رواية بنات نعمة الفصل الثلاثون والاخير
خرجت نعمة والنار قايدة في جسمها من برود أعصاب مرسي
وصلت المحل ومسكت تليفونها ورنت على رياض
نعمة .. ها يارياض وصلتو لإيه ؟!
رياض .. بنرن على رياض هو خلاص وصلهم وماشي وراهم
بس وقفنا لأن الشبكة فصلت عنده
نعمة .. هاتلي رقمه اتابع معاه وأحاول أوصله بالرجالة ال هتقابله
فعلا خدت نعمة رقم ناصر وبدأت ترن عليه كذا مرة لحد ما
فتح
نعمة .. إسمعني ياولدي أنا أم ريهام قولي أنت فين
ناصر .. الست نعمة !!
نعمة .. أيوه ياناصر أنا عرفت كل حاجة مش وقته الكلام
قولي إنت فين
ناصر .. معرفش أنا ماشي وراهم عن بعد بس بقالنا شوية
بعد ما مشينا في صحراء بقينا ماشيين في وسط مزارع
نعمة .. فين !! عالعموم ياابني خليك وراهم إعرفلي بس مكانها
ناصر .. خلاص أنا عرفت إحنا فين ياست نعمة
نعمة .. فين إنطق
ناصر .. في يافطة مكتوب عليها ......الشبكة فصلت!!
نعمة .. الو ! مكتوب إيه ؟؟! الو ياناصر !!!!
نعمة كانت هتجنن خصوصا إنها كانت خلاص هتعرف المكان
_____
نعمة لمت الرجالة حواليها وبدأت توجههم
نعمة .. عايزاك أنت عينك علي مرسي ميخفاش عن عينك ،،
أما أنتم فعايزاكم تعملو ال هقولكم عليه بالحرف
هتاخدو عربية مليانة رجالة وتطلعو الجبل وتجيبولي إبن
مرسي حي إياكم تموتوه دي حياته متعلقة بحيات بنتي
فاهمين ولا أعيد تاني ؟!
الرجالة .. فاهمين ياست نعمة
______
فعلا رجالة نعمة طلعو الجبل وبدأت العركة وضرب النار
ورجالة بتموت من هنا ومن هنا
وفؤاد ركب عربيته وهرب ومجموعة من رجالة نعمة راحو
وراه
__________
وكالة مرسي
تليفون جه لمرسي من رجالته
مرسي .. الو
الرجالة .. إلحقنا يامعلم رجالة نعمة هجموا علينا وقتلو ناس
كتير مننا !
مرسي .. ولدي فؤاد!
الرجالة .. هرب يامعلم بس في ناس منهم طلعت وراه
مرسي .. عملتها نعمة ، وديني وما أعبد لأجيب عليها واطيها
__________
في محل نعمة
مرسي .. إبني فين يانعمة ؟!
نعمة .. قولى الأول بنتي فين ؟
مرسي .. معرفش معرفش أنا رجالتي موصلوش لبنتك
نعمة ..بلاش تلعب اللعبة دي يامرسي رجالتك خطفو بنتي
مرسي .. قسما عظما لو مقولتي ابني فين ( وطلع سلاحه )
.. نعمة هي كمان طلعت سلاحها والرجالة تبعها وتبعه أشهرو
سلاحهم في وش بعض
في اللحظة دي جت مكالمة لمرسي من حد بيقوله إبنك
موجود في في مزرعة في اول البلد خد مرسي رجالته
وخرج بسرعة ، نعمة إستغربت وقلقت مسكت تليفونها
ورنت تاني على ناصر ، المرادي الشبكة جمعت وناصر رد
قالها إن ريهام مخطوفة برضو في مزرعة في أول البلد
فخدت هي كمان رجالتها وراحت على المزرعة قابلها وفيق
وقالها ناصر إبني فين ؟ قالتله إنه بخير فخد هو كمان رجالته
وإتحد مع نعمة
____
في الطريق
نعمة عمال تتصل على ناصر بس تليفونه إتقفل
وهناك حصلت المواجهة مع رجالة مرسي بس الغريب
إن مرسي كان فاكر نفسه جاي يحرر ولده ونعمة ووفيق
هما كمان كانو فاكرين
إشتغل ضرب النار بره المزرعة
ضرب نار متواصل لمدة ساعة كل الرجالة خلصت على بعض
وأصبح مرسي في وش نعمة ووفيق
مرسي .. إيه يااخوي عرترفع سلاحك في وش أخوك وعشان
مين عشان دي ؟!
وفيق .. أنا لا بطيقك ولا بطيقها أنا جاي أحمي ولدي أل أنت
خطفته وناوي تقتله
مرسي .. أنا !!!
نعمة .. لساك مصر تنكر يامرسي
مرسي .. إخرسي ، أنتي كل ال عاوزاه إنك تخلصي من بيت
المغازي والدليل اهو إخوي رافع سلاحه في وشي
وفيق .. أنا مش جاي أقتل حد أنا كل ال عاوزه أخرج بولدي
سليم من هنا وياكش تاكلو بعض
نعمة .. بنتي فين يامرسي ؟!!
مرسي .. أنتو عتكدبو الكدبة وتصدقوها ! أنا ال جاي ادور
على ولدي !!!
