رواية عشك فلاح الفصل الثاني بقلم ورود الخالدي
احبتي الرواية الجديدة التي تحمل عنوان عشك فﻻح هي..رواية عراقية..في سطورها خليط من اللهجة البغدادية..والريفية ..تتمحور احداثها..حول فتاة بغدادية جميلة تضطر..للهرب مع والدتها..من مدينتها..الى اقرباء..والدتها..في الريف..وبطلنا هو فﻻح اصيل من الريف..بشخصية فذه...تعرض..لصدمة..في حياته جعلته شخصا..ﻻيثق بأحد وخصوصا...النساء..كيف ستجمعهم الرواية..وكيف ستكون العﻻقة بين شخصين مختلفين..في اﻻفكار..
#البارت الثاني
علي::
كلت ﻻمي خلي البنات يسون ريوك لعمتي..هي فاتت من باب الهول..وانه حاجيت امي من شباج المطبخ..ورديت للديوانية يم ابوي..كلبي يلعب احس اكو شي..عمتي من زمان ماجايتنا يمكن صار عشر سنين اي والله عشر سنين من يوم عرسي..صارت العركة وابوي طرد رجلها..وهاي بتها جانت زغيرة بذاك الوكت..شعجب جايه هيج من الصبح وجهها مخطوف وبتها تكول مستعجلين الشغله موخاليه انه موغشيم...بس فتت يم ابوي كالي:
بوية روح..اعدل الطبر ترة امس العصر هوايش بيت..فرحان فاتن للكاع..وسحكن الطبر..روح بويه اخذ مسحاتك خلي الماي يوصل للزرع..
عرفت من حجي ابوي هو يريدني اطلع مايريدني اسمع الحجي البينه وبين اخته..ﻻن..هو يدري انه من...... انه من الصبح اكعد اعدل الطبر..يعني مامعتاز يكلي..هسه انه شلي غرض يجوز عنده سالفه ويه اخته..طلعت رحت يم الماطور..شفته يعتعت طلعت روحي هاي شلون سالفه..رحت طفيته وسرفنت رداني..وكعدت ارد اشوف شني علته..فتحت صرة الدهن لكيته يابس مابي دهن اي هنا الحجي..رحت عبيتله دهن وشغلته..اي اشتغل بعد ماعتعت..رحت غسلت اديه ورديت للديوانية لكيت ابوي كاعد وحده يتصفن:
هابويه شو..صافن؟
بوية الدنيا تصفن!!
خير بويه خوماكوشي؟؟
تدري عمتك شعدها اجت؟
ﻻبويه شفتك..ماتريدني اسمع طلعت؟
بويه..عمتك..جايه وراها طﻻبة الها اول مالها تالي!
ياستار..شني متعاركة ويه رجلها..يعتي طاكها...هي مسويه شي..لو بتها مسويتلها مكسوره؟
ﻻبوية وين راح بالك كبل فكرت بهالسوالف المبربته!!
جاشني بويه غير انت تكول وراها طﻻبة جايده!
بوية رجلها كاتل..اثنين ازﻻم والحكومة ماخذته..وحتى اخو شارد..وهي هم جايه لهنا شارده هي وبتها بريشاتهن!
شاردة هي وبتها!هنه نسوان شعليهن بالكتل!
بويه صح نسوان..بس هنه وحدهن ابغداد..واهل..المكاتيل مايسكتون مو حسبالك هنا..مثلنا الوادم عشاير..ومايدخلون النسوان بالطﻻيب..بويه هاي بغداد...يعني كل شي بيها..يجوز يفوتون عليهن يكتلوهن لو يكسرون وجوهن..كلشي يصير..
بويه ..اصﻻ السالفة مافاتت..براسي شني رجلها وحده وكتل اثنين ازﻻم..شني..هالمكاتيل..واحدهم خروف نايمله ويكله تعال..اكتلني ..شني هي هيونطة..هسه لوكاتلة واحد معقولة هيج كتلهم ..محد بيهم..كادرلة شني هالعركجي طلع خوش زلمة
ﻻبويه مو الويﻻد المكتولين مو زلم كبار..بعدهم شبابات زغار...واحدهم عمره 17 سنه ...
غير عمتك ماخذتها الشرطة..ومحققين وياهاوسولفتلي!
17سنة..بوية جاذوله فريخات زغار..ليش كاتلهم..هالعار..
تكول سكران ومعيبين عليه بالشارع..راكض وراهم داج اﻻول بركبته..مكومة بالكاع..واﻻخر عود جاي يشكف لصاحبة هم ﻻزمة مدججة بوية سكران مو بعقله؟
شهالحجي بويه شني كاتلهم بالشارع ماكو ﻻناس..ﻻعالم تلزمة تره سالفة ماتتصدك..
اذاكاضلة سجينه..وسكران مني يدنه عليه والناس البشارع كلمن يكول ياروحي..حسبالك اهنا نجفت..عالعركة..ونصير حواييز حتى لو نحصل..سجينه لو طلقة..
