رواية دار الايتام الجزء الثالث (اللقاء المنتظر) الفصل الثالث
الحياه مليئه بالمواقف الكثيره
مواقف بسيطه تمر بهدوء ومواقف صعبه تحتاج إلي حلول و تستنزف من طاقتنا الكثير
ومواقف بها لغز كبير يصعب حله
او تحتاج إلي مجهود ذهني عظيم
لكي نعرف حل هذا اللغز.
بدر...انا موقفتش القنبله.🙄
ليل...بأستغراب يعني ايه؟🤨
وأزاي موقفتهاش ومفيش اي حاجه حصلت.
بدر....هقولك لما روحت هناك بعد البلاغ اللي انت عملته وصلت مكتبك ولقيت القنبله فعلا مزروعه بس لقيت حاجه غريبه اللي حط القنبله مشغلهاش.
ليل....نعم.... مش فاهم
بدر....بص هو في حاجه من الاتنين يا اما اللي اللي حط القنبله غبي ونسي انه يشغلها قبل ما يمشي وبصراحه ده أحتمال انا عن نفسي مش مقتنع بيه لان اللي دخلوا متدربين كويس وشكلهم باين انهم محترفين عملوا كل ده في وقت سريع فا ميتهيأليش غلطه زي دي ممكن يقعوا فيها.
ليل....تمام طيب و الاحتمال التاني؟
بدر...الاحتمال التاني انهم قاصدين انهم ميشغلوهاش اصلا .
ليل....بتفكير تقصد انه كارت إرهاب؟
بدر...بالظبط اللي عمل كده لو فعلا قاصد انه ميفعلش القنبله فاهو قاصد يوصلك رساله معينه
و يحسسك انه يقدر يوصلك ويقدر يدخل الشركه وكمان يحطلك في مكتبك قنبله قاصد يقلقك ويوترك. انا عموما بلغتهم امبارح ان القنبله مكانتش متفعله اصلا بس طبعا هما لازم يخلصوا تحقيقاتهم لانها إجراءا روتينيه واكيد المفروض هيبلغوك انهارده
ان القنبله مكانتش متفعله
ليل سرح وهو مش قادر يفكر في حد معين.
بدر...انا مش عايزك تقلق مبدأياً كده اللي حابب يأذي مش بيضيع وقت ابداً ده زي ما قولتلك كارت إرهاب مش اكتر فكر كويس مين اللي ممكن يعمل كده افتكر لو حد اليومين اللي فاتوا اتصل بيك هددك افتكر لو في اي خصومه حصلت الفتره اللي فاتت مع اي حد من الشركات المنافسه اكيد هتوصل.
بصله ليل بأستغراب صدقني مفيش حد في بالي ابداً مقدرش اظلم حد الفتره اللي فاتت دي كلها محصلش ان حصل بيني وبين اي حد حاجه محصلش مثلا اني سلمت شغل مش تمام لحد فا حبب ينتقم مني مجاليش اي مكالمات تهديد من اي نوع وغالباً انا مليش عداوات مع اي حد يمكن انا ليا اسمي ومحدش يقدر يقرب من صفقه تخصني او شغل يخص المجموعه والكل بيعملنا الف حساب لكن مش بخوف او كره بالعكس بكل أحترام لاني عمري ما جيت علي حق حد خالص مش قادر اركز صدقني
بدر....اللي عمل كده صدقني قاصد انه يوصلك للنقطه دي انك تكون مشوش ومش مركز الحمد لله اللي حصل عدي علي خير لكن احنا قدام خصم مجهول مش عارفين ممكن الخطوه الجايه يكون بيفكر في ايه لازم تركز اكتر و تبان هادي.والاهم ان في حاجه كمان لقتها حابب اوريهالك يمكن تقدر توصلك للشخص ده.
ليل....حاجه ايه؟؟
طلع بدر من جيبه الميداليه وعلقها علي صباعه قصاد ليل.
بدر....الميداليه دي شوفتها قبل كده تخصك او تخص اي حد من اللي شغال معاك.
مسك ليل الميداليه من ايده وهو باصص عليها بتركيز.
الميداليه كانت فضه مطبوع عليها شكل مفتاح الحياه. باللون الاسود
ومتعلق فيها مفتاح واحد.
ليل....مش عارف بس عندي أحساس ان الشكل ده انا شوفته قبل كده اللون نفسه بتاع مفتاح الحياه حاسس اني شوفته بس مش قادر اركز ولا عارف شوفته فين.
بدر....لازم تركز اكتر زي ما قولتلك اللي عمل كده قاصد بس انه يشتت تركيزك او يعطلك عن حاجه فاهمني
ليل....طيب انا المفروض الوقت اعمل ايه انا فعلا حاسس اني حالياً مش مركز.
