رواية هشاشة قلب الفصل الثالث والثلاثون بقلم العباديه
لا تفرطي برجلٍ يشاطركِ رغيف قلبه يقسم الأغنية لنصفين ڪُلما شعرتما بـجو؏ المشاعر ♡
~~~~~~~~~~~~~~~~~~~~~~~~~
ثُرىٰ . . .
ظليت محتاره شلون بيه بهالسالفه .. أتذكر من اخذت الصور شلون ماهر نبه عليه وكال صورة ماتطلع وماخله ولا كائن يصور اصلاً يتخبل من موضوع الصور بس ذكراه يمه يخليه يعصب تلقائياً .
ظليت أرجف ومحتاره شأسوي بهاي الحاله ؟!
ذبيت الموبايل وگلت اجيس نبضه مثل مايكولون اشوفه شيحچي شيگول .. گتله :-
- ماهر نهى تريد صورنه مال العرس ادزهن الهه؟؟
- ابددد.. تدرين بيه اتخبل من سالفة الصور وخصوصاً ع النت كلشي يصير بله راحت الصور شنسوي بهالحاله؟ تريد من تجي ختشوفهن بس مال تدزيهن لااا لااا نهائياً مااقبل
سكتت ودنگت الخوف بداخلي زاد إذا يدري بيه دازتهن شيسوي؟؟
هوَ باوعلي بنظرات شك ورفع حاجبه. هز راسه بتساؤل وكال :-
- هاا ثُرىٰ؟؟
- هاا؟؟
- نستلم أول مصيبه ونگول الوو ؟؟
- هههههه يااا لا عمي فقيره اني
- ههههه فقيره؟؟ ميخالف فقيره فقيره .. ياخبر اليوم بفلوس باجر بلاش
سكتت وظليت أطگطگ بأصابيعي والزمان حاير بيه . شأسوي بهاي المصيبه؟
الحساب نشط ومايسجل دخول شأسوي شأسوي.. احس عقلي وكف وتفكيري إنحصر بدائرة مغلقه .
كمت طفيت التلفزيون ونمنا .. ظل يحضن بيه ويطبع بوسات على خدودي ويگرص بيهن حتى يبلش ليلة مليئه بالرومانسيه .
••
كعدت الصبح اليوم من وكت حتى ام ماهر ماتلگه حجه عليه سبحت ولفيت الشال وطفرت للمطبخ .. نظفت وسويت الريوگ وبلشت بالغده وهمه نايمين
كعدت ام ماهر واني كاعده بالمطبخ على الكرسي وإيدي على خدي صافنه وافكر بمصيبتي .. هيَ مغمضه وتمشي النعاس بعده بعيونهه بس مفتحه تك عين والضوه يزعجهه .
مرت من يمي ولا منتبهه لوجودي ماعبالك مره شكبراتني كدامهه .
مشت شويه ورجعت ركض عليه يمكن إنتبهت .. فتحت عيونهه مستغربه منظرهه يضحك اني ضحكت هيَ تقربت يمي حطت ايدهه على متني .
ام ماهر.. انتِ حقيقيه؟؟
- هههههه لا شبح
ام ماهر.. ووسم شو تضحكين دتضحكين عليه شنو؟؟
- لا عمه بس تكولين حقيقيه شلقضيه قابل مزيفه
ام ماهر.. اي مو مصدومه كاعده من وكت اليوم .. ولابسه شال عبالك عجوز
هزت إيدهه ومشت .. وكفت ورجعت عليه . خصمت عينهه بخبث ومبتسمة تك خد .
ام ماهر.. شنو اليوم ليش لابسه شال؟
- هاا؟
ام ماهر.. نزعي دشوف بله
- شتشوفين؟
ام ماهر.. دنززعي
اجت عليه تسحب بالشال واني مچلبه بي وأضحك .. ظلت تضرب بخفه على ظهري وتريدني انزعه
- عمممه شسالفه
ام ماهر.. نزول عليج دشوفهن
- يااااء
ضحكت وشردت من يمهه .. ظلت تباوعلي بحقد وتلملم بأصابعهه عود آنه إلچ.
حضرت الريوگ وكعدّت ماهر وموج وكعدنه نتريگ .. وهيَ بلشت
ام ماهر.. اكولك ماهر
سكت.
