رواية هشاشة قلب الفصل الثلاثون 30 بقلم العباديه

نزلت جوه وتريكنه .. ردت انزل واجه عليه سحبني من إيدي همس .. لج اوكفي خل ناخذ تصبيره

- ماهرر بالگوه خفيت الآثار 

- نسوي غيرهن

- ياا ههههه 

تقرب بوسني بلهفه نفس لهفته مال البارحه كل مايلزمني احس جسمي كله يذوب .. حراكاته تذوبني وهوَ يتفنن شلون يذبلني بين إيديه .

. بهالأثناء إندك الباب وصوت إمه تصيح

ام ماهر.. لك مااهر انززل دكافي عااد مشبعت .. العالم منتظرتك يلااا 

وسعت عيوني وباوعتله غمض وعصر إيده .. هز راسه وراح فتح الباب وهيَ تلعلع .

ام ماهر.. يلا انزلو شسالفه

ماهر.. يوم شوكت ميعجبنه ننزل 

ام ماهر.. الناس جايه تسلم شأكول

ماهر.. ليش عمار وابو وليد وين .. بعدين غير نتريگ شلون انزل بدون ريوك

ام ماهر.. يلا حروح اگوللهم 

راحت وصلت لبداية الدرج ورجعت 

ام ماهر.. ماهرر 

ماهر.. هاااا

ام ماهر.. ابوك ماإجه؟؟

ماهر.. لا ماإجه

ام ماهر.. لعد متخابره 

ماهر.. خابرته يوم ميقبل يجي اگص راسه قابل

ام ماهر.. شلون يعوف زواج أبنه هوَ هذا هم حچي هسه شتكول الناس علينه

ماهر.. طزز بالناس 

ام ماهر.. ماهر خابره فدوه لطولك خل يجي بس يسجل حضور ويروح

ماهر.. يوم ميقبل ميقببلل ابووس ايدده .. قابل صغير وأعلمه لعد هوَ ميعرف زواج ابنه ولازم يكون حاضر 

ام ماهر.. انطيني رقمه اني اخابرره

ماهر.. ييووووم والله العظيم اذا خابرتيه العب لعب متخابريه وولا تفكرين تخابريه اصلاً

ام ماهر.. هاي هيه بكيفك 

خلت ونزلت .. هوَ عصر عيونه وفرك وجهه اني سألته 

- ماهر جا وين ابوك

ماهر.. ثُرىٰ مو وقتهه بعدين احجيلج كلشي هسه حروح اشوف الخطار ومن تخلص الهوسه اسولفلج وكلشي تعرفين 

- براحتك

بدل ونزل واني هم نزلت الساعه توهه بـ8 وخبصتنه . 

لكيت اهلي موجودين سلمت عليهم وكعدت يم امي اشتاقيتلهه وبعد مااشوفهه منا لكم شهر .

اخواتي كلهن جايات اجتمعمه وظلينه نسولف .. امي جايبتلي أعشاب سوتلياهن موج وشربتهن .

ظلت النسوان تجي تسلم وتروح واني احس فچي كام يوجعني من التبوس .

من صار الغده راحت الناس واني كعدت يم البنات بالمطبخ اسولف وياهن علما يكمل الغده .. اجتني ام ماهر سحبتني من إيدي على جهه كالتلي :-

- تعالي داحاجيج

- ها عمه

- اهلج شجابو هديه؟؟

- اخواني بعدهم ماجايبين لان يريدون يشوفون شمحتاجه للبيت وامي جابتلي سوارين ونهى محبس ذهب 

- احنه ممحتاجين شي كولي لااخوانج ليجيبون شي

- هيَ هديه قابل ارجعهه 

- اي رجعيهه النوب لتروحون تسوون فضل علينه

- مامسوين فضل هي الهديه الي محد يستخدمهه غيري 

عوجت حلگهه وهزت إيدهه وراحت !

رجعت يم البنات سألني شكو كتلهن ماكو شي .. اشو بكيفهه تحدد والله احتاريت شأحجي وياهه .

الظهر اجو اخواني سلمو عليه .. من وصلت لااسماعيل دمعت عيني حضنّي وطبطب على ظهري .