بدر....اول حاجه المفروض انك تزود الحراسه. و الامن اللي في الشركه هما الوقت مصابين و مينفعش تسيب الشركه كده
ليل...طيب بخصوص موضوع الحراسه ده كويس انك فتحته.
بدر....أتفضل.
ليل....انا سامع انك عندك شركه حراسه خاصه بيك فا كنت محتاج انك تخدمني في الحته دي.
بدر...تقصد انك عايز حراسه من الشركه.
ليل....ياريت. انا سامع بردو ان الحراسه اللي تبعك سيطها مسمع والكل بيشكر فيها وان التدريبات فيها علي اعلي مستوي.
بدر...دي شهاده تفرحني وعموما انا معنديش اي مانع الحراسه موجوده و الشركه تحت امرك
ليل...طيب اقدر اجي ونكتب العقد امته.
بدر...الوقت اللي يريحك بس انا أفضل خليها بعد ثلاث ايام مش عشان اي حاجه بس انا حابب اعرفك بس ان الشركه دي مش خاصه بيا انا لوحدي..انا معايا شريكي فيها هو ظابط المباحث دياب الدالي.طبعا انا اي عقد بكتبه ببعتله نسخه منه عن طريق الفاكس عشان يوقع عليه لان مش معايا توكيل منه هو المفروض انه من اسكندريه بس هو اتنقل هنا القاهره والمفروض انه هيجي بكره ان شاء الله فا لو كده تقدر تيجي ونمضي العقد.
ليل...انا معنديش اي مشكله يجي بالسلامه وان شاء الله لما يجي تليفوني معاك كلمني اي وقت ولحد ما نظبط كل حاجه الجارد اللي معايا هيقوموا باللازم.
بدر...يبقي علي خيره الله وان شاء الله يبقي تعارف خير بينا.
ليل....ده شرف ليا يا بدر باشا
بدر...بأبتسامه الشرف ليا والله.
ليل...طيب انا مضطر اني اقوم عشان ورايا كذا مشوار محتاج مني اي حاجه او اوصلك اي مكان
بدر...تسلم يا باشا انا معايا العربيه ولسه ورايا مشوار كده علي الله انجز فيه.
ليل...بابتسامه لو محتاج مساعده انا موجود.
بدر...بضحك لا للاسف ده مشوار بعيد عنك خالص.. انا محتاج اروح اشوف شقه مفروش
رفع ليل حاجبه بطريقه مضحكه.
بدر...بضحك لا بلاش البصه دي دي مش ليا دي عشان دياب
لما يوصل بكره يجي يقعد فيها لحد ما يستقر وبعد كده يشوف ڤيلا يسكن فيها انت عارف بقي هو غريب عن القاهره لسه هو جه كتير بس اول مره يجي عشان يعيش فيها ومعاه مراته وبنته وهو مش حابب يقعد في فندق عشان يكونوا براحتهم وللأسف هو بلغني وانا جاي ليك انه جاي بكره فا مفيش وقت لازم اشوفله حاجه مؤقته.
ليل...بأبتسامه طيب عموما طلبك عندي .
بدر....بتتكلم جد.
ليل...عيب ليل السيوفي ليه في كل حاجه.بص انا عندي برج في الزمالك وفي دورين خاصين بيا والباقي سكن عادي البرج متأمن من كل حاجه وفي مكان حلو عالنيل انا واثق انه هيعجبه ولو عالڤيلا يجي هو ويستقر ومتقلقش هحلهاله بردو.
بدر....بصراحه مش عارف اقولك ايه انت بجد ريحتني جدا انا كنت حامل هم الحوار ده اوي يمكن عندي معارف كتير بس حوار الشقق ده بعيد عني خالص.
ليل...متشلش هم المكان موجود تحب نقوم بسرعه افرجك عالمكان عشان لو حابب تجهزله فيه اي حاجه.
بدر...ايوه بس انا كده هعطلك.
ليل...لا متقلقش في طريقنا يلا بينا.
بدر...يلا بينا.
قام ليل وبدر وصمم بدر يدفع الحساب وخرجوا مع بعض راحوا علي برج الزمالك.
............
قام مهاب من النوم كانت الساعه داخله علي اربعه ونص العصر.
نزل تحت لمح والده بره في الجنينه والباب مفتوح ومعاه ابنه الصغير (تيم) بيلاعبه.
ابتسم مهاب وقرب من المطبخ براحه لما سمع صوت سما.
وقف بره عالباب وهي مدياله ضهرهاو بتحضر الاكل وبتغني وكأنها طايره في الفضاء لوحدها.
سما....يا حبيبي
الليل وسماه ونجومه وقمره قمره وسهره
وإنت وأنا يا حبيبي أنا يا حياتي أنا كلنا كلنا في الحب سوا.
