رواية كيد الرجال الفصل الثاني بقلم جمانه السعيدي
لطيف...ابد ابد ماعندي مانع اسجل البيت باسمها
هي شنو واني شنو اني وياها واحد ماكو فرق اذا كان باسمها او اسمي
بعدين واذا باسمها هي زوجتي وشريكة حياتي واني ماعندي شك بيها
انتم ماتتخيلون شكد احبها وشلون متعلق بيها
ولو يصير بعد عندي املاك مستعد اسجلهن باسمها
اني روحي سجلتها باسمها
شنو بعني بيت مااسجله باسمها
هاي حبيبتي وشريكة حياتي اني مستعد افديها بروحي
الحب نعمه من رب العالمين والبشر لازم يشكر الله على هاي
النعمه لو ما الحب ما اتالفت الكلوب
جمانه السعيدي
ثاني يوم بديت باجرائات نقل ملكية البيت باسمها
اذا اشوفها فرحانه وسعيده
اني اصير اسعد واحد بهاي الدنيا
من بعدها بفتره اقل السنه رجعت لكيتها منتضرتني
سحر ...هلو حبيبي منتضرتك
لطيف...منتضرتني
سحر...اي
لطيف...تعاي مشتاقلج حضنتها وبسته كولي شنو تردين
من هاي العين وهاي
طلباتج مجابه قبل لا اطلبين انتي تامرين امر مو اطلبين
سحر...تعال اشوفك شي
فتحت التليفون
شوف هذا مركز جديد يعالج الي مثل حالتي عن طريق الحقن المجهري
لطيف...حبيبتي اخذج وين ماتردين بس اخاف عليج
خاف مايصير حمل وترجعين اضوجين
اني مااريد اطفال انتي عندي بادنيا كلها
سحر...بس اني اريد اني اريد اصير ام
لطيف.. اخذج وين ماتردين بس مو اضوجين يعني خلي
ابالج احتمال ٩٠ بلميه مايصير
اني اهم شي عندي انتي اربدج تفهمين هذا الشي زين
سحر...ميخالف حتلو اريد اجرب على الاقل ماابقى اللوم
على نفسي
لطيف...صار مو تدللين باجر اني اسئل وارجعلج خبر
جمانه السعيدي
ثاني يوم دخلت على موقع المركز وسألتهم على هيج شغلات واكدولي ممكن يصير حمل
اذا اخذو البيضه من الرحم ونشطوها ولقحوها خارج الرحم وبعدين يرجعون يزرعونها مره ثانيه داخل رحم الام
بشرط تكون البيضه موجوده بس ضعيفه
بهاي الحاله تنجح المحاوله
الحد هنا كلشي تمام
بس العمليه غاليه وتكلف هواي واني ماعندي هيج مبلغ
لان سحر يادوب تعوف مصرف البيت من الراتب
والباقي تخلي بلمصرف باسمها
رجعت للبيت لكيتها منتضرتني
سحر...هاا حبيبي سئلت
لطيف...اي سئلت وإنشاء الله خير
سحر...يعني بمتى تاخذني
لطيف...المبلغ هواي خلي ادبر الفلوس وبعدين نروح
سحر...اي استعجل لان مابقى عندي صبر
لطيف...صار مو تدللين
رغم هي كانت مجمعه مبلغ زين بلمصرف بوقتها بس ابد
ما كالت اخذ الفلوس حتى اني اتعالج
عافتني اتقرض من جماعتي وهي ساكته
تشوفني اتصل على الولد حتى اكدر ادبر المبلغ
وهي عبالك بغير عالم
ابد ماحاولت تساهم بلملبغ الي مجمعته
سحر...هااا بشر
لطيف...اتصلت على محمد بس ماعندا المبلغ كله
عندا بس مليونيين
راح اتصل على علاء واذا ماعندا اشوف حمزه
اذا كدرت ادبر المبلغ اخذج راسا لا تخافين حبيبتي
لو ابيع نفسي لازم اعالجج
سحر....بس بسرعه انت ماتتخيل هذا الموضوع شكد شاغل بالي
لطيف.... بس ادبر المبلغ نحجز ونروح كبل
اني مو خال عيني على الفلوس ومايهمني المبلغ
بس اريدها تفرح
لان اذا فرحت اني افرح
خلال اربع ايام جمعت المبلغ المطلوب للعمليه
هي خلال هاي الايام اكلت كلبي
كلما ادخل للبيت تسئلني هااا دبرت المبلغ
اريد اسئل النسوان سوال ليش هي هيج تسوي ليش اجمع فلوس باسمها ليش صممت البيت يكون باسمها
ماكانت حاسه بأمان وياي يعني معقوله ماحاسه بحبي وتمسكي بيها لو هذا طمع لان هي حيل طماعه
نرجع السالفتنا
اخذتها ورحت للمركز وبدو يسولنا تحاليل احنا الاثنيين
