رواية بيت جدي الفصل الثاني بقلم جمانه السعيدي
علي...استمرت حدة الخلاف بين امي وعمي صلاح
الكل جان يشهد على هاي العداوه الي ما تنتهي
ماكان اكو حل الهذا الخلاف
ابوي عجز يصلح الموقف بينهم بس بدون فايده
حملت امي واني تلث سنوات كانت متئمله
يجي بعد ولد حتى تتساوى وياا نسوان عمي ومايكونن احسن منها بشي
وينتهي هذا الخلاف منو احسن من منو
بس خابت امال امي لمن اجت اختي سحر
امي بيوم ولادتها بقت تبجي وكطعت الاكل شلون تجي بنيه مو ولد
ليش اني حظي اسود ليش اخلف بس بنات
رغم هذا كان رزق رب العالمين
الي عنده بنات احسن من الي ماعنده اطفال
الموضوع جان جدا عادي بيت جدي
عادي واذا بنيه ماكو مشكله بس امي كانت تتحسس من هذا الموضوع بلنسبه الها اهم شي واحد يصير عنده اولاد هواي هذا انجاز مابعده انجاز
بس عمي صلاح لكاها فرصه حتى يقهر امي اكثر واكثر
وبدا يصيح الابوي ابو البنات
امي كلما يشوفها يكول اجت ام البنات
امي كانت تعتبر هذا الشي عار يعني هي ما تخلف غير البنات
يعني هو اذا صاح اجت ام البنات باعتبار بنتقص منها
جمانه السعيدي
ابوي...انتي ليش ضايجه اني ابو البنات
امي...مو عندك ولد ليش يكول هيج ليش مايكول ابو علي
ابوي...اخوي خلي يصيحلي اي شي
اني موافق انتي شكوووو
امي....هو متعمد يريد يقهرني
ابوي...سوي نفسج ما تسمعين
امي...شلون مااسمع شلون وهو يصيح عليه ام البنات
ابوي...هاي شلون طلابه ماتخلص
كبري عقلج اضحكي على عقله كوليله اي اني ام البنات
انتي احسن منه ترا صرتي ام وهو بعده عايش على امي وابوي ولا عائله ولا اطفال
شنو نهايته ماادري مضيع حياته مااعرف شلون
امي...اني مااريد منه شي بس خلي يعوفني بحالي
اني مجاي أقرب علي ولا اليه شغل بي
خل هو هم يعوفني ليش يكرهني مااعرف
اني اضوج منه لان يشرب وماايصلي
وفوكاها كاعد وساكت لاشغل ولا عمل
ابوي...عوفي يمعوده ترا اني كامت تلعب نفسي من البيت
بسبب هاي الطلابه الي ما تخلص
امي....هو متقصد يغثني موهاي مرت عماد واسعد ماله شغل بيهن لو لان أقاربه واني غريبه يتعمد يضوجوني
ابوي...رحمه الاهلج تعبت من هاي الاسطوانه عوفي
مالج شغل بي
عوفي اني راح احجي ويااا
فعلا ابوي راح على عمي حتى يحجي ويااا لان ابوي من يدخل للبيت يلكه امي ضايجه
وتكعد تشكي وتبجي وهو يريد يرتاح
ولو بيتنا مابي راحه
بي تضخم سكاني فضيع وهوسه
وناس داخله بحياة ناس حتى ماتكدر تاخذ اي قرار وحدك
لازم كلها تشارك بهذا القرار
ابوي من حجا وياا عمي عمي صلاح صار عصبي
لا تنسون هو أكبر من ابوي
وكام يصيح اني مالي علاقه بيها هي شايفه نفسها شوفه
وتخلق المشاكل من جوه الكاع
حضرتها تلعب نفسها مني
شنو هي انظف مني احسن مني وانا اشرب هي شلها علاقه خليها تصير زينه النفسها
لو ماانت وخاطرك جان طردتها من هذا البيت
مو هذني زوجت اسعد وعماد مالهن شغل بيه بس هي
خاله كورها وكوري
مرت اللاخ اكتلها خل تسمع اذا ضوجتني مرت الاخ اكتلها
علي...عمي اخذ ابوي بصوت العالي وابوي ماكدر يريد علي خصوصا جدي كاعد
وهيج انتهت المشكله بدون ما تنحل مثل كل مره
جمانه السعيدي
من صار عمري اربعه ونص جدي تمرض
هلمره مبين مابي مجال جان مبين هذا المرض
هو الوداع وياا جدي