باوع لماهر گاله :-

- امانتي يمك ماهر ديربالك عليهه 

ماهر.. ان شاء الله 

تغدينه كلنه على سفره وحده وصوت الضحك يعزف على مسامعي .. فرحانه حيل .

خلصنه غده وظليت كاعده بس اغفي .. اهلي راحو واني ضجت بس بقيت كاعده تعبامه همسلي :-

- صعدي نامي طفيتي هههه

- لا انتظرك

- حتغفين هنا ياتنتظريني صعدي معليج

ترخصت وصعدت

طفيت الاضويه ونزلت البردات ظلمت الغرفه وطبيت بالجربايه تغطيت انتظرت ماهر لما يصعد مايعرف الا ياكل حلاه بعد الغده .

شويه وصعد لكاني ميته نعاس .. دخل واخذ راسي حطاه على صدره .

رفع راسي باوعتله وسألته :-

- ماهر شنو سالفة ابوك

ماهر.. تكدرين تأجليهه تعبان

- ههههه فضول كتلني بس يلا خليهه

ماهر.. اخ من الفضول .. كومي شغلي الضوه حتى اكدر اسولف لان بهالاجواء اغفه بدون مااحس 

طفرت شغلته واجيت يمه تربعت . اريده يسولف .

سحبني وحطني على صدره وظل يسولف 

ماهر . .واني صغير عشت بدون أب صحيح ابويه موجود وصحته كلش تمام بس ميهتم بينه وهاملنه حتى امي هاملهه يوميه عركه ويوميه مشكله توكع على روسنه .. اني تكفلت بأهلي من صغري ولما كبرت كلهه المسؤليه عليه تعودنه على غيابه .. بس بين فتره وفتره يجي يخلي مصرف احنه منحتاجه لان اني اشتغل ويه اعمامي .. كلما اكبر كلما تزيد المسؤليه لما وصلتهم كلهم وكل واحد استقر بحياته يلا التفتت لحياتي وتعرفين شصار وي جنات 

- لا مااعرف شصار

- لتقاطعيني اني بعدين اسولفلج جنات هاي يرادلهه گعده مرتبه 

- كمل

- اي المهم هوَ تزوج امي من هيَ صغيره وربت على إيده ومدللهه دلال بس بعدين گلب عليهه وماعرفنه السبب .. بقيت اراقبه واخابر ناس يسألون عليه .. لما اكتشفت عنده سوالف محرمه وي بنات مو زينه حاجيته هواي وتعاركت وياه بس مفاد جان مغرور برتبته ومكانته 

- شنو شغله

- هههه ماتعرفين الا تقاطعين مو كلت اكمل وبعدين سألي 

- مااعرف هههه

- عقيد ركن .. المهم بقه يسوي مشاكل لما اخر شي تعارك وي امي كالهه اريد اتزوج عليج والا تروحين تخطبيهه بأيدج رحت سألت على البنيه طلعو مو خوش ناس .. امي من عرفت صابتهه جلطه وكلتلهه بعد لاابونه ولا نعرفه وهاي صار سنين عايشين بدونه بس امي كسرت ظهري متعوده عليه ومتكدر على فراكه جابهه من هيَ صغيره وعودهه عليه وعلى دلاله .. قبل فتره رحت لبغداد سألت عليه كالولي متزوج اثنين مو وحده . بقيت ساكت امي لو تعرف تنجلط .. ولحد الآن متعرف .. وحتى مايعرف بيه تزوجت كتلهه خابرته علمود اريدهه تأيس من عنده تعبنه اني بس دزيتله دعوه بإيد صديقي ومااعرف وصلت لولا لا

- الله يساعدكم 

- مانعستي تره اني طفيت

- واني هم هههه 

- كومي ظلمي الغرفه وتعالي

- اليوم كلساع نظلم ونرجع ههه

- ديلا يابه ميخالف نتحمل 

رحت ظلمت الغرفه ودحست روحي بحضنه ونمت . 

••

العصر هم نزلنه العالم تسلم وخبصه .. فض أول يوم وثاني يوم هم .

ثالث يوم ام ماهر مخبوصه وتحضر وماخلت شي ماسوته. سألت موج كالت خالاتي راح يجون من الخارج يسلمون عليكم .

