رواية خواطر رجل الفصل الثالث بقلم جمانه السعيدي
ياسر....هنا كانت غلطتي لمن حاولت ادخل حياة مرام وهي بعدها عايشه الصدمه
جانت عايشه قصة حب عمرها سنيين عايشه وياها من ايام
الزغر والانسان الي تحبه شبه ساكن عدهم
وفجاءه انسحب من حياته
اكيد راح تعيش الصدمه
لازم تاخذ وقت حتى تنسى كلشي
اني مافكرت هيج فرحت من مهند طلع من حياته
واريد اخذ مكانه باسرع وقت ممكن
دخلت مرام بمرحله صعبه وحبست نفسه بلبيت
كانت تنتضر يوم زواجه بفارغ الصبر
وبين يوم وليله اتخلى عنه حبيبه وابن عمها
ابد ماكانت تتخيل ممكن حبيبه يتخلى عنه ويعوفه
والاتعس ابن عمه مو غريب
مرام....دخلت بدوامه من الحزن الي صار ابد ماكنت متوقعته مهند حبيبي وابن عمي وكنت حاسه بلامان ويااا
وابد ماتخيلت بيوم ممكن يعوفني
اصلا اني كل يوم اسئل نفسي هذا السوال الف مره ليش عافني وهو يعرف اني شكد احبه ومتعلقه بي
يمكن اني السبب يمكن اني فرضت نفسي علي
بس هو الي صارحني بحبه بلاول مو اني
وخطبني وكان طاير من الفرح
بعدين كام يتحجج ويطلع اعذار وكل يوم يخلق مشكله
ويتعارك وياي
يمكن بعد الخطوبه اكتشف هو مايحبني وتندم لان تقدملي
لو بس كايل انتضريني اني مسافر اشتغل وراح ارجع
كنت انتضره العمر كله
بس هيج يكسرني كدام اهلي واهله ابد ما توقعت هذا التصرف منه ابد
جمانه السعيدي
ياسر...كنت اطمن عليه من احمد كل يوم
وحسيت احمد حيل خايف عليه
الحد مافات شهر كامل على وضعها هذا
واني طلعت بمقترح على احمد يجيبها تشتغل ويانه بلمكتب
احمد...بس هذا مكتب محامى وهي خريجه حاسبات
شنو راح تشتغل هنا
ياسر... اي شغل تنضيم القضايا ترتيب المواعيد
ترد على التليفون تستقبل العملاء وأصحاب القضايا
مو مهم شنو تشتغل
المهم تطلع من هذا الوضع الي هي عايشه بي
وتغير جوووو وتنسى الازمه الي مرت بيه
احمد....خوش فكره ولله انت صدك عقل محامي
راح أقنعه واجيبه تشتغل ويانه
ياسر....بس تطلع وتشتغل راح تنسى كلشي وتبدي من جديد
احمد...تمام
احمد رجعت للبيت بيومها واني متحمس كلش
وكانما هاي الفكره نزلت عليه من السما
بس وصلت للبيت رحت لكيته نايمه بغرفته
احمد...مرام اكعدي جبتلج مفاجئه تخبل
مرام...شنووو هاي المفاجئه
احمد...لكيتلج شغل ومن باجر راح تشتغلين والراتب الي انت تحددي هااا شكلتي
مرام....كعدت عدلت كعدتي شنو هذا الشغل الي يبدي من باجر والاجر الي اني احدد خاف تضحك عليه
احمد....لا مااضحك عليج احجي صدك راح تشتغلين ويانه بلمكتب وهذا مقترح ياسر
مرام....مقترح ياسر انتم مكتب محامي اني شنو راح اشتغل مثلا
احمد....اعتبري نفسج مديرة المكتب ومسوئله عن كلشي بي
العملاء التليفون القضايا الأمور الاداريه
هااا شنو رائيج
مرام....تحجي صدك اني راح اشتغل كل هذا الشغل
احمد...اي اني اعرف اختي كد هاي المسوليه واكثر
مرام... خاف ماادبرها وتفشل ويه صديقك ياسر
جمانه السعيدي
احمد...مراح تفشلين اني راح اساعدج وشغلنا كلش بسيط
بس اريدج ادخلين بقوه وتشتغلين بعزم
مرام...ولو احس نفسي بعدني تعبانه بس موافقه احسن من النوم طول النهار وحسبه اجيبني وحسبه توديني
ياسر ...كاعد واكول كون توافق تجي تشتغل ويانه
خاف ترفض
راسا اجاني مسج من احمد كاتب بي
كلشي تمام وافقت مرام تشتغل ويانه ولو اني مامقتنع
مااعرف شراح تشتغل بس المهم تطلع من هاي الحاله الي عايشه بيه
جمانه السعيدي
باسر...حسيت بسعاده وفرح اخيرا راح تكابلني طول النهار
واشبع شوف منه
ويجوز اكدر ااثر عليه وتحبني مثل مااني احبه
ثاني يوم كان جمعه وبيوم الجمعه نفتح المكتب
من الساعه عشره الصبح للساعه سته العصر
كعدت كلي نشاط سبحت وبدلت وتعطرت وطلعت للمكتب وصلت قبلهم
لكيت العامل ينضف بلمكتب كعدت شويه
شويه ودخل احمد
وتمشي ورا مرام لابسه بنطرون جينز اسود وقميص ابيض مخصر ورافعه شعرها كبايه ومنزله كذله
شكله حيل متغير صايره شحاله
كلت بكلبي عمت عينك مهند ولك صايره شحاله بسببك
احمد. صباح الخير
مرام...صباح الخير
ياسر. ...صباح الخيرات اهلا وسهلا
احمد اريدك تنطيه هواي شغل كون ماترفع راسه ابد
ياسر.. من اول يوم تشتغل وتتعب خاف تنهزم من عدنا
مرام...اني مستعده الاي شغل تطلبه مني
ياسر...اليوم راح اتردين على التليفون وبس شويه شويه
منا لمن ننطيج شغل اضافي
مرام...تمام
ياسر...خليج اليوم ويانه بهاي الغرفه الحد مانحضرلج
مكان خاص بيج
مرام.. عادي بأي مكان ماعندي مشكله
كعدت كبالي واني اكو ياربي شنو هذا الثكل
شنو هاي الردود الحلوه
يمته تعرفين اني شكد احبج وشكد اللج معزه بكلبي
اكيد راح تحسين بحبي بيوم من الايام
شكرا لزيارتكم عالم روايات سكيرهوم
