رواية الامل الفصل الثاني بقلم سلمي عبد الجليل
سُمية بقلق : ها عملت اي ي مختار
مختار : للاسف لقيت شقه صغيرة ف مكان بعيد اوي عن هنا دي الشقة الوحيده الي صاحبها وافق ياجرها لما عرف ظروفنا وقال انه هيخلي الايجار رخيص عشان احنا لسه صغيرين وكدا كدا الشقة محدش عايش فيها وانا دفعت ٢٠٠٠ جنيه ايجار مقدم عشان قولتله اننا هنروح انهاردة
سُمية بسعاده : وبتقولي للاسف دا احلى خبر سمعته ف حياتي
مختار بضيق : عشان هي ف مكان بعيد اوي كدا مفيهوش ناس كتير
سُمية : مش مهم كل دا يهون لأجل اننا نبقى ف امان بعيد عنها
كملت بتفكير : بصو هنفضل قاعدين عادي وانا هطلع اقولها اني هعمل الاكل والعصير عشان الماذون لما ييجي وهحطلها المنوم دا هي والشحطين الي عايشين معاها دول وتاخدنا ونروح الشقة دي
مختار بسعاده : الحمدلله اخيرا هنفوق م الكابوس دا
الكل كان مبسوط ولكن السعاده مدامتش كتير لما سمعوا صوت المعلمه
المعلمة بضيق : يلا سنيورة المأذون وعريسك مستنيين
ردت من بين سنانها : حاضر
قومت خرجت عملتلهم العصير وحطيتلهم المنوم فيه وخرجت وابتدوا يشربوه
المعلمه بضحك : معلش بق يشيخنا العرسان ملهمش حد ف مفيس هيصه وبعدين انت عارف شغلنا
المأذون رد بهزار : براحتك ي معلمه لو عاوزانا نجيبلهم أهل نجيب
فضلوا يضحكوا وانا منتظره المنوم يشتغل عشان انفذ خطتي كانت المعلمه والماذون ومحروس وسيد قاعدين يتكلموا ويهزروا وانا بفرك ف ايدي وخايفة يكون المنوم ضعيف وميعملش مفعول واتدبس ف الجوازة دي
اتكلمت المعلمه بضيق : يلا ي شيخنا ابدأ
الماذون : فين بطاقة العروسة
اتكلمت المعلمه بضحك : بطاقة اي ي شيخنا م انت عارف الي فيها
ف اللحظة دي كنت هعيط طب اعمل اي المنوم معملش مفعول لسه وهما خلصوا العصير
اتكلمت بهدوء : انا هروح اجيب اخواتي عشان يكونوا معايا انا مليش غيرهم
محدش رد عليا ف قومت جبت العيال وياسر ومختار كانو معايا هم اكبر اتنين ع الرغم من انهم صغيرين سننا بس وسط العيال هما كبار وبحس بأمان معاهم برغم صغر سنهم فضلوا واقفين جنبي واحنا منتظرين مفعول المنوم
ابتدوا يتكلموا بتوهان ف حسيت بفرحة ، انا خلصت المنوم عليهم هما الاربعة لازم ينامو اربع ايام ولا حاجه وميصحوش
فضلنا نبص عليهم بترقب لحد م ابتدوا ينامو
اتكلمت المعلمه بتوهان : انتي حطالنا اي ف العصير ي بنت ال***
ونامت بعدها
ف اللحظة دي فضلوا باصين عليهم بتركيز عشان يتأكدوا انهم نامو ولما اتاكدوا
سُمية لمت الفلوس الي كانت مخبياها هي ومختار واخدت الاطفال وراحوا بسرعه ع الشقة
ف الطريق
سُمية بتعب : اي كل المسافة دي ي مختار لسه كتير ؟
مختار بتعب لانه كان شايل زلطة : هانت قربنا
بعد نص ساعه وصلوا الشقة وطلعوا وكان مختار معاه المفتاح فتح ودخلوا