بقا اسبوعين مريض بين المستشفى وبين البيت الحد ما مات وودعنا
كانت فاتحة جدي جبيره رغم الحصار
بس عمامي سووله فاتحه وناس اجتنا من كل مكان
كل الأقارب والجوارين اجو حتى يقدمون العزا
من بعد وفاة جدي الوضع تغير
بدت الأمور تفلت اكيد جدي كان اله شخصيته
وكل الي بلبيت يخافون منه ويحترمونه
وهسه البيت صار بدون قائد
صح عمي عماد يريد ياخذ هذا الدور من بعد وفاة جدي
بس مهما يكون مراح يكون مثل جدي
بعد ست اشهر من وفاة جدي صار الشي الي الكل ما متوقعه
اتعاركنا اني وابن عمي هو أكبر مني بتلث سنوات
عمي صلاح جان موجود
عركة اطفال يعني نتعارك على لعبه
العركه الي تصير بين الاطفال دائما حتى بين الإخوان تصير
عمي صلاح جان نايم فز على صوت العياط
بمكان ما يحل المشكله بينا
اجا عليه وكتلني رغم اني جنت الطرف المظلوم بهاي العركه
لان ابن عمي اكبر مني
وهو الي اجا اتحارش بيه مااعرف ليش جهال عمامي جانو يضوجون مني يمكن لان امي مهتمه بيه بزياده على العادي
هنا عمي صلاح جان نايم
هو ينام بلنهار ويسكر بليل
طفر من مكانه واجا عليه كبل بدون مايفهم شنو القصه
عبالك شايل بكلبه عليه
او منتظر هاي الفرصه حتى يجي يضربني
اجا كبل عليه وكام يضربني بقوه
شالني وشمرني بلكاع يعني كتلت واحد شايل بكلبه عليه
كله هذا بسبب كرها الامي
خواتي راحن صاحن الامي
امي اجت تركض صارت شمرتي بلكاع كدام عينها
وهي فقدت اعصابها
اني صرخت لان وكعت على رجليه وسمعت صوت عظم بجسمي انكسر
امي اجت تركض
امي...ليش ليش هيج الله لايوفقك ليش تضربه تريد تموته
طفل شسوالك
صلاح...انجي لا اجي انعل والديج
امي ...سكير دايح ليش تضربه لو بيك خير مانايم بانهار وبليل دايح
صلاح...اني دايح تعاي اعلمج
جمانه السعيدي
علي...امي حضنتني تريد تطمن عليه ومستمره تحجي وتغلط على عمي
وعمي صلاح نزل ضرب عليها ركع رأسها بلحايط
ضرب رأسها اكثر من مره هي خالتني بحضنها ماتكدر ادافع عن نفسها واني مستمر اعيط
مدري على امي مدري على روحي لان رجلي توجعني حيل
المهم اجمعو عمامي وبيبي ونسوان عمي
وخلصو امي من ايده
ابوي مكان موجود بهذا الوقت
لمن شالوني مااكدر اوكف على رجلي لان انكسرت
وامي الدم جاي ينزل على وجها لان رأسها انجرح من الضربه
بيبي تخبلت من شافت رجلي وشافت امي غطا وجها الدم
كامت تعيط روحو جيبو سياره ناخذهم للمستشفى
طلع عمي عماد واخذ عمي صلاح وياا وهو يحجي علي
وامي خالتني بحضنها وتبجي كامت ماتكدر تفتح عيونها من الدم
بيبي جابت شكر وخلت على الجرح
رجع عمي عماد جايب تكسي وجاي
شالني عمي وطلع بيه برا للشارع
وبيبي وامي اجن ورانا امي خاله خاولي على الجرح
وتمشي ويانه صعدنا بلسياره وطلعنا للمستشفى
كل هذا وابوي مايعرف اي شي عنا قبل ماكو تليفونات
مثل هسه والأخبار توصل اول بااول جمانه السعيدي
وصلنا للمستشفى واني طلع عندي كسر برجلي
من تحت الركبه
وامي خيطو راسها
اجت امي تشتكي على عمي صلاح
بس عمو عماد ماقبل وكاللها كلشي تردي يصير بس لا تشتكين عيب احنا عائله شلون ندخل للمركز واحد يشتكي على الثاني
هاي المشكله كانت الفاصل الي غير حياتنا
القشه الي كسرت ضهر البعير
شكرا لزيارتكم عالم روايات سكيرهوم
