رواية نقش بارد الفصل التاسع والعشرون بقلم فدك فاطمه
"أنا بلياك مدري شبيه مابية"
.
رفـــا
ورة ما اصدر القاضي الحكم كل القاعة صارت هدوء مدري احنة حسيناهة هيج گلبي وجعني عليهم خمس سنوات مو قليلة
حضنت غمزة بدون شعور كاسرة خاطري عيني على
غنوة بهتت عيونها متوسعة تباوع لدلهم لعيونة عليهة مبين القهر عليه
خلصت المحكمة كل شخص نسحب لمكانة رفعت الجلسة بسرعة دخلو الحرس حتى ياخذونة صفوان وگف شايل غمزة بس حتى يشوفهة
هو عيونة على لغنوة لعيونهة شابحة من الصدمة خفت عليهة لزمت ايدهة افرك بيهة اريد تصحى التفتت لبطل الماي لنمد گدامي جان من قسور
دفعت ايدة بنتر يقتلون القتيل و يمشون بجنازتة طلعت بطل ماي اغسل بوجهة اريدهة توعى على نفسهة ضربت على خدة بهدوء
رفا:غنوة حبيبتي حاجيني شجاج
ردت برجفة:سمعتي لگـ..الوه
رفا: حبيبتي تخلص توكلي على الله هدي اعصابج لا تطيحين هنا خطية يشوفج هو مايكدر يسوي شي
نزلت راسهة اديهة ترعش خليت ماي بيدي غسلت وجهة نطيتهة البطل شربت،انتبهت لصفوان يأشر
دلهم لعينة عليهة بقلق و خوف
اخذوه حتى ما لحگ يحجي شي گومتهة من خنگة القاعة طلعنة برة گعدتهة على الكراسي بعيد عن الهوسة ضل صفوان يحجي وية المحامي
ماگدرت اسيطر عليهة خملت طاحت لزمتهة بسرعة
صحت على صفوان ترخص من المحامي اجانة گوة كدرت اطلعهة صعدتهة بالسيارة
عيونهة گوة فاتحتهن ماتكدر ترفع ايدهة التفتت اخذت غمزة من ايدة صعدت بصفهة تندمت لان جبنة بتهم ويانة كل ضني يكدرون يحاجونة
واحنة بالسيارة جنة نريد ناخذهة للمستشفى صحصحت شوية فكت عيونهة مارضت نروح حتى لبيتنة ما رضت وصلناهة لبيت خالتة
الطريق كلة ساكتة نزلت تسحل بروحهة ساعدتهة انتظرت لحد ما دخلت وصيت وتين عليهة و نطيتهة غمزة اخذتهة مني عفتهن رجعت
مقهورة على حالهة كل مزاجي مگلوب تكأبت رجعت لبيتنة حتى صفوان قفل لاحجة شي ولا ضل يمنة بطريق الرجعة من وصلناهن لحد بيتنة بس يدخن
ثاني يوم داومت من ارجع امر على غنوة لضلت هناك منتظرة بلكي يسولهم لقاء وياه لحد هسة ما موافقين رغم قدمو طلب للسجن
كلشي مامحضرة للعرس من صدك كلشي مامسوية متمددة بالهول و محتارة بشنو ابلش علاقتي مو زينة وية بنات عمي من يوم العقد القديم
حجن علية و تشمتن رغم جانن صديقاتي و كلشي ما اضم عليهن بوكتها خيانة صفوان و غدرتهن دمرت نفسيتي هسة ضالة لا گرايب لا صديقات
و غنوة مو بحال حتى احجي وياهة و اشكيلهة لبيهة كافيهة ماعندي غير وتين و روان خطيبة أحمد رغم البنية غريبة تصير اخت صديقة بس صدك كفو
استغليت حالتي النفسية و خابرت صفوان يجينة التفتت امي علية حجت تدفع جتفي:گومي لمي كفشتج
رفا:خليهة بلكي اكسر خاطرة
خاتون:ولج ماما دگومي جنج مخبلة اشو گبل من يجي صفوان تطلعين عروس هسة حالج بالضيم
رفا:حتى تعرفين من اگلج الزلم يخربون النسوان
و نفسيتهن يلعبون بيهن طوبة
سكتت عايفتني ردت على موبايلهة حجيت بهمس:لا جبتيلي اخت تساعدني ولا خالة عدها بنات مبارك بس صفوان يفتر وراي
مدت ايدها تعت بزندي حتى اگوم منها عفتهة مشيت للغرفة مشطت شعري و كويتة ،اخواني مو هنا لبست دشداشة قصيرة وعدلت روحي
رشيت عطر شمرتة على الجرباية طلعت مستعجلة للباب كل شوية ادنك اريد الحجل ينلبس عدلت شكلي رحت فتحت الباب مبتسمة
اختفت ابتسامتي اشوف صفاء كدامي هفة كدام وجهة مكشم : خفة منگعة روحج بعطر
حكيت شعري بأحراج رديت:شعدك تدك بالباب ماتفتحة من السيم
رفع ايدة عبست اشوفة مگطوع شمرة علية يباوعلي
من فوك ليجوة يگول كدامة جيفة مو مرة هز ايدة
وكف يم باب المطبخ ينزع بالبوتين
توني ردت اسد الباب اجة صفوان ابتسمت اشوف باقة الورد بيدة اخذتهة فرحانة بيهة رفعت روحي بوستة بخدة ناسية صفاء بعدة هنا
طفرت من شمر البوتين علينة طك بالباب مد ايدة صفوان يخليني وراه يباوع لصفاء بسخرية حتى يغيضة حصلتلي غمة هزيت أيدي ضايجة
صفوان:شبي هذة بگدة يغمني
رفا:مو عليك علية
عافني و دخل يريد يكتل صفاء ماهتميت حضنت الورد و دخلت صفوان مو من النوع ليشتري هدايا
بس هاي لان يشوف قسور موسكو شايل ورد
من يوم لتعاركو ضل كل ما يجينة بيدة باقة حبيت شلون مركز ، دخلت واكفة بباب المطبخ همة بالصالة صفاء لابد ورة امي
يضحك يحلف الغمة علية فتحت الثلاجة طلعت عصير عدنة ضال فرغتة بگلاص وديتة الة اخذة كعد يخوزر بصفاء
خاتون:وين الماي مبارك بس العصير يتلطلط جايبتة
رفا:خبطتهن سوة
هزت ايديهة خلت الموبايل تريد تگوم تجيب ماي الة ماي يالله تكمل الضيافة عد امي اشرتلهة تگعد رحت جبت الماي حتى ما شربة