اني عادي عندي ماخليت للموضوع اهميه وبقيت بنفس لبسي جنت لابسه فستان مال عرايس قصير ومن وره بيه قماش طويله ..اجتني ام ماهر تنتر بيه

ام ماهر.. متكومين تبدلين

- ها عمه ليش ابدل غير لابسه ذني ملابسي

ام ماهر.. لج اخواتي جايات من تركيا وتريدين تبقين بلبسج هذا؟

- اي جا شبيه

ام ماهر.. لتكولين جا 

باوعتلهه صافنه عرفتهه تريدني اكول لعد .. كتلهه :-

- چا لعد شأكول؟

ام ماهر.. ياا لج شنو هاي جا لعد شنو النوب كولي لعد

- عمه هسه هذا مو مهم كوليلي ليش ابدل

ام ماهر.. تعالي خل انطيج فستاني من جنت عروسه 

- ييحح بعده لهسه؟

ام ماهر.. اي بعده

- جا راح ابقه بملابسي 

ام ماهر.. ههه لج اتشاقه وياج .. تعالي عندي ملابس اشتريتهن من رحنه سفره للخارج

راحت ولحكتهه لغرفتهه اول مره ادخللهه تجنن .. حتى احلى من غرفتي .. تكول مال شابات .

طلعت فساتين كلش حلوات انطتني اختار منهن .. اختاريت واحد طويل من الصدر مخرم والردان تور شفافه تبرز إيدي ومن فوك لجوه يلمع لونه فضي .. وانطتني حتى كعب فضي واجه على قياسي فيت .

اخذت خصلتين من شعري الي بالمقدمه برمتهن لوره وحطيت بيهن ورده بيضه صغيره والباقي فتحته ومكياج نازك.

باوعتلي تضحك وتأشرلي بإيديهه علامة اوكي .

كالتلي :-

- بس احجي بغدادي مقابيلهم

- عمه مااعرف

ام ماهر.. سهل وربي كلمات بسيطه ركزي بيه شأحچي وكوليهم

- ان شاء الله 

ام ماهر.. اريد ترفعين راسي يكولن باع چنتهه ثقافه وجمال 

- اي 

دخلن علينه نسوان اثنين بعدهن بعمر التلاثين نازكات ولابسات جبب بس مرتبات ووياهن ام جنات يبوو وجنات وياهن هم .

مادام بيهه جنات هاي هيه السالفه منتهيه .. النسوان وياهن بنات تطلع وحده بكد جنات والثانيه اصغر .. هم لبس ومكياج وفخفخه .

دخلن واستقبلناهن بوسناهن وجنات من وصلتلي هزت ايدهه وراحت .. ظليت اغلي من هالحركه .. حتى امهه ماسلمت عليه !

ضيفناهن وظلن يسولفن .. طبعاً مامنتبهه لسوالفهن لان كلهه تفخفخ واني هيج اشتريت واني هيج جبت وهذا غالي وهذا رخيص.

ظليت كاعده مجبوره لما شويه صار وقت الغده يلا ارتاحيت كمت .

دخل ماهر للمطبخ كال الغده يكون الزلم بالاستقبال والنسوان بالصاله .

اكيد عرف جنات هنا ماراد يشوفهه .

اخذنه المواعين وكعدنه ناكل هنه يسولفن واني احس نفسي غريبه بيناتهن .. يجيبن سوالف عن اقاربهن واني مااعرفهم منو اصلاً

مدري جابن سيرتمن .. ام ماهر كالتلهن

ام ماهر.. غير مقبلت امه 

كالت خالته :-

- اي البنيه وكحه راحت راسلت الولد تكولله احبك وتعلقت بيك تعال تزوجني وهوَ امه متقبل بيهه لان مو مستواهم

ام ماهر.. عززا هيَ مراسلته؟

- اي اي هيَ راسلته تكولله احبك تعال اخطبني رغم الولد مؤدب وميحبهه 

ام ماهر.. هاي فگر شافته مريش وعنده خوش فلوس لزگت بيه متشوفيهه كتلت نفسهه تريده

جنات.. لتخافين من المشايف .. خوفج من المشايف وشاف 

باوعتلي بشماته وتضحك بتك خد عود انتِ .

