رواية هشاشة قلب الفصل الواحد والثلاثون بقلم العباديه
يـقـول عـنـها :-
"مثل خطـيئةً قديمـة .
فـي قلـب رجلٍ تـقـيّ،
لاتـغـيـب عـن الـبـال."
~~~~~~~~~~~~~~~~~~~~~~~~~
ثُرىٰ . . .
شويه ودخلت بنيه تلعلع وتصيح ام ماهر وگفت وشمرت الموبايل وركضت عليهه :-
- كاعدين هناا دك وركصص واحنه بالضضيييمم
ام ماهر.. شكو سما ششبييججج
- خالي مرييضض وانتو مسووين العرس ودگ ورككصصص مو ابوكم مو من دمكم ع الأقل بس إسئلوو عليييه سؤؤال ع الاقققل حيمووت شتگولون للعالم منعرف بيه ولا نعرف بفاتحته شلون تطلعوون بياا عين
ام ماهر.. لج شبيه سوده عليه .. صخام بوجهي لك ماهررر وينكككك ماهرر
هاي تلعلع وام ماهر ظلت تصيح .. ماهر نزل بسرعه
ماهر.. شششكووو شبيكم
ام ماهر ظلت تبجي وتزلغ بخدودهه
ام ماهر.. سوده عليه سووده عليه بيه ولا بيه
ماهر.. ييوووم شكووو
سما.. خالو مريض عنده إلتهاب برئاته ولان ممعالج صارله فتره تأزمت حالته وكام يكح دم
ام ماهر.. صخااام ماهرر ابووك
ماهر عصب وعاط بإمه
ماهر.. كااااففيييي شبيجج اكلتي روحج لحمم انطينه صبر
وجّه سؤاله للبنيه وكاللهه :-
ماهر.. مات لو لا؟؟
سما.. لا مامات بس داخل مستشفى
ماهر.. هاي هيه خلاص مدام مميت مابيه شي
سما.. اي وعيني حضرتك تنتنظره يموت يلا تشرفنا؟
ماهر.. للججج احجيي عددل .. واحنه شعلينه ان تمرض او لا .. هـه خوش والله من زين وصحته عاليه محد يذكرنه ومن يتمرض تبلونه بمشاكلكم
سما.. هوَ ابوك لووو لا؟
ماهر.. مووو ابوووي عااافنه واحنه ااطفاال هسه تذكر وين چان من انجلطت اميي؟؟ ووين جان من موج اختنكت ووصلت الموت .. افتر بالمستشفى مثل المخبل اريد اوكسجين لااختي محد ينطينيي لو هوَ ينطوه لو ماايينطوووه؟؟
هيَ سكتت ودنگت .. عاط بيهه
- احجييي ينطوه لو لا؟؟؟؟
سما.. اي ينطوه
- تمام لعد هاي هيه مثل ماهوَ تخلى عنّه نتخلى عنّه
ام ماهر.. لك يووم ابووك مرييض خل نروح فددوه رحتلك
- مانروح ومحد يوصل واليريد واذا تروحين تنسين عندج ابن اسمه ماهر
ام ماهر.. لك ابووك هذا شهالقساوه البگلبك فهممنييي
ماهر.. بكيفج
ام ماهر.. طبعاً اروح لزوجي وانتَ إبقه بقساوتك لما تتندم
وسع عيونه حيل على إختيار إمه
صاحت بموج تجيبلهه عباتهه .. انطتهياه وتبجي عيونهه ووجهه احمر .. امهه صاحت بيهه
ام ماهر.. تعالي وياي يلا فوتي بدلي
باوعت بماهر وشهكت تبجي كالتله بهمس :-
موج.. ماهر اروح؟؟
عكد حاجبه ودار وجهه .. هز راسه بمعنى لا .. رجعت تبجي وتشهك .. الرجال بس متأزمه صحته لا ميت ولا شي وگلبنهه مناحه مبينين يحبونه ححيل رغم السواه بيهم .
