رواية مازلت عذراء الفصل الثاني بقلم جمانه السعيدي
هبه....دخلت للبيت وكبل صعدت فوك للطابق الثاني
شفته واكف بلركن ومنطيني ضهره
واكف واكو بصفه كوم طابوك مكسر بس مو هواي قليل
التفت عليه وكال تعاي
قربت منه حتى اشوف الحمامه
بس قربت لزمني من ايدي
عقيل ...انتي حلوه
هبه....شنو شتريد وين الحمامه
عقيل...انتي الحمامه
هبه...عوفني ليش لا زمني عوفني وين الحمامه
راسا حضني وحاول يبوسني
عقيل...تعاي اشوفج شي احلى من الحمامه تعاي اني وياج نلعب لعبه حلوه
لعبه انتي مالاعبته قبل
بس هي كلش حلوه
هبه..راسا دفعته لان حسيت نضراته ولمساته مو راحه خفت منه وصحت علي بعصبيه شبيك تخبلت عوفني
عقيل...مااعوفج شلون اعوفج اني صار اسبوع اخطط شلون اجيبج هنا وهسه تردين اعوفج
هبه..حاضني ويحاول يبوسني واني ادفع بي
بس دفعته حاول يلزمني من البدي ويحاول ينزعني
عقيل.. انتي مو تلعبين وياا الولد طول اليوم
اليوم نلعب اني وياج يحجي ويجر بملابسي
هبه...ضربته وعضيته من ايدا ودفعته
شغلت كل دفاعاتي بوقت واحد
اني متعلمه على العرك ومااخاف كمت اضرب بي واحاول اخلص نفسي منه
حاولت انهزم لزمني من شعري وسحبني هاي كانت نقطة ضعفي سحبني من كصيبتي حيل ورجعني علي
هبه...عوفني عوفني اتخبلت عوفني شتريد
جمانه السعيدي
سحبني من شعري من ورا ونزلني للكاع حتى يكدر يسيطر عليه
نزلني للكاع
التفتت علي وحاولت اخرمشه او اضربه بس مديت ايدي لزمني من ايدي ولواها بقوه
نزلني للكاع وحاول يصعد عليه حتى يسيطر
باوعت احنا قريبين على كوم الطابوك المكسر
بس شنو اني يائست احس مااكدر اخلص نفسي منه
لان هو أكبر مني
واني بعد وكعت بلكاع يعني صعب اكدر اخلص نفسي
طبعا اني على فد صوت عوفني عوفني عوفني
ولله اكول الابوي عليك
عوفني حقير
ماكو صعد عليه وهو ضاغط عليه برجليه ويحاول بنزع ملابسه
رفعت رجلي ادفعه ووكع بلكاع لام هو جان مركز شلون ينزع ملابسه اكثر مامركز يثبتني
رجع ليوره وهو يصيح عليه بت الكلب اني شرايد منج
لا تخافين مااذيج
صيري حبابه هسه اخلص بسرعه
لا تتحركين لان راح ااذيج
رجع بسرعه يربد ينزع بجامتي التفتت اكو طابوكه نص طابوكه بس مكسوره على شكل مثلث
هاي الطابوكه كانت أملي الاخير حتى اخلص نفسي منه
شلته هو دنك عليه يريد يثبتني واني ضربته براسه
بس ضربته الدم انفجر من راسه لزم راسه وهو مامصدك اني ضربته
دفعته وكمت كبل هي وكفه هي ركضه اريد انزل من الدرج
اركض وهو لازم راسه ويركض وراي
بس اني شنو طياره بثواني طلعت من البيت
رغم اركض حافيه لان نعالي بقه فوك ووكع من رجلي واني ادافع عن نفسي
اركض على الكاع حافيه بسرعه والكاع كله طابوك مكسر
وهو يركض وراي ويصيح اوكفي اوكفي
اليوم اموتج خلاص
حيوانه انتي اضربيني
طلعت للشارع اركض وهو يركض وراي
قريب على بابنا شفت جدي جاي وشايل علاليك مسواك
كمت اصيح جدي جدي
جمانه مازلت
جدي نزل العلاليك ووكف
جدي شبيج
طبعا شعري كفشه وملابسي كلهن تراب لان عقيل مددني على الكاع وحافيه ووجهي احمر من الضرب
وكفت وراا جدي واصيح عقيل عقيل
راسا طلع عقيل يركض وهو لازم راسه