ام ماهر.. مااااهررر مو داحجي وياك اني لو لا؟
رفع راسه ببرود .. هز راسه وهمس :-
- هـاا؟؟
ام ماهر.. لعد من اصيحلك ليش متجاوبني؟
- هاالشي يرجعلي
ام ماهر.. شوكت تاخذ مرتك لااهلهه؟؟
رفع راسه باوعلي ورجع باوعلهه
- ليش؟
ام ماهر.. شنو ليش البنيه مشتاقه لااهلهه
- هيَ كالتلج؟؟ شكت عندج شي؟؟
ام ماهر.. لا
- لعد هاي هيه اني وياهه متفاهمين وهالشي يكفي شوكت متشتاق لااهلهه تجي تگوللي وآني آخذهه
ام ماهر.. اييييي ايييي هيَ كالتلي اليوم بالمطبخ كالت ماهر مياخذني لااهلي
- يووووووم كااافي
ام ماهر.. لك انتَ شبيك اني امك لتعيط عليه
- لعد شتريدين اسوي؟ تتدخلين بحياتي ودتحاولين تسوين مشكله شأسوي بله كوليليي انتِ؟؟ يعني مناكل لگمة اذا متسوين مشكله؟؟
ام ماهر.. هسه اني شكلتتتت بس فهمني شكللتت ومن شوكت آني اسوي مشاكل؟؟
- كاافي يووم كاافي بلشت أمل .. تره هم بشر وهم اتحمل اذا تبقين تحملين عليه كله نگ نگ نگ أنفجججرررررر
ام ماهر.. ظل ظل بكيفك اني شعليه
- اي من اول وهيج كلتيهه بلسانج...شعللييجج
ام ماهر.. اي ظل هم اني ليش حاركه نفسي
خله وگام .. تره بس يصير وقت الأكل هيَ تكوم تحرگ بيه لازم تسويلهه مشكله وتحرمه من الاكل وهاي مو اول مره دوم تسويهه .
حتى الواحد تنسد نفسه يكعد من الصبح مشكله .
كمت وراه :-
- ماهر اجيبلك ريوگ لهنا؟
- مااريد انسدت نفسي
- جا تبقه بدون اكل؟
- ميخالف مااريد شي .. ثُرىٰ تريدين تروحين لااهلج؟
- بكيفك
- يعني آخذج؟ اذا مشتاقتلهم كوليلي
- اي مشتاقتلهم بس اذا ماتكدر خليهه على غير مره
- لا لا باجر آخذج .. زين يومين كل شهر يكفي؟
- نهى تروحلهم تظل 4 أيام
- معليه بنهى اني اريدج يمي
- قليل والله زين هاي كل شگد؟
- كل شهر
- حباب ماهر زودهن والله ماالحگ نتشاوف واشبع منهم
- اخذوج مني صارلهم 22 سنه كلش كافي شبعو منج اصلاً
- ياااا ههههه
- هسه يومين هاي هيه؟
- لا حباب فدوه زودهن
- امم يلا 3 أيام
- ههههه كاتل روحك
- اصلاً على أعصابي ههههه
- ميخالف عمي موافقه
نزلت جوه اجتني موج تركض
موج.. ثُرىٰ ثُرىٰ تعالي شوفي
- شنو شأشوف؟
موج.. مرتضى راسلني
- شيريد
موج.. يريدني هههه لج فرحانه
- هوَ شنو الموضوع؟؟ شنو يريدج شنو فرحانه؟؟
موج.. هستوه راسلني كال اني معجب بيج بس مااكدر اخطبج لازم اتعرف عليج
- ييااا چا وين جان عنج؟؟ شنو غريب ويتعرف عليج
موج.. لا يعني يتعرف على اطباعي ويشوف تصرفاتي وبعدين يجي يخطبني ونتزوج ونعيش عيشه سعيده
- هههههه صدگ ضحكتيني هههههاي
موج..شبيج
- هذا يضحك عليج بابا يريد يتونس والله
موج.. شنو يضحك عليه؟؟ ابن عمتي ميضحك عليه
- موج تره كلهم يغشوج بمظاهرهم وكلامهم المعسول يريدج يجي يخطبج شفتي ماهر لاحچه وياي كلام ولا وهمني اجه وخطب
موج.. لا مرتضى مو هيج ميقشمرني ولا يضحك عليه
- بكيفج
موج.. اصلاً هسه حيجي ياخذني بالسياره نروح نتغده بمطعم
- عززززه موج صددك تحجييين
موج.. اي وربي صدوك احجي
- وشلون يجيج؟ وشتكولين لااهلج؟
موج.. شنو اكول لماما رايحه ويه صديقاتي وهيَ عدهه عادي واروح وياه نتغده ونفتر شويه ونرجع
- لا انتِ صدك تخبلتي .. ولج هذا يضحك عليج بله اخذج لشقه؟؟ بله شو شسوه بيج منين تلزمينهه؟؟ موج اكعدي واسكتي ماتروحين لأي مكان
موج.. لا اروح شنو هيَ بكيفج اشو دتتحكمين بيه عبالك امي
- اني احجي لمصلحتج مااحط شي بجيبي بس لاتروحين
موج.. لا اني هسه رايحه اخابره ونطلع واشوفج شلون تمنعيني
- مووووووج
خلت ومشت صحت وراهه
- موج والله العظيم اذا رحتي اگول لماهر .