تقربت يمه مثل الطفل .. كسرت خاطري .. لزمت إيده وباوعتله بتوسل
موج.. ماهرر فددوه
ماهر.. لا مووج مترروحين
دنگت ورجعت لوره تبجي امهه صاحتهه
ام ماهر.. لج تعالي شعليج بيه فووتي بدلي .. خل تفيده قساوته
- يعني نسيتيه الصار بيج من ورررراه نسسسيتيي؟؟
ام ماهر.. يبقه زوجي وابوكم والظفر ميطلع من اللحم
ماهر.. روحي بس كلمه بعد متحجين ويايه
ام ماهر.. ميخالف
قابض إيده حيل ومخنزر .. عاطت بموج خلتهه تروح تبدل وتجي .. اجت يم ماهر تهمس
موج.. ماهر اروح؟؟
عاط بيهه بصوت عالي
ماهر.. معللييه اني معليييه كتلكم بشرطي وبكيفكم
موج.. مااروح لعدد
ذبت الشال من راسهه تبجي وراحت للغرفه
ام ماهر.. لجج موووج تعااالي معليج بيه تعاالي شوفي ابوج يفرح بشووفتج
ماهر.. متريد تروح تجبريهه شنو
سما.. يلاا خاله امشينه
خلن وراحن .. ماهر ظل واكف ويفرك بوجهه وعصبي حيل .. دفر الطبله برجله صارت وصلتين .. نزيت وطفرت مبتعده عنه
صعد فوگ ويفتر بالغرفه مثل الناعور كلساع بجهه .. آخر شي خابر وليد گالله :-
- وليد ع السريع تلحگ بيبيتك تاخذهه انتَ للمستشفى. ابوي مريض ومااريدهه تروح وي اهله
وليد.. عمي اني هسه بالصيدليه
ماهر.. ع السرررريع كتللللك
وليد.. تمام حتصل بالولد البديل
- معليه بالبديل بس روح بأسرع وقت قبل ليطلعون واذا رايحين الحكهم ونزلهه
سد التلفون وشمره ع الجربايه بعصبيه .. رحت جبتله ماي وانطيته اله .
اخذه مني وكعد شربه كله .. ويهز برجله متوتر
- ماهر اهدأ
ماهر.. هددوء إيشش نساني الهددوء راح
- ليش ماخليت موج تروح خطيه
- ياخطيه ثُرىٰ هسه بس تروحله تجيبه لهنا وترجع المشاكل من جديد
- غير مريض جا منو يهتم بيه
- شعللينه احنه شعللينه مافكر بينه هوَ .. بس احنه نفكر بيه اسوء أيام حياتي عشتهه وهوَ ملتهي بالنسوان الـ.... استغفر الله
سكتت عنه لان بعده عصبي .. عفته لما يهدأ وارجع احچي وياه ونزلت جوه يم موج .
لگيتهه حاضنه صورة وتبجي.
تقربت يمهه
- موج على كيفج لتفاولين على الرجال
حضنتني وظلت تبجي
موج.. مشتاقتله صار شكد مشايفته وهسه يجون يگلولي مريض شاسوي بهالحاله.
- ادعيله
موج.. اوف ثُرىٔ حموت من القهر
ظلت بحضني وتبجي ..
صار المغرب كمت سويت العشه لكيت لحم حمسته وذبيت عليه بتيته وعلى جهه سويت تبسي وحضرت الزلاطه والخضره وسويت خوش سفره .. صعدت لماهر لكيته متمدد وايده على عيونه ويهز بكف رجله حيل .
تقربت منه حطيت إيديه على كتفه
- ماهر تتعشه؟
- مااشتهي
- حتى لو تاكل بس شويه حشوة بطن
- مااريد
- حباب لخاطري والله ابقه قلقانه عليك
سحب نفس وزفره .. كعد وهز راسه .. راح غسل ونزلنه .
صحت موج واجينه نتعشه
صبيت بالمواعين وظلينه منتظريه يمد ايده بس ماكو .
- يلا ماتاكل
ماهر.. خل يبرد الاكل
- جا ليش ماتحبه حار
- لا مااحبه كون يثلج يلا آكله
- ههههه عكسي
- إكلو انتو
- لا ننتظرك
ظلينه منتظرين الامل لما برد وتعشينه هوَ يباوع بموج الساكته من كعدنه لهسه . هيَ تنقش ومدنگه ماترفع راسهه .. وهوَ نظره متركز عليهه وكلما يصفن يجر حسره .
