رواية الوجه الاخر للحقيقه الفصل الثاني بقلم جمانه السعيدي
حجي عداي....وصلت للبيت وبديت اقارن الصوره بوجه حفيدي
وهنا اتاكدت هذا الطفل مو ابن اثير
لان شكله نسخه طبق الأصل من حميد
ياسبحان الله سنه وأربع اشهر من مات ابني وكل هذا الوقت وهاي الحيه تلعب علينا
بس وين تروح راح اكشفها وافضحها كدام الناس كلها
ماكو شي يبقى مضموم
حق اثير لازم يرجع حتلو كان ميت
اني اثير اني اخذ حقه مربع منها
لو اثير عايش جان ماتردد لحظه وحده يكشف هاي المصيبه يعني كوثر عدها علاقه ويا حميد من ايام زواجها بااثير
ولله اعلم بعد شنو الشي الي ما نعرفه
الضابط...هسه انت متأكد تريد تشتكي عليها وتمشي بااجراءات هاي القضيه مهما كانت النتائج
حجي عداي...اي متأكد اريد اخذ حق ابني منها اذا ثبت عليها الزنا راح ارفع عليها قضيه ثانيه بلمحمكه
واستيعد البيت والسياره والراتب منها
هذا الخير الي هي عايشه بي ما تستاهله
هذا حميد يمكن طمع بكل هذا الخير وضحك عليها
راح اخذ منها كلشي واشوف اذا راح يبقى وياها لو يعوفها
الضابط....حجي ترا انت ماعندك دليل مجرد تشابه
يمكن تطلع غلطان
حجي عداي...لا مو غلطان اني متأكد من كلامي قلب اب
محروك على ابنه مستحيل يخطى امشي بكل الاجرائات الازمه واني مستعد اتحمل كلشي
جمانه السعيدي
الضابط خلاص براحتك احنا راح نستدعي كوثر ونسمع منها مثل ماسمعنا منك واذا نكرة هذا الشي
راح نلجئ التحليل بس التحليل يتأخر شهر كامل لازم
تعرف هذا الشي
حجي عداي...اي اعرف
الضابط...العنوان والاسم الثلاثي الكوثر
دزت الشرطه تلبيغ الكوثر تحضر لان عليها شكوى
طلع حجي عداي ينتضر برا الحد مااالشرطه اجيب كوثر للمركز
الشرطي دك الباب
كوثر...منو
الشرطه....احنا اختي عليج بلاغ بمركز الشرطه لازم تحضرين ويانا
كوثر....بلاغ بلاغ من منو وعلى شنو
الشرطه...تكدرين تجين ويانا وتعرفين تفاصيل أكثر
يله اختي لا تااخرينا
كوثر....اخي خاف انت غلطان
الشرطه....انت مو كوثر سعيد لأمي
كوثر...اي اني كوثر
الشرطه...يله اختي بسرعه
كوثر...دقيقه بس اتصل على زوجي وعندي طفل زغير اجيبه وياي
الشرطه...لا تتأخرين علينا بسرعه
دخلت كوثر اتصلت بحميد
كوثر...حميد الحك الشرطه بلباب يكولو اكو عليه شكوى
حميد...عليج لو عليه
كوثر...لا عليه
حميد...منو مشتكي
كوثر...مااعرف تعال بسرعه اني مااكدر اروح وحدي لازم تجي وياي
حميد...اي اجيت
كوثر...بسرعه فدوه لان منضر الشرطه برا يخوف
حميد... اي اي اجيت
كوثر غيرت ملابسها وبدلت للطفل شويه ووصل حميد
لكه اكو شرطه ثنيين واكفين بلباب
جمانه السعيدي
حميد..السلام عليكم
الشرطه..عليكم السلام
حميد...ممكن اعرف منو الي اشتكى على زوجتي
الشرطه...انت زوجها
حميد ...اي اني زوجها
الشرطه...جيب زوجتك وتعال وانت تفهم كلشي
دخل حميد للبيت
حميد.....انت شمسويه
كوثر...ما مسويه شي اصلا تفاجئت مثلك
الشرطه دكو الباب حيل
حميد...اي اجينا اجينا
صعد حميد وكوثر بسيارة الشرطه متجهين على المركز
من وصلو تفاجئو حجي عداي بمركز الشرطه
كوثر...شلونك عمو انت ليش هنا شكووو
حجي عداي...مارديت عليها
عيني بقت على حميد والطفل واني اقارن شكلهم وواحد ويا الثاني للمره الخمسين
اكو شعور بداخلي يكووول هذا الطفل مو حفيدي
مستحيل درجة الشبه بينه وبين حميد
مارديت على كوثر وهي بقت عينها عليه
الشرطه تفضلي
تقدمت وحميد شايل الطفل ويمشي وراها
الشرطي ....انت والطفل ابقو هنا من رخصتك
كعد حميد على كرسي مقابل حجي عداي وحتى مااسلمو واحد على الثاني
دخلت كوثر على الضابط
الضابط...اهلا اختي تفضلي
كوثر...حضرت الضابط شكووو ممكن افهم لان متت خوف
الضابط...انتي مسويه شي غلط حتى تموتين خوف
كوثر...لا
الضابط...خلاص اكعدي هنا كم سؤال وترجعين للبيت
كوثر....عمي شعنده هنا
الضابط...عمج مقدم عليج دعوه
كوثر...عمي عمي اني تقصد ابو اثير الي كاعد برا
الضابط....اي هو
عمج عنده شكوى ضدج يكول هذا الطفل مو ابن اثير
ابن حميد
