رواية خائنه الفصل الثالث بقلم جمانه السعيدي
نيران....الصبح كعدت لكيته كاعد كبلي
اني كعدت على صوته يحجي وياا عمه ام ضياء اخته
اجا للغرفه غمضت عيوني
كعد على الجربايه
ياس...هااا حبيبي تكعدين حبيبي ام ضياء جابتلنا احلى ريوك
فتحت عيوني
ياس....صباح الخير صباح النور شنو هلصباح الحلو
نيران...صباح الخير
ياس....يله اكعدي ام ضياء جايبتلنا ريوك يخبل
نيران...اي كعدت
اخذت ملابسي ورحت للحمام غسلت وبدلت وطلعت سلمت عليها
جايبه صينيه اكل تخبل
كيمر عرب وجبن ومربى وصمون حار
وبيض سلك
باركتلي وكعدنا نتريك كلنا سوا بلمطبخ
سمعت صوت وحده تحجي وياا اطفال
نيران...هذا شنو الصوت قربب
ياس...اي هاي معلمه هي وجهاله كاعدين بلمشتمل
نيران..اي مشتمل
ياس....تعاي اشوفج المشتمل
جمانه السعيدي
اخذني من ايدي غرفة الضيوف اكو ناس تسميها استقبال
او صاله بابها كان مقفول
ياس....هذا المشتمل
زوجته الأولى مقترحه علي اقتراح
بما ان البيت جبير وهما ماعدهم اطفال
كل الوقت هي ساكنه وحدها بلبيت
لان هو على طول عنده شغل
زوجته مقترحه علي
ياخذ جزء من البيت ويكطعه حتى يكون مشتمل
عباره عن غرفة الضيوف وكدامها مطبخ وصحيات
وعليها هول كلش زغير كلش
الهول بعرض غرفة الضيوف والبعد مترين
والترك الي بصف غرفة الضيوف هم تابع للمشتمل
هم البيت يصير ازغر وتنضيفه اسهل
وهم يصير عدهم دخل مادي ثاني
لان البيت ماشاء الله كلش جبير
صار تقريبا اربع سنوات ياجرون حتى يتحسن وضعهم المادي
الباب الي تربط المشتمل بلبيت مقفوله بقفل
يعني ما شايلين الباب
لهذا السبب نكدر نسمع صوتهم داخل المشتمل
المعلمه الي مااجره المشتمل مطمنه لان بس زوجة ياس كانت بلبيت
هو اغلب الوقت ماموجود
واذا رجع يرجع بليل تعبان وينام
هاي المعلمه صار اربع سنوات ساكنه بهذا المشتمل
الساعه عشره اجن كم وحده من اقاربنا حتى يباركلي
كعدنا نسولف وأم ضياء موجوده
شويه واجت امي تشوفني
اما ياس طلع المنقله برا وبدا يشوي دجاج على الفحم
امي اطمنت عليه وراحت
امي...اني اجيت اطمن عليج كلشي تمام
نيران.. اي كلشي تمان
امي...بليل نجي اني وابوج واخوانج يردون يسلمون عليج
نيران ...هله بيهم
الخطار كلهم راحووو وياس دز على خبز بيد جهال الجيران
وكعدنا ناكل
رغم اني ماكان عاجبني شكله
بس الصراحه اسلوبه حلو وصاحب نكته
كل كلامه تحشيش وضحك
يسوي أجواء للكعده
روحه رياضيه
حسيت نفسي بديت استلطفه مجرد استلطاف بعد هذا حظي
وقسمتي لازم اقبل واسكت
بليل اجو اهلي باركولي حتى زوجت اخوي الزعلان مني
اجت مو محبة بيه
لا جايه حتى تشوف بيتي وتشوف وضعي الجديد
٣ ايام ياس ماطالع من البيت بس طلع جاب النا مسواك واجا
كلش كريم ونفسيته حلوه
منتضرني اطلب حتى يجيب
يريد يرضيني بكل طريقه ممكنه يحاول يخلق أجواء لطيفه بينا
يمكن حس اني ما مقتنعه بي
اكيد واحد بعمره لازم عنده خبره بهيج مواضيع
خلاص اني لازم اتعود قابل هو لعبه لو ثوب وارجعه
بلكت يصير عندي اطفال واشغل نفسي بيهم
اليوم الرابع طلع ياس كروه بس قريبه المركز المحافظه
يعني يرجع الضهر
اندكت الباب فتحته بنيه حلوه تخبل وياها جهال ثنييت
غصون...صباح الخير اني جارتج ساكنه بلمشتمل
نيران .اهلا وسهلا تفضلي
