 |
رواية ملاك في حصن عز الفصل الثالث
- يا ملاك!؟
بصيت ورايا واتصدمت : اية الى لابسة ده !
= الفستان
- مانا عارف انوه الفستان يا ملاك انتي حطه عليه جاكيت قدك اية كل دا اقلعيه
= اقلعه؟
- يبنتي اخلصي وريني الفستان
بتوتر : طيب طيب
شالت الجاكيت وعز اتصدم من جمالها وجمال الفستان عليها
- حلو؟ احمم يا عز بكلمك ؟ حلو ولا اية
رد و هو سرحان = هو حلو بس!
ملاك بتردد : يعني شكلي جميل
عز بص لعيونها : انتي اجمل حد شافته عنيا
مسك ايدها وباسها بحب
عز فى نفسه : كان مفروض اخبيكي مكنتش اعرف انوه هيبقي كدة ابدا
- طب يلا بينا بقي
نزلوا سوا و وصلوا الحفله الى كانت على اعلي مستوي و ملاك متابعه ومبهوره وعز مركز معاها هي وبس
مسك اديها ودخلوا وكل شوية حد يسلم عليه وعز يسلم ويعرفهم على ملاك وهو فخور بيها وهي مكنتش مصدقه لحد ما قرب ادهم واتكلم بسرعه
- اهلا اهلا بالعروسه منوره الحفله اقسم بالله اية القمر ده
ملاك بصت لعز بأستفهام
= يبني خضتها براحه اية مسوره ده ادهم الى قولتلك عليه ياستي يبقي اكتر من اخويا وناوي اتبرا منه قريب
ملاك ضحكت وسلمت على أدهم
- مبسوطه ولا اية لو زعلك ولا عمل حاجه عرفيني؟
= ياض خليك فحالك ملكش دعوا بيها مش هزعلها اصلا
- ياعم ماشي ربنا يخليكم لبعض
كانوا بيضحكوا ولسه ادهم بيمشي ولكن عز قعد يكح فجاه فا رجع ملاك وادهم اتخضوا و ملاك افتكرت ان عنده
ربو : البخاخه فين !!!! هي فين يا عز جريت على العربيه تدور لما مقدرش يتكلم وادهم ماسكه بقلق وبيطلع موبايله رجعت ملاك بسرعه بالبخاخه بدات تنعشه بيها وهو على الارض في حضنها و ادهم بيدي الاسعاف العنوان
- عز خليك معايا فوق يا عز خليك معايا عشان خاطري عز!!!!
_____________________
" فالمستشفى "
عز قاعد وبيتنفس من خلال انبوبه اكسجين وبعدين شالها بتعب : ممكن خلاص بقي
ادهم بعصبيه : انت بتشلها ليه رجعها
عز : ادهم انا تعبان
ادهم بحنيه : طب رجعها عشان خاطري
عز : يبني عايز اخرج انا بقيت تمام انا بتعب وانا هنا انت عارف كويس يا ادهم
ادهم هز راسه وسنده
عز : انا لسه بصحتي ياض! اوعي كدا
ادهم : ياخي بقي خضتني عليك اتهد
عز ابتسم : متقلقش
عز بص لملاك الى كانت ساكته وميعرفش مالها
روح القصر وادهم سابه بعد ما اطمن عليه وكانت ملاك قاعده جمبه
ملاك : أ.. انت كويس؟
عز مسك ايديها : ايوا متخافيش بس خليكي
ملاك : اصل
عز : خايفه؟
ملاك : انا اصلا مش متعوده انام لوحدي كنت هنام جمبك عالكنبه
عز بحنان : خليكي جمبي وانا هطمنك
ملاك قربت تنام واتغطت وسابت بينهم مسافه متعرفش هي ليه هتنام جمبه يمكن فعلا عاوزه تحس بالامان!
عز بصلها بعد ما راحت فالنوم وخدها في حضنه وفضل يدقق في ملامحها الجميله بحب و باسها وبعدين راح فالنوم
_____________________
* تاني يوم *
- عز عز !! يا عز ؟
بصيت جمبي لقيتها فا ابتسمت تلقائي = ده صباح القمر
- عز في حد بيرزع عالباب ده هيتكسره
عز مسح على وشه : ادهم الغبي انا نازل كملي نوم انتى
= لا انا صاحيه من بدري
عز بخبث : امال قاعده كل ده جمبي؟
ملاك بتوتر : ها؟؟
عز ضحك : هنزله واجيلك يا قطه.
