رواية خواطر رجل الفصل الثاني بقلم جمانه السعيدي
ياسر...من بعد هذا اليوم مرام نزرعت بروحي اول مره اتعلق بوحده كل هذا التعلق
بعد ماشفته فتره من الوكت بس ماراحت من بالي ابد
بس حبيت اعرف يااا كليه او معهد
بس مااعرف شلون اسئل عنه
الا ان يوم اتصلت على أحمد اطمن علي وكال اني اليوم مشغول رايح اقدم أوراق مرام
ياسر...اي بيه الخير شراح تقدم
أحمد....تريد معهد محاسبه رغم معدله زين تنقبل كليه تربيه بس ماتقبل تكول مااريد ادرس اربع سنوات
هنه سنتين وكافي
ياسر...خلاص اذا حابه هذا المجال عوفه براحته
المجال الي تريده تنجح بي
جمانه السعيدي
اول ايام دووام الوضع عادي بعد ما داومنا تقريبا باسبوعين
تأخر احمد قلقت علي واتصلت
ياسر... وينك يمعود شو اتاخرت خوما صار شي
أحمد...لا ماصار شي بس الخط اليوم مااجه ووصلت مرام
وهسه جاي بلطريق
ياسر.. تمام
وبيوم عزمني أحمد بيتهم واني وافقت راسا على امل
اشوف مرام
وفعلا دخلت وكل اهله اجو سلمو عليه ومن ضمنهم مرام
الترحيب كان مو عادي ابد
هلكد ما حاجيلهم أحمد عني
بس شفت شي زعجني كلش
شفت عدهم وولد شاب ماارتاحيت اله ابد
يدخل ويطلع براحته
ويسولف ويه مرام وماخذ ميانه حيل
ياسر.. منو هذا
أحمد....هذا ابن عمي مهند وخطيب مرام
ياسر.. ذني الكلمتين الاخيرات نزلن مثل النار على كلبي
راسا رديت علي..
...مرام مو بعدها تدرس
أحمد....اي من تخلص معهد يزوجون عمي خطب مرام من زغيره ومااجذب عليك اكو محبه بينه وبين مهند
بس تخلص هاي السنه تكون خطبه رسميه وعقد شيخ
ومن تخلص معهد يزوجون
احنا نعتبر مهند اخونا الثالث
حسيت حراره تطلع من عيوني بعد مااكدر اكعد اكثر بهذا المكان
ياسر...اترخص منك اريد اروح
أحمد....ليش هسه اجيت بعد وكت
ياسر...احس نفسي تعبان
أحمد...بيك شي اخذك للمستشفى قبل شويه مابيك شي
ياسر...وكفت وكتله لا مابيه شي اريد ارجع للبيت
جمانه السعيدي
طلعت وودعته وماكدرت اوكف انتضر السياره
كمت امشي
انتبهت النفسي كلش ضايج
اني ليش هيج ضايج البنيه مابيني وبينه اي شي
ولا حتى اكو كلام بينا مجرد كلمتين او اتلاثه
اني ليش ضايج
كلشي قسمه ونصيب
قابل اني خاطبه وعافتني علمود ابن عمه
كنت اقنع نفسي بهذا الكلام
بس بعدني ضايج
صعدت بلخط وفكره اجيبني وفكره توديني
الحد ماوكف الخط وتفاجئت السايق يكول الاجره
نسيت ادفع الاجره
رغم عرفت هي تحب ابن عمه وهو يحبه وهمه بحكم المخطوبين ومهند شبه ساكن عدهم
بس مااكدر اشيله من راسي
حسيت نفسي حيل متعلق بيه
حتى كمت ادعي على مهند انشاء الله يموت حتى اني اخذه
اول مره بحياتي اقتنع هيج ببنيه واحبه
خلصت السنه ونجحنا واني بهاي الفتره ماشفته ابد
بس ماطلعت من كلبي
وفعلا اتفاجئت بااحمد يعزمني على خطوبة وعقد مرام ومهند
مالكيت نفسي غير جاي اعتذر
أحمد...ليش ماتكدر تجي
