رواية دخيل في بيتنا الفصل الثاني بقلم جمانه السعيدي
سعاد....خالتي حرفيا كانت بعمر عشر سنوات وبعدها
طفله حتى الدوره الشهريه بعد مااجتها
بس الناس قديما يعتبرون البنيه حمل ومسوليه
لازم يتخلصون من هاي المسوليه ويا اول واحد يدك الباب
وكامل كان اول واحد يدك الباب عليهم
اتفق كامل وياا جدي على يوم العرس
طبعا قديما ماكو عريس يجي ياخذ العروس
العروس امها تأخذها البيت العريس
هذا المتعارف علي بذاك الزمان
طلع كامل من بيت جدي وهو فرحان لان كدر يحصل عروسه
طبعا اكيد هو من اجا يخطب من جدي
كان يعرف مسبقا جدي عندا بنات حلوات
والنسب يشرف والعروسة زغيره يعني كلشي تمام وماكو اي نقص
بس طلع كامل بيبي وصلته للباب ورجعت
بيبي....يااا ابو زهره اني مارضيت احجي كدام كامل
زهره بعدها زغيره وكامل زلمه جبير
جدي....اني رجال على فراش الموت مدري اضل الباجر
لو اموت وانتن بس نسوان
اذا اني متت منو راح يدير باله عليجن
كامل زلمه معدل ورجال يشتغل وعندا خير من الله
خليها تفتح عيونها علي خليه تكبر بيته
عاجبج هاي عيشتنا انا هسه لو يجون خطابه على زينب وفاطمه ازوجهن
المن ضالات اني مااضمن الوكت واخاف عليهن
جمانه السعيدي
اقتنعت بيبي بكلام جدي وسكتت والي قنعهم اكثر المهر الي دفعه كامل
كامل كان يعرف الوضع التعبان الي عايشين بي بيت جدي
وعرف منيين يدخل عليهم
طبعا خالتي زهره كلشي ماتعرف عن العرس
سمعت فلوس وملابس حلوه وحنه وعطر وذهب
فرحت بسالفة العرس
يعني راح تشتري كلشي الي تريده
العرس كان بلنسبه الها ملابس وحمره وكحله وحنا
بس باقي تفاصيل الزواج والمسوليه كلشي ماتعرف عنها
راحت بيبي نزلت للولايه اشترت ثياب ثنيين قطعتين قماش لان ماكو ملابس حاضر تنباع بمنطقتهم
يشترون قماش ويخيطون
وحنه وعطر
ومشط هاي كانت مستلزمات العرس
وشترت ذهب لان الكشخه كانت كله بلذهب
والباقي من المهر بيبي احتفظت بي
قبل الاهل ياخذون حصه من المهر يعني المهر مايكون بس للعروسه والأهل يكملون النقص مثل هذا الوكت
لا المهر نص للعروسه ونص للاهل
لازم تكون اكو الهم حصه من المهر
جمانه السعيدي
رجعت بيبي ودزت القماش الي جابته للخياطه
وطلبت منه تستعجل بلخياط لان العروسه راح تسافر البغداد ومنو الي راح يدز الثياب وراها
قبل الخياطات يخيطن بلمكينه ام الرجل والضوه فانوس
يعني كل النهار ايجوز تخلص ثنيين ثياب
والخياط مابي فكره مجرد تفتح الركبه وتخلي الردن
هاي هي كمل جهاز زهره الطفله الي راح تزوج واحد اكبر منه ب ٢٠ سنه
وهي كلشي ماتعرف عن الحياة الي منتضرتها
بس فرحانه بلعرس جاي تحس نفسه صارت جبيره
مادام انخطبت وراح تزوج بعني انتقلت الحياة ثانيه
وصارت جبيره
قبل ماكو شغلت يجي العريس ياخذ العروسه
العروسه اهلها يدزوها البيت العريس ومن توصل يعقدون عقد شيخ بيت العريس ويتم الزواج
اما عقد المحكمه يكون بعد اول او ثاني طفل
