رواية سراج السادة الفصل التاسع والعشرون بقلم غسق ادريس
____________________
نحن ب انتظار آلعوَض منك.
_ اللهم صلِّى على محمد وآل محمد _♥
خلونا ويا السادة....
ب لسان العلوية جهاد
_ويا طيحة الاكبر طحت..
_انا انكسر ظهري صحت...
_وبشمعة القاسم جووني....
_شفت الطفل لمن رجعع..... وبحضن ابو نحرة انكطع
_كبل الطفل ريت ذبحوني
_بية الف اه واه ........ وضع الطفل ما انساة
_طير ويرفررف شفتة... بس بمماتي ارتاح
_جم غالي ودعني وراح
_تل الصبر شيبتة....
" ادري بيجن ماتشتركن ب الحساب وتصوتن للبارت لان مامعقولة البارت يقرو اكثر من 10 الف والي يصوتون الف بس؟ والتعليقات اخخخ اخخ ترا هاي كلهن فايدة للبارت حتى الرواية تنشهر اكثر....يلا الحبوبات اكيد راح يتفاعلن بهذااا البارت 😂♥ "
جانت عاتكة تمشي وخلفها شاهيناز
صاحت شاهيناز بعاتكة دافعتها من كتفها بدون قصد
_شاهيناز:: عاتكة عباتييييي
التفتت عاتكة على شاهيناز من قوة الضربة بسرعة رهيبة وغير ملحوضة
اجت سيارة سريعة بدفعة شاهيناز والتفات عاتكة
صرخت مفزوعة من مكاني اباوع لسيارة شلون اخذت عاتكة شامرتها على غير جهه...
ابتعدت اصرخ ايدي على حلكي مصدومة ب الي صار السيارة ضربت عاتكة !.
التفت الكل على عاتكة مصدومين مثلي محد مستوعب كلشي صار بلحظة
وكفت بمكاني اباوع لعاتكة طايحة على وجهه بدون حركة
الناس بدت تركض علينه والي ضرب عاتكة ب السيارة نزل يركض على عاتكه
اندفعت من كتفي بقوة
باوعت لعمتي جهاد ركضت على عاتكة تصيح ب اسمها
ركضت عليها اني وملاك نبجي
شالت عمتي عاتكه من الارض تمسح على وجهه وتصيح
_جهاد:: يمة عاتكة يمة بنيتييييي
بجيت اباوع لدم بدة يترس المكان بس ماعرف مصدر الدم منين ب الضبط
باوعت لوجهه عاتكة خدودها وكصتها متأكل الحم بسبب الرصيف
حاولو ياخذون عاتكة من عمتي رفضت ماقبلت جانت حاضنتها لصدرها وتبجي
واحد من الموجودين اجه يسحب عاتكة من حضن عمتي توا يدنك ياخذها واجانة صوت صياح
باوعت لدلهب ركض علينه يرعد بين الناس
دفع الشخص من عاتكة وشالها من حضن عمتي وركض بيها بسرعة حتى ماخلانة نستوعب اخذها وركض الناس فتحو سيارتهم يصيحو يصعد
صعد بوحدة من السيارات وطلعو اباوع لمكان عاتكة بس دمها ضل
حضنت ملاك عمتي من ظهره وحجت
_ملاك:: عمة كومييي عمة خلينة نروح وراهمممم
_جهاد:: عاتكة بنيتي
_ملاك:: عمةة فدوة كومي عيني روحج. قدس جيبي شاهيناز وتعالنن يلاااا
التفتت اباوع لشاهيناز واكفه بعيد وصافنة تباوع النه البنية مصدومة ماعدها رد فعل
ركضت عليها سحبتها من ايدها اصيح بيها
_قدس:: شاهيناز شاهيناز شبيجججج
_شاهيناز:: اني السبب مو؟
_قدس:: لا انتِ معليج مو انتِ السبب
_شاهيناز:: لا اني دفعتها
جاي ارد عليها وصاحت بينة ملاك
التفت اباوع ملاك حاضنة عمتي يمشن ب اتجاه سيارة السايق الي دعم عاتكة
سحبت شاهيناز من ايدها وركضت وراهن
صعدنا بسيارة الرجال يتعذر ويمسح على وجهه بخوف وتوتر
باوعت لعمتي مو على بعضها جانت تغمض عيونها وترجع تفتحهن
طلع السايق ب السيارة واحنا نبجي كل ماتذكر الي صار بعاتكة كلبي يعصرني
اخذت ملاك تلفون عمتي وباوعت لعمتي
_ملاك:: عمة رمز تلفونج شكد؟
_جهاد:: 1986
فتحت ملاك رمز التلفون باوعت لشاهيناز بس دموعها تطيح خفت لا تحمل نفسها الذنب ب الي صار بعاتكة
باوعت لملاك
جانت فاتحة سبيكر اجانة صوت فقار
_فقار:: ها عمة
_ملاك:: فقار اني ملاك
_فقار:: ها علوية. عمتي وين خو ماصاير شي ؟
باوعت ملاك النا وحجت بصوت مكتوم
_ملاك:: فقار عاتكة اندعمت
اجانة صوت فقار يصيح
_فقار:: شنووو عاتكة شبيها منو دعمها ؟؟؟؟؟
_ملاك:: ماعرف فقار اتصل بصديقك دلهب هوا اخذهااا
سمعت صياح اخوان عاتكة
كطع فقار الاتصال
بقيت لازمة كلبي وادعي عاتكة مايصير بيها شي
وكفنا السايق كدام المستشفى نزلنه كلنا من السيارة والسايق كدامنا يركض جان متعاون ويانا وخايف
خايف لايصير شي بعاتكة ويبتلي
دخلنة المستشفى نبجي وكفت عمتي بنص المستشفى وغمضت عيونها
ركضنا اني والبنات عليها من طاحت ب الارض غايبة عن الوعي مامتحملة الصدمة
حاوطناها اني والبنات نغطيها
راح الرجال يركض يجيب الممرضات واحنا واكفات فوك راس عمتي نبجي
اجن الممرضات اخذن عمتي واحنا خلفها
دخلو عمتي لردهه النساء
كعدت شاهيناز ب الارض ساكتة
مشت ملاك تطلع من الغرفة باوعتلها وحجيت
_قدس:: ويننن ملاك
_ملاك:: لعاتكة اريد اشوفها
_قدس:: انتظريني اجي وياج
طلعنا اني وملاك من الردهه مانعرف وين نروح ووين اخذو عاتكة بس ندور ب المستشفى
شفنا ثنين من الي اخذو عاتكة ويا دلهب
ركضنا عليهم نسألهم
مشو كدامنا يدلونه
سمعت صوت صياح هذا الصوت مألوف علية
باوعت كدامي
شفت دلهب واكف بنص المستشفى يتعارك ويا ثنين ممرضين والناس داخلة تحاجز بينهم
وكفنا بعيد اني وملاك نسمع الهم ونشوف شنو جاي يصير
رفع دلهب ايده وحجة بتهديد
_دلهب:: شاربي مو علي اذا تظلون يوم ثاني بهاي المستشفى
_:: طلعوووو من المستشفى شنو يهدد اطلععع يلا خلينة ملتهين بشغلنة
دنك دلهب على رجلة انصدم الكل وانفزع من دلهب شال شحاطتة وركعها براس الممرض كدام الكل
خلت ملاك ايدها على حلكها مصدومة
دخلو الامن يركضون على دلهب التمو عليه يردون يطلعو من المستشفى وهوا يتوعد للكل ماخلة واحد ماهددة