خصلنه عشه ولملمت المواعين .. كال لموج :-
- موج.. غسلي وتعالي داحجي وياج
هزت راسهه وراحت غسلت ورجعت .
سمعته يحجي وياهه كاللهه :-
- موجه إذا تريدين تشوفيه لاابويه كولي اني اخذج
جانت مدنكه من سمعت جملته رفعت راسهه بفرحه
موج.. صدددك؟؟
ماهر.. اي صدگ
موج.. وانتَ ماتزعل؟؟
- لا ماازعل
ركضت عليه حضنتنه فرحانه وتكمز .
موج.. هسه حتاخذني
- لا باجر
موج.. شكراً شكراً ماهرر انتَ احلى اخ
ضحك وملامحه أرتاحت .. ظلينه كاعدين نسولف ومشغلين التلفزيون طالع فلم كوميدي ونحشش عليه .
صعدنه ننام .. باوعلي كال :-
- شعجب مسألتي ليش غيرت رأيي؟
- ههههه ماادري خاف تعيط بيه
- هههههه شوكت عطت بيج فقير اني
- ههههه كلك فقاره
- ههههه تعاي
سحبني لحضنه وظل يمسد على شعري ويسولف
- اولاً اذا اني اخذهن اثبتله اني برضاتي جبتهم وبكيفي شوكت مايرجعن ارجعهن بإيدي وبعدهن جوه إيدي ومحد من اهلي يخالفني من اني صغير ولحد هسه.. اذا حيشوف امي وحدهه حيستغل حبهه اله ويظل يدگدگ ويرجع مثل ماكان ويرجع يعيش ويانه ونفس المشاكل ونفس الطلايب وبهالحاله مسوينه شي ف زيارته لساعتين مراح تكلفني كل حياتي اعيشهه بتعاسه ساعتين من عمري ولا كل عمري
- خوش تفكير طلعت خطير
- ههههه مو كتلج فقير منيلي الخطر
- هههه خل هذا وماكو خطر
- اممم لا اكو في بعض الأحيان
غمزلي وباوع لشفتي .. ضحكت وغطيت وجهي .. ضحك وسحبني عليه لج لتغطين وجهج خل اشوف شو تعاي
سحبني من إيديه وهجم
••
الصبح خابر وليد جاب نهى يمي واخذ موج وراحو.
ظلينه اني ونهى نسولف وبشرتني بخبر فرحني
نهى.. لج ثُرىٰ ماتدرين غير تقوى تعينت
- صدددككك
نهى.. اي والله بواسطه عينهه اسماعيل بس شنو عقد علمود تطلع من كآبتهه بلكي تغير جو بالشركه هاي التعينت بيهه
- والله لاتتغير نفسيتهه ولا شي راح يلحگهه ويظل وراهه طليقهه لما يرجعهه وكولي عاي ماكالت .. المن سوه هيج اسماعيل راح تتأثر بالزايد
نهى.. ييااا صدك مافكرنه بهاي
- هالله لج اسئليني اني اعرف سوالفهم
نهى.. ها ها منين تعرفين؟
- هههه لج هسه وقتج بس خل يحطلهه خط تروح وترجع بيه
نهى.. خوش اكول لااسماعيل
وره الغده وهمه ماكو .. خابرني ماهر كال مانرجع هسه نتأخر قفلو البيت عليكم وسألني كم سؤال .
تغدينه وحسوني يكمز فوك روسنه كبران وصاير مدنفش وابيض يخبل .
رحنه بغرفتي وظلينه نسولف طفت الكهربا ءوالجو صار حلو الغرفه مظلمه نعسنه ونمنه
كعدت على صوت موبايلي يدك .. جاوبته طلع ماهر كال :-
- ثُرىٰ افتحي الباب وين انتو صار ساعه ندگ .
- ياا اخذتنه النومه هسه بس البس شي اجيت اجيت
سحبت شالي ونزلت ركض فتحت الباب .. لكيت ام ماهر عيونهه منفوخه ووجهه احمر من البجي .. وموج نفس الحاله ماهر حاط إيده على اكتافهه ووجهه مايتفسر .