يا حبيبي يلا نعيش في عيون الليل.
يلا نعيش في عيون الليل
ونقول للشمس تعالي تعالي
بعد سنة،مش قبل سنة
تعالي تعالي تعالي تعالي
بعد سنة مش قبل سنة
دخل عليها مهاب في الوقت ده وهو بيدندن و بيكمل معاها الاغنيه بابتسامته الجذابه
مهاب...دي ليلة حب حلوة
بألف ليلة وليلة.. ألف ليلة وليلة ألف ليلة وليلة
ألف ليلة وليلة.. ألف ليلة وليله.. ألف ليلة وليلة
أبتسمت سما ولفت ايدها علي رقبته وهو حط ايدها علي وسطها وكملوا الأغنيه سوا.
بكل العمر هو العمر إيه غير ليلة
زي الليلة.. زي الليلة.. الليـــــلة
زي الليلة.
ضحكت سما وحضنته قبل مهاب مقدمه راسها بحب.
مهاب...ده ايه الروقان ده علي الصبح .
سما...صبح ايه بس يا حضرت الظابط احنا بعد العصر كل ده نوم.
مهاب...كنت تعبان اوي والله ومحتاج ارتاح وبعدين هو مش النهارده اجازه مضايقه ليه بقي.
سما....لا مش مضايقه ارتاح يا حبيبي انا عارفه انك تعبان.
مهاب...طيب مش هتقوليلي بقي ايه سبب الروقان ده.
سما...بابتسامه سعاده بصراحه؟
مهاب...بصراحه.
سما...مبسوطه اوي عشان هشوف البنات بقالي كتير اوي مش شوفتهم وبجد كنت محتاجه اشوفهم جدا واخيرا فضيوا و هنتقابل انهارده.
مهاب...اممممم قولتيلي بقي عشان كده صاحبه مزاجك رايق ومبسوطه وكمان بتغني.
سما....يعني انت تكرهه اني اكون مبسوطه.
مهاب...انا؟ طب ده انا نفسي اشوفك ديما مبسوطه ولو اعرف انك هتبقي مبسوطه بالشكل ده كنت روحت جيبتهم كلهم من قفاهم وحطتلك الكلبشات في ايدهم كمان.
سما...بضحك لا وعلي ابه قلبك ابيض.
مهاب...بحب بس تعالي هنا بقالنا سنتين اهو متجوزين اول مره اخد بالك ان صوتك حلو اوي كده.
سما....بأبتسامه ودي تريقه بقي يا سي مهاب .
مهاب...بضحك طب والله ابدا بجد صوتك حلو اوي.
سما...بغرور دس اقل حاجه عندي.
مهاب...ياواد ياجامد ماشي ياستي صحيح انتي بتعملي ايه.
سما...زي ما انت شايف مسكته سما من ايده وقربت علي البوتجاز. طاجن باميه ورز وملوخيه كمان.
مهاب...كمان...ايه ده كله وبعدين انتي مش عارفه اننا هنتعشي مع نوني بليل.
سما...عارفه طبعا بس يعني هنمشي من غير ما نعمل أكل لأُنكل إبراهيم عايز بباك يقعد من غير أكل مثلا🤨
مهاب....طيب وتعبتي نفسك ليه انتي كل يوم واقفه في المطبخ مفيهاش حاجه لما تريحي يوم وانا قولتلك امبارح اني هطلبله أكل من بره.
سما....انت عارف يا حبيبي انه مش بيحب اكل الشارع و بيحب ياكل من ايدي ولو جبنا اكل بياكل عشان مضطر وبصراحه بقي انا مقدرش ابداً اشوفه بياكل حاجه غصب عنه.
قرب مهاب ايدها باسها بحب.❣️
ربنا يخليكي ليا يا سما مش عارف اقولك ايه عاللي بتعمليه معايا انا وبابا.
سما...ايه اللي انت بتقوله ده بس يا مهاب انا معملتش اي حاجه.
مهاب...ازاي بس انتي من يوم ما دخلتي البيت ده وانتي مليتي عليا حياتي انا و بابا طيب ده انا حاسس انك رجعتي للبيت ده روحه وبابا صحته بقت احسن كتير وديما شايفه مبسوط و بيضحك لدرجه اني حاسس انه متعلق بيكي زي الطفل الصغير
حتي انتي بتهتمي بيه وبأكله وصحته وبشوفك بليل تروحي تغطيه زي ما بتعملي مع تيم بالظبط.
سما....بدموع في عينها لا انت كده عايزني اعيط وانا مبسوطه انهارده.
