رواية مهجت روحي الفصل الثاني بقلم جمانه السعيدي
جمال...صحيح الحياة ماشيه بس اكو غصه بكلب مريم
تحس نفسه مقصره ويااا زوجه لان مايصير عدها اطفال
مريم....سيد انت لازم تزوج
حسين...انتي ليش ماتبطلين هاي السالفه
مريم...ولله لازم تزوج العمر يركض واني وياك بعد شمنتصرين مثلا سبع سنوات واحنا ننتضر بدون نتيجه
حسين...وشنو يعني ننتضر العمر كله
مريم...هلمره اني مصممه ومراح اتراجع عن قراري ابد
حسين...اسكتي لا اطلعيني عن طوري
مريم....ولو شتريد تحجي احجي عليه لازم تزوج بس حلفتك بروح ابوك سيد علي وبخته اذا صار عندك اطفال
تنطيني واحد
ولله راح اربي احسن تربيه واخلي بعيوني
جمانه السعيدي
حسين...هسه نزوج سيد جمال وهو ينطينا طفل
مريم...ماكو ام تنطي طفله من يكول زوجته راح تقبل
بس اذا ابنك انت تعرفني وتعرف طبعي
واكيد راح اتامن علي وهو عندي قسما بلله
اخلي بعيوني لان بي ريحتك
حسين...كافي سدي هذا الموضوع مااريد اسمعج تحجين بي مره ثانيه
مريم...لا مااسكت ابد اني كل التحاليل ثبتت اني مستحيل يصير عندي اطفال انت بعد شمنتضر معجزه
حسين...اي منتضر معجزه
مريم...زمن المعجزات خلص وراح
حسين...شمعنا احنا ماتصير ويانا معجزه ترا كرم رب العالمين جبير
مريم...والنعم بلله بس اذا كل واحد كال شمعنا اني
وماقبل بحكمة رب العالمين
شلون الناس راح تحس بالنعم الي رب العالمين جاي ينزله على البشر
اذا اني اكول شمعنا اني وذيج تكول شمعنا اني
شلون راح نقدر نعم رب العالمين علينا
شلون الي عندا راح يحمد ربه ويشكره اذا يشوف غيره ماعندا
ترا الرزق بلدنيا مو بس فلوس
الرزق اطفال الرزق صحه الرزق امان
حتى الحجي الحلووو هم رزق من رب العالمين
حسين....رفعت اديه وكلت يارب شوف شلون مقتنعه برزقك اعطف علينا ولو بطفل واحد ياكريم
مريم...الحمد لله والشكر محد يكدر ياخذ رزق غيره
اني من باجر راح ادورلك على عروسه
حسين....مااريد كلبج يحترك
مريم... اني احبك واذا تغيرت عليه بعد الزواج اكيد كلبي راح يحترك
جمانه السعيدي
حسين...بعمري مراح اتغير عليج ابد
مريم...وبعد عندي طلب اخير
حسين...اشرت على عيوني وكتله اامري
مريم...انت ماتعرف اني شكد احبك ومتعلقه بيك بحيث
مااتخيل بيوم من الايام مااشوفك او احجي وياك
طلبي.اريد اطلع بيت وحدي حتلو مشتمل
لان اعرف نفسي مراح اتحمل اشوفك وياا وحده غيري ابد
حسين.. خلاص ماازوج
مريم...لا اني اريدك تزوج ويصير عندك اطفال بس هذا بيت ابوك وسيد جمال هم يريد يزوج ويستقر
والبيت مراح يتحملنا كلنا
واني هم اريد يكون عندي مكان خاص بيه لو حدي
حسين....حبيبتي ليش تعذبيني وتعذبين نفسج
مريم...اني اريدك ترتاح ترا اني حاسه بيك وبلهفتك على الاطفال هلكد مااحبك اعرف كلشي عنك
اذا تحجي وانت زعلان اعرفك
واذا احد مضايفك لو مغثوث هم اعرف
خل هاي الاسره تكمل بوجود طفل ينور الدنيا علينا
حسين...تعبت من الكلام وياج الي تشوفي مناسب سوي
براحتج
مريم...خلاص من باجر اني راح ادور على عروسه