ملاك في سرها : غبيه غبيييييه
عز نزل ولقي الداده بتفتح وادهم داخل
عز : ياشيخ بقي يا شيخ!
ادهم : وحشتني عايز اية!
عز : اية الازعاج ده
ادهم : اخس عليك الجواز غيرك يا ادهوم
عز : ياخي عبالك ما نلاقي واحده تلمك ، ادهم خلي بالك ان ملاك فوق ها مش ناقصه تسرعهالي
ادهم : يا حنين!!
عز : اخلص طبيت عليا ليه
ادهم : موضوع مهم اوي غايه في الخطورة
وانا ارجع من عندك خبطت عربيه واحده وفتحت دماغها
عز بخضه : الله يخربيت ابوك وهربت!!
ادهم: تعرف عني كدا؟ انا جنتل يابني
وبدء ادهم يقوله كل حاجه
عز : وطبعا انت وقعت! هي اسمها اية صح
ادهم : اها نبيه يخويا اسمها كارما وخت رقمها وبعدين اصلك مشوفتهاش ملاك نازل من السما رقه وجمال وهدوء واحترام كله
عز : عرفت مخطوبه ولا لاء؟
ادهم بغباء : اية
عز ضحك : عبيط دا انت ناقص تختار لو الستاير واسامي العيال ومتعرفش هي مرتبطه بحد ولا لاء
بس عمتن سبها عليا ياعم هات رقمها
ادهم : نعم هتاخد البت مني ؟
عز : طب بلاش
ادهم ضحك : خلاص خلاص
عز : يومين وتبقي اخبرها عندك
ادهم باسه بسرعه : حبيب قلبي والله سلملي على مرات اخويا سلام هاروح الشركه فوق كدا وتعالي في شغل متلتل
عز وهوا بيطمطع : انا عريس وعندي اجازه
ادهم: ادلع ادلع نورسين جايه انهارده وفي اجتماع يخويا
عز بقرف : اوف ياخي طيب
ادهم مشي وعز عمل مكالمه لواحد يعرفه
وبعدين ملاك نزلت
عز : مالك؟
ملاك : مفيش انت بقيت كويس
عز : اها
ملاك بغيظ : ياريت تحط البخاخه في جيبك بعد كدا
عز ابتسم : الاه؟
ملاك : عشان دي مش اول مره يعني
عز قرب منها وبص في عيونها : حاضر ياستي انتي تؤمري تعالي معايا ننزل نشتري حاجات
ملاك : علفكره يا عز ادهم بيحبك اوي
عز بستغراب : عارف بس بتقوليلي ليه
ملاك : وانت فالمستشفي كان خايف و مرعوب عليك قولتله يطمن قالي اخد بالي منك ومسبكش ابدا ياريت تحافظ عليه لانه فعلا بيحبك بجد
عز باس ايديها : طب مفيش حد تاني كدا و لا كدا بيحبني
ملاك ضحكت على طريقته : مش عارفه هطلع اغير عشان ننزل ماشي
عز : ماشي ماشي
ملاك غيرت ونزلت وبعدين ركبوا العربيه و عز طلع
على مول كبير
- اية ده عز انت هتعمل اية هنا ؟
= هتشتري كل الى عاوزه
- بس المكان كبير اوي متيجي نروح سوبر ماركت
= هنا احسن تعالي هنلف سوا
بدات فعلا تلف مع عز الى كل شوية يوريها حاجات ويشتريهالها انما هي متوتره وكل دقيقه تبصله وتتأكد انوه جمبها كأنه هيمشي
- - ملاك بقولك هاروح اشوف حاجه في محل هناك ثواني
ملاك : ماشي
عز مشي وهي فجاه فكرت تهرب وهي لوحدها وفكرت ان دي احسن فرصه بالنسبالها عشان تتخلص من عز وتهرب ولكن فجاه لغت الفكره ومقدرتش تعملها وجه مكانها ذكره سيئة جدا بالنسبة لملاك فضلت تمشي بسرعه وتبص على عز فكل حته فالمول وهي خايفه لحد ما ظهر قدمها مره واحده فا حضنته جامد وهوا مكنش مستوعب و قلق عليها ولكن حضنها وطبطب عليها
عز : ملاك انتي كويسة؟
خرجت من حضنه : أ.. أنا اسفه أنا مبحبش الزحمه دي ولا بحب ابقي لوحدي انا عايزه اروح
عز قربها تاني منه وحط ايده علي وشها وعايز يطمن ويطمنها : متتأسفيش ابدا اهدي
لقها لسه متوتره
- طيب تعالي نمشي
وصلوا القصر وهي طلعت الاوضه بسرعه بعد محاولات عز فالعربيه انه يعرف مالها ورفضت
