رواية الوجه الاخر للحقيقه الفصل الثالث بقلم جمانه السعيدي
كوثر....رجعت وياا بابا وحضرت نفسي ويا بداية الدوام واجيت بيت عمو عداي
كان الترحيب بيه موطبيعي واني وليلى كعدنا بغرفتها
انطتني خانه من الكنتور وعمي عداي جابلي سرير
كنت اكثر من مرتاحه بيتهم
وكانما عايشه بيتنا
كل يوم اتصل اطمن على اهلي ماكنت انزل هواي
على بيت اهلي كل شهر انزل مره مرات شهرين ابوي يدزلي مصرف عمو عداي كان ينطيني مصرف وياا ليلى
اني كنت اقتصد بلمصرف حيل
اول مره شفت اثير بيت اهله كان بعد اربع ايام من وصلت بيتهم
كان مجرد تعارف وسلام عادي بينا
اغلب الوقت يجي بليل هو وزوجته البيت اهله لان هو موضف هي موضفه
ماعدهم وقت بس بليل يعني مره يجي هو وزوجته
ومره يجي وحده
اني مالي علاقه بي مجرد سلام عادي بينا
ومرات مااطلع من الغرفه
يعني اني وياا ماكان بينا اي شي
بس كنت اسمع بيت عمو عداي دائما يحجون اكو مشاكل بينا وبين زوجته
وموضوع الأطفال اتأخر بلنسبه الهم
الضابط .....شنو نوع المشاكل مثلا ايجوز الها علاقه
بمقتل اثير
كوثر...لا اثير ماانقتل عمد مجرد حادث وواحد متهور
ضربه بدراجه ونهزم
الضابط...بس حجي عداي يكول قتل متعمد
كوثر...الله يسامحه عمو عداي كل شغله يخليها بعقله
يكبرها ويسويها قصه
تعرف رجال جبير وكاعد لا شغل ولا عمل والوضع المادي ممتاز
يبقى ياالف قصص ويكبر المواضيع جمانه السعيدي
الضابط...بعدين كملي شلون بدت المشاكل بينج وبين عمج
كوثر....اول سنه خلصت عادي اني ماعندي اي شي وياهم
اروح للدوام اني وليلى ونرجع سوه
بلعطله رجعت بيت اهلي
كنت آتواصل ويا بيت عمي بلتليفون واطمن عليهم
حتى عمو عداي وخالتي كانو يتصلون يطمنون عليه
بدت المرحله الثاني
نفس الشي جبت ملابسي وشغلاتي واجيت بيت عمو
بهاي الفتره بدا اثير يتردد على البيت هواي
اكثر من قبل
والبيت عباره عن كلام عن مشاكل اثير ويه زوجته
طبعا اني مالي علاقه الموضوع ما يخصني
بس بديت الاحظ اثير دائما عينه عليه ويحاول يحجي وياي عن دراستي عن اهلي
اني مااكدر اجاهله
لان اني عايشه بيتهم
وهو اغلب الوقت بيت اهله
لان بلفتره الاخيره زوجته زعلت بيت اهلها
هو وياها وصلو الطريق مسدود
كوثر...اني بديت اتعاطف ويااا واحاول اخذ وانطي وياا بلكلام
من باب احس هو مظلوم بهاي الزواجه
هلكد مااهله يحجون على زوجته جمانه السعيدي
يعني زوجت اثير عايشه بكل هذا الخير وابد ماحامده ربها وشاكرته
من نرجع من الدوام اني وليلى يصادف هو يرجع ويانا
من الدوام
نكعد نتغدا سوا هو يسئلنا عن تفاصيل يومنا
واحنا هم نسئله
كم سالفه على ضحكه
بدت الحواجز بيني وبينه تنهار شويه شويه
اي شي يشتري الاخته يشتريلي ويااا
طبعا ليلى كانت اتلمح هو يشتري هاي الأشياء علمودي
وهو مهتم بوجودي
اني الصراحه كنت اعرف
يعني احنا البنات نكدر نميز الاهتمام والحب
هو بدت مشاعره تتغير
وبدا يهتم اكثر
من يرجع بليل يجي الغرفتنا يكعد يحجي ويانا شويه
ويجيب النا حلويات لو كرزات
مره جابلي عطر بعيد ميلادي مااعرف شلون هو عرف عبد ميلادي يمكن من ليلى عرف جمانه السعيدي
بهاي السنه انفصل اثير عن زوجته
انفصلو عن تراضي
اخذت كل حقوقها
اثير عاف بيته واجا كعد بيت عمو اثير رجع الغرفته القديمه
