رواية بيت جدي الفصل الثالث بقلم جمانه السعيدي
علي....اني طلع عندي كسر برجلي
دخلوني للاشعه وبعدين جبرو رجلي
وامي خيطو راسها اربع خياطات عمي عماد رجع للبيت
بقت بس بيبي ويانا بلمستشفى
للعصر الدكتور كال تكدرون اطلعون الوضع تمام
بعد اسبوعين جيبو الطفل نتاكد من رجله
امي...عمه اني اروح البيت اهلي ارتاح كم يوم وراح
ادز اخوي حسام يجيب البنات ويجيب ملابسنا
بيبي...ليش ماترجعون وياي خاف يرجع زوجج ومايلكاج بلبيت
امي...عود كوليله صلاح كسر رجل علي وفشخ راسها
وأخذتها للمستشفى
بيبي...يله كلشي عدا على خير الحمد لله على السلامه
امي...يصير خير انشاء الله
علي...امي كانت تخطط الغير شي تخطط تطلع من بيت جدي وبعد ماترجع
مادام صلاح ضربها وكسر رجلي
بعد ماترجع تعيش وياا بنفس البيت
وصلنا البيت جدي من شافو منظر امي اخترعو
الدم على وجها
دخلت عليهم شايلتني ورجلي مجبسه
كعدت امي تحجي بعصبيه
وتغلط على عمي حتى ابوي جانت تغلط علي
لان هو السبب بكلشي صار ويانا
ماعرف يوكف اخو عد حده
ماعرف يكول عائلتي خط أحمر ممنوع اي احد يقرب عليهم
تساهله بموضوع تجاوزات عمي على امي
هو الي خله عمي يمد ايده عليه وعلى امي
جمانه السعيدي
امي دزت خالي حسام جاب خواتي وملابسنا والشغلات الضروريه
ثاني يوم للضهر يله رجع ابوي للبيت
كان عنده حمل للبصره وماكدر يرجع بنفس اليوم
المهم بس وصل وسئل عنا لان مالكنا بلبيت
وهذا الشي مو طببعي امي ما متعوده تعوف البيت وتطلع بدون مايعرف ابوي
محد حجا الحقيقيه
ابوي...وين ام علي والبنات
بيبي...تشتغل ووكعت ونجرح راسها اخذت جهالها
وراحت بيت اهلها
ابوي...شنو جرح جبير
بيبي...لا هيج فشخه وكالت اروح ارتاح
ابوي...من يمته بيت اهلها
بيبي.. امس راحت
ابوي...يله اريد غده وهسه اروح اجيبها واجي
جمانه السعيدي
علي...اجا ابوي الضهر علينا خوالي استقبلو بس ماحجو
اي شي
شويه امي اخذتني وطلعنا اني وياها علي
ابوي اول ماشافني اتخبل
لان رجلي مجبسيها من جوه الركبه الحد الكف
ابوي.. هاي علي شبي ليش رجله مجبسيها
امي...هذا صلاح الشفيه شاف قوته علي شاله وركعه بلكاع
ليش محد حجالك
ابوي...صلاح كسر رجله
امي...اي واني ركع راسي بلحايط شوف اربع خياطات
ابوي...ياستار ليش امي تكول وكعت ونجرح راسها
امي....امك طبعا تتستر علي ليش هو فاشل وسكير لان امك
تتستر علي
ابوي...ليش اريد افتهم ليش
امي.. علي بيده لعبه وابن عماد راد ياخذها منه اتعاركو
يم صلاح هو جان مطمور عسا لاكعد
كام على حيله عاف ابن عماد الجبير ورجع على علي
شاله وركعه بلكاع
عود اني اجيت اكله ليش
ضربني ووكعني بعدين ركع راسي بلحايط
ابوي...وبعدين
امي.. عمتي واسعد وعماد خلصوني من ايده رحت للمستشفى
علاوي طلع عنده كسر واني خيطو راسي اربع خياطات
ابوي...كومي يله جيبي البنات تعاي نرجع اريد افتهم ليش سووه هيج
امي...ارجع هيج بكل سهوله حتى تسئله ليش سوه هيج
مستحيل بيت اهلك بعد ماادخل بي
مادام صلاح موجود تريدنا ااجر النا بيت ونرجع وياك
ماتريد روح الله وياك
جهالي عندي ورب العالمين مراح ينسانا ابد
ابوي...شنو هذا الحجي كومي خل نرجع البيتنا اني ستوني رجعت وتعبان
امي...ماارجع ابد اذا ماتريدني طلكني
اني البيت الي بي صلاح ماارجعله ابد
ابوي...اني اخذ حقج صدكي اني اخذلج حقج وارضيج
امي...شنو تاخذلي حقي تكسر رجل صلاح لو تضرب راسه بلحايط راح تحجي كلمتين وتسكت
وارجع مثل قبل اذا ما تماده عليه اكثر
يعني هو مااحترم غيابك ولا احترمني يضربني كدام اهله
وهسه ارجع وياك بكل سهوله
ماارجع لو طلكني لو اطلع بيت وحدي
اختار شنو الحل الي يناسبك
جمانه السعيدي
ابوي....ارجعي وياي بس هلمره
امي...ماارجع بيت بي صلاح وهذا آخر كلام عندي
علي...طلعت امي من الغرفه وابوي بقه مصدوم من ردة فعلها
مامتوقع امي تكول اريد بيت وحدي
مامتوقع ينحط بهيج موقف صعب
