رواية الشك يلاحقني الفصل الثالث بقلم جمانه السعيدي
همام تريكت وطلعت للدوام
اخابر على مروه وما ترد الساعه ١٢ يله ردت عليه
مروه....الوووووووو
همام...هلو حبيبتي بعدج نايمه
مروه ...اي شعندي كاعده
همام....لاحبيبتي صحصحي وانزلي جوه امي وحدها
مروه...امك طول عمرها وحدها شنو الجديد
همام...الجديد انتي موجوده وتملين عليها البيت
مروه ....يله كعدت راح انزل
همام...عفيه حبيبتي الحلوه
جمانه السعيدي
ام همام كملت الغدا وطفيت الجدر وحسن كال اني جوعان صبيتله يتغدا
ونزلت مروه من فوك
مروه....صباح الخير خاله
ام همام....صباح النور تتريكين لو تتغدين
مروه...شنو قصدج ما اسمحلج اني متعوده انام للضهر عد اهلي
ام همام...خاله موقصدي ترا بس لان الغدا جاهز كلت يجوز تتغدين
مروه....لا شكرا اتغدا ويه همام من يجي هسه اسوي لفة جبن واكول
ام همام .....براحتج حبيبتي
همام احس الوقت شطوله اريد ارجع للبيت مشتاق المروه كلش
ام همام...اتغدينا اني ورشا وحسن ومروه بقت تنتضر زوجها
رشا نضفت المطبخ ورحنا للغرفه انام اني وياها وحسن
اسمع همام اجه وتلكته مروه
همام...هلو حبيبتي
مروه...هلو يكلبي اصبلك غدا جوعان
همام...اريد اتغدا بيج
مروه...فدوه الكلبك حبيبي
همام...شنو الغدا اليوم
مروه...ما اعرف خل اشوف قربت على الجدر وفتحته
حبيبي تبسي وتمن
همام...طبعا اني اعشق التبسي وامي تطبخه بطريقه اتجنن
حضري الغدا بين ما ابدل وانزل
جمانه السعيدي
لعد امي وين
مروه نايمه عوفها لاتكعدها حبيبي اصعد الغدا فوك بغرفتنا
همام...بكيفج ياعمري انتي
كعدنا نتغدا مروه...همام اريد احجي وياك بموضوع
همام...كولي حبيبتي
مروه....اني متعلمه اكعد متاخره بيت اهلي واني مامجبوره اكعد من وكت
همام...ليش منو كعدج من وكت
مروه...لا بس يمكن خالتي متقبل اتاخر بلنوم
همام...اني احجي ويه امي بس هواي تبقين ١٢ الضهر
مروه...هاااا جنك طبكت وياها
همام....لا مو مسئلة طبكت وياها بس حاولي تكعدين بلعشره زين
مروه...لو ادري الزواج راح يغير حياتي للاسوء فلا تزوجت
همام...شنو الاسوء علمود النومه براحتج اني افهم امي تعوفج براحتج بس العصر حاولي تساعدينها بلطبخ بلتنضيف
مروه...نعم انت شنو جايبني خدامه احنا ما اتفقنا هيج من الاول
همام...مو خدامه بس مايصير امي تطبخ ورشا تنضف وانتي كاعده وساكته
مروه...امك واختك متعودات على هذا الشي شنو الجديد عليهن اني مسوليتي بلبيت انت وبس
همام...ولايهمج حبيبتي الي تريدي يصير
جمانه السعيدي
كملنا غدا ونمنا وماكعدنا اله اذان المغرب ياذن
نزلنا جوه لكيت امي تكلي عشى لان رشا عدها امتحان
همام...عوفي امي هسه مروه تكلي بمكانج
مروه....شنو لا ما اكلي يصير بيه ريحه مو طيبه اذا تريد انت كلي واني احضر الزلاطه
همام...عوفي امي اني اكمل بمكانج
ام همام ...لا ماما خلصت مابقا شي
كعدت مروه تثرم زلاطه وهمام حضر السفره ويه امه