وفيق .. إخلصو انتو الاتنين بدال ما أخلص عليكم فين ولدي!
نعمة .. إمشي قدامي يامرسي أنا عارفة إنك مخبي بنتي في
الفيلا جوا المزرعة
وفيق .. هو مين ال خاطف مين خلصوني بدال ما اقسم بالله
( وشد الاجزاء ) أخلص عليكم دلوقيت
مشي مرسي قدامهم لحد ما دخلو الڤيلا المهجورة والباب
إتقفل عليهم من هنا ورجالة بسلاح محاوطة المكان من كل
حته وشافو ناصر وجنبه ريهام وجنبهم فؤاد إبن مرسي
التلاتةواقفين متكتفين فوق دوران السلم ومتغرقين بنزين
وتلاتة واقفين وراهم كل واحد ماسك شعلة نار ومستني
الأمر بالتنفيذ
وفي صوت حد مجهول بيرن وبيصفق 👏👏👏 في الڤيلا
ومحدش شايفه وبيحكي ويقول
المجهول .. يااااااااه 30سنة وانا منتظر اللحظة دي ، عارفين
يعني إيه 30 سنة يضيعو من عمر بني أدم ؟!
خلوني أحكيلكم حكاية صغيرة كده عالماشي
من 30 سنة كان في واحدة بتخدم في بيت المغازي كان كل
همها إنها توفر لقمة حلال ليها هي وأمها وتوفر كمان علاج
أبوها العاجز ، كان عمرها تقريبا في الوقت ده 17 سنة ،
كانت بتتعرض للإهانة والضرب من الكبير والصغير ملقيتش
حد يقف جنبها ويراعي قضيتها في الحياة ملقتش سند ولا
دعم ، ومع ذالك كانت قد المعاناة وكان كل أمنيتها إنهم
يعاملوها بما يرضي الله ويسيبوها في حالها ، طبعا شغل
البيت كتر والبنت أصبحت مضطرة تبات في بيت المغازي
تحت رجلين المواشي في عز البرد وياكده ياإما تمشي
ويشوفو واحدة غيرها ، المهم البنت إستحملت وكملت وكان
كل يوم البنت كانت بتحلو في عين مرسي بيه هو وأخوه
بس البت كان طاهرة وشريفة وبتصد أي حد يفكر يقربلها
، طبعا مرسي بيه إتجنن إزاي الخدامة بتاعتهم تتنك عليه
وترفضله طلب ! عمنا مرسي بقا عمل حاجة حلوة
خد أخوه وفيق يقف ليه كلب حراسة لحد ما يدخل مرسي
بيه يغتصب البنت المسكينة ال نايمة تحت رجل المواشي
والوحيدة ال شافتهم وكان في إيديها ترحم المسكينة وتقول
كلمة حق ، جت عند الجد وقالت مشوفتش عشان تحافظ
على بيتها ومتقفش في وش بيت المغازي ودي بقا كانت
الست نعمة وسبحان الله
وكأن التاريخ بيعيد نفسه هههه ال حصل مع بنت نعمة
هو نفسه ال حصل مع البنت المسكينة ، بس الفرق إن بنت
نعمة خدت حقها وقتلت إبن مرسي بس البنت المسكينة
مقدرتش تعمل حاجة ، المهم البنت المسكينة طلبت من
مرسي بيه يتجوزها ويستر عليها راح عمنا مرسي قالها إنتي
اتجننتي! بقا انا مرسي المغازي أتجوز خدامة ، المهم ياسيدي
البنت حياتها إتدمرت ويوم في التاني إكتشفت إنها حامل
ومكانش قدامها غير إنها ياتعترف لأمها وأبوها ياتموت نفسها
بس هيا عشان كانت عارفة ربنا كويس قررت إنها تعترف
لأهلها ، فعلا أهلها وقفو في وش بيت المغازي وكانت النهاية
إنهم يموتو محروقين وبقدرة ربنا البنت تعيش وتهرب بره
البلد ويلاقيها شيخ وهي قاعدة بتبكي قدام الجامع قالها
مالك وحكتله ال حصل فقرر يكتب عليها ويستر عرضها
ويكتب الولد إسمه بس مطولش كتير ومات لأنه كان عنده
60 سنة ، بعدها عاشت الأم في معاناة عشان تربي إبنها
وتكبره لاجل ما ياخد بتارها من كل ال ظلموها
أكيد عرفته أمي مين دلوقتي ياظلمة ؟ أمي تبقا الست صفية
يامعلم مرسي واخد بالك يامعلم وفيق انت والست نعمة
جه الدور بقي عشان تشوفوني تعالي ياأمي نرحب بالضيوف
مسك المجهول في إيد أمه الست صفية وطالع عليهم من
وراهم بيغني وبيقول ( طوفان الدم جاية والكل هيغرق )
نعمة .. أنت!!!!!!!!!!!!!!؟؟
مرسي .. المجهول !!!!!!!!؟؟؟؟؟
وفيق .. مين !! مش معقول !!!!!!؟؟؟
المجهول .. أنا الدرويييييييييش وحييييييييييييي
😂😂😂😂😂😂😂😂😂
