رواية جارتي الفصل الثالث بقلم جمانه السعيدي
رنده...شكد حبيت حديتها حلوه مثقفه
تحسيها تفتهم بكلشي
رنده...ماشاء الله كلشي تعرفين وشاطره
حنيين...عد عينج بلطبخ اخذ المركز الاول بلتنظيف
محد يلحكني بكلشي شاطره
اله بلزلم كلشي ماافتهم وحظي اغبر
رنده...لا تكولين هيج ايجوز نصيبج بعده ماجاي
حنيين...لا ابد هاي التجربه مااعيدها
واحد حبيته وضحك عليه والثاني سكير ومخربط
والغلط والفشار بكل كلمه والضرب اي غلطه انضرب عليها
رنده...ياا وين اكو واحد بعد يضرب لو يغلط
حنيين...اكو حشاج بكد الزباله
رنده...ولله انتي محبوبه تستاهلين واحد زين
حنيين...بعد خلاص اني اضربت عن الزواج
المثل يكول لوفاتك الفوت ماينفع الصوت
رنده...لا لاتكولين هيج نصيبك راح يجيج كولي رنده كالت
حنيبن...عوفج من نصيبي احجيلي شلون تعرفتي على زوجج
رنده...خطبه عاديه خالته تعرف عمتي اجا شافني وصار قبول بقينا مخطوبين ست اشهر
وزوجنا
حنيين...تحبي
رنده....يااا كلمة احبه قليله علي اموت علي شعندي غيره
يعاملني احلى معامله ومقدرني ومقدر اهلي
حنيين...وين يداوم
رنده....دائره حكوميه فوك مركز المحافظه بشويه
حنيين...الله يسعدكم
رنده...شكرا
حنيين....زين انتم متوافقين ترا نادر اكو مزوجين
متراهمين وخاصه انتي تكولين زواج تقليدي
جمانه السعيدي
رنده....صدكي اول مره شفته ارتاحيتله وحسيت اكو قبول بينا
حنيين....زين ولله بهذا الوكت اكو رجال وفي الزوجته
رنده...لا اني واثقه من احمد
حنيين...زين حافظي علي لا ياخذنا النسوان منج
رنده...شلون يعني امشي ويااا ترا الرجال الزين
ماتهزه النسوان
واحمد كلش زين
حنيين...اي بس ديري بالج
.يله اني اترخص واذا تحتاجين شي اتصلي عليه
رنده...انشاء الله
ثاني يوم جابتلي برياني دجاج
فعلا طباخه ماهره أكلها شكد طيب
اليوم الي بعده نزل احمد بليل
من ينزل احمد ابد ماتجيني ولا توصل بابي
بس تطمن عليه بلتليفون
رنده...ولله خطيه هاي البنيه
احمد...شبيها
رنده...بعدها زغيره عمرها ٢٨ سنه وطالعه من تجربتين فاشلات
الاول تحبه وضحك عليها
والثاني طلع سكير ويضربها ومنفصل عنه
احمد...وين اهلها عايشين وياها
رنده...لا عايشه وحدها اخونها يردون منها نص الراتب اذا تكعد وياهم
احمد....واذا اخذو نص الراتب على الاقل كاعده يم اخونها
يدارونها يحمونها شلون كاعده وحدها
ماتخاف ؟؟؟؟
ولله عجيبه هاي النسوان شلون نكعد وحدها وتتحمل مسؤلية كلشي جمانه السعيدي
رنده...حقها هي لكت مكان زين ومريح بيت اهلها وماكعدت بي ترا شارده من الظيم
شكد شاطره الخاطر الله وطبخها يخبل
احمد...الله يهديها
رنده......ماتعرف احد يدور عروسه ولله الي يخليها بيتا مو خسران معدله بمعنى الكلمه
احمد....يمعوده شنعرف منها انت فقيره تصدقين بكلشي
لو مااخاف اضوجين جان كتلج لا دخليها بيتنا
رنده...لا احمد خطيه النوب انت عليها
تعرف من تجيني اجيبلي اكل وتعرض عليه خدامتها
تكول اي شي تحتاجي بس اتصلي عليه
وين اكو وحده هيج بهذا الزمن
هي تكول اني طالعه من منطقه شعبيه وعدنا الجار اكثر من الاخوووو
من اجيت هنا الجيران كل واحد بحاله
الله عليك اذا احد موصيك على عروسه رشحها اله
معلمه وزغيره وحلوه
احمد....ميخالف ترا من كعدتي لسه بس تحجين بحنين
وين الحلو الي حضرتي
رنده...بلثلاجه هسه اروح اجيبه
جمانه السعيدي
بعدها بس احمد راح للدوام اجتني حنيين
رنده...وينج صار يومين ماكوووو
حنيين...لان زوجج هنا عيب كل شويه جايه رايحه
اني من اشوف سيارته بلباب بعد مااوصل بابكم
رنده....هلكد ما احجيله عنج ضاج يكول بس تحجين بحنيين
حنيين...يغار عليج مايريد تحجين عني كدامه
رنده.....يمكن صدك يغار
بهذا الاسبوع رحت يومين بيت اهلي
ومرتين اجتني حنيين تطمن عليه
من نزل احمد غابت كلعاده
رنده....اريد ادز من هاي الحلويات الي جبتها الحنيين
احمد...مو تكولين هي تجي
رنده...من تشوف سيارتك بلباب ماتجي للبيت
احمد...خليهن من تجي انطيهن الها
جمانه السعيدي
اني وحنيين صرنا صديقات واكثر من صديقات
نتشارك الحديث والنكت والسوالف
وحتى إذا رادت تشتري ملابس تاخذ رائي قبل لا تشتري