صفاء:رفا طاوة طماطمة بروح اهلج طاگني الجوع
خاتون:اخوك وينة
صفاء:مشة لمرتة خلاني ارجع مشي من الجسر لهنا ترضينهة يمة
خاتون:راح الهة ايدة فارغة
صفوان:گلبة متروس
باوعلة صفاء يضحك يتغامزون رفعت حاجبي اشرلة شكو غلس غير السالفة يسأل بأمي شلونها و احوالها
رجعت الكلاص للمطبخ رحت سويت طماطمة طارت الكشخة كلة من ورة صفاء على حضي رجع اليوم من وكت
اشرت لصفوان يروح للاسقبال گام اجاني للمطبخ رد الباب وراه حجة يوگف بصفي:ورد وشايل ورد
ابتسمت اتمايل گدامة مد ايدة حضن خصري دنگ
يبوسني بخدي غمضت عيوني من طول يشم خدي
و يبوسني أكثر من مرة بنفس المكان
فزيت على صوت صفاء صاح:البصل احتررگ البصل عطب وصلنة هنا
التفتت للطباخ ناسيتة نقصة خليت الطماطمة غطيت الطاوة بس حتى ما يطلع دخان و يضل يصيح
صفوان:تعاي خلي يكمل غداه وحدة
رفا:لا خطية جوعان
صفوان:اشتعل ابوج
رفا: والله اگل لأمي عليك لاتشتمني
صفوان:بت النداف البارحة انتِ حارگة ابو ابوي
رفا:ابوه مو ابوك
ضحكت على شكلة رفع حواجبة ثنينهن رحت للثلاجة طلعت اللبن اخلي وياه ليمون باوعت بطرف عيني الة قفل باب المطبخ و سد الثاني همين
رفا: صفصف
حجة يقرب علية:بخدمتج صفصف
رفا:طلب لاتردني حباب بروح ابوك
تأفف بضوجة التفتت الة لازمة أيدة
حجيت معبسة: والله مالحگ بس أجلة يومين محد عندي تشوفني وحدي كلشي ماعرف مادبرهة
صفوان: الله اكبر على راسج أنتِ ماتدبرينهة
رفا:ترة الخباثة سهلة بس تنظيم عرس صعب يرادلة وقت و ماعندي بنية تساعدني لخاطري
صفوان:هاي هي مثل ماتردين
رفا: عفية بالضلع
صفوان:ياقندرة گولي حبيبي نعال
رفا:هسة شگول
حجة يخلي وجهة گبالي:كلشي لاتگولين
رديت ادفعة:الطماطمة احترگت
باوعلي يريد يخنگني رجعت بصفة رفعت رجلية على طروف اصابعي حجيت اشاورة: روح واني اكمل غدة صفاء و تعال من الشباك
صفوان:متعلمة على الشباك
رديت بضحكة:ذاك اليوم صفاء يريد ينزل لغرفتي ويصعدني فوك كتلت روحي
صفوان:انزل حظة و اطيحة باب رزقي يريد يسدة
ضحكت ادفع بجتفة طلع راجع يمهم بالصالة كملت الغدة وية دخلة أحمد جان مبتسم من شافني بوجهة عبس عبالة مانكشفة متونس
سلم دخل كعد يم امي تسألة عن روان گوة يرد يبيع ثگل هو اكبر خفيف ذاك اليوم اجتنة حتى ما طلع للشغل ضل لازم الباب وگاعد سوة روحة مريض
انتبهت على أمي تحجي وياي گمت جبت الخبز الهم
اباوع لصفوان گبالهم كعد ياكل عود ردت اراضيه استخطيتة كل مايجي اخواني يضلون يفترون وراه
ندستة أشرلة بلع اللگمة حجة :ها شتردين
ضليت اتلافت فشلني حجيت متوترة:كلشي ماريد طخيتك بالغلط
تحلفت بي گمت للغرفة كح غاص من شافني دخلت تذكر ابو بطن الجوعي رجعت بسرعة حتى لا عبالة اريدة هو جان توة يريد يگوم
من شافني رجعت رجع گعد رحت يم امي اگلب بموبايلهة وياهة تدورلي على هدية شافتني كعدت طلعت من البيج راحت لليوتيوب تسمع دعاء
رفا:ماما نروح العصر نشتري الذهب
خاتون:روحي
رفا:اني و وياج لعد اروح وحدي شعرف يغشوني
خاتون:اسكتي خل اسمع
رفا:توج مطلعة اغنية لنور الزين من كعدت يمج طلعتي دعاء العهد
خزرتني تخلي الموبايل على أذنهة حتى تسمع اوضح
مشو الولد للاستقبال اخذت الصينية رحت اغسل
المواعين همة يصيحون يردون جاي
سويتلهم صبيتة اخذتة نطيتهم كل واحد كوب خليت الصينية على الطاولة گعدت بصف صفوان
حجة بهمس:مخلية ملح
رفا:لا شمالني اشربة كلشي مابي
رفعة گبال الضوة يتأكد حجة يباوعلة:شو املح
رفا:كلشي مابي لاتوهوس
صفوان: مارحت مساع لان زحمة من أحمد
باوعتلة بطرف عيني حجيت:سولفهن لغيري
ضحك دار وجهة يخلي رجل فوك رجل ملتفت لأحمد يحجون عن الشغل ،اخذت موبايلي كعدت مكنكة اراسل بروان دزتلي حساب مصورة
گمت لغرفتي سديت الباب اخذت الرقم من الصفحة خابرتهم لان المراسلة يشلعون الگلب يالله يردون حاجيت البنية رغم تصويرهة حلو ماعجبني اسلوبهة گوة ترد و تطلع الكلمة
قفلت الباب رحت فتحت الشباك انزل الموبايل على الميز دخل گاعد على الحايط سحبني يخليني بين رجليه لزم ادية ثنينهن رفعهن لشفتة
رفا: العصر اروح اشتري الذهب حتى ماتگول تطلعين ما ادري بيج
همهم بدون ما يرد گام سد الشباك التفت الي حضن خصري يقربني الة رفعني بأيد وحدة وگفت على رجليه مستندة بأيدي على جتفة
حجة بهمس بأذني:رفرفتي يرفرف گلبي بشوفتج
رديت بنفس نبرة صوتة: أحبك
رفع راسة يقابل وجهي تنهد قريب علية اخذ شفتي يبوسني تفاجئت ملت ليورة اجيت اطيح دنگ وياي بدون مايعوفني كمش خصري بقوة
