رواية كيد الرجال الفصل الثالث بقلم جمانه السعيدي
لطيف...من صارو الجهال دخلت بمرحله اصعب
اطفال ثنيين توم محتاجين اهتمام ورعايه
محتاجين حليب وحفاضات كمت اركض ومالحك
العيشه والمصرف
والديون الي غركت بيها
بعمري ما مار بهيج ضروف بكل حياتي كنت اقرض الناس
ما اتقرض منهم
تعبت المسؤليه صارت عليه اكبر من قبل
اربد استعيد نشاطي وشغلي حتى اكدر اسدد الدين
دخلت بسلفه وجماعتي كلهم وكفو وياي
بلبدايه ردت اخذ قرض على الراتب بس جماعتي ماقبلو
لان الفوائد هواي
دخلت سلفه استلمت ثاني اسم وسددت الدين الي عليه
بس نص الراتب طار
المهم اني اكدر من الشغل بلمكتب العصر ادبر المسواك
وباقي الراتب للبيت
بس هلكت نفسي بلشغل
بلمقابل سحر بس تحسنت حالته شويه تغيرت عليه
١٨٠ درجه
نست كل تعبي ووكفتي وياها
نست اهتمامي بيها
نست كميه الديون الي صارت عليا بسبب ضغطها على موضوع الاطفال
نست اني زوجها والي حقوق عليه
وكانما حصلت الشي الي تريدا
بعد مامحتاجه مني شي غير الفلوس وبس
ابد ماتهتملي ولا تهتم بملابسي ولا بلاكل
عذرها الجهال
مشغوله بلجهال
اعرف تربيت التوم صعبه بس اني جاي اساعدها كد مااكدر
جمانه السعيدي
عزلت فراشها عني
تنام بغرفة الاطفال
بليل كله على الموبايل وهم الجهال يكعدون
وبلنهار نايمه
حتلو الجهال يبجون ماتقبل تكعد علمودهم
ارجع من الشغل احير بيهم لان ماتقبل تكعد علمودهم
تكول اني تعبانه اربد ارتاح
اغسل وابدل واحضر مميه
واكل ابد ماكو بلبيت ماتقبل تطبخ نهائيا
اجيب المسواك والمخضر الكا تالف بلثلاجه
واذا احجي وياها تزعل
لطيف....حبيبي ليش ماكو اكل اني جاي تعبان وجوعان
سحر....فوكاها تريد اكل اني يادوب الحك على الجهال
وحضرتك تريد اكل
هو اني اريد واحد يساعدني على الجهال
وانت تريدني اطبخ
لطيف...هذا القميص من امس بلحمام تعرفين اني من الدوام كبل للمكتب واجي تعبان
ليش ماتغسلين ملابسي
سحر...اهووو انت بطران يا ملابس يمعود
اني ملابس الجهال اغسلهن بين يوم ويوم
عوف الشغل العصر وتعال ساعدني على الجهال قابل همه بس جهالي ترا جهالك وانت مسؤل عنهم مثلي
جمانه السعيدي
لطيف...ومنيين اسدد الدين الي غركت بي
سحر...شنو جاي تعيرني واني شكو بلدين ماتحس بيه
طول فترة الحمل واني تعبانه
وهسه مجاي اشبع نوم
جاي تحاسبني على كم فلس صرفتهن
لطيف...مو اعيرج بس لازم اسدد هذا الدين
اذا اكعد بلبيت مراح اكدر الحك على العيشه
لازم اشتغل حتى اسدد الدين
سحر...واني شكووو اخدم نفسك بنفسك اني ماعندي وقت
لطيف...ضجت من اسلوبها وكلامه طلعت رحت بيت اهلي
امي...ليش ضايج حبيبي
لطيف...تعبان من الشغل والبيت هوسه واكل ماكو
ملابسي وصخات
امي...ليش ماجتهن اني اغسلهن وبعد لا تشيل هم الاكل
اني اطبخ وتعال اخذ اكل حاهز
لطيف...مو بس هاي يمه سحر صايره تحب المشاكل
وعازله نفسها عني
امي...هااا هسه عرفت السبب لان سحر عازله نفسها انت ضايج ماتكدر على بعدها لا يكون اتغار من جهالك
لطيف...تعبان حملت نفسي فوك طاقتها١
من ارجع للبيت تعبان مجاي ارتاح
وسحر على كلشي تخلق مشكله
امي...ميخالف ترا تربية توم موشي سهل النسوان واحد ماتكدر تربي اله ثنيبن
لطيف...اعرف ولله مقدر ضروفها بس اني هم تعبان
امي.. ميخالف ازمه وتعدي هسه يكبرون وتخف المسوليه شويه عنك
لطيف...الله كريم
امي...تعال اني طابخه اليوم دجاج وبرياني تعال اخليلك وروح اتغدا انت وزوجتك
وانسى الزعل ماكو شي يبقى على حاله
هي هاي الجهال متعبه
ذبحتو نفسكم علمود الجهال اتحملو المسؤليه
جمانه السعيدي
جبت الاكل من امي ورجعت للبيت
دخلت لكيت الجهالةنايمين وهي فاتحه التليفون
لطيف...هلو حبيبتي تعاي نتغدا جبت غدا من امي
سحر...مااريد سم
لطيف...لا تكولين هيج
سحر...ولله على شنو تعتب وتهوس عليه الي مثلك
يجيبلي خدامه
ويفكر شلون يساعدني مو تعيرني بكم فلس صرفتهم عليه
لطيف....حقج عليه اني اسف وبعد ما ازعلج