وهيج اني ويااا علاقتنا بدت تقوى اكثر واكثر
اهتمامه بيه صار واضح وكل الي بلبيت يعرفون بهذا الاهتمام
الكل يعرف هو معجب بيه
بيوم من الايام اتفق هو وليلى نطلع برا نتونس
بيومها وصل ليلى البيت اختها المزوجه
كوثر....هااا احنا جايين على لمى
اثير....لا احنا جايين نحجي سوا اني وياج
كوثر...شنو مافهمت
اثير...لا فهمتي زين
كوثر...لا ما فهمت
اثير...انتي يابت عمي حيل عاجبتني واريد اشوف اذا تقبلين اتقدملج ونتزوج
كوثر...الصراحه انت ما تتعيب بس الرائي الاخير الاهلي
اثير....يعني انتي موافقه
كوثر....اني موافقه
بقينا نتمشى اني ويااا بعدين رجعنا على ليلى جبناها واجينا للبيت
اثير ما صبر بليتلها فتح هذا الموضوع ويا عمي حجي عداي
كلهم كانو موافقين على هاي الزواجه
وخاصه اثير جان طالع من زواجه فاشله كلشي ماحصل منها
اعتبرو هذا الزواج رد اعتبار الاثير لان زوجته عافته
بنهاية السنه اجو بيت عمي طلبو ايدي من اهلي
ابوي كان بوقتها موجود قبل لا يتوفه الله يرحمه
اهلي راسا وافقو لان بيت عمي ما يتعوضون ابد
وخاصه اثير مثقف وراقي وعنده بيت وضيفه وسياره
اول زواجنا ازوجنا بيت عمي
لان اني كنت طالبه ومااكدر على مسؤلية البيت والدوام
وعمي هم ماكان حاب نطلع من بيتهم
خاصه ليلى تخرجت ونخطبت بهاي الفتره
انخطبت بغير محافظه ولد يدرس وياها بلجامعه عجبته وطلب ايدها
عمي وافق علي
عمي كان يريدنا نبقى وياهم بلبيت
تعرف رجال جبير وخالتي بعد ماتكدر
اول سنتين زواج بقينا وياهم بلبيت
بعدين اني طلعت حامل وكنت حابه استقل بيت وحدي
وخاصه من خلصت جامعه
بس عمي كان معارض هاي الفكره
اني كنت شايله مسؤلية هذا الببت الجبير
طبخ تنضيف
وخطار شكد يجي عليهم خطار
كنت فرحانه بحملي وخاصه اجا هذا الحمل بعد سنتين
من المراجعات والدكاترة
ماكنت كادره اشيل كل هاي المسؤليه
صممت اعيش وحدي
واثير كان موافقني هذا الرائي
رحنا عشنا بيتنا هذا البيت الي احنا هسه عايشين بي
جمانه السعيدي
من هاي اللحظه عمي كرهني
ابد ما يطيق وجودي
عمي يعتقد زوجت اثير الاولى اتمردت لان عايشه وحدها
لان ماكو عليها رقيب
لذلك جان رافض فكرة اطلع من بيتهم
وخاصه بعد ما البنات ازوجن والبيت صار فارغ عليهم
شكد حاول يغير اثير عليه
ويرجعنا للبيت بس اني ما قبلت
بيتي انام واكعد بكيفي والاكل كله من برا
ليش ارجع بيت عمي للتعب والشغل
بعد ماولدت ابني بشهرين اتوفا اثير بحادث
عمي مصمم اثير مات بسببي لان اني طلعته من بيتهم
يعني اذا كان باقي عايش بيت اهله
ماكان راح يموت ابد
هذا الشي عمي مقتنع بي
كرهني عمي كلش كرهني
يمشي ويحجي عليه بكل مكان
ولمن اتقدملي حميد تخبل اكثر وحاربني لان اريد ازوج
بس صدك ماجنت متوقعه
توصل بي الدرجه يتهمني هيج اتهام
الضابط...اذا حجي عداي صمم على هاي الدعوه راح
نحولكم للتحليل
كوثر....عادي اني ماعندي شي اخاف علي مستعده الاي شي حتى اثبت برائتي
ولو هيج قضيه راح تنتشر بسرعه واني اوكع بلرجلين
وسمعتي اصير على كل السان
بس مااكدر اقنع هذا الرجال اني ما مسويه شي غلط
عمي بعده حاقد عليه
ومراح يعوفني بحالي ابد
اذا وصلت بي يتهمني بشرفي كلشي اتوقع منه
الضابط...عوفي رقمج ورقم زوجج اذا جد.شي بهاي القضيه او حددنا يوم ترحون بي البغداد علمود التحليل