غضون...مبروك اليوم يله فرغت كان عندي دووام
نيران...اهلا وسهلا تفضلي
دخلت جوووو
غصون.....شلون عنده حظ ياس عروسه حلوه وزغيره
نيران...ابتسمت شكرا
غضون...بلعافيه
نيران....الله يعافيج
غصون....ياس انسان محترم وطيب اني كلش احترمه
بس زعلت لان طلك زوجته
لازعلؤن مني زوجته ما تقدر كلش انسانه محترمه
وكلبها طيب يله كلشي قسمه ونصيب
نيران....هي الي طلبت الطلاك هو راسها تبقى وؤزوج عليها
غصون...حقها انتي ماتدرين شكد تحبه وتخاف علي
اني وياها كنا دائما نحجي من شباك الهول
بس تسمعني اشتغل بلترك لو اغسل ملابس تفتح الشباك ونكعد نحجي اني وياها
شكد نفسها حلوه الله يذكرها بلخير
جمانه السعيدي
نيران....انشاء الله اني وياج هم نصير صديقات اذا تحبين
غصون....اكيد احب مبينه حبابه انتي
اول ٣ اشهر كان الوضع كلش تمام
يعني المسواك ضال اي مره ياخذ بيها بكاكيل كروه
يجيب وياا الفواكه من كل نوع
لو خضروات طماطه وبتيته وجزر وخيار
كل مره يروح بيها أجره يجيبلنا خير من الله مسواك
ويجيب وياا سمج من الطريق يشتري
وركي وبطيخ اني وحدي منو ياكل كل هذا الخير كمت
ادز على اهلي يجون ياخذون منه المسواك
لان هواي ويخرب اذا يبقى
اوزعه احسن حتى الجوارين هم انطي منه
بعدها بدا شغله يكون اكثر بحيث يوم على يوم اكو اجره
يوم على يوم يتاجر
حتى الكركوك ودهوك وبغداد
كمت مااشوفه يرجع بليل تعبان يلف راسه وينام
هلكد ما تعبان ياكل لكمه وينام
كل عشر ايام هيج يوم واحد استراحه
يوم الاستراحه ما يطلع ابد يكابلني ويكعد
بس يدلعني و يدللني بيوم الاستراحه
بكعد يشوي سمج على الفحم ويروح يجيب حلويات وكرزات ياخذني نفتر بلسياره
حتى اغير جو
عندا احساس ان هو مقصر وياي ويحاول يعوضني
اني كنت كلما يروح اجره
لو اروح الاهلي لو اكعد احجي وياا غصون هاي البنيه المعلمه جيرانه
لان شباك الهول مالتنا طالع على الترك
وهي الحمام مالتها بلترك من اسمعها تغسل ملابس بلترك
افتح الشباك واكعد تحجي وياها
لو على الموبايل الصراحه اني ما ناقصني شي
بس ناقصني ياس يكون موجود وياي بلبيت
لان هو يخلي الأجواء حلوه كله ضحك وتحشيش وتصنيف
يضل يتحرش بيه ويركض وراي
صحيح مو كلشي بلدنيا الشكل الطبع مرات يكون احلى من الشكل
بس على طول الوكت كنت اتملل
لان اخلص الوقت كله وحدي بلبيت
هو ما ما نعني يكول اطلعي اذا تردين وغيري جو
بس وين اروح
ياس....لا اضوجين حبيبي غير باب رزقنا
نيران...اضوج وحدي
ياس...لو بيدي اخذج وياي وين اروح بس اخاف البكاكيل تتغزل بيج
نيران....اشتغل بس بومين لو تلاته والباقي ابقى يمي بلبيت
احنا نفرين شغل يومين واجار المشتمل كافي علينا
ياس....اذا أرفض الاجره كم يوم راح يرحون مني الزباين
واخسر شغلي
اتحملي بس اجمع مبلغ زين افتح مشروع واكعد كبالج
ولله السياقه ضيم وتعب يعني كل الي يصعد وياي ينام
واني لازم ابقى كاعد ومركز
غير على عيشتنا
بعدين اني اريدج تراجعين علمود موضوع الاطفال
صار اكثر من ٣ اشهر ليش اتاخرتي هيج
نيران....غير انت تروح وياي
ياس....انطيج فلوس وأخذي امج وروحي بلكت
هيج وتحملين وترسين البيت جهال
نيران....انشاء الله
شكرا لزيارتكم عالم روايات سكيرهوم