ثبتت روحي لازمة جتفة ايد محاوطة بيهة رگبتة بدون وعي غمضت عيوني تحرك يمشي بية فلتت شفتي من شفتة جريت نفس مختنكة
لزم وجهي رفعة حتى ما ادنگ رجع يبوسني بلهفة
حسيت بطرف الميز ورة ظهري شالني گعدني عليه
شخر المكياج روحي نمردت وراهن
حجيت ادفعة:البلشر نكسر شسويت
رد بتقطع من نفسة العالي:اشتريلج غيرة
دنگت متحسرة اباوع للعلبة خلة ايدة جوة حنجي رفع راسي ليفوگ تنهدت بدون وعي من حسيت بخشونة فكة على رگبتي عضيت شفتي متفشلة
بوسني من ياخة الثوب لحد أذني حجة بهمس:غارگ
بحبج و مسموط ابو ابوي
ضحكت اعبر ادية لجتفة حاضنتة رفع راسة صارت عينة بعيني خلة شفتة على خدي ضل هيج ساكن
صفوان:متندم عليهن لحظة لحظة الايام لخسرتج بيهن يا حب العمر و الطفولة
رفا:لاتذكرني خليني ناسية اريد ابدي صفحة جديدة
صفوان: احلى صفحة لأحلى رفرف
مديت ادية اوخر ايدة من رجلي حسيتة رفع الدشداشة حجيت ادفعة:عوف سوالفك
صفوان: ها هاي رجلج عبالي رجلي
رفا:اي رجلك ناعمة هيج
صفوان: اعترفتي بلسانج هاي من الأسباب لما اگدر اقاومج من وراهن
رفا:لا تلوف السالفة كل البنات رجليهن ناعمة هذة قصدي مو تريدلك حجة
صفوان: بالله خل اشوف يجوز بيهة فرق
خزرتة اضحك اسحل بالثوب من ايدة بطني مغصتني مايرضى يعوفة واني لزمتني الضحكة من ورة سوالفة صرت فاهية ايدي بايدة
ضحك شالني ينزلني حجة يعدل شعري:راح اعاملج بأخلاقي واصير مؤدب
رفا: اول مرة اسمع كلة اخلاق من يمك
صفوان: وين تلگين مثلي رجال شريف
رفا:امم احمم تنگعت من الشرف
حجة يجر بالثوب:تعاي ابدلج
دفعتة مصدومة:دوخر وخر شني هي هالله
ضحك يمسح على لحيتة راح مدد بمكاني مخلي المخدة على وجهة دنگت الم بالمكياج لطشراه
اباوع للبلشر شلون نمرد هو نص روح
اخذت الموبايل گعدت بصفة حجيت متحمسة:تختارلي بدلة العرس
رفع المخدة عنة عدل نومتة اشرلي اجي بصفة تقربت بدون ما اتمدد گاعدة قريب عليه طلعتلة البدلات يشوفهن
حجة يگلب بيهن :لازم ابيض
رفا:لعد شنو البس اخضر
صفوان: ولا احب الابيض لبسي هذة الاحمر
رفا:حتى امي تشگ حلگي
دار الموبايل علية كبرت الصورة خوش يختار رفعت حاجبي اباوعلة بشك:شو عدك ذوق
صفوان: عايش وية نازكة مثلج حريمة مايصير عدي ذوق
رفا:عبالك زوج و اصدك
صفوان:ماتردينهة طلعي غيرهة فوك ما اختارلج
رفا:يگول مان علية ترة اشرد اخليك تفر بذانك
صفوان:راسج املصة
رفا: يمة يمة گمت ارجف شوفني ارعش
صفوان: شگد گ**"
درت وجهي اهز بيدي راسلت البيج علمود البدلة لأختارهة حجيت ادفع جتفة:راح تنام هنا
صفوان:امم گعديني گبل لاتولين العصر
رفا:ماتنام بالاستقبال ابرد
صفوان:هنا اريح
مديت ايدي اخذت الريمونت عليت البرودة مال السبلت طفيت الضوة كعدت مرتكية على الحايط
دايخة كل شوية ادورلي بيج حتى ليرد علية انسى اني عليمن راسلتة من كد ما مخبوصة
لحد الاربعة گعدتة رحت اطلع ملابس اروح بيهن
اخاف امي تجي تلگاه هنا كل شوية اروح اندس جتفة يضل يتگلب مايگعد
رفا:صفووان اريد ابدل اندهر گوم امي هسة تجي تكتلني بس تشوفك
سحبتة من أيدة گوة گعد مسح وجهة من شفتة فتح عيونة رجعت للكنتور ادور على الربطة مدري وين شامرتهة فزيت على طگة المفتاح
التفتت فاكة حلگي فتح باب الغرفة وطلع طاحن الملابس من ايدي ركضت عثرت بالمدة اباوع من الباب امي و أحمد كاعدين بالصالة
هو طلع مشة سيدة ليبرة عرگت من الخوف بطني مغصتني أمي تخزر بية توهة تريد تحجي رجع علية يگلي نطيني المحفظة و الموبايل
أحيت ارگعة بالطاولة على راسة اخذتهن من الميز مديتهن الة مطفي بعدة من النعاس جنة واحد يمشي هو نايم بكل برود سلم و مشة
أحمد من كد ما مصدوم حتى ما فك حلگة رجعت للغرفة الطم من الفشلة قفلت الباب بدلت على ما خلصت امي طلعنة هي ترزل و تحجي شبعتني سب
رحنة اشترينة الذهب تأخرنة هناك أذن واحنة بعدنة
الولد يخابرون صفاء مسوي مقلوبة و گالب البيت وياهة صورلي المطبخ اجيت انجلط
امي من شافتة هيج خابرتة معصبة گالتلة ارجع الگاه نظيف شلون ما خليتة سدتة بوجهة رحنة صلينة بالجامع و تعشينة برة بالمطعم
لحد ما تأكدنة نظفو المطبخ يالله رجعنة الوجوه مگلبة متعاركين هو و أحمد ، امي جابتلهم عشة سفري حضرتة وديت كل واحد صينية لغرفتة
نزلت متكسرة نمت جفي بدون تبديل گعدتني من الصبح للدوام كرهت روحي حتى راتبي كرهتة الة استقيل و اصير عاطلة حالي حال الزلم
كل ما ازهگ من الشغل و اشوف اخواني شلون يرجعون تعبانين اضوج من روحي من توفى ابوي أحمد عاف الدراسة حتى يصرف على البيت