مهاب...بحب لا يا حبيبي مش عايزك تعيطي ابدا ده حقك يا سمسمتي
سما...صدقني يا مهاب انا مش بعمل حاجه كبيره أُنكل إبراهيم غالي عندي فوق ما تتخيل حنين وطيب وانا عارفه انه بيحبني زي ما بحبه وبجد انتوا اللي مليتوا عليا حياتي يمكن لما اتجوزنا وسبت ماما وبابا و اسيل اختي كنت مضايقه جدا وكانوا صعبانين عليا اوي لاني عمري ما سبتهم وكنت خايفه احس بالغربه بعيد عنهم بس لما جيت هنا بجد حسيت اني وسط اهلي وخوفي ده راح وأُنكل إبراهيم كان بيسليني طول الوقت اللي انت بايت بره في شغلك وبصراحه حكايته مع مامتك كانت بالنسبالي احلي وقت بقضيه معاه.
مهاب....ربنا يخليكي لينا يا قلبي وميحرمناش منك ابدا ولا من حنيتك يا احلي ام في الدنيا
سما...بحب و يخليكوا ليا يا حبيبي يلا روح بره اقعد معاه هو وتيمو علي بال ما احضرلك فطارك واعمل لأُنكل إبراهيم القهوه بتاعته.
مهاب...حاضر يا حبيبي❣️
..............
خرج مهاب كان والده قاعد علي كرسي هزاز من الخشب و حاضن تيم و نايم علي صدره.
مهاب...صباح الفل يا بابا.
إبراهيم...شششش وطي صوتك تيمو بينام.
مهاب....بينام ايه ده احنا العصر.
إبراهيم...طيب والله كويس إنك عارف إننا بقينا العصر كل ده نوم
مهاب...كنت تعبان جدا والله ياحاج وبعدين انهارده أجازه بقي
بقولك ايه صحيه مشوفتهوش من امبارح عايز ألعب معاه.
إبراهيم...لا مش هصحيه سيبه يريح دماغه من بدري بلعب انا وهو و فطرنا سوا مصحتش ليه تلعب معاه.
مهاب...بضحك بقي كده ياحاج هو الواد ده عمل فيك ايه أتغيرت اوي من ناحيتي فاكر الطاوله اللي كنت بلعبها معاك و بخسر عشان أفرحك ايه نسيت كل الجمايل دي.
إبراهيم...اه نسيت ملكش دعوه تيمو نساني الدنيا واللي فيها هو وسما وبعدين طاوله أيه ياواد اللي كنت بتخسر عشان تفرحني انا كنت علي طول مقطعك وبتيجي قدامي تبقي زي الفار المبلول ولا تنكر.
مهاب...بضحك صراحه مقدرش انكر هو في حد بيلعب زيك بردو ياحاج طب والله وحشني لعب الطاوله معاك.
إبراهيم....انا جاهز شوف فاضي امته وتعالي اغلبك بس متبقاش تعيط.
مهاب...لا يا سيدي مش هعيط و أعمل حسابك اني هكسبك.
إبراهيم...أما نشوف الطاوله تكدب الخسران🤨
ضحك مهاب بكل صوته.
إبراهيم...يا اخي وطي صوتك الولد هيصحي.
مهاب...يابختك يا سي تيم عالدلع ده كله بقولك ايه هاته عنك عشان دراعك ميوجعكش🙄
إبراهيم...لا سيبه هو نايم ومبسوط.
مهاب...عشان بس ميتعبكش.
إبراهيم...ياواد انت اتعلمت الزن ده فين مش هديهولك يا مهاب ومش هسيبك تصحيه.
مهاب....قافشني انت ديماً😒
خرجت سما وهي ماسكه صنيه عليها فطار لمهاب و قهوه إبراهيم
سما...في ايه بتتخانقوا ليه بس.
مهاب...يرضيكي يا سمسمه مش راضي يديني تيم ألعب معاه شويه بيقولي سيبه نايم.
سما...اه يرضيني كل اللي يقوله هيما يمشي🤪
مهاب...🤨بقت كده ماشي ياسما.
سما...شايف يا هيما بيستحلفلي أزاي.
إبراهيم...سيبك منه انتي في حمايتي طب يقرب منك كده وانا اقطعهولك بسناني.
مهاب...كمان لا انا اخرج منها احسن وافطر وانا ساكت.
إبراهيم...خير ما عملت.
سما...بضحك أتفضل قهوتك يا هيما وهات تيمو عنك اوديه سريره عشان تشرب قهوتك بمزاج.
إبراهيم....لا سيبي تيمو ملكيش دعوه بيه انا هشرب القهوه وهو في حضني.
سما...😳الله بقت كده يا هيما قلبت عليا انا كمان🙈.
مهاب...😒احسن احسن.
سما.. بردوا ملكش دعوه اطلع منها انت.
مهاب...وانا مالي ياستي ربنا يهني سعيد بسعيده .