مشت خطوه وصحت وراهه مره ثانيه
- حلففتتتت تررره
رجعت عليه ظلت تصرخ وتبجي وتضرب بإيديهه على متوني
موج.. لج شعلييج انتٍ شعلييجج بيه؟؟
- لمصلحتج احجي لمصلحتججج
موج.. مااريد مصلحتي مااريدهه بس معليج بيه اني احبه وهوَ يحبني لتتدخلين بينه خليج بعيده عن حياتي !!
ظليت صافنه بيهه ومصدومه شأحچي ماادري ؟
- نسيتي حچينه ذاك اليوم مو گلنه نطلعه من حياتج وتنسيه؟
موج.. مااگدر مااگدر احبببه
- وتخسرين نفسج على موووددده؟
موج.. ايييي
- ظلي بتفكيرج وراسليه عادي بس اذا طلعتي مااگدر مااتصرف انتِ اختي الثانيه واني العليه اسويه وانصحج ومااخليج تتصرفين تصرف غلط
موج.. رفعي ايدج مني ولتسوين أي شي هالشي كلش كافي عليه
- ان شاء الله مااسوي شي خليج حتى تتندمين على تصرفاتج بس مال طلعه مااسكت
موج.. بكيفي ولتستكتين متخوفيني
سكتت بعد ماجاوبت وهيَ خلتني وراحت .. لاتسوي زين شر مايجيك .
ماهر كاعد جوه بالصاله حاط الحاسبه وماادري شيسوي بيهه واني يمه مااسوي أي شي كمت
رحت خابرت نهى سألتهه على الحساب كالت بعده نشط .
اني هسه شأسوي ياربي .
جاي نسولف وراسلتني صديقتي فاطمه .. كتلهه على مصيبتي كالت :-
- اكلج ثُرىٰ اكو ولد يسترجع الحسابات بس راسليه يرجعه الج
- عزززززه حتى ماهر يشنقني
- راسليه يختي ولاتنفضحين صورج تطش بكل مكان وتصير فوگ الفضيحه فضيحتين .. ادري لطشتي بهذا الحساب ماعندج غيره
- خايبه مو مااعرف اسوي
- ماكلتي لماهر يسويلج جديد
- عود كلت غير استرجعته بعد المن مسويه شدرااني بمصيبتي شددرااني
- دروحي راسليه هذا الولد على الانستا اني استرجع حسابي هم
- اكلج خايفه خاف يشوفه ماهر
- هوَ شنو راسليه يسترجع حسابج وبعدهه الزگيه بحظر
- ها خوش فكره رايحه اراسله
طلعت الحساب وظليت صافنه عليه اراسل لو لا .. يارب دليني ع الطريق الصحيح .. ظليت ادعي واحساس الخوف متملكني .. اخر شي تشجعت وراسلته .