وهسه شني بويه تريدني اروح لبغداد اشوف شكو ماكو..انشد بلكت احد..من اهل هالعار يمشي وياي..نحطله محامي..دهر..اسود..
ﻻبويه انت ماتمشي انه باجر من الفجر اطلع وحدي..وانت ﻻتسولف حتى ﻻمك..ﻻتضل بقلق..
ﻻبويه انه اروح..انت هنا ضل؟
كتلك انه اروح انت ضل هنا..من حيث لن رجل عمتك ماعنده احد..بس اخو ابغداد وهم شرد...انه اروح اشكله محامي..وارد
شني محد اله بس اخو شني مكطم؟
اي مكطم بويه هذا واحد مهتلف..هتلي..ماعنده ﻻساس وﻻ اصل
هااااماعنده اصل جا شلون جدي اطا مرة..
غير هاي سوالف جدتك..الله..يرحمها..تعرفت على امه بالزيارة وصارن رفايج..وسوت النه الهور مرك والزور خواشيك..طلعت اهله غناية ومثقفين ومن اهل بغداد بويه ومن رحنه نشدنه الوادم كلها كالت خوش ولد..محد يطي نشد بذاك الوكت
من دريتو بيه مو خوش زلمة جا طلكتوهة منه شني ماعنده جدي خبزة..
ﻻبويه مو عمتك..بساع حبلت..وضلت ماتجينه كل سنه مرة تجي..وﻻتحجي وﻻتشجي..حسبالك حلكها مﻻيم..
هسه ماعلينا بالماضي هو فاس وطاح بالراس..
بويه بس ماتروح وحدك البغداد امشي وياك؟
شني ماروح وحدي شني ولك انه فرخ جاهل..وانت تكلي روح وماروح..اكعد يم اهلك..واسكت..مال الخفك..اي والله مال الخفك..الخفكك..
بويه وعمتي شني راح تضل هنا؟
اي راح تضل هنا هيه وبتها..يجوز رجلها ينسجن ينعدم شمدرينا..جاوين تروح المرة نذبها بالشوارع
بويه شني تضل هنا هي وبتها..احنه ماعدنا..مجان.هنه ثلت اغرف..وحده كاعد بيها انه وابني..واثنين اوﻻدك..ونسوانهم...وحتى زنوبه وزهيرة خطيه كلسا ينامن بمجان...والديوانيه هالتشوف كل سا واحد من ربعك ..جاي....
شو سويتها ضلمة بويه افه..عليك..ليش هيج عينك ضيجة..
ههه..بويه مو عيني ضيجة انت تعرف شي..وانه اعرف شي
شني الماعرفه كلي بويه.. ؟؟
بويه..انت شفتها بت اختك..لو تغشم روحك؟
اي شفتها شبيها؟
بويه تغشم روحك انت..البت جنها وصله من الكمر تكتل كتل..واحنا ثلث ازﻻم بالحوش..هسه خليني انه اولي انكول جبير وشايف وعايف وطالع بهوايه دروب..واعرف الدنيا شبيها..اﻻ اوﻻدك..حسين وحيدر..شلون ..هذول يشوفون وحده بالتلفزيون تخر..سعابيلهم...انوب تكعد..يمهم..هيج وصله..وعلي..بويه يصيرون همه ونسوانهم مكافش من الروس..وانت بعد تعرف..انعام..وحميدة..ماينجرعن وطﻻيبهن عارة
ههههه...وعلي ضحكتني..ولك شلون هيج بساع فكرت..
بويه انه..عود الجبير..المعدل سطرتني سطر..هالنوب ..اوﻻدك..الماشايفين..التبليط..
جا وين نوديهن بويه قابل نطردهن؟
ﻻ نطردهن وﻻ شي..هنه ياخذن ضيافتهن ثلث ايام ..ﻻسبع ايام..هم وانه بيدي اخذهن للبصرة لبيت عمي......
هﻻل..ماعنده احد بناته...كلهن معرسات ..وابنه..طالع معرس..بالكوت..
تحجي صدك انت بويه عمك هﻻل وينه وين الضيم.زلمة معوق وكاعد بعربانه..يصرف عليهن على روحة كل شهر بالمستشفي هو..يريد يموت وحاير بروحه
جا..بويه..اوديهن..لعمتي..تسواهن..ماعدها بس بنات..وفروخها اﻻوﻻد بعدهم زغار..
ولك انت صدك تسودنت..شني اودي اختي اكعدها ابيت تسواهن ..وانه اخوها الجبير شتكول عليه الوادم يريد يخلص منها مكعدها ابيت الزلمة الغريب..وانت تعرف اخوان موحان طابين طالعين على عمتك .تسواهن!
بويه والله حيرتني..شكلك بعد هسه منين اجت هالطﻻبه والله لو عمتي وحدها اخليها ع راسي مو جايبتلي وياها هاي التتنغوص..حتى حجيها مشكلب..ماما..نست..ماما مستعجله..هههه..استفاد
بويه ماعليك..انت كلشي يرهم شو الدنيا حارة بالليل.... ينامن فوك السطح يمنه انه وامك وبالنهار ينزلن لو يكعدن بالهول..لو بالمطبخ..انت بس ﻻتضلمها من..هسه..
