 |
رواية ملاك في حصن عز الفصل الثاني
- طب اسمعي يا ملاك! انتي هتديني فرصه وهتتكلمي معايا و كويس و بدون عنادك ده هتقعدي شهر مش هضايقك ابدا جربي لو مرتحتيش هطلقك وهسيبك حره ومش هشتوفيني تاني ابدا ها موافقه؟
= وانا اية يضمنلي انك هتسبني فحالي بعدها
- بوعدك لو محبتنيش هسيبك لو.
= مش متأكده اني هستحملك شهر يا عز
ضحكت بغلب - هنزل اجبلك اكل عشان نظبط السكر وهتمشي عالعلاج ها
ملاك وهي بتبرطم : وهتمشي عالعلاج
عز بحب : والف سلامه عليكي يا ملاكي.
خرج من الاوضهه بعدين بصلها واتكلم : هسيب الباب وهنزل اشتري علاجك و اها صح مش هتعرفي تهربي وانا مش هنا في حراسه عالقصر
بصتله بتوعد و هو ابتسم ليها وخرج
" ازيكم انا ملاك هقطع عليكم المشهد الجميل ده حابه اقول اني مش واثقه فالبني ادم الغبي ده واحد فالميه حتي انا اصلا متأكده انوه نيته وحشه ناحيتي او يمكن انا غلط؟طب الشارع علمني مثقش فى حد اعمل اي؟ وبعدين مفيش حد زي عز ده يعمل كل دا لوحده زي انا؟ ولا انتم اية رأيكم؟"
ملاك نزلت تتفرج عالقصر الى يعتبر تحفه فنيه رجلها خدتها عند الباب وفتحت لقت حراسه بعدد شعر راسها فعلا وكلاب وعربيات وعالم كبير اوي عليها قفلت الباب واتنهدت بتعب وفقدان امل ولفت لقت فاطمه الداده بتتكلم بأبتسامه دافيه
- انتي كويسة يابنتي؟!
= اها هو انتي مامت عز!؟
- وهي امه برضو هتبقي بتخدمه انا الداده بتاعته
= الشحط ده
ضحكت - انا شغاله هنا بعمل اكل وحاجات فالبيت بس هو بيعزني فا معتبرني الداده بتاعته
اتكلمت بسخريه فسرها : قال يعني طيب اوي الواد يمكن خاطفها هي كمان !
- خدي دول غيري فيهم يا حببتي
= اية دا كمان كل دي هدوم يطلع بكام اللبس ده!
- انتي مراته يعيش ويجيبلك وتعيشي وتلبسي
رتبت على كتفها بلامبالا = انا مش مرات حد انا مخطوفه لو مقلكيش يعني وكمان انا من الشارع يعني انتي احسن مني انا كنت ببيع مناديل فى الإشارات
خت اللبس ومشيت من قدامها دخلت الحمام معرفش البتاع ده بينزل مياه منين ! فا اضطريت اطلب مساعده وانا بكره كدا اوي ناديت عليها
- احمم هو الى المياه بتنزل منين
= الدش؟
- تقريبا اها
= تعالي هشغلهولك
شغلته وعرفتني بيطفي ويشتغل ازاي وكانت لطيف!
- هو حضرتك لوحدك فالبيت؟
= لا عز بيجيب بنتين تانين كل فتره يشوفوا البيت بس مش اي حد لانه معروف وساعات بيتعرض لخطر
- امممم
جربت اشغل الدش تاني واتفتح وانا وهي اتغرقتا
ضحكت جامد على شكلنا - انا اسفه بجد
ضحكت هي كمان = بسم الله ماشاء الله يبنتي ضحكتك بالدنيا ، فداكي
حسيت اني حبتها اوي وكلامها كله حنان - غيري بقي لحسن تخدي برد يا.
