رواية هدية الشيخ هشام الفصل التاسع والعشرون بقلم التميمية
حوراء زادت بالبجي كدامه لتكول طفله وضحك بكلبه عليها...
الشيخ حسين ابتسم:اهااا هالبجي على الشيخ..اي هو مايتستاهلج بويه خلي يروح بسبيل حاله..الا ازوجج شيخ معدل
حوراء ظلت تبجي اكثر وبصوت...واجو على بجيها...
الشيخ حسين ابتسم:لذلك بويه حضري نفسج لهذا الشيخ..اليوم يعقد عليج
حوراء علت بجيتها:لا بابا فدوة ماريد ازوج لا
اية والشيخ حسين خربو ضحك عليها...
اية:والشيخ الصاك منو ياخذه
الشيخ حسين خزرها لآية وابتسم لحور:ليش بابا ماتردين تزوجين..ترا خوش شيخ معدل ومشتريج
حوراء ببجي:لاء مستحيل ازوجه ماريد..شنو انه سلعه يومية شخص تريد تنطيني اياه ماريده
الشيخ حسين بأبتسامة:خوش صار يابه وتدللين وطلباتج اوامر..هسة اتصل على شيخ هشام اكله ماتريدك بتي
حوراء سمعت اسم شيخها وكلبها دك حيل وطفرت:لاء بابا اريده لشيخي....وسكتت ولزمت حلكها بخجل من ابوها والكل....
وكلهم طاحو ضحك عليها...
علي:يابويه لو كايلليلها اخوج علي مات ماتبجي عليه هيج هههههههه هنيال الشيخ هشام.....
حور ضربته وهي خجلانة من ابوها...
اية بأبتسامة:هااااا حورو نكول مبروك..هاااا هاااا..وتحرك حواجبها...وتضحك
حوراء باحراج:انتي انطمري وسكتي
الشيخ حسين:ها بويه نكول على بركة الله
حوراء بخجل:بابا كافي تحرجوني..وراحت شردت للغرفة...
اية كامت تركص:هلا وهلا راح افتك من حورو وزعاطيطها..ويوم لالي واذبح طلي..واذبح دجاجات وهلا وهلا...اجتها ركعة طيرت احلامها...
زمزم:ماتستحين ابوج واكف بلا حياء بنات اخر زمن
الشيخ حسين ضحك: كله من امي مخربه هاي ام لسان ولو هي مو قليلة وتعلم المايتعلم هههههه
اية طلعت سنونها:بابا حبيبي هو اني بقيت عندك بعد..شوفلي شويخ مني مناك من هناك..بس كون صاك يابه...وهم ماكملت اجتها صكعة من امها..
وشيخ يضحك لان يدري ببته تشاقه هاي طبعها حافظها...
زمزم:طاح حظج صرتي بلا شكر
اية:بلا شكر يمه..انه سامعه بلا ملح منين جبتيها هاي بلا شكر(سكر)
الشيخ حسين ضحك وبشقه:اكو شيخ وخوش شيخ معدل بويه..بس اميلح شوي ويشرب جكاير عنده شامة بكد خشمج يم خشمه..تردينه بعد ابوج هو شباب بعده بال40
اية: ياااا ويكول بعده شباب..بابا شني هاي وين لاكي عووووع انوب شامة عنده..راح استفرغ عوووع
الشيخ حسين صار جدي:كافي شقه عيب الرجال محترم وانسان طيب ناقصة مزعطه..بناته بكدج.....
بالغرفة حوراء طلعت مبايلها ورسلت رسالة لهشام...
حوراء:مو مصدكه ابوي وافق نرجع شيخي اخيراً راح نكون سويه انه وياك من جديد
هشام مارد مشغول...بس بعد ماخلص شغلته...