كمل مهاب فطاره وفضلوا قاعدين مع بعض شويه وهما مبسوطين.
وإبراهيم مبسوط اكتر منهم عشان حفيده في حضنه😍
.................
نوني....بس ياستي احمد كان مفيش في حنيه قلبه و طيبته مكانش يتخير عن بدر مش بقول كده عشان بدر أبني او أحمد جوزي بس والله بجد الاتنين مفيش في طيبه قلبهم مشكلتهم بس العصبيه احمد كان هادي جدا رغم عصبيته يعدي مره و أتنين و تلاته بس وقت ما يفقد اعصابه كان يتحول بدر كمان كده بس أحمد كان اهدي منه شويه إنما بدر حمقى بياخد كل حاجه علي أعصابه.
فضت سيلا القهوه ليها هي ونوني بعد ما بقت محترفه قهوه بفضل تعليم بدر.
سيلا...تعالي يانوني اشربي قهوتك أحسن تبرد.
مسكت نوني فوطه نشفت ايدها وقعدت مع سيلا علي التربيزه اللي في وسط المطبخ.
نوني...تسلم ايدك يا ست البنات.
سيلا...بأبتسامه تسلمي. يلا كملي😍
نوني...بس ياستي ده العيب الوحيد اللي كان في أحمد العصبيه إنما هو كان طيب اوي ويضحك عليه بكلمه كان حنين و بيتأثر بسرعه ويصعب عليه اي حد كان كريم جداً فوق ما تتخيلي لو سمع بس حد بيقول قدامه نفسه في حاجه حتي لو ميعرفهوش اوي او علاقته بيه مش قويه يجيبهاله فوراً وعمره ما وعد بحاجه و منفذهاش.
حطت سيلا ايدها علي دقنها وهي مستمتعه بالحوار.
سيلا... شكلك يا نوني كنتي بتحبيه اوي.
نوني....بأبتسامه ولمعه في عينها اوي كان اخويا وصاحبي وعشرة عمري.
سيلا....علي كده بقي كان في بينكم قصه حب قويه.😍
نوني...ابداً والله يا سيلا لا كنت اعرفه ولا كان يعرفني كان ابن صاحب بابا الله يرحمه وكان ظابط بيخدم في سيناء.
نزل اجازه و ولده كان نفسه يفرح بيه وفاتح بابا في الموضوع واول مره كنت اشوفه يوم ما جم يطلبوا ايدي.
الغريبه بقي ان انا طول عمري وانا صغيره وفي سن المراهقه كان حلم حياتي اتجوز دكتور كنت اقول انا نفسي اتجوز دكتور عشان اتعب و يغم عليا وهو يشيلني زي الافلام و يفوقني وكملت بضحكه يعني احلام مراهقه.
ضحكت عليها سيلا .
سيلا....طيب غيرتي رايك ليه.
نوني...لما بابا فاتحني في الموضوع انا وماما طبعا اول واحده أعترضت كانت ماما الله يرحمها قالت لا بنتي متتجوزش ظابط حياته علي كف عفريت كل شويه في محافظه وبنتي متتجوزش ظابط ويموت و تترمل وهي لسه صغيره طبعا الموت والحياه دول بأيد ربنا بس زمان الناس كان دماغها علي قدها.
وطبعا انا كمان رفضت قولت لا عشان كان بيني وبين نفسي عايزه اتجوز دكتور وقتها كان عندي 18 سنه ولسه صغيره و كل تفكيري تفكير مراهقه لسه منضجتش واحده هبله بتحلم بدكتور عشان يغم عليها وهو يفوقها.. مره واحده يتقدملها ظابط كنت بقول لنفسي وده هعمل معاه ايه ده انا لو بس قولت بم مش بعيد يلبسني الكلبشات.🤨
ضحكت سيلا من قلبها علي طريقه نوني.
سيلا...طيب وازاي وافقتي عليه.
نوني...بابا لما لقانا معترضين مكانش عايز يزعل صاحبه بردوا وهو كان من جواه شايف ان احمد شاب محترم و مؤدب ومركز قال طيب شوفوه الاول وبعد كده قرروا علي الاقل نلاقي سبب للرفض حددوا المعاد وفعلا جه.
دخلت ماما عليا الاوضه وهي علي وشها ابتسامه بسيطه وكانها كانت راضيه عنه بس محبتش تقولي عشان تسبلي الرأي الاخير قالتلي تعالي هاتي الشربات
روحت معاها ومسكت الصنيه في ايدي وانا من جوايا بترعش وخايفه عارفه اني هرفض مفيش كلام بس من جوايا كنت مبسوطه وعايشه دور العروسه كنت تافهه اوي😂😂.