عز دخل و شاف الداده
: يا داده ممكن اتكلم معاكي
- ايوا يحبيبي اكيد
= هو انا غلطت لما جبت ملاك هنا غصب عنها واتجوزتها من غير موافقتها كمان
بصتله بستغراب- مالك يا عز ؟
= حاسس اني تعبت وهي مش بتحبني يمكن مفكرتش فكل ده لاني كنت عاوزها لاني بحبها بس مش قادر افهمها
- اتكلموا يحبيبي
= في اية و ازاي هي مش بتفتحلي قلبها
- بالحنيه و الود اسالها وحسسها انك عايز تعرف ومهتم وادلها الامان هتحكيلك حاول تخليها تثق فيك
______________________
عز طلع اوضتها وخبط ومقرر يتكلم معاها ويعرف في اي وبيحاول يهدي
- عز ؟
= مش هتقولي مالك بقي
- انا كويسة
= بس انا مش حاسس ب دا
- هو انت بتحس بيا
= الى بيحب حد بيبقي عارفه
ملاك اتكسفت وبصت للارض
عز : تعالي نتكلم مع بعض بصراحه محدش فينا يعرف معلومات عن التاني الا حاجات بسيطه جدا صح
- ايوا
= هبدء انا . تعرفي لما قولتلي ان ادهم بيحبني جدا وقولتلك عارف اكيد استغربتي من ثقتي بس ادهم ده اخويا احنا الاتنين كنا في ملجأ سوا من صغرنا ولما كبرنا الملجأ خلاه كل واحد يعيش مع اسره اتبنته وبعدنا وبعدها عرفت مكانه لما هربت منهم وهوا كمان هرب وبدئنا مع بعض كل الى انتي شيفاه ده احنا كنا بنموت نفسنا مش بنام عشان نحقق احلامنا سوا ونفضل جمب بعض لان محدش فينا لي غير التاني محدش كان لي اهل
ملاك دموعها نزلت وهوا قرب مسحهم بحنيه وطبطب عليها
كانت مصدومه ومش مصدقه - انا مكنتش اعرف انك من ملجأ ولا حد مستحيل يتخيل كدا
= هو محدش يعرف خالص اصلا
- و ليه قولتلي؟
= يمكن عشان محتاج احكي وحابب احكي معاكي انتي!
ملاك مردتش ولكن بدات تفتكر وتتكلم - انا كان عندي صاحبه زيك كدة مكناش نفرق عنك انت و ادهم كنا اصحاب اوي ومش بنبعد عن بعض لحد ما يوم دخلنا مول نبيع فيه حاجات عادي ولكن شكلنا كان باين اننا من الشارع فجأه الامن شافنا في لمح البصر شدوها وهي بتجري كنت فكراها ورايا وفضلت اجري وانا خايفه وبترعش توهت ومعرفتش ارجع مكانا تاني ولكن
فضلت مستنياها قولت اكيد هتلاقيني مش معقول نفترق فضلت مستنيا ومجتش قضيت عمري كله من غيرها مستنيا ترجع معرفش حصلها اية كنت فالشارع بواجه عالم كامل لوحدي انا مكنش ليا اي حد! كنت بفضل الف عشان بس اللقي مكان ابات فيه
ملاك كانت منهاره تماما وبتعيط وعز عرف سبب انها كانت خايفه وحضنته فالمول الذكره اتعادت تاني قدامها خدها في حضنه وهو مدايق لكل الى شافته والى حصلها
- اهدي يا ملاك انا معاكي اهدي
حاوطها بأيده وهي كانت بتهدي في حضنه ونفسها بينتظم بعد العياط وراه بعضه
- خلاص انا مش عاوزك تعيطي ابدا طول مانا معاكي ؟ مش هيحصلك اي حاجه خلاص؟
= انا وحشه ولا كان عندي ماضي طبيعيي ولا هيبقي عندي انا هفضل كدا مش هقدر اتخطي الى حصلي ده انا وحشه يا عز
- اوعي تقولي كدا ابدا فاهمه ؟ انتي اجمل حد فالدنيا يا ملاك وكل ده هتعديه احنا هنعديه سوا
ملاك بعياط = انا بخاف اتعلق بحد ويسبني ، انا بخاف كل ما افتكر انى فقدت صحبتي الوحيده
- بس انا عمري ما هسيبك
ملاك بصتله و عينيها بتقول انها بتحبه ولكن هي رافضه تنطق : مش هتسبني ابدا
- ابدا. و اوعدك اني هدور على صحبتك انا هلاقيها عشانك
بصتله بمفاجئه= هدور عليها !!