شكد ماحجي واكول دلهب ضخم قليل بحيث اربعة من النجدة محاوطي من كل ايد ثنين وثنين يمشون خلفه يحاولون يسيطرون عليه مايكدرون
صرنا اني وملاك وحدة تباوع بوجهه الثانية مانعرف شنسوي. مشت ملاك ب اتجاه الغرفة الي جان واكف كدامها دلهب
جان باب الغرفة مفتوح شفنا الدكاترة والممرضين ملتمين حول عاتكة
دخلت اني وملاك عيوني على عاتكة منزعيها العباية ورافعين ملابس عاتكة من جهه رجلها يخيطون بيها
اجت الممرضة باوعتلنه واشرت نطلع
_:: براا بلا زحمة مانريد هوسة
_ملاك:: هاي اختييييي البنية حبابة شبيها كليلي
باوعت الممرضة على عاتكة وحجت
_:: عدها كسر ب ايدها وراسها ورجلها خياطات
_ملاك:: مابيها شي يعني فدوة خو ماتموت
_:: لالا مابيها شي. بس كليلي هذا الرجال الاصلع شيصير الكم
باوعتلي ملاك ورجعت باوعت للممرضة
_ملاك:: يصير ابن عمي ليش شبي؟
_:: كولي شنو مابي ياعيني. لان الدكتور رفع عباية البنية كام يصيح ويهدد مايقبل الى دكتورة تخيطها
حجت ملاك
_ملاك:: اي عادي ابن عمها ويغار عليها
_:: مو بس هيج شفتن هذول الممرضين البرا توهم يتعارك وياهم؟
_ملاك:: اي؟؟
هز ايدها الممرضة وحجت
_:: مو هذا ابن عمج الاكرع خبصنة خبص الممرض شمر حجاية وهذا جر الممرض وكتلة
_ملاك:: شكال الممرض؟
باوعت حولها خاف واحد يسمعها وحجت ويانا بهمس
_:: كال شامرين بناتهم ب الشوارع ومن يصير بيهن شي يصيرن عزيزات وابن عمج سمع صارت العركة
بقينة اني وملاك وحدة تباوع بوجهه الثانية عمي والله ماينلام دلهب من تعارك وياهم شلون هيج يحجي؟
راحت الممرضة واحنا بقينة عيونة على عاتكة ونبجي
اباوع شلون فتحو شعرها يخيطون براسها نقهرت عليها
رجعنا نتأكد من حالة عمتي مرة نوكف عند عمتي ومرة عند عاتكة
كمزت من مكاني من سمعت صياح دلهب
طلعنة من الغرفة نباوع الهم
جان دلهب واكف بنص المستشفى وخلفة ثنين ضباط برتب عالية واكفين بظهره
والدكاترة والباقين محاوطين دلهب
باوعت لشخص من الموجودين يتعذر من دلهب حتى يسد الموضوع
رفع فقار راسة يباوع اجت عيونه علينة انصدم فاتح عيونة. عاف الكل واجة يركض علينة
مشت ملاك ب اتجاه فقار واني خلفها
توها تحجي وصاح فقار بيها
_فقار:: نقابجج نقابججج
_ملاك:: فقار عاتكة
_فقار:: نقابج رفعي نقابج
باوعت لملاك منزلة نقابها من وجهه. رفعت نقابها على وجهه ساكتة اجة سيد معراج خلف فقار
باوعلنة وحجة
_معراج:: يلا علويات مشواق منتظر برا
_ملاك:: وين برا شيريد
_فقار:: رجعن للبيت يلا
باوعت ملاك على فقار وحجت
_ملاك:: لا مانرجع نبقى ويا عاتكة كالو شوي وتكعد
_فقار:: رجعننن محد تضل هنااا احنا نضل يلا انتن للبيت رجعن
مشت ملاك للكراسي وكعدت باوعت لفقار وحجة داكة رجلها
_ملاك:: مانرجع اذا عاتكة مو ويانا مانرجع
فتح فقار عيونة خازر ملاك وهية خازرتة
باوعت كدامي السيد وغضنفر و السيد مهدي يركضون علينة
مشيت ب اتجاههم ابجي
شافني غضنفر وكف كدامي
_غضنفر:: قدس
_قدس:: عاتكة غضنفر رادت تموتتت
_عبد الرؤف :: حفديتي عاتكة وينننن
ركض السيد والباقين خلفه
دخلو للغرفة كلهم خايفين مشة غضنفر خلف فقار ومعراج
مشيت لملاك باوعتلها وحجيت
_قدس:: شجاج ملاك هية مال مناكر
_ملاك:: لعد نرجع؟
سكتت عنها ومشيت لردهه النساء
شفت شاهيناز كاعدة عند راس عمتي تبجي بهدوء
مشيت الها
بس شافتني حضنتي تبجي واني امسح على ظهره
_قدس:: مابيها شي صارت احسن
_شاهيناز:: لو ميتة اموت وراها
_قدس:: اجة السيد واخوان عاتكة
مسحت دموعها ووكفت تباوع لعمتي
باوعت لشاهيناز وحجت
_قدس:: عمتي ليش ماكعدت؟
_شاهيناز:: صاير عدها صدمة قبل شوي كعدت تبجي تصيح ب اسم عون تذكرتة
باوعت لعمتي وحجت عيونها مدمعة
_شاهيناز:: عمتي تخاف من طاري الموت تربط كلشي بعون تخاف لا تفقد احد ويعوفها مثل عون
اتحسرت عيوني على عمتي وجهه اصفر وشاحب
معقولة فراق ابنها عون
بعد فترة من كعدتنا دخلت ملاك ضايجة
باوعتلنة وحجت
_ملاك:: يلا امشن نرجع
_شاهيناز:: ششنوو وين عاتكة شلون وعمتي؟؟؟
_ملاك:: اجت العلوية زهراء تضل عند عمتي يلا امشن نرجع استاذ فقار خبصنة محد تبقى ب المستشفى
طلعنا من المستشفى شكد حاولنا وياهم فقار وغضنفر رفضو رجعنا للمستشفى بالنا كله عند عاتكة.....
" معراج "
طلعنة من البيت فقار خايف على اختة يسوق بسرعة وانا بيدي التلفون اتصل على دلهب اخذت منة اسم المستشفى وكعدت استفسر منه على حالة العلوية عاتكة
اتحسر وحجة
_دلهب:: الحمدلله يمعود ربك ستر ما ماتت
_فقار:: دلهبببب احلفك ب اعزاز كلبك مابيها شي
_دلهب:: واعزاز كلبي مابيها شي السيارة طكتها من اصفاحها بس بشمرة السيارة طاحت على الرصيف ايدها عدها كسر. وراسها خمس خياطات بس هية فاقدة الوعي هسةة
حجة فقار بخوف
_فقار:: غيبوبة شنو؟
_دلهب:: لالا مو غيبوبة كالو تكعد
سكت فقار يمسح على كصته خايف سديت الاتصال من دلهب اهدي بفقار
هز راسة وباوعلي
_فقار:: انطيت علم للسيد والباقين
_معراج:: اي طالعين ورانا للمستشفى
هز راسة ساكت
وصلنة للمستشفى شفنا دلهب وخلفة اخو راصد وثنين ضباط كبار واكفين واحد على يمنى دلهب وواحد على يسرتة
ركضنا عليهم مستغربين جان اكو شخص يتعذر من دلهب
_:: غلطو وانا اعتذر ن...