هشام:هلا السلام لله ترا ههههه
حور طفرت للمبايل وقرت وكتبت:هلا شيخي عيناي على كولتك..والله من فرحتي نسيت اسلم..بس شلون قبل ابوي وهو كال حالف ميرجعني
هشام:بعد هاي مو يمج السالفة
حوراء:ليش اكو شي..فدوة شيخي كلي فدوة اروحلك
هشام:لا تصيرين فضولية بويه سالفة ما تخصج
حورا:امممم ما ما زعليت لعد
هشام: ذني احاجي رزان وليان انه...بويه هذا سر بيني وبينه..وسدي الموضوع لا تسألين ماراح تلكين جواب
حوراء:اوك صار شيخي
هشام:ابتسمي اشوف وعن العبوس..الليلة اعقد عليج وفد جم يوم لمن انخلص عقد محكمة..اجي اخذج انتي والجهال
حوراء:ليش بعد جم يوم نعقد محكمة واحنه يمك شنو يعني
هشام:ههههه شكلها حوريتي مستعجلة تجي بأحظاني
حوراء خجلت:لاااا....عزززااا... شني هاي شيخي دوم تفهمني غلط..ياربي..بكيفك بعد لو شهرين سنة ماكول شي
هشام:هههههه وشلون اصبر بلا وجه حور يمي..بويه جم يوم واجيبكم عندي.. صار بويه
حوراء:صار شيخاي وعيناي وبوياي
هشام:جديدات ذني هههههه..شنو شيخاي ولج..ياهيبة انسطري لو سمعت الزلم مرتك يهشام تكلك شيخاي
حوراء:هههههههه ترا مابيها شي شيخاي..يمه شيخي اليوم تفشلت فشله كدام ابوي والكل..موقف مانحسد عليه..لعبو بأعصابي وخلوني ابجي عليك
هشام:لاتكولين هههههه.....وظلت تسولفله حوراء الموقف وهو يضحك عليها...
صار الليل اجه هشام وياه ابوه وحازم اخييه وصديقه..وكرار ماجه بعده ممنوع من المنطقة..واجو ويه هشام زلم من اهلهم...وجابو سيد حتى يتمم العقد...ام هشام اجتي هي ورقية وكاعدين يمهم مرت الشيخ حسين الجبيرة والحجية ام الشيخ حسين..وجم مرة من نسوان عمامهم وبنات عمهم...
وام هشام والعجايز كاعدات بكعدة بوحيدهن ويسولفن سوالف العجايز...ومرات يسمعن حجي الحجية ام حسين ويضحكن...
حوراء متوترة وتروح للمطبخ وتجي ماتعرف شراح تكول وتجاوب السيد...ومو مصدكه راح تصير حلال الشيخ من جديد..
(لحد يكول الحجي ماصخ كتلكم من قبل البيبية تحجي كلشي بخط العريض اكو اسوء حجيها ماكتبته وكتبته للضحك لا اكثر ولحد يكول ماله داعي الحجية تنذكر كتلكم للضحك )
بيبيتها كاعدة تباوعلها تروح وتجي:ولج حويره شبيج مستعجلة مفجوعة..مستعجلة ياخذج لبيته..لا تخافين الليلة للصبح فوكج بعد بيبيتج
ام هشام والباقين سمعوها وخربو ضحك على حجي الحجية...
حوراء صارت حمرة دم من الخجل:يبووووو بيبي شني هاي الحجي والله استحي
ام حسين:اي شسويلج فريتي راسي فر..ترحين وتجين جنج ذبانة رجلها ماخذ عليها الف ذبانه
رقية خربت ضحك:بيبي حلو هالمثل هههههه
حوراء:شهل المثل بيبي منين جايبته
ام حسين باوعت لرقية:حلت دنياج يمه..وباوعت لحوراء..مو مستعجلة انتي يمه..اركدي اهجعي..هو وغريضاته الج ميروح بعيد
رقية انكطع نفسها من الضحك وحتى ام هشام...وكل الكاعدين...
اية اغمى عليها من الضحك:اي بيبي هي حيل مستعجلة عالغريضات وحبشكلاته....
وجان تجيها قندره من حوراء بنص بطنها وايه ماتت ضحك وتوجعت هههههه...وهي جاي تعصر رجلين بيبتها...
وحوراء ميته خجل وكعدت حست بنفسها كل شوي تروح المطبخ وترجع...