باوعتله بخوف وهزيت راسي عود شكو
- هاا ماهر شنو شصار؟
ام ماهر.. شنو شصار كلشي ماصار تتفاولين ع الرجال بالموت موت الكرفج كوون
ماهر.. يووووووم شهالكلام غير اني وووواكف شنو موت اليكرفهه مرتي لووو لا
ام ماهر.. وجهه مو خير ابدد بعدهه هستوهه دخلت للبيت هدمته وجابت على روسنه المصايب
ماهر.. هيَ شعلييهههه اذا رجلج مدري شلونه وصار بيه هيج من سوالفه المكسره هيييَ شعليههه
ام ماهر.. ططوه ططوه مو بنيه
ماهر.. كااافييي
عاط بيهه وسكتت بعد ماحجت شي . نهى راحت لان جان وليد وياهم
ام ماهر راحت لغرفتهه واني لحكت ماهر للغرفه .
دخل سبح وحضرتله ملابسه .. طلع ابتسمت بوجهه وكتله :-
- نعيماً
اشو اني كلت نعيماً واجه عليه هجم بدون سابق انذار ادري شگلت اني .. سحبني من ايدي وهمس :-
- نسيتي ثُرىٰ نسيني
تقرب على رگبتي طبع بوساته وبعثرهه بهدوء سحت بين إيديه وكلما اتحرك هوَ يتخبل ويحتار شلون يذوبني .. بلشت لمساته تقوه ووو..
(تفضلو بره)
..
صار اليوم السابع على زواجي ابو ماهر سفرو للخارج وام ماهر تلوب تريد تروح وياه بس ماهر ماخلاهه .. ردت اسوي حفله بس ام ماهر ماقبلت ولعبت بيه لعب واني عود كلت بيناتنه هم يجون اهلي وبنت خالاتي نعزمهن مشتاقتلهن وهم حفلتي بعد بس ظگت راسهه وألف سيف ماتصير الحفله ماتصير
- زين عمه شنو السبب؟
ام ماهر.. متصير أي حففللله
- اي ليش؟
ام ماهر.. گُتلج متصيرر
- اي عمه مااسوي بس
فهميني ليش علمود صحة عمي
ام ماهر.. لا مو علمود ابو ماهر بس جنات بعدهه بالعراق مااريدهه تحظر أي حفله ممكن تجرح مشاعرهه وتشوف خطيبهه وحبيبهه صار لغيرهه !
- شنووووو؟؟؟
ام ماهر.. مثل مسمعتي حبي مااريدد اسوي الحفله وهاي هيه بي اهلج نعزمهم وخلاص
- ماهر يعرف بهالحجي؟
ام ماهر.. لج انتِ شنوو تهدديني بماهر تره ماهر ابني من دمي ميكدر يسويلي شي فهمتي لو لااا؟؟
- اي هاي هيه فهمت
خليتهه ومشيت بس والله الإ أسوي وعلى عناد جنات .
رحت لماهر وكتله
- ماهر غير اليوم سبعتي يعني ليش بس اني من دون العرايس ماكو إلي حفلة مال سبعه؟
ماهر.. ليش ماكو؟ اذا علمود ابويه معليج بيه حفلتج تصير ومعليج بأحد انتِ عروس وتعيشين ايامج قابل شكم مره نتزوج
- بس عمتي تكول ماكو
ماهر.. لا اكو هسه احجي وياهه
راح حچه وياهه وشي اكيد قرار ماهر يمشي .. والعصر الحفله تصير .
ظلت تباوعلي تزأر مثل الأسد وعيونهه بگصتهه .. لا والله هم عوزي بس أداري مشاعر جنات لو بيهه خير حفظت خطيبهه وماسوت السوته .. الدكتورة ..
اتصلت على اخواتي وعزمت بنات خالاتي واقاربي .
رحت للمطبخ اريد اصيح موج ولگيت عمتي ام ماهر تخابر وتهمس
ام ماهر.. لج تعاالي على عنادهه وإلزگي روحچ بماهر بلكي تلفتين نظره ويرجع يتزوجج عليهه
- لج لا لا مصخمه انتِ غبيه شبيج تعالي ومعليج بس لتبينين محترگ گلبج او شي لا احرگي گلبهه لتحرگ گلبج بنت الفگور هاي الملعونه
خليت ورجعت لغرفتي واتحرگن .