رغم أمي ما رضت عليه بس هي بذيج الفترة جانت مريضة صار عدهة مرض بالرحم تحتاج عملية حتى تشيلة مو مال تسوي اي شغلة تعينة بيهة
صفاء اصغر مني بسنة فاشل دراسياً هم ترك لحد بالاول متوسط جنت اني بالثاني لزمتني سالفة التبطيلة گمت ما اقرة و ارسب حتى اكعد بالبيت
كضني أحمد كتلني لان رسبت ردت اعيد بعدين اجة قرار عشر درجات نجحت بي للثالث صار براسي خير
لهسة اتذكر الكتلة شلون رجعتني أدمية
منهة بعد ما رسبت صارت عدي مسؤولية البيت واشوف اخواني يشتغلون و يتعبون علمودي أحمد رغم صعوبة الوضع مايبخل علية
خلصت المدرسة دخلت جامعة زاد مصروفي ضربني
اكتاب بفترتها جنت استحي من أحمد من اول سنة بلشت قصة حبنة اني و صفصف
ساعدني هواي بذيج الفترة و حبيتة من اول خمسة
اتذكرهة لهسة نطاني اياهة اشتريت بيهة ملزمة حتى الملزمة ضامتهة ذكرى محتفظة بيهة
طلعت من البيت الدنيا حارة اتمنى ينطونهة عطلة
مشيت ورة صفاء يعدل بالنگبة على وجهة لصاير لونين يگول رطب
رفا:ماتخلي واقي شمس
صفاء:ماتنجبين
هزيت ايدي عود اكبر منة أحمد يحترمني اكثر ولا يغلط علية صفاء مستلمني اكس مربع كل احترام ماكو فتحت الجنطة طلعت العلبة خليت بيدة
رفا:شوف احمد من خطب صار حتى مرطب يخلي لاديه انتة شبيك اجلح
صفاء:أحمد ماعندة شخصية
التفت النة يخوزر سكتنة دار وجهة حجيت بهمس:يخاف ايدة تصير خشنة كلشي ولا يزعج خطيبته
صفاء:واني شعلية
رفا:مو صوجك صوج لتسولف وياك لو امي جايبة بنية ولا هاي الفشلات لتفشلهة
صفاء:تسولفين على خطيبة اخوج وياي امشي سولفي وياه
رفا:امداني اذا بعد حجيت وياك
عفتة امشي گدامهم ثنينهم حجة بصوت يسمعني:يگول أمنة ماخذتنة تسجلنة بالمدرسة
رفا: امشي ماما امشي
سرع بخطواتة لزمة أحمد گبل لا يكفخني وصلت للمدرسة اضحك عليه اجة يخوزر احمد يصيح عليه
دخلت عايفتة مبتسمة على سوالفة مر اليوم نفس الروتين و الگعدة بالرجعة طلعت منتظرة صفوان
نوب خابرني ماخذ غنوة و خالة دلهم هناك وافقو يقابلونة كلش فرحت الهة نشلع گلبهة منتظرة تشوفة كل ما اتذكرهة انقهر
خابرت صفاء بلكي يرجع يوصلني اخاف أجر تكسي لوحدي ورة اخر موقف اتصلت مرتين ما رد علية
وكفت على الشارع اجرت سيارة و موبايلي على أذني اخابر بأمي حتى بس اطمن و ارجع بدون خوف
ابو التكسي يباوعلي يهز بيدة مايدري بية نخطفت من الصدمة لهسة اسولف بالموقف وية اهلي كل ماتطفى الكهرباء ارجع اسولفلهم
وصلت للبيت زفرت نفسي براحة دخلت امي من الموبايل تصيح علية من شافتني ارتاحت سدت الاتصال خطية جانت نايمة و گعدتهة
رجعت لفراشهة تحجي على الولد ليش ما اجوني تغديت و رحت للغرفة رتبتهة و عدلت الاستقبال روان راح تجيني حتى نروح نكمل الجهاز سوة
همزين اجت قبل جية أحمد يضل يترومس وياهة بعد ما تطلع اتصلت علية ما دخلت گبل رحنة اخوهة وصلنة
صفوان خلاني اركض و ما الحگ أربع أيام جهزت بيهن لازمة اعصابي بأيدي خلصت كلشي رغم هيج بعدني مخبوصة
ماحجزت بقاعة ثنينة جيوبنة فارغة مو مال قاعات هو صفوان ماعندة أحد من اهلة عدة عم واحد مسافر لسويد من زمان حتى مايدري بصفوان موجود بالحياة مابينهم اي تواصل
يعني العرس نصة بس گرايبي و شوية من اصدقاءة
اخذلة أيام ضايج علمود دلهم لان مو وياه گبل العرس بيوم غنوة دگت رجل تريد ترجع لبيتهة
بطلاع الروح قنعتهة تضل مالهة خلگ و مريضة تريد تروح هناك وحدهة حجت عليهة ام وتين ضلت يمهم بس كم يوم و يروحن سوة هناك
بيوم العرس اجتمعنة ببيتنة من الصبح ، غمزة ما طاحت بالگاع من الباب اخذهة صفوان يهوسون بيهة غنوة طاير گلبهة وراهة
هي مكيفة و تضحك على الهوسة ماتستغرب من الاصوات غيرنة جو الهن شوية بيتنة صاير فوضى
طلعت للصالون ضلت بس امي و غنوة هناك اني وياي وتين وصلنة صفاء بسيارة ابن عمي الطريق
كلة مشغلنة نعي على الاخت
طگيتة بضوجة اجر قميصة:طفي لاتفگرني عرس عرس صفاء شغل اغاني
رد يدفع ايدي:اي اشغل اغاني بعرس اختي رصعي گروني بالالماس رصعيهن
ضحكت وتين دارت وجهة مستحية فصلت موبايلة
اخذت ادور على موبايلي مالگيتة هو مايرضى يفتح
جهازة و اطلع اغنية
شغلت وتين نطتني موبايلهة ربطتة بس علمود التصوير جايبين ويانة كامرة تأفف بضوجة يمشي سريع بالسيارة حتى نوصل گرصتة بجتفة
رفا:راح ابجي صفاااء خفف خليني اصور
صفاء:اهووو
رفا:بجييت
صفاء:ابجي الة اسوي الطريق ساعتين اخليج تصورين فلم مو مقطع
عبست گوة يريد يخرب علية عناد بي هلهلت كتل روحة ضلينة الطريق كلة نضحك عليه وصلنة اكدت عليه يرجع مو يتأخر علية
