رواية الشك يلاحقني الفصل الثاني بقلم جمانه السعيدي
هاي السنه الثانيه يعني الاخيره اليه بلمعهد وشديت حيلي اريد اتخرج واتعين حتى اكدر اخذ حبيبتي
مره رحت اشوفه بليل ولكيتها لابسه تراك ضيك ومرتبه نفسه وكاعده تتشاقه وتضحك ويه زوج اختها زهراء الجبيره
من شافتني دخلت سكتت مع ان صوتهم جان عالي كلش
واني امشي برا سمعته
الصراحه ضجت بس سكتت ما ردت اضوجها
كعدت وبديت اسوالف ويه خالتي وجانت كاعده مروه واختها وزوجها
جنت داير وجهي واحجي ويا خالتي التفتت شفت خالد زوج زهراء اخت مروه غمزلها
بس من شافني رفع ايده وكام يحك بعينه حتى يضيع عليه
اني موغبي افهم هاي الحركات
بس حبها جان عامي عيني
جنت انطيها الاعذار ودورلها الاسباب
واكول لا مامتقصده
جمانه السعيدي
ومره جانت لابسه ساعه كلش حلوه ومميزه ومن سئلته كالت خالد جابها اليه هديه
مو مثلك كلشي ماكوووو بخيل
همام....اني بخيل عليج هم طلبتي شي وماجبته اللج
مروه...شني اله اطلب المفروض انت كلساعه اتجيبلي هديه
لعد حب ابلاش
همام...موتدللين خل نزوج وشوفي شلون اغركج هدايه
انتي النفس الي يطلع وينزل
ولو اطلبين روحي تاخذينها
اتخرجت واول ما عرفت النتيجه رحت كبل على مروه ابشرها
حتى قبل اهلي
دخلت لكيته تحجي بلتليفون وما اهتمتلي ابد
حتى من سمعتني احجي ويه خالتي وكلها اني اتخرجت ما اهتمت ولاعافت التليفون من ايدها
بعدين تقريبا نص ساعه تحجي واني منتضرها
خلصت وكالتلي برود
مروه....مبروك وين هديتي
همام....انتي لازم اجيبلي هديه بمناسبة تخرجي
مروه...شنو ونوب فوكاها تريد هديه
همام...حبيبتي اشاقه وياج انتي هديتي الي اتمناها طول عمري
مروه...خلاص اني عاجبني سوار فرفشه ذهب ادزلك صورته وجيبه اليه
همام...مو تدللين اني كم مروه عندي
وفعلا رحت اشتريته وجبته الها هديه
ورا كم يوم قررت لازم افاتح الوالده بموضوع زواجي
همام ...ماما حبيبتي ست الحبايب اريد نروح نخطب مروه
لان بعد ماكو صبر
ام همام....يمه يكولون اكبر منك بيوم افهم منك بسنه وهاي مروه بت اختي واعرفها عز المعرفه وادري بيها ماتوالمك
وراح اتعبك عوفها وخلي اختارلك وحده غيرها
همام.... اني غير مروه ما ازوج احبها تعرفين شنو يعني احبها مو حب يوم لو يومين هذا حب ١٥ سنه
ام همام.....بكيفك يمه هي هاي حياتك وانت حر بيها
بس ولله ردت انصحك لان الزواج عشرت عمر لايوم ولايومين ولاهو ثوب وتنزعه اذا مايعجبك
همام....هذا الحجي مايفيد اني احبها يمته نروح نخطبها
جمانه السعيدي
ام همام....خلاص شوف خالتك واتفق وياها على موعد
همام...ليش ما انتي تخابريها وتسئليها وتحددين موعد
ام همام....انشاء الله بليل اخابرها وحدد موعد وياها
همام كمت وبست ايدها وراسها يمه الله لايحرمني منج طول العمر
وفعلا امي بليل اتصلت على خالتي وزوجها وحددو موعد الخطبه يوم الخميس يعني بعد اربع ايام
ثاني يوم رحت الهم حتى اشوف شنو طلباتهم