سكت وانا مش عارفه اقول فا ردت عليا
= تقولولي يا داده زي عز؟
- بجد ؟
= اكيد ، خديلك دش بقي وغيري يا روحي
خرجت وسابتني كنت مكسوفه جدا بس حاولت اخد حمام كويس واللبس وابقي جميلة لاني عاوزة ده قفلت الباب وسمعت تكه لكن مشغلتش بالي
_____________
- يا داده
= جيت اخيرا شوفتك ماشي من غير حراستك يا عز ؟
- كنت بجبلها الشوكلاتات دي تفتكري هتخدهم، واها صح اخدت الهدوم؟
= ايوا وبتاخد حمام فوق اهي
- بجد! كويس جدا طيب انا هطلع
دخلت الاوضه و قربت ناحيه الحمام
وسمعتها بتغني فضلت وراه الباب مستمتع بصوتها لحد ما المياه وقفت عرفت انها هتخرج فات دقايق وبعدين سمعتها بتكلم نفسها؟!
انا مش فاكره قفلت الباب ازاي! اوف اية النظام الغبي ده هخرج ازاي دلوقتي شكلي اتحبست
ملاك بقلق - يا داده يا داااااااده
الداده دخلت ولسه هتتكلم شاورتلها تخرج ورديت انا
= محتاجه حاجه يا ملاك
بخضه - هااا! انت عندك من امته؟
عز بخبث = لسه جي!
- طب الباب مقفول خرجني!
= منتي قافله من عندك يا ملاك
- لا مقفلتش
= في تكه من عندك اعمليها هيتفتح
- مفيش حاجه اتصرف وافتحلي انا مبحبش افضل كتير فى اماكن مقفوله!!
= طيب اهدي تحت الاوكره في دايره اضغطي عليها
ملااااك!!
- في ايييه بتزعق كدا ليه !!
= ردي عليا متخضنيش!
- انا حاسه ان نفسي بيروح مش قادره يا عز
انا دوست عليها وبعدين
= حاولي تهدي لفيها براحه هتسمعي التكه وهفتحلك
عملت كدا فعلا واول ما سمعت التكه بتاعت الباب فتحتلها بسرعه وقربت بقلق لمست وشها بأيدي - انتي كويسه ؟
اتوترت من قربي واتفاجئت فا بعدت مسافه
= حاسه ب اية ؟
- كويسه خلاص
لاحظت الهدوم الى حرفيا كانها معموله عشانها وشعرها الطويل المبلول
- انت بتبصلي كدا ليه؟
= عشان شكلك حلو مثلا؟
بصت فكل حته فى الاوضه الا ليا فا غيرت الموضوع
- احم بصي جبتلك اية
= اية كل ده! انت اشتريت شوكلاتة المحل كله
- ميغلوش عليكي.
خدي ده كمان
فتحته واتفاجئت= فستان!؟
- اممم عندي حفله انهارده وعاوزك معايا
= عاوزاني انا ؟
- اكيد مش مراتي
بصتله بعبث وضيقت عيونها = هممم
- وبعدين خدي علاجك واهتمي بنفسك شوية انا هخرج بقي لحد ما تقيسي الفستان عشان لو في حاجه مع اني حاسس انوه اتعمل عشانك
خرج وانا مكنتش عارفه اتنفس من كم المفاجأت!
واحد زي عز ده هخدني انا حفله يلهوي! يلهوي تانى
كنت بقيس الفستان وفعلا كلن مناسب اوي لونه كان اسود وبيلمع وفي شيفون منفوش خفيف خالص ورقيق اوي سمعت خبطه عالباب واتوترت استخبيت
وراه الباب بسرعه : اوعي تفتح
- خلاص خلاص خدي راحتك
سمعته بيمشي هو بيحترمني اوي عز مفهوش عيب انا عارفه من فتره قليله حوالي اسبوع بالظبط كان نازل من عربيته وسايب الحرس و وقف عالنيل عالكوبري كان بيطلع بخاخه الاكسجين بتاعته و وقعت منه كنت متابعه من بعيد ولاقيته بيتخنق جريت بسرعه وناولتها لي وقدر يتنفس قام وبصلي بنظره مش هنساها كأنه كان شايف ملاك فعلا مش بني ادمه ومن يومها بيجي يشوفني وبيشتري مني حاجات وبيتكلم معايا لحد اخر يوم فى الاسبوع اعترف لي بحبه كنت رافضه الفكره وعارفه ان ده مجرد عطف انا كنت بتعامل على الأساس ده منكرش اني حبيت طيبته وحنيته وقلبهه حبيته اها لكن عارفه حجمي و عارفه مكاني، مكاني الشارع وعمري ما هكون زيه.