••
وقفة :- صديقاتي العزيزات قبل لاتبدون تقرون هالفقرة حبيت ابلغكم بخصوص
المحادثة بين ثرى وشخصية ثانية من البصرة
راح انزلة الكم نصاً مثل ما وصلني بدون أي اضافة مني قسماً بالله .. أهل المحافظتين اتشرف بيهم وعلى راسي ماكو فرق بين هذا وذاك .. الناصريه محافظتي واهل البصرة كلهم اهلنه وأقاربي نصهه من محافظة البصرة .. هذا نص المحادثه مو تقليل من قيمة محافظة وثانيه فقط انقل القصه مثل موصلتني وهاي كانت وسيله حتى ينسحب لسان ثُرىٰ وتطول المحادثه .
ف خلونا نتفق والي اطلبة منكم بدون تعليقات جارحة رجاءاً كل متابع تعليقة يعكس اخلاقه وشكراً .
••
وهسه نرجع لثُرىٰ .
دخلت للولد كتبتله :-
- السلامُ عليكم أخي اني حسابي على الفيس إخترقوه وسمعت بيك تسترجع حسابات عفيه اذا تكدر تسترجعه إليه لان بيه خصوصيات عائليه
شويه وجاوبني كال :-
- اهلاً وسهلاً أي أگدر استرجعه بس انطيني الإيميل ورمزه
- خاف تدخل للمحادثات؟
- لا ثقي بالله محادثه ماادخل والله العظيم وتكدرين تسألين الاشخاص الي استرجعت إلهم حساباتهم وبس ارجعه الج رأساً غيري الرمز ينغلق من يمي
- هاا زين
رديتله الايميل ورقمه .. شويه واجن رموز على الايميل ومحاولات تسجيل دخول لما دخللي كال
- هاي هيه استرجعته وافضل بعد لتأمنين بيه
- لا لا والله التوبه
دزلي الرمز ورأساً رحت غيرته شويه ودزلي
- هههه شوكت لحگتي تطفرين غيرتيه ورجعتي
- اي جا شلون غير اكون حريصه
هـه اكون حريصه واني رحت دزيت الصور وادري الحساب مخترقينه امده حظي .. بس شدراني غير ماهر كال أمنته .
- اكلك اني الحساب مأمنته قبل شلون اخترقوه؟
- مخترقينه قبل؟
- اي
- مادام عدهم الإيميل يكدرون يرجعون يخترقونه لو مو تأمين
- ورمز الإيميل شلون؟
- هاي مخترقه واحد محترف جا تريدين يخترقونه ذوله المبتدئين
- هاا
شويه ودزلي
- انتِ متزوجه؟
- ليشش؟؟
- مو شفت الحساب عزباء كلت اكيد ممتزوجه
- اي
- هااا
- من الناصريه موو؟؟
- اي ليش
اني حاطه معلومات بالحساب موقعي ودراستي وذني المعلومات مال الحساب الشخصي
- هههه لا بس تذكرت بالكليه اكو بنات هواي جكمات تخيلتج وحده من عدهن هههه
- يحح لا والله شبينه اشو نخبل
- منيلجن تخبلن كله لطخ ومكياج كل وحده حاطه طن على وجهه
رحت دخلت لحسابه لكيته من البصره كاتبهه جوه ونزلت بيه
- ع الاساس انتم توم كروز هالله وتريد تقنعني بناتكم ماتلطخ؟؟
- احنه نخبل وبيوتنه مو طين مثلكم
- هاي منين جبتهه بيوتنه من طين ؟
- سمعت بس خوش طينات .. عاد يصبن عليكم بالمطر لو لا؟
- لا لا والله مو طين بيوتنه شلقضيه وين عايشين .. لازم بيتكم من طين وعبالك بيتنه من طين كل واحد يشوف بعين طبعه تره
- هههه اصلاً بيتنه حلو وغاطين
- اي قصر شعشوع ؟؟ هههه غاطيين؟؟ هههههاي
- شبيج
- غاطين ويقلد فوگاهه هههه
- لاتخليني اجي ازلقج
- يبووو يزلقني ههههه
- خايبه اسكتي غير انتِ تحبيني !
- شنوو؟؟
- اي انتِ تحبيني !!
- شنو احبك؟؟
- مادام راسلتيني يعني تحبيني وتموتين عليه
( لا والله هاي كل التريد تسترجعلهم حساباتهم يحبونك؟؟ خوش والله خاب دطير عوزي اني بس انتَ ماصدكت تلطش بوحده تهي بهي روح بابا روح نام احسللك)
بعدني مادزاتهه انفتح الباب ودخل ماهر مستعجل
- ثُرىٰ ثُرىٰ القميص الصحراوي والبنـ..