سيلا....ضحكت سيلا😂😂
نوني...المهم قدمت لوالده و لوالدته وانا مش رافعه عيني روحت عنده بقي قدمتله الشربات وأول ما شوفته وقفت متنحه🥴
زي اللي ندهتني النداهه وقولت ابدا ده مش هيخرج من البيت غير وانا قاريه فتحتي عليه.
وقد كان والده سأل بابا علي رأيننا فا بابا قاله طيب ادينا فرصه نفكر وهنرد عليك. فا مامته قالت و نأجل ليه خير البر عاجله العروسه اهي موجوده و نسألها
ماما كان باين عليها انها مبسوطه اوي احمد كان طول بعرض عيون ملونه كان باين عليه الهيبه فرحت بشكله زي بنتها الهبله سألني بابا قدامهم كنت مكسوفه اوي بس قولت لا مفيش وقت للكسوف
القمر ده هيضيع مني هزيت راسي لبابا وقمت جري بعدها سمعت زغاريط
يومها والد احمد قال لبابا طلباتك ايه.
رد بابا وقاله مليش طلبات انا بنتي وحيده وهي كل حياتنا حطوها في عينكم واعتبروها بنتكم ومش عايز ابداً احمد يزعلها في يوم عايزكم تكرموا بنتي وتريحوها ولو في يوم غلطت حسابها يكون عندي.
اتفقوا علي كل حاجه كنت طايره من السعاده وفي لحظه حسيت اني بحبه جدً
وبقيت يوميا اتخيل حياتي معاه مرات الظابط جت مرات الظابط راحت ونسيت خالص الدكتور اللي بحلم بيه من سنين.
وبعدها بفتره بسيطه اتجوزنا مع الوقت بقي هو كل حياتي طريقته وأسلوبه وكلامه وحنيته وحبه خلوني اعشقه من غير ما احس
وكانت فرحتي متتوصفش يوم ما أتنقل القاهره عشت معاه احلي ايام حياتي واهله كانوا ناس محترمه بيعاملوني علي اني بنتهم
وبعد كام سنه جبت مقصوف الرقبه بدر كان اجمل هديه ربنا رزقنا بيها كان طاير من الفرحه ولو يطول يجبلي نجمه من السما مكانش يتأخر.
سيلا...علي كده يا نوني عمركم ما أتخانقتم أبدا.
نوني...مفيش بيت بيخلي من المشاكل والزعل يا سيلا بس الست الشاطره اللي تعدي وتسكت وقت ما تحس ان جوزها شياطين الدنيا واقفه قصاده مش تقف في وشه الند بالند. طيب تعرفي يا سيلا أن المشاكل والزعل دول هما احلي حاجه في العلاقه اصلا.
هما اللي بيقوا الرابط اللي بينكم اكتر ومع كل مشكله بتواجهوها بتتمسكوا ببعض اكتر تقدري تقولي كده ان المشاكل والزعل هما البهارات اللي بتحلي العلاقه
انا كنت هاديه جداً و مطيعه و مش بقول غير حاضر للكبير والصغير مش زي الوقت طبعا بدر طير البرج اللي فاضل من دماغي
ضحكت سيلا عليها😂
نوني... عشان كده كنت متشاله علي راس الكل. بس افتكر في مره حصل بينا زعل كبير اوي ودي كانت اول واخر مشكله بينا وبعدها فعلا المشاكل كانت بسيطه و تتحل في وقتها عمره مازعل ونام في اوضه تانيه كنا نزعل و ننام في نفس الاوضه علب نفس السرير ونبص لبعض نضحك وننسي ومنعاتبش بعض اصل العتاب ياسيلا علي قد ما بيريح علي قد ما اوقات بيكبر المشكله لان عمرك ما هتلاقي بسهوله طرف في اي علاقه بيعترف بغلطه ديماً بيبقي في مكابره والكل وقت المشكله بيشوف نفسه مش غلطان احمد علمني حاجه جميله يمكن فادتني في حياتي وغيرت شخصيتي اكتر
ان العتاب يجي بعد الصلح وبعده بفتره كان بيقولي لما تلاقيني اغلط وانا وانتي نزعل نحاول اننا منتعاتبش و نتصالح ونمشي حياتنا عادي كام يوم وفي قاعده حلوه اطلبي مني اغير اللي ضايقك مني و ناقشيني فيه عشان لما هكون هادي هفهمك اكتر و هحس بغلطى اللي زعلك و هغيره وعمري ما هكررها تاني وهو كمان كان بيعمل معايا كده
كان يعرفني الطباع اللي فيا مش بيحبها في لحظه حب بينا كنت ازعل من نفسي واقول ازاي هو بيديني كم الحب والحنان ده وانا اعمل كده وفوراً أغير اللي ضايقه فيا.
