتهه واخذت السيت المحضرينه ودخلت للحمام .. فتحت التسريحه ولبست السيت .. رتبت شعري وطلعت خايفه وجسمي كله يرجف .
••
طلعت من الحمام بالثوب الابيض مثل نقاء وطيبة قلبهه كحلم الذاهبين إلى أمانيهم .. ثوب قصير يبرز ملامح جسمها وتقاسيمه الفاتنه .. الساقين مكشوفه كأنها برجان من المرمر .. ألايدي مكشوفه لتتلألأ ببياضها الطبشوري.
تمشي بخطوات بطيئه خايفه كأنها ترقص على أوردته كجرح قديم . بمشيتها تبرز حركة أردافها المغريه .. ومشيتهه خطوه خطوه مثل فراشات على ضفّة النهر .
تقترب خطواتهه من عنده وتتوقف عند نقطه معينه .. بادر هوَ واقترب منهه ليمتع نظره بالبوادر الإنثويه الطريه.
احتضنها بلهفة عاشق .. عطرهه يتوسد عنقه ورعشتهه تملأ ذاكرته كتردد اللؤلؤ في ضوء خافت .. عطرهه منبع الورده بربيعها الباكر .. شعرها كجناح النوارس يُمشط البحر .. عينيها الساحرتين كمسلاّت مصر .. وشفتيها بارعتين كمعلّقةٍ جاهلية.
يتقرب من وجهه رغبه لتذوق عسل شفافها .. أنفاسهه دافئه كالـ آه بعد غرام يترنّم على شفتين ورغبه . تنطبق الشفايف لتبدأ ليلة العشاق لهذا الليل المنثور على وسادةً صغيرة .
أحب أن أطيل عبر العنق القُبلـة
أُزيـحُ شعـركِ القصـير عـن أُذنيكِ
أنـزع القـرط الذي أمساني غارقاً
أذوقُ شـحمـة الأذن
وأمضي هابطاً في العنـق
أمضي هابـطـاً
أمـضـي...
وفي الهوّة
في العـمق
تماماً، حينما أوشك أن أغرق
تأتي اللفتة
الضحـكةُ...
تلتفّين بي
والعنقُ المتلـعُ يسترخي على مـوج العناق.
و سَهِرنـا في مسـاءٍ مُـقـمـرٍ
سألتني: أيُّ شيءٍ أعَجَـبَك؟
قُلـتُ لا الكـونُ ولا أنجُـمُـهُ
زينةُ اللّـيلِ هنا إنِّـي مَـعـك.
~~~~~~~~~~~~~~~~~~~~~~~~~
ثُرىٰ . . .
مرت أحلى ليلة بحياتي .. مليئه بالرقه والهدوء .. همساته تتردد بإذني ولمسات إيديه الهادئه وحركاته الحذره ذوبن كل خليه بجسمي .
گعدت الصبح على همسات بإذني ويگعد بيه .. فتحت عيوني وتمغطت بكسل .. إلتفتت لگيته صافن عليه .. ضحكت وغطيت وجهي بإيديه مستحيه .
ضحك وسحبني بحضنه
- صباحك عسل يحلو
- صباح النور
- شلونج
- زينه
- خو ممتأذيه
- لا
- الحمد لله
- يلا گومي راح ادخل اسبح وانتِ هم اسبحي بمي دافي زين
- خوش
دخل للحمام واختاريت شأحضرله ملابس .
طلعت تراكسود نيلي والخاولي ..
من دگ الباب انطيتهن إله كمل وطلع وراه اني هم اخذت ملابسي ودخلت للحمام ..
هدير المياه مصحوب ببخار والبخار يتصاعد مغلف المرايه .. ضيقت عيوني اتحقق من انعكاس صورتي اريد اشوف شكلي .
توجهت للمرايه مسحتهه بكف إيدي .. برزت صورتي من بين خيوط البخار المتكاثفه والمنزلقه .. وجهي أحمر وفص عيني أحمر من الماي .
نزلت نظراتي على عنقي وأشوف جسمي ظليت مصفصفه هاي شلون اطلع .
رگبتي كلهه بنفسجي وبقع حمر .. حتى أستحي اطلع يبوو .
اخذت ملابسي ولبستهن بسرعه متهربه من شوفتي .. طلعت ولگيت ماهر يمشط ويدندن فرحان .. من شافني ابتسم
ماهر.. نعيماً
- الله ينعم عليك
همزين ماگتله شكراً .. اشو من اسبح اخواتي مايگللي نعيماً شهالجفاف خرب .
بقيت امشط ع المرايه تحت نظراته المخترقه .. يباوعلي مبتسم والراحه على وجهه .. نشفت شعري وخليته مفتوح .
تقرب عليه من وره ورفع شعري سواه كعكه وباسني بركبتي بهدوء .. دارني عليه كال :-
- لتفتحيه
- ليش
- مااحبه مفتوح هيج ارتب وهم خاف ينحسد
- هههه خوش انتَ گلي شتحب حتى اسويهن
- ههههه تمام .
اخليهم يجيبون الريوگ لهنا لو تحبين تنزلين
- ننزل جوه
- هسه تلگيهه هوسه جوه هنا ناخذ راحتنه
- خوش جا بكيفك
طلع موبايله وخابر موج علمود الريوگ حسيت كااعدين بفندق .
شويه وصعدته موج .. جان كيمر وكاهي ومربىٰ وعسل وذني السوالف مال صباحية العرسان .
موج.. هذا الريوگ جابه اخوج
- منو اسماعيل؟
موج.. لا حسن
- ياا خطيه جا ليش مابقه انزل اشوفه
موج.. مقبل يبقه يكول اجي بغير وقت واتِ جنتي نايمه تقريباً بالـ6 اجه
- اها