بس راح اشوف وحده مطلقه لو ارمله وسبق حبلت وجابت
لان خاف نخطب بنيه وتطلع مثلي عاطله
حسين...انتي مو عاطله انتي ست البنات كلهم
مريم...الله يجبر خاطرك مثل ماجاي تجبر خاطري
جمال.... بعد هذا الحديث بين سيد حسين ومريم
يومين واني حاس مريم مو على بعضه ابد
تتحسر هواي وصفنه جيبه وصفنه توديها وحزينه
بس مااعرف هي ناويه ازوج سيد حسين
جمال... هاا مريم خير اكو شي احسج مو على بعضج ابد
مريم...سلامتك مابيه شي تحسرت ودارت وجه
جمال.. انتي مو تكولين انت اخوي
واني مااقبل واحد يزعل اختي ابد حتى لو كان سيد حسين هم مااقبل
مريم....سيد حسين وين اكو منه بعمره مازعلني ابد
جمال...خاف امي احجي منو وياج
مريم...لا ولله عمتي مستحيل ازعلني ابد عمتي حنينه وكلبه طيب اني احبه مثل امي واكثر
جمال...مابقه بس اني ايجوز مزعلج واني مااعرف
مريم...الله يحفظك ونفرح بيك عريس
جمال...اليوم مااطلع اله اعرف منو زعلج
مريم....اكيد انت لازم تعرف اني قررت ازوج سيد حسين
جمال...كالت هاي الكلمه وتحسرت ونزلت دمعه من عينه
دارت وجه ومسحته حتى لا اشوفه
جمال...بس الي اعرفه سيد حسين مزوج احلى وأطيب زوجه بلدنيا
مريم....شلفايده بس مايصير عدها اطفال وهو تحمله هووواي وهسه اجا دورها اضحي علموده
جمال....اي ومنو يكول الي يزوجه راح تحمل وجيب اطفال
مريم....انشاء الله تحمل وتترس هذا البيت جهال
جمال...ليش اتسوين بنفسج هيج اصبري ايجوز تنزل رحمة رب العالمين عليج ليش مستعجله
مريم...صار سبع سنوات كافي السيد تحملني هواي
جمال...اعرف انتي تحبي ليش تخلين وحده غيرج تشاركج بي
مريم...اي احبه بس هو شنو ذنبه من حقه يصير عندا اطفال
جمال...اصبري
مريم...العمر جاي يمشي وسيد حسين عمرا صار ٣٢ بعد شكد يصبر الي بعمرك جاي يسجلون أطفالهم بلمدرسه
جمانه السعيدي
جمال.. كل يوم اكتشف بيج صفه جديده سبحان الي خلقج
وكملج ماكو اي وحده تتحمل زوجه يزوج عليه
وانت تردين ازوجينه
مريم...واني الي راح اخطبله
جمال...هلمره وياا كلمة اخطبله نزلن دموع ثنيين من عيونه
حسيت بيه موجوعه حيل بس جاي تكابر كدامي
وكدام الناس كله الله يصبر كلبه
عافتني وصعدت الغرفته واني دخلت على امي
جمال...يمه تعرفين مريم تريد ازوج سيد حسين
امي.. اي اعرف حسين حجالي
جمال.. خطيه الله يساعد كلبه
امي...تعرف لو وحده غير مريم جان زوجته من زمان
بس مريم ماكو منه واني صابره وساكته صار سبع سنوات
مابهون عليه اكسر خاطرها ابد
همزين هاي الفكره اجت منه مو من عدنا
اني اريده يزوج اريد اشوف ضنا وافرح بيهم
جمال...انت تعرفين شكد تحب زوجها اكيد راح اطك وتموت بيوم عرسه
امي....لا تخاف مريم قويه راح تكدر تتحمل
جمال...ولله ماادري بس اني اكول مستحيل يلكه وحدا مثله
امي...صحيح مريم ماكو مثله بس حسين كلبه مشلوع على الاطفال بس ساكت ومتحمل
حتى رب العالمين ذكر بلقران المال والبنون زينة الحياة الدنيا
واحنا ولله الحمد خير من الله عدنا ماباقي غير الاطفال
واني مراح اقبل يقصر على مريم بشي ابد
راح تبقى معزته مثل ماهي