_دلهب:: ماتفيد الاعتذارت هذول ادفنهن بيدي يلا ارتاح. سيدي شوف شغلك وياهم
صرنا انا وفقار واحد يباوع بوجهه الثاني مانعرف شصاير
باوعت العلويات واكفات من بعيد يباوعن النا
ركضنا عليهم انطيتهن علم يرجعن ويا مشواق
شفت السيد والباقين دخلو للمستشفى
ركضو ب اتجاه الغرفة واحنا خلفهم شفنا العلوية عاتكة وانصدمنا ب حالتها والي صار بيها
طلعت من الغرفة مستحي شلون دخلت للغرفة وهية نايمة
مشيت ب اتجاه دلهب واخوه راصد
تسالمت وياهم
ورجعت كاعدة على الكرسي برا المسبحة بيدي اسبح
والباقين عند العلوية
رفعت راسي اباوع للسيد طلع من الغرفة السبحة بيدة يمشي بتعب
كعد بصفي واتحسر
_عبد الرؤف :: لو صاير بعاتكة شي انا مايضل بية حيل
_معراج:: الحمد لله عدت على خير كعدت هية؟
_عبد الرؤف:: اي ورجعت نامت
هزيت راسي ساكت والسيد يسبح ويحمد الله لان طلعت العلوية بسلامات
اجه ولد شاب كعد بصف السيد
فتح تلفونة يكلب
بقة السيد مستمر على التسبيح بصوت ناصي
باوع الولد لسيد غلق تلفونه وحجة موجه كلامه للسيد
_:: شلونك سيد
التفت السيد على الولد رحب بيه ب ابتسامه
باوع الولد للسيد وحجه
_:: عدكم مريض هنا؟
_عبد الرؤف:: اي حفيدتي الصغيرة
كعد الولد يسولف ويا السيد وانا اسمع الهم واسبح
باوع الولد لسبحة السيد وابتسم
_:: شفتك تختم التسبيح وتحجي دعاء بكل مرة
هز السيد راسة ب اي وحجة
_عبد الرؤف:: هذا التمجيد
_:: شلون يعني التمجيد؟
_عبد الرؤف:: عن النبي ( صلى الله عليه وآله وسلم) قال ان كل دعاء لايكون قبلة تمجيد فهو ابتر
_:: وهو؟
_عبد الرؤف::(اللهم انت الاول فليس قبلك شيء وانت الاخر فليس بعدك شيء وانت الظاهر فليس فوقك شيء وانت الباطن فليس دونك شي وانت العزيز الحكيم) هذا التمجيد
حجة الولد ب اهتمام وفضول
_:: سيد هوا التسبيح شنو فائدته؟
_عبد الرؤف:: عن امير المؤمنين قال التسبيح ينصف الميزان والحمد لله يملأ الميزان والله اكبر يملأ ما بين السماء والارض ورسول الله قال اكثرو من (سبحان الله والحمد لله ولا اله الى الله) فانهن ياتين يوم القيامة لهن مقدمات ومؤخرات ومعقبات وهن الباقيات الصالحات
اتحمس الولد يسولف ويا السيد والسيد يجاوبة
باوع الولد للسيد وحجة بتعب
_:: سيد انا تعبت حياتي ماشية عكس الباقين كلهم يجيهم رزقهم والعوض والفرح من وكت الى انا يجيني متأخرة ونادراً
باوع السيد للولد وحجة
_عبد الرؤف:: اسولفك سالفة
_:: اسمعك سيد
_عبد الرؤف:: الموقف هذا والسالفة قديم من سنيننن مو هسة
_:: اي كمل سيد
حجة السيد
_عبد الرؤف:: عندي حديقة ب البيت جبيرة بهاي الحديقة انا زارع كلشي شنو الي يعجبك تشوفة بهاي الحديقة جنت دوم اجيب البذور واشمر ب الحديقة احب اهتم واسقي الحديقة كل يوم مرة وانا اسقي الحديقة انتبهت على جزء ب الحديقة بنهاية الحديقة ب الزاوية جان اكو مكان صغير خالي من الزرع
الحديقة كلها خضار عكس هذا الجزء ناشف وارضه يابسة والسبب؟
كمل السيد كلامة
_عبد الرؤف:: السبب اهمال غير مقصود مني جنت مركز على واجيهة الحديقة وناسي الجزء هذاك سقيتها اول يوم وثاني يوم ثالث يوم ماسقيتها مر بحياتي وقتها مشاكل واعمال وقتي كله صار انشغالات اهملت الحديقة كلها سلمت العناية بيها ل اولادي وحفادي وبسبب عدم معرفتهم بذاك الجزء اهملو
_عبد الرؤف:: مر الوقت والايام وانا ناسي جزء الحديقة اليابس بيوم من الايام واحد من احفادي حافر حفرة صغيرة ب الحايط جانت فاتحة بين الحديقة وبين الشارع
_عبد الرؤف:: مر الوقت والكل سكت على الحفرة ف انا بيوم اخذت تراب واسمنت ودخلت للحديقة اسد الحفرة وقتها صفنت عيوني على الحفرة
_عبد الرؤف:: الفتحة هاي جانت مفتوحة على الشارع. جيرانا بيتهم بظهر حديقتنا عدهم تانكي ماي جبير بس ينترس التانكي ماي ينزل للشارع يمشي هذا الماي لحايط حديقتنة يدخل من الحفرة على الجزء اليابس من الحديقة وقتها جنت اباوع عيوني على الخضار الي طلع بهذا الجزء. انا مصدوم هذا الجزء جان يابس مابي زرعة خضرة وحدة هسة جاي اشوف المكان كله خضار ماكدرت اسد الفتحة وقتها لان هاي رحمة من الله انفتحت لهذا الجزء من الحديقة انا اهملتها اولادي اهملوها احفادي اهملو بس الله سبحانه وتعالى ما اهملها
_عبد الرؤف:: الجزء هذا من الحديقة اليوم بهذا الجزء شجرة جبيرة عابرة على جهه الحايط لكبرها.
هاي الحديقة كلها اذا مايجي احد يسقيها تموت الى هذا الجزء من الحديقة الماي يجيه كل يوم بدون تعب وبدون حاجة لشخص ليش؟
_عبد الرؤف:: لان الله انطاها مو غيرة صح اتأخرت برزقها وخضرتها بس عوضها جان جبير وافضل من باقي الحديقة
_عبد الرؤف:: الرزق شكد ما اتأخر شكد ماقيمتة كبرت وهااا الرزق من الله غير احنا نكول كل تأخيرة بيها خيرة قال الله تعالى (اولئك يؤتون أجرهم مرتين بما صبرو)
حجة الولد
_:: زين سيد انا عندي مشكلة. اخاف من ذنوبي وكل ما اتذكرهن اتندم لان قمت بيهن
حجة السيد
_عبد الرؤف:: عندي جدول انا اسمه جدول " ذنبي لايستمر معي " هذا الجدول روتين ب ايامي يعني مايمر يوم اذا ماهذا الجدول شاركني
الجدول كتالي
_عبد الرؤف:: اجيت ورقة وقلم اسجل اليوم والتاريخ اكتب ذنوب اليوم
ابلش ب الجدول كل ماذنبت اي ذنب افعلة اروح اكتبة ب الورقة عند الذنب اكتب استغفر الله وازيد على كل ذنب 100 استغفار مثلا
_سمعت اغاني: استغفر الله 100 مرة
_سهوت عن صلاتي: ااستغفر الله 200 مرة
_صوتي على بوجهه والدي ووالدتي: ااستغفر الله 300 مرة
وهكذا........
_عبد الرؤف:: قبل لاينتهي اليوم الساعة ب 11 ابدي سبحتي بيدي وابدي استغفر كل ماكضي استغفار لذنب اشطب الذنب الى ان اخلص ذنوبي كلها
_عبد الرؤف:: انهي يومي هذا نظيف خالي من الذنوب
_:: يعني سيد صدك الذنوب تنشال مني؟
_عبد الرؤف:: قال الامام الصادق (ع) اذا اكثر العبد من الاستغفار رفعت صحيفتة وهي تتلألأ
باوع السيد للولد وضحك
_عبد الرؤف:: بس هذا مو يعني يكرر الذنب ويرجع يستغفر قال الامام الصادق (ع) التائب من الذنب كمن لاذنب له. والمقيم على الذنب وهو يستغفر ك المستهزء
حك الولد كصتة وحجة بخجل
_:: زين احجي اخر شي عادي؟
ضحك السيد وهز راسة ب اي.