لحد ما خلصت و لبست البدلة صار عدي فقرات بظهري من الگعدة وكفت كدام المراية گلبي يدك حيل صار عدي مغص من التوتر
لحد ما اجة صفاء رجعنة للبيت لگيتة يغص ويبلع
بالمعازيم امي لاخلت جيران ولا گرايب كلهة عزمتهة دخلت وسط الهلال و الهوسات
گعدت على الكوشة لازمة أمي اشتكيلهة من الخوف
و التوتر كعدن يمي البنات اتلفت ادور على غنوة ماكو ماشفتهة
رفا:غناوي وين
خاتون: صعدت فوك اشتكت من الصوت العالي
رفا:طفوه انعل ابو الصوت
وتين: صاعدة اشوفهة
رفا:روان حبابة طفي الاستريو دخت
صعدت وتين تشوفهة ضلت عيني على الدرج لحد ما نزلت وياهة ابتسمت بوجهي اجت باركتلي
رفا:تعاي يمي جايبة المصورة مخصوص حتى تصورنة
غنوة:عيارتج
ضحكت اخذ ايدهة بوستهة بخدهة حجيت:ضحيت بالحمرة علمودج
غنوة:واني مضحية ببنتي رجلج مارجعهة
رفا:من الصبح
غنوة:لا بس جابوهة مرتين بدلتلهة
وتين:صاحبة واجب جا مثلج نمتي
غنوة:شو ماكو صنتة
رفا:منتظرين العريس يجي و نشغل
روان:راح اشغل بلكي يتهزهزن و يرگصن
راحت شغلت گومتني وتين ارگص امي ما ترضى بيت عمي على كلشي يقلدون غلست عنهن شسوي الناس حتى على الأنبياء ما راضية ترضى على رفا
لحد ما اجت الزفة اني بقمة الوناسة حتى ما توترت
اسمع صوت الاغاني من برة و الهوسات ،رجعت المراية اتأكد من شكلي
عيوني على الباب دخل صفوان لزمتني الخوفة توترت العب بباقة الورد لحد ما وصل يمي گمت الوب اريد امي تجي غير تعوفة و تجيني حاضنتة تباركلة تهوس الة تهلهل
التفت الي قشعر جسمي من تنهد اول ما شافني حضن خدي بوسني براسي استحريت من ورة الهوسة و الهلاهل
حجة بهمس يشاورني: كون هسة بضلوعي اضمج وبنص العيون
ضليت لا اخذ ولا انطي ماعرف شنو ارد عصرت الباقة ساكتة هو صار عدة واهس للغزل يجيب ويخلي من المستحة احس بالعرگ ينزل على ظهري
ورة ماخذنة صور و وضعيات المصورة تخلي الماعدهة اخلاق تستحي و استاذ صفوان ماخذة الواهس
لبستني أمي البرگع عيوني مغورگة گوة لازمة دموعي شلون اعوفها وحدهة اليوم بوستني تباركلي
حضنتنة ثنينة سوة توصينة ماتفرق بينة
لزم ايدي طلعنة لحد باب الحوش جان احمد واكف
طگيتهة بجية غصباً علية حضني دنگت اريد ابوس ايدة سحبهة ماخلاني دنگ باس راسي
حجة حاضني لصدرة: مايحتاج اگلك رفا وحيدتنة والصغيرة المدللة دموعها اغلى من روحي عزيزة گلبي دير بالك عليهة انتة صاحبي و اخوي بس رفوفة خط احمر اليوم لتجيني مكسور خاطرهة هو اخر يوم لخوتنة
صفوان:بطن عيني اخليهة لايضل بالك
مسحت دموعي متأثرة رفعت راسي ادور على صفاء
الخبيث ولا وصل يغار ، بوسني احمد براسي حضنتة و حضنت امي ، خلة ايدي بأيد صفوان
طلعنة صعدني بالسيارة هو يسوق اني بصفة طلعت الزفة سيارات قليلة لنص الطريق و رجعو كلشي جان بسيط على گدنة بدون هوسة و خبصة
طلعت موبايلي اصور و هو مشغلي اغاني ارگص اهز جتف كل شوية يگلي ركدي ضحكت اباوعلة ابتسم
بوجهي رفع ايدي يبوسهة
وكفنة بالسيطرة بس سيارتنة مبينة سيارة زفة عليهة ورد و شغل بسيط على البنيد نزلت الكبوس
اعدل بروحي ضامة الضحكة اكو ولد سيارة بصفنة
يهوسون و يباركولنة
لحد ما وصلنة الفندق طبگ السيارة حجة يمسح بأديه:توترت
بلعت العافية اباوعلة بطرف عيني يضحك علية عبالي صدك متوتر خلاني اخاف نزل فتحلي الباب
مارفعت راسي لحد ما دخلنة الغرفة ضليت اتلفت
سد الباب قفلة خلة المفتاح بالتعلاگة اليمة نزع السترة خلاهة على القنفة بصفي
رفا:اني بشاربك
ضحك يلزم ايدي يمسح على شواربة يغامز سحگت رجلة من اشوفة هيج فرحان غصباً علية اضل اضحك
حجة بضحكة:تدرين ياهو اكبر محظوظ بالدنيا
رديت العب بدگمة قميصة:انتة لان وافقت عليك
ضحك بصوت عالي شالني حاضني شمرت الورد حضنت جتفة بلعت ريگي من بوسني برگبتي يشدد
اديه علية گعد خلاني بصفة
بعد البرگع عني وخرة توترت ارفع بالبدلة نزل راسة
خلة بوسة على جتفي كل لمساتة و سوالفة هادئة
اني گلت راح تصير مكافش من ورة اسلوبة
مرت ليلة عرسنة بكل هدوء و رقة بين لمساتة
ولهفتة نسيت كلشي من اللحظة لرجعت الة اني حالفة بعد ما اعوفة اصيرة كلشي ولا يروح لغيري
متمددة على ايدة حاضني لصدرة عاضة شفتي العب بظافري نص منهن تكسر حسيت بي يقربني عليه رفعت ايدي اسحب شعري من جواه
صفوان: والله سخيف اني طيرت من عمري خمس سنوات
رفا:همزين حسيت
صفوان:بالجذب گولي حشاك
ضحكت ارتكي على صدرة حجيت اتلمس خدة:هاي يسمونهة غلطة الشاطر بألف يا أستاذ
