رواية مازلت عذراء الفصل الثالث بقلم جمانه السعيدي
هبه....مافضت هاي المشكله الي عمي وابوي قارين الفاتحه
على زواجنا اني وعقيل
بحضور جدي وشهادته على هذا الموقف
جدي متصور هو هيج حل المشكله وصلح الغلط
يردوني ارتبط بعقيل الي محد يقبله ومحد يتحمله
أحقر انسان على وجه الأرض
المهم طلع عمي من بيتنا وهو كلش ضايج من موقف ابنه
الي فشله كدام ابو واخوووو
ابوي اجا عليه هسه اجا موعد محاسبتي
اني بنضر ابوي شريكه بهاي الفضيحه
دخل للغرفه ونزل علينا ضرب اني وامي
اي شي يصير كدامه يضربنا بي اتهستر علينا
عيونه تجدح شرار
ضرب بوحشيه وبدون رحمه
ساعه اختل ورا امي وساعه امي تختل وراي
جدي واخواني يردون يخلصونا من ايدا ماكووو
لمن تعب وبطل بس شنو كسرنا تكسير
اخير شي من تعب كلش
كام يصيح على امي جمانه السعيدي
ابوي....انتي ترحين الاهلج مااربد اشوف وجهج بعد وباجر توصلج ورقة طلاكج
بس جدي ماقبل
جدي....لا ام هبه ماتطلع المشكله انحلت سنتين وعقيل ياخذ هبه وهاي هي
لاتكبر السالفه مادام لكينا حل لا تخرب بيتك اكثر
بعد هاي الحادثه البيت كله تكهرب
ابوي ينام بغير غرفه ومايحجي ويانه ابد
وعمي مايدخل علينا
اما عقيل بقه نايم يومين بلبيت من كد مانضرب من ابوي وجدي اما الرزايل علي من كل الي بلبيت حدث ولا حرج كل الي يكوم يرزله
على هاي العمله
وهو يحلف ماقربلي بس محد يصدكه
لان تاريخه يشهد بلمصايب
اما اني انمنعت اوصل الباب البيت
اني حقيقتا ماكنت فاهمه شنو الي مخليهم زعلانين مني
اني ماسويت شي ابد
مجرد ضربت عقيل لان حاول يتهجم عليه
اني بهذا العمر ماكان عندي اي معلومات عن شرف البنيه
وشنو هذا الدم الي نزل عليه
وليش امي هلكد خايفه منه
رغم الضرب الي انضربته بيومها بس مافهمت شي
بس فهمت اني غلطانه لان رحت وياا عقيل
اما باقي التفاصيل مااعرفه
حتى مااعرف اهلي ليش هلكد زعلانين مني ترا اني الي ضربت عقيل
وكدرت انهزم منه
اني ماعندي اي توعيه او معلومات تخص البنات بهيج عمر
اعرف نفسي غلطت
بس غلطت لان رحت وياا عقيل
هذا حد فهمي
بس اهلي كانو زعلانين مني لان فقدت شرفي بنضرهم
بسبب ضرب ابوي اليه وخوفي انكطعت الدوره
كانت مجرد كم نقطه نزلن عليه وبس
بعدها بشهرين يله نزلت عليه الدوره مره ثانيه
ويومها خفت احجي الامي خاف تكول الابوي ويرجع يضربني مره ثانيه
ضميت على امي هاي السالفه
نرجع الثاني بوم للمشكله
ابوي....شوفي اني هلمره سامحتج علمود ابوي بس قسما عضما اني منتضر اي زله وتلكين نفسج بيت ابوج
اني هيج مره غبيه ماتفيدني الله ياخذج ضيعتينا
اني تالي عمري اتوسل بعقيل النذل يزوج بتي
كله بسببج لو منتبه شويه ماصار الي صار
هذا اخر انذار اللج هبه ماتطلع من باب البيت واذا طلعت
انتي تكونين حصتي فهمتي لو لا
امي....اي فهمت
هبه...انحبست بلبيت وامي كامت تخلي علبه شغل بس اني كلبي وعقلي كله بلشارع
مرات اروح اوكف بلباب اباوع عليهم شلون بلعبون
واتمنى اللعب وياهم
جمانه مازلت
عقيل بعد يومين من هاي المصيبه
طبعا ذني اليومين خلصهن نايم مايكدر يطلع هلكد مانضرب
رجع البيت خاله
وهاي كانت آخر مره شفته بيه
لان بعد مارجع البيت اهله
اله بعد اربع اشهر بات ليله وحده ورجع راح البيت خاله
من اجا بقه بيت اهله حتى مااجا سلم على جدي مثل كل مره
ابوي ماقبل اقدم للمتوسطه حسيته كرهني حيل بهد هاي المشكله
ويريد يحبسني بلبيت كنوع من العقاب بسبب الي سويته
رحت الجدي اطلب منه يساعدني اريد اقدم للمتوسطه
لان صديقاتي كلهن قدمن
هبه....جدو اريدك تساعدني
جدي....شنو
هبه...اريد اقدم للمتوسطه البنات كلهن قدمن
جدي...ميخالف
هبه....فدوه احجي وياا ابوي
جدي....احجي وياااا بس بشرط ترحين وترجعين بطريقج
احنا ماعايزين مشاكل
هبه...صار اروح وارجع بطريقي
جمانه السعيدي
فعلا جدي كدر يقنع ابوي حتى اكمل دراستي
قدمت أوراقي للمتوسطه
وابوي جبرني البس حجاب وبديت اداوم وياا البنات
بلمتوسطه يله كمت اعرف شويه تفاصيل عن حياة البنيه
