رواية الهاويه الفصل الرابع بقلم جمانه السعيدي
نور...ماكدرت مااسامحه لان اني حيل احبه ومتعلقه بي
وهو عرف يسيطر على مشاعري ويتحكم بيه
كان دائما يااكدلي هو راح ينفصل عن زوجته ويزوجني اني كنت ارفض
مااكدر اتحمل هاي الخطيئه
بس بنفس الوقت مااكدر ابتعد عنه لان تعلقت بي بشكل مو معقول
الحد مآ بعد فتره تفاجئت بي يتصل عليه ويكووول
اني دزيت زوجتي الاهله وراح اطلك
نور....لا شنو اطلك ابنك ماله ذنب يعيش بعيد عنك
خالد.. واني شنو ذنبي مااحبه ومااكدر استمر وياها
كنت أتوقع مجرد كلام مثل كل مره
الحد ماتفاجئت وهو يدزلي نسخه مصوره من ورقة الطلاك
خالد...اني خلاص طلكته مااكدر ابقى اكثر على هذا الوضع
نور..انصدمت من ردت فعله معقوله يطلك زوجته ويتخلى عن ابنه علمودي
نور...ليش استعجلت
خالد...لا مااستعجلت بلعكس اتاخرت كان لازم من زمان اتخذ هيج قرار وابتعد عنه واشوف حياتي وياا الانسانه الي حبيته
زواجنا كان زواج على الورق وبس
محسوبين كدام الناس مزوجين بس بلحقيقه احنا مشاعرنا كل واحد بجهه
نور...بس اني ابوي مستحيل يقبل ازوج واحد مطلك
خالد...لازم اكو حل
نور...لا تحاول مستحيل اكو امل ننجمع سوا
جمانه السعيدي
طبعا هو بس طلك زوجته اهله طردو من البيت
كلهم صارو ضده
محد منهم قابل بقرار انفصاله عن زوجته
طلع من بيت اهله واجر بيت تجاوز وكعد بي
اما الراتب طار على النفقه والموخر والمقدم
والمحامي
يعني باختصار صار على الحديده
الراتب كله يروح نفقه وإيجار ومعيشه ومستحيل يكدر يتقدملي ويخطبني
بقينا على هذا الحال واحد يحب الثاني وواحد متعلق بلثاني بس ماكو امل نلتقي سوا
علاقتنا دامت ٣ سنوات سنه قبل لا أعرف هو مزوج
وسنتين بعد ماعرفت هو مزوج ومن ضمنهن الفتره الي طلك بيه زوجته
الوحيده الي كانت علاقته بيه زينه ويتردد عليه اخته الجبيره
اما باقي اهله كلهم مقاطعينه
اني موضفه وحلوه وزغيره كامو يجوني خطابه
واهلي بلحون ليش ماتقبلين
كلهم ناس زينيين واصلين بس اني كنت معميه على عيوني مااشوف واحد غيره
والنوب تعاطفت وياا اكثر لان خسر اهله وزوجته وابنه
وسكنه بسببي
بعد مااكدر اعوفه احسه ضحى بااعز الأشياء بحياته علمودي
وبيوم اجاني بفكره حتى ننخطب بعد ماسمع اني تجيني ناس خطابه وكاعد ارفض علموده
خالد...اني لكيت الحل
نور...شنو كووول
خالد....اولا ماانكول اني منفصل نكول يتيم وعايش ببت اخته لان ماعندا احد
نور...واذا سئلو عنك
خالد...مالج شغل اني ادبره
نور...يعني اختك تجي تخطبني
خالد...اختي ماتقبل تخاف امي تسمع وتزعل عليه اني راح ادز ثنيين من أمهات اصدقائي
واتفق وياهم يكولون احنا خالاته وهو يتيم
وموضف وماعندا احد غير اخته
واذا اهلج وافقو اني اجيب مشيه واجي
جمانه السعيدي
نور...شلون خاف ننكشف
خالد.. كولي يالله شنو ننكشف مالج شغل اني ادبره
فعلا بعد يومين اجنا نسوان ثنيبن أمهات اصدقائه
دخلن وكعدن يم امي
على اساس هنا خالات خالد
وبدن يمدحن بي وبااخلاقه ويستعطفن امي
يتيم وماعندا ااحد وراح يسكنه بيت وحدها وهو مستعد الكل طلباته