نزلت اشوفه بعد ما قلعت الفستان
- هاه طلع مظبوط؟
= اها
- مخلتنيش اشوفه ليه؟
= أ.. كده
- في واحد صحبي جي دلوقتي اطلعي انتي
= ليه بقي هو انا هستخبي
رفع حاجبه - ممكن تغيري وانزلي انما متقعدليش بالهدوم دي قدامه؟؟
قاطعنا خبط عالباب فا بصلي = اطلعي يلا
- اوف طالعه
= كلميني بقرف حلو
- براحتي
= طب حلو استني بعد ما يمشي
- متعرفش تعمل حاجه
هوشتها فا جريت على فوق وانا ضحكت وروحت افتح
= وحشتنييييييي
- اخيرا يا اخويا ؟!
= والله كنت هاجي بس فهمني اية الهزار البايخ ده بعتلي مسدج تقولي اتجوزت ؟
- هزار ؟ يلا ياعبيط هو انا ههزر
= انت بجد اتجوزتها
- ايوا
= الله يخربيت ابوك يا عز عملتها ازاي دي خطفتها
- انت بتقول فيها عملت كدا فعلا وطلبت منها تديني فرصه فى الاول كانت هتهرب وبعدين وافقت تقريبا يعني.
= انا مش مستوعب اقنعتها ازاي
- سحر عز الخاص
= بتحبها اوي كدا ؟
- وقعتني على عيني يا ادهم
= مش عارف اقولك يارب تبقي من نصيبك لانك جبتها على عينها اهي هي كمان
ضحكت - حاسس انها ممكن تحبني
= ربنا يريح قلبك يا صاحبي المهم دي بدله الحفله متتأخرش وابقي هاتها معاك بقي
- عيب عليك المهم متكسفناش انا اول مره اسبلك حاجه في الشركه تعملها لوحدك معلش بقي
= عيب عليك احنا اخوات ومتقلقش هشرفك وشرفني انت بقي وهات القمورة معاك
- مالك بيها ياض
= مرات اخويا وعايز اسلم عليها وانت مالك!
ضحكت - ماشي ياعم
= همشي بقي ونتقابل بليل
- اتفقنا باي يا حبيبي
_____________________
خرج ادهم وهوا ماشي بالعربية بتاعته وطبعا مستعجل عشان ترتيب الحفله لانها تبع شركته هو و عز وعز طلب منه يرتبها بنفسه
وفي لحظه خبط بعربيته في عربية واحده
- ينهار اسووووو.د
نزل جري منها وبص فالعربيه لقي بنت - ينهار اسو. د انتي كويسة اية بص بصدمه ا.حيه اية الدم ده انتي سمعاني؟؟!
فالمستشفي"
- طمني ارجوك يا دكتور
= متقلقش ده جرح بسيط وسطحي المدام بس عندها فوبيا من الدم فا اغم عليها لما شافته
- فوبيا والمدام مع بعض طب استاذن انا عشان ابص عليها
دخلت ولقتها قمر لا حقيقي قمر والشاش الى على راسها مخليها قمرين اية دا
- انا حقيقي اسف انا مستعد لاي حاجه حضرتك تطلبيها بجد والف سلامه عليكي ، انتي سمعاني ولا لسه تعبانه ولا اية
= انا كويسة
- طب حضرتك انا ادهم وتحت امرك في اي حاجه
= حصل خير
كنت سرحان فعيونها وبرأتها ولكن فوقت على صوتها - مش فاهم طب الخبطه الى فى العربيه ودماغك و
قاطعتني = انا كمان مكنتش مركزه فالطريق فا حصل خير بقي ممكن تمشي وشكرا عشان جبتني هنا
- انا معملتس حاجه ده واجبي. يعني مش هتعملي اي حاجه يا اسمك اية ؟
ابتسمت = اسمي كارما وبعدين لا هعمل اية
- هو ممكن رقمك؟
بصتلي بستغراب واتفاجئت
- انا اسف يعني بس حابب ابقي اطمن عليكي لو ينفع ومش هتدايقي
ابتسمت تانى وكنت عاوز اكلها طيب
_______________________
" بليل فى قصر عز "
- يا ملاك؟ ما تنزلي بقي
= عز
بصيت ورايا واتصدمت