من اسمع البنات يسولفن ابقه صافنه
شنو هذا الحجي
بعمري ماسامعه بي
هنا يله فهمت شنو الدوره وشلون البنات تتعامل وياا هذا الموقف
البنات علمني مو امي رغم اني لازم امي تعلمني
وتفهمني هيج اشياء
هاي التفاصيل خلتني اصرف نضر عن اللعب بلشارع نهائيا
لان بوقته حسيت بلفرق بين البنيه والولد
وعرفت اني لازم ابتعد نهائيا عن هاي التصرفات
اما خبر اغتصابي من عقيل مابقه بعائلتنا وبس اقصد خبر زواجي مستقبلا من عقيل
اكيد الخبر انتشر بين الأهل والاقارب بسبب زوجة عمي
الي كانت تكول بكل مجلس
ابني ماقرب عليه هي الي تتحرش بي
هي الي ضربته
واذا صار شي بينهم فا هي السبب مو عقيل
كل النهار بلشارع وتلعب وياا الولد
اي واحد ممكن يطمع بيه ويصير وياها الي صار
جمانه السعيدي
كل اقاربنا كانو ينضرولي نضرة بنيه معيوبه
بنيه مو شريفه
الكل كان محملني المسوليه
بنات اقاربنا بطلن يجن علينا
واذا صارت مناسبه ونجمعنا محد تقبل تكعد وياي وتحجي
طبعا كله بتوجيه من اهلهن
يخافون على سمعت بناتهم مني
خاف اتأثر عليهن وينحرفن
كل هذا النقد الي اسمعه والكلام الجارح
واني مامفتهمه همه ليش هلكد كارهيني لان ضربت عقيل
ارجع اكول عقيل يستاهل الضرب
بعمري ماعرفت السبب الحقيقي الي الكل جاي يعاملني هيج علموده
مره ازوج ابن خال ابوي كل العوائل انجمعت هناك
واني رحت وياا امي لان ماتكدر تعوفني بلبيت تخاف عليه
واكثر شي تخاف من ابوي
لمن انجنعن النسوان بدن يذبن حجي على امي
...اي يمته تزوج هيه ولو هي مزوجه من زمان
بعد عليمن العرس
ترجع الثانيه تكول .... همزين ماطلعت حامل الله يستر على بناتنه
ترد عليه الثالثه...بنات هلوكت الله يستر منهن كلشي يعرفن
مو مثلنا الحد ليلة العرس واحنا نرجف من الرجال
امي كانت ماترد عليهن ومدنكه وماتعرف شتكول
كانت تحس هي السبب
بعدين كالت يله هبه نرجع البيتنا
رجعنا للبيت حتى ابوي مايعرف احنا رجعنا
ماكدرت تتحمل كلامهن الجارح
من رجع ابوي صار عصبي عليها وسئله ليش رجعتي
ماكدرت تحجي تخاف يصير عصبي عليه اكثر
كالت راسي بوجعني وماكدرت ابقى رجعنا اني وهبه
كلش حسيت امي مقهوره بيومها
واعرف اني السبب بس هم مااعرف هي مقهوره من ذيج الشغله
المهم عقيل كام مايجي للبيت اله كل ست اشهر يبات ليله وحده ويرجع
حتى جدي وابوي مايشوفونه
منا لمن خلصت الثالث متوسط
وحان موعد زواجي من عقيل حسب اتفاق جدي وابوي وعمي
جدي...تعال ابو عقيل البنيه كملت متوسطه وكملت ١٥ سنه يله نعجل بزواجه هي وعقيل واذا ماعندك اني اساعدك
عمي...اي باجر اخابر خاله حتى يرجع للبيت
فعلا عمي اتصل على خال عقيل وكاله خل يرجع نريد نزوجه هو وبت عمه
بس عقيل مااجه
بس سمع يردون يزوجونا جمع ملابسه وراح لدهوك
يشتغل هناك
طبعا بيت عمي كلشي ماشايفين من شغل عقيل
كلشي يحصله يخلصه على ونسته وعلى النسوان
بقا عمي ينتضر يوم يومين وماكو رجع اتصل على خال عقيل
عمي....السلام عليكم شلونك شلون صحتك
خال عقيل...الحمد لله انتم شلونكم
عمي...وين عقيل ليش مااجه
خال عقيل....شلون من امس كال اني راجع للبيت
عمي...مااجه ولا شفته
خال عقيل ....من امس طلع
عمي...تمام اذا سمعت عنه شي بلكت تتصل عليه
عمي بقه يسئل عنه وخاله هم يسئل عنه
بعد اربع ايام واحد من جماعته الي كان يشتغل وياهم
كال الخاله....... عقيل راح يشتغل بدهوك
وهنا ضاعت اخباره علينا
بس جدي مابطل يسئل عنه ويطلب من عمي يروح يدور علي حتى يرجع للبيت
يريد يتمم هاي الزواجه ويرتاح ضميره
لان بنضره اني بنيه معيوبه وهاي الزواجه راح تصلح كل الاغلاط الماضيه
جمانه السعيدي
المهم اني فرحت من سمعت عقيل مراح يجي وقدمت للاعداديه
وبدت ادرس خليت كل تركيزي بلدراسه
بهاي الفتره شكلي صار ناضج اكثر وصرت احلى
وبشرتي صارت فاتحه لان مااطلع بلشارع
وكمت اتعلم طبخ وشغلات حلوه بلبيت
لان اني مااطلع لأي مكان هاي أوامر ابوي
بلاضافه كل اقاربنا مايردوني اروح علبهم ولا احجي وياا بناتهم
يخافون عليهن مني
شكرا لزيارتكم عالم روايات سكيرهوم