مراح يكدر يكول الاهله اريد اطلع بيت وحدي
لان إخوانه الأكبر منه كلهم كاعدين بلبيت وهو ازغر واحد يطلع بيت وحده
رجع ابوي للبيت كلش ضايج
بيبي...هااا ليش مارجعت زوجتك وياك
ابوي...ما تقبل ترجع للبيت مادام صلاح بي
بيبي...ليش عيوني شبي صلاح
ابوي..يمه لازم صلاح يحترم وجودي شلون يضرب ابني وزوجتي واني ما موجود
بيبي...اي وشصار ما ماتو بعدهم عدلين شدعوه زوجتك ما تتحمل
ابوي...يمه راسها بي اربع خياطات ورجل علاوي مكسوره
بيبي..عادي الزلم تضرب وتكسر والنسوان تتحمل
ابوي...بس صلاح مو زوجها اني زوجها ليش يضربها
بيبي...لحظة عصبيه
ابوي...وهي ما تقبل ترجع للبيت
بيبي...واذا ما رجعت ازوجك وحده غيرها اصلا هي خلفتها
بس بنات خليها تولي
ابوي...يمه شلون تولي قابل بس هي وتولي
عندي بنات ولد اربعه يمه شنون هذا الحجي
بيبي...لاانت اول ولا اخر واحد يطلك ويزوج على مرته
ابوي...اذا ما تحترمون زوجتي بغيابي وتحافضون على جهالي اني اطلع وحدي
بيبي...يااا صدك عود تمشي ورا مرتك
ابوي...اي امشي ورا مرتي مرتي ما غلطانه
مرتي محترمه ومودبه وبت عائله
تعرفين اهله من حقهم يكاومونه وياخذون فصل على بتهم
بس همه ناس محترمين
مايردون يخربون بيت بتهم
بيبي...شو سويتهم ماكو منهم تريد تعوف اخوانك وتركض ورا مرتك
ابوي.. اخواني اذا ما يحترموني ويحترمون عائلتي مااريدهم
بعدني ما متت شلون يمكن تطردهم بلشارع
بيبي...ترا هو فشخ زغير ليش مكبرين السالفه
ابوي...يمه ولله السالفه جبيره احنا ماكبرانها
بيبي...انت تريد تتبع مرتك اتبعها بكيفك
عوف اخوتك وتبع مرتك صدك لو كالو الغريب ذيب
هاي مرتك غريبه وذيبه تريد تفاركك من اخوتك
مو ذني بت عمك وبت خالك
هل نحجي عليهن ونغلط وكاعدات وساكتات
ابوي....صلاح شاد ويا مرتي وهي تشكي منه دائما
واني أكلها ميخالف واسكتي واصبري
بس توصل يضربها ويشك راسها مايصير
جمانه السعيدي
علي...ابوي ابد ماعاتب عمي صلاح لان يعرف الحجي ويا مابي فايده
بدا يدور على بيت ايجار وبنفس الوقت منتضر امي ترضا وترجع للبيت
بس امي عنيده وراسها والف سيف ماترجع بيت جدي
بعد اسبوع ابوي اجته كروه وطلع بيها بقا يومين ورجع
من رجع اجا علينا بيت خوالي يشوفنا
امي ماقبلت تطلع علي طلعنا اني وخواتي
انطانا مصرف وراح
بعدها باربع ايام ابوي لكه بيت قريب على بيت جدي
اهل امي مو اهل ابوي
واجره واجا على امي
دخل بس امي ماطلعت
ابوي...حسام اني اجرت هذا البيت برأس الشارع
هذا المفتاح اريد ام علي تروح تنظف البيت
باجر انقل غراضي انشاء الله
علي..امي كانت تسمع الكلام طلعت على ابوي
امي...الله يساعدك انطيني المفتاح
امي كانت اكثر من فرحانه راح تعيش وحدها وتستقل من بيت جدي
يعني بعد ماكو مشاكل ولا تسمع كلام منا ولا منا
ومحد يكدر يغثها
بس ابوي جان عين تضحك وعين تبجي
لان اهله كلهم ماراضين علي
كلهم بدون استثناء كبار وزغار
ابوي بلنسبه الهم باع اهله علمود زوجته
يعني رخصهم واشترا راحت زوجته وعائلته
جمانه السعيدي
ثاني يوم ابوي نقل غرفتنا وغراضنا للبيت واشترا طباخ زغير وقنينه غاز وثلاجه مستعمله
اني وخواتي وامي كان هذا الشي بلنسبه النا مثل الاحتفال
واخيرا طلعنا من بيت جدي
يومين رتبنا البيت واستقرينا بي
منا بدا ابوي يشتغل ينطي الفلوس الامي
امي تقتصد بلمصرف وتضم باقي الفلوس
ياسبحان الله رب العالمين فتحلنا باب رزق عجيب
ابوي كان علي طلب بستمرار
كان اغلب الوقت غايب عن البيت
من يرجع امي تستقبله احلى استقبال
بس هذا الشي مايمنع جان يروح يشوف اهله
وينطي بيبي مصرف من شغله
الحد بعد سنتين ماتت بيبي وهنا انتهت لمت العائله
مجرد ماتت بيبي نسوان عمي تحالفن
كل وحده تريد بيت وحدها
قررو عمامي يبيعون بيت جدي وكلمن ياخذ حصته
حتى عمو صلاح ياخذ حصته
بس وين يروح ماادري
شكرا لزيارتكم عالم روايات سكيرهوم