ظليت احظر للحفله ومابينت مهتمه لكلامهه بعد لو يصبوهه ذهب ماهر مايباوعلهه .
أجرت بدله لون بنفسجي وسويت تسريحه .. رغم هيَ حفله عادي والمفروض فستان بس على عناد جنات .
تمكيجت وسويت تسريحه بسيطه وبلشت الحفله كل اخواتي يمي وكمت ركصت وجنات جايه لابسه فستان حوريه لونه رصاصي صدرهه كلهه طالع وجزء من ظهرهه وضيگ حيل يعني إغراء مو طبيعي .. رافعه شعرهه مسويتهه كعكه .. تذكرت ماهر يحب الشعر بهالتسريحه ومايحبه مفتوح لابسه الكعب شطوله والمكياج كارثه .
ظليت ارگص واحرگ بگلبهه .. خطيه ماتدري بماهر ماموجود وراح مسير يم اخوانه ابو وليد وعمار .
خلصت الحفله وهاي الحيه تدور بعيونهه على ماهر .. ضحكت بإستهزاء بتك خد وهزيت ايدي هيَ انتبهت لحركتي سحبت ام ماهر وطلعت بيهه .
خوش بوري والله معدل.
بدلت وام ماهر عزمت أهلي ع العشه وماخلتهم يطلعون .. بله هيَ بسوالف الخطاطير توب ومحد يلحگهه .
بدلت وتعشينه وامي تسولف وي ام ماهر واني ظليت اسولف وي اخواتي .
نهى كالت.. ولج صدك مثل ماكلتي لحكهه السيد ماتشوفيهه ضامه راسهه تستحي تحجي بس اني حجتلي
اني صحتهه يمي
- لج تعالي اني ثريا صايره تحجين لنهى واني ماكو
تقوى.. مااريد اتذكره شبيج
- دسولفي شلون عرفج
تقوى.. من رجعت اريد اروح للخط هوً سحبني من ايدي اني التفتت عليه خزرته ونترت :-
- ايدددك فلتههههه
- بس احجي وياج
- مااريييدد عووفني
- تقوووى اني شعرفني ليش تذبين الصوج بيه اذا اهلي هيج اني شعليه
- واهلك ع الاساس ماتعرفهم وكعدتني وياهم شكد كتلك ياناس ياعالم عذبوني جاي يأذوني وانتَ تركض بكلامهم ومامصدگني
- انتِ خلي روحج بمكاني شتسوين
- اوكف ويه الحق .. اهلك مجررررميين لوما دافعه راسي لوره ومغمي عليه اني ميييته هسه ميييته اذا اكو شي اكبر من القتل گلي بيه ختى اكول يكدرن يسوونه .. اني سامعه اليبوك كلشي يسوي بس اليقتل شيسوي بعد ماادري وهسه وخر شويه اريد اروح تأخرت ع الخط راح يعوفوني
- اعزللج وحدج حتى لو تكولين نششيل ببغداد اشيل .. تقوى فدوه تعودت على ضحكتج من ادخل تعودت على دلالج الي من اجي تتلگيني بكلماتج الحلوات .. اشتاقيت لصوتج ببيتنه الحيطان تصرخ عليه صارلي شهر ماداخل للبيت
- ماارجع مامستعده اعيش نفس التجربه أعذرني
- لجج تقووى شأسوي وترجعيلي شأسووي
- لو تريد جان ماطلكت بس همزين الله هداك يمكن
- زمااال غيرر
- باي الخط راح يروح شويه اذا ممكن
عفته ومشيت رحت للخط مالتي كعدت بيه ومخنوگه ..