_عبد الرؤف:: سولف ب الي يعجبك
_:: اشكرك سيد. انا مشكلتي اتعاجز بصلاتي ومن اصليها اصليها بدون نفس ودوم اتكطع بصلاتي ماعرف الحل
_عبد الرؤف:: الصلاة ماكدر اسولفلك بيها انت تعرف هية واجبة والصلاة عمود الدين. بس من تجي لواهس الصلاة هنا الحل عندك انت تكدر تحبب نفسك ب الصلاة والعكس صحيح
انت حبيت السوالف وياي مو؟
ابتسم الولد وهز راسة ب اي
_:: اي والله سوالفلك حلوة سيد
_عبد الرؤف:: نفس الشي خليه ويا الله. شوف من تروح لصلاتك خلي ببالك انت رايح مو لان لازم تصلي وتقضي العليك لا انت رايح تقابل شخص عزيز عندك تريد تكعد ويا تسولف حبب نفسك ب الصلاة عن طريق حبك لله يعني من تفهم علاقتك ب الله شنو راح تتقرب لصلاتك اكثر
انا من اخذ مصلايتي واصلي رايح لله يعني شنو رايح لكعدة مابيها حواجز مابيها عيب مابيها اخاف احجي وتطلع السالفة مابيها خجل كلشي مباح ويا الله تسولف براحتك اكعد ويا الله مثل كعدتك ويا اعزازك واحبابك .
_عبد الرؤف:: من تكمل صلاتك لاتلف المصلاية وتكوم من الصلاة تركض عيب لاتحسس الله كوا كاعد تصلي وجابر نفسك على سوالفك ويا الله لا عيب عليك هيج انا لو اسولف وياك وتعوفني وتكوم هيج ازعل واغتاض منك
_عبد الرؤف:: من تكمل صلاتك اكعد على المصلاية وسولف ويا الله اخذلك فد خمس دقايق سوالف وياه راح تتونس ب الكعدة
_عبد الرؤف:: انت شوف من تلاحظ المقابل متونس بسوالفك ورايدك تحجي ويا راح تتحمس ويجيك واهس تسولف انت هيج سوي ضل انتظر الصلاة دقيقة دقيقة حتى تكعد ويا الله وتسولف براحتك
_عبد الرؤف:: هاي الكعدة ماتكرر ويا غير الله لان بس الله يتحمل يشوفنا بحزنا ويتحمل يشوفنا ب اتعس لحظات حياتنا. وين لاكيها تروح تسولف ضيمك وهمك كله لله ويستقبل منك ومايكلك مليت
_عبد الرؤف:: حب الله تحب سوالفة وكعدتة....
"اذكركم مرة ثانية ب التصويب والاشتراك ب الحساب "
"قس "
انصدمت عيوني على قبس شلون تباوعلي بغيض وحقد معقولة سوتها وباعتني؟ علمود منو علمود شهاب؟
صاح خالي بية بعصبية خازرني
_ابو شهاب:: صدك هذا الحجي قس انتِ ورا هاي السالفة ؟؟
بلعت ريك اباوع لامي ولخواتي
امي جانت مكتفة ايديها تباوعلي بعصبية
باوعت لخالي وحجيت
_قس:: شعلية اني بيهم ؟
_ابو ياس:: هذا كلام اختج ست قس
باوعت لقس ورجعت باوعت لخالي
_قس:: ياس كال اني حجيت؟
_ياس:: لا ماحجيت شي ولاجبت اسمج بسالفة بس هاي اختج شمرتها عليج
هزيت راسي ب اي وباوعت لقبس
حجيت ب استغراب
_قس:: شدراج اني حاجية هيج؟
_قبس:: اني ادري بيج انتِ تعاركتي ويا شهاب قبل لاتطلعين وانتِ اختي اعرفج كلش زين هاي سوالف الحقد والخراب تطلع منج
كتمت عصبيتي وقهرتي من كلامها وسكتت
باوعت لخالي وحجيت
_قس:: خالو ضايقتكم كعدتنا؟
_ابو شهاب:: شدخل هاي بهاي انا جاي اكلج انتِ شحاجية وحشمتي ياس على شهاب
رفعت اكتافي بماعرف وحجيت
_قس:: لا حاجية شي ولا جايبة طاري شهاب بشي بس انتم جنكم تضايقتو من كعدتنا ولبستو هاي السالفة براسي
_سعاد:: ولج ام السان اختج الحجت احنا شكوو
رفعت ايدي بلا وحجيت
_قس:: لعد شتفسرون هاي سالفتكم اني شعلية ب ياس وشعلية ب شهاب. ياس صاير خير وكال امشي اطلعج واني طلعت ويا وبس رجعنا صارت المشكلة بينهم اجيتو وحطيتو اسمي بنص مصايب ولدكم اني شكو؟؟
باوعت لقبس وحجيت
_قس:: واذا على قبس ترا قبس تجذب. اني وياها متعاركات ومتزاعلات على سالفة تافهة حيل ويجوز من حركة كلبها كالت اني السبب مو صح قبس؟
باوعتلي وصاحت تباوع للكل
_قبس:: لاا جذابة والله العظيم هية السبب اني ادري بيها هية اول ماجت لهنا تتعارك ويا شهاب وتكرها حتى هية البارحه كلتي راح احركها بين شهاب وياس
صكيت على سنوني بعصبية اتمالك نفسي
ضحكت عيوني عليها حجيت
_قس:: يمعودة شبيج ماحجي شي لباسم وقاسم لاتخافين
_قبس:: شنو؟
_قس:: انتِ ضجتي مني لان هددتج اسولف لخواني عليج؟ لا لا جنت اخوفج بس شلون انطي ب اختي
باوعت النا امي وحجت ب استغراب
_فردوس:: شنو السالفة الي تردين تحجيها لباسم وقاسم
باوعت لقبس وابتسمت
_قس: سالفة تافهه حيل
ابتسمت بوجهه وحجيت
_قس :: احجي الصدك قبس اني حركت بين ياس وشهاب لو لا؟
تغيرت نضراتها من الحقد والعصبية للخوف والتوتر بعد ماذكرت اسم خواني
وصلت الها فكرة بكلامي اذا ما تسحبين كلامج كلشي يوصل لخوانج
باوعت لياس وحجت
_قس:: ماتحجي ياس ليش ساكت؟
_ياس:: يابة قس ماعليها سمعو كلكم من مساع احجي والطم قس ماعليها ولد صديقي حجالي سالفة انا ماحاجيها لحد بس لشهاب وشهاب مسولفها اله ضجت وصار الي صار
رفعت خاجية عكازتها وصاحت بياس
_خاجية:: احتركت امك كون لعد اليضوج يرفع سجينتة ويركض ورا الوادم. وانت شهاب ماتحجي قس الها ايد لو لا
باوعت لشهاب جهه حاجبة مضمدة من اثر السجينة
باوعلي وابتسم
_شهاب:: انا اصلا مستغرب من حجي قبس يمتى متعارك ويا قس. شو البنية من اجت لهذا اليوم. مايوم جمعتنا سالفة
_خاجية:: يعني قس مالها ايد؟
_شهاب:: لا ابد السالفة مثل ماحجة ياس انا غلطت وسولفت لصاحبنة مادري ياس ماحاجيلة وانا اعتذر من قس
حجاها وباوعلي ب ابتسامة
_شهاب:: صارت بوجهج وانتِ لابيها ولا عليها
كلامه جان صدمة لقبس شلون اني وياس وشهاب اختلفنة عليها
صارت تباوع لشهاب عيونها تريد تطلع من مكانها
دارت سعاد مرة خالي على قبس وحجت
_سعاد:: والله لو اخوي ياكل حقي مانطي بي كدام الوادم واطلعه مو زين بس انتِ رسج خايس
حجتها وكلبت عيونها من قبس