سيلا...بحب شكله كان حد جميل اوي
نوني...اوي ياسيلا فوق ما تتخيلى
سيلا...طيب ايه هو الموقف اللي زعلكم من بعض.
نوني....ابداً احمد كان بيغير جداً فوق ما تتصوري كان مانعني اني اخرج طول فتره سفره إلا بيت اهلي وبس ومامته تروح توصلني بأيدها وترجعني بأيدها.
وفي يوم كان في فرح عند حد من اهل والده وهو كان هينزل اجازه و يحضره طبعاً وقتها الكل كان بيحضر الفساتين اللي هيحضر بيها وبيروحوا للخياطه يقيسوا ويختاروا فا باباه قال لحماتي الله يرحمها خدي ناهد تختار القماش اللي يعجبها وروحي معاها للخياطه تختار الشكل اللي يعجبها.
كنت فرحانه جداً بس كنت خايفه من احمد مش خوف قد ما هو احترام لكلامه خصوصا ان هو اول ما كان ينزل اجازه الشهاده لله مكانش بيقعدني في البيت بنسافر ونخرج ونتفسح والمكان اللي نروحه انهارده منرحهوش بكره وارجع اخر اليوم مهدوده وطايره من السعاده كان بيعمل كده عشان لما يسافر وانا اقعد في البيت ابقي مبسوطه ومش حاسه بخنقه.
المهم قولتله بلاش خليها لما احمد يجي مامته قالتلي انه هيجي قبل الفرح بيومين مش هلحق ادور علي قماش ولا هلحق افصله قولتلها خلاص البس حاجه من القديم.
والده الله يرحمه قالي ابدا مرات ابني تلبس قديم هتنزلي وانا اللي بقولك و ملكيش دعوه بأحمد
المهم فعلا وافقت ونزلت كنت فرحانه جداً بس كنت خايفه من جوايا انه يزعل.
وفعلا جه و حضرنا الفرح وعرف في نفس اليوم اني خرجت فضل طول اليوم قالب وشه ومش عايز يكلمني ولما روحنا اتخانقنا خناقه كبيره وانهارت وقتها ولما بباه عرف طين عيشته ساب البيت وخرج ساعتها والده قالي حضري شنطتك انتي وبدر نفذت من غير كلام خدني ووداني بيت بابا
وحكاله بنفسه علي كل اللي حصل وقاله انا اسف مكنتش قد الوعد اللي وعدتك بيه وابني مقدرش يصون الامانه بنتك عندك لحد ما ابني يتربي ويعرف ان معاه جوهره مينفعش تتهان.
سيلا...الله ايه ده بجد كانوا حلوين اوي😍
نوني...اوي ياسيلا
سيلا...طيب عمل ايه لما رجع ومش لقاكي انتي وبدر.
نوني...كان برج من دماغه هيطير وفضل رايح جاي علي بابا اربع ايام يتحايل عليه وبابا هيتجنن و يرجعني و صعبان عليه احمد بس
سمع كلام حمايا وبعدها جه والده معاه واعتذرلي ورجعني معاه كان طاير من الفرحه ومن يومها عمره ما زعلني عشان عارف ان في حد ورايا مش هيسكتله ولا هو كان يقدر علي بعدي انا وبدر.
بصت نوني في ساعتها 😳يالهوي قومي نكمل الاكل
سيلا....طيب استني بس كملي
نوني...يلا يابت بلاش كسل قومي نكمل ونبقي نكمل رغي وقت تاني.
سيلا....وعد
نوني...وعد انا عندي حمايات كتير اوي.
سيلا...خلاص اتفقنا😍
قامت سيلا تكمل مع نوني باقي تحضير الاكل.
..........
اتفرج بدر علي الشقه كانت عجباه اوي.
ليل...ها عجبتك
بدر....اوي الشقه جميله وكبيره ماشاء الله وبيتهيألي مش ناقصها اي حاجه.
ليل...هي فعلا جاهزه من كله الشقه دي و الشقه اللي فوقيها انا فارشهم فرش كامل اللي فوق خاصه بيا انا ودي كنت سايبها لأي ظرف طارق.
بدر....لا حلوه بجد وانا واثق انها هتعجبك دياب اوي.
ليل...ان شاء الله اتفضل بقي كده ده المفتاح بتاعها.
بدر...طيب قبل المفتاح نتفق الاول
ليل...نتفق علي ايه بس يا باشا عيب الكلام ده.
بدر...لا بص ده شغل وكفايه انك انقذتني من لفت وتدوير وده حقك الشغل مفيهوش الكلام ده وبعديداً عني انا خالص صدقني انا عارف ان دياب مستحيل يوافق.
ليل...طيب امسك بس المفتاح خليه معاك ولما يوصل بالسلامه ونتقابل نبقي نتكلم في حوار الفلوس ده.