كعدت كبالي مروه وبدت تتشرط
اريد ذهب كذا واريد غرفه حديثه وملابسي اله من المكان الفلاني
كلهن مكدور عليهن اهم شي اني وحبيبتي نكون بمكان واحد
اخر شي زوج خالتي ختمها كال بس خطوبه الزواج بعد التعيين علمود اضمن مستقبل بنتي
وافقت ماكان كدامي حل ثاني وانطيته العذر
لان هو مايدري اني شكد احبها واخاف عليها من الهوا
اجا يوم الخميس وحجزت صالون لان قررنا هي خطبه هي مهر وحجزت بدلات اتلاثه
بلنسبه اليه كان يوم مميز ابتسامتي مافاركت حلكي
حبيبتي صارت اليه
دخلت لبستها الذهب وبستها بخدودها ولازم ايدها وكانو راح تشرد مني
طالعه تخبل مثل الملاك او على الاقل اني شايفه هيج
طلبت مني موبايل حديث ثاني يوم جبتلها احدث موبايل نازل للسوك
ليليه نحجي اني وياها
واسمعها احلى كلام غزل
وكلما اسمع اغنيه رومانسيه احسها تحجي عني وعنها
جمانه السعيدي
الحد ما اجا تعييني مافرحت بلتعيين بكد مافرحت بقرب موعد زواجنا
حددنا موعد الزواج وكل يوم تخابر عدها طلابات جديده
حتى ملابس اخواتها وامها مالات العرس اخذت فلوسهن مني
حجزت بلقاعه للعرس وسويت عرس ماله مثيل
لان صدك فرحان وما احس اكو واحد فرحان بكدي
بعدين اخذته ورحنا الاربيل بقينا اسبوعين هناك
اتونسنا من صدك
ورجعنا للبيت الولده اتلكتنا هلاهل وجكليت
وطابخه عشى فاخر وعازمه اهل مروه كلهم
واقاربنا والجوارين
ثاني يوم من رجعت خلصت اجازتي ولازم اداوم
همام...ما اعرف شلون باجر اروح للدوام وافاركج
مروه...عادي حبيبي هنا كم ساعه وترجع قابل وين راح اداوم بلمريخ
همام...يعني مليتي مني
مروه...لابلعكس مامليت
بس خوما تبقى مكابلني وكاعد
همام...لو اكابلج العمر كله ما اشبع منج لج انتي روحي وكلبي
مروه...حبيبي الله يحفضك اليه اني هم احبك
همام...يمه فديته الحلوه الي تحبني واني اموت عليها
تعاي بحضني خل اشبع منج
ولو يمكن العمر كله ما اشبع منج ياروحي انتي
كعدت ثاني يوم الصبح
مروه بحضني واني ابوس بيها حبيبتي تكعدين
مروه ....اوي شعندي كاعده من الصبح
همام...يعني تقبلين اطلع وما اشوف هلوجه الحلو
مروه....انعس وما اكدر افتح عيوني عوفني عفيه ما شبعانه نوم
همام بسته وعفته نايمه
سبحت وبدلت نزلت لكيت ست الحبايب مكمله الريوك ومنتضرتني
همام...صباح الخير يا احلى ام بلدنيا وبستها براسها
ام همام...صباح العافيه والخير حبيبي اكعد تريك سويتلك البيض مثل ماتحبه
همام...الله لايحرمني منج يلغاليه
شويه وكعد حسن
حسن ...تباح الخير امام( يعني همام )
همام....هله بحسوني الورد تعال اكعد نتريك سويه لعد رشا وين اليوم ما اداوم
ام همام....لا جاي تبدل هسه تجي
همام....ماما طبعا مروه تنعس وماقبلت تكعد
ام همام...خليها نايمه قابل شعدنا رشا بليل نضفت البيت واني هسه راح اطبخ بعدها عروس يمه خليها تدلل
هذني الايام ينذكرن يكول ابو المثل لو ضاك خلكك اذكر ايام عرسك