رقية ماتت ضحك:يممممه هالبت جريئة.. اية عيب ولج..ههههههه
اية:هههههه انه مو كايلتلهم القنادر لحد يحطهن بميز الصالة حويرة كلما تعصب بيبي توكلني واحد منهن
ام حسين:اي وما اطبعين واحد على حليكها..كومي طبعي على حلكها القندره ليش اطك اية بنيتي
اية تضحك:لا بيبي خطية الليلة اكو ناس راح تسحله الها سحل لحلكها
حوراء حطت ايدها على حلكها:عزززززااااا بعينج اي والله انتي والكعبة ماتستحين كلش..الا اكل لحمزة على سوالفج
اية:ههههههههاي وينه ياريت يجي يصف يمنه انه وبيبي
ام حسين:حورو اشوف مجاي اساعدين بالمطبخ شنو عبالج عروس ومدلله..امشي دخلي المطبخ..مصدكه هي عروس ترا وراج تلث صخول
حوراء ضحكت:بيبي ساعدتهم شكثر من مساع..كولي للماعدها احساس كاعدة بحجة تعصرلج وكلشي مسوي
اية تسوي صوت دلع:مو توني مقلمة اظافيري ومصبغتهن اخاف على منكيري
حوراء:عشتوووو..وتقلد على صوتها..منكيري
اية:هسة اهد بيبي عليج..بيبي بيبي
ام حسين جانت تهمس بكلمات لروحها:هااااهااا وكرف شتردين
اية همست الها:بيبي لو تدرين حورو شسوي بالليل تفتح كامرة عالشيخ وتكله شيخ هنا يوجعني..وتأشر على ركبتها وصدرها..
هاي الحجي مجاي يسمعنه لانه كلمن حاطتلها مجموعة وسوالف وضحك..العجايز بحد والبنات...
حوراء عصبت:ترا مصختيها شكلتي لببيبي..طايحة الحظ
ام حسين عصبت:عزززاا بعينج كحي..... هيج اسوين للشيخ..يالله بلكي يشتغل عدل هم شويب اكيد عاطل صار جثير
اية طاحت ضحك:بيبي ياعاطل وهو كله تلاثات ومربعات..لمسات تلاثية الابعاد خخخخخخخ على كولت فد ناس..وتحرك حواجبها...
(لو يسمعهن هشام يفصلهن كل وحدة 15 مليون 😂😂😂)
حوراء:يبووووووووو راح اروح اكرف بالمطبخ احسن من مكابلكم انتم الثنين راح تحرفوني واطلعون عيني..حتى الشيخ ماطلع عيني انتن خربتني
ام حسين:اي يمه تعلمي الزلمه مايحب الفاهيات بعد بيبيتج..جمبازين ويجمبزوج..اكلج تعاي ولج حويرة..بس لا طاكه المجاري مال نفط يمج..والليلة الرجال يطلم
(الحجية جاره كيبل من فهووود هههههه منو يتفق وياي)
اية:ههههههه لابيبي اطمني ماطاكات مجاري النفط مساع صلت...حوراء غمتها وكلتلها تف على وجههج عووبه طايحة الحظ...وراحت للمطبخ...
ام حسين:عزززا بعينها هالبت شكد خجولة ولا جنها بت زمزم الجمبازية وتتطفر على ابني حتى واحنه كاعدين
اية:لا عاد بيبي لهنا وكافي امي ماتسوي هيج شسالفة...اجتها عوجية معدلة من بيبيتها...
ام حسين:وكرف كون..اجذب يعني
اية:بيبي والله امي خطية..فوك ما ابوي ازوج عليها وحرك كلبها انتي تحجين عليها..ترا ماقبل عليها..هي صح ماتهتملنه مرات بس تحبنه وتبقه امنا
ام حسين:اي مو منها ازوج عليها غير هاملته للرجال..بنيتي الرجال ميدور غير مرته الا يشوف تقصير..شعر تشيله وشوية كحل وديرمه وحنة غير تخبل المرة تصير
اية بتفكير:اممممم اشوف جدي طك فوكج خمسة بيبي كله بسبب ديرمج وحنتج..هو بيبي يهي ادور حنه هالوكت وديرم....
اية ماكملت شبعتها عوجيات بيبيتها وهي كامت وهي تضحك وشردت....
وزمزم ظلت تباوعلهم اجاها احساس عمتها جاي تحجي عليها..لان تعرف عمتها بس تحجي عليهن نسوان ابنها تلاثتهن....ههههههه
بالديوان هشام بحضنه جهاله تلاثتهم وكل الي بالمجلس متونسين على سوالفهم لسانهم شطوله ويضحكون المايضحك....
ومتونسين عليهم...شيخ حسين كال كرار ليش ما اجه بويه..كلاله هشام هو مو ممنوع من هنا...
الشيخ حسين كله خابرله خل يجي يم ابوه صدك جذب ومنو اليحجي وياه الا ادفنه بأرضه..هذا وليدي كرار عزيز عليه...كله خل يجيب بت اخوي اشوفها....
