رواية دخيل في بيتنا الفصل الثالث بقلم جمانه السعيدي
ثاني يوم بيبي الصبح كعدت قبلهم لان متعوده تكعد من الصبح وكانت منتضره تتأكد ان الزواج تم على خير حتى ترجع للبيت
لمن كعدو الصبح وسئلت خالتي تفاجئت ان كامل ماقرب
عليه
كانت هاي الخطوه بلنسبه البيبي اهم خطوه بلزواج
اذا تمت يعني كلشي تمام
يعني بتها رفعت راسه
انزعجت بيبي حيل من هذا التصرف وبقت تلوم على زهره
بيبي....انت ليش ماتسمعين الكلام
زهره....ولله اني اسمع الكلام انتي مو كلتي شيكول كامل
كولي حاضر
واني هم سويت مثل ماانتي كلتي
بيبي...وليش ماتم العرس
زهره...شلون ماتم العرس مو اني هنا وانتي وياي
بيبي...ثوله ليش ماقرب عليج
زهره....نام بصفي على الجربايه
بيبي...انتي تردين تخبليني من ارجع شراح اكول الابوج
لازم كامل ياخذج وتصيرين زوجته
زهره...مافهمت يعني شسوي
كعدت بيبي توضح الزهره شلون لازم يتم الزواج بينهم
زهره...لا ولله اخاف
بيبي....شنو تخافين المن احنا عايفين بيتنا واجينا هنا
زهره...خل نرجع اني بطلت مااريد ازوج
بيبي...اي مو هو لعب اسمعي اليله كلشي يخلص اني لازم ارجع باجر للبيت
ابوج مريض واخواتج وحدهن
جمانه السعيدي
اما من الجهه الثانيه
شكريه اخت كامل......انت صدك اجذب اني البارحه ما كدرت احجي وياك هي هاي زوجتك
اجيت بس تحجي اني لكيت عروس وحلوه وماكو منه
هي هاي زوجتك طفله كلشي ماتعرف
والنوب من الريف شبيهن بنات بغداد مو جنت بلخارج
ليش مااخذت وحده مناك
بشرفك هي هاي زوجتك فشلتنا
كامل....اني عاجبتني شبيه مثل البزونه المغمضه
حلوه وزغيره واعرف أصلها وفصلها اربيها زغيره انتي ماشايفه البنا ت بلخارج
زوجتي عاجبتني اريدها بس انتي لا تدخلين
وعامليها معامله حلوه طفله على كيفج وياها ترا مراح تتحمل عصبيتج
جمانه السعيدي
لليل رجع كامل يحاول وياها لان موحلوه بحقه رجال شكبره ومايكدر يدخل على زوجته
صمم لازم يقرب عليه بذيج الليله
بس زهره ماتحملت كامت تبجي تبجي باالم
كامل طلع وجاب بيبي حتى تشوفه
بيبي فرحت من عرفت كامل كدر يقرب عليه بدت تهدي بيه طلعته للحمام سبحته
وبدلت ملابسه وبدت تحجي وياها على العلاقه بين الازواج وهي هيج تحولت من طفله إلى مره
بيبي قررت من يطلع الصبح ترجع للبيت خلاص مهمته خلصت الحد هنا لازم ترجع للبيت
الصبح بس كعدو يتربكون بيبي ودعتهم حتى ترجع البيتها
اما زهره كامت تبجي تريد ترجع للبيت وياا بيبي
كامل لازمه ويسكت بيه وهي مستمره تبجي
ماتريد بيبي تعوفها وترجع للبيت
بس خلاص هاي حياة زهره الجديده ولازم تتعود عليه
كانت حياة خالتي حلوه وبنفس الوقت موحلوه
بلنسبه الكامل يموت عليه ويتمنى يكدر يسعدها ويرضيه
خالتي تكول اذا طلبت منه ثوب
يجبلي طول قماش ويكول خيطي كله ثياب
اذا كلت مشتهيه اكله يخرب يجيب منه هوواي
يشتريلها ذهب يعامله احلى معامله بحيث خالتي تعلقت بي تعلق مو طببعي مثل طفل ويتعلق باامه
هذا كان الحانب الحلوووو بحياة خالتي زهره
اما الجانب الي مو حلووووو بلنسبه الخالتي