لان اكو شبه فضيع بينه وبين حميد
كوثر...تحجي صدك
الضابط....لا تعرفين اني وياج اصدقاء من زمان وجاي اتشاقى هي هاي السالفه بيها شقى
كوثر...لا طبعا هذا الطفل ابن اثير
الضابط....بس هو متأكد يكول يشبه حميد ما يشبه اثير
كوثر....هذا شبي عمي تخبل اكيد تخبل لان ؤتهمني هيج اتهام
شنو مذكر ابني صار عمره سنه وسبع اشهر بعدين
اني من لحمه ودمه شلون يتهمني هيج اتهام
صدك كبر هذا الرجال وخرف
الضابط....شنو راجعه على هذا الاتهام
كوثر....طبعا لا ابن اثير اني اعرف عمي يكرهني بس مو الهلدرجه هذا اتهام فضيع
كوثر...من رخصتك دقيقه حضرت الضابط
طلعت كوثر من غرفة التحقيق وراحت اجيب ابنها
كوثر...انطيني حمودي
حميد...ليش عوفي عندي
كوثر....شألت الطفل والتفت على عمها
بله موعيب عليك جان استحيت اني عرضك لو مااني منك وبيك جاي تطعن بشرفي بعد كل هذا العمر
تريد تتخلى عن حفيدك
عادي كول مااريده كول مااريدكم بس مو توصل بيك
الدرجه تطعن بشرفي
ليش هيج اني شسويت
لان ازوجت وانت ماراضي عليه من حقي ازوج حالي حال كل البنات
حجي عداي...ابد مارد عليها
وحميد كعد وبقه يخنزر بحجي عداي
وكوثر اخذت الطفل ورجعت الغرفه التحقيق
كوثر ...دخلت كعدت تفضل حضرت الضابط هذا ابني
شوف شلون نسخه مني
شلون يشبه حميد اني وحميد صار اربع أشهر بس من ازوجنا شوف انت شوف بعينك شلون نسخه مني
الضابط...يعني انتي تنكرين هذا الاتهام
كوثر...طبعا انكر وين اكو هيج شي اني انسانه صايمه مصليه اخاف ربي
بس اني اعرف عمي ليش اتهمني هيج اتهام
عمي من يوم ازوجنا اني واثير
وطلعنا بيتنا هو ضاج مني
لان اثير ابن الجبير والولد الوحيد بلعائله رغم اثير جان
ساكن بهذا البيت هو وزوجته السابقه
جمانه السعيدي
الضابط...اثير كان مزوج وحده قبلج
كوثر...اي عاش وياها ٣ سنوات ورب العالمين ماقسم الهم يصير عدهم طفل
وكانت مشاكلهم ما تنتهي انفصل عنها وانطاها حقوقها وراحت بيت اهلها
الضابط.. من بعدها ازوجوتو انتي وياااا
كوثر...اني راح اججيلك القصه
اني من بغداد من عائله متوسطة الدخل احنا ثنيبن ولد وثنيين بنات من غيري ابوي الله يرحمه كان يشتغل مصلح
يعني يادوب ناكل ونشرب
اختي الجبيره ازوجت بالاعداديه وتركت الدوام
الثانيه كوه خلصت معهد وزوجت
اخواني واحد عسكري وواحد يشتغل وياا ابوي
امي ربت بيت بسيطه
اني طلع قبولي بهاي المحافظه
بلبدايه ابوي ماقبل اداوم لان محافظه ثانيه ومصاريف
وهو مايكدر على هاي المصاريف
بس اني بقيت ابجي واتوسل بي حتى يقبل اداوم اني احب اكمل دراستي اختي الجبيره دائما تحجي بندم لان تركت الدوام وزوجت
وهم وضع زوجها المادي مو شي
اني قررت لازم اكمل واتوظف واصرف على نفسي
ابوي الله يرحمه من شافني هيج متمسكه بلدوام
جابني اجا هنا حتى يشوف بيت الطالبات الي راح اعيش بي وشلون الوضع وشكد راح يصرف عليه
ماكان مقتنع بلدوام ورادني اشوف الصعوبات حتى اني ابطل من نفسي من الدوام
قبل لا نجي ابوي اتصل على عمي حجي عداي
حتى ينتضرنا لان احنا ما نندل بهاي المحافظه
فعلا وصلنا ولكينا منتضرنا فرح بينا حيل
راح ويانا للجامعه وقدمت اوراقي
من كملت ابوي سئل عن بيت الطالبات او القسم حتى يتاكد كلشي تمام
بس عمو عداي ابد ما قبل
حجي عداي...ابد لا تحجي شنو تخليها بقسم وبيتنا موجود
احنا منو عدنا اثير كاعد بيته هو وزوجته
باقيه بس ليلى بلبيت والحجيه
ليلى اداوم بنفس هاي الجامعه مرحله ثالثه
يرحن ويرجعن سوا هي وكوثر بيتنا مفتوح وكوثر مثل بنتي
الصراحه الوضع حيل عجب ابوي
راح يكون مطمن عليه بيت عمي
وهم المصاريف راح تكون قليله علي لان راح اكل واشرب بهذا البيت
بقت بس الملابس والخط
ابوي وافق اما اني كنت مستعده الاي شي بس اداوم
من وصلنا البيت عمي كان البيت فخم ومرتب وعمي صاعد
سياره حديثه
قدملونا اكل أشكال واللوان
خالتي وليلى فرحن بيه حيل
قررت ارجع وياا بابا اجيب ملابسي وغراضي اجي
حتى اداوم هنا
شكرا لزيارتكم عالم روايات سكيرهوم