ابتسم وباس خدها - ايوا عشان خاطر عيونك بس
ملاك بسرعه = بس ازاي انا معرفش عنها اي حاجه يا عز هتعرف تلاقيها طب هتعمل اية
- حيلك حيلك انتي متعرفيش اسمها حتي
= لا اعرف
- خلاص اديني اسمها و اي معلومه صغيره تعرفيها عنها او اوصافها كدا ياعني
ملاك حضنته بفرحه من غير متحس
وعز مستمتع جدا : يابختي اتحضنت مرتين انهارده مش عايز حاجه تانى من الدنيا
ملاك بعدت بسرعه بكسوف ولكن هو شدها تاني لحضنه
- تؤ تؤ تؤ اوعي تبعدي عن حضني ابدا
_____________________
" عند ادهم "
- اكيد اكيد اها اللغيلي كل ده دلوقتي عشان الاجتماع مع نورسين تمام ؟
ادهم عمل مكالمه لعز :
- الو يا غلطتي فالحياه
= الو ياعم العاشق انت مجتش ليه كل ده
عز وبص لملاك- طول عمرك بتفصل عليا حاجات جميلة .
= معلش يخويا اخلص قدامك ربع ساعه
- طيب طيب سلام
عز قفل معاه وبص ل ملاك تاني
- هاروح الشغل
ملاك اتقمصت وهوا ميل عليها
: اجبلك شوكولاتة وانا جاي؟
ملاك برخامه : لا شكرا مش عايزه لسه مكلتش الى جبتهم اصلا
عز ضحك : انتي مدايقه ليه تيجي معايا؟
ملاك ابتسمت وفرحت زي العيال : هوا ينفع!
عز : دا انتي تؤمري!!
ملاك : عز انا ب ...
ملاك سكتت فجاه
التسرع هيوديني في ستين الف داهيه يخربيت لساني ده
عز : اية كنتي هتقولي اية؟
بتراجع : لا مفيش خلاص مش لازم اجي بس متسبنيش لوحدي كتير
عز : لا هتيجي هو لعب عيال ولا اية قومي اللبسي
ملاك ضحكت : خلاص بجد مش عاوز اعطلك
عز : انا عاوز اتعطل
شدها وطلع ليها هدوم : يلا اللبسي
ملاك : طب اطلع بره!
عز : طب متخليني؟
ملاك : عز !
- عيونه ؟
ملاك بتوتر : اخرج عشان اغير
- حاضر
وفعلا لبست و راحوا الشركه سوا كان داخل وهو ماسك ايدها وسط نظرات مواظفينه ليهم لكن هو مهتمش
وصلوا مكتبه وهو قعد قصادها عالكرسي : يلا افطري عشان العلاج بقي
= حاضر
عز رفع التلفون بتاع مكتبه : الو يا زنان اديني جيت اهو وفي مكتبي
- طب كويس تعالي على اوضه الميتينج بقي
عز لسه بيتكلم وملاك هتاكل
فجأه الباب اتفتح ودخلت نورسين عليه بغرور ولقت ملاك
- اية القرف ده البت دي بتعمل اية هنا ؟