- بعد لاتحجين وياه احسن راح يبش يرجعج وترجعين لنفس المعاناة
نهى.. لا تشرط عليه يشيل لغير محافظه
- كولي تريدين ترجعيهه؟؟
نهى.. بحيل الله اي
- انتِ صدك تحجين نسيتي الصار وياهه ولو انتِ ماعشتي الرعب العشته اني بس مو صوجج صوجهه هيَ اذا رجعت صدك املخهه
نهى.. لج هاي اختج جذابه بكلمتين منه تذوب وكولي هاي ماكالت جا انتن النسوان انه مااعرفجن سوالفجن كلهه يمي خلوني ساكته .. وبعدين تعاي انتِ ليش لافه شعرج اشو طويل ويخبل فليه يمه فليه خلي الرجال يتخبل
- خايبه مايحبه مفتوح
نهى.. دفليه وماعليج هاي النسوان كلهه مخبله رجولتهه بشعرهن وانتِ لافته. امداني
- خايبه مايحبه والله مايحبه
نهى.. دتعاي اليوم اسويه الج واذا ماظل يتوسده بالليل عاتبيني غير اني مخبله وليد
- هذا وليد مو ماهر
- دتعاي وماعليج
صعدتني لفوك فتحت شعري على طوله وجابته بالمعطرات وبرمت خصلتين وكالتلي حافظي عليه ومن يريد ينام افرشي يم مخدته وما عليج .
بالليل كلش اهلي راحو وصعدنه ننام .. سويت مثل ماكالتي .
هوَ نومني بحضنه مثل يوميه .. بس خليته يغفه سويت الخطه .. فرشت شعري وجبت خصله خليتهه بخشمه خل يشتمهه بلكي يظل يحبه .
ماكو ماكعد يشتم .. اخر شي حطيت شعري كله على يم راسه وخصل بعثرتهن على وجهه ونمت فقيره كلشي مامسويه .
كعدت بالليل يمكن بالـ2 .. على صوته بإسمي وينده بيه
- ثُرىٰ .. لج ثُرىٰ
- همم
- گعدي لفي شعرج شسوي بيه اليوم
- ها شنو
لزم لحيته وطلع شعرايه
- لج شعرج لزگ بلحيتي لفيه لخاطر الله غير كتلج لتفتحيه
- ياا ليش ماتحبه
- شو تعالي
دارني عليه ولفه كعكه ورجع نام .. بائت خططج بالفشل كله من وراج نهى .
شويه واندگ الباب گمت فتحته لكيتهه موج تبجي والعيون مورمه .
- شكو شبيج؟؟
موج.. ثُرىٰ اني رايحه انتحر
- عزززا شكووو؟؟
أنـا الذي بين شامتك و هدب
عــيـنـك أزور سـبـع مَجـرات."
~~~~~~~~~~~~~~~~~~~~~~~~~
ثُرىٰ . . .
شويه واندگ الباب گمت فتحته لكيتهه موج تبجي والعيون مورمه .
- شكو شبيج؟؟
موج.. ثُرىٰ اني رايحه انتحر
- عزززا شكووو؟
موج.. ثُرىٰ انتحر لو لا؟
إحتاريت مدري اضحك مدري ابچي شبيهه البنت يمكن بعدهه نايمه تقربت يمهه حطيت ايدي على خدهه وطبطبت عليه
- موج موج انتِ وين هسه؟ كاعده لو نايمه؟
بجت ووخرت ايدي
موج.. للجج كاعده شبيه تخبلت
- ياااااء اسم الله .. جا شبيج يمه شكو؟
موج.. ماهر كاعد لو نايم؟
- نايم بس غير تحجييين شكووو؟
موج.. اريد اسولفلج بس كون سالفتي مااريد ماهر يسمعهه يمكن يشنقني
- والله ماهر لوتي يلگفهه وهيَ طايره .. اذا بقينه واكفين هنا خل ننزل وسولفيلي
نزلنه لجوه بغرفتهه كعدت مكرفصه وحطت إيديهه على وجهه وظلت تشهگ وتبچي بقوه .