كانت شقة صغيرة فيها اوضتين كل اوضة فيها سريرين ، وصاله متوسطة ، وحمام ومطبخ بردو متوسطين
الفرحة كانت ظاهره ع وشهم
سُمية بسعاده :من اللحظة دي مش هنعمل حاجه غير اننا نرتاح ، وانا ومختار وياسر بعد اسبوعين كدا عما المعلمه تنسانا هننزل ندور ع شغل والميزة ف الشقة انها بعيده جدا عن الخرابة الي كنا فيها
مختار : انا وسُمية هننزل دلوقتي نجيب طلبات البيت تكفينا لاسبوعين عشان مننزلش خالص وهجيب كالون جديد وهجيب ترباس زيادة عشان نبقى ف امان اكتر
سُمية : ياسر معاكو ي حبايبي اهو وهنقفل عليكوا من بره بالمفتاح وهو هيقفل عليكوا من جوه بالترباس واقعدوا سوا لحد م نيجي
كلهم وافقو وسُمية دخلت عانت الفلوس وخدت مبلغ كويس عشان يشتروا الحاجه بتاع الشقة
نزلت هي ومختار راحو السوق جابو فاكهه وخضار وصابونه ومسحوق غسيل للهدوم وادوات لتنضيف البيت، و مكرونه ورز وبيض ولبن ، وراحوا جابو لبس لكل الاطفال كل واحد طقم بيتي عشان يغيروا فيهم ، وجابو اربع اطقم للسراير عشان ينامو عليها لان السراير مكنش عليها فرش ،وجابو كالون جديد للباب وترباس وخلصوا وركبوا توكتوك وراحوا الشقه
بعد ساعتين رجعوا البيت
افتح ي ياسر انا سُمية
ياسر فتحلهم ودخلوا ، الاطفال جريوا عليهم بسعاده
مختار ادى لكل طفل طقمه وسُمية دخلت مستلزمات البيت المطبخ
سُمية طلعت م المطبخ واتكلمت بحب : يلا الولاد هيبقوا ف الاوضة دي والبنات هيبقوا ف الاوضة التانيه ، يلا كل واحد يدخل يستحمى ويجيبلي هدومه عشان احطها تتغسل فالغساله
ابتدى كل واحد م الاطفال يدخل يستحمى ويدي هدومه لسُمية وبعد م خلصوا حطت الهدوم ف الغساله وابتدت تنضف المطبخ والحمام وعلقت ع الاكل وخرجت نضفت الشقة كلها وفرشت السراير وقالتلهم يقعدوا ف الصاله عما تستحمى هي كمان وتغرف الاكل
دخلت خدت شاور وطلعت حطت هدومها هي كمان ف الغساله وشغلتها وابتدت تغرف الاكل كان في حلل واطباق ف الشقة غرفت الاكل وابتدوا ياكلوا
محمود بفرحة (زلطة) : انا مبسوط اوي ي سومه انك خليتينا نهرب ونبعد عن الغولة الي كنا عندها دي و كنت بكره اسم زلطة دا بس هي كانت دايما بتقولهولي وبتخليكوا تقولوهولي
سُمية بحب : معدش حد هيقولك الاسم دا تاني ابدا كل واحد فينا هيتقال اسمه الاساسي ، الاسماء الوحشه دي معدناش هنقولها
شوقية بسعادة : اكلك طعمه هنا احلى من الي كان هناك
مختار بمرح : عشان احنا هنا براحتنا مش مكتومين زي م هي كانت بتعاملنا
الكل ضحك
ياسر بسعاده : بقويكوا اي يما (لما) سومة ومختاي يطيعوا (يطلعوا) يشتغيوا احنا هنا هننضف الشقة عشان هيكونوا تعبانين فاهمين
سُمية بحنان : ي حبيبي انا الي هعمل كل حاجه انتو بس تقعدوا تتفرجوا ع التلفزيون وتلعبوا براحتكوا ومتشيلوش هم حاجة ي حبايبي