من شاف ملامحي الخايفه صفن .. واني من غبائي وإرتباكي رأساً وگفت وانبهت لوني !
الموبايل بإيدي وأرجف .. عگد حاجبه يباوعلي تقرب يمي واني ماادري شلون الموبايل طفر من إيدي وظليت ابلعم .
استغرب وظل متفاجئ دنگ شال الموبايل واني عطت
- لااا لاا جيييبه
خزرني ووسع عيونه حيل ! أشرلي بإصبعه على حلگه بمعنى إشش ودنگ راسه ع الموبايل
أرجوك أن كان في قلبك شيئاً ما فقل لي ،
أن كـان عـتـابـاً أو حِـزناً ،
لا تجـعـل تـلـك الحـواجـز تـحـول بيننا ،
أخاف مـن يـومً . .
تـكـون هـٰـذه الأحـرف سببـاً فـي فـراقـنـا . .
فأرجَـو ألا تخبـئَهُ في جوفـك .
~~~~~~~~~~~~~~~~~~~~~~~~~
ثُرىٰ . . .
بعدني مادزاة الرزاله الكتبتهه إله .. وانفتح الباب .. دخل ماهر مستعجل
- ثُرىٰ ثُرىٰ القميص الصحراوي والبنـ..
من شاف ملامحي الخايفه صفن .. واني من غبائي وإرتباكي رأساً وگفت وانبهت لوني !
الموبايل بإيدي وأرجف .. عگد حاجبه يباوعلي تقرب يمي واني ماادري شلون الموبايل طفر من إيدي وظليت ابلعم .
استغرب وظل متفاجئ دنگ شال الموبايل واني عطت
- لااا لاا جيييبه
خزرني ووسع عيونه حيل ! أشرلي بإصبعه على حلگه بمعنى إشش ودنگ راسه ع الموبايل
يشغل بيه مايشتغل !!
ضغط على الدكمة مال إعادة التشغيل وإشتغل .. يعني طفه صخام بوجهي راحت الرساله هسه مايلگاهه اكيد.
الموبايل يشتغل بإيده وهوَ يباوعلي بتمعن ويتفحص ملامح وجهي المرتبكه .. صفن بوجهي واني عيوني مااحطهه بعيونه ..
نتر :-
- شكو ثُرىٰ؟؟ قبل لاافتح الموبايل شمسويه؟؟ احجيللي
حطيت إيدي على وجهي وبچيت ..ظليت اشهگ هم من الخوف وهم من نظراته احسهه تعاتبني احس گلبي راح يطفر من دكاته السريعه.
فتح الموبايل وراح على آخر برنامج مستخدمته .. گلّب شويه وظل يباوع .. حواجبه بلشت تنعگد شويه شويه .. الشرايين البرگبته تتحرگ ووجهه طفر دم .. وسع عيوونه حييل ورفع راسه عليه مصدوم !
همس وملامح الصدمه تعتلي وجهه :-
- ممتزوجه !!!!!
- ماهرر ...
عاط بصوت عالي فززني :-
- اششش
حچه بنبرة إستهزاء :-
- خنكمل نشوف بعد شكو هـه
رجع يقره وعصر عيونه حيل ورفع إيده بكل قوته .. مااحسلك الا الموبايل انركع بالميز مال المرايه خلاهه تصير رماد .. نزيت وعطت .
جسمي كله ظل يرجف .. ظل يعيط بعلو صوته ووجهه أحمر شرايينه كلهه برزت ويشيل يروحه ويدگهه
- شنو هااايي صخااام وجهجججج شنوو هاااي؟؟
ظليت ساكته وجسمي مثل الگصبه يرجف .. يعيط بكل صوته ووجهه مدخن
- لجج ليشششش انيييي شمحذذررج شكااايييلل تروحيين تراسليييننن؟؟؟ !!!! تراسللييين ثُرررىٰ؟؟؟ مداصدددك ياااناااس ياااعالم مدداصدددك .. شسووويت عند رربي شسووويت حتى ابتلييي هيج بلووووة اول شي ذيج الادبسسزز وهسه اااااانتِ؟؟؟
فرك وجهه حيل وظل يضرب بالميز .. طشر الغراض وكسر الغرفه تكسير .. إمه وموج دخلن يركضن واني بس واگفه ارجف وابجي
ام ماهر.. شكو يوم شكوو شبيج معصب
- اطعللوووووو
ام ماهر.. مااهرر على كيفك ويه نفسك
- اطعلوووو داكوووول اطللعووو
ماطلعن ظلن يريدن يشوفن شكو .. سحب إمه من إيدهه وموج هم .. سحبهن إثنينهن طلعهن وسد الباب.
