رواية جارتي الفصل الثاني بقلم جمانه السعيدي
رنده....طلعنا من العياده رحنا نفتر بلسياره
احمد....هسه اخذج احلى مطعم
رنده....اريد مندي
احمد...بس مندي موتدللين واخذج تشترين اي شي يعجبج
رنده....تعرف من نكون اني وياك واذكر احنا بس ست اشهر انخطبنا وصار سبع اشهر مزوجبن
اكول مستحيل
هذا الحب والتعلق بهاي الفتره القصيره
اعتقد ياعزيزي اني احبك من كنت بطن امي
احمد...اني الي احبج من زمان من جنتي بطن امج
بما ان اني اكبر منج بست سنوات
يعني اني الي جنت احبج قبل
رنده...لا اني احبك قبل
احمد...شلون واني نولدت قبلج
رنده...مو يكولون الأرواح الي تحب بعض تقلقي بعالم
الذر قبل لا تنولد
يعني مرات تشوف شخص عبالك تعرفه من زمان
روحك تحبه وتطمن اله
اكيد اني وياك ملتقين قبل لا ننولد
احمد...الله الله اليوم كلشي مر عليه حلووو
خبر التوم اعترافات الحب اموت عليج
جمانه السعيدي
رنده...تعشينا ورحنا اشترينا شغلات حلوه
ورجعنا للبيت
من خلصت اجازة احمد رجع للدوام
بس تقريبا كل ساعه اكو بينا اتصال حتى يطمن عليه
يوم الاثنيين العصر اندكت الباب
رنده...منو
حنيين...اني عيوني اني جارتج
فتحت الباب
رنده....اهلا وسهلا
حنيين....اهلا بيج
رنده...تفضلي
حنيين...اني جارتج هاي الباب الأبيض الزغير
حبيت اتعرف عليج اليوم سويت كيكه وجبتلج منها
رنده...شكرا عيوني تسلمين
حنيين....بلعافيه
خلي الماعون اني ارجع اخذه
رنده...دخلت الكيكه ريحتها تخبل اكلت منها طعمها فد
شي قررت ماارجع الماعون فارغ لازم اخلي بي شي
كصيت صوره للكيكه جانت جبيره تقريبا نص كيكه
دزبتها الاحمد
رنده...اليوم اول مره من نزلنا وحده من الجوارين اجيبلي كيكه
احمد...بلعافيه
رنده...طعمها يخبل
احمد... بلعافيه حبيبي
رنده...كلش حبيتها مبينه خوش بنيه
احمد...انتي الي ماكو منج
ثاني بوم تقريبا نفس الوقت اندكت الباب
فتحت الباب
رنده...اهلا وسهلا تفضلي
حنيين...لا مستعجله اريد الماعون اليوم سويت حلاوة جزر وجبتلج
رنده...الله عليج ادخلي ماعندي احد وحدي بلبيت
حنيين...حبيبتي اعرف ولله اني مااشوف احد يجيكم
وشفتج كم مره
انتي مثلي اني هم ساكنه وحدي
مااعرف ليش كلبي رف عليج حبيتج
رنده...واني البارحه حجيت الزوجي عنج
حنيين...فرصه سعيده
رنده...اني الاسعد بس ماعرفت اسمج ام منو
حنيين....ماعندي اطفال اني اسمي حنيين
رنده...واني رنده عاشت الاسامي
حنيين...انطيني الماعون وشوفي حلاوتي شكد طيبه
رنده دخلت جوه خليت كرزات بلماعون وطلعت عليها
رنده...ادخلي شويه ليش للباب
حنيين...اجيج غير مره حتى نتعرف
رنده...اهلا وسهلا بيج
حنيين...ليش هلزحمه شنو هاي الكرزات
رنده....ماكو اي زحمه
حنين.....نتي بالثامن بطنج جبيره
رنده...لا راح ادخل السادس بس بيه توم
حنيين...ياحبيبتي بلعافيه الله يتمملج بخير
رنده...شكرا
راحت حنيين واني كبل صورة الحلاوه ودزيتها الاحمد
رنده....احمد اليوم حلاوة جزر تستاهل هلحلك
احمد....هاي جارتج الجديده
رنده....شكد حبابه وطيبه اني ماعرف ليش حبيتها من اول مره شفتها بيها
احمد....الله يثخن اللبن
رنده...من تجي جيب وياك علبة حلويات مرتبه
حتى انطيها الها
احمد...بسيطه بعد تردين شي
رنده...اليوم اتصلت على امي حتى يجي حازم اروح بيت اهلي ضجت وحدي
ومناك انزل للسوق اشتري تجهيزات البيبي
احمد..براحتج حبيبتي
جمانه السعيدي
رنده للعصر اجا عليه اخوي بس طلعنا من البيت
مشينا الحد رأس الشارع شفت حنيين جايه وبيدها غراض وعلاليك سلمت عليه وراحت
ثاني يوم صادفت راح ينزل احمد رجعت البيت نظفت وحضرت عشى وبقيت انتظره