هو من يروح شيخ حسين يم هشام جان كرار يصنف ويضحك خله الشيخ حسين حباه غصبن عليه ههههه..
هشام خابرله وكله جيب مرتك وتعال...وكرار ماعجبته الفكرة نسمة تروح هناك اكيد هسة يسمعوها حجاية منا لو حجاية مناك....
بس لخاطر ابوه كلها امشي..ونسمة ماقبلت تروح كالت ماروح..هنوب بيت عمي الشيخ والله ولا اروح..تكول اكيد نسوان عمامي حاضرين وماريد اسمع حجي...
بس كرار اصر عليها واخذها..وراحو وهي مبوزة لمن نزلو بيت الشيخ..قبل لا يوصلون خابرت حوراء كلتلها اتكدرين اطلعيلي وادخل وياج....
كلتله عود صدك حتجين ماصدك وفرحت..وطلعت الزلم كلها بالديوان وخافت لا يطلع احد دخلت جوى...
دخلت نسمه بسرعة وحوراء واكفة اباب الصالة اتانيها ودخلن سويه..بس رفعت البوشية تفاجئو بجيتها....
طبعا عكس ماتوقعت سلمو عليها الكل ولا وحدة صدتها من نسوان عمامها وتكسر خاطرهم لان ماتت امها وماحظرت عزاءها....
وبعدها تم عقد قران الشيخ وحور وصارت حلاله من جديد..وفرحة حوراء ماتنوصف..والكل فرحولهم رجعو سوى...
قبل لا يرحون الكل..الشيخ حسين كال اريد اشوف نسمة وهي استحت وتوترت مشايفه عمها الشيخ ومواجهته من ازوجت كرار ليهسة صار 3 سنوات تقريبا...
وراحتله بالباب مال الصالة واكف بره..وسلمت عليه وباست راسه وهي متوترة وخايفة وخجلانة منه..بس هو استقبلها بحضنه..وكلها انتي مثل بناتي...
وهي هنا تفجرت بجي يم عمها وتتأسف منه..وهو يسكتها بكلامه الحنون..كلها السوايه هاي صعبة وجبيرة بس ابوج السبب..وتبقين بحسبة بناتي....
(راح تكولون شني بهالسرعة سامحها ليش؟..بس والله هاي الحقيقة..وحتى بعدين كل اهلها يسامحوها بس مايرجعون مثل قبل قليل روحاتها الهم بعد وفاة امها)
الشيخ هشام كل للشيخ حسين..بعد عقد المحكمة اخذ ام عزام والجهال..كله حرمتك وجهالك شوكت ماتاخذهم...
الأيام هاي كضوها حجي بس بالتلفون..ويجي هشام ياخذها للمحكمة ماطولو وخلصت..عقد محكمة..وصار اسمها بظهر هوية الشيخ من جديد😍...وهي هم اسمه بظهر هويتها....
واجه اليوم الي ياخذ هشام حور وجهاله...لبيته وراح تصير كدام عينه اخيراً بعد فراق سنة واشهر...هي وجهاله الي مايعرف شلون كدر يتخله عنهم هيج...
وهي متوترة صح بس حبها لهشام وشوكها اهم من التوتر عدها..لا تكولون ليش متوترة هي ترا ماشافت شي من هشام يعني مابينهم علاقة زوج وزوجة...
ولا تكلولي ليش هل كثر خجلها بلا ملح..هي حالة تختلف عن بعض البنات واكو هواي هيج مثلها بدون اي شي كلش خجولات...
حوراء راحت الصالون سويت تغيرات...شعرها برمته غير هو بي رده من الله يخبل عليها وثخين..بس هسة برمته على طوله...يخبل طالع عليها..وسويت تنظيفات وترتيبات...ورجعت للبيت هي وامها..وجانت مشترية فستان قبل يوم..لونه بيجي طويل وردان طويل...
يجنن الفستان ولبسته..ولبست حذاء ابيض كعب ويه الفستان..وحطت مكياج بسيط بيجي ولحمي يجنن عليها صار..طلعت تخبل...