يفتح بعيونه حيل ويرجع يغمض
- كلشي توووقعت كلشششي الا هاااي السالفه ابدد ممتوقعهه ومنين؟؟ منج انتِ؟؟ لا مستحيل .. شنو شبيه كلههه تخوننييي ليشششش بيه نقصص؟؟ مااعجبجنننن انيي تروحن للهتليه والمسقطييين اخلاق ماعدهم لج باااعي شكله بااعي هذا مداس للحمام مااخليييه
ابجي بقهر وانحب كتله بصوت متوسل :-
- ماهر والله علمود الحساب
تقدم عليه بحركه سريعه لزمني من فكي وعصره حييل حسيت العظام گام يتطاگگن .
- لججج اني محذذرجج من الصوور لووو لااا .. واني شنوو هنا غييرر تجين تكوووليييلي
- خففت والله خففتت
- احسلللج هسسسه من هانج انيي مرتي يكلهه مدام راسلتيني تحبييني .. راح انجلطط تحبييينه؟؟؟؟ تعرفين قصده شنوو؟؟ يعني تراسسللين ولللدد عرفتيي قصده لوو لاا؟؟
- لا والله بحياتي مامراسله ولـ...
بعدني اريد اكمل حجي واجاني راشدي يهففف راسي افتر فرر واحس روحي دخت وإذني طاارت خدي كله خدر احسه نمّل .. فقدت توازني وطحت .. مباشرةً راسي إجه على حافة الخشبه مال الچربايه وبعد ماحسيت على شي .
كعدت على برودة ماي على وجهي .. فتحت عيوني وأحس راسي ثگيل والوجع كاتلني اريد ارفع راسي مااكدر .
موج كاعده يمي وتگعد بيه .. اول ماشفتهه بجيت عبالك تذكرت الصار .. تلمست گصتي لان أحس بألم فضيع نزلت إيدي شفتهه كلهه دم .
ظليت اشهگ وابجي بغزارة .. احس دموعي ماتنشف شكد ماابجي ماينفع .. البگلبي مااعبر عنه بدموع .
ساعدتني موج كعدتني على الجربايه .. اباوع لاأنحاء الغرفه عبارة عن قطع صغيره مكسره تكسر .
سألت موج عليه :-
- ماهر وين؟
موج.. طلع مااعرف وين
حطيت راسي على رجليه وظليت ابجي .. شويه ودخلت ام ماهر هاده
ام ماهر.. لجج شسويتي لاإبني شسوويتي الولد حينجلط من وراج شمسويه من كارثه احجيي
سكتت ماإلي خلگ احجي ولا إلي خلگ اتجادل وياهه .. من شافتني ساكته وهيَ عصبيه اجت بخطوه سريعه لزمتني من شعري وظلت تعت بيه .. اني راسي يوجعني من الضربه ومنا تجر بيه ظليت اصرخ وابجي
موج.. يوووم عوفيهه شنو سالفتج
ام ماهر.. لجج حقييررةة ادبسسزز بنت الفگوور انتِ هيج تسوين ويه ابنيي والله ادفنج وانتِ عايشه .. عبالج معرفت اني غبيه قابل.. لجج ام الولدد تراسلين من وره ابني ياطايحة الحظ صوچه هوَ كتله ذني يلتف ع الزلم. من اختج التفت على وليدد عرفت طينتجن شنوو
- آيييي
ظلت تعت بشعري واني ابجي واعيط .. بهالأثناء دخل وليد يركض شافهه متهجمه عليه وخرهه مني وظل يصيح
وليد.. شنو السالفه
ام ماهر.. لك عوفنيي عليهه خل اشفي غليليي بيههه عوووفنييي
وليدد.. كاااافيييي شبيكمم تخبلتوو صغارر شنو حتى اعللمم بيككم
ام ماهرر... اخخ لو الزمجج اخخخ