بدر...صدقني مش هينفع اسمع بس.
ليل....خلاص بقي قولتلك خليها لما يجي وبعدين انت عايز تأخرني ولا ايه.🤨
بدر...بابتسامه لا ياسيدي عموما تمام يوصل بدر بس و اتكلموا مع بعض .
ليل...ان شاء الله يلا بينا.
بدر...يلا بينا.
...........
خرج الشباب عشان يقابلوا ليل.
وخرجت سهام ومني يقعدوا في الجنينه شويه.
وفضلوا البنات مع بعض جوه.
نور...مالك يا عشق حساكي مش طبيعيه.
زهره...خدتيها من علي لساني يا نور كنت لسه هسألها.
تمارا...شوفتي يعني مش انا بس🤨.
زهره...ايه ده ايه ده هو في حاجه احنا منعرفهاش ولا ايه ياست عشق خلاص سرك بقي مع ست تمارا🤨
تمارا...يا اختي أتنيلي هي كانت حكت حاجه انا شوفت وشها وبوزها ده سالتها قالتلي بعدين.
نور...طيب قولي في ايه
زهره...مالك يا قلبي انتي زعلانه مع ليل ولا ايه.
تمارا...يابت ماتحكي في ايه.
عشق...يابت اسكتي انتي وهي ابلعوا ريقكم شويه ادوني فرصه اتنيل علي عيني احكي😡😡😡
ضحكوا كلهم مره واحده علي شكل عشق.
نور...بضحك عشق اتحولت كده ليه كنتي بعقلك وكيوت😂😂😂😂
تمارا....عشق بقت بيئه ومش واخده علي عيشه الهوانم🥴🥴
عشق....هو اللي يعرفكم ياست نور يبقي كيوت..وانتي ياست تمارا سبتلك انتي عيشه الهوانم ويلا يابت قومي من جمبي اقولك يلا امشي من بيتي😒😒
تمارا...بصحك انتي يابت بتطرديني.
زهره...بضحك يعني هي اول مره ما انتي علي طول بتطردي بسبب لسانك😂😂
تمارا...ايوه صح 😂😂 بس بردوا هفضل علي قلبكم😒
عشق....حد يشيل البت من جمبي😡😡😡
نور...بس يابنات بقي محدش يضايقها خلوها تحكي الاول وبعدين نضايقها.
عشق...يلا يانور امشي انتي كمان معاها من بيتي.
نور...بضحك بيت مين ده بيتي انا كمان يا لمبي يابت انا عايشه معاكي انتي نسيتي😂😂
ضحكت عشق غصب عنها 😂🙈
اه صح نسيت والله كله من تمارا الجزمه.
تمارا...انا هسكت بس لحد ما تحكي وبعدها هقوم اجيبك من شعرك😒
زهره...بس يابت انتي وهي بقي قولي ياعشق مالك.
سكتت عشق شويه.
تمارا...اهي سكتت 🤨 ايه البطاريات فضيت🙄
عشق...😒😒مش هرد عليكي
بصوا انا هحكيلكم بس تسمعوني ومن غير ما واحده فيكم تقل أدبها ومحدش يقاطعني ومحدش يكشر ولا حد يقول حاجه متعجبنيش تسمعوني وانتوا ساكتين ومحدش يعلق ولا حد يقوم من مكانه ويسبني.
تمارا....طب ماتسخطينا تماثيل و اخلصي يابت احسن😡😡
فطست نور وزهره من الضحك علي غضب تمارا.
عشق...😒😒😒طب دي متربتش ولسانها مسحوب منها انتوا بتضحكوا علي ايه.
زهره...بصراحه يا عشق معاها حق انتي يابت هتذلينا عشان تنطقي
😂😂
عشق...لا عشان عارفه ان كل اللي قولته ده هيتعمل..🙄
نور....انتي شكلك عامله مصيبه ولا ايه.اتكلمي قلقتيني.
عشق...🙄🙄🙄 بنات انا خايفه اوي.
زهره....خايفه من ايه يا عشق
تمارا...اكيد من اللي حصل امبارح ودي عايزه ذكاء😒.
عشق....مش بس كده يا تمارا.
تمارا...في ايه تاني.
عشق...انا حلمت 🙄
تمارا...قوموا يابنات بسرعه
زهره...فين تولين
نور....وتاليا.
تمارا....اجروا يابنات متسألوش فيها
عشق...بضحك استنوا بس
تمارا...امشي من وشي ياعشق
اقولك اخسريني ياستي انا والعيال الغلابه دول احلام تاني
ياعشق ومصيبه لا نكون كنا معاكي في الحلم.
عشق...اقعدوا بس هحكيلكم.
تمارا ... زهره ...نور 😭😭
ضحكت عليهم عشق وبدأت تحكيلهم
