رواية الهاويه الفصل الثالث بقلم جمانه السعيدي
نور....وجود خالد بحياتي كان انتقاله مو طبيعيه
حسيت نفسي صرت وحده ثانيه
ووحده تحب الحياة تحب نفسه معقوله الحب والاهتمام هيج يسوي
هلكد مااسمع منه كلام حلووو
حسيت نفسي احلى وحده بهاي الدنيا
ومحد سعيد بكدي
كل ليله نبقى نحجي من الساعه ١٢ بليل للساعه ثنتين او تلاثه
اكيد من كد ماارتاحيت للكلام ويااا
وحسيت بلحب والامان
حجبتله كلشي عن حياتي
وهو استغل هاي الفرصه وخلاني اتعلق بي بجنون
على فكره هو موضف واكبر مني
كان عندا خبره بلحياة اكثر مني
بدا بدخلي من كل المداخل لمن كمت مااشوف واحد غيره
مرات يجيني للكليه
حتى اشوفه
وجابلي تليفون صرصور وسيم كارت حتى يكون هذا التليفون خاص بينا احنا الاثنيين
جمانه السعيدي
عشت وياا بغير عالم كلشي جنت محتاجته من حب واهتمام كدر يعوضني
حسيت اني اكدر استغني عن العالم كله بوجوده بحياتي
كل مره كان يتصل بيه يااكدلي هو شكد يحبني
ومستحيل يزوج ووحده غيري
كلما اسمع كلامه كنت احس بالأمان اكثر وياااا
الحد ماخلصت كليه الحمد لله طلعت من الاوائل
هاي النقطه حيل فادتني
لان كدرت احصل تعيين بوقته بسرعه
بعد سنه من علاقتنا اني ويااا
وبعد ماصار هو كلشي بحياتي
اكتشفت شي دمرني نفسيا شي ابد ماكنت متوقعته
ولا يجي على بالي ولو صدفه
يومين اختفى خالد ابد مايتصل ولا يسئل
خفت كلش خفت علي
اتصل وادز رسايل وماكوووو
عشت يومين كلش صعبات عليه لان مااعرف ليش اختفى فجئه من حياتي ووين راح
كان وجوده بحياتي اهم من الاكل والشرب وأهم من حياتي نفسه شلون وليش اختفى هذا الشي كلش حسسني بلرعب
خاف صار علي شي خفت افقده
من يوم عرفته لليوم وهو ابد مابطل يتصل كل يوم ويسئل عني
ووين راح امشي بلا وعي ميت فكره اجت ابالي
بس مااجه ابالي الشي الي صاير ويااا ولا فكرت بي ابد
بعد مافات يومين واني يمكن الف مره متصله والمسجات بلا عدد
رد عليه وهو عصبي
خالد...شكو شصاير
نور...انت كول شصاير ووين صار يومين كلبي راح بوكف من القلق والتفكير
خالد...اني بيا حال انتي بطرانه ابني ووصل للموت وصار يومين اركض بي جان راح مني
خليكم وياي انتم مستوعبين شكال ابني شنو يعني ابني
نور...ابنك شنو ابنك انت مزوج
سكت شويه حسيته تندم لان كال هاي الكلمه
نور...رد عليه شنو يعني ابنك انت مزوج
خالد...بس خل افهمج لان الموضوع مو مثل مانتي افتهمتي
نور...فهمني جاي اسمعك
طبعا حسيت اكو شي مرد كلبي
شلون واحد ويعصر بكلبي
خالد...صدكيني مااحبه اهلي جبروني ازوجه كانت اختيار امي والف مره ردت اعوفه بس اهلي استعجلو بلمهر
ومن شفت اهلي فرحانين ماحبيت اخرب عليهم فرحتهم
ووافقت وزوجته بس قسما بلله مااحبه عايش ويااها عامود ابني جمانه السعيدي
اصلا اني ماارجع للبيت بس بليل علمود النومه
نور....ماكنت اسمع كلام كنت احس طعنات جاي تنزل على روحي شلون بعد كل هذا الحب طلع بخدعني
مزوج وعندا ووولد
صار سنه كامله واني عايشه بحلم
نور...نزلن دموعي عشره عشره وكنت احس بدمار بداخلي من
كلامه
خالد...حبيبتي صدكيني جاي احجيلج الحقيقه
نور...ليش ماحجيت من البدايه
خالد...اني احبج وخفت افقدج اذا عرفتي الحقيقه
صدكيني احبج وزوجتي مايربطني بيه اي شي
غير ابني
نور...سديت التليفون طلعت السيم كارت وكسرته
من حركت كلبي
غصه بكلبي مااكدر اتحمله
ماكدرت اوكف حسيت روحي جاي تطلع مني
بس وكفت ووكعت من طولي وماحسيت بعد بشي
نورهان داخله بلغرفه ولكتني وواكعه كامت تعيط
ناقليني للمستشفى
اكثر من ساعتين واني ماادري بنفسي
على العلاج والابر والمغذي رجعت الوعيي
احس روحي توجعني ترا وجع الروح ابد مو هين
بعد اربع ساعات بلمستشفى رجعنا للبيت
ابوي وامي وياي ثنيبنهم
ابوي كان خايف عليه اكثر من امي
اسبوع كامل واني نايمه بلفراش محد يعرف بمصيبتي
محد يعرف اني شصار بيه
اني نفسي مامسوعبه الي صار وياي
شنو يعني بعد سنه حب وتعلق وانتي الي وراح نزوج
ومحد ياخذج غيري
يطلع مزوج لا وعندا طفل
معقوله اني جنت غشيمه الهلدرجه