جدي بس شاف عقيل راسا افتهم الشغله
وخله اسوء احتمال اباله لان يعرف عقيل شنوووو
جدي...عقيل عقيل وياج
التفت عليه ولزمني من زندي
جدي...عقيل اعتدى عليج
شوفو هاي الكلمه دمرت حياتي وخلتني اعاني اكثر من ١٥ سنه
جدي من كال اعتدى عليج قصده اغتصبني
بس اني هاي الكلمه كانت حسب فهمي اعتدى عليه يعني ضربني
لان هو مااغتصبني ماكدر يقرب عليه
اني ضربته وضربني
كان ردي على جدي بذيج اللحظه كلش عفوي
هبه...اي اعتدى عليه
هاي الحجايه هي الي دمرت حياتي وضيعتني وخلتني اعيش العار
جمانه مازلت
بس كلت الجدي اي اعتدى عليه ومنضري طبعا يدل اكو شي غلط صار بيني وبين عقيل
راسا جدي نزع العكال وركض على عقيل وكام يضرب بي بكل قوته
جدي..يضرب بي ويصيح لا ياخنزير لا ياحيوان ولك هاي عرضك انت ماتبطل هاي سوالفك
انت يمته تصير انسان
ولك هاي عرضك طايح الحظ الله ينتقم منك
بقه جدي يضرب بي لمن عدمه العافيه
وهو يصيح ولله ماسويتله شي هي ضربتني شوف الدم اجذب اني ماقربت عليه هي ضربتني
هي ضربتني هاي الوكحه محد مربيه ام الولد
منا هو الدم يجري من كصته ومنا جدي يضرب بي بكل قوته
على صوت الضرب طلع عمي من ببته
وشاف المنضر جدي يضرب بعقيل
شويه ووصل ابوي جاي من السوك
وشاف جدي وعمي و احد يصيح على الثاني وعقيل بلكاع مايكدر يوكف من الضرب
عمي...شبي شسوه ليش اضربه
جدي...ابنك الشفيه حتى بت عمه ماخلصت منه ابنك لبسنا العار
عمي....شلون شسوه هو وهبه
جدي...اي النذل نزل راسنا بلتراب ابنك اعتدى على بت عمه
هبه...هاي الحجايه اجت ترس بااذن ابوي
ابوي....شلون لا يانذل ولك انت شنو حيوان
ابوي نزل ضرب علي هو وجدي
وهو ماعنده غير ولله ماقربت عليه اجذب
عمي حاول يخلصه من اديهم وكال خل اشوف ايجوز هبه اجذب
اخذها الامها خل تشوف كلامه صح لو غلط
خل امها تتأكد منه
ابوي اجاني بعصبيه وسحبني من شعري دخلني جوا
هبه...ولله هو الجذاب هو كال تعاي وياي اشوفج الحمامه
ابوي...وانتي رحتي ركض اني اعلمج اذا ماااموتج تموت
دخلني وشمرني على امي
امي...شكووو شصاير
ابوي...وين جنتي عن بنتج عقيل دك الناقصه بيه وانت بيش ملتهيه انتي ام انتي حرام يسمونج ام
ليش ماتراقبين بتج وتشوفينه وين تروح
هبه...امي راسا لطمت على صدرها وكالت يايمه
ابوي...شوفيه بله شصاير وياها
امي اخذتني للغرفه ونزعتني ملابسي الداخليه ولكت
اكو دم
امي توقعت هذا دم البكاره
بس هو كان دم الحيض بسبب انفعالي وخوفي ووكعت عليه الدوره
امي عاطت بصوت عالي لان حست بته ضاعت منه
ابوي بس سمع صوت امي افتهم اني صرت مو بنيه
رجع بكل عصبيه على عقيل يضرب بي
كوه جدي وعمي خلصو من ايدا
جدي....اهدء بعد الي صار صار ماكو غير نعقد الهم
هو راح يزوجه ويصحح غلطه
بس بعد لمن البنيه توصل ال ١٥ سنه نزوجهم
وهاي السالفه راح تبقى بينا
جدي....تعال ابو عقيل احلف هاي البنيه راح تستر عليه انت وابنك
عقيل ....ولله ماقربت عليه شنو هو غصب مااريدها
شمالني ماخذ باوي
ام الولد صارت شريفه براسي
عمي....اش ولا كلمه اني اقسم بلقرآن هبه راح ياخذها عقيل حتى يصلح غلطته
شكرا لزيارتكم عالم روايات سكير هوم