صفوان: اني أسف كرهت روحي من لحظة لكسرت خاطرج بيهة ادري شگد ما اعتذر ما أجبرة
رفا:ماريد اعتذار كافي علية تكمل وياي وانتة مكتفي بية و محترمني اذا يوم من الايام مليتني گلي اني اروح بكرامتي بس لا تخون
صفوان: انعل ابو ابوه ليعوفج
رفا: اي والله شحدك اسودنك
صفوان:ريحي بالج و العباس ابو فاضل صارت عدي عقدة من النسوان كلهن عداج
ضحكت من كل گلبي حجة يحضن وجهي:ذنبي برگبتج شاب كلشي ماشفت من حياتي سويتي بية توحد و عقد نفسية
رفا:دگعد راحة لاتصير مسكين
صفوان: الله من خلقنة خلة بگلوبنة حب النسوان الة
اني حتى الشرع البي اربعة ماريدة
رفا:نوب متحسر كاتل روحك
صفوان:اكتل روحي عليج و اطحنها طحن
رفا: شگد احبك صفصف
رد يسوي روحة ميت:تتماوع تاخذ روحي تموتني
رفا:يمة العيارة
طفرت من طگاني على رجلي الصوت عالي تردد بالغرفة مانطاني مجال رجع يتحرش بية نهضت متغطية هو وياي مخلي شفتة على رگبتي
رفا: جوعانة شسالفة حتى عشة ما جبتلي
صفوان:العرس مرة و العشة يومية
رفا: لعد راح ترجعني لبيتنة شنو لاتصير لوتي
گومتة گوة ادور بالگاع شهگت اشوف التور مال البدلة مشگگ ضليت الطم من الحرگة أجيت اكتلة شكد عيب اني مأجراتها صخام بعيني
ضليت الوم بي سكتني بالعشة شبعت رجعت احجي
الصبح خابرتني روان مخبوصة هي بايتة يم اهلي تريد تشوفني حتى ترجع
لبست رتبت روحي عدلت الحجاب رجع صفوان يستعجلني نزل الغراض كلهن للسيارة اخذت جنطتي و طلعت وياه
تريگنة برة و رجعنة لبيت اهلي مالگيت ولا وحدة منهن بس أمي موجودة قصص وروايات عراقية كرار صلاح اخذت دور الخطار عود مستحية اجة صفاء خزاني گومني دفرات مايخلون الوحدة تعيش اللحظة
.
.
.
غنــوة
صافنة على غمزة هي نايمة بصفي تتگلب من الحر
الكهرباء طافية تنهدت بضوجة احس كلشي يستفز اعصابي و يخنگني
دورت بالكنتور طلعت دفتر اهفيلهة بي نايمة بغرفتي و برة بالهول خالة ساهرة تصلي صلاة الليل
مر يومين على رجعتي من بغداد هي يمي ضلت
مسحت دموعي اسمعهة تدعي گلبي يوجعني من اتذكرة و اتذكر اخر مرة شفتة روحي نمردت حتى ماكدرت تحجي وياه ضليت ابجي
تنهدت عيني على ايدي بيهة ختم لونة بدة يبهت
و يختفي لهسة ما مصدگة راح اعيش خمس سنوات بدونة اني ايام التوقيف گبل المحكمة خبلني
يرادلي صبر أيوب حتى اتحمل ميتة من القهر عليه
يوم واحد بالغرفة ماتحمل اگعد مو نوب سجن كلشي مامسموح بيه و فكرة غمزة تكبر بدونة تخليني اتگلب من القهر عليها
طاحت ايدي و جتفي تشنج من گد ما هفيتة بس اشتغلت الكهرباء گعدت المسودنة ابتسمت اشيلهة
لحضني الواحد يتمنى روحة طفل لايحس ولا يهم
أذن الفجر واني على نفس الگعدة حتى ست الحسن تشبع ماترضى امدد الة گاعدة و تلعب بوجهي موتتني تزلغ بي انزل ايدهة تصرخ
صاحت علية خالتي اخذتهة طلعنة خليتهة بحضنهة
تلاعبها مشيت للحمام ابدل متروس هدوم لغمزة
تلبس و توصخ كل شوية متقيئة
غسلتهن طلعت ظهري يوجعني مريضة مالي خلق كلشي تمددت بالهول غفيتي ساعات كعدت بثمانية
غمزة نايمة بحضن خالتي مسنحة تسهر بالليل تنام بالنهار شكد ما احاول اعدل نومتها ماتنعدل گمت
كملت شغلي سويت ريوك تريگنة ورة ما گعدن
صار اربع ايام خالتي يمي اليوم تروح يجيهة أبنهة
اني گتلهة روحي هم بيتهة و ناسهة هناك تضل وياي
شكد شهر شهرين طمنتهة جهال اخوي يجون هنا
اجاهة گبل الغدة سلمت عليهة هم اجة ابنهة جايب وياه مسواك اشكال و انواع ترس الثلاجة تشكرت منهة مانسى وكفتها وياي
سديت الباب وراهم تنهدت اباوع للبيت فارغ مالي خلق حتى اسوي غدة غمزة نايمة رجعت نمت يمهة
ما دام ما اصلي خل اطگهة نومة
اشرد من التفكير بالنوم لحد العصر گعدت على دكة
الباب تأففت گمت افتحة جنت اغفي و غمزة تلعب
فوك مني تسبل علية حتى لعبهة مدري شلونة
غسلت فتحت الباب دخلت غفران وياهة جهالهة عصرت عيوني سوة ما ادخلهة حدها للمطبخ نتعارك و تزعل و تمشي ثاني يوم ترجعلي
گعدت لاول مرة اشوف بوجهة القهر تغيرت كلش ما الومهة زواج علوان من صفية اني ما متقبلتة كارهة
سيرتة نوب رجعت لنفس البيت و الغرفة
لعبت روحي ترست الكلاص ماي شربت ابلع السالفة
هي گاعدة تشتكي و تبجي لو تتصفن محترگة حرگ
اسمعهة و اسوي بالعشة كلمة وحدة ما حجيت وياهة عدهة اخواتها يشكنها اني شعلية ملت مشت
بس خلت حسين و نرجس يمي
مر اسبوع جزعت نفسيتي تدمرت ابدي يومية اروح اشوفة بس هو مايرضى اروح هناك گلبي لاجمني خايفة عليه كل ماتذكر تهديد صلاح اضل افكر
ما يغيب لحظة عن بالي كلشي طالع من عيني اذا أحر اذكرة شلون بيه ، شنو ياكل شلون عايش راسي ينخر من التفكير اتگلب مقهورة