ووين جان عقلي ليش عفت كلبي يتحكم بيه
جمانه السعيدي
طبعا هو يتصل وماكووو ويدز رسايل على خطي القديم
ومااجاوب
الحد ماا كام يجي يوكف باب بيتنا كل يوم على امل اطلع ويشوفني
بس اني دخلت بمرحله من الكئابه فضيعه
كنت حاسه بلخذلان اكثر انسان تعلقت بي وحبيته خذلني
ليش اني ماعندي حظ لا وياا اهلي ولا وياا الانسان الي حببته
٣ اشهر واني عايشه بدوامه عقلي يكول خلاص كلشي انتهى
وكلبي مايقبل يعوفه انتم متعرفون اني شكد احبه وتعلقت بي
صعب عليه اعوفه مااكدر
الصراع بين كلبي وعقلي تعبني صرت انسانه قلقه وضعيفه وخايفه
اي خايفه ارجع النقطة الصفر
ارجع وحيده ومحد يهتم بيه
مجرد التفكير اني راح ارجع مثل قبل لا اتعرف علي
موضوع مخيف بلنسبه اليه
لكيته داز شكد راسائل يعتذر مني ويكول سامحيني
اني بعدج ضعت ارجعيلي راح اطلك زوجتي واجي اتقدملج
لا تعوفيني مااكدر بدونج
انتي الحب الحقيقي الوحيد بحياتي
اربد فرصه وحده حتى أصلح هذا الغلط
سامحيني اعرف اني ضميت عليج حقيقة زواجي
بس مالي بيه قصد خفت لا تعوفيني
نور اني تعبان من دونج ردي عليه اربد اطمن عليج
بس خل اسمع صوتج
لا تصدكين راح اعوفج بيوم من الايام
تعرفين اني شكم مره جاي وواكف ابابكم
مااريد شي اربد بس اشوفج
ردي علبه واني مستعد ابقى اعتذر منج العمر كله
لا تعاقبيني على غلطه غير مقصوده
انتي احلى شي صار بحياتي اني بعدج اضيع
نور..لكيت كم من الرسايل غير معقول كله اعتذار وتعبير عن حبه اليه
ويااكدلي هو مراح يعوفني ابد لان هو يحبني
مااخفي عليكم كنت سعيده بكلامه
لان كل كلمه يكوله تأكد حبه اليه وتمسكه غير المعقول بهاي العلاقه
كنت أقرأ الرسايل واصبر نفسي
محتاجه هيج كلام منه حتى ارمم جروحي
ترا محد راح يكدر يرمم جروحي غيره
بعد ٣ اشهر بلضبط ولمن شفته مصمم على هاي العلاقه
ولا كل ولا مل وهو يدز رسايل اعتذار
ويحاول يصلح الموفف
وشفته اكثر من مره وهو وأكف بلشارع ينتضر اطلع حتى يشوفني
استسلمت اي استلمت اني بعدني احبه وماوكدر استغني عنه رغم هو جذب عليه بموضوع زواجه
بس هو الاصح بهيج موقف كان لازم اعوفه
لان الي يجذب ويخدع مره بمكن يعيدها الف مره
بس اني كنت ضعيفه كدام مشاعري
ضعيفه كدامه
مااكدر اتخيل حياتي من دونه
جمانه السعيدي
اتصل عليه فتحت الخط بس ماحجيت
كال الوووو وهو يبجي
يبجي بحركه تعرفون شنو رجال يبجي يعني واصل الأضعف مرحله هذا الاحساس الي وصلني بذيج اللحظه لمن سمعته يبجي
خالد....ليش هيج انتي ماتعرفين اني شكد احبج
صار ٣ اشهر واني لا ليلي ليل ولا نهاري نهار
رجليه ووكعن واني واكف بلشارع
شركة الاتصالات كامت تعرفني هلكد ماادز مسجات
انتي مو تعرفين اني شكد احبج
بعد ممنوع تعوفيني
اقسم بلله زوجتي اني مااحبه والبيت ماادخله بس بوقت النوم علاقتي ببه شبه مقطوعه
اني ماتحلى وحده بعيني غيرج
كان يحجي وهو يبجي واني كنت اريد اصدكه
اي اريد اصدكه اريد ارجعله لان مااتخيل حياتي من دونه
ابد
نور....بس احنا مانصير وواحد للثاني اني مستحيل ابني سعادتي على تعاست غيري
خالد....غيرج هي تعيسه لان علاقتي بيه مقطوعه
نور...ولو اهلي مستحيل يقبلون ازوج واحد مزوج
خالد...راح اطلكه
نور...شنو اطلكه شنو هي لعبه بايدك
خالد...اي اطلكه اني اصلا ماحببته من البدايه
نور...لا مااقبل
خالد...واني قررت خلاص اني راح اطلك
نور...حتلو اطلك مستحيل اهلي يقبلون ازوج واحد مطلك
خالد...اني راح اجيب عليهم ناس منا لمن يوافقون
نور...لا تعب نفسك
خالد...اني لجل عيونج الحلوه مستعد كلشي اسوي
بس لا تعوفيني اني مااكدر اعيش من دونج
نور....انت منيبن طلعتلي خربت حياتي كله
خالد....انتي الي طلعتي كدامي وخربطتي كياني
احبج تعرفين شنو احبج
ومااكدر اتخيل حياتي من دونج ابد
لا تعوفيني وهسه راح تشوفين اني شراح اسوي علمود
هذا الحب يعيش
احنا مقسومين البعض
للحكايه بقيه طبعا اني ماالوم البطله هذا الاصرار من خالد لازم تضعف كدامه خصوصا وهي تعلقت بيه
شكرا لزيارتكم عالم روايات سكيرهوم