مختار : انا جايبلكوا زيت وكريم وفرش للشعر عشان تسرحوا وتبقوا حلوين معدناش هنبقى منكوشين تاني
الكل ضحك و كملوا اكل ف سعاده
بعد الاكل سُمية غسلت مكان الاكل ورجعت سرحت للبنات شعرهم
كانو سبع ولاد و ١٣ بنت
الولاد سرحوا شعرهم وسُمية خلصت للبنات شعرهم وسرحت شعرها وطلعت قعدت وسطهم بسعاده
سُمية بمرح : بقولكوا اي م تيجوا نلعب كوتشينه
احمد بتساؤل : هي فين دي
سُمية طلعت تلاته من وراها بسعاده : اهم انا جبت تلاته عشان احنا عددنا كبير ف انا هلعب مع شوية و مختار مع شوية وياسر مع شوية وانتو بتعرفوا تلعبوها عشان كنا بنشوفها ع التلفزيون ، ها اي رأيكوا؟
هزوا راسهم بالموافقة وقسموا نفسهم تلات فرق وابتدوا يلعبوا
محمود : انت نصاب ي احمد انت خبيت الورقة
احمد بانكار : لا محصلش
محمود لف ورا احمد وجاب الورقة : اهي ي نصااب
الكل فضل يضحك عليهم وكان الجو ملئ بالسعاده
بعد ساعه من اللعب والمرح
سُمية بنوم : يلا عشان ننام خلاص مش قادرة
مختار : يلا ي حبايبي ع اوضة الولاد
الولاد قاموا اتنقلوا للاوضة التانيه
وسُمية اخد البنات وراحت اوضتهم وضموا السريرين ع بعض ونامو ، النومه مكانتش احسن حاجه ولكن يكفي انهم بعيد عن المعلمه
تاني يوم
ف الخرابة
المعلمه ابتدت تفوق
صحت لقت المأذون ومحروس وسيد نايمين فضلت تزعق وتهز فيهم بقوة عشان يصحوا
المعلمه بزعيق : انتو مخمودين هنا وسيبتوهم يهربوا ي ولاد ال****
محروس ابتدى يفوق : اي ي معلمه مالك بتزعقي ليه
المعلمه ضربته كف ع وشه بقوة : بزعق ليه ؟ انت بتسأل ، بنت ال** غفلتنا وهربت هي والعيال
محروس اتكلم بفزع : بتقوالي اي ليبلغوا علينا
المعلمه بضيق : مستحيل هتخاف ليسجنوها هي كمان
كملت بزعيق : انت ي زفت ي الي اسمك سيد م تفوقوا ي شوية بهايم ، ايييييه بعلف ف عجول ومبتشتغلش
سيد قام بضيق : اي الاسلوب الي بتصحينا بيه دا ي معلمه
المعلمه بتريقة : اومال هغنيلك ي حبيبي وانا بصحيك قوم فِز شوف العيال غاروا ف انهي مصيبة والا هتيجي ع دماغنا احنا
سيد ومحروس ابتدوا يلفوا حوالين الخرابة ولكن ملقوش حاجه ، المأذون فاق والمعلمه طردته ومشي
رجعوا وهما بينهجوا : ملقيناش حد ي معلمه
المعلمه بغيظ : ي ترى روحتي فين ي بنت ال***
عند الاطفال
سُمية صحت الضهر لقتهم نايمين ف سابتهم نايمين وقامت عملت الفطار لقت مختار وياسر صحيوا
مختار بتثاؤب : صباح الخير ي سومه بتعملي اي
سُمية بابتسامه : بعملكوا الفطار
ياسر : وتعبتي نفسك ييه (ليه) يا سومه دوي(دول) يسه (لسه) نايمين
سُمية بحب : عشان يصحوا يلاقوا الفطار جاهز ويكون حلو كدا ويفرحوا بدل م كانو بيصحوا ع صوت المعلمه الي يقطع الخلف