حماتها وزوجت حماها كانن يغارن من تعامل كامل وياها
ويحسن هي ماتستحق هذاالحب والدلال
هي استحقاقه تشتغل خدامه بلبيت
كانن ينتضرن كامل يطلع وينزلن عليه شغل وغلط واهاين
وحتى ضرب يضربنها
بس هي طفله واهله بعيدين عنه
ومستحيل تكدر ترجع الهم
كانت تخاف منهن وتسكت
وأهم شي معاملة كامل الحلوه الها كامل عوضها عن حب اهله
كانت تحس بحب كامل اكثر من اهله
جمانه السعيدي
خالتي بقت سنتين بيت كامل يله اكتملت انوثتها وصارت مره وسنتين لاخ يله كدرت تحبل واجيب اول طفل
كانت حرب حماتها وزوجت حماها وياها مستمره ينتضرن كامل يمل منها ويطردها
وهو بلعكس كان يتمسك بيها كل يوم اكثر من اليوم الي قبله وخاصة من طلعت حامل
بلبدايه كانت تجي زياره البيت جدي كل ٦ أشهر
وبعدين صارت تجي كل سنه مره تشوف اهلها
لمن كامل حس هاي الحرب مراح تخلص ابد قرر يشتري بيت ويخلي بي خالتي
لان الضاهر هاي الحرب مراح تخلص ابد
هو حالته الماديه كلش زينه وهو اصلا يشتغل مقاول
وهذا القرار خلاهن يشدن عداوه وياها اكثر
طبعا هي مستحيل تكدر عليهن ثنيبنهن وخاصه هي طفله
وماعدها تجارب بلحياة مثلهن
كان اغلب الأوقات يرجع كامل من الشغل يلكاهن كاتلاته
ولمن يسئل ليش هيج يكولن هي وكحه والسانه طويل
رغم هو كان يعرف كلش زين هي فقيره وماعدها هاي السوالف ابد
جمانه السعيدي
خل احجيلكم شويه من جفصات خالتي
تكول اني كنت أتوقع الزواج حمره وكحله وملابس حلوه
والزوج بلبيت مثل الاب
موجود حتى يصرف علينا
ولمن طلعت حامل كانت تكول اني توقعت الطفل لابس امه يعني الطفل مو داخل الرحم
لا ادي داخلات بادين امه
وراسه داخل براسه ورجلي داخلات برجليه
كنت أتوقع المره من اجيب طفل يشلعون الصره ويطلع الطفل يعني مثل قبق الجدر
يعني بطنه جدر يفتحون القبق ويطلعون الطفل ويرجعون القبق المكانه
هلكد ماطفله ووماعدها خبره ابد كانت افكاره بسيطه
بس شلون تحملت المشاكل والضرب من حماتها وزوجت حماها مااعرف
رغم هي طفله المفروض تنهزم
بس ماكان مصبرها عل هاي المصايب غير حب كامل الها
هنا انولد اول طفل الخالتي
كامل سما محمود
كان سعيد بي بشكل مو معقول ومامصدك صار عندا ولد
هنا كان كامل عمره ٣٤ سنه
بس خالتي ابد ماقصرت ويااا كانت كل سنه تحبل واجيب
كل سنه هي حامل قبل ماكو دكتوره نسائيه ومراجعات
تكول احبل بدون مااعرف
لمن اوصل الشهر الرابع ويتحرك الطفل يله اعرف نفسي حامل ومااحسب للولاده
منا لمن اطلك اعرف اني وصلت للولاده
ماشاء الله خالتي جابت ثمانيه ثنيبن بنات وست ولد
كلهم بصحه جيده ولله الحمد
جمانه السعيدي
هسه خلصنا من دور زهره بلقصه بس راح نرجعله بعدين
بعد زواج زهره بستين ابوها مات الروماتيزم صعد الكلبه ومات بقة بيبي وحدها هي وبناته الاثنيبن
بس بيبي كانت قويه وكد المسوليه
اصلا هي قبل لا يتوفا جدي باربع سنوات هي شايله المسوليه وحدها
كانت تشتغل ليل نهار حتى تكدر تأمن مستقبل بناته
وماتحتاج الاي احد