- شكو موج سولفيلي افتحي گلبچ
موج.. راسلت مرتضى كتله معجبه بيك يكلي اني اصلاً مامفكر بيج وباجر راح اخطب .. كسر گلبي ثُرىٰ اني وحده بلا كرامه وبلا إحساس
- هذا منين مرتضى؟
موج.. لج ابن عمتي الاحبه من طرف واحد. لعد نهى ممسولفتلج كالت سولفتلج ؟؟
- ها ها .. اي اتذكرت كملي شبيه
موج.. داگوللج باجر حيخطب واني صارلي سنين افكر بيه من اني صغيره احبه كله بسببه مهتم بيه ومدللني ثُرىٰ اني شبيه مو حلوه ومايحبني؟
- شو بله باوعيلي
كعدت عدل باوعتلي لزمت شعرهه
- اشو شعرج حلو .. بله خل اشوف عيونج ركزت بيهن .. عيونج حلوات .. بله الخشيم خل اشوفه .. امم خشمج حلو وحلكج هم حلو . جا شبيه بعد هذا الاغبر
- ثُرىٰ كون ميته ولا هيج رافضني اني غبييه عبالي يحبني رحت راسلته وين عقلي من راسلته وووين .. شو بله باوعيلي بيه سلبيات
- شو خل اشوفج
باوعتلهه مركزه
- مابيج شي مو حلو. ها ها تذكرت بس صوتج شويه نواصه توصوصين توصوص اليسمعج يكول تتعاير بس هيَ نبرة صوتج هاي
- لعد شأسوي
- لاتسوين شي المايريدني مااريده
موج.. اني رايحه اقتل نفسي
- ياااا اكعدي يمه
موج.. لج ميحبني شلون هسه اني احبه شنو ميريدني
- ديله بله شو كومي خل ناخذ تفگ وندگهم احسن .. ولج مايريدج مايرريددج قابل تذبين روحج عليه
موج.. الله ليوفقه علقني بيه
- اني انسيجياه وداعتج مادام اني موجوده مااخليج تفكرين بيه
موج.. اي فدوه ثُرىٰ ونسيني ولاتخليني افكر بيه لان بس انقهر شعري يبقه يوگع وراسي يأذيني وگلبي يوكف واموت
- ان شاء الله اني وياج مااعوفج وهسه تغطي زين ونامي راح يگعد ماهر ويكشفنه .. رايحه
رجعت للغرفه دحست روحي ونمت هاي شكد فطيره البنت ظليت افكر بيهه كسرت خاطري ضعيفه وماعدهه شخصيه قلقتني عليهه ظليت احوس اريد انام ماكو .. ماهر حس عليه .. فتح عيونه منعس باوعلي :-
- ثُرىٰ؟؟ وين جنتي؟
- جنت جوه
- شتسوين؟
- ااءء صاحتني موج اروح وياهه للحمامات
- تخاف شنو؟
- اي تخاف
- لعد مو عدنه هنا حمامات
- لا هيَ رادتني ننزل جوه هم خطيه جوعانه
- هاا تمام لعد خل نرجع ننام
رجعت تمددت والنومه طارت بعد شيرجعها .
كعدت الصبح على صوت دگة الباب وام ماهر تلعلع
ام ماهر.. متگعدين الا اني اصعدلج
اني ظليت بنومتي مغلسه .. خل ماهر يفتح الباب مابيه حيل رزاله من الصبح .
گام ماهر فتح الباب وهيَ إنهدت بيه
ام ماهر.. يعني بيش الساعه تگعدون هسه بـالـ9
ماهر.. ييوووم شعددنه؟؟ عطله ونريد ننام
ام ماهر.. شنو إلىٰ متى عرسان خلص العرس وفض بعد شكو نايمين اكعددو
ماهر.. ليش بس العريس ينام ؟
ام ماهر.. انزلوو لوحدكم يعني الا اني اصعدلكم
- يوم والله إذا تكرر هالموقف اتصرف غير تصرف مطلعت هاي يوميه تكعدينه بهالطريقه جهال احنه شنوو؟؟
ام ماهر.. لعد اكعدو من كيفكم واني مااصعد .. دكافي نوم مشبعتو النوم مفاد أهل الگبور
ماهر.. بكييفنه ييوم بككيفنه .. تره بعدني مناسي سالفتج مال ابويه ومنسيت شرطي عليج وداحجي وياج هسه حتى متكررين هالموقف وبعد من هاللحظه أي كلام ميجمعنه
ام ماهر.. لك مو امك اني لو لا؟؟
- كتلج اذا تروحين لاامي ولااعرفج
ام ماهر.. ظل بكيفك اني مخسرانه شي
- ولا آني
حضرت ملابس ماهر وبدلت ونزلت .. ناس قليل تجي كلهه باركتلنه .