طلعنا اني وياها مره للسوك حتى اكمل غراض البيبي
ابد ماخلتني اشيل شي كل الغراض هي شالتهن
كعدتني بكافي شربنا عصير
هلمره من نزل احمد كاعدين نحجي واجته رساله
شفته ضاج حيل
رنده...شكووو خبر موزين
احمد...لا هيج شغله مو مهمه
رنده....شلون مو مهمه وانت حالك كله تغير
احمد...هاي شبيج رنده اعرف حامل بس هرموناتج ضاربه حيل
مجرد رساله عاديه
رنده...خل اشوفها
احمد....شنو تشوفيها صديقي عنده مشكله ومحلفني
محد.يعرف بيها
وهسه صايره شغله جديده ودزلي التفاصيل
رنده...اجته رساله ثانيه وثالثه
رنده...زين رد علي خاف واكع بمشكله
احمد...راح اطلع برا احجي ويااا
رنده...احجي كدامي قابل اني اعرفه وراح احجي عنه
احمد...لا موهيج بس الموضوع حساس شويه
صدكيني راح احجيلج كلشي
من تنحل هاي المشكله
رنده...احمد اخذ تليفونه وطلع برا بلشارع يحجي
رحت ورا كلشي ماسمعت لان يمشي ويسولف
ابتعدعن الباب
واني كنت لابسه ثوب تول قصير مااكدر اطلع ورااا
من رجع للبيت كلش ضايج
رنده...هااا المشكله صعبه
احمد....هاااا اي صعبه
رنده...احجيلي خل افتهم ايجوز اني عندي حل الهاي المشكله
احمد...مو هو حلفتي مااحجي لأي أحد تقبلين احجي
واخرب الحلفان جمانه السعيدي
رنده...براحتك ( ردت اجر السانه لان كتلني الفضول اريد اعرف شكوووو ليش هيج تغير شكله من اجته الرساله )
رنده.... بس لاهذا صاحبك خاين وزوجته لكفته
احمد....ههههه يااخاين يمعوده يله انام باجر عندي دوام
رنده...دخلنا الغرفه طفينا الضوه انطاني ضهره
اني صعب انام بسهوله بسبب الحمل ابقى شكد احوس
حايره بطني وين اخليها
وتكرمون اروح هواي للتواليت بسبب ثكل الاطفال
كلما اكعد اشوفه يحوس رغم هو نومه ثكيل
بس كلت ايجوز ضاج على صاحبه وماكدر ينام
الصبح كعدت لكيته رايح للدوام
للعصر اجتني حنيين
رنده...هلو همزين اجيتي
حنيين...ليش عندج وجع بيج شي
رنده...لا بس ضايجه اليوم الي يروح احمد للدوام
شكد اضوج
هسه لو اكو قانون الي زوجته حامل يكعد كبالها
والدوله تنطي راتب
حنيين...لا بلله حتى بأمريكا ماكو هبج قانون
رنده...والنوب البارحه اجته رساله من واحد صاحبه
كلبت كيانه كلب
حنيبن...ليش خاف مات واحد من اصدقائه
رنده....ماقبل يكووول شكووو يكول صديقي عنده مشكله ويريدني احلها
حاولت اجرجره بلكلام
كتله احجيلي قابل اني اعرف صديقك وراح احجي عنه
ماقبل حتى بليل مانام زين كلما اكعد الكا يحوس
حنيين...انتي متأكده صديقه
رنده...شنو قصدج
حنيين....ايجوز صديقته
رنده...لا احمد ماعنده هاي السوالف زوجي واعرفه
حنيبن....ماكو رجال ماعنده هاي السوالف
حتلو مو هسه ايجوز بلماضي عنده انت تعرفين كلشي عنه
يعني هو حاجيلج كلشي عن حياته السابقه
رنده...لا بس احنا سئلنا عنه وكل الناس تحمد بااخلاقه
حنيين....يله عوفي هاي السالفه عود من يجي استفسري منه اكيد راح يحجيلج
شلونج اليوم
رنده...زينه هذا شهر السادس خلص وإنشاء الله هانت
جمانه السعيدي
حنيين...يله اذا عندج شي خل اساعدج
رنده...عندي بطانيه غسلتها واريد تساعديني اشرها
لان وحدي مااكدر
حنيبن...يله وينها واذا عندج شي اغسله
رنده...لا ماكو شي بس هاي مرتين تجي امي واتصل عليج اريدج تتعرفين عليها
بس ماتردين عليه
حنيبن...اني اريد اتعرف عليها
رنده...هسه على جيه ابقي نتعشى سوه
امي اليوم خابزلتي خبز عروك شو اني دخلت بلسابع وبعدني اتنسى
حنيبن...هو منو مايحب خبز العروك
اذاكل واحد يحب اكله يتنسى كل الشعب العراقي حوامل
هههههههه
رنده...اي هم صدك
رنده اجت امي وكعدن يسولفن هي وحنيبن
ولا عبالك اول لقاء بينهن عبالك وحده تعرف الثانيه من زمان
تعشينا سوا اتصل احمد كامره حتى يشوفني
امي رادت تسلم علي
حنيبن اشرتلي لا تطلعيني بلكامره
كامت راحت للمطبخ تخدر جاي منا لمن خلصت المكالمه
ورجعت علينا جايبه احلى جاي
للساعه عشره بليل رجعت البيتها
وامي باتت يمي الصبح رجعت البيتها
للعصر اتصلت على حنيين جانت نايمه كعدتها
حتى تجي يمي لان اني ضايجه كلش
حنيين...اي هسه اسبح وابدل واجي
كعدنا اني وياها نسولف حضرنا عشى تعشينا
بعدين امي اجت وحنيين رجعت البيتها
شكرا لزيارتكم عالم روايات سكيرهوم