حوراء بتوتر:ايووو شلوني..مو حلو المكياج لو لا ماعرف هل كثر تدرين وماحب ثكيل والوان غامغة مو حلو عليه
اية ظلت تصفر:واووووو واووووو تخبلين والله..كل هاي للشيخ ياويل كلبه..عمي بالعباس الليلة ياكل وميشبع ههههه
حوراء بتوتر بلعت ريجها:عابت..بحدي متوترة
اية:ولج صخلة ليش اتخليني اغلط عليج وانتي اكبر مني..ليش متوترة بالله وهذول الثلاثة منو سواهم صادق جيران ابو عباس
حورا:طاح حظج..منو هذا صادق اعوذ بالله...اففف اي ولج غير صارلنه فترة مبتعدين حقي استحي منه والله
اية:لج بابا انه لو منج الليلة راح اكون بحضن حبيبي ادلع وافرح وبس يجي اشمر روحي بحضنه واشبعه بوسات
حوراء:كافي طياح حظ..ولج فرحانة والدنيا مشايلتني..بس متوترة..يالله انه بس اشوفه يمكن يتغير كلشي..
اية بجت:ولج حويره بعد ويامن اتعارك ويه ابوي..تعودت عليج انتي والمزعطه المزعجين..والله فرحانة الج بس حزينة بكلبي راح تفاركيني..ولج حتى بعرسج اول مرة ماسويت هيج
حورا هم دموعها اتجمعت:ولج هاي انتي تبجين عليه..سودة عليه..ايووو عمري انه هم راح افتقد ضحكنه وسوالفنه
اية ببجي وتمسح دموعها:والله اريد اتذكر ضحكنه وسوالفنه بس انتي ماسولفتي ولا ضحكتي بس انه اهئ اهئ كله كضيتيها نكد عليه وبجي ونعي حتى جنت احس يمي ملاية مو بنية بعمر الورد
حوراء ببجي:ولج غير اموت عليه وربي ومو مصدكه راح اروح عنده اليوم والله مو مصدكه..وهسة حفاركج والله ضوجتيني وبجيتيني هو انه اريد الحجه
اية ببجي ودموع:عوبه لا تبجين كافي وحمس مكياجج خرب..الليلة ترحين للشيخ جبار وينصدم ويطلكج من جديد...
وطكنها ضحكتين بالرغم دموعهن تنزل..وحوراء بدموعها تكلها اسم الله عليه عوبه..بعد ماعوف شيخي للأبد...
اية مسحت الدموع وبعدها عبراتها:كافي دراما يالله تعاي امشي هسة شيخج على جية..الله يسعدج بعد روحي خيتي..احبج...وشكبتها وهنه وحدة تبوس بالثانية....
طلعت حوراء وكلهم بوسوها وفرحانين الها عانت هواي بالأنفصال وتربية الجهال وهي بصغر سنها...وهم حزنو اخوانها راح تروح...
وصارت مناحة على هذول الثلاثة حتى شيخ حسين بجه عليهم راح يفاركونه..جان متعود كل يوم الصبح ياخذهم يمه..ويحطهم على كلبه من كد مايحبهم...
هو عنده هواي احفاد من بناته ولده..بس مو يمه وشوفتهم قليلة مو عنده بالبيت..وجهال حور هو رباهم عنده تعود عليهم..
بالرغم اكو هواي ناس مايرحبون ببناتهم..بحجة مايردون يخربون بيتهم ويكسرون بالبنية ويجبروها تعيش ويه انسان معذبها..ولو قبلو يخلصونها من المعانات مايخلونها تحتفظ بجهالها وبهيج تنظلم البنية وتفقد جهالها...
واكو غصبن عليها تتحمل المر لخاطر جهالها لان تدري بأهلها حتى لو يستقبلونها مايستقبلون جهالها..المرأة اكثر انسان مظلوم بالمجتمع...💔 واكو ماعدهم اب 💔💔
بس شيخ حسين لا عكسهم كلهم.. يرحب ببناته واحفاده وصحيح مايهون عليه خراب البيوت والبنية تطلك والناس تحجي..بس مايترك بناته للعذاب اذا اجنه واشتكن...
زمزم حتى بيوم عرس حور الاول مابجت هسة كامت تبجي على بتها..واحفادها..للملاحظة ترا ام حوراء مو كبيرة بالعمر وحوراء اكبر بنية عدها وهاي اول احفاد الها...
هي نهاية الثلاثينات..ازوجت الشيخ صغيرة جابت حور واية واخر طفل هاي الي جانت تهتمله حوراء...