نزل ماهر راح يم اصدقائه وبقيت اني بالمطبخ محتاره شأسوي . موج تبقه نايمه بـ12 يلا تگعد
اجت ام ماهر وگفت على راسي بالمطبخ وتخوزر بيه اني سألتهه لان محتاره شأسوي للغده :-
- عمه شأسوي
ام ماهر.. سوي غدده لعد شتسوين
- اي مثل شنو ؟ دجاج سمج لحم شنو تحبون بالضبط واني اطبخ
ام ماهر.. سوي مرگة فاصوليا
- وين تلحگ لازم تتنكع من الليل
ام ماهر.. منگعتي لعد شبيج فاهيه
- شدراني شتحبون
ام ماهر.. لعد سوي بكيفج
- راح اسوي برياني
ام ماهر.. تمام واني ابقه هنا اشوف نظافتج
شدوا روسكم يگرعان يعني ماراح تخليني اعرف اطبخ ابدد .
حضروت المواد وسلكت الدجاج وثرمته وحمسته .. وهيَ كلساع لاتسوين هيج لاتجيبين هيج .
كعدت موج .. غسلت واجت للمطبخ تريد تحمي الچاي سألتني
موج.. اكلج ثُرىٰ وين الجداحه
- الجداحه الصفره؟
موج.. اي هيَ
- بيهه صورة لاعب
موج..اي اي
- وبيهه بالنهاية لايت ومن تدوسين الدگمه يشتغل ومن توخرين ايدج يطفه وحتى بيهه غاز للنص
موج.. لج اي اي هيَ مشفتيهه
- لا والله ماشفتهه
موج.. ههههههه لج صارلج ساعه تقشمرين عليه ههههههه
ظلينه نضحك اني وموج واشو المره هدت عليه بذيج الرزاله
ام ماهر.. انتِ صدك متستحين تقشمرين عليهه شنو متشوفيهه هسه كاعده والواحد من يكعد خلگه بخشمه وانتِ تتلگيهه بهالتصرفات
موج.. شنو شبيج يوووم دنتشاقه
ام ماهر.. هوَ هذا شقه؟؟
موج.. يوووم شسالفه تريدين حجّه حتى تحجين على البنيه تره غيرت مزاجي رغم ضايجه بس هسه انتِ بكلماتج ذني ضوجتيني
ام ماهر.. انتِ لتنطيهه مجال تره الي مثلهه مو مال واحد ينطيهم عين
موج..يووووم شسالفه كاافي حتى ريوك مااريد
خلت وراحت واني ساكته .. خليتهه بمكانهه واگفه ورحت للصاله .. لكيت موج كاعده ع القنفه مكتفه ايديهه وتهز برجلهه ضايجه
من دخلت وكفت تتعذر مني
موج.. ثُرىٰ مسحيهه بوجهي اني آسفه نيابة عن امي والله رغم شبعت ضحك بس ضوجتني من صدك
- عادي حبيبتي لاتضوجين ماعليج انتِ
موج.. مااعرف شبيهه ماما هالايام
- الله يهديهه عليه وتظل تحبني
موج.. ان شاء الله
صارت بـ12 اني مكمله الغده وجاي احضر بالسفره .. هيَ اجت تتأمر عليه واني اگول امي ميخالف بس هيَ لا تتأمر عبالك خدامه جوه إيدهه .
إجه ماهر صعدت وراه .. انطيته ملابسه وصلينه ونزلنه نتغده .
صبيت الغده وظلينه نتغده .. هيَ تجيب الاكل وتحط مقابيل ماهر .. هوَ مامهتم ماياخذ منهه اصلاً .
گالتله :-
ام ماهر.. اكولك ماهر مشفت بيتنه الي ببغدادشوكت نشيل بيه طگت روحي اريد ارجع لبغداد
ماهر.. موج من يمج انطيني اللبن
هيَ سكتت عرفت مايريد يحچي وياهه ..