واحنا سمعنا بلبنيه حلوه واجينا اناسبكم على سمعتكم الطيبه
امي اقتنعت بكلامهن وطلبت وقت تنطي البابا خبر وتسمع رده
بعدين كالن احنا نريد نشوف العروسه
اني طبعا كان عندي علم بجيتهن
بدلت ورتبت شكلي وخليت شويه مكياج وعطر
بس دخلت سلمت عليهن
اتقاجئت بردت فعلهن بس امي طلعت
يااشرلي حقه عيوني ذابح نفسه عليج وطلك زوجته شنو هذا الجمال والحسن
طلعن من بيتنا ووهو اتصل يطمن على الاخبار
نور...امي ماعدها مانع بس من يجي بابا تحجي وياااا
خالد...يالله خير
من اجا بابا اني بقيت واكفه قريبه عليهم
وامي كاعد تحجيله عن خالد وخالاته الي اجو خطابه عليه
بابا كال اتصلي خل الولد يجي اريد اشوفه واحجي ويااا
امي ثاني يوم اتصلت على خالات خالد المزيفات
وطلبت يجي خالد ابوي يشوفه
فعلا اجا بليل وكعد هو وبابا
ابوي شكد طيب تعرفون اول سوال سئله شنووو
ابوي. انت تصلي
خالد..اكيد اصلي
ابوي...وشنو وضعك ليش لسه مامزوج
خالد...اني يتيم وكاعد بيت اختي وكل هاي الفتره تعرف دراسه وعلما تخرجت وتوضفت
كان لازم أأمن نفسي قبل الزواج مايصير اورط بنات الناس وياي اني هسه مستقر ماديا واكدر اصرف عليه
( مستقر ماديااا وهو ربع ماكو بجيبه )
ابوي...ووين تسكن بعد الزواج وياا اختك
خالد ...لا ااجر بيت ونسكن اني وياها وحدنا
ابوي.. تمام نسئل عنك ونرجعلك خبر
نور...من سمعت بابا كال نسئل عنك ونرجع خبر خفت لايعرف هو منفصل وتخرب هاي الخطبه كله
بس العينتين كان مرتب اموره تمام
جمانه السعيدي
موصي كم وواحد من الشارع اذا احد سئل عنه يكول خوش وولد وماعندا اي مشاكل
على العموم ابوي راح يسئل عنه بلشارع الي ساكنه بي اخته
وهناك محد يعرف عنه أي معلومات خاصه
غير كونه يتردد على بيت اخته
اليوم الي بابا راح يسئل عن خالد بقيت متوتره وخايفه
لا ننكشف وكلشي يخرب
بابا بس داخل بلشارع شايف اكو محل حلويات ورايح يسئل صاحب المحل
اكيد ماسائل عنه مزوج لو لا
لان بابا كان مطمن خالد مامزوج قبل
بس سئل ابو المحل عن اخلاقه واذا يصلي لو لا
ابو المحل كان رده ماااعرف انطيني رقم تليفونك اسئل عنه وارجعلك خبر
بعد مارجع بابا وهو منتضر خبر من ابو المحل بعدها بيوم واحد اتصل صاحب المحل وااكد البابا الولد يصلي اطمن
بعد ما بابا اطمن من خالد رجع اتصل علي مره ثانيه
حتى يتفق وياا على تفاصيل الزواج
وحتى الخطه تمشي مثل مااحنا مرتبين اني طلبت اشوف العريس على اساس اني ماشايفته قبل
حتى اهلي لا يشكون اكو شي بينا
فعلا اجا خالد وبابا ابد ماهمه تفاصيل المهر بكد ماكعد يوصي عليه
شكد جان بابا متعلق بيه وخايف عليه
كل كلامه كان دير بالك علبه ممنوع ازعله حافظ عليه
وخالد كان رده من عيوني اخليه بعيوني لا تخاف عليه
بابا...بس البنيه تريد تشوفك وهذا الشي من حقه لان الزواج ارتباط لازم ثنينكم تقتنعون
محد يدري بينا اني وخالد مدبرين كل هاي التفاصيل
بدلت وجهزت نفسي وطلعت علي سلمت و كعدت كباله شويه
بعدين طلعت كتلهم هاي اقتنعت
وهو هم كال اي عجبتني البنيه
بعدها اتفقنا على يوم المهر وهنا خطتنا نحجت بشكل مو معقول