اما بيت عم امي الي همه ماعدهم غير اولاد ثنيبن
كبرو وبدو يفكرون بلزواج
بما ان وضعهم المادي تعبان وماكو فلوس يزوجون
قررو ياخذون امي وخالتي الثانيه
ياخذوهن بمهر كلش قليل وأقل من القليل
امي كانت شخصيته حيل قويه رفضت هذاا الزواج
بس قبل منو يسمع رائي البنيه
وهنا بقن بس نسوان بلببت وماكو اي احد يدافع عنهن
عمهن قرر لازم هذا الزواج يتم
يعني ابوي ياخذ امي بلغصب بس لان هي بت عمه
امي كانت تعرف وضعهم حيل تعبان
ومراح يقدمله اي شي غير تتحول إلى خدامه إلى والاهله
ومو بس خدمت البيت لا راح ينطلب منه
تساعد بلمصروف
بحجة مو كنتي تشتغلين بيت اهلج
هسه هم اشتغلي وعيشي
كل محاولات امي بلرفض فشلت وعمها حدد يوم عرسها غصبا ماعليه
وبمهر كلش كلش قليل
كانت طفله عمرها ١٣ سنه بس كانت شاطره بشكل مو معقول تطبخ تخبز تغزل اي شغل تنطي الها
تخلصه بسرعه وعلى اخر حبايه
امي الحد اللحظه الي زفوها وهي تبجي ومعترضه على هذا الزواج
من عقدولها ٢٥ مره وهي ماكايله نعم وانت وكيلي
الحد ما دخل عليها عمها وهو عصبي
وارد يضربها لان فشتله كدام الشيخ والكل عرف هي ما راضيه بهاي الزواجه ابد
عم امي...لو تكولين نعم لو هسه اكتلج خلاص وادفنج بهذا مكانج انتي مستهتره نسوان ماعدهن زلم ويمشن بكيفهن
بيبي خافت عليه من تهديد عمها
بيبي....يمه فدوه كولي نعم هاي قسمتج من رب العالمين بعد مابيدنا شي
انجبرت امي تكول نعم كالت هاي الكلمه الي كانت على السانها مثل السم
بعد ماتم العقد دخل ابوي عليه وهو عيونه حمر
قرب عليه ضربها راشدي
ابوي...اني تفشليني اني تخليني بهذا الموقف انت شنو
نمونه ولله اله اطين عيشتج
ماقبلت امي تخلي يقرب عليه بس هو كان مصمم
ياخذها حتلو غصب
ضربها ضرب منا لمن استسلمت وسلمته نفسه
بس شنو الصبح طلعت وجها خارطه من الضرب
بقت امي عايشه وياا بلغصب ابد ماكدرت تحبه
امي بقت كل عمرها تكره ابوي وماتحبه وكل مره كان يطلب حقه الشرعي منه
ماتقبل يضربها ويقرب عليه بلغصب
امي اقل وحده بين خواته صار عدها اطفال
احنا عددنا اربعه بس
بنات ثنيبن وولد ثنيبن
اني كان تسلسلي الثانيه
بعد اخوي الجبير حسن اني ملامحي كلش حلوه
شعري اسود سرح بس بشرتي سمره
الشي الي كنت اتمتع بي جاذبيتي عندي جاذبيه مو معقوله كل الي يشوفني لازم يتعلق بيه
اما خالتي الاخيره فاطمه أخذها عمي ولأن شافت امي من رفضت ابوي كلشي ماحصلت غير الضرب
قبلت بدون ماتناقش
هي هم شخصيته ضعيفه حيل
ياربي فكر وحال الضيم حالهم ويعرفون نفسهم مايكدرون
يتحملون مسولية عائله بس مصممين يضيعون مستقبل هذني البنات
نفس السنه الي اني انولدت بيه انولد اول طفل الخالتي فاطمه سمته علي وبعده راسا حملت وجابت بنيه سمته
غفران
تعرفون العادات قديما فلانه الفلان وفلان الفلانه
هاي العادات دمرت اجيال كامله
احنا وكعنا بهذا الفخ
بما ان علي ابن عمي من اني زغيره سعاد العلي
واخوي الجبير حسن الغفران
هاي الكلمات كانت اكبر مأساة دمرت حياتي
شكرا لزيارتكم عالم روايات سكيرهوم