دارت امي على قبس خازرتها وهية فاصلة عن الكل عيونها على شهاب وشلون اختلف عليها
اعتذر شهاب من ياس
وياس كذالك واحد باس الثاني واعتذرو وخوالي حضنوني يتعذرون من الي صار
كلشي بصفحة وصدمتي ب شهاب وقبس بصفحة
صعدنا للغرفة وامي خلفنة تمشي بسرعة
اول مادخلنة الغرفة دفعت قبس على الارض ونزلت تضرب بيها
طكتها على وجهه وصاحت بيها
_فردوس:: ولج جلبة تنطين ب اختج
_قبس:: وروح ابويييي هية السببب هية الخربت بينهم
_فردوس:: ولججج هاي اختججج لو واحد ياخذ روح الثاني ماتكولين اختي السبب
رجعت نهالت عليها ب الضرب والغلط واني واكفه بمكاني اباوع لقبس واشوف حقارتها وحقدها شلون اكو واحد ينطي ب اخو؟
بليل ماكدرت انام طلعت من غرفتي كعدت ب الصالة ضايجة والخنكة ماخذتني سالفة قبس اليوم خلتني احير كل ماتذكر نضراتها وشلون تحجي بزود كدام الكل انقهر
رفعت عيوني على نزلة شهاب من الدرج
باوعلي وغمز
كلبت عيوني منه ب انزعاج
كعد على القنفه كدامي وحجة
_شهاب:: ادري بيج انتِ السبب ب الي صار
باوعتلة وحجيت بعدم اهتمام
_قس:: اي وشتريد هسة؟
_شهاب:: ماريد بس حبيت اشوفج شلون انا احسن منج
باوعتلة بعصبية
حجيت
_قس:: تخسى انت احسن مني ولك فوك شينك تلعب بعقل اختي تشوفها اصغر منك وتريد تستغلها
_شهاب:: انا استغل اختج؟
_قس:: اي لعد سوالفكم ب الغرف وشلون تسحب بيها ولك ما استحيت على روحك شلون الك نفس بطفلة صغيرة
باوعلي وحجة
_شهاب:: اختج هية الي اجتني انا ماجيتها
_قس:: اي عفية لا صدك الله عليك شهاب شمو ماتمشي من وجهي ترديني اصدكك شنو؟
رفع حواجبة وحجة
_شهاب:: عندي هواي ادلة تثبت اختج هية الي اجتني انا ماكتلها تعاي هية برجليها اجتني وخل اكلج خاف ماتدرين ترا هية تتواصل وياي قبل لاتجون هنا وتواصلنة من سنتين
باوعتلة بصدمة من كلامة هذا شجاي يحجي
عكدت حواجبي وحجيت ب استغراب
_قس:: تضحك عليه شنو شلون تتواصلون قبل سنتين واحنا علاقتنا بيكم انكطعت من سنين
_شهاب:: لا انا وباسم جنا نلتقي وبينه سلام. اتذكر بيوم جنت اترس بانزين واجه اخوج باسم بسيارتة واختج قبس ويا
جنت مركزة اسمع اله وهوا يحجي
كمل كلامه وكال
_شهاب:: ثاني يوم بليل راسلني رقم غريب ماعرفتها اختح قبس الى بعد اسبوع من طلبت منها تحجي وياي اتصال حلفتني ماحجي لاحد وصدك ماحجيت
كمت من مكاني مكتفية ب الي سمعتة
مشيت اصعد الدرج
صاح شهاب بية
_شهاب:: لمصلحتج احجي اختج قبس مو بشر حية تكرص وتضم راسها حتى هددتني تصدكين هههه ؟
التفتت اباوعلة ب استغراب
_قس:: هددتك بشنو؟
_شهاب:: هددتني تكول انا معتدي عليها
عكدت حواجبي وضحكت
_قس:: فلم هذا
_شهاب:: اختج داهية
_قس:: تحبك هية؟
رفع اكتافة ب ماعرف وحجة
_شهاب:: ماعرف شتريد ب الضبط. بس نصيحتي الج ابتعديي عنها وكلشي مضموم خليه مضموم احسن لايجي يوم وتندمين بسبب خوفج وحرصج عليها
عفتة يحجي وصعدت الدرج
راسي وتفكيري كله دار بكلام شهاب وتحذيرة
دخلت للغرفة وشمرت روحي على الفراش انام
مستحيل اختي بيوم تأذيني صح موقفها اليوم ماجان حلو بصالحي واعتبرة غدرة بس اني مسامحتها على كلشي تبقى اختي واكيد مشاعرها حكمتها
كعدت ثاني يوم حجيت ويا امي وقنعتها نمشي لبيت عمي اشتاقيت لنضال
نمت على بطني واتصلت على نضال انطيها خبر
اجاني صوت نضال
_نضال:: هاا قس
_قس:: ها حنضل شلونج شخبارج شنو شبيج صوتج تعبان بس لامريضة
سمعت صوت كحتها
حجت بتعب
_نضال:: اي فلاونزة ومفاصلي تاذيني ضغطي هم لاعب اليوم وراسي هم من الصبح شادته وكاعدة
هزيت رجلي وحجيت
_قس:: سلامتج حنضولة. اجيت اكلج راح نجيكم اني والبنات العصر
جنت مبتسمة واحجي
اختفت ابتسامتي من سمعت صريخ نضال ودكها
_نضال:: راحححح تجي قس ضلت بس الجلطة علية راح تجيبها قس وتجيني اللههههه اكبر
حجيت اصيح
_قس:: شعبالج لعدددد اجتتت صكارتججج
" مهجان "
صدمتنا وخوفنا بعد الي صار بعاتكة
بس وصل الخبر للبيت كلها انخبصت عمتي رقية اتخربطت والعلوية زهراء كذالك
دب الخوف بقلبونا كلنا
مارتاحينا الى بعد ما اتصل معراج وكال زينة مابيها شي
دخلت عمتي للبيت خلفها مشواق وغل
ركضت على عمتي اخذت ايديها ومشيتها للبيت اعينها
دخلت للبيت عمتي كوا تمشي
كعدت على القنفة نزعت العباية والربطة شمرتهن
نامت على القنفة ايدها على وجهه
باوعت للكانونة بيدها عرفت عمتي ماتحملت الي صار ب عاتكة وتخربطت
طلعن البنات من الغرفة كعدن على القنفة ساكتات
شاهيناز جانت صافنة وفاصلة عن الكل
جانت محملة نفسها ذنب الي صار شكد حجينة وياها حاولنة وياها هواي بس ماجانت تنطي رد فعل
رفعت عمتي ايدها من وجهه باوعتلي وحجت صوتها مبحوحح
_جهاد:: عمتي وين
_مهجان:: راحت لامام تدعي لعاتكة بس كلش ضايجة العلوية لباب
عكدت عمتي حواجبها وحجت ب استغراب
_جهاد:: شبيها ضايجة منو وياها؟
_مهجان:: جميلة عمة
_جهاد:: شسوتتت؟؟؟
فركت ايدي اباوع للبنات كلهن يسمعن الي
باوعت لعمتي وبديت اسولف
جنت اني والعلوية لباب كاعدات ب الصالة
العلوية لباب جانت كاعدة على القنفة بيدها سبحة تسبح وتدعي لعاتكة
طلعت سهام من الغرفة بيدها تلفون فاتحة سبيكر
كعدت بصف العلوية لباب تحجي ويا جميلة وتشرح الها الي صار ب عاتكة
حجت جميلة
_جميلة:: يلا عيني بلكت يصير الهن درس ويكعدن ب البيوت وين صايرة هاي كل ما ضاجن لبسن عبيهن وراحن يفترن ب الشوارع
وكفت العلوية لباب تسبيح ودارت على سهام خازرتها لان تحجي ويا جميلة
حجت العلوية لباب تسمع جميلة