ياسر.. اعذرني مااكدر خيرها بغيرها
شكد توسل بيه بس اني صممت على الرفض
مااريد اشوف اي شي يزيد حزني وتعاستي
اريد انسى وبس
شكد حاولت بعد هاي الفتره اتعرف على اي بنيه وادخل بعلاقه حتى انسى مرام بس ماكدرت
مااعرف احب او أقرب على وحده غيره
رغم اني ابد مامقرب عليه ولا حاجي وياها بس مااعرف ليش هلكد تعلقت بيه
عفت كلبي للزمان هو كفيل يداوي جرحه
جمانه السعيدي
خلصنا السنه الاخيره ونجحنا ثنيينه
طلعنا كل واحد هوية محامي
واشتغلنا فتره تحت ايد محامي جبير
شغلنا جان اكثر من ممتاز
بحيث هذا المحامي اعتمد علينا بشكل مامعقول
وحنا اكتسبنا خبره بلعمل
واي قضيه مهما كانت صعبه نكدر نحله بسهوله
بعد سنه من العمل فتحنا مكتب خاص بينا
بيوم افتتاح المكتب اجت مكالمه الأحمد وحسيته صاج حيل وترخص وطلع
بعد ساعه يله رجع
ياسر. اكو واحد يعوف افتتاح المكتب ويروح شبيك انت
أحمد...اسكت مشكله بين مرام ومهند وضطريت ادخل بينهم
ياسر...ليش شكووو مو يحبه وتحبه
احمد...لا ولله بعد الخطوبه كام يجر اعوج مااعرف شبي
والمصيبه هي تحبه وأقل مشكله بينهم تكوم تبجي
وهو يعرف هي تحبه ومستغل الوضع
ياسر.. صدك هذا مايفتهم
احمد... اكله عوفي خل يولي مايفيدج مجاي تقتنع
الله يصلح حالهم
ياسر كلت بكلبي الله لا يصلح حالهم غبي مايفتهم
منطينه جوهره ومايعرف يقدرها
بعد شهر واحد من فتح المكتب
بيوم احمد مااجه للمحكمه اتصل علي مايرد
كلش قلقت علي
بعدين بعد ساعه من الاتصالات رد عليه
احمد... هلو ياسر ممكن اليوم تخلص الشغل وحدك
ياسر.. ليش شكو صاير شي
احمد...مرام بلمستشفى تعبانه حيل ومااكدر اعوفه ابد
باسر.. اني جايك خاف تحتاج شي
احمد...لا ماكو شي
ياسر. لا تخوفني احجي الله عليك طمني مرام شبيه
احمد.. هذا النذل مهند مكمل اوراقه بدون مايكول الاي احد واليوم سافر التركيا ومناك يطلع الالمانيه
ويكول بعد ماارجع
ومطلكه يم الشيخ ودزلها ورقته
حتى عمي يحلف مايعرف بي مسافر ولا يعرف طلك مرام
وهسه هي حالته حاله بلمستشفى
منهاره فد مره
جمانه السعيدي
ياسر.. ولله ماعدها شغل شنو هو هذا الحيوان وتنقهر علي
مرام تستاهل واحد احسن منه
اصلا رب العالمين يحبه وخلصه منه
احمد.. اي ولله صدك مايستاهله ابد
ياسر...اخلص القضايا الي عندي واجي للمستشفى
سهله يمعود توقعت شي صعب
سديت التليفون بس ماتتوقعون فرحتي شكبرها
الله لا يردك مهند
انشاء الله تموت بلبحر ومايلكون الك ذكر
ولك منطينك مرام وتعوفه وتهاجر صدك ماتفتهم ابد
خلص الدووام ورحت اشتريت علبة كاكو وورد ورحت للمستشفى
دخلت لكيت اهله كلهم موجودين وهي شحاله صايره
وعيونه ورامه من البجي ونايمه
الضاهر ماخذه مهدء ونايمه
تحمد الهم على سلامته وكعدت شويه بس ماكعدت ابد
المهم عندي مهند اختفى
راح احاول ادخل حياته وانسيه مهند واهله