صادف يوم السبت على ساس رفا تجي نوب خابرتني گالت غير يوم اجيكم تعبانة من الدوام جنت محضرة اسويلهم غدة من خابرتني بطلت
ضميت كلشي طلعت تمر و لبن كعدت اكل نرجس
يمي جابت غدة من اهلهة توهة جاية من المدرسة
ندك الباب قوي باوعت من جوة اشوف رجلين زلم
ندست نرجس حتى تگوم مسحت حلگهة طلعت صيح على ليدك لان خبصنة
شوية ورجعت لي تگلي رجال بالباب يريدج اخذت شالي مستغربة :منو تعرفينة
هزت راسهة ردت :يگول ابو غياث ماعرفة لابس عگال يمة واحد يخوف
عصرت ادية خايفة ابو غياث صلاح بس لا نعمان وياه رجلية تخرذل من الخوف شعدهم جايين شنو يردون اريد اگوم ماكدر بطني مغصتني
تعوذت من الشيطان اخذت حجابي گمت فتحت الباب قليل من وراه احجي سلم مارديت عليه تحمحم عبالة ما سمعتة
حجيت رغم صوتي يرجف:شنو تريد
صلاح:نتطمن عليكم نضل أهل مو حلوة نعوفكم بهيج وضع
غنوة: تضحك علية انتة سجنتو دلهم جايين تطمنون
صلاح: محد ساجنة هاي جريمتة هو تحملهة
غنوة:ترة اعرف كلشي لو ما خباثتكم جان الولد تنازل بس انتم شديتو على ايدة
صلاح: هذة حگة القانون كفلة حتى ياخذة و دلهم لو بس مأشر ما اقصر وياه ولا اخلي ينسجن بس هو سواها عناد و رفعة خشم
غنوة: اي واحد بمكانة ما يرضى ينذل تضلون طول عمركم مانين عليه و على گولتك القضية حگ كفلة الة القانون جا الحگ بس يم دلهم ويوگف هو هم يريد حگ اخوه لو حرام عليه حلال على غيرة
ضل ساكت اسمع واحد يحجي وياه نوب تحمحم غير الموضوع حجة بصوت حاد شوية: الوجب يضل واجب العلينة سويناه نريد نشوف بنتة طلعيهة
احنة حسبة أعمامهة
غنوة: بنتي نايمة و ماكو شي يربطكم بيهة غير دم حاتم لبرگبتكم الله وياك لاتضل واكف بباب بيتي
ولا تجون مرة ثانية
طبگت الباب اخر شي سمعتة واحد شتمني و صلاح
يسكت بي كعدت روحي راحت مدري شلون قويت نفسي و حجيت ورديت عليه
كعدت اباوع من جوة الباب اشوف علاليگ متسطرة
من برة شوية سمعت صوت السيارة مشو گومت نرجس تشوف شنو خلوه متسوگ الشريف
گتلهة تاخذهن كلهن لبيت اهلي شكد صلفين فوك ما ساجنينة هسة جاي يريد يصير صاحب واجب براسي لو ما ابوه مات مظلوم جان شتمتة ابو صلعة
نرجس راحت بعد ما رجعت قفلت البيبان ضليت وحدي متعودة ما اخاف بس اوهوس كل شوية اشوف الغاز لو الكهرباء ، اقفل الباب و اتاكد منة
رفعت دنفوشة خليتهة على بطني انطيهة اصبعي تعضة تحك لثتهة بي ايام تضل تبجي من ورة سنونها اكثر شي اخاف منة بجيهة يضل صدرها يخرش بس تبجي هواي
فتحت حلگهة مكيفة اشوف طرف سنونها بدت تطلع توهة اخذت موبايلي مكزكزة عليهة واصور
خليتة بصفي شلتهة احضنهة طاحت عيني على الشاشة گلبي وجعني اشوف المحادثة بدون ما احس راسلة الصورة لحساب دلهم
هاي أكثر من مرة اسويهة اراسلة بدون ماحس طارت كل فرحتي بلحظتهة مرات من جنة نتزاعل اگول مايهمني بس بهاي الايام اكتشفت شكد متعودة عليه دوم ابالي لو اصيح بأسمة لو بيني وبين نفسي
اگول من يرجع احجيلة كذا شغلة صارت
حتى من رجعنة ورة عرس رفا و صفوان اني ابالي اسولفلة عنة نوب انتبه لروحي ،هاي الافكار تخلي گلبي يوجعني و انقهر
من گد الوقت لضينة بي سوة اكثر شي ورة ما صارت
بتنة ما فارگنة ولا يوم اذا ما موجود نتراسل لو يخابر
كلشي اسولفلة السخيف و المهم و يسمع بدون ملل
خايفة اتعود بعدين على عدم وجودة
گبل لا يخلص الشهر اجو رفا و صفوان ما انسى وگفتة بهاي الفترة تكفل بالعمامة مال الراتب الرعاية دلهم سوة وكالة حتى ينقل بأسمي ما ينقطع
ما عافهة لحد ما خلصهة كملناهة ارتاحيت اني كل همي و تفكيري علاج غمزة خايفة عليهة جنت محضرة بتوتي ابيعهن و رفا تضحك علية
صارت بتلاثة هي منتظرة صفوان گالهة عدة شغل
تتصل عليه مايرد عافت الموبايل اجت وراي للمطبخ شايلة غمزة على جتفهة
رفا: تنطينهة يومين و نرجعها
غنوة:شسون بيهة
رفا:نتدرب نشوف روحنة نتحمل الجهال لو لا
غنوة:بعدة ما خلص الشهر و تفكرون بالجهال
رفا:امي لو بيدها جان هسة اني عدي عشرة
ضحكت امد التفاحة الهة خلت غمزة على الكاونتر
لزمتهة خايفة حجت تستهزئ:طاحت طاحت
غنوة:وسم لاتعيبين لو بيدي اخليهة بگلبي لحد ماتكبر
رفا :جا المن طلعتيهة ما خليتهة ببطنج
غنوة: يمة غير اموت
التفتت على صوت موبايلهة حجت:اوي دكدك صفصف علية
غنوة: والله لو يسمعج تحجينهة گبالي
رفا:غير سمعني أحمد و نصب عليه گام يلطم
ابتسمت على سوالفهة اجتني تلبس بالعباة ماكدرت اضم ضحكتي جانت تعيب علية صارت مثلي لبسهة
