رواية خائنه الفصل الثاني بقلم جمانه السعيدي
نيران....يومين وابوي جاب كل المعلومات عنه
انسان مستور عايش بحاله
عمره ٤٩ سنه يملك بيت جبير وعنده سياره هاي كل املاكه
ابوي هنا خيرني اقبل لولا
لان عمره جبيره واحتمال مايصير عندي اطفال
لان هو هم عنده مرض يمنع يصير عنده اطفال
وانسان مشغول كل الوقت
تعرفون اصحاب السيارات الحمل يكون وقتهم مو ملكهم
ممكن باي لحظه تجي كوه وبطلع
اكو بيهم حتى يبات برا بيته اذا كان يحمل بضاعه من غير محافظه
هنا ابوي كال بكيفج انتي حره توافقين لو لا
هاي حياتج وانتي حره بيها اني مااريد اضلمج
فكري زين وقررري اني ما متعاجز من عيشتج
اذا تردين انتضري بلكت تجيج قسمه احسن من هاي
بلكت واحد عمره ازغر
بس اني حسيت اذا أرفض راح اضيع اخر فرصه اليه بلزواج
واذا جبير هو الجبير زين فاهم الحياة
جمانه السعيدي
خاف يجيني احد منفصل وفتره ويرجع زوجته
لو عندا جهال وتعاي ربيهم اله
شبي واذا جبير صحته زينه وعنده بيت ملك وسياره
يشتغل ونعيش اني ويااا
اكيد راح يصير عدنا اطفال
اذا اني جبتله اطفال راح يحترمني ويقدرني
ويددلني لان هو محروم من الجهال
قررت أوافق خاف أرفض وبعد ما تجيني هيج فرصه مره ثانيه
رديت على ابوي اني موافقه
ابوي....متاكده مو باجر تتندمين انتي كاعده هنا معززه مكرمه بيت ابوج محد يكدر يقرب عليج
نيران....فكرت لا امي ولا ابوي دايمين اليه واخواني اهم شي نسوانهم وجهالهم واني عصبيه ووكحه مااكدر اتحمل
قررت أوافق ومااضيع هيج فرصه من ايدي ابد
نيران...اني موافقه
اليوم الي بعده رجعت اخت العريس تاخذ الجواب من امي
امي بلغتها احنا موافقين
اتفقت وياها على المهر حالي حال البنات
ويجيب غرفة نوم جديده لان ذيج ماخذتها زوجته وياا غراضها والمؤخر مالتها
اخته كالت موافق على كل طلباتكم
العريس اسمه ياس خضير نعمه
اليوم الي بعده العريس راح على ابوي للسوك حتى يتفقون على كل التفاصيل
كان موافق على كل طلباتنه
بس مااجه البيتنا علمود الرؤيه الشرعيه
حدد هو وابوي يوم المهر والعرس ثنيينهن يوم واحد
مايريد هوسه
ايكول اني جبير عيب هاي السوالف وياا عمري
جمانه السعيدي
الحد الان كلشي تمام بس اني بعدني ما شفت العريس الحد الان
ولا هو طلب يشوفني
اني كاعده على نار اريد اشوف شكله
اتخيل شكله مثل الممثلين الاتراك الي بهيج عمر
او على الاقل يشبه الممثلين العراقين
بهجت الجبوري بعمر الخمسين لو جواد الشكرجي
بس مع الأسف مااجا ولا شفته ابد
نيران....يمه ليش مايجي اشوفه
امي....يمه هذا رجال جبير ماعندا سوالف الشباب يشوفج وتشوفينه
نيران....لا مو جبير كلش
امي....من تعرسين شوفي زين
نيران .غير نكعد نسولف مثل الناس
امي...رجال يشتغل ياخذه اليل ويجيبه اليل مو مال
هاي السوالف
نيران...غير اريد اعرف شيحب شيكره يشوفني
يكلي اصبغ شعري يالون
امي....اخته تكول بكيفه هي جبيره وتفهم
نيران....اني ماشايفه واحد يزوج وحده ماشايفه بس حظي اني من دون البنات
المهم بديت اجهز كلشي العرسي واني فرحانه
هم راح ازوج وهم اعيش كبل بيت وحدي محد يدوخ راسي
اغلب الأشياء اشتريتها جاهزه
لان مالحك اخلي يم الخياطه خاف تتأخر عليه
فرشات الجربايه والبرده وملابسي كلشي جاهز
بس شنو طاح حظي حشاكم
كل يوم رايحه للسوك حتى اشتري الشغلات الي اريدهن
حتى الصالون هم ٣ ايام يله خلصت شغل
حفافه وصبغ وميش وترتيبات
وصلن اليوم المهر رحت للصالون اجرت بدله بيضه بس
لان هو متفق ويااااا ابوي بس يكطع مهر ياخذني ويروح
الحد هاي اللحظه واني ما شفته ولا مره
المهم لبست البدله البيضه الي كل عمري احلم البسها
وأم الصالون طلعتني اخبل
التسريحه والمكياج فد شي
وصيت اخته يجي ناخذ صور ام الصالون تاخذ النا صور
بس ما قبل
اخذت اني صور وحدي وويا خواتي وصديقاتي وامي
ماشايفه صور عرس بيهن بس العروس
اتصلت على ابوي اجر تكسي ورجعنا للبيت
هسه وصلنا للحظه الحاسمه راح يجي العريس واشوفه