مرات حتى رابع طفل وبعدهم ماعاقدين
بس الحياة امان بذاك الوقت والبنيه ماتخاف على حقوقها
والرجال يتحملون المسوليه كامله
طبعا قبل جهل والاميه منتشره بين الناس واغلب البنات والولد ماكو مدارس الولد بس يكبر شويه تقريبا لعمر ست سنوات يطلع بلحلال يعني ياخذ الماشيه الي عدهم من ابقار وغنم حتى تاكل من الحشيش او العاقول الي بلاراضي القريبه حتى يوفرون ثمن العلف
لو يشتغل بلكاع يزرع ويحصد
والبنات لو تطلع تسرح بلحلال لو تعجن وتخبز لو تغزل صوف
يعني من ازغار يفتح عينه على العمل
جمانه السعيدي
المهم اجا يوم العرس الي منتضرينه
بيبي خلت ملابس خاله زهره بقجه ( بقجه قطعة قماش تنفتح ويخلون بيه الملابس ويشدونها لان قبل ماكو جنط
اكو سيارات تطلع البغداد عباره عن باص خشب
الجيل الجديد بس اكتبو بليوتيوب باص خشب راح يطلع
وتشوفونه
عباره عن باص طويل كله خشب حتى السقف خشب
بدون كراسي تكعد الناس بي بلكاع منا لمن توصل
طبعا مو بس الناس الي يصعدون بي
ناس والحلال يعني هذا مسافر هوالخروف
وهذا الي عنده صخله واكو ياخذ دجاج صوغه
والي ياخذ شليف صوف
تخيلو كل هاي الأشياء مجتمعه بلباص
بيبي اخذت زهره وراحت زهره كانت ناعمه وزغيره لابسه فوطه نسائيه وعبايه راس
على اساس حتى تبين جبيره
المسكينه كانت منبهرا بلباص الخشب اول مره اشوفه
واول مره تصعد بي
كانت فرحانه شلون هذا الشي جاي يمشي بينا
شلون اكو هواي ناس كاعده بي
طبعا الريحه تكتل أجلكم الله لان دائما الناس تصعد وياها حيوانات
بس الموضوع كلش عادي
من نزلهم الباص كان كامل ينتضرهم وكانت هاي اول مره يشوف العروسه كانت حلوه بيضه وناعمه وعدها شامه بارزه بخدها
بينما هو كان ضخم طويل اسمر
كامل.. شلونج عمه ام زهره صار ساعه منتضركم
بيبي. هله بكامل بلعافيه وبلمبارك عليك
كامل.. ..رحمله والديك عمه
مشا كدامهم كامل وهنا يمشن ورا تقريبا نص ساعه مشي
لمن وصلن البيتهم
البيت الي عايش بي كامل كان بيت العائله
بيت حلو مبني طابوك
اخو كامل الأكبر منه مزوج وعندا ولد
اخت كامل جبيره بلعمر مامزوجه هي الي متسلطه على البيت كله ممنوع احد يتنفس اله باامرها
اما ام كامل وابو ميتين من زمان
دخل كامل هو وبيبي وزهره للبيت
زوجت اخو كامل كامت تهلهل بس من شافت العروسه هي واخت كامل استغربن
طفله زغيره صحيح حلوه بس هي وين كامل وين
يعتبرنها مو مستواهن
لان طفله لاتقرا ولا تكتب وجايه من الريف
بينما هما ناس عايشين بغداد من زمان وكامل كان بلخارج
يعني يستحق وحده احسن منها
بس كتلكم قبل قله بلنسوان الي بحصل عروسه سعيد الحظ
وأهم شي كامل كان سعيد بيها لان حلوه وزغيره
بعد تجارب كامل بلخارج والنسوان الي شافه هناك
يعتبر زهره كنز وكدر يحصل علي
الحد هاي اللحظه خالتي كلشي مامفتهمه من الموضوع
حاضنه بقجة ملابسه بحضنه وكاعده
فرحانه بلملابس والذهب
شويه وجهز الاكل طبعا كامل كان عازم كم واحد من الجوارين والاقارب بمناسبة عرسه