خوش جا حضر روحك..لطﻻيب حسين وحيدر ونسوانهم كضلك عصة واكعد بالهول ..حايوز..
جنة:::
فتت جوة..ورة شويه ماما جتي كعدت يمي..طلعن اثنين بنات..يتشابهن يمكن عمرهن لو 14..لو 15..سنه..هنه توم..مبينات..يمكن جانن زغار من جينا بالعرس ومنتبهت عليهن لو ناسيتهن..كعدن يمنه واجت مرت خالي:
ياهله ويا مرحبه بسميعة..همزين ذكرتينا من تالي..عمي جلب العضج كتلناه وكامت تبوس بماماوبيه
هله..هله بام علي..شلونج خيه
بخير بعد اختج..ولج زهيره جيبي مخدة لعمتج..
ذني بناتج التوم صلوات كبرن عفتهن زغيرونات؟
جاشلون مايكبرن غير صارلج عشرسنين وازود ماجايه..وماشايفة عيال اخوج..هسه يكعدن جنايني عشتو..ينامن للسبعه..الصبح مدللات!!!..هذه جنة..يمه صايره شحﻻتها..صلوات على محمد والي محمد
وقدمتلنه ريوك..كيمر عرب وجاي..وخبزحار..
ورة شويه انفتحت وحدة من البوب طلعت بنيه ﻻبسه دشداشه حني..مرت خالي كالت:
صلوات كعدت حميدة تعالي سلمي على عمتج سميعة وعلى جنة..هاي عمتجن سميعه انتن..ماشايفاتها
واجت البنيه سلمت علينه..باستني حيل.كبل.حتى بعدها..ممخسلةوجهها..اشوفها نظراتها مو مريحة تباوعلي من جوة ليجوه..عبالك مسويتلي جريمة..
ورة دقايق انفتحت باب الغرفة اللخ هم طلعت بنيه ثانيه ازغر من الي اسمها حميدة شفتهن يتشاورن بعدين جتي سلمت علينه اشو هم تباوع عليه بنفس الطريقة..ابد مرتاحيتلهن شبيهن اني شمسويتلهن اشو ممرتاحاتلي اول مرة اشوفهن..
بقيت كاعدة بالهول ﻻن ماكو غرفة اكعد بيها كل الغرف بيهن ناس..وبعدين زينب يسموهة زنوبه بنت خالي عرفتني عليهن ﻻن سألتها..فكالت:
شوفي الجبيرة حميدة مرت حسين..والثانيه انعام مرت حيدر..
ها..زوجات..اخوتج..وهاي الغرفة بيها زوجة علي اشو مطلعت..لحد هسه:
ههههه..منين تطلعلج من الكبر..مرت علي ميته..من زمان..بس هو وابنه محمد ينامون بالغرفة..
ها خطية زوجته ميته..
يااااا عليمن خطيه قابل احنه اموتيها..
وعافتني ودخلت جوة محبيت اسأل عن مرت علي بعد بس عرفت هو ارمل..الله يرحمها زوجته..
وبالليل صعدت مرت خالي للسطح ونزلت كالت فرشتلجن فوك..سويتلجن كله...فوك والله الهوة طيب...وماكو بك الليلة بس نصبتلجن الكله احسن..
ماما كالت:
ليش تعبتي روحج ام علي لوكايلتلي انه اصعد افرش.....
طبعا..همه بالليل كولهم التمو ع العشه بناتهم وجناينهم واخوانهم حسين وحيدرطبعا..اني الصبح هم سلمت عليهم بس شنو حسين وحيدر مومثل علي وجهه..مكدر..ويخوف ﻻ بالعكس وجوهم طيبة وينكتون وكل شويه..معايط همه ونسوانهم وجهالهم..حيدر عنده بنيه وولد..وحسين عنده..اثنين ولد..واحد منهم حيل زغير.يمكن عمرة شهر..تعشينا..همه ينامون من وكت احنا صعدنا فوك..مفروش فراش وفوكاه قماش ابيض مثل الخيمة..ماما تسمي كله..وبصفة هم فراش مال نفرين هم فوكاه كله..صعدنا نمنا ﻻن حيل تعبانين.
بس الجو حيل حار اني عركانه والشال الي انتطتنيا..ام علي ثخين وحار يخنك..متوقعت هيج الحر..اوووف جنت انام بغرفتي..بيها مكيف زغير..والغرفة ثلج..اني اشتريت المكيف جمعت فلوس الخياط..واشتريته..شكد مقهورة وكلبي معصور عصر..وروحي معثوثة من الحر..هم ياربي كون اسبح بس..استحي انزل..كعدنا من وكت الشمس حيل قويه كعدتني من النوم..
شكرا لزيارتكم عالم روايات سكيرهوم