طلعهه وليد من الغرفه واني گعدت بالگاع مكرفصه وابچي .. كله من وراي المن دزيت الصور .. تذكرت نهى هيَ الكالتلي كمت لوليد اخذت منه موبايله وخابرتهه .. اول ماردت كالت :-
نهى.. هاا وليد بشرني شلونهه ثُرىٰ
- كلله من ووررااج نهىىىى دمرتيييني شسووين بالصوور شسووين بيهننن هسه ارتاحيتتيي من صار بيه هييجج اكيد هسه ماهر يطلكنني اني غبيييه وادري برووحي انتِ شنوو؟؟ ليشش هيج تسوين وياي ليشش اكثر من مره تورطيني وياج وبعدين اني اطيح بيهه اني مو اختج بدل ماتنصحينيي هيج تسووين
نهى.. ثُرىٰ ثُرىٰ على كيفج شبيج هاده عليه وعبالك اني متقصده هيج اسوي؟؟ طلبت منج الصور ودزيتيهن لان ردت اراويهن لصديقة جنات بلكي تفك ياخه عنج اني هم صوجي اسوي زين
- لاتسوووين ززينن لاتسووين بس عوفينيي بحالييي
نهى... كاافييي هاي هيه روحي الله وياج اني وحده ادبسز هم صدك كلامج شعندي مدخله روحي بالنص
سدته بوجهي واني ظليت املخ بروحي محتاره بيمن اطلع حرگتي .. احس ناارر مشتعله بداخلي ماجاي تطفه شيطفيهه شيطفيههه..
اجه وليد كال :-
- ثُرىٰ تحتاجين مستشفى؟؟
- موت يلفينيي شأسوي بالمستشفى خليني هنا بلكي اموت واخلص
وليدد.. ثُرىٰ مو وقت هالكلام راسج دينزف بيه دم ضربتج قويه
- خليييه ولييد خلييه
ظل واكف .. يحاول يقنعني .. صفنت ورفع راسي سألته :-
- وليد منو كالك؟
وليد.. شنو منو گاللي؟
- انتَ ليش اجيت لهنا؟؟
وليد.. هيج صدفه
إنهاريت وظليت ابجي بهستيريا .
- جذذب والله جذذذب هوَ دزك هووَ
وليد.. منو هوَ؟؟
- لاتسوي روحك ماتعرف شي ماهر دزك مو؟
وليد.. لا
رديت بصوت باكي وعيوني ماتوقفن دموع .
- والله هوَ دزك
سكت وطلع .. انتجيت ع الحايط وظليت اضرب براسي بيه وألوم بروحي وأتذكر همساته وصوته وضحكته .
دخلت موج هم خايفه ووجهه بيه ملامح قلق
موج.. ثُرىٰ گومي اسبحي واني اساعدج باعي حالج شصاير بيه
- مااريد
موج.. ثُرىٰ ترتاحين صدكيني تسبحين بمي دافي هم راسج يخف ألمه وهم بلكي توقفين بجي
- عساني لاشفت راحه
موج.. لج شبيج كوومي
كاعده مكرفصه كدامي وتحجي وياي بهمس وخايفه عليه .. شفت بيهه حنيته رأساً حضنتهه بقوه وظليت ابجي واشهك بحضنهه .
إنفتح الباب گلبي رجف وسرت رعشه بجسمي .. عبالك حسيت بيه هوَ .. بلعت ريكي ورفعت راسي .
واگف بهيبته ووجهه مغلف بملامح القسوة والبرود عيونه تبث عصبيه بس يتظاهر الهدوء كال بدون مايباوع على جهتي .. ومثبت عيونه بأتجاه مستقيم :-
- طلعيي مووج
موج إنسحبت بدون صوت خايفه .. وسدت الباب وراهه
كال :-
- اعتقد متفقين تروحين لااهلج ف لمي ملابسج داخذج !!
هل ضـرَّ هذا الڪون نبـض لقائنا
أم أن هـٰـذا الحزن أدمـטּ أضلعـي
قُـل للـمـسـافـاتِ البعـيـدةِ بـينـنـا
أرجـو بـحـقِ اللهِ أטּ تـتــواضـعي
~~~~~~~~~~~~~~~~~~~~~~~~~
ثُرىٰ . . .