مختار وياسر ضحكوا ومختار دخل الحمام
ياسر اتكلم بهدوء : هو انا ينفع أشتغي(اشتغل) معاكوا
سُمية : لا عشان منسيبش اخواتك لوحدهم هنا هما صغيرين
ياسر بزعل : طب م هي توحة معاهم هنا و احنا الاتنين اد بعض سيبيها معاهم ونشتغي احنا التياته عشان نجيب فيوس كتيية(كتيرة)
سُمية بابتسامة : لازم يبقى في راجل معاهم افرض حد حصله حاجه هل توحة هتعرف تتصرف لوحدها ؟
هز راسه بلا
فكملت بحنان : عشان كدا لازم تكون هنا معاهم ي ياسر وانا لما ننزل شغل هجيب تليفونين م الي هما الزراير دول بيبقوا رخاص وهجيب خطين وهسيب ليكوا هنا واحد وهاخد واحد انا ومختار واحنا ف الشغل عشان نطمن عليكوا مبسوط كدا ؟
ياسر هز راسه بأيوة ولكن هو كان عاوز يساعد معاهم
مختار من وراهم : بتقولوا اسرار ولا اي
ضحكوا ع كلام مختار
سُمية : لا دا هو كان عاوز يشتغل معانا ف فهمته انه مينفعش عشان لازم يكون في راجل هنا ولا اي ي مختار
مختار بتأكيد : ايوة دا الصح
ياسر : خياص خياص انتو صح انا داخي ايحمام
ضحكوا عليه ومختار فضل واقف مع سُمية ف المطبخ
مختار بقلق : تفتكري المعلمه ممكن توصلنا ؟
سُمية حست بقلقه ف حبت تطمنه : معتقدش احنا بعيد اوي عنها ومش هيخطر ف بالها اننا عملنا حاجه زي دي خالص اصلا
مختار بحزن : يارب متعرفش عننا حاجه انا تعبت منها اوي
سُمية طبطبت ع كتفه بحنان : كله هيعدي متقلقش
مختار بتساؤل وحيرة : تفتكري هنلاقي شغل ؟
سُمية بأمل : ان شاء الله نلاقي ونقدر نعيشهم منه
مختار هز راسه بحزن
سُمية بصتله : متقلقش هنلاقي وهنخليهم كويسين ومبسوطين يلا روح صحيهم عما اطلع البطاطس من الزيت واجيب الاكل واجي
مختار سابها وراح عشان يصحيهم وابتدوا يصحوا واحد ورا التاني ودخلوا الحمام وغسلوا وشهم وخرجوا
حبيبة : الله ي سومه اي الاكل الحلو دا
سعاد : عندك حق والله الاكل ريحته جميله اوي تسلم ايدك ي سومه
سُمية باستهم ع الهوا بحب : بالف هنا ع قلبكوا ي حبايبي
عماد : الاكل دا كله لينا ؟
سُمية هزت راسها بأيوة
ف ابتسم بسعاده وابتدى ياكل ، قعدوا ياكلوا سوا وبعد الفطار سُمية غسلت مكان الاكل وطلعت قعدت معاهم
سُمية بحماس : تحبوا نتفرج على اي بق ع التلفزيون
كانت الاراء كتيرة نظرا لعددهم ( تنه ورنه ، القط والفار ، الحصان البني ، باظ يطير ، باربي ، المغامرون الصغار ، نوبي ودورايمون )
سُمية فضلت تبصلهم وتضحك : خلاص خلاص الكارتون الي هنلاقيه من الي قولتوا عليه دا هنتفرج عليه
كلهم وافقوا وابتدت سُمية تقلب ف التلفزيون عشان تشوف كارتون يتفرجوا عليه ولقوا توم وجيري شغال
كلهم فرحوا وقعدوا يتفرجوا بسعادة
سُمية سابتهم وقامت عملت فشار وجت قعدت وسطهم تاني
بعد نص ساعه لقوا في خبط جامد ع الباب كلهم بصوا ع الباب بخوف