_لباب:: خافي ربج جميلة وين شايفتهن يفترن ب الشوارع. واذا شفتيهن يلبسن عبيهن مارايحات منا ومناك دربهن دوم لامام
_جميلة:: هااا علوية ام عمران شلونج. ياعيني هسة شحجيت اني ونهديتي علية. بس حجاية الحق دوم تزعل علوية
صاحت العلوية لباب ب جميلة
_لباب:: حجاية الحق ولج انتِ من يمتى حجيتي حجاية بيها خير حتى هسة تردين تزعليني من حجاياتج
_جميلة:: اي لا عيني الحجي يمكم وبس. ماتشوفين المشاكل تنزل عليكم نزول عود سادة عشتو
حجتها وسدت الاتصال
باوعت العلوية لباب على سهام وشالت السبحة تريد اطكها بيها
ابتعدت سهام عن العلوية لباب لاتجيها الضربة
_سهام:: شنو عمه شبيج اني شكو
_لباب:: قاصدتها تجيبلي التلفون تردين تسمعيني مووو سهام
_سهام:: اهووو اني شعلية عمه انتِ تفترين علية وعلى جميلة لان مكرودات ومانحجي
مشت سهام للغرفة ادردم ماعاجبها
خلت العلوية لباب ايدها على راسها وحجت بقهر
_لباب:: الك بيها حكمة اللهي من دخلت سهام حياتي اكيد اختبار لصبري
باوعت لعمتي ساكتة
فتحت عمتي جنطتها طلعت التلفون من الجنطة وفتحتة
باوعت للبنات كلهن انزعجن من سمعن الي صار
باوعت لعمتي
جانت تتصل وفاتحة سبيكر التلفون
اجانه صوت جادح يحجي
_جادح:: ها جهاد
_جهاد:: وينك انت؟
_جادح:: راجع للبيت ليش
_جهاد:: غير دربك ولاترجع لبيتك
_جادح:: ليش شنو صاير شي؟
_جهاد:: لا ماكو شي بس كتلك لاترجع للبيت الى من انطيك علم
_جادح:: تمام
غلقت عمتي الاتصال واخذت الربطة تلبسها
باوعت شاهيناز لعمتي وحجت ب استغراب
_شاهيناز:: وين رايحة عمة؟
_جهاد:: لجميلة
صرنا اني والبنات وحدة تباوع بوجه الثانية مستغربات
حجت ملاك موجهه كلامها لعمتي
_ملاك:: اجي وياج عمة
_جهاد:: تعاي
_شاهيناز:: واني؟
_جهاد:: تعاي
_مهجان:: واني؟
_جهاد:: لبسن يلا
طفرنا اني والبنات نلبس عبينة رغم مانعرف ليش عمتي تريد تروح بس المهم ويا عمتي
طلعنة من الغرفة كلنا لابسات ومكملات
وكفت عمتي تفتح الكانونة من ايدها
مسحت مكان الدم ومشت تطلع واحنا خلفها قبل لانطلع الباب وكفت عمتي التفتت على ملاك وحجت
_جهاد:: ذيج الصوندة جيبها وتعاي
جانت اكو وصلة من الصوندة مشمورة ب الحديقة ركضت ملاك جابتها وانطتها لعمتي
ضمتها عمتي جوا عباتها وطلعت من البيت
باوعتلنه ملاك وضحكت
_ملاك:: عمتي راح تسقي جميلة
مشينة لبيت جادح الي اجرة قبل فتره قريب على بيت السيد عبد الرؤف منتظر ابنه يصير زين حتى يرجع لبغداد
جانت عمتي تمشي واحنا وراها
عرفت عمتي راح تأدب جميلة هواي سكتت الها بس هاي هية واضح جميلة تحب الكتلات
وكفت عمتي كدام الباب دكت الباب ووكفت منتظرة جميلة تفتح الباب
اجانة صوت جميلة تصيح
_جميلة:: منووووو منووو
_جهاد:: التربيج افتحي الباب يلا
انفتح باب البيت مدت جميلة راسها تباوع النا ب استغراب
_جميلة:: ها شكو خير؟
_جهاد:: الخير كله بوجهج شنو مادخلون ضيوفكم للبيت؟
فتحت جميلة باب البيت وحجت
_جميلة:: دخلي عيني دخلي ولو اني لازم اطردج من باب البيت شلون طردتينه بس تعرفين اني اتعامل بتربية اهلي
دخلنة للبيت وجميلة عيونها على شاهيناز تخزرها
سمعت شاهيناز صوت عماد يصيح يريد امه مشت تدخل صاحت جميلة بيها مانعتها
وكفت عمتي كدام جميلة اشرت لشاهيناز تدخل
هزت شاهيناز راسها ب اي ودخلت جوا تشوف عماد
باوعت جميلة لعمتي وصاحت بوجهه
_جميلة:: خليهااا تطلع خليها تعوف ابني
_جهاد:: واذا ماطلعت؟
_جميلة:: اكلج تدرين شنو طلعن يلا طلعنننن من بيتي يلااااا براا
دفعت عمتي جميلة من كتفها وطلعت الصوندة موجتها على جميلة
صرخت جميلة بعصبية تهز ايديها
_جميلة:: حلووووو العلويات جايات هدادات
_جهاد:: ماتكفيني شرج جميلة ترا تعبت واني اكلج سكتي.؟
_جميلة:: اكف شررري هههه من منو منج ؟؟
ضحكت جميلة تهز ب ايديها
_جميلة:: شايلة عليج حقد وكره الدنيا كلها انتِ وابوج السيد المحترمممم والجليل ولج عبالج انسى سالفتكم قبل وشلون خليتو جادح يطلكنييي ؟؟؟؟
_جهاد :: مشكلتج ماتعترفين ب غلطج ومحملتني اني وابوي السبب بطلاقج؟
باوعت جميلة لعمتي وحجت بصياح
_جميلة:: ماسويتتت شي حالي حال مليون غيري ردت اعييششش صدك ردت اطلع من قوقعتكم هاي
_جهاد:: مشكلتج من اخذتي جادح تعرفين كلش زين عائلتنه شنووو
صاحت جميلة
_جميلة:: ليششش هيج سويتي ماخفتي الله ماكلتي حرام ولج احبة وروحي بيه جادح حب طفولتي كله بسببج انتِ جهاددد سمعتج ب اذني تقنعيي يطلكني
ضحكت جميلة وبجت بنفس الساعة تحجي بحركة كلب
_جميلة:: خابرتج كتلج جهاد عماد ابني صغير حرام يعيش بين ابو وام منفصلين تذكرين شكتيلي؟؟
حجت عمتي بعدم اهتمام
_جهاد:: اي كتلج مشكلتج وسديت الاتصال بوجهج
ضحكت جميلة وصفكت ايد ب ايد
_جميلة:: خليتي يكرهني جان يموتتت علية جادح والله بيدة يوكلني عشت وياا احسن عيشة بس انتِ وحقدج حرمتيني من هاي المحبة خليتي يكره طاري اسمي هسةةة اريده يباوع بوجهي مايباوع مايوم باوع بوجهي يعتبرني من المحارممم علية واني مرتة؟
جنا اني والبنات مستغربات مافاهمات شي من صفحة مصدومات بكلام جميلة ومن صفحة ثانية مصدومان ببرود عمتي
انقهرت على جميلة جانت تحجي والدموع يصبن من عيونها
اشرت جميلة على الباب وصاحت
_جميلة:: طلعن يلا طلعنننن ماريد اشوفجن وانتِ ب الذات جهاد مستعدة اشوف بليس ولا اشوف وجهج
دنكت عمتي راسها واتحسرت
باوعت لجميلة وحجت
_جهاد:: تعرفين غلطج كلش زين وتعرفين اني ماجنت السبب بشي اليوم وباجر احجيها انتِ بيدج نهيتي الي بينج وبين جادح