بوگفته القاسيه وصوته الجامح كال :-
- اعتقد متفقين تروحين لااهلج ف لمي ملابسج داخذج !!
اباوعله بتوسل وعيوني مليانه دموع .. دنگت وظليت بگعدتي .. إلمن رايحه خاف يگول لاإخواني؟؟ يكتلوني اكيد واتطلگ. لا مااروح إلمن رايحه اظل هنا بس خاف مايقبل ويذلني . ياالله فدوه اروحلك شأسوي هسه .
راح فتح الكنتور أخذ ملابسه وراح للحمام .. بدل وإجه وگف يمي ونتر :-
- بعدج لهسه مكايمه؟؟
همست بصوت واهن :-
- مااريد اروح
- چؤؤؤ كومي
سكتت حسيت بس بعد احجي حچايه يطردني .. وگفت توجهت للكنتور كلما اخطي خطوه گلبي يعتصر ألم وانقهر .. طلعت الجنطه وخليت كم قطعه وهوَ گاعد ع الچربايه .. حاط إيديه على رجليه ووجهه بين كفوفه مدنگ ومارفع نظره عليه ابد .. لحد الآن نظره وحده مانظرلي وعينه ماإجت بعيني وهالشي جاي يعذب بيه فوگ عذابي وقهري .
سحبت شال ولفيته هوَ بگعدته ويهز برجله حيل .. بقيت واگفه لابيه احچي ولا بيه اتقرب يمه وگف سحب التيشيرت مالته وزفر نفس .. كال :-
- خليهه للعصر
سكتت. وبگلبي أگول جا المن خليتني ابدل .. هوَ عبالك فهمني رأساً گال :-
- الدنيا الظهر خاف اهلج ينرعبون
خلاني بوگفتي ونزل .. ظليت اباوع بكل مكان واتذكر اني شكد غبيه ماكو اغبىٰ مني اصلاً
كعدت ع الچربايه تعبانه ويائسه شويه وصعدتلي موج
موج.. يلا ثُرىٰ تعالي تغدي
- مااريد
موج.. ثُرىٰ نزلي
- مااشتهي
موج.. اني معليه مجرد عبد مأمور
- شنو؟؟ يعني ماهر وداج؟
موج.. ها لا لا ماما دزتني
- چا مااريد
موج.. تتعالي يلا تغدي ويايه اني اضوج بدونج
سحبتني من إيدي ونزلنه .. لكيتهم طالبين الغده جاهز .. اصلاً منو يشتهي حتى ياكل .. هوَ جان كاعد منتظر الآكل يبرد وعيونه ع التلفزيون .. ظليت صافنه بملامحه يمكن هاي آخر مره اشوفه بيهه ويمكن ارجع أشوفه ماادري هوَ اليحدد هالشي .
بلش ياكل ببرود وعدم شهيه واني هم انقش.. امه تخوزر بيه من كعدت لهسه عيونهه تريد تفترسني تزأر عليه زأر .. موج تسولف وتحاول تغير جو
موج.. خب ثُرىٰ ذاك اليوم رحنه للمنتزه وشفنه قرد اني حطيت إيدي عليه صدوك يسحب اصبعي ويعضه متت من الوجع ظليت اعييط والمنتزه كُله إلتمو عليه بقيت ابجي .. لو شايفه شصار بحالي الكحل مالتي سال والميك آب تخرب ههههه صرت عبالك مُهرج والنـ....
ماهر.. اشششش هددوء
هيَ خنست عود البنت تريد تلطف الجو دنگت راسي بعدما جنت اباوعله .. گمت اول وحده مااشتهي شي اصلاً هيج كاعده وياهم منيلي الشهيه اني .
غسلت وكعدت ع القنفه بالصاله .. كملو لميت المواعين وظليت أغسل بيهن .. موج يمي تسولف عليه وتهدأ بيه
موج.. ماهر يحبج ثُرىٰ وهسه إنجرح من عندج ف انتِ إبتعدي فترة خلي أعصابه تبرد يلا
- هوَ يمكن بعد مايرجعني
موج.. بس يحبج
- ماادري يحلهه ألف حلال .