وطمنونا انشاء الله يصير حمل
لان المشكله بسيطه واكو الها حل
بدينا بلاجرائات ودفعت كل المبلغ المطلوب
وفعلا العمليه صارت
ولله الحمد الدكتور طمنا العمليه نجحت بقا لازم
ترتاح اربع اشهر تبقى نايمه على ضهرها
حتى يتأكدون من ثبات الحمل
طبعا امها وامي وابوي كانو حاضرين العمليه
من طلعت من العمليه الدكتور اكلنا لازم ترتاح اربع اشهر ماكو حركه قويه ولا تشيل شي ثكيل
ولا تبذل اي مجهود حتى الحمل يثبت
جمانه السعيدي
امها رفضت تأخذها البيتهم
تكول مااكدر اتحمل مسوليته اني تعبانه
لطيف... اني اداريها واخليها بعيوني منا لمن تكوم بلسلامه
اخذتها للبيت خليتها بلغرفه
وبديت اداريها كلشي مااخليها تلزم
اني انضف واطبخ و مرات امي تطبخ ودزلنا او اجيب حاهز حتى اوكلها بايدي
ارفع راسها شويه عن المخده اكعد واخلي راسها بحضني
واوكلها بايدي
اسبحها اغسل ملابسها
امشط شعرها
صحيح كانت المسوليه هواي عليه لان الدوام وشغل البيت
ولازم اعتني بيها
بس ميخالف تهون لان اني راح اصير اب
وام جهالي حبيبتي سحر
هاي عائلتي لازم احافظ عليه
طبعا امها تجي كل اربع ايام خمسه تكعد مثل الخطار
شويه وتروح
اما امي تجي خطيه تساعدني بتنظيف البيت
ودائما تطبخ ودزلنا
وبين كل يومين تدزلنا صينيه كباب لو كبه لو بورك
وخبز
كنت بهاي المرحله داخل تحدي وياا نفسي
لازم اقاوم منا لمن سحر توصل للولاده
اني هم اريد اصير اب اريد احس هذا الاحساس الحلو
تعبت بشكل مو معقول كمت ماروح للمكتب العصر
عايف كل المسؤليه على محمد صديقي
وهو كان مقدر وضعي ويحاول يساعدني كد مايكدر
اما الدوام
كل اسبوع اطلب اجازه
ومرات اطلب زمنيه واطلع
منا لمن وصلنا للشهر التاسع كنت الفظ انفاسي الاخيره من التعب والمسوليه حتى شكلي كله تغير
شكلي تعبان
مرات اروح بملابسي ماالحك اغسلهن
واكثر الوقت البسهن بدون كوي لان وقتي مايتحمل اكعد اكوي
هملت نفسي بس حتى هي تكون سعيده ومرتاحه
وصلنا للولاده وماحبيت اضحي بكل هذا التعب والجهد والوقت اريدها تكوم بلسلامه
لان هي أهم عندي حتى من الاطفال
على فكره هي حامل بتوم وولد وبنيه
حجزتها بنفس المركز والولاده عدهم بأسعار خياليه
عبالك مشتري الطفل منهم مشترى
ميخالف كلشي يهون بس سحر تكوم بلسلامه
دخلت للعمليات واني هلكد ما قلق عليه ومتوتر
مااكدر اوكف على طولي
كعدت بلكاع واني اتوسل برب العالمين تطلع سالمه
هي والاطفال
مابقى دعاء ولا توسل ولا ايه ماقريتها
منا لمن طلع الدكتور وطمني عليه
الحمد لله الولاده تمت والاطفال والام بصحة جيده
جمانه السعيدي
سجدة شكر لله كمت ابجي اي ابجي من كد فرحتي
معقوله رب العالمين جبر خاطري من بعد خمس سنوات
زواج وصرت اب
من بعد مافقدت الامل نهائيا ورضيت بقسمة رب العالمين
الحمد لله والشكر على تمام النعمه
بقيت واكف اريدها نطلع حتى اطمن عليه
بس طلعت ركضت حضتتها وبستها
خفت لا افقدها بلعمليه اني مستحيل اتخيل حياتي من دونها ابد
بقينا بلمستشفى يومين وطلعنا بعد مااطمنا على حالة سحر
اما الاطفال بقو بلخدج اسبوع يله كدرنا نطلعهم
فرحتي ماتنوصف ابد ولا اكدر اعبر عنها اني صرت اب
وعندي اطفال ثنيبن وحبيبتي سحر امهم
شكد كريم رب العالمين
جبر خاطري وفرحني
شكد جنت تعبان بفتره الي فاتت
هسه التعب صار اضعاف
ثنيبن جهال زغار يبجون سوا يقكدون سوا
سحر ماتكدر تتحرك بسبب العمليه
جبت امي بلبيت
اني وامي نتعاون عليهم