واخيرا راح يجي واشوف طلته البهيه
الجهال صاحو اجا العريس اجا العريس
راسا اختي نزلت البركع على وجهي ولبستني الكب
ونزلته على وجهي
دخل بس سمعته كال السلام عليكم
ماشفت وجها لان الكب نازل على وجهي
لزمني من ايدي وطلعنا
صعدت بلسياره وهو صعد بصفي
شفت بس قاط جوزي وقميص اسود وحذاء اسود وايده العصب
مبين ولا بس محبس بي شذره رصاصي
ماكدرت ارفع راسي اشوف وجها
منا لمن وصلنا بس دخلنا للبيت عافني النسوان دخلني
للبيت وهو مااعرف وين راح
المهم كامت اخته تهلهل وبنات اخته يركصن
يعني هنا يغنن ويركصن ماكو جهاز اغاني
والمدعوين ينعدون على الاصابع كلش قليلين
اني بس خواتي وامي اجن وياي
نسوان اخوتي وحده زعلانه عليه بسبب ذيج المشكله
القديمه ووحده بقت بلبيت
جابو العشى اني تعشيت وياا امي و خواتي
لان اكيد مراح اكدر اكل وياا استحي
تعشيت شبعت كلش
وغسلت اختي رجعت رتبتي المكياج
جمانه السعيدي
بعدين كالو اجا العريس
امي واخواتي طلعن من الفرفه اسمع امي توصي عليه
برا الغرفه
امي....دير بالك عليها هاي امانه
ياس....تدللين من عيوني
طلعت امي وخواتي حماتي وصتلهن للباب
وهو دخل الغرفه
وكفت واني مدنكه
ياس...السلام عليكم
نيران....عليكم السلام
ياس ...شلونج
نيران...الحمد لله احجي واني مدنكه
رفع البركع باسني براسي كال اكعدي
هو كعد بصفي
ياس....اني صح عندي تجربة زواج سابقه بس اعتبري نفسج الاولى
اني زوجتي بعمرها ما قصرت وياي كانت حافظه بيتي وسمعتي وصاينه عرضي
بس رب العالمين ما قسم النا يصير عدنا اطفال
وتعرفين الاطفال زينة الحياة الدنيا حتى رب العالمين ذكر هذا الشي للقرآن
بسم الله الرحمن الرحيم ( المال والبنون زينة الحياة الدنيا)
صدكي اني مراح اقصر وباج ادللج وهذا بعد بيتج
المره الشاطره تحافظ على بيتها وزوجها
يله بدلي اتعشيتي لوبعد
نيران.. مااشتهي كلت بكلبي نسفت الصينيه بس لازم ابين اني كيوت
ياس...لا مايصير لازم نأكل سوا
كام يريد ينزع ملابسه
واني استغليت فرصه وكمت اباوع علي
طوله تقريبا ١٧٠ اسمر ضعيف شعره من كدام كله واكع
باقي بس كم شعريه منا ومنا ومن ورا
وجها حيل ضعيف بي خطوط من الضعف
خشمه طويل لحيته وشواربه بيض
من شفت شكله كلش ضجت
مو حلووو كلش مو حلوووو
رفع راسه شافني اباوع علي ابتسم
ياس...هااا اساعدج تغيرين ملابسج
نيران....لا اني اكدر وحدي بس كمل انت واطلع
ياس...صار تدللين
نزع ملابسه ولبس دشداشه بيضه وطلع من الغرفه
واني كمت نزعت البدله ولبست سيت نوم ابيض
بس وأهسي كله طار كلش موحلو
استغفر الله هي هاي قسمتي لا حول ولا قوه الا بلله العلي العظيم
كمت اقنع بنفسي يله قابل هسه اني شسوي بلجمال
خلي يدلعني ويحبني يصرف عليه
اكيد وياا العشره راح احبه
رجع عليه شايل صينيه اكل كلشي بيها
كعد بلكاع وكال بله تعاي ناكل اني وياج
نيران.... كلت بكلبي همزين اتعشيت لو باقيه الهسه
ماجان اكلت شي
نفسيتي انسدت
ياس. ...يله تعاي
نيران.. مااشتهي مالي نفس
ياس...اني افتح نفسج للاكل
نيران.. كلت لا ولله انت سديت نفسي
ياس...يله تعاي حبيبتي
جمانه السعيدي
كام من مكانه واجا اخذني من ايدي كعدني كباله
بس اني ماقبلت اكل
صحيح اسلوبه حلو وحسيته حنيين بس ولو كلش موحلو
كمل اكل وطلع الصينيه برا
جاب حلويات خلاهن على الميز رجع جاب كرزات
وماي ودخل للغرفه
طف الضوه بقا بس الضوه الاحمر
تمدد على الجربايه
ياس...يله تعاي تنامين
نيران....ولله لو بيدي جان طلعت برا انام على هذا القهر
نيران...طفي الضوه كلش اريده ضلمه
ياس...ليش ضلمه اريد اشوف هذا الجمال
نيران....استحي
صممت اله يطفي الضوه كلش حتى لا ابقى اباوع علي
نمت وغمضت عيوني
منا لمن كمل كلشي
لفيت نفسي وكمت ابجي
ياس...ليش تبجين
نيران....ماكو شي اذكرت اهلي
ياس...خاف اتاذيتي
نيران....لا مابيه شي
نام ياس واني بقيت اكثر من ساعه كاعده وابجي
شكرا لزيارتكم عالم روايات سكيرهوم