سحر.. ماريد كلشي منك ماريد عوفني بحالي
لطيف...اذا ماتاكلين وياي اني هم مااكل
سحر...اي حتى باجر تكعد تعيرني بطبخ امك
لطيف....ترا امي طول فترت حملج هي تطبخ ودزلنا اكل
على شنو اعيرج
سحر....روح يمعود مالي خلكك
استمر هذا حالنا كل يوم تخلق مشكله وكل يوم زعلانه
هي تنام بغرفه واني بغرفه
ابد ماتقبل تنطيني حقوقي الشرعيه
وتتحجج كل يوم تعبانه مالي خلك
لاتكعد ولا تحجي وياي ولا نسولف ولا تقبل أقرب عليه
بس ادخل للبيت تكمش الجهال حتلو ساكتين
واذا نايمين بس تشوفني ادخل للبيت تركض تنام بصفهم
جمانه السعيدي
اي شي تشتري للبيت ماتدفع اي فلس تشتري وتسجل عليه
واني اسدد من استلم
وتريد مبلغ معين كل شهر حتى تخلي بلمصرف
رغم هي تعرف اني حاي ادفع نص الراتب علمود اسدد الديون الي عليه
لطيف...ممكن تعوفين التوفير كم شهر حتى اكدر اسدد الديون الي عليه
سحر...شنو شنو ليش عيوني ذني الفلوس حقي
واذا مديون هاي مشكلتك
لطيف...بس محاي اكدر الحك منا السالفه ومنا مصاريف الجهال وانتي تردين فلوس توفرين
سحر...ومنو كالك خلف ترا ذوله جهالك مو بس جهالي
لطيف...اي ماكلت شي بس اسدد الدين الي عليه
ارجع انطيج فلوس
سحر...لا عيوني لا جيب مسواك وانطيني فلوسي
لطيف.. وشنو ناكل
سحر...جيب من امك اكل
لطيف...موضف وشكبرني واجيب من امي اكل حتى انتي تكدرين اجمعين كم فلس
ترا ماكو هيج
شنو بيت مابي اكل ليش مثلا ماعدنا
زبن انتي كل هاي الفتره صار عندج مبلغ محترم
انطيني اسدد الدين وبعدين ارجعي جمعي فلوس من جديد
سحر.... شو خل اشوفك زين خاف مرتضى ذني فلوسي خاصات بيه محد يقرب عليهن
وانت مسؤل عن هاي العائله تصرف عليه
حصتي من الراتب خط احمر
اذا تريد اشتري بلدين مسواك وبعدين من تستلم سدد
لطيف.. افتهمي ياامة محمد شلون اسدد من الراتب وهو مايكفي
سحر....مااعرف كلشي لا اجيب للبيت وانطيني حصتي من الراتب وغير هذا الكلام ماعندي
لطيف كل مره ادخل وياها بنقاش مااطلع باي نتيجه
انسانه طماعه بشكل مو معقول
اهم شي اجمع فلوس
شسوي بيهن والى متى راح تبقى اجمع فلوس مااعرف
حتلو على حساب ضروفنا
المشكله هي تعرف اني احبها ومااكدر على زعلها
وجاي تضغط عليه من هاي الناحيه
بطلت ادخل وياها اي نقاش لان تعبت منها ومن اسلوبها
كل مره اكول ميخالف
مضغوطه بسبب الجهال والمسوليه عليه هواي
لازم اساعدها حتى تعدي هاي الضروف
صار عمر الجهال سنه كامله
وهي مبتعده عني وماتقبل أقرب عليه
وكل فتره اهمالها يزبد اكثر
اليه والبيتها بس اني كل يوم اخليلها عذر
لان احبها ومااتخيل ادخل للبيت بيوم ومالكها موجوده بي
سحر حبيبتي وام جهالي ماتكدر استغني عنها ابد
صار عمر الجهال ٣ سنوات واني كدرت اسدد كل ديوني
والجهال كبرو بعد مامحتاجين لا حليب ولا حفاضات
واني رجعت اسيطر على الوضع
بس سحر مارجعت مثل قبل ابد
تتهرب مني وماتريدني اهم شي عدها الفلوس
تريد مني فلوس وبس
بس اي حقوق اليه عليه وواجبات ماكووو
حاولت اصالحها اجيب هدايه اطلعها هي والجهال
ايجوز تتغير نفسيتها
بس ابد ماكو اي فايده سحر تغيرت ماتحبني ولا تريدني
بيوم طلعت من الدوام رحت اشتريتلها تراجي ذهب
ورحت حتى اصالحها واحاول ارجع الود بينا مثل قبل
او اعرف شنو اسباب نفورها مني
ليش ماتريدني رغم اني احبها مثل قبل واكثر
مشاعري ماتغيرت من ناحيتها
اني مخلي ابالي ان هي تغيرت بسبب كمية المشاكل للي صارت بينا بفتره السابقه
وقررت اغير اسلوبي وياها واصالحها
دخلت للبيت على كيف اريد اسويلها مفاجئه
دخلت بغرفة الجهال لكيتهم نايمين
كلت اي فرصه الجهال نايمين
قربت على غرفة النوم جان اسمعها تحجي بلتليفون
سحر....اي حبيبي انت ماتدري اني شلون متحملته
كوه مصبره نفسي علمود الجهال
اكرها اموت منا كل يوم يعدي عليه اموت الف موته
اتمنى اكدر اخلص منا واشوف حياتي
لان بعد ماعندي اي قابليه حتى اتحمله