ذني اليومين ابد مابينت حنيين
بيوم الي احمد راح للدوام العصر دكت الباب
حنيين...هلو رنده شلونج
رنده...الحمد لله تفضلي
حنيين...اليوم اني جايه نكعدنسولف اذا عندج وقت
رنده...اهلا وسهلا تفضلي
دخلت حنيين ماكووو احد
رنده..اي بس اني بليل امي تجي تبات يمي
حنيين...زين اذا عندج شغل نشتغل اني وياج ونسولف
اني ابد ماأحب الكعده
رنده...ماعندي شي انظف كل اربع ايام مره من يجي احمد
واحمد هم زين وياي ينظف يغسل ملابسه يكول مااريدج تعبين وانتي حامل
حنيين...اريد حسابج اذا ماعندج مانع
حتى نتواصل من يروح زوجج للدوام اني راح اطبخ اليه واللج
واجي اساعدج بلتنظيف
رنده...لا عيوني شنو هاي الزحمه
حنيين...ماكو زحمه احنا جيران
رنده...اني كلبي ارتاحلج
حنيين...واني من دون الجوارين ارتاحيتلج
رنده...احمد جاباج هاي الحلويات
حنيين....شكرا بس لا تسويها وحده بوحده احنا خوات
رنده....انشاء الله خوات
حنيين....لازم متعجبج الحمل
رنده...اي ولله احس نفسي ثكيله وكل يوم احس نفسي
صرت اثكل
حنيين...الله يساعدج هو طفل واحد وعذاب اله ثنيين
رنده...لو ما امي واحمد جان شصار بحالي
حنيين...من تجي امج عرفيني عليها
رنده... اني حجتلها عنج حيل فرحت تكول هاي بت حلال بعد الجوارين محد يذكر الثاني مثل قبل
حنيين...اني صار ٣ اشهر سكنت هنا بس الجوارين مالهم علاقه واحد بلثاني
رغم اني حاولت اتقرب منهم ودزيت اكل ورحت سئلت عنهم
بس ابد محد قرب عليه
رنده...الناس تخاف تختلط
حنيين..هو اني شعندي ويخافون مني اروح للدوام وارجع أسد بابي عليه
بس مهما يكون الجوارين ضروري يتعرفون واحد على الثاني لا سامح الله اذا البيت احترك
ماتلحكين تتصلين بااهلج
بينما الجواربن ممكن تجي تساعده وطفي النار
قبل احنا بيت اهلي المطبخ بيتنا كدام وجنا مابانيين صاله صار تماس كهربائي بلمطبخ
احترك المطبخ بد يطلع دخان من المفرغه
صدكي احنا نايمين جوا وجيرانه كاعد يصلي طالع للصحياة
وشايف الدخان يطلع من المطبخ
بعدها النار ما ماشيه هواي
راسا كعد ابنه الجبير من النوم وطفره على بيتنا
الولد كعدنا وكام يطفي بلنار قبلنا
ايده احتركت وهو يساعدنا
احنا بيت اهلي منطقه شعبيه الجوارين ناس تدخل على ناس وناس تهتم بناس صدكي إذا يومين ماطلع ابوي
لو ماشافو امي يجون يدكون الباب علينا
بس هاي المنطقه الله يستر
ناس ماتريد ناس
رنده...هسه اذا يطفر واحد من الجيران تصير قضيه عشائريه
حنيين ...الناس تغيرت
رنده....اني ابد ماحاولت اتواصل ويا الجيران رغم صار سبع اشهر كاعدين بهذا البيت
من دكيتي الباب عليه تفاجئت بيج
حنيين...اني كلت بس هاي البنيه بعدني ماشفتها بلكت تطلع تخالط وتتقبلني جبتلج كيكه واجيت
جمانه السعيدي
رنده...عاشت ايدج تخبل
حنيين...الف عافيه الله عليج اذا تحتاجين شي
بس تواصلي وياي خطيه الله يساعدج
رنده...اي ولله من هسه وهيج تعبانه لو كبرت بطني شلون
بلتاسع يمكن ماتكدر امشي
حنيين...اني يمج بس اتصلي عليه حتلو اطلب اجازه واكعد وياج
رنده...ماكلتليلي وين موضفه
حنيين...اني معلمه
رنده...زوجج شيشتغل هم موضف
حنيين...اني منفصله طلع موخوش ادمي ونفصلنا
رنده...بعدج زغيره ليش متزوجين
حنيين...لعبت نفسي من الزلم مااريد ازوج
رنده...وين اهلج ليش عايفيج وحدج
حنيين...ابوي وامي متوفين واخواني باعو البيت وتوزع حصص اني متعلمه اطلع واشتري اخواني مايقبلون
ويردون من راتبي يعني ادفع فلوس اكلي وشربي
عليمن هاي الدوخه اعيش وحدي واكل واشرب بكيفي
اجرت وكعدت وحدي
وحصتي من بيت اهلي اشتريت بيها قطعة ارض
شكرا لزيارتكم عالم روايات سكيرهوم