واجتمعو وتعشو سوا
مروه اول وحده كامت غسلت اديها وصعدت فوك
ورشا نضفت المطبخ
استمر الوضع من سى الى اسوء ويه مروه الي ماتقبل تشتغل بلبيت اي شي
وعايفه كل شي براس ام همام ورشا
وابد ماتختلط بيهم النهار كله لازمه تليفونه وتخابر من امها الى اختها وصديقاتها
ومستغله حب همام الها
ام همام ساكته لان ماتريد ابنها يضيع منها تعرفه يحب مروه ومتعلق بيها ومايكدر يرفضلها اي طلب تطلبه منا
رشا...ماما اني داخله على امتحانات اخير السنه واريد اركز بقرايتي السنه سادس وما اريد يضيع مستقبلي
ام همام اي ماما اقري منو لازمج
رشا....ما اكدر اشتغل بلبيت
ولا اكدر اشوف الشغل كله عليج خل احجي ويا مروه بلكت تهز نفسه شويه
بس تعبرني الامتحانات وبعدين خل يرجع كلشي عليه
ام همام....لا حبيبتي معليج ب مروه خليها خادمه اخوج
استري علينا ترا تاخذ همام من عدنا وبعد مانشوفه
رشا...شني تاخذا هو لعبه
ام همام...يمه خلي كلشي عليه ولاتدخلين ابد انتي ركزي بقرايتج ومالج دخل
صار على زواجهم ست اشهر وبيوم نزلت مروه مبدله ومتمكيجه على اخر حبايه
مروه...خاله اني رايحه للصالون
ام همام...الله وياج
طلعت من البيت وراها تقريبا ساعتين طلعت ام همام تشتري من الاسواق الي براس الشارع ولمحت مروه نازله من سياره ولي يسوق السياره رجل اختها خالد
بقت منتضرتها
ام همام...هااا خاله خوما اكو شي
مروه...شنو قابل شكو رجعت من الصالون وصادفني خالد وكال خل اوصلج احسن ماترجعين وحدج
ام همام...اي الله يوفقه
جمانه السعيدي
تكررت هاي الحاله خلال شهر واحد اكثر من اربع مرات خالد جاي ياخذها ويرجعها
ام همام الموضوع بلنسبه اليه عادي لان هو زوج اختها
وكلما اسئله تكول اني اخابرا احسن ما اخذ تكسي
مره كالت اخذني الاهلي ومره البيت اختي ومره اشتري غراض من السوك
بلبدايه عادي بس بعدين حسيت الشغله موطبيعيه
يعني خالد ماعندا شغل وعمل بس ملتهي يشتغل عدها سايق
جمانه السعيدي
الا ان اجا اليوم الي عرفت الحقيقه وشفتها بعيني
بيومه جنت مقرره اروح للسوك محتاجه شغلات
اني عندي اثنيين جيازين واحد جبير اخلي بي فلوس هواي
واحد زغير اخلي بي فلوس قليله اصرف منها من يجي ابو الغاز لو من اروح للاسواق
بيومها رشا طلعت الصديقتها
وحسن سجلنا بلنادي يلعب رياضه
واني جنت محتاجه كم غرض وردت اروح للسوك
طبخت من الصبح وطفيت الجدر تقريبا الساعه ١١ الصبح
نزلت مروه من فوك واني كتلها
ام همام...خاله اني رايحه للسوك وبعدين امر على الخياطه اشوف ملابسنا خلصن وارجع
مروه....الله وياج
ام همام طلعت صادفت وحده من جوارينا رايحه للسوك ومشينا اني وياها سوا صعدنا بلخط وهي دفعت اجرة الخط ومن نزلنا تفاركنا اني وياها ردت اشتري برتقال عجبني
لكيت بس الجزان الزغير وبي مبلغ قليل
كتله خاله العفو ماشايله فلوس
ورجعت للبيت اجيب فلوس
شكرا لزيارتكم عالم روايات سكيرهوم