دنكت راسي وسكتت كأنما الحچي مو يمي ومغلسه اعرف تريد تحرگ گلبي بس ماعليه .

اكو جان دب صغير ع القنفه .. ام ماهر باوعتلي وكالت :-

- يا ثُرىٰ هذا شوكعه ؟

- هوَ طاح اا وگع 

جنات.. وكع طاح هههههه

ظلن يضحكن ويصنفن عليه .وام ماهر خزرتني عود ليش فشلتيني شأسوي هذا حچيي بس والله بعد ولااحجي بغدادي شني گوه .. سكتت امري لله مارديت عليهن.

خلصت اول وحده وكمت بقيت كاعده بالمطبخ .. حچيهن كله بدون معنى وسالفه مو يم سالفه واني مثل الاطرش بالزفه والبسامير تتراگع .

اجت موج تغسل مواعين .. لاحظتهه تشتغل هواي وتعبت خطيه .. وكفت يمهه وساعدتهه .. سألتهه :-

- اكلج مو اتذكر عدكم خدامه شعجب ماكو

موج.. غير ماما طردتهه

- ياا ليش

موج.. لان تزوج ماهر كالت بعد منحتاج خدامه انتِ موجوده

- جا اني خدامه شنو

موج.. لا لا مو هيج بس يعني نتساعد اني وياج عليمن خدامه وغريبه بيناتنه تدرين ماهر يستحي يجي للبيت من الخدامات مخلصهه كله ببيته 

- عنده بيت؟

موج.. اي عنده من يضوج يروح بيه بس يخلي الخدامات لما يحلن ويرجع للبيت مايرتاح بالبيت اذا بيه غريب 

- هاا 

شويه خابرني ماهر .. 

- الووو ثُرىٰ اكو احد بالمطبخ اريد اجيب المواعين

- لا ماكو احد بس اني وموج

- تمام لعد جاي 

اجه اخذ صينيه وجاب المواعين .. ظل يحط بيهن يم السنك واني انكع بيهن .

بهالأثناء دخلت جنات .. اول ماشافته ركضت عليه 

جنات.. هلو ماهر شلونك 

دار وجهه عنهه وكال 

ماهر.. ثُرىٰ حجيب الوجبه الخ سويلي مجال 

هيَ لان مادارلهه بال روحي وتقربي يمه تريد تبوسه من خده عكد حواجبه ودفعهه خزرهه ونتر

ماهر.. شنو هالتصرف

جنات.. داباركلك شبيك

- مااريد مباركتج احتفظي بيهه لنفسج

خله وطلع .. ظلت واكفه مثل المزهريه تباوع يمنه ويسره متفشله .

اني حصرتني الضحكه وضحكت اتشمت بيهه .. ارجعههه الهه . 

نترت 

جنات.. وقزلقط شبيج تتمضحكين

- ههههههه هههههه 

لميت شفايفي ورجعت ضحكت .. ضبيت شفتي عود ماريد اضحك 

- سلامتج هههه 

خلت وطلعت .. تستاهلين والله .

ام جنات لطشت على ماهر الا يجي تباركله .. عمتي صاحته واجه دخل سلم عليهن . بوسنه كلهن .. ويباركله .

اجت خالته الصغيره باسته وكالتله :-

- مبروك حبيبي شايف كل خير ويه زوجتك صغيرة وحليوه بس جنونه احلى هههه

عكد حاجبه وفشلهه :-

- مو مهم الجمال اهم شي اخلاقهه شأسوي باالجمال واخلاق ماكو

تذكرت الشعر مال ..ادري بتوالي الليل ششبگ بالأخلاق .

بس همزين كضيت روحي وماكلته .. هههه اتخيل روحي اگوله يبوو.

هيَ احلى مني بعمليات التجميل .. النوب توهه مسويه عمليه لخشمهه صاير حلو .

انطني فلوس واني ماقبلت آخذ وام ماهر تباوع مخوزره

ام ماهر.. اخذي ماما هاي هدية زواجكم

اخذتهن .. كل وحده انطتني ورقه 

راحن وصار البيت هدوء .