حضرو الاكل للزلم وبدأ ياكلون
وبيبي وخاله بعدهم كاعدين بنفس مكانهم
وعبيهم على راسهم خالتي حاضنه بقجة ملابسه وكاعده
بعد الاكل بدو يشيلون المواعين وبنضفون المكان
جمانه السعيدي
زوجت اخو كامل دخلت خالتي بغرفته هي وبيبي
وبدت تخليله مكياج
وعطر كانت لابسه ثوب ابيض خياط كلش عادي
نزعته هذا الثوب ولبسته واحد حلو
وفتحت كصايبه الي كانن يلمعن من الحنه وريحتهن حلوه
طلعت زوجت اخو كامل الي كانو ينادونها ام ابراهيم
وبيبي بدت تفهم خالتي تفاصيل ليلة زواجه
خالتي كانت مثل الأطرش بلزفه كلشي ماكدرت تستوعب
اكيد بهذا العمر مستحيل تفهم شنو زواج
بس بيبي اكدت عليه تكون مطيعه الزوجها
وماترفضله اي طلب
طلعت بيبي وزفو العريس على خالتي
من دخل وشافه انبهر بجمالها كانت كاعده على الجربايه
مثل الملاك حلوه بشكل مو معقول
والشعر نازل على اكتافها متموج لان كان مضفور ونفتح
وعطر المكان طيب
جمانه السعيدي
كعد بصفها وهي كاعده ومدنكه
كان مقدر خوفه وارتباكه
كامل...شلونج
زهره...بصوت ناصي زينه
كامل.. عجبتج الغرفه
زهره.. اي
كامل....اني اريدج تعتبرين هذا البيت ببتج واي شي تكول على اختي تنفذينه لان هي أكبر منج وتعرف اكثر منج
تكدرين تعتبريه امج لان هي عمرها قر يب من عمر امج
زهره.. اي
كامل...شو باعي عليه
زهره....بقت مدنكه
كامل.. اني زوجج ليش تستحين مني مد ايده ولزم ايدها
كانت ايدها ترجف
وتحاول تسحبه من ايدا
كامل.. تعشيتي
زهره...اي
كامل...اعرف انتي زغيره واني جبير عليج يمكن لو مزوج
من وكت جان عندي بنيه بعمرج
زهره...سكتت كلبي يدك دكات سريعه
كلش خايفه
كامل.. احجي اربد اسمع صوتج
زهره....خايفه اريد امي
كامل....لا بعد امج انسيها اني اهلج
زهره...ليش انت اهلي اهلي وين يرحون
كامل...لا مايرحون بس اهلج بعيدين واني الي راح
اكون مثلهم اي شي تردي بس احجي
واني اجيبلج ادللج دلال
زهره...يعني اني مراح اشوف اهلي بعد
كامل....لا تشوفيهم بس كل فتره
زهره...انت شتريد مني ليش جايبني هنا
كامل ....حتى تكونين زوجتي وأم بيتي ويصير عدنا اطفال
زهره...اني شلون اجيب اطفال
كامل...لمن نعيش اني وياج سوا ونام هنا سوا يصير عدنا اطفال
زهره...بس اني خايفه وبطني توجعني
كامل...سحبته وخليت ايدي على جتفه لا تخافين
اني مراح ااذيج
زهره...اريد امي
كامل...هيج راح ازعليني منج اني احبج تعرفين شنو احبج
زهره....انت اليوم شفتني شلون تحبني انت شايفني قبل
كامل...اي شايفج بكلبي من زمان وكلبي هو الي اخذني البيتكم حتى اخطبج
بستها من راسه الله ربحتج طيبه
زهره...هاي المريه ام ابراهيم هي الي لبستني وحطتلي ريحه
خلصت اول ليله سوالف للصبح وبعدين ناموو
كامل ماكدر يقرب عليه زغيره ومافاهمه شنو الزواج
وخايفه بعدين هو شايف وعايف
يريد يصبر عليه شويه لمن تتعود علي
شكرا لزيارتكم عالم روايات سكيرهوم