رفا:اشگ حلگج بس تعيبين
غنوة:صدك الدنيا تفتر سبحان الله
رفا:راح اكتلج استفرد بيج هنا
غنوة:بالله شگالج و لبستيهة
ردت تتماوع:خصوصيات
غنوة: شكد قشمر ماعدج شخصية
ردت ترامش:المهم زوشي راضي
غميتهة سلگتني بسير الجنطة على ايدي الله جابهة
مشتاقة ادفرلي واحد ضلينة نتعارك ثنينة لازمين غمزة لا تطيح هي تصيح ويانة
ندك الباب غافلتني اخذت غمزة ركضت برة وكفت البس بعباة الصلاة هي لازمتهة تأشر:گولي لماما باي باي
غنوة:دجيبيهة صيري خيرة لا اطلع روحج
رفا:يالله خالة حبيبتي ودي بوسة الوداع لماما
غنوة: نجبي
طلعت اسمع صوت صفوان گاللهة:جوة العباة شمالج
رفا: والله مامتعودة على البوگ عذرني
غنوة:جيبيهة بتنة ماتطلع الة بمشية
رفا:غدي اني اخذ هاي الطماطة لأبني
غنوة:نشوف اذا ما خليتج تتوسلين
مدت ايدهة تريد تگرصني خزرتهة احضن بطني الادبسزز ماتستحي لفت غمزة بعباتهة طلعت خلتني اتگلب لاكدر اصيح ولا اطلع
شوية رجعت تضحك مشترين حلوات الهة رايحين للمحل گرصتهة على حركاتهة السخيفة ذيج المرة هم اخذتهة شعوطتني
غنوة:بعد ماخليج تشوفينهة
رفا: عود نامي و تحلمي يالله دادا اسلم عليج المرة الجاية نجيب ابنة يخطب بتكم
سلمت عليهة ابعد غمزة من ايدهة هاي ذابة روحهة
عليهة مامصدگة مشو سديت الباب اعض ببتي البذاتة بس تشوف رفا تنكرني تريد تضمن عمتهة من هسة اللوگية
بوستهة احضنهة يحتاجلي عشر گلوب يالله اتحمل حبهة بگلبي خليتهة بالغرفة طلعت موبايلي اكتب
شيصير وياي و ارسل لدلهم حتى ما اتعود على فراگة ولا تطگ روحي من الكتم
رغم لا يوصلن لا يشوفهن الموبايل مغلق حتى ما اخذناه من يوم لسلم بيه اغراضة قبل التحقيق بعد ما رجعن حتى ناسية اسأل عنهن
بالليل فزيت مختنگة متضايقة عبالي طافية و بزعت
من الحر بس جانت الكهرباء مشتغلة و الغرفة زينة مو حارة المربدة مخلصة ماي
لگيت نرجس متكرفصة ونايمة الماتستحي نازعة ثوبهة غطيتهة بالعباة طلعت كلش مختنگة صدري مقبط احس بثگل فوك گلبي
استغفرت امسح وجهي گلت أسبح حتى اصلي واخذتني النومة رحت للاسقبال يمي جهال سالم
حسن و علي يباوتون هنا
سالم بس ولد عدة تربو اكثر شي يم اخوالهم شكد ما صغار بس فطنين مو بالدراسة بالشغل و الطلعة مو مثل جهال علوان مايعين
هاي صفية لو لامة ولدهة مربيتهم وعايفة الغيبة
و الحجي جان شالوهة شيل بس هي على گولة دلهم
ك**" خرب كل ما اتذكرهة انغاض
هسة شبية اخذت غيبتهة بهل الليل تنهدت ضايجة
طلعت اترس المبردة ذولة يستحون ينامون بالغرفة
الة هنا استخطيتهم بس على البنكة
عصرت راسي بضوجة واكفة بالحديقة اتنفس ماكدر
ارتاح مختنگة كلش شلون واحد لازم رگبتي ما يخليني ارد النفس و ارتاح مشيت للحمام عقلي مو وياي دلهم على بالي گلبي ما ارتاح
تعوذت من الشيطان طلعت نشفت شعري وراهة توضيت وصليت دعيتلة خانگتني العبرة كل ما اتذكر
الحكم خمس سنوات اعصابي تنهار
لفيت المصلاية عيني ماخذت نوم احس الجو متغير
كعدت برة اريد روحي تهدئ جسمي كلة بايد وگلبي مخموش عصرت عيوني اطرد افكاري
بجيت بحيرة افتر بالحوش احس صاير شي هاي الخنگة الازمتني وراهة شي مامرتاحة اباوع للساعة بتلاثة عليمن اخابر احتاريت
مستحية من رفا دخلت على الواتساب واكفة بركن الحايط اخذ نت من الجيران و المبايل يشلع الگلب نص روح گوة يلمس و يشتغل
اهز برجلي مامتطمنة اشوفهة متصلة بالنت حتى رقم صفوان عدي و طالع يمي متصل ما اراسلة بس
مرة وحدة هو اتصل علمود أوراق المعاملة
كتبت لرفا اسألهة اذا گاعدة رغم وصلتهة بس ما ردت شوية و صارت غير متصلة راحت عضيت
اصابعي تنهدت دعيت من كل گلبي كون تعدي هاي الليلة على خير عيني ما غمضت للصبح اني افتر
لحد ما خابرتني وتين وخرت غمزة من حضني اخذت الموبايل رديت عليهة حجت بقلق:ها شلونج
غنوة:زينة الحمدلله انتم شلونكم
وتين:بخير وينج اتصلت عليج مرتين مارديتي
غنوة:جهازي جان طافي هسة شحنتة
وتين: توقعتج بالطريق امي رادت تجيكم ماكدرت
يم اهل رفا
رديت مستغربة:لا ببيتنة شسوي يم رفا هي اجتني امس
ردت مفهية: ها انتي هناك
غنوة:شبيج صاير شي رفا بيهة شي
وتين:لا كلشي مابيهة عبالي اجيتي وياهة
غنوة: الله عليج اذا صاير شي گليلي صوتج متوتر
وتين:امي تصيحني لايضل بالج كلشي ماكو بس مو رفا گالت رايحتج توقعت تجين علمود للمقابلة
يالله باي
سدتة خلتني الوب نزلت غمزة بالگاع طلعت اكنك على الجيران اتصل برفا ماترد اراسلهة خلوني اشعوط ما دام اتصلت وتين فجأة هيح سألت هاي هي گلبي نقبض ما