صعدنه ننام واليوم ناويه اعرف سالفة جنات شنو

اول مادخل راح سبح واجه بس بالشورت دخل جوه الغطه واشرلي اجي بحضنه .

اني ماصدكت رحت ونمت بمكاني .. كتله :

- ماهر سولفلي شسوت جنات

ماهر.. ثُرىٰ مااريد اسولف بيهه تدرين بس ذكراهه يلعبهه لنفسي 

- عليك الله انتَ مو كتلي اسولفلج كلشي

ماهر.. اي صح كتلج بس تلعب روحي ثُرىٰ 

- فدوه لخاطري 

سحب نفس قوي وزفره .

ماهر.. اني مسولفلج قبل من رحت

- اي وصلت لحد من دخلت وشفتهه بمنظر 

ماهر.. ها اي اي صح .

غمض عيونه حيل وكال :-

ماهر.. دخلت لكيت لعبان نفس .. إشمئزيت لمجرد وقفتي مقابيلهه .. جانت مُجرده من أي قطعة ملابس .. جسدهه عاري ومقابيلهه الحاسبه فاتحه كام وإثنين شباب مقابيلهه يمارسون اللواط بيناتهم

- عزاااا

- اششش ثُرىٰ لتحجين تذكريني 

عصر عيونه ونفس قشعرته مال ذاك اليوم صارت بجسمه .

دفع راسي على الخفيف ودار وجهه انطاني ظهره .. سحب إيدي على خصره همس :-

- احضنيني حيل 

تقربت منه وحضنته حيل ردت ادخله بين ضلوعي كدما الحضنه قويه .

زفر نفس بإرتياح ونام اني هم نمت .

.

للعصر كعدنه على دگه فلشت الباب تفلش .. ماهر نايم واني بسرعه افزز .. ركضت على الباب فتحته لكيت عمتي ام ماهر 

ام ماهر.. متنزلين انتِ عذبتييني داكولج النسوان جججوووه منتظرتج وانتِ هنايه نايمه الا اصعد اكوللج متفهمين من نفسج

- اي عمه هسه ابدل وانزل 

ام ماهر.. ديلا بسرررعه

غمضت عيوني ودخلت لكيت ماهر كاعد مثني على ايده يباوعلي .

دنكت واخذت ملابسي ورحت للحمام .. بدلت وطلعت .

كال :-

- لتنزلين داحاجيج

كام غسل ونشف وجهه واجه 

اني واكفه وهو كاعد ع الجربايه .. اشرلي يمه وكال :-

- تعاي داحاجيج 

اجيت كعدت يمه كال :-

- ثُرىٰ باعي امي تره بعدهه حاقده عليج بنظرهه جنات البريئه وانتِ الخطفتيني هـه .. متعرف بسوالف جنات ولا عدهه أدنىٰ فكره عن الشفته ف حاولي تكسبيهه امي تحب اليجاريهه ويكوللهه عيوني وكلبي من تكوليلهه الكلمه مراح تاخذ عيونج ولا تاخذ كلبج بس كلمه تكسبيهه بيهه حتى متصير مشاكل انتِ بغنىٰ عنهه ونبقه محافظين على حياتنه طبيعيه

- يعني اذا صارت مشكله لاسامح الله تنحاز الهه لو الي؟

- ماانحاز آني.. ولا لأي طرف لان مداخل بمعركه اذا تصير بيناتكم مشكله احلهه وكل واحد ياخذ حقه بس لتخليني اصير بهالموقف واجي احل مشاكلكم .. سوي الكتلج عليه وبعدين اني افهمهه شسوت جنات لما تتحسن صحتهه 

- تمام تدلل 

نزلت جوه .. يم النسوان سلمن وطلعن .. ظليت كاعده وهيَ لازمه موبايلهه وحاطه رجل على رجل وكاعده ع القنفه المقابيلي .

شويه ودخلت بنيه تلعلع وتصيح ام ماهر وگفت وشمرت الموبايل وركضت عليهه :-

- كاعدين هناا دك وركصص واحنه بالضضيييمم

الفصل الواحد والثلاثون من هنا