شمرت عمتي الصوندة على جميلة وضحكت
_جهاد:: قهرتيني بدموعج هل مرة سماح
باوعتلنه عمتي وحجت
_جهاد:: يلا صيحن لشاهيناز وتعالن
دخلت ملاك تصيح لشاهيناز
واني بقيت على وكفتي عيوني على جميلة
جانت مكتفة ايديها وعيونها ب الارض تبجي بهدوء
طلعت شاهيناز وملاك
مشت عمتي تطلع واحنا خلفها
باوعت عمتي على جميلة وحجت
_جهاد:: غلطة الشاطر تكلفه هواي
طلعنة من البيت نمشي خلف عمتي
دنكت راسي وحجيت
_مهجان:: عمة تردين الصدك انقهرت على جميلة
_ملاك:: اني هم شكد حقيرة هية بس اليوم قهرتني
ماردت علينة عمتي وبقت على سكتوها
مشينة ب اتجاه البيت ساكتات بس كلام جميلة يدور ب روسنا
" شاهيناز "
دخلت لبيتنا
فتحت نقابي شمرتة على القنفة وصعدت لغرفتي شمرت نفسي على الجرباية ابجي
ليش هيج جاي يصير ليش
اختنكت متذكرة الي صار بعاتكة لو مادافعتها جان ماصار بيها هيج
بس اني ماجنت قاصدة حتى دفعتي صارت لا ارادية
اتذكرت ب المستشفى من رحت اشوف عاتكة
وكفت كدام الغرفة اباوعلها مغمضة عيونها غايبة عن الوعي
رجعت خطواتي كعدت على الكراسي اهز برجلي
تذكرت مرة اني والبنات كاعدات كدام السيد ب المصلا ينطينه درس
حجت حميدة تباوع للسيد
_حميدة:: سيد مثلا بيوم طحنة بمصيبة واجينه نقرة دعاء بشنو تنصحنة. ويكون الدعاء سهل بحيث ماننساه دوم ؟
_عبد الرؤف:: ايدكم على قلبكم وتقرون سورة (انا انزلناه في ليلة القدر...) وبعدها تقولون (امنت بالله وحده لاشريك له. امنت بسر ال محمد وعلانيتهم)
بقيت اردد ب الأدعية والتسبيحات وادعي لعاتكة تكوم بسلامات وخير
حسيت بخطوات شخص تتقرب ب اتجاهي
رفعت راسي
وكف كدامي شخص ضخم وطويل جهه حاجبة مطبورة وملامحة مخنزرة
دنكت راسي عيوني ب الارض
جانت عيوني على حذائة مشة وكف على جهه الحايط كدامي
توترت من وكفتة ماعرفة هذا منو وشكو وكف كدامي
سمعت صوت اعرفة كلش زين رفعت راسي هذا دلهب اجه ب اتجاهنا التلفون على اذانه يحجي
وكف كدامنا باوع لابو طبرة وحجة
_دلهب:: راصد سالم ابو جاكوج خابرك؟
_راصد:: ممم. قبل شوي
هز دلهب راسة ب اي مشه مبتعد يحجي ويا المتصل
عرفت هذا الشخص من طرف دلهب واسمه راصد فوكها
اجه دلهب ب اتجاهنا حجة بهدوء
_دلهب:: علوية محتاجة شي ليش ماترجعن للبيت والله كعدتجن هنا مالها داعي
_شاهيناز:: لاخوية خلينة هنا
سكت دلهب التلفون ب ايده كمت من مكاني ورجعت للغرفة عند عمتي
بقيت كاعدة وما ارتاحيت الى من عرفت عاتكة صارت زينة
بروحتنا لبيت جادح وجميلة
دخلت على عماد ب الغرفة مشتاقتلة بس سمعت صوت بجيت
دخلت للغرفة شفته نايم على الجرباية جسمه كلة ملفلف باوعلي وابتسم بتعب من شافني
_عماد:: علوية شاهيناز
_شاهيناز:: هلاووو عمادد
حجيتها وضحكت الدموع بعيني
مشيت ب اتجاهه عيوني عليه
وكفت كدامة وحجيت بقهر
_شاهيناز :: اشتاقيتلك عماد
_عماد:: انا هم هواي مشتاق الكم
_شاهيناز:: عماد متأذي؟
قوست حلكة بزعل عيونة مدمعة
حجة
_عماد:: اي كل يوم اتاذى وابجي بس انا قوي لان اهل البيت واكفين وياي
ابتسمت اباوعلة بحزن
_شاهيناز:: اشتاقيتت نسهر لليل نتابع كارتون وناكل حلويات
ابتسمت فرحان وحجة بلهفه
_عماد:: اي انا هم بس اصير زين نرجع نسهر وناكل حلويات موو
_شاهيناز:: اييي ايييي ان شاءالله
باوعلي عماد وحجة بزعل
_عماد:: انتِ بعد ماتحبين ابوي موو صح
_شاهيناز:: شنو؟
_عماد:: ابوي يكول بعد محد يحبة ليش ماتحبون ابوي هوا يحبكم هواي
حجاها بزعل وحزن
باوعتلة وابتسمت
_شاهيناز:: لاشلون مانحب ابوك كلها تحبة
_عماد:: يعني ماتكرهو؟
_شاهيناز:: لامانكرهه
فتحت عيوني طالعة من خيالي وحزني الي صابني مسحت دموعي وغطيت نفسي ب الحاف اريد انسى هذا اليوم كلشي بهذا اليوم حزين ماتحمل اكثر بعد
" قس "
طلعت من الغرفة اباوع لخواتي كلهن قادسية وقسار موجودات بس قبس ماكو
ماقبلت تجي ادري بيها خافت لا اسولف لاخواني
دخل ياس للصالة المفاتيح ب ايدية باوعلنه وحجة
_ياس:: ها يلا منتظرجن
طلعنة اني والبنات خلف ياس امي اصرت هوة يوصلنا
صعدنا لسيارة ياس صعدت كدام والبنات ورا صعدن
مشة ياس بينة لبيت عمي محمد
باوعلنة وابتسم
_ياس :: ها شلونجن
_قادسية:: بخير الحمدلله
_ياس:: الحمدلله. قس شلونج
_قس:: زينة بس سوق واسكت
باوعلي ورفع حاجبة ب انزعاج
_ياس:: شبيج عيني لميس كولي يالله
_قس:: معليك
_ياس:: اسمج قس ماعليج عتب
باوعتلة وهزيت ايدي
_قس:: اسمك ينجاب طارية بس بصينية القاسم
سكت عني واني سكتت قادسية تكرص بية من ايدي
وصلنة لبيت عمي محمد
نزلنة من سيارة ياس ودعنة ومشة
ركضت على الباب ادك بقوة واصرخ
_قس:: سحووررر يا اهل القبورررررر
اجانة صوت نضال تصيح وتغلط
_نضال:: ششكوووووو
_قس:: يا اهل السطوح تفتحون النا الباب لو نروح
_نضال:: روحييي
حجتها وفتحت الباب تضحك
ابتسمت بوجهه ودخلت اركض عليها
حضنتها بفرح مشتاقة الها
_نضال:: الي يشوف حنيتج هسة مايكول نفسج الشالعة كلبي دخلن دخلن
دخلت للبيت اركض شفت نسوان اخوتي بوستهن ودخلت اركض على غرفة ابتهال
دفرت الباب ودخلت
صحت اهز بكتفي
_قس:: انا الموزة الامورة صفرة وحلوة وغندورة . لاعيب محرم
كامت ابتهال اتطفر فرحانة
نزلت من الغرفة خواتي متونسات برجعتنة
ونضال محاوطهن تسولف وياهن
كعدت على القنفة اباوع عيوني على نضال والبنات صدك هسة حسيت بقيمتهن من ابتعدت عنهن
باوعتلنة نضال وحجت ب استغراب
_نضال:: لعد اختجن قبس وين؟