اجه هشام ياخذ حوراء وجهاله..لبست شالها ولبست العباية وطلعت اله بالحوش واكف يمه ابوها...وشايل وحدة من البنات وعزام بيد جده..وليان تصيح بابا..تريده يشيلها...
ابتسمت اله بحب وبعيونها شوق هذيج المراهقة الي اجته عروس اول مرة وجان الها اب مو بس زوج...ومافكرت بذيج الذكريات السيئة كالت راح امحيها من حياتي...
...كل الي يهمني شيخي رجعلي وهل مرة ماراح يكون بينه حاجز ابداً......دعك من هذا العالم كله ودعنا نكون روح واحدة شيخي....
هاي هدية للشيخ وحور من هالبنوته👇
صعدت السيارة والجهال بحضنها ثنين وصعد هشام السيارة بعد ماودع ابو حمزة..وبيده بته..
هشام ابتسم بوجهم:مشتاقلكم بكد افلاك ربي
حوراء:واحنه مشتاقيلك شيخي
هشام انطاها بته:ههههههه شكلكم اخذ كلبي..راح تنورون بيتكم
حوراء بحب:منور بوجودك ان شاء الله شيخي...وصلو البيت ودخلو البيت..وهذول الثلاثة يركضون قبلهم داخل وعزام طاح وظل يبجي...
راحله هشام وشاله..واستقبلهم كرار وصاح ياهلا..وركضوله الزعاطيط...وهو يضحك ويبوسهم ونسمة اجتي هي ورقية...
رقية:ياااي اخيراً حبايب العمة..ورادت تاخذهم لحضنها..
كرار وخرها:امشي ولي يالله سويلج واحد انتي والاملح مالتج
رقية ضحكت:ولك خليني ابوسهم بس مشتاقتلهم..هشام شني هاي كرير كله ماخذهم اله..اريد حصتي منهم هههههه
هشام ضحك:شني حلويات هههههه..انتي وكرار تتصافون بيهم ماعليه يابه..وعافهم وراح وهو يضحك على سوالفهم...
هاي كله هيج من جان هشام يجيبهم رقية وكرار عرايك عليهم..وشيسوي بيها كرار يشبعها عض يكلها البوسة ب25 الف وهي تخرب ضحك..وتكله اخوي جابهم انته شنو بالنص...
حوراء تضحك عليهم..وراحت سلمت على عمها وعمتها..وبعدها بدلت الفستان كالت بعدين البسه لشيخي.. وساعدت البنات بسواية العشه وسوالف وضحك بالمطبخ....
وصبو وعالعشه كرار بس يصنف عليهم..ويكل لأبوه يابه هسة تسويهم 6 جهالك وانه بعدني ولا واحد...
هشام يضحك عليه ويكله ان شاء الله يصير عندك بويه لا تستعجل عليهم..ويشيبونك مثل ما شيبت كلبي انته لمن كبرت...
بعد العشه الجهال غفو بالصالة وهو يوكحون وجدهم فرحان بيهم وبيبتهم...غفو تلاثتهم واحد يم الثاني...
رقية:اووووي شكلهم كيوت يموتون هالثلاثة يارب..مال أكل وكرط وعض
نسمة:فديت ههههه خصوص حبيبات كرير ليان ورزان..ليهسة اسأله عالأسماء ههههههه منو ذني يكول حب طفولتي من جنت انام يم امي وابوي بنصهم هههههه
هشام:هو جان يخاف من خياله بهالعمر
ابو هشام:كله من دلال بيبيته خلته يخاف..اكلها الرجال مايدلع لازم تربيته على الشجاعة..مثل ماربيت ابوه وعمه الله يرحمه
الكل: الله يرحمه...كامت حوراء شالت واحد منهم..ورقية ونسمة كل وحدة واحد..ودوهم للغرفة ونوموهم...
وبعدها كلمن راح لغرفته...وحوراء لبست الفستان من جديد ماشافه عليها هشام..وكفت تباوع لنفسها وفتحت القراصة من شعرها ونفتح مبروم يخبل عليها...
ودخل شيخنه غرفته..وابتسم بحب لعشكه الي كباله..وهي كذلك..ونست كل هذا العالم بشوفته...اقترب منها...
هشام سحب نفس وشم عطرها:شكثر مشتاااق لبت كلبي..الله العالم شكثر منتظر هاللحظة ونكون انه وياج وجه لوجه..حلالي وبغرفتي.........