باوعلي البنات ساكتات منتظرات احجي تعرفون اني متكلمة العائلة
باوعت لنضال وحجيت بعدم اهتمام
_قس:: تخاف تجي لاتنكتل
_نضال:: تنكتل عليمن شمسوية هية؟
كعدت اسولف النضال كلشي صار بدون ماذكر السبب خلاها تحجي وتنطني بية ماجبت طاري شهاب ولاذكرتة
عضت نضال على ايديها وحجت
_نضال:: جان جبتنها اخذلي عضة من كلبها ولجن هاي على امجن رسها خايس شلون انطت هيج ب اختها عمي والله بنات
_قس:: ليششش انتِ عبالج سكتت الها هههههيي هههههي لجت لعبت لعب رادو بس يسكتوني ماكدرو
باوعت لنضال وحجيت بحماس
_قس:: باوعت هيج لخاجية وولدها رفعت الهم صدري بزود كتلها خاف عبالج اني قس القديمة هاي الجاهلة الصغيرة الماعدها حجاية تنسمع
باوعتلي نضال بفضول تسمع الي
كملت كلامي وحجيت
_قس:: خزرتها بعيوني تدرين اني عيوني يخوفن من اخزر خليتهم يتراعشون من الخوف هيا وولدها
كتلها ماتدرين منو بظهري كالت منو بظهرج
حجت نضال ب استغراب
_نضال:: منو
_قس:: كتلها نضال مرت عمي جان هية بس سمعت اسمج نزلتج وصعدتج ب الغلط لو عدها سنون حتى عفطة تعفطلي
رفعت نضال ايديها وحجت بقهر
_نضال:: من كون احتركت روحج يا قس وروح امج ام السمج ماتجيبيلي بس الغلط والسب
_قس:: وروح امج لو ابوي عايش هسة جان سامح امي وغفر الها بس انتِ ضالة بكلبج
سكتت اباوع لعلي ابن باسم طلع من غرفة اهله وجهه محمر ووجهه مزلخ
باوعت لعلي ابن باسم وحجيت ب استغراب
_قس:: شبي هذا منو كاتلة
باوعت نضال علية وحجت خازرتة
_نضال:: هذا ابن النعال الصبح لكيناه مدد اخوه يريد يطهره ب المكص
فتحت عيوني مصدومة اباوع لعلي
_قس:: شنو شنووو
_نضال:: منيم اخو ب المطبخ وفاتحلة ماما جابت بيبي ولازم "'''''' يريد يطهره. وهذاك اخو متونس لزمهم باسم كسرهم تكسر
ضليت مصدومة عيوني على علي هاي افكارهم منين تجي صرت كل ماشوف علي وسوالفة اتندم لان مابعتة بساعتها
مر يومين على كعدتنا ببيت عمي
تغيرت نفسيتي طلعت من جو بيت اهل امي
ثالث يوم رجعنا للبيت
نمت وكعدت يوم ثاني طلعت ملابسي ارتبهن ب الكنتور
جنت فاتحة باب الكنتور ارتب الملابس
اجيت اشوف حصالتي
حصالة فلوسي صالي اجمع بيها من اشهررر طويلة شكو فلس عندي اشمرة بيها
جنت خالتها بجنطة صغيرة وشامرة الملابس فوكها محد يدري بيها بس اني وخواتي
طلعت الجنطة اشوف الحصالة
جانت بيدي خمسة نضال انطتني ياها
فتحت الجنطة وطلعت الحصالة متونسة اريد ازيد الخمسة وياهن
انصدمت عيوني على الحصالة
بلعت ريكي وكعدت ب الارض الحصالة مفتوحة مديت ايدي ماكو الفلوس ماموجودات الحصالة مفتوحة
باوعت للحصالة فارغة مابيها فلس احمر
فلوسي وين راحن !!!!!!!
" قدس "
بعد ماتحسنت حالة عاتكة طلعوها من المستشفى
كلنا جنا فرحانين بخروجها من المستشفى وعلى سلامتها السيد قرر يذبح ذبيحتين على سلامة عاتكة ويوزعة ثواب للامام
بيومها السيد عزم دلهب واخو راصد بسبب موقفهم ووكفتهم ويانا
دخلت للغرفة اباوع لعاتكة جانت مغمضة عيونها تعبانة ومتاذية من الي صار
صح تاذت وتضررت بس طلعتها بسلامة ووكفتها على حيلها هذا اهم شي
طلعت من الغرفة اشتغل ويا البنات
شاهيناز اجت بس تحمدت لعاتكة على سلامتها ورجعت لبيتهم
باوعت لغضنفر نزل الدرج التلفون بيدة باوعلي ودار عيونة مني
دنكت راسي مامهتمة
اخذت صينية الجاي طلعت من المطبخ شفت السيد معراج واكف مدنك راسة كدام باب المصلا
من اجيت اتمشة ب اتجاهي اخذ الصينية متشكر
ابتسمت على لطافتة واخلاقة شكد انسان مؤدب وامة تعبانة بتربيتة
رجعت للمطبخ اكمل شغلي.....
" معراج "
دخلت للمصلا صينية الجاي بيدي
وزعت على كل الموجودين وكعدت اسمع لحديثهم
ضحك غضنفر وحجة يباوع لدلهب
_غضنفر:: دلهب يدرون بيك دفان بعد تهديداتك هاي يحطوك بنص المستشفى ويشرحوك
_مشواق:: بس صدك دلهب هذول منو الضباط الي اجو؟
حك دلهب طرف حاجبة وحجة يضحك
_دلهب:: اصدقاء جزام اعرفهم انا
بدينة نسولف بمواضيع ثانية مفرقد وغضيمر بصفي
كاعدين جانو بكربلاء من عرفو بحادث اختهم رجعو للبيت خايفين على اختهم
التفت اسمع للسيد
باوع لفقار ورفع حاجبة التفتت اباوع لفقار شفتة واكف ب الباب مكتف ايدة لصدرة مبتسم يباوع للكل
باوع السيد للسادة وحجة ب ابتسامة
_عبد الرؤف:: فقار طالب ايد علويتكم ملاك وانا حاجي ويا ابو ميزان وجدها عبد المقتدر وهما موافقين انتم شتكولون
باوع دلهب لفقار وفر السبحة بيدة
_دلهب:: نسأل علية ب المنطقة ونرد الكم خبر
مسح راصد على وجهه يضحك وجزام يباوع لدلهب صفح ضحك الكل وفقار نزل ايدة من اكتافة يضحك
باوع السيد لدلهب وحجة
_عبد الرؤف:: هاي اكيد لازم نشوف اخلاقة اول شي
باوع السيد مقتدر للكل وحجة ب ابتسامة
_عبد المقتدر:: ماكو احسن من فقار. نسأل علويتنا ونردلكم خبر واذا صارت الموافقة نتوكل على الله وفرحة الزهرة مو بعيدة
ثاني يوم على طلعة عاتكة من المستشفى جمعنا السيد ب الصالة يباوع النا مبتسم بفرح
باوع السيد لفقار وابتسم
_عبد الرؤف :: هاي كدام الكل احجي فقارنا قرر بعد هاي السنوات كلها ومحاولات القناع كلها الي جان يطلع منها ويشرد بريشاتة من موضوع الزواج اخيراً فقار قرر يستقر
باوع السيد للعلوية ملاك وابتسم بفرح
_عبد الرؤف :: بفرحة الزهرة عقد قرأن علويتنا ملاك الجميلة للسيدنا فقار ........
"" "" "" "" "" "" "" "" "" "" ""
_هلاويز مددلاتي الجميلات شلونجن؟
_احممم احمم يلا عيني انطني رأيجن ب البارتييي
_قفلة حلوة وتخبل شتردن بعد؟..
شكرا لزيارتكم عالم روايات سكيرهوم
